لطفاً ضع نجمه⭐.
عشقتك وما دريت إن تواليها جنون
إيه احبك منّ تناهيد الغياب لين شهقات اللقا.
،
ميس سمعت اللي قالته ام راكان وتوترت
ميس بخجل: بغيتي شي خالتي
يام راكان: ايه... أمك فاضيه
ميس: ايه الحين بناديها
وراحت تناديها
ام طلال: هلا والله نوال شخبارك
ام راكان: الحمدلله بخير شخباركم انتو
ام طلال: كويسين
ام راكان: بس بغيت أسألك عن قرار ميس
ام طلال: هي موافقه بس قولي لراكان انها مو موافقه
ام راكان تمثل الحزن: يلا وش نسوي هي بالاخير قسمه ونصيب وحنا مابيدنا شي
راكان كان يسمع كلام امه ويتذكر
راكان: ميس إذا تقدمت لك حتوافقين
ميس نزلت دموعها وصارت تشاهق: تدري اني انتظر هاللحظه من زمان
راكان: يعني افهم انك موافقه
ميس بخجل هزت رأسها
ماصحى الا على صوت أمه: راكان عادي يمه كل شي قسمه ونصيب
راكان والحزن طاغي عليه اخذ مفاتيح السياره وطلع..
فجر طلعت لغرفته وسكرت الباب واتصلت على ميس..
ميس: الوو
فجر: ماتوقعتها منك ياميس اخوي ميت عليك وانتي كسرتي قلبه كذا
ميس بإستغراب: وش قاعده تخربطين انتي انا وش سويت
فجر: ولسى تسألي وش سويتي..اخوي المسكين طلع معصب اخاف يصير عليه شي وانتي تسألي وش سويتي
ميس بعصبيه: الحين تجيبين رقم راكان بتفاهم معاه
فجر: وش تبين باخوي بعد مارفضتيه
ميس: انا مارفضته انتي فاهمه الموضوع غلط.. يلا والحين جيبي الرقم
فجر جابتلها الرقم وهي مو فاهمه شي
ميس دقت على راكان
،
عند راكان
جالس قدام البحر وكل تفكيره عند ميس اللي رفضته قطع تفكيره رقم غريب راكان شاف الرقم غريب ماجاوب
صار الرقم يتصل أكثر من مرة
راكان بعصبيه جاوب: خير وش عندك ترا طفشتني
ميس بخوف: راكان انا ميس
راكان اول ماعرف انها ميس رد بجمود: تبين شي
ميس: راكان انت فاهم الموضوع غلط
راكان: اي غلط اللي فاهمه
ميس وهي تبكي: راكان وش فيك ماتعودت تكلمني كذا
راكام: كيف تتوقعين اكلمك بعد مارفضتيني
ميس وهي ذابحه نفسها من البكاء وبصوت متقطع: انا مارفضتك
راكان: اجل امي ليه قالت انك رفضتيني
ميس وهي تبكي: ماادري
راكان: خليك بالخط بتصل لأمي افهم شسالفه واتصل
راكان: هلا يمه
ام راكان: هلا وين رحت
راكان: يمه وش كان رد ميس
ام راكان حز خاطرها: كنت امزح معك وميس موافقه
راكان بفرحه: جد
ام راكان فرحانه لفرح ابنها: ايوه
راكان: يلا يمه شوي وجاي
ام راكان: انتبه لنفسك
راكان قفل الخط ورجع لميس.. وكانت ميس لسى تبكي
راكان بحنان كالعاده: ميس... انا اسف
ميس: ماصار شي
راكان: لو تشوفين قد ايش انا فرحان الحين
ميس بخجل: انتبه لنفسك.... ويلا سلام
راكان: تو الناس.. امممم شرايك تكون الخطبه بعد٣ ايام
ميس: لا وش ٣ ايام مايمديني اجهز اغراضي
راكان: اي اغراض الله يهديك مهوب زواج عشان تجهزين
ميس: بس ٣ ايام مره بدري
راكان: امم خلاص اسبوع
ميس بتصريفه: اوك... يلا الحين لازم اسكر
راكان: ترا ادري انك قاعده تصرفين.. وبهمس أحبك
ميس بخجل: باي
وسكرت
YOU ARE READING
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
