لطفا ضع نجمه⭐.
لأَني وجدتُ بك نَفسي
لم ألتفت لغايةٍ أُخرى سِواك
،
يوم الخطوبه
عند نور اللي حابسه نفسها في الغرفه مو راضيه تطلع منها ابدا اتصلت ع ريم وقلت لها انها تبيها
عند ريم بعد ماوصلت
ريم بصراخ : لا اكيد انتي مجنونه من جدك تبين تسوين كذا
نور وهي مقطعه نفسها بكاء : تكفين ساعديني ياريم مالي غيرك
ريم وهي تهز راسها مو مستوعبه اللي تقوله نور
نور وهي تشاهق : صدقيني لو ماسعدتيني الحين والله بنتحر
ريم ماقدرت تستحمل كلامها اعطتها كف قوي ع خدها
نور حاطه يدها ع خدها مصدومه من اللي سوته ريم
ريم ببكاء وصراخ : لا اكيد انتي جنيتي نور انتي مستوعبه اللي تقولينه ذا الشي اللي تبين تسوينه لو درو فيه اهلنا والله بيذبحونا
نور وهي تبكي : عادي يذبحوني ولا اني اخذ صقر
ريم اعطت نور ضهرها : اسفه يانور اطلبي مني اي شي ماعدا ذا مااقدر
نور رمت نفسها عند رجول ريم وبرجاء : تكفين ياريم تكفين
ريم لفت لها وجلست جمبها وحضنتها بقوه : انتي متأكده من القرار اللي اخذتيه
نور بعدت عن حظنها وبثقه : اي
ريم : نور ترا والله الشي اللي بتسوينه خطير
نور : ادري بس ضروري اسويه
ريم بتوتر : اوك واخذت جوالها ودقت ع صديقتها حلا
بعد كم رنه ردت حلا
ريم : هلا حلاوي كيفك
حلا : هلا والله ريمو الحمد لله كويسه وانتي
ريم : بخير
حلا : دوم يارب
ريم بتوتر : اقول حلا
حلا بخوف : قولي وش فيك احسك خايفه ومتوتره
ريم : اسمعي ابي منك طلب
حلا : آمري
ريم : مايأمر عليك عدو اممم مو انتي اخوك ياسر يشتغل بالسفريات وكذا
حلا بأستغراب : اي
ريم : اجل تقدري تخليه يحجز لي ع اقرب طائره ل كندا
حلا : ل كندا ليه بتسافرين
ريم : لا مو لي انا لبنت عمي
حلا : اوك بس دقايق خليك معي بالخط
ريم : اوك بس حلا تكفين ماابي حد يدري بالموضوع غيرنا حنا الاربعه وخليه يشيل اسمها من الحجوزات
حلا : ماطلبتي شي يلا الحين بدق عليه
ريم : اوك
بعد دقايق
حلا : ريمو
ريم : هلا ها وش قال
حلا : اممم اقرب طياره ع الساعه 3 العصر
ريم وهي تكلم نور : تقول الساعه 3العصر ها وش قلتي
نور هزت راسها بصمت
ريم : اجل حلا خليه يحجز لها برسل لك اوراقها الحين بس تكفين حلا ما نبي لو حد من عماني جاء ودور بين الحجوزات يلقى اسمها
حلا : اوك لا تشيلين هم الحين بقول له
ريم : تسلمين ي حلا ماقصرتي والله
حلا : الله يسلمك ..ماسويت شي
ريم : يلا حلا متواصلين بعدين اوك
حلا : اوك ف امان الله
ريم : الله معك
بعد ماسكرت منها لفت لنور اللي كانت منسدحه ع السرير وتبكي
تقدمت لعندها بقهر : ليه تبكين الحين انتي اخترتي ذا الشي
نور تبكي بصمت
ريم : يلا قومي ولا مو ناويه تجهزين ملابسك
نور قامت وصارت ترتب اغراضها وهي تبكي وريم تساعدها
نور بعد صمت : ليه اخترتي كندا
ريم هزت كتفها بلا مبالاه : ماادري بس فكرت انه لو اخترت المانيا الكل بعرف مكانك فقلت لو تحجزي لكندا وبعدين من كندا ل المانيا يكون احسن
نور : قامت من مكانها وراحت حضنت ريم : جميلك ذا مابنسيه طول عمري
ريم شدت عليها بقوه : تكفين انتبهي ع نفسك
نور ودموعها تنزل : ان شاء الله
بعدت نور عن ريم : بس كيف بطلع
ريم بعد تفكير وهي تناظر ساعتها : الحين الساعه ١٢ والساعه ٣ موعد طيارتك اسمعي..
وقالت لها وش تسوي
YOU ARE READING
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
