لطفاً ضع نجمه ⭐
أرى بك عَالمًا : يَجْعَلني أتنفَسُ بِ إرْتِياح ♪
،
عند الرجال
ابو سلطان: والله ياصقر احنا جايين لك وطالبين القرب منك نبي اختك رنيم لولدنا صقر على سنة الله ورسوله
صقر ابتسم بهدوء: واحنا والله ما بنحصل احسن من سلطان لاختي رنيم
ابو طلال: اجل على بركة الله
،
عند تركي وعبدالعزيز
كانوا قاعدين بالمجلس يسولفون
تركي بقهر: ابوي ما خلاني اسافر
عزيز باستغراب: تسافر
تركي: اي كان ودي اروح لزواج تامر
عزيز : ماشاء الله تامر بيتزوج
تركي بحزن : إي وجدك ماخلاني اروح
عزيز ضحك : ليه
تركي اعطاه نظره : ماادري
عزيز : تبني اكلمه
تركي : ياليت والله
عزيز : اجل ابشر موضوعك عندي ... بس متى العرس
تركي : الاسبوع الجاي
عزيز : وانت ليه تبي تروح من الحين
تركي: لا مو الحين انا بس كنت امهد له الموضوع وهو رفض
عزيز : اجل خلاص خليها علي
،
نزلت رينم مع رهف وهي مره خجلانه سلمت ع ام سلطان وقعدت جمب رهف بحياء
ام سلطان : شلونك يمه رنيم
رنيم :الحمد لله بخير وانتي عساك بخير خالتي
ام سلطان : الحمد لله
ام صقر :يمه رنيم قومي قهوي خالتك والبنات
رنيم قامت : ان شاء الله يمه
رهف قامت من مكانها وقعدت جمب ام سلطان : ها خالتي وش رايك فيها
ام سلطان : ماشاء الله تاخذ القلب ان شاء الله توافق ع سلطان
رهف ابتسمت : ماعليك ي خالتي بتوافق
ام سلطان : ان شاء الله
،
عند الرجال...
كانو صقر وابو سلطان وابو طلال يسلفون سلطان ناظر سام : اقول سام
سام : هلا
سلطان بتوتر: ينفع اقول ل ابوي يسأل صقر لو ان البنت موفقه تكون الحين الشوفه
سام ضحك عليه : وليه مستعجل كذا
سلطان : يااخي السالفه مو استعجال بس مافي داعي نطولها وهي قصيره
سام رفع اكتافه : والله ماادري بس اتوقع عادي
سلطان قام : اجل الحين اقول له وراح قعد جمب ابوه وكلمه
ابو سلطان ناظر سلطان اللي يناظره بترجي ورجع رفع راسه ل صقر : يبه صقر
صقر ناظره بعد ماكان يتكلم مع ابو طلال : هلا عمي
ابو سلطان : وش رايك تاخذ شور رنيم الحين إذا ماعليك زود ونكون النظره الشرعيه الحين بعد..... بس إذا رنيم محتاجه تاخذ وقت عشان تفكر خلاص
صقر قام من مكانه : الحين بروح اسألها ي عمي وراجع وطلع صقر
سلطان ناظر صقر لين اختفى ورجع ناظر ابوه : تتوقع توافق
ابو سلطان : ان شاء الله ي يبه انت لا تشيل هم
سلطان : ان شاء ال وقظع كلامه صوت جواله اللي رن طلعه وابتسم لما شاف انه تركي وجاوب : هلا
تركي بابتسامه : ياهلا والله يالعريس وشلونك
سلطان ابتسم : بخير شلونك انت
تركي : بخير... ها بشرني وش صار
سلطان : الحين دخل صقر يسألها
جاه صوت عزيز: ماعليك بتوافق لا تتوتر
سلطان ابتسم هو ماقال لحد انه تكلم مع رنيم تدفع: ومن قال لك اني متوتر
عزيز : ماادري احساس
سلطان : لا لاتخاف انا مو متوتر لاني واثق انها مابترفضني
تركي : اموووت ياشيخ ع الثقه
سلطان ضحك
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
