una kitang tiningnan,
at nakuha mo agad aking kalooban
sinimulan kitang unawain,
at nabihag mo ang aking damdamin
unang pagsasama palang natin
ay hindi ko na mapigilang kiligin
halos araw-araw tayong magkasama
mula gabi hanggang madaling umaga
minsan nakakatulog ako sa tabi mo
ngunit 'di ka umaalis hanggang magising ako
pinapaiyak mo ako sa saya at lungkot
ginagalit mo ako't mukha ko'y nalulukot
hindi ko kaya ang isang araw kapag sa tabi ko'y wala ka
paano pa kaya kung magkahiwalay tayo, kakayanin ko ba?
tila ako'y tinatawag mo kapag tayo'y magkalayo
waring tinatawag mo din ang puso ko papunta sa'yo
hindi ko rin kakayanin na ika'y madungisan at masaktan
waring ang puso ko'y dinudurog din at nahihirapan
kadalasan, bigla-bigla ka nalang pumapasok sa aking isipan-
maiisip kita, ngingiti ako, at hindi na mapipigilan
na magmukha akong baliw na biglang tumatawa
biglang kikiligin at malilimutan ang mga problema
magkahalong saya at lungkot sa piling mo ay naranasan
at mga aral na mananatili sa akin magpakailanman
ngunit hindi ko gustong matapos pa itong nararamdaman ko
nais ko itong magtagal hanggang sa dulo
ni hindi ko maisip ang katapusan
kasi hindi ko alam kung ano ang magiging kalabasan
kung sakaling matapos man ito, gusto kong may kasunod
dahil handa akong paulit ulit na malunod
iyong sasakupin ng buo ang aking puso't isipan
ngunit ito'y matatapos, ito'y may hangganan
at ito ay panandalian lamang
ang lungkot isipin na hanggang dito na lamang
ano ang gagawin ko upang ang lahat ng ito ay maging totoo?
ano ang gagawin ko upang maging bahagi ako ng iyong mundo?
lahat ba ng ito ay nasa isip ko lang?
ang reyalidad ko ba ay aking nililinlang?
maaari akong lumipad patungo sa'yo pero hindi...
maaari kong languyin ang dagat upang makapiling ka pero hindi...
hindi ko alam kung papaano pero mananatili ka sa isip at puso ko,
lalaking minahal ko na nagmula sa libro
✒
i rarely write filipino poems because it's not my cup of tea, but i hope you will appreciate this. mabuhay!
YOU ARE READING
Enchanted (A Collection of Poetry)
Poetryteenage memories immortalized through words ✒️ 2018 - 2022