Who is your Master... Mr.Quarrelsome? 𐤀 [Completed]

အိပ်မက်ထဲကမျောက်‌ကလေး

အခြေအနေတွေရောက်လာရင် တစ်ဘဝစာအတွက်ကိုယ့်ချစ်သူကိုမြတ်နိုးစွာထားနိုင်ဖို့အတွက် တစ်ခဏတာဝေးကွာရမဲ့လမ်းကို ကိုယ်ကျိန်းသေပေါက်ရွေးချယ်ရမယ် ကိုယ့်ယောင်း။

အခုတော့ ဒီခဏလေးမှာဘာမှမတွေးပဲချစ်ချင်သေးတယ်။

// Who is your Master Mr.Quarrelsome? //

"အဲ့လူကြီးကြာလိုက်တာ"

ထယ်ယောင်းနေ့လည်ထမင်းစားပြီးအိပ်ပျော်သွားတာ နိုးလာတော့နေတောင်ပျိုးချင်နေပြီ။ အိမ်ကိုဝေ့ဝဲကြည့်တော့ သူ့လူကြီးမရှိ။ နေ့လည်မရောက်တရောက်ချိန်ကတည်းက ဈေးထဲထွက်သွားတာ အခုညနေတောင်စောင်းနေပြီ ပြန်မရောက်သေးတာလား။

"ဒါလင်"

အသံပြုလိုက်သော်ငြား ပြန်ဖြေသံကမလာ။ လူကချက်ချင်းတင်စိတ်ပူသွားပြီးအိမ်အပေါက်ဝကိုမျှော်ရပြီ။ ခဏနေရင်မိုးချုပ်တော့မယ်။ အဲ့တာကိုအခုချိန်ထိပြန်ပေါ်မလာတဲ့ခင်ပွန်းဖြစ်သူကြောင့် အိမ်မှာကျန်ခဲ့တဲ့ထယ်ယောင်းလည်တငင့်ငင့်ဖြင့်။

"မထူးပါဘူး ငါလိုက်သွားမှပဲ ဘာဖြစ်နေပြန်ပြီလဲမသိဘူး"

လူကမနက်ကတည်းကသိပ်နေလို့မကောင်းပဲ ချောင်းဆိုးနေတာကြောင့် တစ်ခါလေးဈေးထဲလွှတ်လိုက်မိပါတယ်။ လင်တော်မောင်ကညနေစောင်းတဲ့အထိပြန်မရောက်လာပဲ ဘယ်အရပ်ကြွသွားလဲမသိဘူး။

အခုတော့ထယ်ယောင်းခမျာနေမထိထိုင်မသာနဲ့ အပေါ်ထပ်ပါးလေးပတ်ပြီးအောက်ဆင်းလာရပြီ။

"ကိုကို!!!!!!!"

"လန့်လိုက်တာ ခင်ဗျားရယ်"

‌အိမ်အောက်ဆင်းရုံရှိသေးသည်။ ဟိုးအဝေးကြီးကနေအသံပြဲကြီးကအရင်ကြားလိုက်ရတာကြောင့် ပြန်ရောက်လာပြီမှန်းသိလိုက်ရတယ်။ အနားရောက်မှတွေ့ဦးမယ်။ ခင်ဗျားဗိုက်ကြောပြတ်ဖို့သာပြင်။

"ကိုကို ဘာလို့အောက်ဆင်းနေတာလဲ နေကောင်းသေးတာလည်းမဟုတ်ပဲနဲ့"

"မနက်ကတည်းကလွှတ်လိုက်တာ အခုဘယ်အချိန်ရှိနေပြီလဲ ကိုဂျောင်ကု"

"အဲ ကိုယ်ဘယ်မှမသွားပါဘူး ဆရာယောင်းရဲ့ ဒီတိုင်းဟိုနားဒီနားမှာစကားနည်းနည်းပြောနေတာပါ"