မျန်ရဲ့ဝိညာဉ် ကူး​ပြောင်းလာတယ် ||မြန်မာဘာသာပြန်||

[81]

[Unicode]

081: ထျဲ​ကော....ကျွန်တော့်ကို ကြီးပြင်းခွင့်​ပေးပါ

“အင်း” ချင်မျန်သည် ပန်းရောင်အဖူးလုံးလေးက​နေ ပွင့်လာမည့် ထူးဆန်းသည့်ပန်းအမျိုးအစားလေးကိုလည်း သိချင်နေမိသည်။
သူ အားကြိုးမာန်တက်ဖြင့် “လာ....နယ်​မြေကို အရင်လိုက်ပြ​ပေးမယ်။တခြားကမ္ဘာက​နေ ယူလာတဲ့အရာတွေ အများကြီးရှိတယ်။”

နယ်မြေက အရမ်းကျယ်ပြန့်၏။အနီးနားရှိ နေရာများတွင်သာ လျှောက်ကြည့်လို့ရသည်။ဝေးကွာသောအရပ်သို့ သွားနိုင်ရန် တစ်ချိန်ချိန်မှာတော့ မြင်းတွေကို ယူဆောင်လာရန် စဥ်းစားထားခဲ့သည်။

လေးထောင့်အိမ်သို့ ပြန်ရောက်လာ​တော့ လဲ့ယ်ထျဲအား ဤအရာက လက်လုပ်အပ်ချုပ်စက်ဖြစ်ကြောင်း နိဒါန်းအစပျိုး​ပြောခဲ့ပြီး ၎င်းမှာ ဘီယာ၊ ခေါက်ဆွဲခြောက်၊ အားကစားဝတ်စုံ၊ အားကစားဖိနပ်တွေ... စသဖြင့် ဆက်​ပြော​နေခဲ့ကာ သူ့မျက်လုံးထဲတွင် ကျေနပ်နေသည့်အပြုံးတစ်ခု အမြဲရှိနေသည်။တစ်ဖက်လူ ရှာဖွေသိရှိသွားဖို့ မလွယ်ကူသော်လည်း ထိုပျော်ရွှင်မှုမျိုးသည် သူ့တစ်ကိုယ်လုံးတွင် ရောင်ပြန်ဟပ်နေသည်။ချင်မျန် သူ့မျက်နှာပေါ်ရှိ အပြုံးများ ပျောက်ကွယ်သွားသည်ကိုပင် သတိမထားမိလိုက်။

"ကြည့်....ဒါကမှ ဟော့ပေါ့ဟင်းရည်စစ်စစ်ပဲ" သူ ပုံးတစ်ပုံးမှ အထုပ်တစ်ထုပ်ကို ထုတ်ကာ ရတနာသကဲ့သို့ ကမ်းပေးလိုက်သည်။

“နေ့လည်ကျရင် ဟော့ပေါ့ချက်ဖို့ ဒီဟာကို သုံးကြမယ်။”

“ကောင်းပြီ။”

အဆုံးတွင် လူနှစ်ဦးစလုံးသည် အပြည့်ထည့်ထားသော တောင်းနှစ်တောင်းစီကို ထမ်းကာ နယ်​မြေထဲမှ ထွက်လာခဲ့ကြသည်။

ချင်မျန်၏တောင်းနှစ်တောင်းသည် လတ်လတ်ဆတ်ဆတ် ဟင်းသီးဟင်းရွက်တွေနှင့် အရသာရှိတဲ့ သရေစာမုန့်များဖြင့် ပြည့်နေသည်။နယ်​မြေထဲတွင် ရာသီဥတုဟူ၍မရှိရာ ဤဟင်းသီးဟင်းရွက်အမျိုးအစားအနည်းငယ်ကို ယခုရာသီတွင် မရရှိနိုင်။

လဲ့ယ်ထျဲ၏တောင်းနှစ်တောင်းထဲတွင် အသီးအနှံတွေ၊ အနီရောင်တောက်တောက် မက်မွန်သီး၊ ပန်းရောင်ပန်းသီးတွေနှင့် ခရမ်းရောင်စပျစ်သီးနှစ်တွဲတို့ဖြင့် ပြည့်နှက်နေပြီး ၎င်းတို့အားလုံးသည် ဆွဲဆောင်မှုရှိကာ တောက်ပမှုအပြည့်ဖြင့် ရှိနေ၏။