يهزمني الحُب وانا جاهل بدرب المُحبين

البارت الثالث

اما عند رعد اللي كان يسأل نفسه ( خير رعد وراك اختبصت ترا كلها السلام عليكم ، وبعدين ذي وش جابها وليه م قالوا لي لازم اعصب يعني !! ) بدت ملامحه تحتد وصار يستغفر م يبي يطالع ورا
بعد نص ساعة وبعد عناء مع زحمة الرياض وصلوا للسوق لف رعد يبي ينبهم بكم شغلة
رعد : اسمعوني وركزوا بكل كلمة اقولها
لفوا لين وحنين يسمعونه عكس هيام اللي كانت تراسل ع جواله و م هي معهم ابدًا
لين دقتها بخفه : وجع يوجعتس وراتس م تسمعين !
هيام لفت لها بضحك : وشفيتس م سمعتس والله
لين :  لا يعيني مو انا اللي اتكلم
رعد لف لهم وعيونه حادة ومدقق بكل شيء مسوينه : خلصصتوا يالثنتين ؟
لين : ههه شدعوة اي خلصت
هيام : شسالفة
رعد (انشّد لصوتها مره ثانيه وكان جالس يصارع داخله شعور كان مستنكرة لعن الشيطان وجلس يذكر نفسه انها اخت محمد وبنت سيف وم امداه يقول كذا الا وهي طايرة من راسه هي والمشاعر ) قال بصوت شبه عالي : اسمعيني انتي وياها لف ودوران م ابي تمشون قدام عيوني م تدرون العمال والخرابيط ذول وش يسوون
هيام بدون نفس : خلصت ؟ ننزل
طارت عيون رعد وقال بصوت عصبي وحاد : ننععم يا أستاذة هياام ! وشذا الأسلوب
هيام بنفس طبقة صوته المرتفعه : سلامات عن اي اسلوب تتكلم انا قلت خلصت ننزل لأننا خلقه متأخرين
حنين ضحكت : خلاص يحلوين ننزل رعد ؟
رعد لف لها وعيونه شوي وتطير كان مررععبب : اييه انزلوا
حنين خافت ونزلت ومسكت يد هيام وهمست لها : هيام ماله داعي تجلسين ترادين الكلمة بكلمة ولا ناسيه مين هو رعد احمدي ربتس انه اقتنع يودينا السوق
هيام بضحكه : ومين هو رعد بالله ذكريني نسيت
حنين قطبت : هيام وشفيتس انتي انهبلتي !
هيام : ولا شيء امشي
راحوا يفرفرون السوق تحت عيون رعد اللي م ارمش عشان يضيعون كان يسمع ويشوف كل تحركاتهم
هيام اللي خلصت قبل لين وحنين : اسمع هيه انت ( كانت تكلم رعد بس بطريقة او بأخرى هي مضطرة تقول اسمه لأنه مستحيل يلف بدون اسمه وكأنه مستقصد )
هيام زفرت بخوف : رعد
رعد لف لها بهدوء : نعم !
هيام : ابي اركب السيارة البنات واضح مطوليين
رعد هز راسه بنفي : معصي
هيام فزت وتكتفت : تستهبل وش اللي معصي !
رعد طنش ولف وجهه وطلع برا يشم هوا
هيام ( ااااه ياربي ابي افقش وجهه المغرورر ع ايش شايف نفسه يييع !! )
خلصوا البنات وطلعوا وشافوا رعد واقف
حنين بأهتمام وقلق : رعد وين هيام ؟
رعد بعدم مبالاة : وشدراني عنها وبعدين وش خلاتس تجلسين الوقت ذا كله امشي اخلصي ونادي لين
حنين مسكت يده : تعال وين هياام !
رعد بدا يتوتر وخصوصًا انه مو متعود ينسأل سؤال عنها
رعد : حنييين بس لاتغثينيي اكيد فالحمام ولا بمكان هنا وقال في نفسه ( صايعة م يحتاج م عليها خوف )
حنين بعصبية ملحوظة : رعععدد وش ذا البرود البنت وينهاا
رعد بنفس العصبية وكان صوته اعلى : اركبي السيارة انتي وهي ( يقصد لين ) وانا بروح ادور عليها !
حنين بنفسها ( حسبي الله مو لهدرجة عاد ) وراحت هي ولين وكل وحدة تسأل الثانية متى اخر مره شافت هيام فيها ..
::::::::::::::::::::::::::::::
عند هيام اللي فصل جوالها وم كان فيه شاحن : ماشاءالله وانت اخترت الوقت المناسب عشان تفصل !
سمعت صوت وراها : ماشاءالله شوف شوف هدي بنت مره هيلوه ( عامل هندي م عليكم من اللهجة🤣)
انهبلللت والتفتت عليه وهي تدعي وتقول ياارب م يقصدني بس للأسف كانوا ثلاثة وكل واحد ابشع من الثاني ومنظرهم مررعب رجعت تلتفت قدام وكلمت طريقها وهي تحصن نفسها وفجأة مسك واحد يدها ولفها ع جهته وقال : مدام ليش انتا فيه كوف ؟
هيام بررععب : خييير انت ابعد يعلك بكسر !
العامل بضحكه بشعة ومرععببة : ليشش ماما لييش انتت هيلو ليش يقول كلام كدا ؟
طار عقل هيام اول م اجتمعوا الثلاث حولها وركضت لجهة م فيها محلات
رعد اللي كان يشوف كل شيء ووجهه محمر وعيونه شرااار ( ايه هذي اخرتتس جايبة ثلاث رجال حولتس ياقليلة الخاتمة ! لا وتدويهم جهة فاضية غير هييين والله م اخليتس وبدا يمشي بخطوات سريعة وكبيرة وراها )
رعد بغضب ودمه يفوورر : ي صديقق انت وياااه !
لفوا الثلاثه وركضوا علطول واختفوا من انظاره ..
رعد ابتسم بنصر : شدعوة م امداني اسوي شيء
راح للمكان اللي هيام اتجهت له وتكلم بصوت شبه عالي : هياااامم
هيام فززت ع الصوت وركضت لجهته ووقفت ع اخر لحظة وهي قريييببة منه وتكلمت وصوتها يرجف وتتلعثم : اااا..ررعد حمدلله يارب..حمدلله رععدد تكفى الحقني ..
رعد اللي كان مصدوم وفنفس الوقت منلخم من قربها وصوتها اللي هززه وتكلم بصوت هادي : هيام شفيتس !
هيام بكت : ف..في...فييه عمالل يلحقوونيي
رعد انصدم من بكائها : بسم الله عليتس م فيه شيء خلاص امشي السيارة ( الله ياخذ تفكيرك ي رعد اجل مجمعتهم اخ بس )
هيام هزت راسها وقالت : تكفى خلك جنبي لاتروح اخاف يرجعون
رعد تكلم وكان بينهم مسافة : معليتس م بخليتس امشي انتي معي والله محد يقرب منتس
هيام تطمنت وهي م تدري وش خلفت من عواصف داخل رعد اللي م كان واضح عليه شيء خارجيًا ما كانت تدري عن الداخل وشفيه وش سوت هي
اما عن داخل رعد ( رعد ! خير وشفيييك لا تخضع لتعامل او عيون ولا حتى صوتها انت عارف مين هي بنته مستحيييل اخضع وبدا يشيل الفكرة من راسه بس قلبه ؟ )
ركبوا السيارة والصمت سيد الموقف تكلم رعد كاسر للصمت : بنات خلصتوا ولا باقي تبون شيء
حنين بصدمة : هل انت رعد ؟ وش سويت في اخونا
رعد لف لها بنظرة ساحرة : افا وعمري قصرت معتس بشيء
لين قاطعتهم : اف اف رعد وش ذي النظرة انا وانا اختك ذبت !
رعد لف لها بقوة وبصدمة وانحراج : لييين خييير وشفيتس انتي !
لين وحنين انفجروا ضحك : لا بس يعني
هيام ضحكت بخفه وانتبه لها واوجعه قلبه مره ثانية وصد عنها وهو يكذب ع نفسه كل دقيقة يرفع عينه ويطالعها وراه وهي م كانت معه كانت مشغولة تطالع الطريق وهي للحين مفجوعة من الموقف وتفكر لو م جاء رعد ايش ممكن يصير لها فزت ع ضربه لين لها : وجع هيام م تسمعين !
هيام بصدمه : وش ؟
لين : رعد يسألتس وش تحبين ايسكريم !
هيام م انتبهت حتى لما وقف السيارة عن عربة الايسكريم وتكلمت بهمس : شوكولاتة
رعد بصوته الرخيم لف عليها وقال : هيام ارفعي صوتتس وش تبين ؟؟
هيام خافت وقلبها بدأ يدق وقالت : م تسمع انت شوكولاتة
حنين بقرف : يع هيام كيف تحبينه
رعد ابتسم : منجد مين ياكل شوكولاتة وكان يقلد نطقها فيه
لين ماتت ضحك : عشششنا رعد يستهزئ فيتس وانتي ساكته
هيام بكرهه له رفعت صوتها : ششووككوولااتته
لين وحنين : هههههههههههههههههههههههههههههههههههههه
( رعد اللي فعلاً ذاااب من نطقها وهو للحين م نسى نطقها بأسمه وهي خايفة واخذ الايسكريم وهو م يبي يستسلم لها خصوصًا انها بنت سيف واخت محمد اللي م كان يشوفهم كفو وكان مستنكر الشعور م عمره جرب الحب ولا يبي يجربه وكان فعلاً ناوي يسكر ع الموضوع وينسي قلبه بس السؤال هل بينسى ؟ )
وصلوا البيت ونزلوا البنات وصلوا هيام ورجعوا حصلوا كاسر ورعد عند باب البيت يتهاوشون
كاسر : وقسم بالله ي رعد اني م كنت ادري انك م تبيها
رعد بعصبية : اناا منن متتى اوصلل اشكاالهههاا !!!
كاسر عصب : رعد سلااماات تراها بنت عمك !
رعد انهبل : كااسر اذلفف من وجهيي ولا والله لأكفر فيييك !!
كاسر ضاق ودخل البيت
حنين بفجعه : رعد خييير وشفيه صوتكم واصل اخر البيوت !
رعد لف لها وكان مررعععبب : ادخليي داخل ولاتحشريين عمرتس بأشياء مالتس فيها دخل ادخليي
حنين مسكت لين ودخلوا وهم منصدمين
___
*وصلت رسالة لجوال رعد *
المرسل : العقيد رعد ؟
رعد : ايه نعم وصلت خير
المرسل : السلام عليكم حضرة العقيد
رعد : هلا عليكم السلام
المرسل : انا الملازم فهد ال******
رعد : ارحب
فهد : البقى م ابي اطول عليك بس بوصلك كلام حضرة اللواء منصور ال***** يقول عندك ثلاث ايام ترابط فيها
رعد ابتسم وهو كان ناوي يبعد عن البيت ولو شوي : تم وصله اني بتجهز وجاي
فهد : تبشر حضرة العقيد
رعد سكر جواله وطلع طيران لغرفته سكر عليه وطالع في نفسه فالمراية وقال : رعد اطلع من افكارك السيئة وركز في وظيفتك وفأهلك ونفسك ولاتخلي شيء يشغلك عنها حتى لو كانت هيام ارتععدد اول م نطق اسمها واستغفر وقال : كلها كم ساعة معها وطارت بك ؟ م هقيتني خفيف
ضحك ودخل اخذ شور سريييع وطلع وهم مصفي ذهنه وم يدري مين هي هيام لبس بدلته واخذ حزامه وسلاحه وطلع متجه للصالة باس راس امه وابوه : يبه انا مرابط ثلاث ايام وفي ازدياد ممكن اتأخر عن البيت عاد م اوصي حريص
ابتسم ابو رعد : ابشر ي وليدي والله يوفقك يارب
ام رعد : رح الله يحفظك يارب
رعد : وياتس يمه
طلع رعد وهو ناسي عن هوا داره وكان دايمًا كذا اذا الشيء يخص الشغل ينسى كل اهله وينسى نفسه بعد
::::::::::::::::::::::::::::::
عند هيام اللي كانت تكلم سلمى [ بنت خالتها ]
سلمى بحماس : ايييووهه وش صار بينكم
هيام بملل : شفيتس انتي ؟ م صار شيء ولا ناسيه انه رعد
سلمى زفرت : اقوول خلييتس والله انا اشوف انه بيجيتس ع وجه وبتعرسون
هيام انفجرت ضحك : سللوم م تحسين ان خيالتس واسع؟
سلمى همهمت لها : ايه ايه خليتس كذا لين يضيع من يدينتس ذا عقيييد يالدبشة !
هيام عصبت : خلااص وش يطير ولا يضيع والله لو انه اخر حبه
سلمى سمعت امها تنادي : اسمعي بسكر امي تناديني انتبهي لتس وانتبهي لرعد سكرت وهي تضحك
هيام ضحكت : يخي غبية ذي
فجأة سمعت صوت سيارة رعد اللي كان يطرق بواري انفجعت وركضت تطفي النور وطلعت من الشرفة : شعنده ذا
رعد اللي كان واقف ينتظر فارس عشان يسلم عليه قبل يطلع : ي الفاااارس
فارس طلع وهو يبتسم : يالبيييه يالرعد
رعد نزل بهيبته وبدلته وسلاحه وشاراته العسكرية ابتسم ودق تحية لفارس
فارس ضحك : اسستترررح
رعد انفجر ضحك وكانت اول مره هيام تشوف رعد يضحك فيها هاامت في ضحكته وهي تتمنى انا م تخلص
هيام : يالله قد ايش حلوه علاقتهم ببعض الله لايغير عليهم ويالله قد ايش ضحكته حلوه !
استوعبت ع نفسها : هاه خير هيام شفيتس ؟ مو لذي الدرجة الله حسبي ع سلوم !
كانت تتأمله كل انش فيه وكل تفصيل هي تشوفه مهم كانت تركز ع سوالفه وسلاحه ووقفته كان مُهلك وم كان رعد اللي تشوفه دايم
رعد : اجل انا استأذن ودعتك ربي
فارس ضاق وهو م يتحمل المكان بدونه : الله يحفظك يعين اخوك
رعد لف يبي يركب سيارته وطاحت عينه ع شرفتها وكأنه لمح احد قال في نفسه ( مو هي لاتحاول الحين خدامتهم ) وضحك بضيق وهو كان وده يشوف مين اللي استحلت قلبه من اول لقاء عن قرب دايم كان يصادفها بعييد بس هز راسه بنفي وترك البيت وراه
هيام اللي كانت هيمانه فيه وتتأمل شافته يلف وانفجعت وركضت وصقع راسها بالقزاز مسكت مكان الضربة وضحكت : اه ي الرعد وش سويت فيني رجعت تناظر بهدوء م شافت احد وكان الجو اقل م يقال عنه كئيييب قالت : غريب مداوم الحين ؟
فزت اول م حست بيدين ع كتوفها لفت وهي تصارخ وكتمها محمد وهو ميت ضحك : بننت وشفيتسس انا محمد
هيام دفته وقالت بقهر : ولعنه ي محمد
محمد قطب : افاا ليه
هيام : عشان ثاني مره توديني السوق م تخليني اضطر اروح مع رعد
محمد اشتط وعصبب وانفعل : نعععمم وش ركبتس معه يبنت الككلبب !!
ومسكها بشعرها هيام بكت برعب وقالت : محمد فكنني خييير فكننيي
محمد دفها ومسك فكها بقوة وتكلم بغضب الارض : والله اللي متعالي في سماه اني لا اسمعتس او اشوفتس ثاني مره عنده وبعدين وش مطلعتس اخر الليل مع الشرفة لايييكونن !
ومحمد اللي كان بعد يراقب فارس ورعد وصرخ عليها : يالكلبة وش تسويين تكلمي
هيام ببكي : والله م اسوي شيء توي طلعت ادخل شجرتي عشان اسقيها
لف محمد وفعلاً كانت مجهزة كذبة وكانت الشجرة ع الطاولة وجنبها كاس كبير مليان ماء
ابعدها منه وقال : اشوووا ادخلي داخل بسسرعة !
هيام جمعت نفسها وتشجعت وقالت : وبعدين وش حارقك هاه وش شايف وجاي تحط عصبيتك فيني
محمد ضحك ضحكة مستفزة : ولا شيء ولا شيء ادخلي
وطلع برا غرفتها وتركها وراه قلبها يدق : يمه كل ذا عشان رعد اكيد هذا وانا باقي فالبداية وصار لي كذا لا لا لازم م اطيح فيه زيادة
دخلت غرفتها وسكرت الباب وطفت الاباجوره اللي جنبها وسمت بالله وقرت اذكارها ونامت
::::::::::::::::::::::::::::::::
الصباح يوم الاثنين الساعة ٩:٤٠
ام هيام دخلت بعصبية غرفة هيام للمرة الثالثة : هييييااام وصممخ ان شاء الله قوومميي
هيام فزت : يووه يمه ابشري قمت
ام هيام : بسرعة تجهزي م وراتس عرس انتي !
هيام انفجعت : اايشششش عرس ميين !! اناا
ضحكت ام هيام : ماشاءالله ودتس بالعرس ؟ عرس العنود يغبية اليوم
هيام زفرت براحة : اوه صح يالله يالله
قبل تطلع امها قالت هيام : ايه صح يمه بنات عمي بيجون صح
ام هيام لفت : ايه شفيتس نسيتي اننا بنروح مع كاسر
هيام بضيق ( اف يعني رعد باقي م جاء ! )
وسألت بأسلوب م يخلي امها تشك : غريب كاسر بيودينا و رعد وينه ؟
ام هيام : رعد مرابط م بيجي للعرس ولا بيجي الاسبوع ذا كله احسن فكه اخيرًا هدوء
هيام ضااقت صدق وهي م تدري ليه : اوه يالله خليني اتروش ونلبس ونروح الصالون
دخلت وهي تضرب قلبها بخفه : خلاص تكفى انساه وشذا من اول يوم اشتقت له ! اصلاً لييه تشتاقين
:::::::::::::::::::::::::::::::::
بعيييد في هيئة الضباط
رعد اللي كان ضايع بين اوراق وقضايا ويكلم جنود يسجنون ناس ويكلم يفرجون عن ناس ويرجع لمكتبه ويجلس وشغل شغللل
رعد زفر بغضب : لا اله الا الله وشذا كله
قطع عليه نغمة جواله تعلن اتصال جايه
رفع جواله ورد : اررححبب ي فارس قلبيي
فارس ابتسم بضيق وتنهد : من يرحب يبقى
رعد استغرب : افااا مين مضيق علييك
فارس استغل الفرصة : انت
رعد انفجع : ليييه جعلني اسبقك وش سويت
فارس انفجع بعد وضحك : لا لا استغفر ربك
رعد ضحك : هاه وشفيك علمني
فارس : اول شيء قل تم
رعد : تم من الحين
فارس : تجي العرس الليلة
رعد ضرب راسه وقال : يييووه عرس ساالم
فارس : ايييه تكفى تعال
رعد تنهد : بشوف مع اني مستحييل اطلع وانا مرابط بس بكلمهم
فارس : تمام رد لي خبر
رعد : ابشر وسكر
كان سالم ملزم ع رعد يحضر بحكم انه ولد عمته وتنهد وقال : ياللييل والله لو م احضر ان يقوم سالم الدنيا ويقعدها طلع وهو ناوي يقنع من هو اعلى منه منصب وماسك مرابطته
دخل مكتب اللواء منصور وهو داق تحية
رعد : السلام عليكم
منصور قام : وعليكم السلام استرح ي الرعد
رعد : اسمع م بطول عليك بس عندي زواج الليلة وملزم علي المعرس احضر تسمح لي احضر ؟
منصور قطب : بس انت مرابط ي رعد
رعد ابتسم بضيق وهو م كان يحب يطلب احد : ابشر خلاص ولف بيطلع
منصور ضحك : شفيك تعال
رعد لف له : لبيه امرني
منصور : لبيت حاج ابد رح واحضر الزواج وعقبالك يارب
رعد ابتسم ودق تحية : الله يسعدك ويسمع منك
طلع وهو ناوي يبشر فارس دخل مكتبه ومسك جواله وكان بيتصل بس فاجأه اتصال محمد اللي كان مسميه * محمد الكريه *
رفع الجوال
رعد : هلا محمد
محمد بكرهه : هلا هلا بالرعد
رعد خاف : شفيك فيه شيء احد صاير له شيء
محمد ابتسم بمكر : ايه
رعد ارتعب : تككلم طيبب
محمد اللي فعلاً كان مع كاسر وصدموا في واحد بس الحادث خففيييفف جدًا وكان نجم عندهم قال بصوت جاد : كاسر سوا حادث
رجفت كل خلية ف رعد وفزز : جاااييك ارسل الموقع
محمد : ابشر ابشر
سكر وارسل له
جاء كاسر عن محمد : محمد خلصت يمدينا نمشي
محمد : لا انتظر
كاسر استغرب : ليه فيك شيء
محمد : ايه احس بدوخ
كاسر فز ومسكه اول م مثل محمد انه بيغمى عليه : بسم الله عليك اقعد اقعد
وماهي الا دقايق ووصل رعد برعب : كاااسسسر
كاسر فز : رعد !!
رعد مسكه وجلس يتفحصه : فييك شيء ؟
كاسر ضحك وضم رعد : لا يعين اخوك بس دقه بسيطة بالموتر وسهالات ان شاء الله
رعد عصب : وين محمد ؟
كاسر : اغمى عليه ( م كان مغمى عليه صدق بس م نام فالليل وكان دايخ وهذا شيء ساعده )
رعد فتح الباب وطالع فيه بتمعن وكان يرمش مسكه بياقته : مريضض انتت !!
محمد دفه : خيير يخوي فيك شيء
رعد : لا ابد جايك طاير لو تذبحني م طلع مني قطرة دم نششفت دمي حسبي الله عليك احد يكذب فأشياء زي كذا
محمد ضحك : م كذبت والله سوينا حادث
كاسر جاء : ايه م كذب
رعد : انت اسكت لو تشوف كيف قالي تقول انك ميت مو دقه بسيطة
كاسر ضحك : خير محمد مريض
محمد ضحك بضحكة مستفززه : وش اسوي عاد ابيه يفزع اذا كان الغلط علينا
رعد مسك راسه وقال فنفسه ( الله ياخذ نفسك )
دق جوال محمد وكانت هيام
محمد : لبيه هيام
هيام : وينك
محمد : فالطريق
هيام : يالله تعال خلصنا ترا
محمد : خلوكم جاهزين
سكرت هيام ومحمد نزل جواله وطالع فيهم
رعد ( اول م سمع صوتها دق قلبه ولف وجهه بس سمع صوتها بحكم انها كان قريييب من محمد مسك قلبه وقال : يويل قلبي صدق ) وابتعد هو وكاسر
محمد : عيال يالله امشوا ، رعد بتجي العرس ؟
رعد لف له وهز راسه بنعم وهو كان يكلم امه
رعد : يالله يمه بسكر
ام رعد : يالله استودعتك ربي
كاسر جاء ومسك رعد قبل يركب سيارته : رعد شرايك تاخذ حريمنا وتوديهم القاعة
رعد تكتف : كأنها عجبتك الشغلة
كاسر ضحك بقوة : لا والله بس سيارتي صغيرة ومحمد جاء معي وترك سيارته فالبيت
رعد : وكيف وديتوهم الصالون ؟
كاسر : بلا غباء انا خذيت خواتي وامي وهو خذا اهله
رعد صد : يالله بأخذهم
كاسر ابتسم بنصر : كفو والله بس لاتحسب اني م ابي اخذهم بس سيارتي صغيرة وانت ماشاءالله جيب لكزس كبييير
رعد ابتسم : يالله اخلص رح الحلاق واحجز لي نص ساعة وانا عندك
كاسر اشر بأصبعه ع خشمه بمعنى ( على خشمي )
تحركوا كلهم كاسر ومحمد متجهين يأخذون فارس ورعد متجهة للصالون .
:::::::::::::::::::::::::::::::::
انتهى البارت ادعموني بنجمة وكومنت عشان اتحفز اكمل 🤍
( احيانًا انسى اكتب كيفك "كيفتس" بس اعذروني اواجهة صعوبة فاللهجة وانساها😭 )