ميلادي أنتي

البارت 30

رهاب: سهله حبيبي كتلها اجهز نفسها خلصي وبدلي اخذجن
.
ميلاد: صدوك اييي
.
رهاب: شرايده كولي شعندي غيرج احبل اجيب
.
ميلاد : هههه
.
رهاب: اضحكي اضحكي يا بعد طوايفي
.
ميلاد: امم يلا حروح اجهز
.
رهاب: اروح قربان لليستحون ههه
.
ميلاد: ههه خلي اكوم لان اذا اضل يمك تموتني
.
رهاب: لاااا عفه عليج اني ما موت اني اسوي غير اشياء
.
زينب: دكيت الباب رهاب ميلاد كعدت اني خلصت
.
ميلاد: اي زوز حبيبتي تعالي دخلي
.
زينب: شنو هاي الاجواء ولكم مال نوم بغرفتكم
.
رهاب: بشرفج مو مال نوم بعد شعدجن رايحات خلينه نام (غمزتلها)
.
ميلاد: لالا اني اهم شي اروح اشتري ملابس
.
زينب: اي رهاب عفيه لا تضل كلسع برائي
.
رهاب: يلا يابه اني راح اروح البس انتضر بعد نص ساعه اذا ماجهزتن كبل اطلع و اعوفجن
.
زينب: كام رهاب و اخذ ملابسه يبدل بالحمام . ولج نعال هاي شنوو تغيرات الصايره شوفي شصاير بيج و برهاب
.
ميلاد: اششش ولج نصي صوتج مادري زوز والله كولشي صار بسرعه حتى ماعرف اني شلون هيجي صار
.
زينب: ديلااا كومي بدلي ترا راح يبدل و يضل فوك راسج و خاف يطنكر و ما ياخذنه
.
ميلاد: اي والله يلا خلي اكوم
.
رهاب: هاي بعدجن يابه استعجللي شويه
.
زينب: يلا اني طالعه صيحولي من تخلصون
.
ميلاد: اوك عمري . طلعت اني اخذت فستان اسود و بيه احزام جوزي و شال جوزي و حذاء كعب جوزي اخذتهم وردت اطب للحمام
.
رهاب: هوب هوب هوب وين يمعوده تعالي شوفيلي صرفه الركبتي اتفشل كله من وراج
.
ميلاد: ترا حتى ركبتي وبعدين انته الي سويت هيج مو اني
.
رهاب: شسويت ههه
.
ميلاد: دفعته و طلعت للحمام وهو يصيح يريدني ابدل اهنا خلصت تبديل وهوه هم خلص لابس قميص فيروزي و بنطرون ابيض و عطره يجنن و نضارات محضرها طلعت هوه كاعد يلبس بحذائه حطيت مكياج شويه ورتبت نفسي وهوه واكف يلعب بموبايله . رهاب خلصت
.
رهاب: ها حبيبي ثواني بله .هاي شنووو وين عبايتج
.
ميلاد: لا عفيه رهاب والله ماكدر والله افشلك اضل كلسع واكعه
.
رهاب: ماكو روحه والخلقني ميلاد خليني مرتاح شويه مال اطلعين هيج ماكووو
.
ميلاد: ماروححح
.
رهاب: لاتروحين شنو مطلعتلي طي** طالع متر ليكدام والعالم تبصبص بعيونها
.
زينب: ولكم شطلعت ماخلصتوا
.
رهاب: انتي بعد طبي براسي دكي الباب صخمي
.
زينب: نسيت  والله هسه شبيك اصيح
.
رهاب: شو دروحن اني طالع اتكفرن الواحد
.
ميلاد: هسه روحه وذليتنه بيها قحط والله لا اروح اصلا و لا شي
.
زينب: كافي هاي شبيكم عاد يمعودين
.
رهاب: اني راح انزل والله 10 دقايق تجن مثل العالم و الخلك هلا بيجن ماتجن اخلي وامشي وانتي مسحي شويه من الحمره
.
ميلاد: بعد عيني استاذ رهاب بوشني
.
رهاب: صوتج صوتجججججج لعد تريدين اطلعين طي**كدام العالم حتى ترتاحين موو
.
زينب: كافي عاد قبل شويه مثل الورد اطلع رهاب لان اثنينكم مدخنين
.
رهاب: نفس ماكلت عشر دقايق
.
ميلاد: شفتي شفتي اخوج شلون يحجي ويايه محملني مانيه طلعه
.
زينب: دكومي ياعيني لبسي عباه خلي نروح ولج ماعدنا ملابس
.
ميلاد: عشتوو انزل كرامتي اصلا ما احضر الخطوبه
.
زينب: يا اخبال . ضليت اقنع بيها وهيه ماكو شلون اثنين راس ايبس من راس نزلت كتله روح ماراح نروح
.
رهاب: ادري شنو هل اعناد لاتبدلين جاي . رحت دخلت للغرفه لكيتها تنزع بحجابها حضنتها من وره
.
ميلاد: وخر
.
رهاب: حبيبي والله ماكدر اخليج هيج نار اصير بداخلي اسمعي الكلام حبيبي
.
ميلاد: تؤؤ
.
رهاب: خطيه زينب موو صديقتج والله يروحي المصلحتج واني لوما اعرف نضره اغلب الشباب ماكول يلا حبيبي لا تعبيني
.
ميلاد: تمام بس مو علمودك علمود زينب ترا
.
رهاب: ههه ديلااا خوش
.
ميلاد
لبستها و كلسع عاثره و مطيرتها. وهوه خبصني لمي عباتج لمي عباتج رحنا جان تجلب بينه سناء وياكم هوه عاد رهاب صار مايطيقها من حجت هذيج المره
.
رهاب: لا عود خلي ياخذج شهاب لو احسان
.
سناء: ليش هيجي خويه اني مو
.
رهاب: يلا امشن 
.
ميلاد
انكسر كلبي عليها بس اذكرت سوالفها ماتكعود راحه ابد خلصناه بالسياره كله مطلع اغنيه (خليني اني وياج خليني بنص كلبج ) وجان اكو مقطع بيها يكول خلي ايدج بيدي ماخون اني حبج وهوه يلزم ايدي و يتلمس بيها رحنا نزلنه للمول وهوه كالي للمره المليون يابه عباتج شكيتيني . والله ماجبرتك انته كوتلي
.
رهاب: هذا السانج اني اعلمج عليه . تعالن ورايه هذا مال مناسبات
.
ميلاد
اخذنه المكان يجنن اشتريت فستان ابيض عاري الكتف و يوصل فوك عن الركبه
.
رهاب: اخذي غيره
.
ميلاد: ماا خليني اتونس شويه رهاب عفيه والله موتتني
.
رهاب: اوووف اخذي عمي اخذي
.
زينب
اخذت فستان ذهبي يجننن بس اسعارهم نارر غاليات كولش بحيث فساتينه و اكسسوارات و مكياج و احذيه صارن بكومه اني جايبه فلوس ويايه بس مو هلكد
.
ميلاد
اخذت اشكال حتى ملابس بين وهوه يجيب ملابس نوم و يحط و اني اوخرهن لحد ما خزرني كمت اني احط وياه ههه و همه غاليين بس شسوي كلت اليوم اعلكها ورهاب خطيه ويايه مرات يختارلي هوه اشياء احلا شي بيه ايده مو اله خلصن طلعن بكومه والله زينب رادت تنطي فلوس كاللها
.
رهاب: دضميهن لا اجي اشككهن
.
زينب: هنه صح مو نفس السعر بس ماكدر عاد اخذ شويه
.
رهاب: ولج شنو طالعه ويايه واخذ وياج ضميهن لا اكسر راسج العالم شتكول
.
ميلاد: ديلا هسه مابقى وقت
.
رهاب: اي مابقى وقت قبل شويه تكليلي بعد وكت هسه صار ماكوو ههه .. دفعت و طلعت عيني انتي ماعندج مقابل تنطيني
.
ميلاد: تؤؤ مو مرتك لازم تصرف عليه
.
رهاب: ههههه اني اريد مقابل عملي تراا . دك تلفوني
.
ايمن: ابو رعد وين صرت
.
رهاب: ولك والله انشغلت اليوم 4 اجيك و حتى نخلص و عشاك يمنه
.
ايمن: ماتقصرر ابو رعد منتضرك لعد
.
رهاب: يلا الله وياك
...
رهاب: ها عدجن بعد شي تاخذنه
.
زينب: مشكور خويه ماقصرت
.
رهاب: صدك جذب يمعودات يلا لمن الكروه هسه مال سياره ههه
.
ميلاد: طلع اغاني رهاب شغلهم و طلع هم اغنيه خليني اني وياج . رهاب شنو ماكو غيرها
.
رهاب: اكووو بس اموتت عليها اذكرني بيج
.
ميلاد: صدوك ههه
.
رهاب: بلعباس ههه
.
زينب: ترا احنا هنا
.
رهاب: انتي انجبينه شويه مخربت الحضات  يلا نزلن وصلنه
.
ميلاد: ليش انته وين رايح
.
رهاب: اجيب بدلتي من الكوي واجي
.
ميلاد: ها خوش لا تتاخر
.
رهاب:  عاد من اجي اريد منج اعمال شاقه تراا
.
ميلاد: ههه شكد ماتستحي
.
رهاب: ولج خليني اني وياج خليني بنص كلبج
.
ميلاد: تمام حطيتك هههه
.
رهاب: وين هاااا
.
ميلاد : امشي روح امسقط
.
رهاب: وينننن ذكرتينننييييي ايباااا
.
ميلاد: ههه باي
.
رهاب: بايات حبيبي
.
ميلاد
دخلت لكيتها خبصه كولهن ضلن يباوعن على العلاليك لان شايله عشيره شلون اصارحهم واكول بعد اكو بالسياره و رهاب على سرعه كالي اني اجيبهن من اجي ههه كمت اتمايل بمشيتي وهنه ميتات
.
ام رهاب: شجاج ماكتيله ياخذ اخيته وياه
.
ميلاد: خاله هاي امور بينهم ما اكدر ادخل
.
ام رهاب: اي تشعليها و ماتدخلين
.
سهام: كافي ام رهاب هيه شعليها رجلها مايحاجي اخته
.
أم رهاب: مو من وراها
.
ميلاد: والله خاله محد لزمها وكاللها تحجي بكيفها
.
أم رهاب: طالع السانج ام عيون
.
ميلاد: لا خاله هوه من زمان طالع بس جان مالي خلك اطلعه الج زياده
.
مها(عمة رهاب) كافي عاد شنو هاي يلااا انتي يمه طبي الغرفتج بدلي وتعالي ساعدينا علمود انصب غده
.
ميلاد: تمام عمه جايتكم
.
مها: رهاب شو ماكو
.
ميلاد: راح يجيب بدلته من الكوي
رحت ماعزلت الملابس لان جوعانه ماكلت بالريوك هواي بدلت و رحت ساعدتهم شويه واجه رهاب شايل باقي العلاليك
.
رهاب: هاج تعالي اخذيهن
.
ميلاد: انطيني اخذتهم و جنان وهيبت بمدهم ياكلوني اكل بعيونهم
.
جنان: رهاب عفيه ماتكدر اشيل القنينه مال المي تحطها بل براد
.
رهاب: تدللين وينها
.
جنان: هايه اباوع عليه هذا الشكل والطول يروح للعوجه اتقربت وجان اكو مي مذبوب شويه سويت روحي زلكت و جلبت بيه
.
ميلاد: نزلت كالولي بالمطبخ يشرب مي طبيت كوتله رهاب ملابسك من اباوع شنوو هاي هوه وخرها كاللها سلامات يمعوده شجابج ورايه
.
جنان: عود اجيت اوخر هذا من طريقك
.
رهاب: يلا ماصار شي . ميلاد حضرتي ملابسي
.
ميلاد: امم
.
رهاب: حكيت لحيتي عرفتها طنكرت تعالي ويايه بله شويه
.
ميلاد: عندي شغل
.
رهاب: جريتها من ايدها من اكلج شي سويه حجيت بصوت ناصي اخذتها للغرفه . شبيج وجهج انكلب
.
ميلاد: لا وين اكو شي اصلا كمل حضناتك استاذ رهاب
.
رهاب: ولج اعقلي ثولة كلبي البنيه وكعت
.
ميلاد: وكعت اي صح قنعتني بعد منا وهيج اليوكع مايوكع بالكاع يوكع بحضنك
.
رهاب: هههه هسه دعوفينا منها ماعندي جائزه اليوم
.
ميلاد: لا عندك طرد
.
رهاب: هههه راح احاول ادخل مره ثانيه هه اتقربت عليها
.
خالو رهاب يكولون برد الغده انزلو
.
رهاب: ويكلك لا تمضرط اييي جايين رحت لبست ملابسي وغسلت وجهي وايدي ونزلنه سوه . الله يساعدهم
.
الكل: هلا بيك
.
رهاب: شلون العريس
.
سلام: ههه نفس حالك
.
رهاب: ههه العروس وين عود تستحي
.
سهام: لا وين غير بالصالون من الصبح
.
رهاب: بربج ادري لو باجه جان صارت هاي شيسوولها هه
....
ميلاد
خلصنا غده و غسلنا المواعين ورتبنا احنا والبنات
.
خاله خالو رهاب يصيحج
.
ميلاد: حبيبي كوله نص ساعه واجي.
طبعا رجعت للشغل و كوله قصف بيني و بينهن
.
خاله يكول خلي تجي تبسرعه
.
ميلاد: جايه جايه
.
سهام: روحي شوفي رجلج
.
ميلاد: هسه بس اخلص هاي
رحت لكيته متغطي و مدد كبل رحت للحمام و لبست دشداشه قصيره مال نوم جويتي ممدت يمه
.
رهاب: ها اجيتي شوفي هاي اخر مره اصيحلج و ماتجين والله المره الثانيه سحل
.
ميلاد: امم هسه اجيت شرايد .خله راسه بصدري
.
رهاب: لساتج تتوجعين
.
ميلاد: ل اقصد اي كولش
.
رهاب: لاجذبين عليه بشرفج ترا محتاجج
.
ميلاد: لا لا ممجذبه صدوك يلا خلي انام شويه بعد ساعه لازم اجهز نفسي
.
رهاب: عود ضلي على حطيتج بليل
.
ميلاد: ليش
.
رهاب: علمود اعرس عليج
.
ميلاد: امسقط ههه
شويه و نمنا تقريبا ساعه ونص والباب يندك وخرت رهاب انوب عبالك راح اشرد مجلب بيه و راسه بصدري وخرت راسه على كيفي هوه وخر اني لبست روب و فتحت الباب لكيت مرام مرت احسان ابن عم رهاب
.
مرام: اسفه عمري كعدتج من النوم
.
ميلاد : لا عادي خوما اكو شي
.
مرام: عفيه كاعد انجهز برواحنا و حمره و مورد اخدود ماكو يناسبني واني وياج نفس درجه الون تقريبا بلكي عندج تنطيني اخذهن اشويه و ردهن
.
ميلاد: ها اي حبي تعالي اخذي شي الي يناسبج ماعرف شنطيج
.
مرام: دخلت غرفتها لو شنو العطر يجنن الترتيب و اباوع ضوه خافت هيه علته شفت رهاب نايم على بطنه و ضهره كله طالع شلون شكل من نايم بعد احلا من ما كاعد كلت بكلبي احضوض
.
ميلاد: مرام عفيه استعجلي باوعت لكيت تباوع الرهاب اوف يهل رهاب سلطان سليمان ماهيج سون عليه رحت غطيته . يلا مرام شبيج
.
مرام: ها اي اي هذني اخذهن
.
ميلاد
طلعت و رجعت على نومتي هم رجع فوكياه انوب ثكيل نمت نص ساعه و كعدت عزاااا ماضلي وقت بسرعه طفرت
.
رهاب: شبيج يمعوده
.
ميلاد: ماضلي وقت اجهز 6 العقد
.
رهاب: اخبال اي والله
.
ميلاد: وانته مو كلت الصديقك 4ترا هسه 4 ضبط
.
رهاب: خرب اليوم مدري شبيه
.
ميلاد: تقلد على طفرتي مووو هههه
...
زينب: ميلاد
.
ميلاد: ها ولج
.
زينب: يا ليهسه ما محضره روحج
.
ميلاد: اخذتنه نومه ولج
.
رهاب: ميلادددد المنشفه
.
ميلاد: اي اي جايه تعالي طبي هسه يطلع رهاب و نجهز نفسنا بعد وقت
.
زينب؛ يا بعد وقت ذني خلصن
.
ميلاد ؛ الي يوصل اخر شي احلا شي ماعليج ههه ... رهاب هاك هاي المنشفه و ترا زينب يمي
.
رهاب: لعد جيبي بدلتي لي هنا جابتها بدلت و طلعت رتبت شعري و ساعه و العطر و الحلقه  .ولجن شعدجن تبسبسن انتن
.
هههه
يلا اني طالع محتاجين شي
.
ميلاد: لا سلامتك ماحس لن متقربلي واخذ بوسه قويه
.
رهاب: يلا اودعناكم وانتي سوي روحج ماشفتي هههه
.
ميلاد
رحت بدلت وكعدت تمكيجت ولبست الفستان و عدسات علكتها طلعت اجنننن صار وقت الحفله رونق تأقلمت و احنا ردحنا انوب اني اركص ركص يشل جان تصيحلي مراه ضلت تسال بيه وانوب حاجت عمه رهاب عمه رهاب ماتت ضحك يا عيني هاي جنتنه مرت الجبير بعدين طبينه شويه صارت حفله الولد دخل رهاب من دنعل ابو الحفله ولج شطالعه اريدج هسه لو يجي ابو جدي من الكبر ما اتنازل اليوم والخلقني
.
ميلاد: ههه تدري رهاب تقربت عليه لزمته من ركبته . اليوم مرتك خطبوها
.
رهاب: شنو هل مضرطه شلون
.
ميلاد: عبالي راح يضحك شي شو هذا وجهه احتقن . هيج ماكو شي
.
رهاب: احجججي عادد
.
ميلاد: هيج شبيك مراه رادتني و كالت العمتك وكالت مزوجه رهاب جبيرهم
.
رهاب: بله انتي مكيفه والكلان نعل الي سويته بركبتج ليش خاتون وخرتيه
.
ميلاد: رهاب شبيك عيب متروسه
.
رهاب: لعد اني هم متروس و ماخلو شبعوا ضحك عليه و ساكت شنو هاي سالفه جديده بعد اذا اشوفج خافيه شي اسمط الخلفوج
.
ميلاد:  شو دوروح والله العتب على الي يسولفلك
.
خالي يصيحوك
.
رهاب: جاي جاي شكيتوني بعدين احسابنا
.
ميلاد: ضلت حسره بقلبي احجي و ماتعيط
.
رهاب: لان حجيج تمضرط شنو خاطبيج ومسويه هيج بنفسج حتى الحلقه ذيج وينها بالجراره مالابستها بس بسيطه الله يحبج العالم اصيحلي تعاي طلعليلي خلوك وله اكلج اكعدي اني اطلع رحت لبست دشداشه بيضه و غتره لفيتها لف دائري و عطر و ساعه و هيه كالبه وجها ماتباوع اني هم طاكه روحي من ثولها بصراحه طلعت ضلينه شويه سلام و عالم و دنيا عود هاي حفله بسيطه عدهم ههه مانحس غير الرمي صار ماله والي من اباوع و اشوف......

.......
للروايا بقايا ❤️
.

تابعوني انستا mi_itss و تابعوني اهنااا همات عذرا على تاخير بسبب الامتحانات