ميلادي أنتي

البارت 17

ولج كافي فتحت القفل و الباب ماكووو
دخلت بهدوء للغرفه و جان اشوف شي وكف شعر راسي شفت ميلاد كالبه الغرفه و الصور و خربانه ضحك و صيح لا لا دوس و ترجع تموت ضحك كتلها كافي ولج شوفي هاي شغله اجذبين الجذبه و صدكيها بطليها هي مستمره لزمت ضربتها راجدي
.
ميلاد: اريد بس اسكوت ماكدر اجه رهاب حاولت اكله لا دوس على هاي الماده بس اضحك و احجي هوه ضربني راجدي واني هم رجعت متت ضحك
.
رهاب: كافي هسه اسكتي تفاجئت انو سكتت بسرعه كتلها شبيج لو مدري شنزل عليها بجي تبجي
.
ميلاد: ابجي ابجي مدري احس روحي مخبله كتله مادري مادري و ابجي بهاي الاثناء هوه تقدم عليه ستوني اريد اكله لا لان جان مكان الماده الي دست عليها بقى اثر بيها بالغرفه بس داس فوكاها رجعلي السواد مره ثانيه و النفخ ماحي غير وكعت من طولي
.
رهاب: وكعت اني ركض رحتلها و صرت اصيح وحده تجيني منهم اجتي مرت هاشم
.
رقيه : ها خويه خير
.
رهاب: جيبيلي مي و عطر
.
رقيه : جبتهم وباع بارجاء الغرفه جان انتهي من اشوف الماده الي امي انطتني منها بغرفه ميلاد ورجلها باقي بيها شويه و باوعت الرجل رهاب نفس الحاله ميلاد صحت و رجعت نامت بس شفت القلق بعين رهاب عليها تفاجئت ركض سحبت نفسي  و رحت دكيت على امي ولج يمه لحكيلي
.
ام رقيه: خير ولج شبيج
.
رقيه: ولج يمه السحر الجبتي حطيته بغرفه اخو رهاب المرحوم و دايس عليه مرت اخوو و هوه ولج يمه البنيه تخربطت
.
ام رقيه: سوده بوجهج راحت البنيه
.
رقيه: شلون يعني راح تموت
.
ام رقيه: انجبي ولج بس هذا السحر اذا حطيتيه لثنين مامزوجين لازم يزوجون يلا يخلصون من الاشياء الي راح تصير الهم
.
رقيه: وج يمه شلون همه اصلا اسولفلي سناء تكول ناس تكره ناس شلون بعد يزوجون
.
أم رقية: انتي ضلي على سكتج همه يحيرون بنفسهم مدام بقوج ارتاحي اصلا تستفادين بمرضه راح ينساكم ويخليكم فتره اطول
.
رقيه: بس يمه خايفه اني اخاف من الجني.
.
أم رقية: قابل بيج انتي لصمي حلكج و سكتي ثوله
.......
ميلاد
صحيت لكيت زينب اخت رهاب يمي بوستني و كالت الحمدالله على سلامه ليش شبيه
.
زينب: مو تخربطتي لان ما تاكلين رهاب كالي
.
ميلاد: امم زينب عفيه جوعانه
.
زينب: اي حبيبتي صبوا غده تعالي نروح ناكل
.
ميلاد: عادي اكل أهنأ
.
زينب: ميلاد لا تنطيهم مجال يحجون عليج رتبي نفسج و انزلي
.
ميلاد: اوف تمام جايه . راحت زينب فتت للحمام رجع الغوش و شي يردد اسمي فتحت عيني على مرايا هم لكيت نفسي اضحك صرت اخاف من نفسي لمست روحي من على مرايا مدري ليش حست جسمي كله نمل واحس واحد لزمني من اندار ماكو احد رجعت باوعت على مرايا شفت ياسر بس مو ياسر الشخص الحلو لا ياسر مدمه ولحم طالع من وجهه عطت بصوت عالي
.
رهاب
قلقني وضع ميلاد انوب اني مدري شبيه همات عندي دوخه وحاصر ضحكتي بالكوه اذكرتها عرفت وضعنا اثنينه مو طبيعي وراها اجيت اريد اتغده واسمع ميلاد تصرخ كلنا كمنا و علي راد يطب للغرفه و كفته و خليت زينب تدخل اسمع زينب تكول لزموها طلعت ميلاد تصرخ ياسر ياسر بالغرفه والله شفته والله تعالو اذا ماصدكون و الله سكن الغرفه
.
ام رهاب : شنوووووو يمه وليدي ولج ناويه تخبلينه
.
رهاب: اش كافي يلا انزلو اتغدوا
.
ميلاد: عفيه بس فوت للغرفه اذا مامصدكني و شوف بعيونك
.
رهاب: جاي تتخيلين لان ما تاكلين يلا نزلوا . اخذتها زينب و نزلو اني بسرعه دخلت الغرفه ياسر باوعت ماكو شي رحت للحمام نفس الحاله ردت اطلع و اشوف صوره ميلاد و ياسر مكلوبه ورا شويه وكعت وتكسرت حسيت اكو وضع مو طبيعي انتضرت يصير شي ثاني ماكو كمت لميت الصوره و حطيتها بالكنتور نزلت لكيتهم كاعدين و صافنين عليها شلون تاكل باوعت لكيتها تاكل بشراهه عبالك ما ماكله صار الف سنه باوعت كتلها على كيفج اكلي بويه شو هاي بسرعه رجعت طبيعيه و تاكل على كيفيها اهلي ضلو ناس تباوع على ناس وراها باوعت عليها هاي صافنه عليه انوب اهلي كلهم يتنادسون اني كلش ضجت اكلت لكمه و كمت هيه كمت هيه هم كامت كالت شبعت غرفتها صايره ورا غرفتي امشي و تمشي ورايه صديت ليوره و ميلاد ماكو لعد منو هذا الجان يمشي ورايه يالله راح اتخبل اباوع لكيتها لساتها باول بايه على درج كتلها اريد احجي وياج كالت اني هم رحنا كعدنا بالصاله الي بطابق الثاني كتلها شكاعد تحسين صدك شفتي ياسر
.
ميلاد: شلون يمته شفته
.
رهاب: قبل شويه من حجيتي
.
ميلاد: مادري خاف اتخيل اني
.
رهاب: شلون اجتج الحاله
.
ميلاد: رجعت طبيت الغرفتي شفت غوش اسود فتحت ردت انام لكيت رجلي مدمره مدري شنو رحت غسلتها و بعد صارت هاي الاشياء
.
رهاب: همم يلا رجعي بويه الغرفتج
.
ميلاد: انته هم اشوف
.
رهاب: تؤ يلا رجعي
.
ميلاد
رجعت الغرفتي و اني متاكده رهاب شاف شي مستحيل يحجي واعرف تؤ مالته مال واحد مكابر لو يجذب دخلت للغرفه هستوني غمضت و اشوف مراه و جاهل بالغرفه مالتي يفترن فتحت عيني على خفيف جان مسيطر عليه النعاس ماحس غير البنيه نايمه فوكاي و تتقيئ بحلكي مدري شنو اني انتهيت كعدت لكيته حلم بس خنكه بداخلي نزلت لكيتها الساعه ب 9 بليل كلت معقوله هلكد نمت بدلت و رتبت نفسي و نزلت لكيت زينب و سناء كاعدات الحجيه تنام من ال ٨
.
زينب: هلو حبيبه تعالي كعدي
.
سناء: صح النوم يمعوده على اقل اكعدي كولي اشوفهم شمحتاجين
.
ميلاد: لو مكعدتني هيه شنو من نومه فلم رعب والله
.
سناء: ولج بس لا بيج جني يبليه
.
زينب: سناء سالمين لا تخوفين البنيه بعدين هذا شنو الي بركبتج
.
ميلاد: شنو
.
سناء: يمه هذا اثر خنك من خنكج رهاب مو اكيد لان انتي توكفين بوجه الواحد صلفه
.
ميلاد: هوه انتو الفقير تاكلوه
.
رقيه: هاي كاعدات ما صحتلي شلونج ملو حبي
.
ميلاد: هلا
.
رقيه: لا هاي مو ايدين واحد اكبار مال واحد اصغير
.
ميلاد: بسرعه اذكرت الطفله الي بالحلم رحت اكو مرايا حاطيها بالصاله شفتها و هم شفت وجهي يبتسم ورجعلي الضحك بهاي الاثناء دخلوا علي و رهاب
.
رهاب: اول مادخلت البيت وشي غوش عليه حاولت الزم روحي و من طبيت و شفت وجها احمر من الضحك اكو شي اجاني شلون الهوه باوعت عليه لو اني هم متت ضحك
.
علي: يا خالي ها شبيكم يمعودين
.
سناء: يمه هاي نرجس مرت علاء من صار بيها جني كامت بس تضحك و تبجي
.
علي: ياجني يمه شنو هل سالفه منين يجي قابل
.
رقيه: بلعت ريكي و احس بخوف
.
رهاب: بالكوه سيطرت على نفسي من ضحك و كتلهم يمعودين شبيكم شنو الواحد ماتجي الضحكه بالبيت هجتوا مثل المخابيل و ميلاد مستمره انوب كامت تبجي
كتلها كافي روحي الغرفتج هاي عبالك ما جانت تبجي قبل شويه بسرعه صعدت والله شلون الروبورت
.
سناء: ابو رعد وضعكم مو طبيعي خويه روحوا السيد
.
رهاب: انتي تعرفين اني ما آمن بهل خزعبلات لاتجين تنكين فوك راسي
.
زينب: خويه ذني مذكورات بالقران والله يمكن سحر اكو وحده يمنا حتى شكل الي مسويه اطلعه
.
رقيه: ههههه ولكم شبيكم ابنيه ضحكت قابل شصار روح عيني هذني اليوم شايفات فلم رعب
.
علي : خالي شنو سالفتكم انتووو اثنينكم مو مثل طبعكم القديم من الصبح ليهسه
.
رهاب: غدييييي شكد تلغون رايح اني ... فتت من يم باب غرفة ياسر اسمع صوت تبجي دكيت الباب و فتحته لكيتها حاصره روحها بزاويه كالتلي بصوت مبحوح و همس
.
ميلاد: انته تعرف همه موجودين مو
.
رهاب: منو
.
ميلاد: هذوله الي يخوفون تشهك و تحجي شوف ركبتي حلمت بابنيه تخنكني وهاي اثارها
.
رهاب: والله كلبي اتكطع من اشوفها بهاي الحاله شوفي لاتخلين الخوف يسيطر عليج كومي صلي و اقري قران
.
ميلاد: لا لا لا من اركع تجيني والله و ياسر وياها يريدون يقتلوني
.
رهاب: لج باب ههه شيكتلون منج يلا اني اهنا كاعد و انتي كومي صلي
.
ميلاد: زين اريد اروح للحمام اوكفلي باب الحمام راح اسدها انته اوكف وراها واحجي ويايه اني مارد عليك بس انته ضل سولف
.
رهاب:  قصدج انبح مثل الجلب و ليش حضرتج ماتردين
.
ميلاد: مو اريد اتوضأ واريد احس احد يمي
.
رهاب: ديلا يلا كومي
.
ميلاد: كمت بصراحه من يجي رهاب الوحيد الي من اشوفه اعرف نضراته مال واحد مثلي و يعرف اكو شي بس هوه مو مثلي يكدر يسيطر على نفسه كمت طبيت للحمام هوه كاعد على القنفه باوعتله رفع حاجبه بمعنى شكوو كتله ماكو اطلع اطلع
.
رهاب: افففف يابه هاي اجيت يلا روحي راحت واني واكف ورا باب الحمام سمعت صوتها تكولي هاي شبيك مو اتفقنا بويه شحجي هسه اني تذكرين من جنتي معطبه و خشمج يطلع منه فتحت الباب على سريع
.
ميلاد: امشي اطلع ماريد سوالفك صيح زينب خلي تحس بخبالي ولا هاي سوالفك.
.
رهاب: وجعه اي والله لعد شحجيلج ديلا طبي يابه ترا روحي تريد تطلع ولاتطلعين هواي يمهن هاي صارت عندج حاله نفسيه فتره وتروح ماريد يطلعن عليج سوالف
.
ميلاد: علساس انته مهتملي السوالف احسن من الضرب
.
رهاب: يابه مو اكلنا نعل و كلنا بعد مانضربج يلا طبي اريد اروح الغرفتي اسبح
.
ميلاد: طبيت للحمام هوه يسولف على البيت شلون بناه واني اجددت على السريع و طلعت وابد ماحسيت بشي وراها طلعت هوه يلعب بموبايله كاعد القنفات واني جبت ازار الصلاه و كعدت اصلي والله هيج امان كولشي من خوف راح من هوه كاعد
.
رهاب: اباوع عليها من لابسه ازار الصلاه ملاك و كاعد هيج يلوكلها الابيض خلصت و باوعتلي كالتلي
.
ميلاد: باوعت لكيته صافن كتله يلا اطلع
.
رهاب: من وجعه بهل الكلام اشتغل عندج يلا اطلع شو ماتعرفين تحجين
.
ميلاد: استاذ خراب اطلع مشكور يلا
.
رهاب:  كولي اسمي عدل كامت تهز بجتفها و تسوي ما اني تقربت اريد ادبها ماحس لاني عاثر بجادر الصلاه مالتها وكعت فوكاها صار راسي يم صدرها اني ستوني اريد اكوم جان تجفت علينا وحده باوعت للباب وجان اشوف .....
......

للروايا بقايا ❤️
حبايبي هذا بارت طويل ان شاء الله البارت اليجي باجر ب 3 لاتنسون اتابعوني على انستا mi_itss5 لان بس يوصل 100 متابع اسويلكم فعاليات نار واهنا هم تابعوا صفحتي عيب ماتابعوها😂 وتعليقاتكم اهم شي احب اشوفهم هنه يشجعني اكمل الروايه والله اذا ماشوف تعليقات ما كمل لان احس ماكو شي يونسني بس همه احبكممممم. باي