ميلادي أنتي

البارت 22

زينب
باوعت الهيبت بصدمه انوب رهاب يطلع انين ضلينه ناس تباوع على ناس باوعنه من فتحت الباب لكينه رهاب بطرك المنشفه و مغطي ميلاد لان هوه عريض ماشفنا شكلها بس شكله بهاي الاثناء جان هيه تاخذ الملابس مني و دفعتني و دكت الباب
.
ميلاد
سمعت الباب تندك عزاا غير عيب هسه الي يشوفني شيكول يربي كوتله .. رهاب عفيه وين اروح
.
رهاب: ههه
.
ميلاد: يااا هاي جد تضحك يمعود اذا عندك عادي اني ماعندي عادي مفهوم
.
رهاب: انتي عدج ملون يعني ههه(اباوع الشكلها شلون خايفه ماكدر اضم ضحكتي )
.
ميلاد: بايخه و قديمه ترا يلا هاي شبيك
.
رهاب: جوه الجربايه اكول احسن محد يشوفج ( طبعا اني محد يطب الغرفتي غير امي بس من اني ماموجود لو تنضفها مرات اني ماحب الوصاخه لذلك دائما ارتبها بس مرات مابيه حيل اخليها تعلك بيها الهدوم مشمره وهيج اخلي امي تصعد . كالتلي شلون بيه كتلها ضمي روحج جوه الجربايه اريد اضحكلي شويه والله حتى ناسي الضحكه شو هاي ماحسها غير بسرعه مددت جوه الجربايه يابه شجتني الضحكه بس بالكوه كاتمها
.
ميلاد: بهمس(يلا افتحها بسرعه
.
رهاب: هاي شنو تتحارشين بيه شفتح تريدين هاا ياا بس لا قصدج المنشفه
.
ميلاد: شكد اكرهك اوف
.
رهاب: ههه لا عفيه حبيني يابه طز بيج و بحبج . رحت فتحت الباب انصدمت شفت هيبت عبالي امي كتلها ها شعجب اهنا
.
هيبت: الواحد يكول هلو شلونج ترا
.
رهاب: كل يوميه اشوفج ما داعي عموما هسه شعجب اهنا . اباوع عليها تباوع يمين و يسار كتلها خير مضيعه شي يمي
.
هيبت: ها لا لا بس سمعت صوت منو جان
.
رهاب: جنت اخابر صاحبي خير هسه يابه فهميني شو اهنا لساتج
.
هيبت: هاي ملابسك ووو بعدني مامكمله كلامي كال شكرا وسد الباب بوجهي
......
زينب
لج شبيج تخبلتي ليش هيجي دفعتيني
.
هيبت: شفتي شفتي شلون ماتستحي هاي كح** ذاك اليوم مات رجلها و كاعده يمه و هوه مصلخ
.
زينب: لا استغفر الله لا تتهميها هيج يجوز جانت تحجي ويا
.
هيبت: ههه لج بابا انتي فطيره لو بس تحجي ويا ليش ماطلعت عادي ليش ضمت نفسها
.
زينب: يجوز استحت
.
هيبت: امم استحت ما استحت من توكف كدامه و هوه بهيج منضر موو
.
زينب: اوف يمعود ماعلينه لاندخل تعرفين رهاب اذا احد يدخل بيه شيسوي
.
هيبت : امم شعليه عيني ماعليه بكلبي( بسيطه اعلمج عبالي آدميه طلعتي صدك ساقطه )
........
رهاب: اي فوت فوت ابو حسن ..اريد اخوفها
.
ميلاد: عزااا كتمت صوتي
.
رهاب: دنكت راسي يا هاي انتي اهنا شنو تريدين تاخذين شرفي لو تبوكين اعترفي
.
ميلاد: طلعت بالكوه بقت بس خلفيتي ماتطلع من جوه الجربايه يالله شكد عيب
.
رهاب: يلا طلعي
.
ميلاد: اي اي
.
رهاب: اباوع عليها شو ماكاعد تطلع .. شبيج اكو شي
.
ميلاد: احمم جربايتك مساحتها كولش ضيكه جرني شويه
.
رهاب: هيه مو ضيكه كلش بس كولي انتي سمنانه يعني احم ما شاء الله
.
ميلاد: مو سمينه و الله لا يعوزني الك جريت اريد طلع و هم ماكدر عاد هوه جر ايدي و جرني عليه اني من ردت الفعل لزمت صدره
.
رهاب: يعني جايه على الخيار الاول مو تبوكين جايه
.
ميلاد: بسرعه وخرت ايدي وطلعت رجعت الغرفتي واني فدنوب ضايجه يالله والله اكرها بس مجبوره اكباله شلون اوف لازم لازم الكه حل ماريده لا هوه و لا غيره حتى بس حبر على ورق ماريده مستفز ماكدر اعيش وياه اي لكيتها
.
رهاب
طلعت اني ضليت اضحك عليها شلون تركض لبست ملابسي و مشطت وتعطرت و طلعت يم عمامي و جدي ضلينه نسولف و تغدينه رجعت العصر لكيت بنات عمي و عماتي كلهم مجتمعات بيتنه سلمت عليهم و عمتي سهام جلبت بيه الا اكعد يمهم بهاي الاثناء اجوي هم ولد عمامي واجه جدي كلنه كعدنه اباوع هيه ماكو كلت شجاها ماتطلع تكعد تحجي تتونس شويه
.
جد رهاب: دام الكل حاضر كلكم معزومين يمي بالناصريه
.
الكل: سالم سالم خير شعجب
.
جد رهاب: بمناسبه زواج رهاب
.
الكل: انصدم خاصه النسوان
.
رهاب: ضليت اباوع عليهن شو ذني كلهن دلغمن بوجهي حتى فرخاتهن بس لا يريدني اخذ بناتهن والله يشبهني بس لابسات حجاب
.
عمام رهاب: بالخير اكيد حاضرين
.
رهاب: اباوع العلي وجهه صار نار و يباوع بالكاع مارفع راسه اعرفه يحبها والله لو قبل هاي الفضيحه جان خليتها اله
.
علي: مبروك خالي بضوجه كلتها بالكوه طلعت يعني اني ما ارتاح بس هم لازم اسكت علمود ما اخسر شي من اشيائي بسرعه كمت صعدت لكيت ميلاد بالصاله مال الطابق الثاني
.
علي: ها مبروك
.
ميلاد: على شنو
.
علي: مو راح تزوجين مره ثانيه راح تصيرين زهره وازواجها الخمسه
.
ميلاد: علي كافي ترا ما اطيق اسمع هذا الكلام و لوما مجبوره مستحيل افكر ازوج بس شوفت عينك حتى اذا شردت منهم ماعندي مكان اروحله
.
علي: يعني عادي تشردين عندج
.
ميلاد: لو عندي مكان ما اصد ليوره اصلا بس شسوي رهاب كالي لو ادهم لو اني و انته تعرف ادهم شلون سكير مثل مايكولون شي اهون من شي لا عبالك فرحانه اصلا من بعد ياسر ماكو احد يملى عيني
.
علي: زين واذا اكلج عندي مكان تشردين و تروحيله
.
ميلاد: شنوو تحجي صدوك
.
علي: همم صدكيني
.
ميلاد: و تريدني اصدكك بعد ما سويت كل هذا شي بيه ولك تريدني اصدكك وانته نسيت شلون ضحكت عليه وبعدين اني وافقت و بعد ما اكدر افشل رهاب صح اني ماحبه بس بنفس الوقت ساعدني يعني مستحيل اخليه بهذا الموقف كدام جده
.
علي: ميلاد والله مو ذنبي اني هم انضحك عليه صدكيني
.
ميلاد: شلون يعني بله نورني العابك ماتمشي عليه علي فاهم لولا
.
علي: خالي خالي رهاب هوه الي هيج سوه بيج
.
ميلاد: شنوووووو شسوه شكاعد تحجي ما افهمك
.
علي: هوه الي جبرني اكلج انو نشاوف بدون شوفه شرعيه و هوه دبر كل خطة زواجج من ياسر ياسر حتى ما جان يعرف انتي ماتريديه عباله انتي وافقتي عليه براضتج والله هوه ضحك عليه بالفلوس و تندمت ميلاد ندم والله بكد شعر راسي والله ليالي الليل ما نامه من اذكر اني هيج سويت ببج
.
ميلاد: علي تعبتوني اني هسه ماعرف شسوي تدري يجوز جنت اكره رهاب بس هسه بمدي اشرب من دمه وانته لا عبالك مبريتك انته واحد نفسك دنيئه عفت الانسان الي جانت بحاجتك ورحت اختاريت كم فلس تلهي بيهم نفسك ولكم انتو حرامات عدكم شوارب و الله لازم تكصوهن وتتحجبون
.
علي : كافي عاد ميلاد اني كتلج بعد واذا هاي المره انطيتيني فرصه ماخيب ضنح والله واخذج المكان معززه مكرمه بيه والله
.
ميلاد
عفته ومشيت واني اكول ليش هيجي رهاب حتى من ردت انطيك فرصه كسرتني زياده انته سبب وضعي هيج خليتني ياسر وينك تعال شوف اني شلون مكسوره و مهدود حيلي و احير اصدك منو واجذب منو حايره شسوي والله تعال و خلصني من هذوله بعد ماكدر اتقبل واحد منهم والله احسهم وحوش مو ناس و حايرين من يمعطني بالاول اخ ياربي اخ شسوي والله متت تعب و حيره
.
رهاب
كمت من يمهم بعد محد جلب بيه من عماتي كلهن مبوزات عليه و شلون اني بحالهن خابرني ايمن ضلينه نسولف على وضع الشركه و كالي حاليا مستقر الوضع وهوه راح يجي همات كم يوم للعراق اني كيفت بصراحه ايمن الشخص الوحيد الا ما اذاني وفادني بحياتي بشكل مو طبيعي محد غيره يتحملني .. مددت و افكر انو هيه راح تصير على ذمتي بس وعدت نفسي ما المسها لان هيه فقيره بس السانها دائما عام عليها ابتسمت من إذكر مواقفها و حطيت راسي و نمت من انام لازم انام بس بالشورت لان احس حكه بجسمي من انام بملابسي عاد نمت و النومه نومه
.
ميلاد
كعدت افكر و بالاخير كلت لازم اسوي الشي الي براسي هذا الحقير مستحيل اخلي شي يربطني بيه هل نكس سبحت و لبست دشداشه سوده سبورت و شال اني عندي عقده من الشال بصراحه لازم واحد يلبسه بقناعه واني لبسته مجبوره شمرته عليه و طلعت
.
رقيه: هلا تونا نورنه شجاج عيني اطلعي شوفي جانن كلهم النسوان أهنا و سالن عليج
.
ميلاد: تعبانه
.
رقيه: تعالي سولفيلي شصار بله بيج اليوم من رحتي للشيخ
.
ميلاد: رقيه وخري مني روحي طاكه ترا
.
رقيه: انتي شجاج رافعه خشمج للستار عود لان راح تاخذين الجبير و كلها راح اصير الج
.
ميلاد: ردت اقهرها بصراحه لان اعرفها شلون طماعه ..اي طبعا راح اصير مرته و زوجته و حبيبته وحضري ملابسكم على ساعه اخليكم تنطردون
.
رقيه: يا خايبه شجاج اشاقه
.
ميلاد: خوش بعد لاتشاقين لعد و عفتها وطلعت شفت علي كاعد بالحديقه
.
رهاب: هستوني نازل و اسمع حجي ميلاد و رقيه من كالت ميلاد حبيبي و زوجتي اني احس اكو شي بيه تحرك حبيت هذا الإحساس الي ماعرف اوصقه بكلام شفتها راحت للحديقه طلعت وراها شفتها طلعت رحت طلعت وراها كلت خلي اشوفها شتريد ماتريد ما يصير تروح وهيه كلشي ماعدها حتى اذا عدها اشياء هواي اخليها تطلع تتسوك احسن هيه تعرف شتريد اباوع عليها كامت تمشي و تتلفت يمين و يسار وجان ليكدام واكف علي يخابر اني من شفت هيج بسرعه اخذتلي مكان كلت اشوفها شتحجي جان توصل يمه اني تقربت بيقت امشي ويه الشجر حديقته جبيره جان اسمعها
.
ميلاد
كلت مستحيل ابقى وياه واعدم حياتي فوك ماهوه عادمها الحقير طلع كل السالفه بسببه لا بصغري ارتاحيت منه و لا بكبري بس والله الا اخليك تتفشل كدام عائلتك و اقاربك فشلت عمرك خلي اشوفك ميلاد منو اعرف هوه يموت ولا واحد يسوي شي يفشله كدامهم لان عنده عود مشاميت هواي فخليهم يكيفون باوعت يمنه يسرى اذا اكو احد و رحت العلي وكفت يمه كتله
.
ميلاد: شوفلي حل اخلص من هذا النكس بس مو اليوم باجر بليل
.
علي: صدك يعني رجعتي ثقيتي بيه
.
ميلاد: بس والله اذا هل مره خنت الثقه بعد ما اخليك تتنفس لو اعرف اكتلك و اموت روحي فاهم لازم اطلعني منا باجر ما اتحمل اطيق وجهه بعد اكثر
.
علي: بفرح جبير اي والله تدللين ماعليج والله ارتبلج الوضع
.
رهاب
صافن على كل كلام تنطقه كح* به  ماتوب بس اني الج اني انطيتج مجال يا ساقطه الا اخليج تبجين دم والله انتهيت بالكوه مصبر نفسي ماروح و افصل راسها على جسمها كلت والله لاكتلج بليله ضلمه اصبريلي ......
..............
للروايا بقايا ❤️
.
هذا بارت طويل بعد شتريدون رغم دراستي (كتبولي رايكم بالبارت و شنو تتوقعون بعلاقة ميلاد و رهاب شراح يصير ) حسابي انستا يوصل ١٠٠انشر عيون البطله الحقيقة mi_itss  هذا اليوزر واهنا هم تابعوني عفيه وتعليقات كثرولي حلوه