ميلادي أنتي

البارت 19

رهاب
كعدت بل صاله شويه و افكر بالاشياء الي كاعد تصير شكل هاي المره لعب روحي فدنوب كلت يعني ميلاد هم اشوف هاي الاشياء باوعت الروحي كلت اسمها استخطيتها حيل اني رجال و انهزيت من هذا الموقف هيه شلون لازم منا و هيج احسن معاملتي وياها طز بحجيهم هيه مكروده اتحملت من صغرها اشكال وهسه جبيره وهم ماخليها ترتاح بس وعد من باجر شتريد اسويلها لان اني ضلمتها من هيه صغيره وهاي فرصه اعوضها من تكبر لازم ما احرمها من كلشي اول شي لازم نعالج نفسنا لان وضعنا مو طبيعي كاعد افكر و اسمع اصوات بالحديقه اباوع الباب مردوده رد بس و ما مسرقايه تقربت و كلت بكلبي الله يساعدك على شكل الثاني ههه الي راح اشوفه هسه فتحت الباب شويه اشوف اثنين من اركز لان علي حاضن ميلاد و هيه حاطه راسها بصدره وايده تتلمس بضهرها اهنااا اني شفتهم هيج جان اروح اتقدم من يمهم و جريتها
.
علي: خالي بس ماحس غير اجتني كفخه خلت خدي يخدر
.
رهاب: ولكم كوا** كاعدين تتحاضنون و لك انته ياساقط خالك ما صارله 6 اشهر  طاحضك و طاحض صماخك و انتي بربوك ماصدكتي اجتج من الله
.
ميلاد: يسولفون و يجرون بيه واني اشوف ذوله راحوا من اجه رهاب كتله رررهاب راحو راحو
.
رهاب: ههه هاي سالفه الخبال جديده حتى اطمطين عيوبج
.
ميلاد: ليش شسويت
.
علي: خالي صدك ميلاد مدري شافت
.
رهاب: اكل خرااا مدري شافتتتت اضللللل تتحاضن وياها هااااااا اطببها الغرفتها و تنطمر
.
ميلاد: شنوووو شبيك اصيح اني ماخليته ياخذني
.
رهاب: خوش لعد ماتريدن تروحين للغرفه موووو
.
علي: خالي ميلاد نفسيتها تعبان يحتاج تتنفه اشويه كامت مدري ششوف و حاولت اهديها
.
رهاب : ماعليك تعالي انفهج
.
ميلاد: عوف ايدي هاي شبيك دتوجعني
.
علي: خالي شجاك
.
رهاب: انتتتتتتت تنجبببب تعرف شنووو تنجب وانتي بربوك تعالي انفهج جان عدنا ترك خوص نحط بيه اشياءنا مثل المكاين و الماسحات اخذتها كتلها هاج تنفهي
.
ميلاد: انته من كل عقلك تريد تخليني اهنا
.
رهاب: لا من نصه هوه الي يعاشر مخبله و بربوك مثلج تردين يكون عاقل هاااا
.
ميلاد: وكعت على رجليه و صيححح بصوت عالي وابجي كاااااافييييي كااااااافيييي والله تعبت شتريدوووون مني موتونييي رجعنييي الخالتي بعد ما اتحمل ابقىىىى ليششششش اسوين هيجي بيه والله روحي انتهت والله ماسويت شي وياه رهاااااب شبيكككك والله ما صارر شي بس شفت الاشياء الي تخوف و خفت و ماااكو احد غيره كداميييي رهااااب تعبت عفيه لا تاذوني بعد ماعندي طاقه كل ما اكول تحسنت حياتي ترجع تخرررب اكثر من قبل تذكر من جان عمري عشر سنين والتقيتك اخذت حمل اكبرر من عمري بعد ماعندي روح اواجه بيها تدري جنت متحلفه انتقمممم منك بس ماعندي بعد روححح تخليني انتقم كل يوميه اشوفك واحس الف غصه بدأخلي بس ساكته لزمتني ضربتني و جبرتني ابقى اهنا و سكتت بس مال تسوي هيج بيه لا رهاب و الله هسه اموت نفسي و خطيتي تضل تحملها طول عمرك فاهممم
.
رهاب: صفنت على كلامها و شلون تحجي بحركة كلب كتلها مو بكد تعبي و خيبتي الي عايشها انتي لو تكونين مكاني لو ساعه ماراح يضل عندج عقل شترديني اسوي واشوف هذا لازمج هاا اصفكلج لو اكلكم كملواا واذا على الاشياء الي تشوفيها اني اشوف اشياء انكس فكافي وزني نفسج لو شافج غيري بهيج منضر ماراح يفكر سليم واني واحد من الناس لوما تمر عليه بنفس وقتج اشياء جان ماصدكتج كومي نفضي نفسج وروحي الغرفتج نامي لاتحسسين احد عليج و باجر انروح الوحدة اشوف النه جاره
.
ميلاد: رهاب يعني انته هم اشوفهم
.
رهاب: تؤ بس احس شي غريب موجود
.
ميلاد: بس كلت اني اشوف اشياء اسوء
.
رهاب: كلت انكس احجي مثلنا مو تتفيكين
.
ميلاد: يا تفيك عفيه خليني انام يم زينب والله اخاف
.
رهاب: تؤ تنامين بغرفتج ماريد مخلوق يحس وعلي شغلته يمي
.
ميلاد: زين ليش
.
رهاب: يابه انتي ثوله اني ما اثق بالدنيا كلها يجوز صاير سحر و من يعرف واحد ينتشر الخبر و راح ياخذ حذره بعد
.
ميلاد: والله ما ارجع للغرفه لو اموت
.
رهاب: ولج عمي غرفتي مترين عن غرفتج تكولين آه اسمعج
.
ميلاد: لا مايطلع صوت مني من الخوف
.
رهاب: يعني شتريدين اسوي بله
.
ميلاد: هاا مادري
.
رهاب: ترا ورايه شغل احجي لا تمستحين براسي
.
ميلاد: ما مستحيه خلص روح نام اني اضل كاعده
.
رهاب: ولج يابه هسه اني شسويلج بس مشينه هل ليله رحمه الدينج
.
ميلاد: انام يم زينب اكلها كابوس
.
رهاب: تمام يلا امشي
.
ميلاد : مشيت كدامي هوه راد يسحبني من ثوبي لزم حماله الصدر من ورا بالغلط اني ضليت صافنه هوه بساع هدها و كام يمشي كدامي
.
رهاب: اي حط روحك بمواقف جايفه ... يلا امشينا يمعوده
.
ميلاد: خراب العفو اقصد رهاب اريد افوت للحمام
.
رهاب: روحي للحمامات البره اني منتضرج اهنا
.
ميلاد: تمام عفيه مو تروح
.
رهاب: وين مولي يلا استعجلينا
.
ميلاد: ضليت أمشي و تلفت عليه اخاف يعاقبني و يعوفني مو ترووووح
.
رهاب: راحت روحج ولج ولي عاد
.
ميلاد: طبيت للحمام و خلصت دا اغسل و بسرعه بسرعه من الخوف فجاه واحس اكو شي رج جسمي كانو صار  شي بداخلي
.
رهاب: واكف انتضرها بطت نص ساعه خلص صبري من اباوع و اشوف ميلاد ترعص بالكاع الحالها اريد اروحلها تغيرت نبرت صوتها وهجمت عليه تريد تخنكني واني و بقوتي بالكوه لزمت ايديها شلتها و صيح اكتلكم اكتلكم كلهم كعدواااا على صوتها
.
ام رهاب: سترك يربي البت شبيها
.
رهاب: علي هاشم تعالوا ساعدوني جتفوها
.
هاشم : هاي بيها جني خويه
.
رهاب: اصيح واحد يجيبلي حبل ولكمممم
.
علي : هاك خالي هاك خفت عليها وجها يطلع منه مدري شنو البرائه الي بوجها كلها رايحه صايره عباره عن خراميش بوجها و قويه قوه دخليك ربي
.
رهاب: اريد بس اثبتها ماكدر و تصرخ بكل قوتها وراها كامت تحجي بصوت ناعم هادئ
.
ميلاد: حبيبي فكني اني ميلادك تذكر من تكولي ميلادي انتي يلا فكني حياتي
.
سناء: هاي شكاعد تخربط
.
هاشم : هاي اني شايف هيج حاله تحاول تتخلص من الحبل حتى تهجم تكوم تحجي هيج علمود يفكوها
.
رهاب: همه يحجون واني من سمعتها تكول سوالفي مال قبل الها انتهيت بمدي احضنها واكلها ماريد هيج يصير وياج خايف و متوتر عليها حيل
.
ام رهاب: يمه روح اربطها بامام
.
رهاب: رحمه دينكم اسكتوا
.
ميلاد: رجعت الوعي مالتي اشوف نفسي مربطه وكلها فوك راسي .. هاي شبيكم شكوو ليش هيجي رابطيني ررهاب هيجي اسوي بيه لان كوتلك اني اشوف اشياء تربطني لا تخبلوني فكوني
.
رهاب: زينب سناء كومن اخذنها الغرفتها
.
لا لا عفيه انخاف
..
ميلاد: شبيه ليش تخافون مني والله مابيه شي رهاب ليش هيجي كايللهم خليتهم يخافون مني انته مو هم
.
رهاب: اش يلا امشي هسه افهمج
.
ميلاد: ماروح ماروووووحح عوفوني خبلتوني ليش ذبوني بالشارع و لا تسوون هيجي بيه حتى ياسر الي عبالي يختلف عنكم من مات كام يخوف بيه ليششش شمسويتلكم علي مابيه شي اني كلهم مو قبل شويه كتلي مابيج شي
.
علي: اي اي مابيج يلا صعدي فوك خليني اصعدج ترتاحين
.
ميلاد: فكني علي عفيه ايدي كامت توجعني ذوله مايرحموني
.
رهاب: من صارت تستنجد بعلي اني مادري ليش سكتت مادري ردتها ترتاح ماراح صدكني اذا كتلها ربطتج لان تحولتي مدري شنو
.
علي: جبت السجينه فكيت ايدها وماحس غير السجينه نابته بجتفي
.
ميلاد من غير وعي (ههههههههههه شو شوف دم دم
.
رهاب: اباوع عليها فلتها و شالت سجينه توني اريد اسحبها رادت تحطها بركبته الحمدالله دفعت ايدها صارت بجتفه لزمتها جتفت ايدها هاشم الزم ايدها جتفتها و اخذتها الغرفتها طببتها هذا الحجي اهلي يركضون ورايه
.
ميلاد: رهاب شكاعد يصير بيه عفيه والله تعبت جسمي يحركني شسويت غلط ليش كاعد تعاقبني هيج زين اني مو بالمدرسه موو
.
رهاب: كامت تخربط بالحجي واني اباوع عليها مابيدي شي خابرت مراد كتله اريد احسن شيخ كالي الصبح اجيبه و اجي كتله مايصير هسه كالي لا والله مايستقبل هيج وكت ضجت حيل بالكوه لازم نفسي اكو مغص بمعدتي واباوع على ميلاد شلون تون و اشكال تسولف اجيب وتخربط
.
ميلاد: رهاب من اني صغيره تعرف شنو احب بيك احب عيونك لان محيراتني لا هنه خضر و لا هنه صفر
.
رهاب: ههه امم نامي ارتاحي
.
هاشم : خويه افوت
.
رهاب: فوت قابل شعندي وين البنات
.
هاشم: خويه مايقبلن يجن يمها يخافن
.
علي: خالي اني ابقى
.
هاشم: ولك انته جتفك بعده مامعقم تعال اسويه الك
.
علي: لا مايحتاج شديته
.
رهاب: طلعوا اثنينكم
.
علي: خالي بس اني اريد
.
رهاب: مو وكتك اطلع هسه
.
رهاب: طلعوا اباوع عليها نامت و جها متخرمش كله اضاهر مخرمشته قبل لا اجيها جبت كطن و ديتول و كعدت اعقم بيهم هيه تعبانه غافيه حتى ماتحس فجاه فتحت عيونها كل حيلهن
.
ميلاد: فك ايدي توجعني اربد انام براحتي
.
رهاب: اعرف حجي ميلاد مو طبيعي كتلها اي خوش
.
ميلاد: يلا فكني حباب
.
رهاب: امم
.
ميلاد(بصوت خشن) فك ايديييي
.
رهاب: و طمه الهل صوت اعرف هذا شي بداخلها انجب انجب
.
ميلاد: اكتلك والله اندمك فكني
.
رهاب: اي عود خوش  رجعت نامت طبعا ماجبت قران يمها لان تهيج زايد و لازم واحد خبره يقرا ضليت اباوع الها اوف الحياة لعبت بينا جوله فزت تون بالم اضاهر من جسمها لان تعبت كتلها يمج يمج
.
ميلاد: رهاب مو تعوفني اخاف و تبجي رهاب اخاف من نفسي بيه شي مو طبيعي اني مو
.
رهاب: تؤ مابيج باجر اصيرين زينه
.
ميلاد: رهاب احجي ويايه خليني احس انته بعدك موجود يمي حتى اكدر اغمض عيني
.
رهاب: صار تدللين تدرين مره من المرات من شفتج تلعبين بره عجبتيني من انتي صغيره بس عجبتيني كطفله و شفتج تتعاركين ويا الولد عرفتج راح اطلعين شرسه
.
ميلاد: رهاب ماجنت اعرف
.
رهاب : شنو ماتعرفين
.
ميلاد: علي ضحك عليه والله ما اسامحه ابد هوه ورا سالفه الي خلاني اقبل بياسر صدوك حبيت ياسر بس جنت امام الامر الواقع ماكدرت ارفض لوما هوه ماهيج دمرت حياتي جنت بس اريد اخلص من خالتي هوه اجاني و كالي راح اخطبج الصراحه كيفت لان بس اريد اخلص منها خاصه من كبرت جانت تريدني اسوي مساجات للزلم الي يجوها علي جان فرصه اجتني بس هم خدعني محد وفه ويايه هلكد الناس تكرهني
.
رهاب: اني اهنا اذكرت اني الي كلت العلي و قنعته يضحك عليها يعني لو تدري شراح اسوي كلت لازم اكلها احسن تتقبل هسه.. ميلاد بصراحه اني الي ........
....
للروايا بقايا ❤️
....
هذا بارت طويل ان شاء الله عجبكم دا اتعب ماكو كاتبه تنشر بكدي والله الاريده منكم تنطوني تعليقات عن البارت و شنو رايكم بيه هذا بس الشي الي تفرحوني بيه طبعا اهل الانستا راح تكون فقرات تخبل اونسكم بيها و اضهرلكم جزء من شكل ميلاد الحقيقيه الي بعده ما متابعني يضيفني هذا اليوزر mi_itss5
و ضيفوني اهنا همات خلي نكبر اكثر و تعليقات لاتقصرون تمام احبكم باي