ميلادي أنتي

البارت 21

رهاب
صفنت بصراحه ماعرف شسوي اشوفها اشلع بجلد جسمها واذب و تنفض بنفسها بقوه انوب كامت تباوع على بنطرونها بشكل مذهول شو هاي كامت تريد تنزع بنطرونها رحت لزمت ايدها المادتها على سحابه بنطرونها و تريد تنزعه ماتحس من كد ما مرعوبه وخرت ايدها وهم رجعت شويه نزعت منه واني لزمت ايدها ماريد تنزعه و بايد ملزكه البنطرون لان كامت تجر بيه برجلها بهاي الاثناء ماحس غير مفتوحه الباب و داخلين عمامي و جدي كلهم وامي وياهم و ابويه اني اهنا انصدمت ماعرف بعد شسوي بسرعه حضنت جسمها لان اغلبه طالعه لابس بس فانيله اني حضنتها و غطيتها و بسرعه طببتها بالصاله اني بس حطيتها جوه حضني هيه و كعت من طولها واسمع اهلي يصيحون وينك اني شلتها وديتها للغرفه و التمن عليه سناء و زينب و رقيه و هاشم كالي شكو كتله وخر صد ليوره و شلتها و طببتها اخذت ايدها وربطتها لان تخوف شغلتها و ضليت حاير هسه اني شكول العمامي و الجدي لان طبعهم مثلي ماعدهم ايمان بسوالف الجنونه و هيج و اني واحد منهم لو ما صايره هاي شغله كدامي ما صدك و لا واحد بالميه و لوما طالعتلي هاي المراه واني شفتها بعيوني جان حتى اذا شفت ميلاد اسوي هاي تصرفات يضل عندي شكوك منها بصراحه ضليت اروح و ارجع بالغرفه حاير اريد التم سالفه ماعرف خاصه عيب اني مو غريب عليها وهيه مرت اخوي قبل اندك الباب
.
سناء: ياااا رهاب عزا بعينك هاي شلون نازعه ملابسها
.
رهاب: لصمي حلكج شفتي بس نازعه ملابسها ماشفتي من الدم مالي جسمها
.
سناء: اي الواحد من يشوف هيج حال يفكر بالدم
.
رهاب:ديلا كافي هسه انكلعي
.
سناء: هاي شبيك ليش تصيح وبعدين جدي يريدك جوه
.
رهاب: تعالي اوكفي يمها خاف يصير بيها شي بين ما اجي
.
سناء: لا يمه عيني اخاف ما ابقى
.
رهاب: يابه تبقين لا والخلقني اضربج مية نعال روحي زاهكه واني رابطها
.
سناء: اوف اوف يلا يلا روح
.
رهاب
رحت والطريق كله افكر بشي يسد السالفه ماكو شكول الهم لكيت هيجي هم راح ياخذون عليها سمعه مو زينه اوف يابه طبيت براس مرفوع لو اموت مابين نفسي حاير شو هوه اني طبيت و اسمع الكل يباركلي اني هم مشيت وياهم و اباوع على امي وجها مكلوب و ابويه يهز برأسه معناه امشي بالسالفه كتلهم الله يبارك بيكم وصلت الجدي كالي
.
جد رهاب: خاب كلناها عاكد عليها عكد سيد بس هيج بالمضيف اكو واحد زلمه يتحارش بمرته هني
.
رهاب: ها جدي اي اي اعذرنه
.
جد رهاب: خاب ليش ما حجيت النه من عكدت عكد سيد جان فرحنه بيك
.
رهاب: صاير جمر اباوع الابوي يأشرلي كتله والله جدي صارت بسرعه البنيه مالها احد غيرنه و اخويه وصاني عليها و ماردت اكسر كلمته
.
جد رهاب: بارك الله بيك ابو رعد يله ان شاء الله يجي رعد وأنه بس ماعديها راح اسويلك وليمه جبيره يمي نعكدلك عكد محكمه واخذك منا ونروح
.
رهاب: لا لا لا جدي شكرا عود بعدين نعقد عقد محكمه
.
جد رهاب: ولك انه ماجاي اخذ رايك جاي اكلك بس حتى تعرف عكب باجر نتوكل ماشي
.
رهاب: اريد احجي و ارفض بس اذا حجيت البنيه تنحط سمعتها بالكاع واني هاي وصاني عليها ياسر واذا نحجه عليها ينحجي عليه محسوبه بعد على عائلتنه ... تمام جدي تمام ان شاء الله.. كاعدين يحجون و يخططون وامي تباوع عليه بحسره واني قلقان من السالفه والله ماكو بكلبي اي احساس من راح ياسر لهل يوم اني ماعندي شعور وحاير بمرضها بهاي الاثناء دك عليه مراد اترخصت منهم و طلعت بره
الو
.
هلا مراد حبيبي هلا
.
ابو رعد غلاي منتضرك يم السيد
.
ها خوش خوش انتضرني جايك
.
دخلت للستقبال
اترخص منكم صارت عندي شغله
.
ها ليش يمعود مشتاكين نكعد سوه
.
ساعتين و جايكم ما اتاخر يلا فيمالله
.
الله وياك الله وياك
...
ميلاد
صحيت لكيت نفسي مربوطه هم اذكرت الصار و ضليت ابجي على روحي شلون هيجي يصير بحالي والله مو بيدي هذا الشي الي ديصير بيه
.
سناء: صح النوم عيني خبلتينه ترا عقلي شويه مالنه خلكج كافي التفشيله الي فشلتينياها اليوم
.
ميلاد: سناء مروت ربج وخري من وجهي مالي خلكج
.
سناء: اوي عيني اوي جرحنا مشاعر الخانو ام الجنونه
.
ميلاد: ولج ولي وانكلعي من يمي لا والله هسه الزمج طلع حركة الدنيا بيج
.
دكيت الباب
رهاب: خير شبيجن
.
سناء: ها لا ماكو شي شو كامت تصيح الحالها
.
ميلاد: مستحيه حيل ماطلعلي صوت
.
رهاب: اصواتجن ماتعلى مفهوم مفهوووم
.
سناء: اي خويه اي اني طالعه
.
رهاب:. تعالي جيبي جبه من زينب الميلاد وتعاي
.
سناء: صار خويه
.
ميلاد: يحجي واني دايره وجهي ماكدر اخلي عيني بعينه
.
رهاب: لا تستحين يابه بالمرض ماكو حرج يلا هسه خلي نروح للشيخ و يشافيج ان شاء الله
.
ميلاد: امم
.
سناء: هاج لبسي
.
رهاب: يلا هاج هاي فكيت ايدج لبسي على سريع منتضرج
.
ميلاد
طلع لبست الجبه والشال عدلته لان تعبت من حالتي لازم اطيب من هسه بدوا يعيرون بيه طلعت كتله خلصت
.
رهاب: صعدنا و الطريق كله هيه ساكته واني هم ماريد اضغط عليه وصلنا نزلنا استقبلني مراد كال هاي منو الابنيه إذكرت الشي الي تكربس براسي كتله مرتي هاي مرتي هي ماسمعتني تمشي ورايه وصلت انتضرتها شفت ايدها ترجف لزمت ايدها هيه ضغطت زايد على ايدي دخلنه للشيخ اول ماشافنا كال الله يساعدكم عمي ترجو ترجو يعني اكعدوا كعدنا وهيه مجلبه بيه كعدتها يمي كام يسالنا طبعا بقينه بس اني وياها كال انتو مزوجين كتله لا شيخنا كال لعد ليش مسوالكم اثنينكم كتله شلون يعني كال سحر و بيه تسخير جن للطرفين اني الي اكدر اسويه راح اطلع الجن بس آثر السحر تبقى لان داشوف نية سحرهم بيها تقارب كتله شلون يعني كال بيها خير عمي انته بسيطه متعافي منها بس انطيك مي لان انته صاير موكل عليها اما هي الي ماشي بيها تعالي عمي
.
ميلاد
كال هيج واني ارفض مجلبه بيد رهاب اخاف اروح هوه حط ايده الثانيه على ايدي وعينه بعيني كالي اهدي يابه ماكو شي مادري ليش حسيت بالامان اتقدمت بطئ من الشيخ كام يقرا قران واني راسي كام يلعب طوبه و إريد اتقيئ وراها بعد مادري ماحسيت
.
رهاب
كام يطلع منها اصوات غريبه ويرفض الخروج من جسدها الشيخ مات تعب وهوه يرفض كاله احرقك بالقران كام يتوسل الجني بيه خلاه الشيخ الجني يصير مسلم و يطلع وصدك طلع هيه بسرعه تخربطت وراها صار جسمها ينتفض بطريقه قويه و اصيح بارده غطوني رغم الجو حاررر سمط  باوعت للشيخ بقلق كالي اطمئن عادي لان طلع من جسدها شويه واصير زينه كمت شربتها مي مقري عليه واني هم شربت و صحت لزمتها من عكسها وامشي بيها بهدوء خطيه لكيت مراد ينتضرني شكرته وانطيته فلوس و اخذتها طول الوقت بالسياره مرتجيه و مغمضه عينها وصلنه تقربت عليها ميلاد ميلا
.
ميلاد
لكيت وجهه قريب عليه ضليت اباوع بعيونه مادري ليش ينطني طاقه حنان وايجابيه رغم من يصير عصبي ينطني وضع الخطر كتله وهوه قريب عليه شكرا
.
رهاب: همم يلا انزلي نزلت لازمها بيد تلكتنه امي
.
أم رهاب: ها ام عيون يل مصكعوه ارتاحيتي هم تريدين تكرطيلي الثاني
.
ميلاد: شنو خاله شكرط
.
رهاب: يمه مو و كته
.
ميلاد: رهاب احجي شصار
.
أم رهاب: راح تعرسين مره ثانيه ابشرج ولج انتي ماتفكين ياخه عن ولدي
.
رهاب: يمههههه كافي ترااا روحي بازعه الله شاهد الم ملابسي واخليكم عسى ما ناركم تاكل حطبكم كافي اريدلي واحد بهل بيت يريح كلبي ماكو لو تتلكوني بالمشاكل لو مرض ترا يبستو كلبي ماريد اسمع صوت تعالي ميلاد اني افهمج
.
رقيه: يا رهاب هاي امك ليش تحجي وياها
.
رهاب: حابه تنكرضين انتي هااا
.
رقيه: جنى ماما تعالي يلا نصعد
.
ميلاد
صعدت للغرفه رهاب شكاعد يصير امك شنو كاعد تحجي
.
رهاب: ميلاد ارتاحي هسه توج طبتي
.
ميلاد: لا فهمني ما تعبانه
.
رهاب: كاعد اكل نعل واكلج نامي ارتاحي و نسولف
.
ميلاد: والله مانام اذا ماتحجي
.
رهاب: شوفي يابنت الناس اني رجال ماريد اضلمج راح اكلج شي وانتي اختاري تحبين تضلين اهنا معززه مكرمه وتلزمين السانج و تصيرين على ذمتي بس حتى محد يدخل بيج و يحجي سالفه مو زينه عليج مجرد حبر على ورق ثقي بالله ما اتقربلج لو تردين ترجعين الخالتج و تاخذين ادهم ابن خالتج هذا شي راجعلج فكري زين يابه
.
ميلاد: ش نو انته اانته شنو تحجي مستحيل لا اخذك و لا اخذ ذاك الزمال
.
رهاب: اولا صوتج مو عليه اني يعله فاهمه لو اعيد و اني كاعد اكلج ما راح يتغير شي مجرد حتى ما احد يندك بشرفج و صدكيني اني مجبور اكثر منج لوما الشغله الي صارت الصبح جان اموت و لا افكر هيج
.
ميلاد: بس اذا رجعت الخالتي راح تخليني اشتغل وياها
.
رهاب: يعني هلكد نكس بعينج تفضلين تشتغلين شغل حرام و ما تكونين على ذمتي اسميأ
.
ميلاد: رهاب الصار قبل ماريده يتكرر واني كلت من بعد ياسر ما ازوج اصلا وادهم اني اكدرله ماخليه يزوجني
.
رهاب: الدنيا صارت حمره بعيني ..هين حضري روحج اخذج باجر الهم
.
ميلاد: و شراح تكول الجدك
.
رهاب: اكله السالفه نفس ماهيه مو بحال احد اني لو عليه ترجع ما شيل مدامج راح تروحين بعد ما اخاف على احد يلا اني رايح الغرفتي جهزي نفسج باجر الصبح اخذج
.
ميلاد
راح رهاب واني كعدت افكر اكول مستحيل اخذ رهاب لحد الان الكره بداخلي اله بس اذا رحت الخالتي راح اتبهذل و ادهم مو هين مو ذاك الولد الي جنت اكدرله اوف ربي
.
رهاب: طلعت صاير نار تفضل هذا الساقط عليه خليها تشبع قنادر منه يمههه يمههه وينج
.
ام رهاب: هاا خيرك
.
رهاب: عمامي و جدي وين
.
ام رهاب: راحو البيت عمك شامل شويه ويجون
.
رهاب: باجر ارجع ميلاد الخالتها
.
أم رهاب: والله عفيه يمه وليدي عفيه اريد الله يبارك بيك
.
رهاب: راح اسبح و اروح يمهم محضرتلي اهدوم
.
ام رهاب: ياا جنك على هدوم روح اسبح تلاكهن يمك
.
رهاب: الله يبارك بيج حجيه
.
ميلاد:  ضليت افكر شلون لحد ما قررت خلاص رحت الغرفة رهاب دكيت الباب ماكو جانت مردوده رد اباوع على غرفته اخذني الفضول اباوع اكثر شلون ترتيب روعه سقوف ثانويه غريبه باشكال اجنن والغرفه ذهبي بابيض تخبلللل حتى العريس مو مثله كاعد اباوع مندمجه ماحس غير همس باذاني شو اهنا صديت اباوع رهاب حاط منشفه على خصره و منشفه على ركبته و الباقي عاري و عضلاته و جسمه ينكط مي بلعت ريكي و دنكت راسي انوب اسوء ياريت مادنكت رفعت راسي هوه رافع تك حاجب
.
رهاب: همم اكو شي شو أهنأ
.
ميلاد: ها لا لا ماكو قصدي احم ردت اكولك شي.. اوف استحيت اكله قبلت بيك ياربي لان كلت اهون عاد على الاقل محد يلمسني
.
رهاب: اي احجي اسمعج وجهه صاير دم اجتني الضحكه عليها خاصه من دنكت اي اسمع
.
ميلاد: على الموضوع الي كوتلي عليه
.
رهاب: امم شكوتلج عليه اقلد على كلامها
.
ميلاد: لاتقلد
.
رهاب: لا شبيج اني هم نازوكي هيج احجي
.
ميلاد: رهاب صدوك كافي
.
رهاب: وداعت مامي اني هيجي كلامي
.
ميلاد: كافي عاد اجيت اكولك اني ماريد اروح البيت خالتي .. كلت احجيها هيج و هوه يفهمها
.
رهاب: عرفت شتقصد بس ثولتها .. هاا لعد وين تروحين
.
ميلاد:ها ابقى اهنا اصير امم يعني
.
رهاب: هاا شصيرين
.
ميلاد: اصير انته فهمتها اوف بعد شكو بس من هسه. اكولك اني بغرفتي واني بغرفتك فاهم
.
رهاب: ها انتي بغرفتج و انتي بغرفتي شلون تقسمين روحج نصين
.
ميلاد: هفف قصدي كل واحد بغرفته خطات
.
رهاب: ها والله بس شلون ما اتحمل بدونج اه اه راح انتهي طلعي عاد ( قصدي اطلع الكلام تكول اصير مرتك)
.....
ام رهاب: زينب هاج ودي ملابس رهاب بدربج مابيه حيل اصعد
.
زينب: جيبي يوم جيبي
.
هيبت: اروح وياج
.
زينب : همم تعالي عيني تعالي
.
هيبت : اكولج شعجب لساتج مارجعتي الرجلج
.
زينب: طردني ابن نعال اريد بس سالفه تفض مشكله ورا مشكله واكول الرهاب يطلكني
.
هيبت: يا عزاا طلاك
.
زينب: اي يمع..جان نسمع
.
رهاب: طلعي يلا لا تعبيني
.
ميلاد: لا مستحيل
.
زينب
باوعت الهيبت بصدمه انوب رهاب يطلع انين ضلينه ناس تباوع على ناس باوعنه من فتحت الباب لكينه رهاب بطرك المنشفه و مغطي ميلاد لان هوه عريض ماشفنا شكلها بس شكله بهاي الاثناء جان .....
........
للروايا بقايا ❤️
.
هذا بارت طويل بعد شتريدون رغم دراستي (كتبولي رايكم بالبارت و شنو تتوقعون بعلاقة ميلاد و رهاب شراح يصير ) حسابي انستا يوصل ١٠٠انشر عيون البطله الحقيقة mi_itss  هذا اليوزر واهنا هم تابعوني عفيه وتعليقات كثرولي حلوه حتى البارت اليجي اختار احلا تعليقات و انشرهم