ميلادي أنتي

البارت 16

علي
..
شفت خالي رهاب يجر بميلاد من ايدها وهيه وجها عبالك طاكه عبوه بيه شافونا هيه شافتني انصدمت
.
علي: خالي هاي شعدها اهنا
.
رهاب: ليش مو بيتها بحده
.
علي: خالي المرحوم راح هاي شنو بعد بقيتها اهنا شكوووو
.
رهاب : انجب صوتك ما يتعلي نعال مايعجبك اطلع المرحوم وصاني تضل يمنه
.
ميلاد: اي هينوب التزمت باوعلي بعيون نار سكتت
.
علي: خالي اذا هاي تبقى اني ما ابقى ساعه اهنا
.
رهاب: الله وياك بدربك ناوشني مفتاح شقتي خلي بيها اشخاص مفيدين
.
علي: خالي لعد انييي وين اروووح
.
رهاب: ولك هاي عليمن تعلي صوتك شوف ازمال تبقى اهنا ابقى ماتبقى الشارع يلفي هواي بعوره يلفيك وياهم يلا بهاي الاثناء طلعوا جهال 3 باوعت السناء ذوله ياهم
.
سناء : ها ذوله ذوله
.
رهاب: مضرطي احجييييي عدل
.
سناء : ذوله ولد هاشم اخوك امه طردته و ماعنده مكان كال بين مالكه مكان امشي
.
رهاب: منوا طبببببه البيتيييييي هذااا بدوون مادررررري
.
ام رهاب: استهدي يمه خليهم جم يوم و يولون لاتتحمل خطيتهم و مالك حك تطردهم
.
رهاب: من دنعل ابوهم لابو خطيتهم اشو ما كالو علينه خطيه تذكرين ابويه ازوج عليج هااا و خسرته الاول و التالي واخذت كل فلوسه منوووو بيكككم حجه كلام جنه جهال كلنا طردتنا من البيت واخذته ابويه هذا مرضه من عدها صدك اني سامحت ابويه بس ما سامحت افعاله لوو هذاااا هاشم الي جان بكبر البعير يضحك على حذائي لان مشكككك هااا مانكسر كلبهم احجي بعد شلون هججتنه بذيج الضلمه و كمت اشتغل حمال و ياهو اليجي يصكع براسي و لازم اسكت لو ما ايمن صديقي سوالنه مشروع واطور جان هسه احنا على الحديده هذا البيت من دفع بيه كشايه لو شركاتنه الاثنين هاااا المرحوووم جان الوحيد الي يشتغل ويلم ويايه بس انتووو هذا خراوي علاوي جان يصجم بنات و ابويه اتمرض و سناء ذبهاااا رجلها و طلكهاااا وماتتت اني الوحيد الي شلتكم وجاي تكليلي مالي حققققق هااااا احجييييي يومممم احجي
.
ابو رهاب: بويه انته صاحب الحك بس اخوك وين يروح صدكني يا رهاب ان طلع اخوك اني هم ما ابقى
.
رهاب: يابه بس
.
ابو رهاب: اقسم و اني ما اخلف بقسمي
.
رهاب: تمام بويه بس جم يوم غيرهن لا انته ولا غيرك يكدر يلزمني عنه
.
ابو رهاب : خوش بويه خوش
.
رهاب: هاشم هااااشمممم خرااااااا
.
هاشم : ها خويه ها
.
رهاب: همزين تعرف اسمك
.
هاشم: خويه مشتاقلك ردت احضنه وخر عني
.
رقيه(زوجة هاشم ) هلا خويه شلونك والله ترا هاشم دائما يحجيلي عنك. و عن هيبتك
.
رهاب: هلا خوش
.
رقيه: يااااا مشاء الله انحلت جبستك يمه كمر والله فد متناسبين اجنننون
.
ميلاد: هاي شدا تحجي
.
رقيه: تعالي حبيبتي خلي احضنج يالله والله فرحت ليش ماعزمتنا بعرسك رهاب
.
هاشم : شلونج مرت الغالي ام رعد تدرين خوش فطر فطره عليج
.
رهاب: ولكممم شبيككم انطوواا مجال بعد ماريد صوت صعدي انتي
.
ميلاد: ترا عندي اسم
.
رهاب: صعددددديييي
.
ميلاد: صعدت واني ادردم اخبال اي والله هذا مخبل واخوه هاشم اخبل منه عشتوو اخذ هيج شكولااات اني فتت الغرفتي شريط الاربع اشهر احلا اربع اشهر عشتهم فات كدامي شفت صورتنا بالعرس اذكره من يكلي راح اضل مجلب بيج ماعوفج ابد بهاي الاثناء صار غوش اسود على عيني و مدري شذكرني بكلامه من يكول اصير جني فتحت عيني شفت الصوره تهتز مالت العرس وراها صارت نفخه باذاني كولش قويه انداريت نفس الغوش صار عندي كلت خليني انام شويه احسن خاف صار عندي ارق ما نايمه اباوع رجلي بيها ماده لزجه مدري شلونها مادرت بال دخلت للحمام غسلت رجلي و صار نفس الهوه الي اجاني بذني شلون النفخه مادري شنوو حاله غريبه غسلت وجهي واشوف نفسي وجهي بي ابتسامه والله مادري شبيه متت ضحك صرت بس اضحك وكانو ماكدر اتحكم بنفسي
....
هاشم: شجاك خويه هوه سلام هلكد تغار
.
رهاب: دنجببب يابه هاي مرت المرحوم ياسر شوفوا انتو راح اضلون أهنا فتره اذا اسمع طالع صوت منكم لو مضرطين تمضرطه و الخلقني ماخلي بيكم المخبر فاهمين ها هااااا
.
اي اي عمي فاهمين
.........
رقيه : يمه شلون ماكو واحد يلفينه وهسه كال اخوي الجبير عنده قصر راح انروح بلكي يقبل بس هذا اخوه مثل الصخر و يزامط و يرزل خاف يطردنا
.
ام رقيه :ههه ولج ماعليج هوه متزوج
.
رقيه: مادري بس على الاغلب لا لان هاشم دائما يصيحله الزنبور الاعزب
.
ام رقيه: شوفي اكو وحده يمنا اعرفها تسوي سحر تفر الواحد فر خليها ترجعج البيت عمتج
.
رقيه: لايمه سكتي ارجع الذاك الكن يمه يكلج قصر عند رهاب اخو عفيه يمه دبريلي خلي يقبلنه اهناك
.
ام رقيه : هاهيه حبيبه احسبي نفسج اهناك
.
رقيه : شلون يمه
.
ام رقيه : باجر اجي و افهمج
.
رقيه باليوم الثاني اجتي امي و جايبه ماده مدري شلونها كالت هاي تخليه يدوس عليها تخلي ينكلب واحد ثاني و كلشي يكلج صار شتكولين بس هااا لازم انتي وراه ادوسين عليه واذا كالج شنو كليله كبوا الجهال هذا سلمان مدري شنو يمه سلايم يا سلمان هاهيه اسوي فديتج يمه
.
رهاب: عفتهم و صعدت فوك روحي طاكه و هاي مرت ياسر حاير شسوي وياها طبعا ابد ما صيحلها بسمها كله مرت ياسر خاف انسى فد يوم هيه جانت مرت اخوي هذا لقب يذكرني
.
علي
كلش ضجت من عرفت ميلاد راح تبقى اهنا لان راح ترجع مشاعري تتكون الها واني هذا شي ماريده يصير انجبرت ابقى لان من جهه اذا تركت البيت ابقى هاج بالشارع بعد منوو يتحملني
.
سناء: يمه اعقل وهاي ام عيون دير بالك توصلها هاي هجامت بيوت
.
علي: اي يمه اي ماعليج ما اوصلها
.
سناء : عفيه وليدي يلا روح بدل حتى انصب غده
.
علي: يمه مشتاكلج ولله حضنتها واني احس اريد واحد بجانبي اطلع كل الحزن الي بداخلي كدامه جان بس المرحوم اكعد و طلع الي بداخلي كدامه و اسولفله معقوله راح و راح كلشي وياه اوف ياربي اوف رحت الغرفتي كاعد أعزل بملابسي و شفت صورت ميلاد مره دزتلياها و سحبتها عقجتها ردت اذبها و مانطاني كلبي رجعتها المكانها
.
رهاب : هستوني نازع الستره واسمع صوت ضحك عالي جاي من غرفة ياسر تفاجئت كلت هاي اكيد لساتها كاعد تسوي روحها مخبله علمود تستفزني اني اعلمها دكيت الباب كل حيلي و اصيح فتحيي بصوت مايسعونه عائلتي فتحي ولج كافي فتحت القفل و الباب ماكووو
دخلت بهدوء للغرفه و جان اشوف شي وكف شعر راسي ......
.......
للروايا بقايا ❤️
.....
اهم شي تعليقاتكم الحلوه مثلكم شكرا الي تفاعلو ذاك البارت تفاعل خرافي ولاتسون تابعوني مو بس تشاهدون وهمات تابعوا الانستا حتى اسوي الكم فعاليا على قصه حلو هذا اليوزر mi_itss
انطوني رايكم طبعا هاي القصه حقيقيه خاف تسالون
والبارت قصير كلت مانزل اليوم بس شفتوا ماتحملت كلت لازم انزل قدروا تعبي و اكتبو تعليقات و تابعوني اهنا و على الانستا باي