ميلادي أنتي

البارت 32

جنان
كاعد امشي و جان اشوف رهاب و سلام يتبسبسون بالمضيف رحت وراهم وجان اسمع الشي الي فرحة كلبي من سمعته
.
سلام: يعني انته ما تاخذها بس تخليهم يحيرون بنفسهم هل فتره يعني
.
رهاب: اي بس اريد اضوجهم و يحترك كلبهم اني مكتفي
.
سلام: ماصدك انته اكتفيت تذكر من جنت ادور حلوات
.
رهاب: اي وانته ادور حلوين ههههههه
.
سلام: هههه تعيرني ولكك
.
جنان
اني الج اجه دوري هسه والله اذا ماخليك الي ما ارتاح
.
جنان : سنسونه
.
سناء: اكو شي شعجب مدلعتني
.
جنان: سنسونه انتي مو ماتحبين ميلاد و تريديها تبتعد عن طريقكم
.
سناء: اي بس شنو الفايده اذا رهاب حاطها و يحضن بيها
.
جنان: والي يكلج لكيت شي يخليها اطيررر و بعد ماترجع
.
سناء : صدك شلون
.
جنان: تعالي افهمج
....
ميلاد
كاعده وادانش فكري يروح و يجي من جهه اني كله حياتي صارت يم رهاب و من جه ثانيه الشي الي جنت اتمنى انو اشوف ابويه راح يصير بس اني راح ارفضه بنفسي آخ يربي
.
رونق: ولج ادك الباب ماجوبين خايبه طرشيتي
.
ميلاد: اسكوتي خليني بحالي الي عمره ما اتعدل عبالك الامور تمشي ضدي اجي يمنه تروح يسره
.
رونق: اي عرفت علاقة ابوج بهذوله ناس الله يساعدج عمري بس انتي تعرفين رهاب صار رجلج والأهل مادايمين الج مصيرج و مرجعج اله لذلك الافضل انو تختارين صح و ماتنجرفين ديري بالج
.
ميلاد: لا هوه اني هم عرفت الشي الي اريده صح رهاب اشكال سوه ويايه بس اني مو هينه اشيائي وياه احنا جنه ناس تاكل بلحم ناس هاي الفتره يلا تحسنه
.
رونق: اي كلها لاحضت شلون رهاب رجعت روحه والله هسه حضري نفسج ابوج على جيه و لا تضوجين صدكيني فتره و تنسي وترجعين الابوج دائما اصير هاي الحالات
.
ميلاد: امم شكرا عمري
.
رونق: ولو حبيبتي
.
رهاب: شبيجن انصدفتن شنو جني فايت عليجن
.
ميلاد: لا بس جنه مندمجين بالسوالف
.
رهاب: الله يستر من سوالفجن ههه ابقي رونق يمها اني ابدل بالحمام واطلع
.
رونق: لا هوه هم ناويه اطلع يلا مع سلامه
.
رهاب: هلا بيج ..... ميلادي لبسي شي طويل و عريض شويه ماشي و حمره ديري بالجججج اشكج اذا لكفتج حاطه
.
ميلاد: ترا رايحه اشوف ابويه مو صاحبي
.
رهاب: هوب هوب لا اسحكين زايد ترا بالكوه متحمل ثولج
.
ميلاد: غير يستقر الي عقله يوزن بلد
.
رهاب: اعجبج عاد اني شوفي ميلادي ثولة كلبي اريدج تحجين حجي رزن وتنهين سالفه هوه راح يلح عليج انتي اقفلي الموضوع تمام
.
ميلاد: امم
.
رهاب
حضنتها اعرفها ماتريد بس لازم هيج يصير
.
ميلاد
بدلنا ملابسنا واني متحمسه اشوف بابا كولش نزلنا سوه
.
جنان: هه شوفي شلون تمشي والله الا نكسرها كسره تسوه عمرها
.
سناء : عفيه بنيتي هههه
.
ميلاد
دخلت واني قلبي يرجف رهاب حتى ما سلم عليه كبل كعد بس اني شفته انهاريت ضليت صافنه لحد ماسمعته يكولي
.
نوح: شلونج بابا
.
ميلاد
اخخخخ هاي الكلمه الي فقدتها عمري كوله الكلمه الي اسمع الناس تحجيها واتمني ارددها بسرعه ركضت و حضنته والله ذب عليه البجي مادري ليش اذكرت كل مأساتي من شفته اذكرت العذاب الي شفته واني ماكدر اشكي لاحد
.
ميلاد: بابا شلونك احجي وابجي
.
نوح: يروح ابوج اسف اسف عفتج والله مادري بيج هيج عايشه عيشه ماكو ماخليت مكان مادورت عليه ردت بس الكاج
.
ميلاد: بابا تعبت بابا الدنيا تعبتني بابا عمري 20 بس من ورا العذاب صرت 50 ليش عفتوني بنصكم و هججتوني ليش خليتو العالم تصدق عليه ليش بابا ضليت اتحسر على ربع و تحسر على ناس الابوهم و امهم كايديهم ليشش
.
نوح: يروح ابوج اعوضج وداعت عيونج كافي بابا كافي بجي والله لو تطلبين لبن العصفور اجيبه بس اهدي باباتي
.
رهاب
اسمعها تحجي و تبجي بحركه انتهيت عليها و بالكوه مصبر نفسي انوب عقلي يمضرط بكيفه اريدها توخر من حضنه اوفف
.
نوح: بابا اهدي و فكري وروحي ويايه ماخليج معتازه شي دراسه وخليج تدرسين الشي الي تريديه لو تشتغلين بشركتنه بس وافقي باباتي
.
ميلاد: ابجي واحجي .. لا لا بابا ماكدر اني هاهيه اختاريت مصيري ورهاب انسان يستاهلني وهوه وكف ويايه من الكل صار ضدي بعدني اريد اكمل و ندكت باب الاستقبال
هذا المي
.
ميلاد: جايتكم رحت اخذت المي من زينب و جان جنان تكولي تعالي هذا عصير فشله بس مي رحت اريد اخذه واسمعها تحجي ويا سناء
.
جنان: يلا بلكي بنت عمها الفصليه الي راح ياخذها رهاب احسن منها
.
سناء: اي نخدم عليها
.
ميلاد
وكعت الصينيه من ايدي ... شكاعد تحجن انتن هاااااا
.
جنان: صوتج حبيبيه ماحجينه غلط رهاب راح ياخذ بنت عمج فصليه لعد ماتدرين
.
ميلاد: هه وآلله اضحكين من كد ماميته قهر من علاقتنه كمتي اطلعين سوالف من قلبج استحي شويه خلي يصير عندج شويه اخلاق رجال مزوج شكو تحتكين بيه هااا وبعدين رهااب لو يموت ماياخذ وحده عليه فهذا الحجي خلي ينفعجن الجن ماصدك بهاي تفاهتجن
.
سناء: حبي ماصدكين رهاب ذاك وينه روحي كليله اذا احنه مجذبين عليج بحرف لو زالين
.
ميلاد: اي اكوله و ليش ما اكوله بس بشرط تجن ويايه بس اريد اشوف وجوهجن شلون تصير من تتفشلن
.
سناء: ابوج رجال غريب مانكدر بس نوكفلج بالباب ونسمع
.
جنان: اصلا نكيف يلا تعالي
.
ميلاد: امم تعالن . دخلت الاستقبال وهنه واكفات و را الباب
.
رهاب: شو ماكو مي وين جنتي لعد
.
ميلاد: اريد اسالك سؤال جاوبني بصراحه تمام
.
رهاب: ميلاد هسه مو وكت اسئله عود تفض السالفه و اسالي براحتج
.
ميلاد: تؤ الا هسه واباوع بابتسامه بطرف شفتي على الباب كولي رهاب صدوك ناوي تاخذ فصليه من بيت عمي وتاخذ بنتهم عليه هااا
.
رهاب
اهنا انصدمت لا اكدر اكول اي اخسر ميلاد و لا اكدر اكول لا واخسر كرامتي كدام ذوله النكسين بس كلت لازم كرامتي فوك كلشي
.
ميلاد: اختفت ابتسامتي تدريجيا لان سكته مو خاليه ..شبيك رهاب كول لا و فضني
.
رهاب: ميلاد قصه طويله اني افهمج بيها
.
ميلاد: ش شنو شكاعد تحجي ليششششش ماتنكرررررررر هااااا احجييييي
.
رهاب: لاتصيحححححننننن فاهممممممه اني بعدينننن افهمججج
.
ميلاد: لااااا لا رهاب مال تضحك عليه بكلمتين لو اطك هسه كدامي احجيلي بصريح العباره اي لو لا
.
رهاب: موو اني
.
ميلاد: اييييي لووووو لااااااا
.
رهاب: اييييي اني ما اسكت الهم لو يطكون فاهمه و كرامتي ماتنداس لو مو انتي
.
ميلاد: نزلت ادموع . يعني ر ر ها ب كلامهم صدوك لعد ليش هيج تستغفلني هاااا يمتهههه جنتتتتت ناويييي تكولييييي من تزوجججج احجيييي
.
رهاب: جنت مقرر غير شي بالي
.
ميلاد: يعني حضرتك تقررر بالك بكيفك مووو واني اهنا حاطني وقت الحاجههه شوف رهاب اني اتحمل كولشي منك اهانتك و ضربك الي بس مال تستغفلني واسوي هذا شي من ورايه وتفكر بانسانه واني بحياتك لو اموت ما مررها
.
رهاب: ميلاد اهدي الموضوع يحتاج نكعد سوه و افهمج
.
نوح: اتفهمها لو تجبرهااا و تستصغر عقلهااا
.
رهاب: خو انته لكيت جداحه وكمت تحرك بكيفك
.
ميلاد: لا احجي و لا اتفاهم و لاتضحك عليه بكلامك هسه اتقررر رهاب هسه يا اني و ابقى يمك اهنا يا هيه بس تنسى تشوفني بعد
.
ولد عم رهاب و نسوان اكبار كلهم دخلوا على اصوات الي صايره
.
رهاب: صرت بموقف ماريده العدوي اسمعهم يتبسبسون راح دم عمنا واني اذا كلت ابقي ميلاد حتى كلام بين الزلم ماراح يضلي علبو هذا الي باع اهله علمود مراه من غير التحوير الي راح يصير همه كرايب وتحفر جوايه انوب غريب
.
ميلاد
اتوسل بيه بعيوني مايفشلني كدامهم ماريد انكسر تعبت بعد ما اكدر انلم اشوفهن شلون يباوعن عليه بشماته و حقد .. احجي رهاب
.
رهاب: انيي قررت
........
للروايا بقايا ❤️
......
بارت صغير حق الايام الي مضت
.....
تابعوني انستا mi_itss5
تابعوني اهنا همات حبايبي

.....
احبكم