لطفاً ضع نجمه⭐.
لو بغيت العمر ما يغلى عليك
كل شي لخاطر عيونك يهون
،
التعريف بشخصية زياد
زياد: عمره 24سنه وحيد امه ابوه متوفي صديق فهد الروح بالروح دايم مع بعض من لما كانو ببريطانيا كان فهد يدرس مع زياد، وزياد متعلق بابو فهد مررره ويعتبره ابوه، شخصيته مرحه ورجه ويحب المقالب
،
زياد قاعد بالمجلس لفت انتباهه دفتر لونه وردي على الطاوله اللي جمبه نط عرق اللقافه عنده واخذه وفتحه وشاف الاسم ليان ولفته صفحه مطويه من الطرف فتحها وشاف مكتوب فيها
-قائمه حبي-
الحب الاول: راكان
الحب الثاني: مشعل
الحب الثالث: ريان
الحب الرابع: وليد
الحب الخامس: عزيز
الحب السادس: خالد
الحب السابع: نواف
الحب الثامن: سام
الحب التاسع: رائد
الحب العاشر والاخير:......؟؟؟ ❤️
ألتفت للطاوله ولقى قلم جمبه واخذه، وبدون شعور كتب اسمه..
الحب العاشر والاخير: زياد
وقعد يقلب بصفحات الدفتر ويبتسم على المكتوب فيه وبعد ماخلص يقراه رجعه مكانه ومسك جواله
،
عند ليان وهي مستمره بالبحث عن الدفتر
ليان: اوف وين حطيته اكيد فالمجلس لما كنت اكتب فيه امس
وراحت للمجلس..
دخلت شافت فهد جالس ويطقطق بجواله
ليان: فهد شفت دفتر وردي كان هنا قلبت البيت كله وانا ادور عليه ومالقيته سألت لمى وضي قالو ماشافوه وقربت لعنده وصارت تدور حولينه
ليان: اوف فهد وش فيك ماترد
زياد من اول مادخلت وهو متصنم ومو قادر يرفع راسه... عرف انها هي صاحبه الدفتر
لما حس انها قربت منه وتكلمت معاه لا شعورياً رفع رأسه
وصار يتأملها ببجامتها الورديه اللي عكست بياض بشرتها وشعرها اللي مرفوع بإهمال وما قدر ينزل عيونه عنها
ليان اول ماشافته رفع راسه وعرفت انه مو فهد تصنمت مكانها وحست ان رجولها مو شايلتها فجلست بالارض تستوعب اللي حصل
زياد اول ماشافها منصدمه صد عنها
زياد بهمس: قومي قبل لايجي فهد
ليان صحاها صوته من صدمتها وقامت بسرعه وطلعت من المجلس
زياد اول ماحس انها طلعت لف وصار يتأمل مكانها بسرحان
قاطع سرحانه فهد وهو داخل
فهد: ها تأخرت عليك
زياد: لا اصلا البيت بيتي ولا؟
فهد: ايه احسن شي انك عارف انه بيتك
زياد مارد عليه وبنفسه (معقوله هذي ليان نفسها صاحبة الدفتر... الا اكيد ليان بما انها كانت تدور الدفتر)
،
عند ليان.... اللي اول ماطلعت من المجلس راحت لغرفتها....
ليان بنفسها(اه وش سويت انا غبيه غبيه طول عمري غبيه... لا وقاعده اتكلم معاه ياويل حالي عالفشله لا ويقول لي كمان روحي قبل لا يجي فهد الولد مسكين منحرج وانا بكل قوة عين جالسه قدامه واطالع فيه
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
