ميلاد
.
واكفه احجي و يا علي و ماحس غير عليه غير كام يجر بيه و يريدني اصعد وياه اني ضليت و اكفه و ادفع بيه بهاي الاثناء ماحس غير على واحد ضخم صار كدامي و ضرب علي راجدي و الله كلت اطشر وجه علي حتى دم صار يطلع منه بس علي وضعه مدري شبيه بسرعه كام يريد يجرني اني ماكو شي كبالي اجلب بيه غير هذا الرجال الكدامي جلبت بيه كولش من ورا وهذا يجر بيه وهذا الرجال ضل واكف شويه ماحس غير ضارب علي بوكس نومه بالكاع و جره طببه السياره و رجع علينا اني جنت مدنكه راسي وابجي فززني صوته و كال
.
رهاب: لاتبجين بويه
.
ميلاد
الصوت مو غريب عليه رفعت راسي و جان انصدم اي هوه هذا نفسه بس كبران و صاير عنده لحيه و شوراب و شعره كاصه و لابس بنطرون اسود و قميص ابيض و ستره بيجي نفسهن ذني العيون العسليات المخضره فززني صوته من صفنتي من كال شبيج بويه اذاج
.
ميلاد: احم لا لا
.
رهاب: روحوا دخلو للصالون لا ضلن و اكفات اهنا و الرايح و الجاي يباوع و انتي بويه شعراتج ضميهن لعد شكو لابسه حجاب و لبسج لو عندج قميص اطول احسن يلا بويه طبن طبن
.
ميلاد: انصدمت من هيجي حاجاني بس بسرعه زينب لزمتني و دخلتني للصالون و اني بالي كله يمه سالت زينب : ام مريومه هذا منو
.
زينب: هذا اخويه الجبير يمه والله كلها تخاف منه الله يعلم شراح يسوي بعلي
.
ميلاد: انتي تعرفين القصه مو
.
زينب: كلنا نعرفها ميلاد بس لا تهتمين ياسر يموت عليج هذا اهم شي
.
ميلاد : اجوي يحطولي مكياج واني صفنت ورجعت ذاكرتي
......
قبل عشر سنوات
.......
ابن خالتي اني و ياه تعاركنا يريد يطببني للبيت و اني ما اقبل تبرغثت بالكاع و رافضه اريد ابقى برا يم الجهال
لزمني من ضفيرتي جان شعري يوصل النهاية رجليه كولش طويل و بيه شقار
ادهم : ولج نعال طبي
.
ميلاد: ما ما ما ولي اءه اءه اءه
.
ادهم: ولج كومي شوفي شسويتي يا مطي
.
ميلاد: وكعت و رجلي صار بيها جرح و كام ينزف وهذا مستمر يجر بيه بهاي الاثناء اجه ولد شاب يخبل شعره طويل ورافعه و ماعنده لا لحيه و لا شوراب وجها قطن وعيوني عسلي على اخضر كال الادهم ابن خالتي خير هاي ولك شدسوي بيها
.
ادهم: ماعليك هاي مامؤدبه
.
الولد: ولك لا تنتر و هدها لا اجي العب هذا نعال على حلكك
.
ادهم : احترم نفسك لا والله
.
الولد: مخنزر و بحده ( اي شتسوي مطي بعد بكد ذاكه ترا يلا يلا عوفوها شكاعد امضرط
.
ميلاد: لاتصيح عليه بصوت عالي
.
الولد : صفن ...... يلا اهدان عوفها
.
ميلاد: ادهم جرني عرفت من جرته راح يكول الخالتي و تموتني بسرعه جلبت بهذا الولد من خصره و ادهم من شافني وراه عافني و كال اني اعلمج ام عيون اني كمت امد الساني اله ماحس غير شي دارني باوعت لكيت هذا الولد لابس تيشرت مخطط ابيض و نيلي و بنطرون كابوي و جان يكلي
.
الولد: هاي ليش قبل شويه صيحتي عليه ولج
.
ميلاد: ها مو انته اجاوزت عليه
.
الولد: ولج ماشوفين اسوه بيج
.
ميلاد: اي عادي اني اغلط عليه انته ماتغلط
.
الولد: اوف يل عرمه شوفي رجلج
.
ميلاد : أني شفتها ضليت ابجي
.
الولد: كعدتها على مصطبه انتي شسمج
.
ميلاد: ماعليك اءه اءه
.
الولد : لج بويه كافي عرامه
.
ميلاد: خاف انته المسقط
.
الولد : المسقط شنو من علمج هل كلام
.
ميلاد: هذا واحد يجي يخطف و يخوف الجهال و يبيع رجليهم
.
الولد: رحمه الله والديج لعد اني شكل مال واحد مسقط لو انتي بكد البغل و ينج وين الجهال لو متزوجه ولدج بطولج ها العرمه سكتي
.
ميلاد: يعني اني مو صغيره
.
الولد: تؤ تؤ
.
ميلاد : يعني عادي ازوج
.
الولد : امم
.
ميلاد : و البس بدله واحط حمره واصير عندي غرفه بيها مكياج و ملابس و واحد يطلعني
.
الولد: هههههه بللت شفتي اي يابه اي
.
ميلاد: بس وين الكاه واحد يزوجني
.
الولد : اذا صرتي حبابه و ما تفترين بالشوراع بنص اليل اني ازوجج بعد شتريدن شنو رايج بيه
.
ميلاد : صدوك انته تزوجني كول والله
.
الولد: واللط
.
ميلاد: لا كلت و للط كول والله مرتين
.
الولد : والله مرتين هههه
.
ميلاد: اي هاهيه صدكتك اني من باجر بعد ما اطلع
.
الولد: عفيه بنيتي يلا روحي هسه
.
ميلاد: انته مو زوجي شنو اسمك
.
الولد: اسمي رهاب
.
ميلاد: يعني ارهابي مثل المسقط
.
رهاب: من اشتعل ابوج و ابو المسقط مو ارهابي رهاب يعني شايفه شي من تنرهبين منه
.
ميلاد: لا شنو انرهب
.
رهاب: يعني تخافين بويه منه
.
ميلاد: اي بس انته حلو ماتخوف
.
رهاب: هههه عرمه شسمج انتي
.
ميلاد: ميلاد اسمي
.
رهاب: يلا ميلادي روحي طبي جوه لا يجون يخطفوج وهاج هاي فلوس اشتري بيهن باجر
.
ميلاد: اي انته باجر هم موجود
.
رهاب: تؤ كل اسبوه اجي الصاحبي
.
ميلاد: وين بيته
.
رهاب: هذاك يلا ميلادي للبيت عرمه
.
ميلاد مع سلامه اشرلي و مشه و اني كلت لازم اكون مؤدبه حتى ازوجه يالله شكد حلو عفته و طبيت للبيت فلوسه ضميتهن ما اصرفهن ذكرى منه و دخلت للبيت خالتي شبعتني كتل واني مكيفه حتى مابيجيت ضليت كل يوميه انتضر كل اسبوع يجي يحجي وياي و يروح ضلينه بحدود ست اشهر نفس الحاله لحد ما التقينه همات جان يكولي شيي خلاني انتهي ....
.........
للروايه بقايا❤️
حساب الانستا الي يحب يحجي قصته
mi_itss5
YOU ARE READING
ميلادي أنتي
Romanceشاب بعيد عن الحياة الواقعية وعايش في عالمه الخاصه والكل يهابه تعصف به الاقدار الى ان يلاقي بنت ستغير مجرى حياته و لاكن هل سيلاقيها بسهوله وماهي العلاقه التي ستربطهم ........ القصه رومانسيه و فيها كلام جريئ 🔞
