ميلادي أنتي

البارت 37

رهاب: بس غير تفهميني شكوووو احجي مردتي حوصلتي
.
ميلاد: رهاب يريدون يزوجوني غصب . كلت هيج واسمع خطوات و جان تندك الباب
.
زهراء: ميلاد طلعي اريد افوت للحمام
.
ميلاد: هسه شويه بس ثواني. اتاكدت راحت
.
رهاب: احجي يابه احجي
.
ميلاد: رهاب اني غلطت عفيه ماعرف شنو اصرف و ابويه يريدني ازوج اركان غصب و اطلك منك غصب هماتين. كلت هيج لو اجاني صوته يريد يطك
.
رهاب: دخلي يصبرلي جايج اني هسه
.
ميلاد: لا لا بداعتي رهاب الساعه 2 اطلعلي اوكفلي بره واني اجي
.
رهاب: ولج مو اني اتختل و اجي ابوك نسوان بنصاص اليالي عقلي شويه
.
ميلاد: والله يا رهاب اذا ماسويت هيجي ماروح وياك
.
رهاب: شوفي تسرعج و المضرطه مالتج وين وصلتنه هاا شفتي هسه ارتاحيتي فاخت الدوده يلا تحضريلي 2اني بحوشكم
.
ميلاد: رهاب لا تخبلني بالسياره ابقى
.
رهاب: خوش خوش هسه انتي جري ناعم شويه وياهم
واني بس اخذج اعرف شلون اذا ما شكهم شك مايطلع اسمي رهاب
.
ميلاد: يلا لازم اروح
.
رهاب: تمام الله وياج حبيبي
...
ميلاد
رحت على كيفي حطيت الموبايل بمكانه همزين مافقده رحت مادام زهراء بالحمام لميت احتياجاتي و سويت نفسي انام من وقت زهراء تفاجئت لان تعرفني دائما اتاخر بليل اعد ساعه دقيقه دقيقه ساعه بالوحدة انفتحت الباب بسرعه غطيت راسي انشال مني الغطه وانباس راسي و خدي و اني كوه لازمه نفسي من عطره عرفته اركان لان عطره معروف وتقززت كولش بس ماكدر اذا كمت كل خططي تخرب وماكدر اشرد شويه ومشه لان ضل صافن عليه ضليت امسح بالاماكن الي مسني بيهم ساعه و اباوع صارت تقريبا 1ونص كمت طبيت للحمام على كيفي غسلت و لبست بين منا و منا صارت ساعه 2الا عشره اخذت احتياجاتي و طلعت نزلت واباوع منا و منا لكيت سياره رهاب اوفف حملي كوله راح مني كاعد امشي ماحس غير شي بركبتي جكني جكه مو طبيعه انشليت بحيث لو امشي بعد كم خطوه اوصل السيارت رهاب اصلا لو اصيح اوصله بس همات ماكدر عيوني شويه شويه غوشت و ثكلي زاد وبعد ماحسيت بشي
.
رهاب
كاعد انتضر ماكو صارت 3 و ماكو 4 و هم ماكو اخر شي دكيت رد عليه صوت هذا الكواد
.
نوح: شعندك تخابر ولك من باجر انتو تطلكون
.
رهاب: شوف اعد للعشره والكه ميلاد كدامي واذا ماجتي والخلقني هذا سلابكم البيت اهده فوك روسكم فاهم ولك
.
نوح: شنو هل تمسلت
.
رهاب: خوش جايكم
.
نوح
بعدني ما شايل راسي و الجيلات صارت وره وره اول شي طبيت الغرفتها ماكو . زهراء وين ميلاد
.
زهراء: عفيه عمو شصاير والله مادري جانت نايمه خاف بالحمام
.
نوح: كمت اصيح . ماهيه بالحمامممم طلعتتت اله هاي الكح.. اني اعلمها اركاااااان ابو اركااااان كلمن يطلع اسلاحه .
.
رهاب: ولكممم هسههههه اطلعووووون مرتي لا اكلب عاليهاااا على واطيهاااا
.
نوح: انته اتجيب بنتي لا هسه ابتلي بيك
.
رهاب: شوف انويح هاي سوالف الوفان ماتمشي وياي
.
نوح: يعني شلون ما وياك
.
رهاب
عرفته مايجذب مبين من وجهه مصدوم . شلون يعني وين تروح منكم زلم مشوربين و ابنيه ماتعرفون وين
.
اركان: الزم السانك لا تشمر خلي اندورها بالشارع وين تروح اكيد قريبه مناااا احسنن ما اصيحوون و لميتوا العالم علينه
.
رهاب: انته انجبببببب عاد موبايلها عدكم
.
نوح: اي اي يمي
.
رهاب: جيبه
.
اركان: اني اروح اجيبه اكعد عمي
.
رهاب: لا انته ماتروح روح استاذ نوح انشوف وين توصل وياكم . اباوع على نعلان ما مرتاحله ابددددد
.
نوح: ماكووو كلشي بس هاي مخابرتك يعني انته ماخذها و جاي تلعب علينه هاي لعبه الوصخه
.
رهاب: جيبب هيج عندي وقت افرغه علمود اشوف و جوهكم ألي تسد النفس اخذت الموبايل و طلعت صرت نارر وين راحت والله كلبي احسه كام يرجف شكد قوي خارجيا بس داخليا منتهي عليها
.
ميلاد
صحيت على الم بكل جسمي و بمكان بيه ضوه خفيف وريحه رطوبه قويه كولش بيه و بارد بس موجود بيه صوبه نفطيه و ريحتها تكتل شجابني لهنا حلكي ناشف لكيت مي ابطاله ولفه اني شربت بس مي و كمت اصيح. منوو انتوووو ليش خطفتوني حقراءءء شتريدووووون اسووووون بيه ميته خوف معقوله هاهيه انتهى كولشي رهاااااااااااااب عفيهههههه وينككككككك رهااااااااب
.
اشش مايفيدج لو يجي ابوه
.
ميلاد: ا ا ا ركان
.
اركان: اي اركان الي تريدين تفشلينه و تروحين شعبالج هيه سالفه لعب ولج اني اول ماشفتج حطيتج بقائمتي مال هسه تريدين تروحين انسي خلي انشوف رهاب شلون يطلعج
.
ميلاد: احجي و ابجي. ليش هيجي شسويتلك وانته شلون اصلا تتقبلني اني بنت عمك حرام عليك اني مراه مزوجه
.
اركان:  تتادبين و اطلعج صدكيني اعيشج احلا عيشه
.
ميلاد: انجب حقيرررر اتخسه اجي وياك و اصلا اعرف رهاب راح يجي ينقذني من واحد حقيررر و ماعنده شرف مثلك
.
اركان: اي اي عود انشوف شلون راح ينقذج
.
ميلاد: اركان عفيه خليني اروح اعرف انته مو على طبيعتك و اعرف انته رابطني بوحده شفتها الها شبه مني لا تخليها تأثر عليك
.
اركان: هاااا يعني انتي شايفتها شفتي ليش ماخليج تروحين مني بعد ما اتحمل احد اريده يروحلي ماجنت ادري راح تموت حسبالي نفس كل مره تنزف شويه و ترجع طبيعيه بس ماكو من رجعت لكيتها ماكو
.
ميلاد: ش ش لون يعني منو هايه. اباوعله عيونه غوركن كلت خلي أكسبه بلكي من يحجيلي يرتاح وافهمه
.
اركان: تالا ابنيه اردنيه التقيت بيها بلبنان حبيتها كلش جانت تجي ويه اختها وعجبتني ضلينه نضرات لحد ماحبيتها حيل واني جنت ستوني صاير ضابط وماخذ اجازه و جاي اتونس و هيه تصير اخت وحده تحاسب بالفندق ضلينه نشاوف لحد ما عجبتني حيل وهيه كذلك ضلينه شهر وراها رجعت و ضلينه نتواصل على تلفون ورا فتره رجعت هم رحت لبنان و التقيت بيها لحد ما قنعتها اختلي بيها رحت وردت اخذها ماقبلت اغتصبتها ونزفت وعفتها من الضوجه لان قاومتني  وراها رجعت لكيتها نفس المكان ساعدتها واعتذرت منها وراها هم صارت علاقه بيناتنه بدون رضاها و عفتها و طلعت رجعت لكيتها غركانه غرك بالدم اخذتها للدكتور و المستشفى كبل كتلهم مرتي هايه انتهيت واني انتضر الدقيقه بسنه طلعوا كالولي لازم فحوصات كامله من غير هاي شغله انو احد معتدي عليها سوولها فحوصات و طلع عدها سرطان بالرحم من درجه الرابعه ماكو فلوسي كلها ذبيتها عليها و عقدت عليها و كل شي جانت تريده صاير وراها بفتره تأزمت حالتها تقريبا اقل من 6 اشهر ماتت اني انتهيت وراها ضليت منتهي عليها و اهلي ضلو يقنعون بيه ازوج و صدك مرت الايام و زوجت و ما طقتها و طلكتها بس من شفتج انتي شفتي فزتي من شفتج مو خوف جانت فزة روحي حسبالي تالا بل وهله الاولى بس من انتبهت عرفت كل شي بالي راح ضليت اراقب بيج صح مو ذاك الشبه القوي بس الوهله الاولى عبالك انتي ضليت اكتفي بس بشفوتج ومرات اجي ابوسج او اشم ريحتج حتى ارتاح انطيني فرصه صدكيني اعيشج ملكه والتريدي يجرالج
.
ميلاد: اشوفه يمسح بدموعه واني من سمعة القصه هم الله ذب عليه البجي زايد . اركان ماكدر عفيه ماكدر اني اموت و لا اخذ شخص غير رهاب صدكني
.
اركان: ليشششش شبيييييي وتفضلينه عليهههههه عنده فلوسسسس لو شنووو والله اشبعج بس ابقي يمي ادللج وانتي شايفه منه غير التكفخ
.
ميلاد: لككككك ماريد كولشي ماريد فلوسسس شلي بيهم رجعنيي عفيه بعد ما اتحمل مشاكل و اشياء سيئه تصير بيه والله مارتحيت عمري كوله ارحموني شويه
.......
رهاب
كبيت نارررر ماكو واحد ماخابرته موبايلهاااا فتشته اتفتش ماكووو بيه كلشي
.
ايمن: رهاب على كيفك يمعود راح اطك
.
رهاب: ولككككك شنووووو ما اطكككك و مرتيييي ماكوووو هااااا
.
سلام: انته فتشت موبايلها معقوله مابي اي دليل
.
رهاب: ماكو اي نعال. انطيت علم الكل سيطرات ماطالعه سياره مشكوك بيها ابد يعني وين انشكت الكاع و بلعتهاا اني اعرفها رادت ترجع اكيد واحد من اهلها الي مسوي هيج
.
ايمن: يعني ابوها
.
رهاب: لا لا مو ابوهاا مبين على وجهه الخوف و القلق لو هوه جان قريت بعينه شي بس عدهم هذا نعلان مو مريح
.
سلام: ياهو نعلان هذا
.
رهاب: اركان ابن عمها هذا عينه عليها ومن نزل لحد هسه ما يطول بالدوام كالولي جان يريد الخفاره بروح صار بالكوه يجيبوا للخفاره ومن ردت اخذ الموبايل حسيته خاف يعني اكو شي اهنا
.
ايمن: دور الفيس
.
رهاب: دورت الخراا يعني انتضرك
.
ايمن : يمعود اصبر والله نلكاها
...
ميلاد
اجه حطلي اكل واني اتوسل بيه ولا كانوا يسمعني اني ميته جوع حتى مامتعشيه اكلت ورجعت نمت
.
اركان: هاج شربي هذا الدوه مصخنه
.
ميلاد: اركان عفيه الى متى طلعني فدوه
.
اركان: اششش لاتعبين
.....
رهاب
كعدت اكلب بالموبايل طبيت القائمه المحضورين لكيت بيها بس واحد والحساب جديد حتى ما ضايف اشخاص اني اهنا شكيت وخرت الحضر و رجعت الرسائل المحذوفه اصلا اني خبره بل برمجيات وجان اشوف واحد مراسلها و كاتب الها على لون دشداشتها اني بسرعه طخت هذا اركان الساقط اني اعلمك ركبت سيارتي
.
ايمن: ها خير وين
.
رهاب: هذا نعلان ماخذها عرفته
.
ايمن: شلون
.
رهاب: مو وكت تفسير
.
سلام: جايين احنا وراك
.
ايمن: اني اصعد ويه رهاب انته جيب الولد
.....
ميلاد: اركان اني مو هيه ستوعب راح تضيع روحك بهاي سالفه صدكني
.
اركان: هيه ضايعه ضايعه ماكو اي شي احبه يموت قبلها حبيت اختي الصغيره لمى و هم سحكتها سياره ماكو الله ما كاتبلي احب شي و يضل ويايه لذلك ضميتج اريدج هيج دائما كدام عيني ما اطلعج
.
ميلاد: متت بجي كافي كافييييييي كافييييييي طلعنييييييي ماريدككككك . هذا هم كام يبجي واجه حضني واني اوخر بيه وهوه دموعه تصب
.
اركان: هاهيه هاهيه راح اعوفج لاتبجين بس لاتروحين خليني دائما اشوفج اريدج الي اذا طلعتج تزوجيني وتعوفي
.
ميلاد: شفته هيج كلت اجاريه . اي
.
اركان: لا ضلي كم يوم واطلعج لاتخافين ما اذيج
.
ميلاد
ياربي شبتليت اني من جهه مكسور كلبي على حالاته الي يشوفه من الخارج يكول هذا ماكو مثله معقوله هيج من الداخل ... اركان طلعني عفيه والله ماروح و لا اكول لاحد عليك خلص انساها هيه من اشوفك هيج راح تكرهك كولش تدري هسه روحها داتعذب وهيه شوف حالتك هيج
.
اركان: ماريد ماريد انساهاااا
.
ميلاد: بس مايصير تعلكني بيها واذا انته تحب تحافض على ذكراها اترحملها سويلها ثواب زورها بلل قبرها مايصير دخلني بيها صدكني كاعد تعذبها هيج
.
اركان: يعني اذا عفتج ترضى عليه
.
ميلاد: اي و ترضى زياده من اشوفك مرتاح
.
اركان: جانت تكلي احب اشوفك مرتاح تدرين شعرها من زينته اني هم زينت وياها بس ضاجت اتكلي احب اشعرك ولج ماكدر انساها ماكدر انسى من حسره عليها الاكله ماكدر انسى من حسره عليها النومه جانت ماتكدر تنام تضل تلوب اعرفها تتالم بس ماتريد تكعدني اعرفها لو الدم الي جان يطلع منها و تخجل مني شنسى كليليييييي هااااااااااااا شنسىىىىىىىى لوو من تكلي اني ماريد اموووووت مارادت تموووووت تعرفين مارادت تمووووت تكلييييي اخاف اموت اخاف واني متكتف مابيدي شي ولكممممممممم حسووووووو بيههههه كمت ماكو معركه اذا مو اني بالصف الاول علمود اموووت و ما متتت شسويه بعد شنسى منها اخر انفاسها وتكلي لاتعوفني اخاف اروح وحدي شنسى كليلي ياهي منهن
.
ميلاد
هوه يحجي واني متتت من البجي على حالته . اركان هد ايدي داتعذب روحين مايصير هيج ابدي بدايه جديده صدكني راح اساعدك على الشي الي اكدر عليه شتريد اسويلك بس هدني و ايتعد عن خطوات الشيطان هاي الي راح توديك بداهيه
.
اركان: يعني انتي هم تريدين تعوفيني تمام راح اعوفج
.
ميلاد: هه صدوك اركان اي عفيه والله شتريد اسويلك
.
اركان: اريدج اديرين بالج على نفسج و ماتخلين هذا يضربج ماشي
.
ميلاد: اي اي
ستوه يريد يفتح ايدي وطبه صارت من فوك وجان اشوف.......
......
للروايا بقايا ❤️
.........
تابعوني انستا أنشر اشياء تخص الابطال و موعد النشر
mi_itss5
.
تابعوني اهنااا حتى نكبررر همات لا بس تشاهدون عفيه
.
وانطوني رايكم بالتعليقات
.
احبكم باي