لُطفاً ضع نجمه⭐.
،
عند عزام ونور
دق الباب
كانت نور منسدحه ع السرير وتطقطق بالجوال
نور قامت: مييين
عزام: عزام
نور فتحت له الباب: هلا والله
عزام: اهلين
نور: تفضل
دخل عزام وجلس ع الكنب ونور جلست ع كنبه منفرده
نور: الا وين صقر
عزام: راح ينام عشان بكره يقوم بدري يراجع وانا طفشت لحالي قلت بجيك
نور: اهاااا
عزام: الا شرايك نطلع
نور: اوك اساساً تو كنت بقول لك نطلع ابي اروح السوبر ناقصني اشياء كثيره
عزام: اجل يلا مشينا
نور: تمام بس صبر بجيب جوالي واخذ مفاتيحي
عزام: اوك بسبقك للسياره
نور: تمام
ونزل
،
في المستشفى قام الجد من غيبوبته كان الكل مجتمع عندها وصار الكل يسلم عليه
جاء دور اخر واحد وهمس في اذن الجد : صدقني لو ماتزوجني كيان ماعاد بتشوفوها ابدا
الجد انصدم من كلامه
باس راس الجد : ماتشوف شر جدي
الجد مارد عليه
الجد بصوت تعبان ومره مبحوح : اسمعوني
الكل صار يناظر جد بأهتمام
الجد : تعال ي راكان ساعدني اجلس
راكان تقدم بسرعه من الجد وجلسه كويس
الجد : انا قررت ان لما ترجع كيان بالسلامه بزوجها فهد
الكل حرفياً كان مصدوم ومحد نطق ولا بحرف
ابو عبد العزيز: بس...
الجد بحده: انا قلت اللي عندي مابي اي اعتراض
وليد كان يسمع كلام الجد ومو مستوعب اللي يقوله جده
مشعل ناظر وليد وع طول راح لعنده: وليد
وليد ما جاوبه وكان قاعد يناظر لنقطه معينه فالجدار
مشعل صار يهزه: وليد وليد
وليد بهمس: كيان لي انا
مشعل نزل راسه بقلة حيله
وليد بصوت عالي خلا الكل يناظره: كيان لي انا
الجد: انا قلت اللي عندي
وليد: بس انا مو موافق انا احب كيان وابيها
الجد ناظر فهد
فهد عطى الجد نظره بمعنى لا توافق
الجد: انا قلت كيان ل فهد يعني ل فهد
وليد ما قدر يستحمل ونزلت دموعه بقهر: بس فهد ما يبيها
وراح لعند فهد وصار يهزه: فهد انت ما تبيها صح؟ تكلم
فهد مسوي فيها بريء وناظر لجده: شمعنى انا يا جدي
وليد ناظر الجد: سمعت يا جدي يعني فهد ما يبيها
الجد بحزن بس حاول يخفيه وبحده: انا قلت اللي عندي
وليد: جدي تكفى لا تحطمني تكفى يا جدي انا من دون كيان ولاشي كيان صارت كل شي حلو بحياتي انا حصلت سعادتي معاها بعد مده موب هينه
الكل صار يناظر الجد بنظرات عتاب ولوم والبنات صاروا يبكون
ميس راحت لعند وليد وناظرت فهد وشافته يبتسم للجد ويسوي له اوك بيده وبهمس لوليد: وليد اسمعني
وليد وقف بكاء وهو لسى بحضنها
ميس: وليد شوف فهد صدقني هو اللي خطف كيان هو اللي قال لجدي يقول كذا بس ما ادري شمعنى كيان
وليد مسح دموعه: متأكده
ميس: اي
وليد بعد عنها وراح ل طلال: طلال ابيك
الكل صار يناظر وليد بصدمه لان قبل شوي كان يبكي والحين مافيه شي
طلال: وش تبي
وليد: تعال معاي برا
طلال هز راسه ومشى ورا وليد
برا عند وليد وطلال
طلال: وش تبي
وليد قال له كل السالفه
طلال كان في حالة صدمه: متاكد
وليد: اي
طلال: طيب الحين بتصل ع محمد وبخليهم يجون الحين بس ابيك تطلع الكل
وليد: تم بس اخاف فهد يشك
طلال: لا ماعليك لا ما بيشك
وليد: اوك
ورجعو للغرفه
بعد ٥ دقايق
طلال: يمه
ام طلال: هلا
طلال: يلا لازم الحين كلنا نرجع البيت لازم جدي يرتاح
ام طلال: اجل يلا وراحت لعند الجد: يبه احنا لازم الحين نمشي عشان ترتاح
الكل: وحنا بعد
وصار الكل يسلم ع الجد ويطلع
فهد جا بيطلع
طلال: فهد ابيك اليوم معاي
فهد باستغراب: وش المناسبه
طلال: مافي شي بس ابي اطلع معاك اليوم
فهد: تمام
KAMU SEDANG MEMBACA
رواية ما أبي غيرك لو غيرك كثير ابيك انت ياللي قليلك شدني / بقلمي
Romansaروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
