Isang buwan na simula nang iwasan ko siya at isang buwan na rin nung magsimula ang pag-intern ko sa Luis Aguado National High School.
Sa isang buwan nun ay hindi ko siya nakita. I just heard that he left Cavite and went to Manila to maybe help his father in their company.
Kaya't hindi na nakakapagtaka na siya rin ang uupo bilang CEO ng kompanya nila.
Smiling, I arranged my things because it was time to go home. Napatingin naman ako sa relo ko, maga-alas sais na pala kaya pala wala nang masiyadong estudyante ang narito. Paglabas ko ng classroom ay magdidilim na.
I stopped walking when I saw Aaron and Caitlin bickering while walking. Napailing nalang ako sa kanilang dalawa. Simula nang mag intern kami rito ay puro bangayan nalang tuwing uwian ang nangyayari sa kanilang dalawa.
"Nag-aaway na naman kayo?" Mabilis na natigil silang dalawa sa bangayan nang magsalita ako. Mabilis na lumapit sa'kin si Caitlin at kinawit ang kaniyang braso sa'kin.
"Ayan kasi, oh! Inaaway ako!" Sabi ni Caitlin at tinuro pa si Aaron na kumakamot na sa kaniyang batok
"Hindi naman kita inaaway, eh!" Segunda pa ni Aaron
"Anong hindi? Pati estudyante mo inaasar ako at shini-ship sa'yo!" Sagot na naman ni Caitlin.
Ako ata ang naririndi sa pag-aaway nilang dalawa, eh. Parang aso't pusa. Hindi na ako magtatakang magkatuluyan sila.
"Gustong-gusto mo naman, ah!" Mabilis na tinaas ko ang dalawang kamay ko inalagay iyon sa mukha nilang dalawa.
"Magsitigil nga kayo! Parang kayo pa ang estudyante niyan," asar na aniya ko sa kanila. "Halika na, nagugutom na ako!"
"Labas tayo bukas, Talitha! Sabado naman, eh!" Anyaya sa'kin ni CaitlinMabilis na umiling ako sa kaniya.
"Kain tayo sa kainan bukas! Do'n sa Kulambo Grill." Napataas naman ang kilay ko dahil sa sinabi niya.
Restobar 'yon, 'di ba?
"Sige. Bukas punta tayo ro'n," sang-ayon ko sa kaniya.
"Ako? Hindi niyo ako isasama?" Si Aaron
"Ikaw? Huwag kana! Hindi ka naman invited!" Natawa naman ako bago nagsimula na maglakad. Bago ako nakalabas ng building ay narinig ko na naman ang bangayan nilang dalawa.
Habang palabas ng school ay may nadaanan pa akong mga teacher na pauwi na rin. Nakangiting binati ko 'to at kinamusta.Hinintay ko sa labas ng school sila Caitlin at Aaron habang ako ay naghahanap ng masasakyan ko.
Si Aaron ay malayo ay kalapit ko lang na barangay habang si Caitlin naman ay sa village siya nakatira pero mas gusto niya raw mag-isa kaya rumenta siya sa kalapit na bahay namin.
Nang matanaw ko na sila na palabas ng school ay natawa nalang ako sa mukha ng kaibigan ko. Si Caitlin ay nakasimangot habang si Aaron ay ngisi ngising inayos ang nagusot niyang uniform.
Naningkit ang mata ko habang pinagmamasdan silang dalawa.
"Bakit ang tagal niyo?" Nagtatakang tanong ko sa kanila.
Hindi sumagot si Caitlin at umiwas lang ng tingin sa'kin kaya tumingin ako kay Aaron at tinaasan siya ng kilay.
"Diyan lang," simpleng sagot niya.
I nodded before looking at Caitlin again until my gaze dropped to her neck. I came a little closer to her so she looked at me.
"Ano 'yang nasa leeg mo? Bakit namumula? Hickey ba 'yan?" Sunod sunod na tanong ko sa kaniya habang tinuturo ang leeg niyang namumula.
