ميلادي أنتي

البارت 25

ميلاد: اخخخخ هاي الكلمه اي هاي الكلمه الي احسها طيبت جروح مال عشرين سنه كتله رهاب اني حتى اذا سامحتك على الشي القديم ما سامحك على فعلتك البارحه انته بفعلتك هاي
.
رهاب: هسس كافي لا تكملين نامي باجر وراج طريق طويل
.
ميلاد: كلام ما تقبلته مني لعد شلون اني متحمله كل افعالك هاا وتدري لو عندي مكان او بالأحرى لو عندي اهل ماضل اهنا ثانيه وحده او على الاقل اخذولي حقي منك
.
رهاب: ميلادي وعد مني والخلقني يشهد على كلامي بعد ما المسج مثل البارحه لو اعرف اموت بس صيري زينه هسه ونامي ولاتختلطين بفلان و علان مروة ربج خليني هادئ عليج
.
ميلاد
صديت ليوره ماريد اسمع صوته هوه جر نفس قوي و اسمع الباب انطبك يعني طلع همزين ما اطيقه
.....
صباحاا
.....
زينب: يلا يمعوده كومي بدلي مابقى وقت لو لساتج مريضه
.
ميلاد: لا صرت كولش زينه بس ليش ابدل
.
زينب: يااا شبيج غير علمود نروح للناصريه
.
ميلاد: عيفيني ماروح روحي انتي و خراب
.
زينب: ولج ضبي نفسج لا يسمعج تعرفينه روحه بكصته
.
ميلاد: شيريد يسوي يموتني والله اشكره الف شكر
.
زينب: لا ميلاد يلا مو الخاطره ترا جدي منتضركم و عيب تكسرين كلامه
.
ميلاد: هفف كمنا عمي كمنا بعد ابجيلج شويه
.
زينب: اختاري شراح تلبسين
.
ميلاد: غير بنطىرون
.
زينب: علمود يسوي مشنقه الج اخذي جبه مالنا خلك عركه من الصبح وانتي الخسرانه
.
ميلاد: اوف شو دجيبي هاي المفتوحه رحت سبحت و باوعت الوجهي صاير يخزي حطيت كونسلير للهالات السوداء و شويه باودر و كحل خفيف و مسكارا و حمره مجرد لمعه بسيطه للشفه يعني مامبين الا واحد يركزز كولش وحطيت عطر و لبست بنطرون و بدي جوه الجبه وهيه مفتوحه لفوق الركبه و تصميمها حلو كولش خطيه مالت زينب جديده رتبت شالي وطلعت
.
رهاب: كعدت من الصبح جبت الفلاح الحديقتنه و صيته يبات بالبيت الترك وانطيته فلوس ورجعت سبحت ولبست قاط نيلي و قميص ابيض و بنطرون تكمله للقاط هم نيلي و ساعه اموت على ساعات و عطر و شعري مشطته و طلعت لكيت زينب ها خلصتو نتوكل
.
زينب: لا بعد ميلاد مامكمله
.
رهاب: شطلعت يلا راح اشغل السياره تحمي ثواني الكاجن يمي خوش
.
زينب: ميلاد عفيه خلصي راح نترزل اثنينه والله
.
ميلاد: خلصت خلصت بس الف الشال
.
زينب: اي كللللوش يلا يمعوده ولج هاي شطالعه كيكه
.
ميلاد: اي اعرف من زمان اني كيكه ههه
.
رهاب
اجني شفتها شلون مرتبه روحه فرحت بداخلي شو ذني اثنينهم صعدن ورا ...يابه منو كايللجن اني سايق الخلفوجن وحده تجي تكعد بالصدر
.
زينب: اني ماكدر مريومه اضل تلعب واهناك مالها مكان ومابيه حيل احطها بحضني كومي ميلاد
.
ميلاد: تؤ اني اهنا
.
رهاب : نزلن ماكو روحه
.
ميلاد: خفه و ستين راحه طلعت من سياره ماحس غير انجريت
.
رهاب: أهنأ تعالي خوش
.
ميلاد: وخر لو اموت ماجي يمك كالي خوش موتي فتحلي الباب و صعدني بالكوه و زينب خربانه ضحك
.
زينب: اوووو هاي شنووو
.
ميلاد: و جعوا ليش حضرتج ما اجيتي أهنأ
.
رهاب: صدي ليكدام الي يشوفج شيكول فاره روحج
.
ميلاد : شكد غثه
.
رهاب: هاا شكلتي
.
ميلاد: كلت اوك
.
رهاب
طلعت كبل البيت صاحبي ولكيت جماعتي نصهم طببتهن يم النسوان و ذوله كله هلال وتحرش بيه هههه هوب هوب يمعودين وانته زرفت طي* كافي الشيخ وين ما اجه
.
رسلان: مستعجل العريس هلا هلا هلا
.
رهاب: خايب ماتنجب يلا دشوفه وين صار ورايه طريق
وانته ادهم جهزت المحكمه اجراءتها
.
ادهم: عد عيناك كلشي لوز
.
ميلاد: وصلنا البيت حلو ملموم كال نزلو كناله ليش كال الشيخ يعقد اهنا النه انته شو تصرف بكيفك
.
رهاب: ترا كتلج بلاه هل تنعوص روحي طالعه
.
ميلاد: شوف رهاب اني كوتلك
.
ادهم: هلا هلا بابو رعد فوت يابه فوت الله محييك شلونج خيتي ام رعد
.
ميلاد: اباوع الرهاب مخنزر من اباوع لكيت العبايه طايره من الهوا و البنطرون طالع بسرعه رديت الكلام و عدلت نفسي اهلا اهلا
.
ادهم: شلونج خويه ام مريومه
.
زينب: هلا خويه هلا
.
ادهم: فوتن فوتن تلكن المراه كدامجن
.
زينب: مشكور خويه
.
ميلاد
دخلنا طلعت ابنيه عمرها بحدود 28 سلمت علينا و ماكو شي ماقدمته خطيه
.
هدى: انتي مرت ابو رعد موو
.
ميلاد: ابو نعال بقلبي كلت ..امم
.
هدى: يا مشاء الله والله ابو رعد مايستاهل غير الخير والله كلنا ساعدنا من صرنا بشده الله يوفقكم
.
ميلاد: ضليت ساكته ماحب حتى اليمدحه هيه عباله خجلانه
.
هدى: يمعوده لا تخجلين تونسي هوه ابو رعد غير كلها تريده
.
ميلاد: حلال عليهن
.
هدى :شلون
.
زينب: هههه قصدها حلال عليه خربطت من الخوف ههه
.
ادهم: هدى هدى
.
هدى: ها ها جايه شكو
.
ادهم: اجه السيد رتبي الوضع يمج
.
هدى : تدلل عيوني  .... يلا حبيبتي حطي هذا فوك راسج
.
ميلاد: رتبني وصلنه لحد ما كال فاذا قبلتي قولي نعم وانت و كيلي ماردت اكولها ابدد شايفين الشعور بإحباط من انته تكوف بين شئ مسدود صارت بيه كلت بدون روح نعم صارت مرت ادهم تهلل واسمعه حاجه خراب هم وراها طلعنه جلبو بينه خطيه طلعت شفته
.
رهاب: مبروك
.
ميلاد: على شنو
.
رهاب : احم على زواجنا
.
ميلاد: زواجك انته اني هذا مايعنيني شي مجرد تقضية حاجه لا اكثر
.
رهاب: هذا السانج لو الزمه اخخ خليني ساكت و عدلي جبتج و شكو لابسه حضرتج جبه و بنطرون كله طالع منا وهيج هذا لبس ممنوع
.
ميلاد: ليش يمه لتكون رجلي وكاعد تحاسبني
.
رهاب: لا اني كواد و القبل شويه شنو جان ن اش لا تخليني اكفر
.
ميلاد
بصراحه نسيت هوه هيج صار سكتت من الفشله من كلامي الطريق كله موتني يلا بس يحجي
.
رهاب: شعرج طالع يابه شكو لابسه حجاب يزلك
.
ميلاد: اوففف ضميته
.
رهاب: على كيفج اعصابج يابه شكو تأففين و هاي جبتج من تمشين لزميها بيدج لو بدنوبس قربنا نوصل المحكمه
.
ميلاد: بعد بعد تعال خنكني و كولي ميصير تتنفسين
.
زينب: كافيي الخاطر الله اريد انوم البنيه كافي شكد تحجون صرعتوني
.
رهاب: يلا انزلي زينب خليج انتي فاتحلج التبريد لا طلعين
.
زينب: اي اي منتضرتكم
.
ميلاد: دخت من الطريق اشتريلي عصير
.
رهاب: هسه من انخلص اخذجن المطعم العالم منتضريني
.
ميلاد: لا الا هسه والله ماروح
.
رهاب: ولج محكمه وين الكالج عصير هسه بس نخلص اجيبلج زقنبوت
.
ميلاد: الي زقنبك ماكوم والله ها اهنا كعدت
.
رهاب: ولج والله لو ما عالم منا وعيب جان سحلتج سحله تسوه عمرج كومي من الرصيف
.
ميلاد: اجيبلي اكوم ماجيبلي والله ما اتحرك
.
رهاب: يلا كومي العالم تباوع ولج راح اجيبلج
.
ميلاد: تؤؤ سلم استلم
.
رهاب: شو كومي انتي مو مال عيني و اغاتي جريتها من ايدها
.
ميلاد: اوووووي هاي شبيك
.
رهاب: بعد جريها عبالك واحد فوكج لصمي حلكج خلي اليوم يعدي بسلامه
.
ميلاد: شكد فاسد اوع
.
رهاب: اتعودي عادي
.
ميلاد
دخلنا للمحكمه عبالك طابلهم شو منو كولها استقبلته حتى القاضي يعرفه و كل ثانيه يخزر جبتي علمود اسدها خلصو الإجراءات و صرت مرته للكريه شرعا و قانونا طبعا اني شكد اكرها بس على اقل عايشه بيتهم عيشة ناس حقيقيه ولا اروح البيت خالتي اسوي مساجات الناس مقززه هوه هذا الماعنده اهل يضيع
.
رهاب: يلا صعدي شبيج لساتج دايخه
.
ميلاد: امم
.
رهاب: يلا اكو مطعم نضيف هسه اروحله
.
ميلاد: هذا مو مطعم
.
رهاب: تؤؤ ذوله عدهم لحم مطايا وانتي هسه و صفناتج ماتخلص انوب اوكلج من عدهم
.
ميلاد: شنو قصدك ترا دا تجاوز واني معديتها الك
.
رهاب: عفيه عليج هاي هم عديها ويا اخواتها يلا نزلن
.
ميلاد: هستوني اريد افتح الباب ماحس غير متقرب عليه و مد ايده يطبب بشعري الطالع خلص
.
رهاب: جبتج لزميها بيدج شكت امي يلا ام مريومه
.
ميلاد
دخلنا المطعم كولش راقي خرافي اخذنا طاوله و رهاب طلب المنيو كوله واني ماقصرت اكلت لما عجزت
.
رهاب: ولج يابه على كيفج
.
ميلاد: اكل واحجي حتى لكمتي عينك عليها
.
رهاب: لا عمي لا بس سدي حلكج ترستي وجهي بحاريث
.
ميلاد: استحيت . شبعت
.
رهاب: يابه اشاقه شبيج نعوصيه
.
ميلاد: لا هوه اني بعد ماريد
.
رهاب: عاد قفلت خلصتي ام مريم
.
زينب: اي اي من زمان
.
رهاب:صحت الويتر.. بس خلي الاكل الباقي سفري و زوده همات تمام
.
الويتر: تدلل استاذ
.
رهاب: زينب غسلي البنتج لا ادمر السياره
.
زينب: اي رايحه
.
رهاب: يابه والله مو قصدي تاكلين هواي والله اكيف اشوفج تاكلين بس كتلج على كيفج علمودج لا تغصين
.
ميلاد: امم
.
رهاب: يابه احجي شرايده خليتلج سفري و زودتهن واكلي براحتج بعد شرايده
.
ميلاد: مارايده الله لايعوزني
.
رهاب: اخخخ الله شكيتيني
.
ميلاد: موطه اريد مشتهيتها
.
رهاب: هه مو وكتها هسه
.
ميلاد: اووع اروح اغسل شكد تلعب النفس
.
رهاب: هذا منو يلعب النفس ولج طفرت
.......
ميلاد

وصلنا للناصريه ماخليت شي ما اشتريته خراب اشترالي شفت بيوت قديمه و شكبر البيت يخبلن شلون العصر القديم هذا بيت جدج زينب
.
رهاب: واني كواد هم بيت جدي
.
زينب: اي همه ذوله
.
ميلاد: ردت افتح الباب جان يقفلها باوعت متفاجئه
.
رهاب: زينب سبقينا . خير سالمين شو تريدين هيج اطلعين
.
ميلاد: لعد شسوي مو زينب لابسه نفسي
.
رهاب: ماعليه بيها مزوجه ورجلها يحاسبها
.
ميلاد: اي لعد اني هم شلك دخل بيه
.
رهاب: ولج اني كواد اهنا لعد مو رجلج هاج هاي جبتها من طلعت لبسيها اهنا كلهم كاعدين سوه مو مثلنه
.
ميلاد: يمههه لو اموت مالبس عبايه راس اني شال بالكوه مدبرته
.
رهاب: والله لعد ماتنزلين من السياره والخلقني ما تنزلين اذا ماتلبسين
.
عمي باسم: سالمين اجيتو ليش ما تنزلون
.
جان
.........
للروايه بقايا ❤️
......
تابعوني انستاmi_itss
حبايبي و اهنا همات
اعرف البارتات قصير مشغوله بالدراسه
اكتبولي رايكم بالتعليقات