bumuhos ang mainit na tubig galing sa aking mga mata
nananaghoy ang paligid at tumulo ng malakas ang mga luha ng ulap
lahat ng halaklak at mga alaala na aming pinagsamahan,
ang turing niya pa rin sa akin ay kaibigan
buksan mo ang bintana at tumingin sa aking mga mata
walang kalamidad ang makakapigil sa aking harana
ang iyong ngiti ay tulad ng araw na nagbibigay kasiyahan
maaari ba kitang mahalin ng higit pa sa kaibigan?
nais kitang mayakap ng mahigpit
at maranasan ang tamis ng 'yong halik
nais kong maramdaman ang mainit mong kamay
sa pagitan ng aking mga daliri
ang iyong mga mata ay mas nagliliwanag sa tuwing ikaw ay ngumingiti
maari ba na maging paborito mong libro ang aking awit?
dalisay, tunay, at puro, tulad ng liham ng pag-ibig
na sinamahan ng himig at ritmo
ang tingin sa akin ay huwag ilayo, damhin mo ang alab ng aking puso
hayaan mo ang himig na maglakbay sa loob mo
ang aking pagsinta ay totoo
isang karangalan ang makilala ka
at sa pagkalabit ko ng aking gitara,
magiging parte na ba ito ng ating storya?
maituturing mo ba ang aking awit bilang liham ng pag-ibig?
na magdadala sa akin patungo sa iyong mga bisig?
YOU ARE READING
Enchanted (A Collection of Poetry)
Poetryteenage memories immortalized through words ✒️ 2018 - 2022