ميلادي أنتي

البارت 15

ميلاد
.
شفته هوه اي هوه كاعد يم الضابط يبست والله جان يكول الي خلاني استغرب زايد و خلاني احس الدنيا غوشت جان يكول للضابط نفس مافهمتك و يأشر على عقله يمكن كاعد يفهمهم اني مخبله صحت بصوت
.
سيدي عفيه اعتقلو هذا حابسني وحتى راد يقتل ابن خالتي والله عفيه خلصوني منه والله هذا مو انسان هذا شيطان عليك الله تخلصني
.
رهاب: اي خلص بابا يلا اجيبلج لعابه هاي الي البارحه ردتيها
.
ميلاد: هاي شدتحجي ولك شبيك يا لعابه شوف سيدي هذاا دايحاول يبيني كدامكم مخبله عليكم الله لا تصدكوا والله كولشي مابيه هذا انسان مجرم
.
الضابط: يلا عمو روحي لاتخافين اني ماخليه يدوسج بعد بس لا طلعين وحدج لان يخطفوج و يكتلوج
.
ميلاد: عمت عينكم ان شاء الله ولكم اني مو مابيه شي و اصيح باعلى صوتي مابيه شي انته خراب احجيلهم كلهم اني داجذب يا حقيييررررررر ولك ماكفاك السويته بيه تهسترت ولك حتى ردت اريد اكمل كلام
.
رهاب: يلا امشي اش بدون حجي تعالي اهناك نتفاهم من رخصتك ابو عصام اريد نكعد وحدنا
.
ميلاد: لا لا ما اكعود وياك لو اموت وخر عني وخررررر
.
الضابط: هاي اكعدوا بمكتبي اتفاهموا ابو رعد
.
رهاب: تسلم  ..... شوفي ولج المراه الي ضربتيها بغيبوبه واذا ماتت تخلصين كل عمرج بالسجن واذا هسه اقل تبليغ ابلغ عليج احسبي تروحين بيها مؤبد فاعدلي روحج خليني عدل وياج
.
ميلاد: شلون خوما ماتت والله ماضربتها حيل عفيه والله والله ماضربتها ضربت موت ردت اشرد بس ما قصدي
.
رهاب: عوفيني منها هسه اختاري يا سجن واضلين أهنأ حتى نسوان السجن يغتصبنج لو ترجعين اهناك مثل. الاوادم تكعدين واني ماراح ادخل بيج
.
ميلاد: ههه ليش هيه بقت على نسوان اذا واحد بكبر الحمار راد يغتصبني واني طفله شلون بعد شبقيت للنسوان و زلم اريد انسجن لو اموت مارجع وياك
.
رهاب: ولج نعال بنت الزمال انتي تفهمين شنو معنى سجن لا عبالج مثل الافلام كاعده و نايمه ولج يملخوج من غير التحرشات
.
ميلاد: وانته نسيت شسويت اخر مره بيه يجوز يضربون بس مايضربون بنذالتك ما اجي انسجن اريد و كمت اصيح وينك سيدي تعال اسجني اني ضربت مرأه وينك حط ايده على حلكي
.
رهاب: ولجججج كافيييييي يحد بسنونه اذا انتي ساقطه وماتخافين على سمعتج خافي على سمعت ياسر شراح يكولون عليه مات و مرته صارت بالسجون و يحيرون شنو يكولون عليج من كلام اتقربتلها كتلج ترجعين معززه مكرمه حالج حال سناء و زينب اخواتي
.
ميلاد: وخرت ايده و دفعته لان جان حاصرني كوتله لا ترجعني البيت خالتي مارجع وياك ما اطيق اشوف وجهك من اشوفك نفسي تكوم تلعب
.
رهاب: اوي عيني اوي تلعب العبي وياها و يقلد نبرت صوتها .. اني اصلا اغلب الوقت ماموجود اطمئني مال ترجعين الخالتج انسي انتي تعرفين شنو شغلها عيب نفتح الموضوع
.
ميلاد: ليش كتلهم مخبله هااا
.
رهاب: يابه ماكلت مخبله تمضرط طلعي من كلبج ليش كتلهم حاله نفسيه من مات اخويه ودكتور كال مؤقته وبعدين انتي ياهو الضحك عليج و كالج انتي صاحيه
.
ميلاد: نفس الضاحك عليك و كالك انته رجال هه
.
رهاب: ولج بنت الزمال اني
.
الضابط : استاذ رهاب عفيه ابو رعد عجلو لان محتاج ادخل للمكتب عندي شغله
.
رهاب: جايين.. انعل ابو مكتبك لابوك يلا كدامي
.
ميلاد: ما ما اريد انسجن
.
رهاب: خوش لعد انسجني اني طالع
.
ميلاد
شو هذا كبل راح و عافني وصل يم الباب كتله شوف راح ارجع بس والله ادفعك الثمن غالي مو تريدني ابقى بيتك اتحمل النتائج
.
رهاب: خوش يلا عدلي نفسج لاعبه بروحج خلقه يلا بسرعه
.
ميلاد: لا تتامر بطلت ما اطلع ماجي وياك عوع
.
رهاب: خفتن و ستين راحه عوع عوع ام حلك يلااااااا لاتكفرينييييي
.
ميلاد
صاح صوت رجني كبل طلعت امشي كدامه جرني من ملابسي وكال اهنا ورايه وامشي عدل مو مشيه مال مخبل
.
ميلاد: اني مو كتلهم مخبله خليني براحتي رحت يم الضابط و كتله مو كتلي انطيج حلويات اذا صرتي حبابه
.
الضابط : ها اني كلت
.
رهاب: اعذرنا امشي يلا اني انطيج اهناك
.
ميلاد: كلت والله الا افشلك مثل مافشلتني كتله لا لا الاهوه ابو شوارب ينطيني انته ماعندك تدري عموو هذا مرات يسويها على نفسه
.
الضابط: بالكوه حاصر ضحكته
.
رهاب: ورثت عرفتها متقصده خزرت الضابط راسن سكت جريتها من ايدها واتصيح اريد حلويات وخر خراب اليوم اخرب وجهج خراب اصبريلي
.
ميلاد: انتهى من العصبيه واني بقلبي( كلت بعدك ما شايف شي والله الا اخليك تتندم على اليوم الشفتني بيه )
..............
علي
من سمعت يأسر مات واتذكرت ايامنه سوه احنا ربينا سوه ضليت اكل بروحي اكل و متندم خاصه على الجذبه الي جذبتها
.....
يوم عرس ياسر و ميلاد
....
خالي رهاب جرني من ايدي ودخلني واني جنت شارب الا مابزعان حتى حشيش اجه للسياره ماكو كلام ما حجاه عليه وداني الشقته الي بالبصره جان يجيب نسوان بيها اخذني و حطني جوه المي فتره طويله يلا صحيت كعدني بلش بيه غلط و فشاير اني حسيت بالفشله وماردت اطلع نفسي بس المذنب كلت الخالي شوف خالي هاي مرت ياسر وحده مو خوش تدري احاجيها تكلي عادي اذا ازوجت ياسر اضل على علاقه بيك خالي سمع هيج لو ميز جان محطوط طشره طشار
....
رهاب
من سمعت بيها مرته هيج انتهيت بس كلت اني مستحيل ادخل نفسي لان اعرف سواء كتله لولا ماراح يغير شي دارخه عقله درخ بس جنت متوعدلها لزمت علي موته كتل لان ضل لازك عليها وهيه صارت بذمت ياسر واكول اخ لو تجيني الفرصه و اخليج تتندمين على اليوم الا اجيتي بيه و من اجتي الفرصه طلعت اطهر بنيه بالي اسقط ابنيه جان يفكر بيها عقلي حقدت عليها بكد رحمة الله و بنفس الوقت اكو شي بكلبي احسه انسد لان جنت ادور عليها كل هل سنين بس من اذكر ياسر اخوي لامسها تكش نفسي منها و اذكر عمايلها وهذا الحقد سيطر عليه بالكامل خاصه من اذكر كلامها من تكله حتى اذا ازوج نستمر خلاني اثور عليها ملختها و كلت خليها تحس بذنبها و تعرف روحها من ياسر راح انتهى كلشي و سقوطها ما فادها و بنفس الوقت اهلي يصيحون عليه يريدوني اطلعها و امي و سناء يريدني ارجعها الخالتي بس ياسر أمني كال خليها كبال عينك و حجالي على وضع خالتها اني اصلا اعرفها بس مستحيل اكسره واكسر كلامه اما حبي القديم الها مابقى بيه ذره وحده كله تلاشه موتت يأسر حته خلت كلب ماعندي
......
علي : وصلت البيتنا جنت ما اجي بس من مات ياسر اجيت بفاتحته و قررت ارجع و ماعليه بيها بعد
.
سناء: يمه وليدي اوف ريحتك جنه رجعت يمه ولك يمه تبهذلنا
.
علي: لا يمه ان شاء الله نرجع نلتم باوعت للبيت شفت صورت ياسر معلكيها بالاستقبال مغص صار بطني و غصه ماتطلع بيه
.
سناء: فوت يمه فوت الرحمن جيب ملابسك
.
ام رهاب: ها ولك رجعت راح بعد الي جان انته وياه تتناكرون راح الي جنت انته وياه تلعبون وطلعون سوه
.
علي: بمدي اكلها كافي لان الغصه كل ما جالها داتكبر ماريد ابينها
.
ام رهاب: ولك عليوي راح اخيك ياسر بعد ماكو بعد ماتصبون اكل و تاكلون سوه بعد ما تتعاركون على حضني وكل واحد يريد يكعد كبل الثاني
.
علي: حجيه هستوني اريد اجاوب و جان يدخل من الباب خالي رهاب وياه هيه بس وضعيتهم جانت تصدم
..........
للروايه بقايا ❤️
.....
هلو حبايب ما هان عليه اعوفكم بدون بارت اليوم فهذا البارت نزلته ياريت تقدرون تعبي والله دراسه عندي ادعولي انجح بمعدل زين و انطوني رايكم بل بارت طبعا احلا شي من اشوف تعليقاتكم و شلون متفاعلين افرح من كل قلبي طبعا بعد الباجر ب 3 يلا انزل بارت جديد اتحملوا هل فتره ماشي حبايب احبكم لاتسون كتبوا رايكم

حساب الانستا الي يحب يحجي قصته
mi_itss5