لطفاً ضع نجمه⭐.
مُنذ أول إبتسامةٍ رأيتُها على وجهِك، هَمس لي قلبي: نحنُ على وشك الغَرق.
.
.
في بيت الجد الساعة 9:30 pm
كانوا البنات قاعدين فالصاله مع الامهات
كانوا ام طلال وام راكان وام فيصل لابسين عباياتهم لان بيطلعون
ام طلال: وين فيصل تأخرنا
ام فيصل: والله ما ادري عنه قال الحين جايين.. فرح يمه دقي عليه
فرح: طيب يمه .. ودقت عليه
فرح: فيصل
فيصل: هلا
فرح: وينك
فيصل: يلا ٣ دقايق واكون عندكم، قولي لهم يتجهزون
فرح: هم جاهزين اصلاً
فيصل: يلا الحين جاي .. وسكر
فرح: يمه يقول ٣ دقايق
ام فيصل: طيب
ضي: ماشاءالله بنت ميس تجنن
كيان: اي ماشاءالله مرره حلوه
لمى: تشبه ميس كثير
ام فهد: اكيد مو امها.. والله كان ودي اجي معاكم اشوفها بس
قاطعتها ام طلال: عادي حبيبتي ميس طالعه بكره ان شاءالله وبتشوفونها
ام فراس: ان شاءالله
دخل الجد ب ذي اللحظه: السلام عليكم
الكل: وعليكم السلام
شوق: كيفك حالك جدي
الجد: الحمدلله انتوا شلونكم
الكل: الحمدلله
الجد: اقول البسوا الشباب بيدخلون
البنات كلهم لبسوا الحجابات اللي كانوا حاطينها ف رقبتهم
دخلوا الشباب كلهم: السلام عليكم
الكل: هلا وعليكم السلام
مشعل: يمه فيصل برا ينتظركم
قاموا اللي بيطلعون
الجده: يلا يا فارس انا بطلع
الجد: الله معاكم وانتبهوا على نفوسكم
الجده: طيب
وبعد فتره قصيره طلعوا بقية الامهات والاباء والجد وبقوا الشباب والبنات وحدهم
رائد ووسام من اول ما دخلوا ما نزلوا عيونهم عن رهف وفرح وكانوا طايرين من الوناسه بس مو قادرين يقولون لهم شي لان الجد قال لهم ما يتكلمون فالموضوع
تركي: متى بتطلع ميس
تالين: بكره
مشعل: منجد
فرح: اي
كيان: احس في شي غلط
عزيز: وش الغلط
كيان: شلون نستقبل ميس والبيبي كذاا مايجي
وليد: كيف كذا
كيان: يعني لازم نزين البيت ونسوي اجوااء وكذا
ليان: اي صح والله
ريم: فكره حلوه
نور: اجل لازم نطلع نشتري الزينه والا تبون نطلبها من النت؟
رهف: لااااا نبي نطلع نشوف احسن
عزيز بهمس ل تركي: لازم يطلعون طلعه من تحت الارض
تركي: اي والله
البنات ناظروا تركي بترجي
تركي بسرعه: هييييه هييه شفيكم تطالعوني كلكم، مالي شغل فيكم ترا، كل وحده تكلم زوجها
فرح: واللي مو متزوجه
تركي: تكلم اخوها
رهف: غزل كمااان تبي، صح غزل
غزل ضحكت ع تركي اللي كان يأشر لها براسه انها تقول لا
ضي: ترا تركي قاااعد يأشر لها عشان تقول انها ما تبي
البنات بنفس الصوت: ترررركيييي
تركي يمثل الخوف: ها هاا وش فيكم خلاص طيب
الكل كان ميت ضحك عليه
نوف: مين بيودينا
مشعل بحب: انا
نوف ناظرته وسكتت لان الكل كان يناظرهم: بنروح كلنا؟
ليان: انا مافيني حيل والله
نور وشوق وفجر وتاليا ووتين ولمى: وحنا بعد
تالين: براحتكممممم
وليد فتح الواتس ورسل مسج ل كيان
وصل المسج ل كيان وكان من "My soul"
ناظرت وليد اللي ما كان يناظرها ومسوي نفسه مشغول بالجوال
فتحت المسج وقرأته بإستغراب: لا تروحين معهم ابيك بشي
كتبت له بدون اعتراض: طيب
وليد فتح المسج وابتسم
كيان ناظرت البنات: انا ماني جايه
ضي: ليه
كيان: كنسلت مالي خلق
فرح: ما اقول الا مالت عليكم
وناظرت مشعل: اقووول مشعل نلبس الحين والا؟
مشعل: اي
تركي: اجل بنجي معاكم انا وغزل
غزل ناظرت تركي باستغراب
ريم: مو توك تقول ما فيك حيل
تركي: غيرت رايي
ضي: اجل يلا قوموا نلبس
عزيز: وانا جاي معكم ترا
ضي ناظرته وابتسمت له وعزيز ارسل لها بوسه فالهواء بدون ما يلاحظ حد
ريم: اشوف الكل قرر يجي فجأه
نوف: احسن كل ما جا... قطع كلامها الجد وهو داخل
سلطان: هلااا والله جدي
الجد: هلا بك، اقول فرح ورهف وفجر تعالوا معاي
الكل ناظروهم
الشباب فهموا وش يبي الجد منهم
بس البنات استغربوا
فرح ناظرت رهف وفجر: طيب جدي وقامت وقاموا بعدها وطلعوا بعد الجد
لمى: تهقون وش يبي منهم
ريان: جا لهم خطاطيب
البنات بصراخ: وشووووو
عزيز ضحك على صدمتهم: اللي سمعتوه
ضي وكيان بنفس الوقت: مييين
تركي حب يلعب بأعصابهم: ما نعرفهم
ريم بصدمه: ما تعرفوهم وناظرت وسام ورائد بس خالد لا
شوق ناظرت رائد: بس
مشعل: بس وش
شوق: ولاشي
البنات كلهم زعلوا فجأه وصار المكان كله هدوووء
وليد: وش فيكم كذا سكتوا وش صار
كيان بحزن: ولاشي
رائد ووسام كانوا مسوين نفسهم زعلانين وماشيين ع خطة تركي
نوف بانفعال قامت من مكانها: بس ما يصير
ريان: وش اللي ما يصير
نوف امتلت الدموع بعيونها وطلعت ل فوق ع طووول
الشباب انصدموا من ردة فعلها بس البنات فهموا وش فيها
مشعل بصدمه: شفييها نوف
وطلع بعدها يشوف وش فيها
البنات حقروه وما ردوا عليه
عزيز: وش صار
ضي ناظرت عزيز ودموعها على وشك انها تنزل: كيييف وش صار انتوا تدرون ان رائد ووسام يحبون فرح ورهف وهم يحبونهم بعد
وناظرتهم بنظرات استحقار: مو على اساس تحبونهم كيف تخليتوا عنهم ب ذي السهوله
عزيز راح جلس جنبها ومسح الدمعه اللي نزلت: ليه تبكين الحين
ضي: لان اللي قاعد يصير حرام والله حرام
رائد ما تحمل وضحكك
البنات ناظروه باستغراب
وضحك بعده وسام
رائد: ليه تحسبون بنقدر نتخلى عنهم ب ذي السهوله!
وسام: انا مستحييييل اعيش من دونها << لأول مره يصرح قدام البنات والشباب
رائد: وانا بعد
ريم: اجل وش اللي صار
رائد: حنا اللي خطبناهم
كل البنات بفرحه: من جدددد
وسام رائد بإبتسامه: اي
شوق راحت على طول تضم رائد: مبروووووك
رائد بادلها الحضن وضحك: لسى ما وافقوا
تاليا: وليييه هم يقدرون يعيشون من دونكم
وسام: اما لذي الدرجه عاد
لمى: واكثر بعد
شوق: ايه ما علمتونا مين اللي يبي فجر
تركي: خالد
البنات: وشووووو
تركي ضحك عليهم: انتو شفيكم كل شوي تنصدمون
تالين: اماااا خالد
تركي: وربي
شوق: ماشاءالله اخوووي وانا ما ادري عن شي
ضي بضحكه: شفتي شلون عاد
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
العاطفيةروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
