ميلادي أنتي

البارت 31

رهاب: جاي جاي شكيتوني بعدين احسابنا
.
ميلاد: ضلت حسره بقلبي احجي و ماتعيط
.
رهاب: لان حجيج تمضرط شنو خاطبيج ومسويه هيج بنفسج حتى الحلقه ذيج وينها بالجراره مالابستها بس بسيطه الله يحبج العالم اصيحلي تعاي طلعليلي خلوك وله اكلج اكعدي اني اطلع رحت لبست دشداشه بيضه و غتره لفيتها لف دائري و عطر و ساعه و هيه كالبه وجها ماتباوع اني هم طاكه روحي من ثولها بصراحه طلعت ضلينه شويه سلام و عالم و دنيا عود هاي حفله بسيطه عدهم ههه مانحس غير الرمي صار ماله والي من اباوع و اشوف نفسهم ذوله الي هدينه عليهم قبل فترة و يضربون عشوائي العالم كلهم دنكوا اني همزين جان اسلاحي يم ايمن بسرعه اخذته و شفتلي زاويه و ضربت و الباقيين الي عنده يضرب والي ماعنده شايفله مكان خاتل اني ماتحملت بسرعه كمت و ضربت الثاني وكعته بالكاع ماحس غير على واحد واكع على ضهري من اباوع ابويه دمه بطوله حسيت الكاع كامت تفتر بيه وهمه كلهم شردوا اني من صدمه ضليت حاط ابويه و صافن و اشوفه يجر النفس كوه اتكابلوا عليه العالم واني بغير عالم اخذوا للمستشفى واني كمت وياهم ماريد اخسر بعد واحد لان نفسي بعد ما تتحمل
.
ميلاد: شفتي زينب شفتي اخوج شلون حقير قابل اني شسويت
.
زينب: والله انتو سالفتكم سالفه يمعوده طنشي تعالي انباوع عليهم من الشباك
.
ميلاد: يععع لو يموت ما اجي للشباك و اشوفه ... بهاي الاثناء صار صوت رمي عبالنا عادي يرمون فرحانين بصديقهم بس صارت اصوات مو طبيعيه اني لبست بشت على سريع و اشوف صايره حرب و باوعت الرهاب كاعد يضرب بيهم بس واحد راد يضربه واني اصيح رهاب ديربالككككككك رههههههااااااااب وستوني اريد اطلع ولزمني النسوان جان اطيح الطلقه بابو رهاب همه شردوا والعالم كلها التمت
.
رهاب
ضليت انتضر ابويه وكلت والله الا اشوفهم اليوم نجوم الضهر اني يستغفلوني هل كواويد بسيطه طلع الدكتور بعد فتره طويله
.
الدكتور: المريض مع الاسف دخل بغيبوبه
.
رهاب: يعني شلون هسه سويله شي
.
الدكتور: استاذ رهاب مابيدنه عليه شي صدكني الطلقه جايه بمكان حساس
.
رهاب
روحي طلعت كبل رجعت للبيت اني اعلمكم
.
ميلاد: اجه رهاب والنسوان كلهن التمن عليه و ينوحن و يبجن اني بس توتر اكل قلبي مادري ليش مابجيت ولا صد بوجوهنا راح للغرفه ركض رحت وراه شفته طلع شاجور و رشاشه
.
ميلاد: رهاب شدسوي عفيه لاتروح
.
رهاب: اني مو اني اذا ماخليهم يتمنون الموت و مايطولوه
.
ميلاد: رهاب عفيه اهدء انطي مجال
.
رهاب: وخري من يمييييي
اخذتهن اني ولد عمامي  ورحت البيتهم شنو زرفته ازرف وهمه ماكو اخر شي اجتي سياره مضلله اباوع هذا المتعاون وياه بالشركه  الي بامريكا اجه و يسوي بايده على كيفك
.
نوح : ابو رعد على كيفك يمعود مو هيجي سالفه تعال خلي نتفاهم
.
رهاب: يا تفااااهمممم هاااا ابويه بين الحياة و الموت وجاي ادور تفااااهم انته لا تدخل بالسالفه خليني محترمك
.
نوح: يعني هذا الي تريد اسويه
.
رهاب: بطل دم ابويه بعشيرتكم كلها فاهميييين
.
نوح: خلي نكعد كعدة عشاير ونحل السالفه ادري بيك جرحك جديد بس صدكني مايكون خاطركم الا طيب
.
شهاب: خاطرنه يطيب من انكتل جماعتكم الهدو علينه لو بيهم خير مايجون غفله
.
نوح: ترا والله 3 منهم هسه بالانعاش
.
رهاب: عساهم ماعاشوا شوفوا الكم 4ساعات اذا مسلمتونه جبيرهم اجه اهجم الدنيا على راسكم يلا امشونه .. رحنا كبل للمستشفى ونفس الحال
.
سلام: رهاب ارجع ارتاح اشويه انته
.
رهاب: هيج الله يكرهني سلام ما مر يوم عليه حلو اذا ما صارت اشياء أمر من المر وين اولي اني اهنا انتو اذا تريدون روحوا مايحتاج كلكم اهناا
.
ميلاد
ضلينه حايرين ويدكن ويلطمن اني طبيت الغرفتي خايفه رهاب يروح يصير بيه شي اوففف رجعت نزلت
.
سناء: كله من وراج انتي الكرطه ولج من شفناج و الموت يمطر علينه يا وجه البومه
.
ميلاد: احترمي نفسج هذا قضاء و قدر واني راح ما احجي وياج اهواي علمود اعرفج مكسوره على ابوج
.
ام رهاب: اخخخخخ يمه بعد كلبي شيتحمل ياسرر و رجلي بعد غير اموتن وراهم
.
نوح
من دريت بنتي مزوجه شبيت وانطفيت لان امها جانت حتى مانعتني من زيارتها و اي مكان احاول الكاها بيه يختفون اخر شي ثبت المكان
.
نوح: وين بنتي
.
خالة ميلاد: هه والله بصراحه بنتك ازوجت
.
نوح: شنووو شلون تزوج واني ما ادري بكلشيييي هاااا
.
خالة ميلاد: هيه اخذته خويه بعدين اني حتى ماعرف رقمك
.
نوح: والنفقه والهدايا من ياخذها اذا مزوجه هاااا ماخليت بيها رزايل اخر شي عرفته بالبصره رحت للبصره كالولي ناصريه اني اهناك عمامي رحت لكيتهم عدهم اطلابه ويه عائله و صارت قيق و اذبح عرفت بالاخير ميلاد ماخذه رهاب اني من سمعت مرته كلت لازم اجر ويا عدل عااد على الاقل اشوفها صارت هاي سالفه وصارت 4ساعات رايحين على بيوت عمامي كاتبين مطلوب عشائريا واني حقدت عليهم لان ردت اتفاهم وياهم وهمه هادين قبل كم يوم على عمامي و رهاب بالاخص من سولفولي كرهت هذا رهاب شكد جنت محترمه بالشغل كلت مستحيل ابقي بنتي يم واحد مثله وراها بمده صارت الكعده
.
شيخ بيت رهاب: اذا مو فصليه و 70 مليون الشغله ما تنحل
.
نوح: حجي كلامك على عيني وراسي بدال 70 انطيكم100 بس فضو شغله الفصليه شباب و تهورو و الصغار اشكك و الكبار تخيط ولدنه واحد بيهم هم بغيبوبه واحنا نعرفهم غلطانين بس لعب براسهم الشيطان جان يكوم رهاب ماخله صوته يجعجع و الحجي اشكال حجه و يسكتون بيه من رخصتكم احجي ويا رهاب شويه
.
رهاب: خيركم مال فلوسكم تقنعوني بيهن ماريد اصلا حتى بت منكم ماريد اتنكس اقذر روحي ويا وحده من طرفكم فاهم
.
نوح: خوش جا طلك بنتي
.
رهاب: شنوووو
.
نوح: مرتك ميلاد بنتي طلكها و شتريد اسوي سوي
.
رهاب: شجابها عليك بنتك
.
تعال للمضيف
.
نوح: يا جماعة الخير احنا نطيكم تعويض الي تريدونه بس ابو الآنه مايريد فصليه و يريد يكتل ولدنه واني بنتي تحرم عليه اذا صار هيج شي لان مرت رهاب بنتي واحنا اهل فياريت نسد السالفه بالمعروف
.
سلام : احجي ويا ايهاب . يعني هاهيه ماراح ناخذ حك عمي رهاب مايعوفها
.
ايهاب: اي رهاب مايعوفها والله لو اني منه اخلي طلقه براسها مو اطلكها بس
.
سلام : بس هيه ماعليها
.
ايهاب: تحمل نكاسة دمهم
.
رهاب
اسمعهم يحجون هيج ومن جهه اني ميلاد لو اموت ماكدر اعوفها بس اذا قبلت بشرطه يعني رجولتي كلها تروح و دم ابويه و شلي بالحياه بدون ما اخذ حك ابويه اطم روحي بالكاع .
.
رهاب: شوف يا بو سردار بنتك عيب ادخلها بسوالف المضيف بنتك صاينها يمي وهيه ماعليها بهذا الحجي بس اني اخولك تروح تسالها اذا وافقت تطلك مني ننهي السالفه واذا لا بعد السالفه اضل مفتوحه
.
شيخ بيت رهاب: بويه البت صارت مرته مامن حكنه اندخلها هسه بما انو ابو رهاب الي تأذه فرهاب العود هوه الي يقرر شيريد منكم
.
رهاب: تسلم شيخنا الله يديمك
.
شيخ بيت نوح: بويه على عينه وراسنه اي شي بس شغله الكتل خلي انسدها غلطوا و اتحملوا اثر غلطهم وصدكوني الي طلبونه حاضر
.
رهاب
اوف انلزمت من ايدي توجعني هسه اني حتى ماعرف شسوي او شختار و السالفه اشوفهم بردوها همه بهاي الاثناء كلت والله اني ما ارتاح اذا ما اشفي غليلي بجبيرهم جان يدك تلفوني الدكتور صديقي
.
الدكتور: استاذ رهاب الولد كعد من الغيبوبه الحمدالله على سلامه
.
رهاب: صدك كلش اشكرك دكتورر تمام جايين الله وياك ... اني كلامي بعد ورا شيخنا لان اني بس ماريد اكسر هل وجوه الطيبه . اتفقوا على فصليه و 80 مليون طز بيهن اريد بس تخلص الكعده خلصوا كمنا جان يلحكني نوح
.
نوح: رهاب انته شنو تاخذ على بنتي فصليه بنت عمها شبيك انته
.
رهاب: ايي اخليهن ينجمعن ماكوو اشكال (اريد احرك كلبه اصلا مابكلبي غيرها )
.
نوح: اذا بنتي تريد الطلاك منك اطلكها مووو
.
رهاب: اني واثق ماراح تطلب الطلاك بس عادي اذا كالت بعد تلكاها يمك كلمتي وحده
.
ميلاد
كاعده وانتضر على نار رهاب طول هاي الفتره يجي بس يسبح و يغير ملابسه ويمشي اخر شي انفتح الباب طلع هوه
.
ميلاد: رهاب شنو قصتك شبيك
.
رهاب: شبيه
.
ميلاد: كافي عاد رهاب افردها شويه مو عمو صار زين
.
رهاب: تقربت عليها بله اسالج سؤال
.
ميلاد: شنوو
.
رهاب: دريتي ابوج عم الولد موو
.
ميلاد: شنوووووو بابااااااا شجابه ليهناااا
.
رهاب: هه غير عم الضربوا ابويه المخانثه
.
ميلاد: شلون عرفته سال عليه مووو
.
رهاب: اي سال
.
ميلاد: شبيك رهاب شصار بالكعده اليوم اتسالمتو لولا
.
رهاب: اي تسالمنه
.
ميلاد: هههه الحمدالله فرحتني سولفلي عفيه على بابا اريد اشوفه جانت خالتي ماتخلي يحجي ويايه و تكول هوه ميريدج بس اسمعها تحجي تكول يدور عليه واني شكد دورت. ومالكيته عفيه رهاب خلي اشوفه
.
رهاب: شوفي احنا اسالمنه صح بس اني لو اموت ماخليج تتقربين الهم فاهمه
.
ميلاد: ش شلون يعني
.
رهاب: من اليوم نفس ما قبل ماعندج اب هسه هم تنسين عندج اب فاهمه انتي تعرفين بس رهاب و كافي
.
ميلاد: دموعي طلعت لا ارادي. ليش هيجي تحجي رهاب اني اني ما عولت الكاه عاد على اقل اريد احس مره بحياتي اكو واحد ورايه ليش تريد تحرمني من ابسط حقوقي هاا
.
رهاب: يجوز اني احسن ابوج يريد يطلكج مني تراا
.
ميلاد: شكاعد تحجون شو اجرون بيه يمنه يسره اني مدا افهم انتوو خاليني تحدي بينكم لو شنووو هااا
.
رهاب: شوفي ميلاد اني مال ذوله ناس بعد اصفه وياهم مستحيل فأنتي تعرفين اني احبج و عمري ماخليج بعوز اريد منج بس شي واحد اليوم اذا اجه ابوج بليل و كالج على شغلة الطلاك انتي ترفضين بس
.
ميلاد: بعد رهاب بعد حطلي خيوط و مشيني براحتك شنو جاهل اني كدامكم وانتوو مخليني هيج تلعبون عليه هااا احجووواااا كافي رهاب عفيه انتوا اسلامتو لا تحرمني من ابويه فدوه اروحلك
.
رهاب: اخر كلام يا اني يا هوه فكري منا لليل
عفتها ورحت انكسر كلبي عليها بس هذا شي حتى اذا اني قبلت بيه عشيرتي ترفضه مهما يكون هذوله طبوا الحرمة بيتنا  سبحت. وطلعت لكيتها كاعده و صافنه
شوفي اني ابد ماجبرج على شي صدكيني بس اذا انتي اني لزمتج من ايدي همه لازميني من الف ايد تعرفين شنو معناها من اتناسب وياهم و كانوا شي ما صاير شراح يسوون و شلوون راح ياكلون وجهي
.
ميلاد: رهاب انته تعرف اني شكد انرحمت من شي اسمه اهل كضيت عمري مدكة الخالتي عمري ماحسيت اب او ام طبطبوا عليه رهاب تدري فرحة كلبي العشتها من حسيت بابا يدور عليه و موجود هسه اريد بس احس شعور البنيه من تلتقي بابوها بس
.
رهاب: حضنتها وضليت اشم بركبتها اخخخ والله ريحتج جنه عذريني يروحي بله هم نويتي تعوفيني .ضلت تبجي شويه هدئت و كالتلي
.
ميلاد: قبل اي
.
رهاب: وهسه هااا
.
ميلاد: رغم اسلوبك الكريه بس احس وياك بأمان كولش
.
رهاب: يمه اروحلج فدوه ثولة كلبي ميلادي انتي
.
ميلاد: هاي شنوو لويش تكولي ثوله
.
رهاب: يعني تخليني عادي موو
.
ميلاد: شلون يعني
.
رهاب: هاي دليل انطيتج انتي ثوله هه
.
ميلاد: انته مسقط اني مادخلني ترااا
.
رهاب: ميلادي مشتاقلج تراا
.
ميلاد: ليش مو هياتني كدامك
.
رهاب: يبووو و تلوميني يعني هسه اكلج خليني***
.
ميلاد: عزاااا شكددد متستحي
.
رهاب: احبج ثوله كلبي
.
ميلاد: صدوك هوايه تحبني
.
رهاب: مهووس بيج والخلقني مو بس احبج
.
ميلاد: اممم قنعتني ههه
.
رهاب: خليني اني وياج خليني بنص كلبج
.
ميلاد: رهاب من قنعك و كالك صوتك حلوو
.
رهاب: ايا بربوك فوك ما غنيلج
.
ميلاد: ههه شقى شبيككك
..........
امجد(عم ميلاد) يعني شرطه تختار بدون ماتكللها راح ياخذون فصليه
.
نوح: اي بس اني متاكد هيه ما مرتاحه وياه لان اعرفه طبعه شلونه
.
امجد: هاهيه خويه سويها لعد واقنعها
.
نوح: اني اعرف شلون اقنعها
........
جنان: شفتي خاله طلع عمها كتال عمنه مادري رهاب شلون متقبلها
.
ام رهاب: ماعليج والله الا اخليها تتندم على اليوم الا اجتي بيه
.
جنان
كاعد امشي و جان اشوف رهاب و سلام يتبسبسون بالمضيف رحت وراهم وجان اسمع الشي الي فرحة كلبي من سمعته
.
سلام: يعني انته ما تاخذها بس تخليهم يحيرون بنفسهم هل فتره يعني
.
رهاب: اي بس اريد اضوجهم و يحترك كلبهم اني مكتفي
.
سلام: ماصدك انته اكتفيت تذكر من جنت ادور حلوات
.
رهاب: اي وانته ادور حلوين ههههههه
.
سلام: هههه تعيرني ولكك
.
جنان
اني الج اجه دوري هسه والله اذا ماخليك الي ما ارتاح
....
للروايا بقايا ❤️
....
تابعوني على انستا mi_itss
تابعوني اهنا همات حبايبي
احبكم