ميلادي أنتي

لقاء غير متوقع بارت 7

ميلاد
. و شفت علي واكف بالباب مال صالون و عيونه حمر اني يبست بدمي بصراحه شكله جان كولش يخوف اتقرب
وكال
علي: ميلاد تعالي عندي حجي وياج(بحده)
زينب:هاي شبيك علوش
علي: ميلاد شدا اكول دقيقه بس
زينب: هاي شبيك علي شلك بيها
ميلاد: خلص زينب خلي افهم شرايد
علي: اخذتها على جنب كلتلها. شوفي ميلاد من الاخير اني ماريدج تزوجين ياسر و الله اذا اخذتي افضحج فضيحه
ميلاد: مع الاسف انته من اقاربه شخليت للغريب و لك هسه اني مرت خالك اتادب و بعدين شتفضحني هوه احنا صارلنا شهر من تعارفنا
علي: هسه صرت كخه قبل اسبوع حبيبي و تتخلين بليلتنا
ميلاد: انجب واحترم نفسك بعدين اني فكرتك انته انسان محترم وراح تخطبني و كتلك هذا الكلام. ومتندمه عليه بكد شعر راسي و تخسه أفكر تفكير مثل تفكيرات عقلك الوصخ
علي: حبيبي خلص الغي زواج راح اطك حسي بيه
ميلاد: علي انته جنيت على نفسك بعد كل الخداع الي خدعته اليه تريدني اصد بوجهك امشي انكلع من وجهي
...
رهاب طبعا اليوم عرس ياسر واني جان عندي مستندات حاطهن بخزنة غرفتي و صار مشروعي يطلب هذني الاوراق و جنت أمن بس ب ياسر و اني وياه تعاركنا لذلك الصبح طلعت و صلت هم صاير الفجر بسبب اختلاف اوقات امريكا و الطريق 8 ساعات وصلت الفجر طبيت للبيت الكل نايم اخذت الاوراق و باوعت البيتنا اشتاقيتله بس ماكدر اشوف ياسر بعد بعيني لان كسر كلمتي ويه طلعتي امي طلعت و ضلت تبوس بيه  و تصلي على محمد عبالها راح نصالح بس فهمتها و ضلت تدعي على مرت ياسر ورحت بيت عمي ارتاحيت الساعه 9 امي دكت عليه و كالتلي
ام رهاب : عفيه يمه هاي زينب المطيه الفلوس الي مخليهن ياسر الها ناسيتهن بلكي تكدر توديهن
رهاب: يمه يمج عشيره خلي واحد منهم اني مشغول
أم رهاب:. وك يمه اخيك راح ادك عليه مغلق  و هذا علوي صار يومين ماكو عفيه وليدي
رهاب : استغفرالله جاي
ام رهاب: اي بسرعه
رهاب: راح اجي لا تأمريني يمه لا هسه اجي ان..ج مرت ابنج و ابنج روحي طاكه
ام رهاب: وك عزا شهل فشاير يلا تعال تعال هسه
رهاب: شكد الفلوس يمه
ام رهاب: 700 الف
رهاب: تمام اخذيهم الج اني راح ادفع مني ما بيه حيل اجي للبيت و الكه العشيره ملتمه
ام رهاب: يمه هذا اخيك
رهاب: اش حجيه يلا مع السلامه
....
رهاب اخذت اسويجي و اترخصت من بيت عمي و رحت الصالونهم امي دزته برساله ماتعرف اسمه خلت بنت عمتي ادزه الي رحت و شفت زينب واكفه برا تفاجئت شعدها برا معقوله ما فوتوهن علمود الفلوس بس مرت ياسر ماهيه و ياها نزلت سلمت عليها هيه تفاجئت وجها صار ينطي الوان شبيج ام مريم خير
.
زينب: ها ماكو شعجب أهنأ اجيت
رهاب: من ورا ثولج ناسيه فلوس الصالون
زينب: يا اي والله نسيت من ردت ابدل جنطتي بجنطت الاء
رهاب: لعد و ين مرت ياسر شعندج واكفه اهنا
زينب: ها هسه تجي بالحمام
رهاب: ولج يا حمام وين اكو اهنا
ماحسيت غير على صريخ من انداريت شفت علي و ابنيه لابسه كمامه وهوه يريد يجرها و هيه تضرب بايده اني عرفتها هاي مرت ياسر لان علي يعرفها بسرعه رحت ركضت عليه و ضربته راشدي بس هوه مبين شارب حبوب لان عيونه مبينات متعاطي كام و لا كانوا اني موجود سحب البنيه ماحس غير على البنيه حاضنتني من ورا  و مجلبه بخصري اني اهنا بصراحه رغم الضروف الي دا امر بيها بس حسيت من حضنتني دفووووو مو طبيعي و قشعر جسمي ابد ما صاير وياي هذا شي شكد نمت و يا نسوان عمرهم ما خلني اوصل لهاي القشعريرة وعيت بسرعه و ضربت علي بوكس هيه من ابتعد هدتني بسرعه حسيت راح الدفو و كانوا جسمي ضاج بس اني لو اموت مابين شي عليه سحبت علي و ركبته السياره مالتي و قفلت عليه الباب ورجعت الهن لكيت الابنيه تبجي انكسر كلبي عليها بس لابسه كمامه كلشي ماشفت منها لحد ما رفعت عينها عليه و اهنا صار ......
.؟......
للرواية بقايا
حساب الانستا الي يحب يحجي قصته
mi_itss5