[Unicode]
096 – အိမ်ကြီးတံခါးပေါက်ငယ်
"ဒီအစေခံတို့ သွားလိုက်ပါဦးမယ်။" လူသစ်ကိုးဦးသည် အတူတကွ အရိုအသေပေးပြီးနောက် လဲယ့်ချင်လီ(ရှီလ)နှင့်အတူ ထွက်သွားကြသည်။
လဲယ့်ထျဲက ချင်မျန်ကို ပြောလိုက်သည်။"ဒီနေ့ မင်းနဲ့အတူ လိုက်ခဲ့မယ်"
ချင်မျန် ပြုံးပြီး "ကောင်းပြီ။ ကျွန်တော်လည်း ခင်ဗျားကို ခေါ်သွားမလို့ပဲ"
အဒေါ်ဖူနှင့် ဦးလေးဖူတို့သည် ခေါင်းငုံ့လျက် အောက်ကိုငုံ့ကြည့်နေကြသည်။
"မြင်းလှည်းမောင်းသမားနှစ်ယောက် သွားပြီလား?" ချင်မျန် ဦးလေးဖူကို မေးလိုက်သည်။
ဦးလေးဖူက "ဟုတ်ကဲ့။ ဒီမနက်စောစောပဲ ထွက်သွားကြတာပါ။ သခင်လေးတို့ကို ကျေးဇူးတင်ကြောင်း ပြောခိုင်းလိုက်ပါတယ်။”
လဲ့ယ်ထျဲက ချင်မျန်ရဲ့ မသိစိတ်ကနေ သူ့ခါးကို ထောက်လိုက်သည့် လုပ်ရပ်ကို မြင်လိုက်ရသည်။
"ဦးလေးဖူ...မြို့ထဲက အိမ်ဆောက်ပစ္စည်းဆိုင်ကို သွားပြီးတော့ အုတ်ကြွပ်တွေ ပို့ပေးခိုင်းလိုက်ပါ။”
ဦးလေးဖူ မေးလိုက်သည်။ "ဟုတ်ကဲ့။သခင်ကြီး....ဘယ်လောက်လိုအပ်တယ်ဆိုတာ သိလို့ရမလား?”
လဲ့ယ်ထျဲ ပြောလိုက်သည်။ "အခုနေထိုင်တဲ့ အိမ်အလိုက်ပဲ"
"......"
"ကျွန်တော့်မှာ ခန့်မှန်းချက်ရှိတယ်။ချက်ချင်းသွားလိုက်ပါမယ်။" ဦးလေးဖူက အမြန်ထွက်သွား၏။
"တစ်ခုတော့ သတိပေးလိုက်ပါ" ချင်မျန်က အဒေါ်ဖူကို ပြောလိုက်သည်။ "အဒေါ်ဖူ...လူသစ်တွေက အဒေါ်ဖူတို့သုံးယောက်နဲ့ အတူတူပဲ ဖြစ်ရမယ်။သူတို့အားလုံးကိုပြောပြစရာရှိ ပြောပြထားပါ။ ဒါ့အပြင် သူတို့နေ့စဉ်သုံးပစ္စည်းတွေ လိုအပ်ရင် ဦးလေးဖူထံ သတင်းပို့ပြီးမှ သူတို့ကို အတူတကွသွားဝယ်စေပါ။"
"ဟုတ်ကဲ့။”
"ဒါပါပဲ။ ထွက်သွားနိုင်ပြီ။"
အဒေါ်ဖူ ထွက်သွားပြီးနောက် ချင်မျန်သည် အနည်းငယ် အဆင်မပြေသည့် အနေအထားဖြင့် မတ်တပ်ရပ်လိုက်ပြီး "အားထျဲ...ကျွန်တော် ရေစိမ်ချင်တယ်"
YOU ARE READING
မျန်ရဲ့ဝိညာဉ် ကူးပြောင်းလာတယ် ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Transmigration of Mian reluctantly Becomes his man wife Original Author - LianXiNingMou Eng Translator - foxaholic Total - 222 chapt...
