يهزمني الحُب وانا جاهل بدرب المُحبين

البارت الثالث والعشرين

ضحكت هيام وركضت ولبست عبايتها وطلعت لرعد وانتهت اجمل ليلة بحياة فارس وحنين
هيام ركبت السيارة وصرخ رعد : وينتتتس من جوالتتس !!
هيام بحدة : بسم الله شفيك تصارخ كنت اساعد امي وخالتي !
رعد مسك فكها وسحبها لوجهه وقال بصوت هز السيارة : ررديي طييب مو اقععد انتظرتس !
هيام بعصبية بعدت يده بقوة وقالت : اف خلاص غصب علييك تنتظرني زوجتك ترا !
رعد صد وهو يمسح وجهه وانطلق من الاستراحة بسرعة تخوف
هيام برعب : رعد ترا بيتنا م بيطير هد وش السرعة ذي !
رعد م تكلم وكان شاد ع الدركسون بيده ويده الثانية ع القير قربت هيام وشابكت يدها بيده وقالت : رعد اتكلم انا !
رعد فك يده من القير وقلبها وشّد ع يد هيام وقال : وش تبين ؟
هيام تألمت من قوة شّدته وقالت : اولاً باقي ابي يدي لاتكسرها ثانيًا امش بشويش م بنطير ترا
رعد ابتسم : ابي الحق الطيارة
هيام استغربت : ايش ؟ بتسافر !
رعد : شهر العسل ولا تحسبيني نسيته ؟
هيام شهقت : استحللففك بالله !
رعد قرب وباس يدها وقال : والله
هيام : واغراضي
رعد : كل شيء جاهز لين خططت معي
هيام : وااااي ي ليني
رعد بزعل : ورعد ؟
هيام قربت ورفعت نقابها وباست خده وقالت : م خذا قلبي الا الرعد
رعد ابتسم وقال : م بتسألين وين بنروح ؟
هيام بحماس : وييين ؟
رعد بنفس الحماس : للمالديف
هيام صرخت : واااااي صدددق
وقف بعد مسافة للمطار ونزلوا وطلعوا علطول للطيارة متجهين لأول وجهات شهر عسلهم المالديف 📍
..................................
عند عرساننا ( حنين و فارس )
فارس دخل حنين الغرفة وقال : حبيبي شوي وبجي بالعشاء بدلي وخلصي
حنين ابتسمت : تمام
طلع فارس مستعجل ونزلت حنين فستانها ولبست بجامة كانت هيام مجهزتها لها بعطوراتها وكريماتها وكل شيء
حنين بحب : الله لايحرمني يهيام والله يستر عليكم انتي ورعد وتوصلون بالسلامة
اخذت شور سريع غسلت فيه جسمها بس بحكم انها متروشة امس ولبست وتعطرت وجلست ع جوالها ترد ع سنابات البنات
دخل فارس وشم ريحة حنين اللي فاحت فالغرفة كاملة وهو م كان مصدق انه معها خلاص دخل الغرفة وقال : حنيني
حنين لفت له : عيوني
فارس ابتسم وفتح يدينه لها وقال : اقربي مني خليني احضنتس
حنين ابتسمت بخجل ومشت له وحضنته وشّد عليها فارس وقال : يالله يارب لك الحمد عليتس الحمدلله على وجودتس بحياتي ي حنين الفارس
حنين حاوطته وقالت : ولا منك يعيونها
فارس بحب : تعالي تعشي يجعل محد يعرب يتعشى غيرها
حنين ضحكت وجلست معه وتعشوا وهو يتأمل ويتأمل وقاطعته حنين اللي قالت : فارس خلااص خلني اكل
فارس ابتسم : لبيه يعيون فارستس
حنين : ممكن ؟
فارس ضحك : تعشي تعشي
تعشوا وخلصوا وشالت حنين الصحون وعلطول غسلتها وخلصت وراحت غسلت يدينها بصابونه ريحتها مسك وحطت كريم عليها وراحت للغرفة وشافت فارس يكلم
فارس : لبيه
رعد : لبيت حاج شوفني طالع من السعودية وقلت اعطيك خبر
فارس ابتسم : الله يحفظكم يارب توصلون بالسلامة وطمني عليك
حنين فزت : رعد ؟
رعد : عيونه
حنين ضحكت : بالسلامة يعيون اختك
رعد ابتسم : الله يسلمتس ويالله م نبي نطول عليك يعريس
سكر رعد وابتسم فارس وقال : ننام ؟
شهقت حنين وراح تفكيرها بعيييد وقالت : مسسررع !
انفجر فارس ضحك وقال : خخيييير حنين
حنين بفشلة : يع الله يقلعني وبعدين وش ننام انت !
كان فارس يضحك بشكل هستيري وقال بخبث : ننام ؟
حنين دفته بخفه وراحت انسدحت وانسدح فارس من وراها وحضنها وقال : يعساني م انحرم
حنين كانت بتموت احراج وفشلة وقالت : ولا منك
فارس ضحك بخفه وكانت ضحكته توجع قلب حنين وقالت : ضحكتك تجذبني
فارس كان ينعس وشّد عليها وقال : ضحكتي ؟
حنين هزت راسها بنعم
فارس : الله وكيلتس انا كل شيء فيتس يجذبني
حنين ابتسمت ونامت ونام فارس معها
__
في بيت ابو رعد الكل رجع يكمل السهرة هناك بحكم ان الساعة ١ وتعتبر بدري
ام رعد بأبتسامه : عقبال لين يارب
لين بضيق عشان البيت صار فاضي وقالت : اف يمه م ابي اشتقت لحنين ابيها ترجع
ام هيام ضحكت : شدعوة يالين
لين : وش والله اني صادقة وحشتني
ام هيام : معليه يعيوني كلها كم يوم وتلحقينها
لين شهقت : لا ان شاءالله باقي صغيييرة انا
الكل ضحك بقوة بعد ردة فعلها
وعد : لين
لين لفت لها : لبيه
وعد : كاسر يناديتس برا
لين بخبث : ماشاءالله والله اشوف بالتس معه
وعد شهقت : هيييه لا تقلبييين علي ازعجني يغبية
لين ضحكت : امزح امزح
طلعت لكاسر اللي كان حاط طاقيته وعقاله ع راسه وشماغه على كتفه ولفت وعد للشباك وكانت تراقبه كان طوييييل بشكل يخوف وقالت : بسم الله وشذا الطول لين اطول مني واختفت جنبه يساتر ماشاءالله
لين : هلا
كاسر : شوفي لي طريق بدخل انام
لين بخبث : تبي تشوف وعد يكلب انقلع
كاسر احتدت نظرته وقال : يغبية وخري مني بناام
لين مدت يدها وشابكت يد كاسر وقالت : تعال معي طيب
كاسر شّد عليها وراح وراها وكل ذا تحت انظار وعد اللي تحترق غيرة واستوعبت ع نفسها وقالت : وععدد لا يوععدد لااا !
صدت وتجاهلتهم وكملت تسولف مع صالحة وجميلة وشوق صح انها تكرههم بس كانت تبي تشغل نفسها
كاسر ابتسم : جيبي لي مويه تكفين
لين : علتبن حلا هو اذلف جيب لنفسك
كاسر : انزل ع الحريم غبية انتي !
لين : لا يعيوني انت الغبي وبعدين الحريم في مجلس الحريم وصاد عن المطبخ يالله تقلع
نزلت لين ونزل بعدها كاسر وثّقل صوته وقال : يولللد
ام رعد : لبيه ي كاسر
كاسر : لبيتي في منى يمه بس بدخل المطبخ لحد يجي
مشى كاسر وشهقت لين وقالت : ووققققفف
وقف كاسر ولف لها بقوة وقال : وجع علامتس !
لين ضحكت : صالحة ووعد فالمطبخ
كاسر ابتسم للين اللي فهمته وضحكت ودخلت المجلس وصد كاسر وقال : اخلصوا يبنات
صالحة : تستهبل نسوي اندومي
كاسر : ماشاءالله ! كأنتس خذيتي راحتتس
ام رعد : كاااسر شتبي بالبنات خلهم يولدي
كاسر بضيق : ابي ماااء عشان حبوبي
ام رعد : وعد عطيه مويه
وعد فزت وقالت في نفسها ( وش معنى انا يعمة ) وقالت : ابشري يعمة " طبعًا تسميها عمة بالأحترام ولا ام رعد م تقرب لهم بس عشانها زوجة عمهم "
كاسر ابتسم وقال بصوته الرخّيم : وععد خلصيننيي !
وعد فزت وقالت : هاتس يصالحة عطيه
صالحة تقدمت واخذت المويه وقالت : كاسر لاتلف بس اخذها
كاسر احترق وقال : هاتيها طيب !
صالحة قربت منه ولف كاسر بحكم انها طولت م اعطته وشهقت صالحة ورمت المويه عليه وقال كاسر : شوي شوي يساتر
وعد زفرت بعصبية وقالت : جاك الماء وخر بطلع
كاسر لف وطلع لغرفته بدون م يلتفت وقالت وعد بحرقة في نفسها ( طبعًا شافها اكيد م بيلتفت لي اه يالنسونجي الحقيير ) وبعدين قالت ( لحظة وش يلتفت خييير يوعد اصححيي ع عمرتس !! )
كاسر طلع وسكر باب غرفته وقال : اعنبوها اقول اسمها واقول خلصيني وتعطي صالحة ! قسم بالله لا امشيها ع كيفي
لين : وعد
وعد ابتسمت : لبيه
لين بضييق واضح : تعالي فالحوش الخلفي كتمة
وعد قامت ومسكت يد لين وطلعوا واول م جلسوا ع القعدة اللي برا انفجرت لين تبكي بحرقة شهقت وعد وقالت : لييين شفييتس !
لين وسط انهيارها : اشتتققت لحنينني
وعد بخوف : خلاص يروحي خلااص حنين مع فارس ماهي بعيد وبكرا بتجينا للغداء خلاص يعيوني
لين بضيق : انا م تحملت فراق رعد اللي كان مسوي جوو فالبيت والحين حنين اختي الوحيدة
وعد كانت تحاول تهديها : خلاص انا موجودة خلاص
لين استغربت : وش رضيتي بكاسر ؟
وعد رفعت صوتها وسمعها كاسر وقالت : خخيير وشدخل كاسر الحيين !
انفجرت لين تضحك وتغير مودها وقالت : وشدراني قلتي انا موجودة
وعد ضحكت بقوة : لا يغبية اقصد بجيتس كل شوي وبتطفشين مني
لين مسحت دموعها وقالت : اخذي كاسر وخلاص
وعد : طيب يحمارة حتى لو باخذه بعيش معه في بيت لحالنا تحسبين بيسكني معتس ؟
لين : ادري بس بيصير يجي كل شوي
وعد استغربت وجاها فضول وقالت : احكي لي عن شخصيته
كاسر كان يناظرهم من فوق بس م كان يشوف وعد بحكم انها ع الجدار تحته وقال : وش تبين تعرفين ؟
فزت وعد وصقع راسها فاللمبات اللي نازله من السقف وقالت : ااااااه رااااسسسي
طاحت لين تضحك عليها وقالت : يويلي يكاسر كسرت راس البنت
كاسر فز وقال : شفيييهااا !
لين م كانت قادرة تشرح من الضحك وقالت بعد م تحكمت في نفسها : صقع راسها فاللمبة اللي نازله من السقف
كاسر ضحك وقال بهمس مسموع : يجعله بضلوعي عنتس يالوعد
وعد شهقت وقالت : اميييينن
كاسر : اي والله امييين 
وعد : وقسم بالله انكسر راسي ااااييي صدق
لين حضنتها وسحبتها شوي وكان كاسر يحاول يشوفها بس م شاف الا يدها وقال : اه يحظتس ي لين يحيوانه
لين شهقت ودفت وعد ووعد طارت وضرب كوعها في حافة الكنب وصرخت : لييييننن كسسررر
لين بخوف : اسفه والله وبعدين انت خييير اذلف
كاسر بعصبية : حشى م شفنا شيء !
وعد : يخوي اذلف وجع
كاسر احتد صوته : انزل لتس !
وعد عصبت وقالت : انزل !
كاسر لف وراح وطلع من غرفته وركضت وعد واخذت جلال الصلاة اللي كان فالصندوق اللي ع الباب ولبسته وتلثمت وكانت عيونها تسسحر وقالت : يالله خليه يجي
لين قامت ركض للحمام بحكم انها ضحكت كثير
كاسر طلع للحوش وقال : جووي العناد ترا
وعد طالعت فيه واستحقرته وقالت : وش نسوي لك !
كاسر بحدة : وعد ! وبعدييين معتس
وعد : خيير يهوه وش سويت
كاسر : عيونتس اللي تسوي مو انتي !
صالحة وجميلة شهقوا وقالوا : وعععدد
وعد فزت برعب وقالت : خييير
كاسر لف لهم بهدوء وقال : وخروا بطلع لغرفتي
صالحة ( تحب كاسر حب عظيييم ) قالت : منهي عيونه اللي تغازلها انا صح
كاسر ابتسم بمزح وقال : ايه
صالحة انفجر وجهها احرااج وقالت : هاااه !
كاسر مر من جنبها وطلع لغرفته
وعد مسكت قلبها وقالت ( الله ياخذك تعرف تطلع نفسك من الامور لكن هييين تغزل فيني بعدين حطها في صالحة اجل تزوجها وفكنني )
جميلة : وعد خير وش مقعدتس هنا
وعد بعصبية وكانت غيرانة بس تنكر الشعور وقالت : وشدخلتس يختي
جميلة : كاسر يقصدتس صح ؟
وعد ضحكت : واذا يقصدني وش حارقتس !
صالحة بضحكة مستفزة : شدعوة جميلة تسألين م سمعتيه
جميلة ابتسمت : الا سمعت يعيوني واحسن جيبي راسه م ناخذ رعد بناخذ اخوه
وعد بكرهه : شدخل يمريضة لو بتاخذه صالحة انتي شكو !!
صالحة : لا يغبية قصدها اننا قريبات من بعض
وعد بقرف : يع الله يمغثكم ويمغث كاسر معكم
كاسر كان يسمعهم وقال : خييير وشدخلني انا !
وعد فزت وقالت بهمس : ياللليييلل شفيني انخرش انا
صالحة : معليك منها يالكاسر
كاسر صد وقال : جعل الكاسر يكسر عظامتس
وعد سمعته وضحكت بصوت عالي وقالت : الله يسعدتس ي صالحة ويجمعتس بكاسر عاد ودي بزواج م شبعت
صالحة بحماس : امييين
وعد دخلت وهي كارهه طاري كاسر وصارت تشبكه مع صالحة وعاجبها الوضع ..
..................................
في بيت ابو هيام
ابو هيام : بتنام الحين يعمي ؟
ابو جيهان : ايه يولدي
ابو هيام : اجل تصبح ع خيير
طلع وسكر الانوار ونام ابو جيهان فالمجلس
وكانت جيهان تمشي فالبيت وقالت : يعمة وين هيام ؟
ام هيام توها رجعت من بيت ابو رعد وقالت : سافرت الله يحفظها
جيهان : ماشاءالله وين ؟
ام هيام : والله مدري يبنتي بس مع رعد
جيهان : وبشرى حامل صدق
ام هيام بفرحة وهي تبي تشوف اول احفادها وقالت : اييه ماشاءالله عليها الله يتمم يارب
جيهان بقهر : اميين يارب
ام هيام : اعرستي ي جيهان ؟
جيهان : لا والله يعمة ولو بعرس بنعزمتس اكيد
ام هيام : م بعد خططتوا لواحد
جيهان بضيق : الا والله زايد ولد ابو ضاري
ام هيام فزت : ماشاءالله والله يستاهل زايد
جيهان : بس انا م ابيه
ام هيام ضاقت : ليه يعيوني ؟
جيهان : تبين الصدق كنت ابي محمد بس انصدمت انه تزوج وخلاص شلته من بالي بس مدري بلاقي احد مثله
ام هيام كانت مصدومة وقالت : الله يرزقتس يبنتي باللي احسن من محمد وم تدرين يمكن خييرة
جيهان ابتسمت وهي فعلاً بتشيل محمد من راسها وقالت : اي والله خييرة
ام هيام : يالله طولنا بروح انام بكرا غداء في بيت ام رعد
جيهان ابتسمت وراحت ام هيام وسكرت الانوار وناموا الكل
....................................
بعيييييد جدًا في المالديف تحديدًا مالي 📍
رعد : هيام
هيام كانت نايمه
رعد هز كتفها بخفه : هيياااام يالله وصلنا
هيام فتحت عيونها وقالت : طيب خلاص
رعد مسك يدها وقومها واخذ شناطهم الصغار ونزلوا للمطار
هيام كانت بتموت نعاس وقالت بتعب : اف رعد بسرعة ابي انام
رعد ابتسم : يالله اصبري ابي اشوف شناطنا وين
هيام نزلت كتفه لراسها وانسدحت عليه
رعد : لا يعيوني م اتفقنا كذا بينكسر ظهري ولا للحين م استوعبتي فرق الحجم بيني وبينتس
هيام مدت يدها وحطتها ع شفايف ورعد وقالت : اسكت شوي بس شوي
رعد عض يدها وفزت هيام وطار النوم وضحك رعد وسحبها لحضنه : بسم الله عليتس سمي بالله
اما هيام اول م عضها فزت وقالت بصوت شبه عالي : يييممهههه
رعد كان يرجف من الضحك وقال : سمي ياهيامي سمي
هيام قبصته وقالت : بسمم الله علييي مننكك يالجني
رعد بتألم صرخ : اعنبوتتس والقبصة !!!
هيام ضحكت : يعني طلع منجدها سلمى عزتي لها صدق
رعد بحدة : خيييرر وش القبصة ذي !
هيام : اص لا اعضك اص
رعد قرب من وجهها وقال : عضيني طيب
هيام فزت : الشنط وصللتت
رعد ابتسم وقال : شفتي تتهربين م عندتس سالفة صدق
هيام طنشته وراحت تشيل معه الشناط ووصلوا للكوخ اللي استأجره رعد
هيام بخوف : يمه لييه ع البحر
رعد استغرب : لا يكووون !
هيام : وش !
رعد : تخافين من البحر
هيام : لا يبو سلامات انا ولد فالشرقية وبين البحر بس م احبه
رعد ابتسم : يعني ؟
هيام ارتبكت : رعد شفيييك انت اييه اخاف عندي فوبيا يادوب اسبح فالمسبح غيره لااا
رعد ناظرها بخبث وصرخت اول م رفعها من الارض : رررععدد لا يالررعد تكفى م فييها مزح ذيي
رعد ابتسم : معليتس معي ابيتس تكسرين حاجز الخوف
هيام كانت ترجف من الرعب وتبكي وقالت : رررععدد اببععدد منننيي
رعد نزلها وقال بعصبية : هدي طيب لحول ولا قوة الا بالله !
هيام كانت تبكي ومسحت دموعها وقالت : مالك حق تعصب وتصارخ وانت اللي بديت !
رعد : خلاص اسفين م كنت اتوقعتس حساسه
هيام حست انها بتستفرغ وركضت لحمام
رعد وقف وراها وقال : هيامي شفيتس ؟
هيام طلعت وقالت : مدري بطني يعورني
رعد ابتسم : يعني مو مني ؟
هيام استغربت : شدخلك الحين ؟
رعد : اقصد يوم شليتك للبحر
هيام : يمكن مدري المهم بنام انا وين الغرفة
رعد اشر بيده وراحت هيام وجلس رعد يفكر وفز وقال : هيييااام يمكنتس حااممل !!
هيام كانت منسدحه وفزت : هااااه
رعد دخل ركض وجلس ع طرف السرير وقال : حامل !
هيام شهقت : حشى تونا م كملنا يوم !
رعد ابتسم بحماس : تكفين تعالي حللي
هيام بتردد واضح : لا يخوي وش احلل انت بعد
رعد كان ميت فرحة وقال : تكفين عشاني عشان رّعودك
هيام زفرت بتعب وقامت ودخلت الحمام وخلصت وطلعت واعطته الجهاز وقالت : يالله انتظر خيبتك
رعد رفع عينه لها وقال : وش قصدتس
هيام بحدة : ماني بحامل ! شفيك انت
رعد قام وبان فرق الطول وقال : وشدراتس !
هيام ارتبكت : احساسي يقول كذا
رعد صرخ عليها : هييااااام جالسة تسوين شيء انتتيي صح !
هيام صرخت : لا تصااارخ علييي !
رعد شاف الجهاز وكان خط واحد * مو حامل * وفعلاً خاب ظن رعد وقال : هيامي اجلسي وكلميني
هيام استغربت وجلست : هلا يالرعد
رعد بحدة : انتي تاكلين حبوب ؟
هيام غطت وجهها وقالت : وش يفيدك تعرف ؟
رعد كان يحاول يمسك نفسه وقال : انتي قبل المستس اول مره قلتي م ابي احمل منك عشان م ادري عن وضعنا صح ولا لا ؟
هيام انصدمت انه للحين يتذكر وقالت : صح
رعد بجدية : طيب ومشيتي ع خطتس صح ؟
هيام : وش الالغاز ذي تكلم بوضوح !
رعد صرخ : هيياااام للييه م حملتيي للحيينن ! مرتييين سويتها مرتييين لييه مو قاعد يثبت حملتس !
هيام : يوووه مدرريي ربي م كتتبب
رعد مسك فكها بقوة وقال : انتي لتس يد فالموضوع صح ولا لا !
هيام : رعد خلاص يالرعد ربي بيرزقنا بالوقت الصح
رعد بحدة : م عندي مشكلة اسويها الحين ترا ووالله لا اسويها اذا م تكلمتي !
هيام نفذ صبرها وقالت : ايه انا اخذ حبوب منع حمل ارتحت
رعد انصدم وعطاها كف بقوة وقال : ليييهه  !
هيام كانت منخرشة وبكت علطول وقالت : مابي احمل منك مابي !!
رعد اعتلاها وصرخ في وجهها : هييااام انا زوجتس يهيااام وش م تبيين تحمليين مني !! اجل من مييين تبيين !
هيام بكت زيادة وقالت : رعد وخر مني مقدرر اتنفسس وخرر
رعد صاح فيها : انططقييي !
هيام ببكي : الله ياخذك وياخذ سفرياتك وياخذ اللي حشى راسك انه لازم فالبداية نجيب ولد الله ياخخذذهه !
رعد : انا الله ياخذني
هيام صرخت : ااييييه الله ياخخذذك اببععدد مني يمرريضض
رعد قام وهو مصدوم ويرجف من العصصبية وقال : انتي فيتس شيء ؟
هيام كانت تتنفس بصعوبة وقالت : انا قلت لك كلمتي من اول م ابيي احممللل بس م سمعتني انت اللي حديتني اخذ حبوب
رعد بحدة : هيام ضيعتي علي فرصتين !
هيام بعصبية : وتخسي تقرب مني بعد الكف اللي قبل شوي اكلمك واقولك لعاد تمد يدك وم تفهم !
رعد ابتسم بخبث وقال : زي م قلت لتس قبل كذا اقدر اجبرتس وتعرفيين كيف تخضعين لي واتوقع جربتيه قبل يومين عشان كذا كبري عقلتس ولاتتحديني !
هيام صدت وعطته ظهرها وقالت : اطلع من وجهي
رعد قرب ودخل معها فالفراش وشّدها عليه وقال بحدة : م بعد جابته امه اللي يطردني !
هيام م تكلمت ومسكت يدينه وشابكتها بيدينها ونامت
رعد حط راسه ع كتفها وقال بصوته الثقيييل : احبتس يا هيام الرعد
هيام ابتسمت وم ردت رعد شدّ عليها بقوة ونام
.......................................
في بيت ابو رعد الكل كان مستنفر عشان الغداء
ام محمد : يالله يبنات جهزوا البخور حنين بتدخل بعد شوي
سلمى ابتسمت : اعنبو غيرها اشتقت لها
لين كانت عيونها تدمع وقالت : مرررره
وعد : بنات وين البخوور !!
لين شهقت : في غرفة كاسر كان يتبخر
وعد ركضت وقالت : كاسر موجود ؟
لين م كانت تدري وقالت : لا لا سمعت صوته برا
وعد دخلت غرفته وشافته معطيها ظهره ويبخر شماغه ولف بسرعة وقال : لييين دقيي...وعد !!!
وعد شهقت وسكرت الباب وقالت : ليين الله ياخذتس
لين صرخت بضحك : موجووود !!!
وعد كانت ماسكه الباب : ايييه يحيوانه
كاسر ابتسم اول م شافها كانت تفتنن مشى وفتح الباب يبي يشبع منها بس كانت متسكرة فالحمام وطلع و م شافها ومشى للمجالس وطلعت وعد ركض لغرفته واخذت البخور وكملت للباب والجميع كانوا ع المدخل ينتظرون عروستهم حنين
سلمى بضيق : والله ي ان هيام لها وحشششة
بشرى : مننججدد
ام رعد بأبتسامه : عادي كلها اسبوع ويرجعون
سلمى شهقت : ما قالوا شهر !!
ام رعد ضحكت : لا دق علي رعد وكان معصب الله يستر بس
سلمى : عمى وشذا شفيه يعصب وهو منفرد بهيام شكله مو بصاحي !
ام رعد شهقت : سللمى خييير تراني امه !
لين : وانا اخته !
سلمى : ييووه امزح شفييكم كليتوني بقشوري !!
الكل : هههههههههههههههههههههههههههههههههههههههههههههههههههههههههههههه
————————-
عند عرساننا
فارس صحى وهو للحين مو مستوعب وباس مبسم حنين بقوة وقال بحب : صباح الخييير يدنيتي
حنين شهقت : فااااارس !!
فارس ابتسم واعتلاها وقال : عييوونه
حنين كانت تحترق خجل وقالت : صباح النور
فارس ضحك وقام يتروش وطلع بمنشفته وكانت اول مره تشوفه حنين وقالت : يييويل حاااالي
فارس كان يلعب بشعره وقال : اعنبوتس انا اللي يوييل حاليي حتى وانتي صاحية من النوم تهبلييييين
حنين ضحكت وقامت ودخلت تتروش وطلعت بمنشفتها وكانت جريئة وتجاري فارس لأنها تحبه وكانت عكس هيام اللي للحين ماهي تطلع قدام رعد فالمنشفة
حنين : فارس متى بنروح ؟
فارس شاف الساعة : بعد ربع ساعة يمديتس ؟
حنين ابتسمت : ايه يعيوني
فارس قرب وحضنها وباس راسها : انتي والله عيوونني
حنين ضحكت وطلع فارس يجيب ثوبه من المغسلة تحت ولبست حنين وخلصت وتعطرت ولبست اكسسوارات الذهب اللي تدل انها عروس ودخل فارس ركض وهو مخلص وجاهز وقال بصوت عالي : حننييين العوود وينه !
حنين حطته ع الجمر وقالت : تعال يحبيبي
فارس قرب وحضنها بشماغه وتبخروا مع بعض ولبست حنين بعد م احرجها فارس من المدح وهو فعلاً كان يشوفها قممررر طلعوا من الفندق متجهين لبيت الجد قاضي .
:::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( البارت فيه اكشن واتوقع كلنا انصدمنا من هيام بس عندها اسبابها ورعد مستعجل الصراحة 🤣 ، حنين وفارس ووعد وكاسر وش رايكم فيهم 🫶🏻 ؟ )