لطفاً ضع نجمه ⭐
أهواك سِرّاً لعلّك يا حاجتي بالكِتمانِ تدومُ..🖤
,
الجد : أي شراكه
أبو طلال : بس مو انت يبه كنت رافض انك تسوي شراكه مع أي شركه حتى لو كانت معروفه جدا
تركي : أي يبه رفضت الشراكه مع شركه ضاري ال .... مع انها كانت من الشركات اللي الكل يتمنى انه يسوي معاهم شراكه وش اللي غير رايك
الجد :ادري بس الشركه اللي بنتعاقد معاها كويسه جدا وكمان بنستفيد منها
الكل كان يناظر الجد باستغراب : وش الشي اللي خلاه يغير رايه مع انه كان رافض الفكره تماما
أبو فهد : وش من شركه يبه
الجد : شركه ال.....
فيصل : مانعرفها ي جدي
الجد : ذي الشركه تسوي اعمال خيريه وماهي شركه معروفه مره
مشعل : طيب وش اسم صاحبها يمكن يكون معروف
الجد : صاحبتها مو صاحبها
شوق : يعني صاحب الشركه بنت
الجد : أي بالضبط وأعطى الجميع نظره بنورامية وقام من مكانه بهدوء وطلع
الكل كان يناظر بعض بصدمه
مشعل : مو غريبه كان رافض الشراكه تماما والحين بيسوي شراكه وصاحب الشركه بنت انا مو مصدق
تركي : وولا انا والله
خالد : اكيد في شي براس جدي مستحيل يسوي كذا بدون سبب
أبو طلال : وفجاه كمان
أبو سلطان : مافي شي يا جماعه يمكن ابوي حب انه يسوي تغيرات بالشركه
أبو فارس : أي ليه كذا مره متشائمين تقولون انه في براس جدكم شي
مشعل : ماادري يا عمي اتفاجئت والله
تركي همس لمشعل : امش نطلع نشروب كافي وابي اشتري لي تيشيرتات
مشعل بنفس الهمس : اكك يلا
قام تركي وقام وراه مشعل : يلا احنا طالعين لو احتجتو شي دقو علي
أبو فارس : تمام انتبهو ع نفسكم
قامت شوق بعده : تركي
تركي ناظرها : هلا
شوق : بتوصلني معاك للبيت
تركي ابتسم لها : اكيد يلا
لفو بيطلعو بس انفتح الباب ودخل منه مشاري : السلام عليكم
رد الكل السلام عليه ماعادا فيصل اللي كان يرميه بنظرات تخوف شد على يده بقوه لما شاف مشاري رفع راسه لشوق يناظرها وبعدها ع طول يكلم أبو سلطان
تركي : يلا احنا بنطلع مشى وطلعو بعده مشعل وشوق اللي كان قلبها يدق بقوه من التوتر
خالد دق فيصل بيده : بس بس والله لو كانت النظرات تقتل كان قتلته
فيصل بغضب مكبوت : طلعني لاني لو قعدت دقيقه هنا كمان والله بذبحه
خالد ابتسم بحزن ع حاله صديقه وابن عمه : امشي نطلع وسحب فيصل وطلعو
,
في بيت ابو فهد
عند ليان بعد ماطلعت شافت باب غرفه لمى شوي مفتوح تقدمت من الباب بتدخل بس لفت انتباهها صوت لمى وكلامها وصوت شهقاتها
لمى :طلع يكذب علي ي هنوف مايحبني خلاني اتعلق فيه والأخير طلع يكذب
الهنوف :......
لمى وهي تشاهق ودموعها تنزل :مااقدر مستحيل اقدر اتخطاه ليه انا وش سويت له ليه خلاني احبه ليه خلاني اعشقه ليتني ما فتحت مكالمه ريم
الهفوف :.......
لمى بصوت شبه عالي : أي راضيه والله راضيه اني أعيش بوهم ولا اني انكسر كذا احس اني بمووت ي هنوف من كثر الغبنه بمووت
الهنوف : .......
لمى :انا ماكنت اامن بشي اسمه حب وكنت دائما انتقد اللي يحبون بس لما شفت ريان انقلب كل تفكيري وماتوقعت ولا واحد بالميه انه مايحبني اخخخ كنت ممكن اتوقعها من الغريب بس من ابن عني لا لا
ليان كانت موسعه عيونها بصدمه من الشي اللي قاعده تسمعه ودموعها تنزل وحاطه يدها ع فهمها تمنع شهقاتها زعلانه ع حال اختها مسحت دوعها بسرعه لما سمعت لمى تقول لصديقتها باي وحاولت تبتسم ودخلت لعندها : سلاام
لمى انصدمت ومسحت دموعها ع طول : هلا وعليكم السلام
ليان سوت نفسها ماركزت وقربت لها وحطت يدها ع جبين اختها : كيف صرتي الحين
لمى غمضت عيونها بتعب : مو احسن وينك انتي امس
ليان اخذت الخرقه اللي كانت فوق الطاوله جمب السرير داخل مويا عصرتها بهدوء وحطتها ع جبين لمى اللي عقدت حواجبها جت بتبعدها بس ليان ضغطت عليها : حرارتك مرتفعه مره خليها
لمى بوزت وبتعب : ماابغى بارده
ليان : اجل وش تبيها تكون حاره مثلا اهجدي خليها عشان تخف حرارتك
لمى نزلت يدها باستسلام لها ونزت دموعها بعتب
ليان بخوف وحزن : لمى ليه تبكين
لمى ناظرت اختها ومسحت دموعها اللي كل شوي تزيد وبكذب : راسي يعورني
ليان كانت تدري انها تكذب مسكت يدها وشدت عليها بقوه : اتصل ع فهد يوديك المستشفى
لمى هزت راسها بلا : شربت بندول قبل شوي شوي وبيروح
ليان : مايصير ي لمى لازم تروحين لا قطع كلامها صوته : أي لازم تروحين
ليان ولمى ابتسمو بنفس الوقت وبفرح : فهد
فهد بابتسامه : عيونه
ضي من وراه : عجزت منها وقررت ادق ع فهد يتصرف معاها
ليان بابتسامه : زين ماسويتي
قرب بهدوء لعندهم ودنق ع لمى وباس راسها بهدوء : ماتشوفين شر ي روح اخوك
لمى بصوت يلا يطلع من التعب وبابتسامه وعيونها تنفتح وتتسكر لاشعوريا : الشر ما يجيك ي رو ماكملت كلامها لانه اغمى عليها
ليان وضي بفس الوقت شهقو بخوف : لمىىى
فهد شالها بسرعه وناظر البنات : اغمى عليها من الحراره بسرعه جيبو عبايتها ولا تكلمون امي
ضي ركضت بسرعه لدولابها وطلعت عبايتها وحجابها ومدتهم ل ليان : لبسيها بروح اجيب عبايتي
فهد اخذ العبايه ورماها ع لمى بدون مايلبسها : مايحتاج خليك مع امي انتي وليان تجي معا يلانها لابسه عبايتها
ونزل بسرعه وبحذر من الدرج عشان مايطيح هو وهي ووراه ليان وضي ودموعهم ممليه وجههم
تصنم مكانه لما شاف أبو واقف قدامه ويناظره ويناظر لمى بخوف : وش صار
فهد ماقدر يتكلم من الصدمه صار له مايشوف ابوه اكثر من 7 شهور حس لسانه انعقد
أبو فهد وهو مره خاايف : وش صار تكلمو
ضي ركضت ل ابوها لما شافته بيطيح وسندته بسرعه : يببه
فهد ماهو عارف وش يسوي وبنفس الخوف : يبه فيك شي
أبو فهد مسك يد ضي وناظر لفهد بعتااب وحزن : مافيني شي مافيني شي ... وش فيها لمى
ضي : مافيها شي يبه بس اغمى عليها من الحراره
أبوفههد وعيونه بعيون فهد اللي واااضححح عليه مره انه ندماان مشتاااق له حيلل بس لازم يقسى عليه شوي بعد وببرد حاول يظهره من صوته وهو يشوف ليان نازله تركض من الدرج وانصمت لما شافت ابوها واقف مع فهد : انتظرني بجي معاك
فهد بحزن : مايحتاج يبه بروح انا وليان
ابوه كان بيعترض بس قاطعته ضي: لمالها داعي يبه روحتك خلاص دام فهد بيوديها
ابوها ناظر لفهد اللي يناظره وصد : اجل وش قاعد تسوي اسرع
فهد نزلت دمعه من عينه ومسحها بسرعه : ان شاء الله يبه
وراح يركض وبعده ليان شغل السياره بسرعه ورااح لاقرب مستشفى
KAMU SEDANG MEMBACA
رواية ما أبي غيرك لو غيرك كثير ابيك انت ياللي قليلك شدني / بقلمي
Romansaروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
