يهزمني الحُب وانا جاهل بدرب المُحبين

البارت الرابع والستين

منصور ضحك وحضنها ونام ونامت سلمى معه والكل ناموا وهم متحمسين للأسطبل فالليل ..
" في بيوت اهل قاضي "
ابو رعد ابتسم وقال : وش ذا الهدوء الزيين
ام رعد ضحكت وقالت : والله ان لهم فقدة
ابو هيام : صح لكن شيبنا ولا عاد فينا قوة للأزعاج
ابو رعد : صادق
ام هيام : طيب قالوا لكم متى بيرجعون ؟
ابو رعد : لا والله لكن خلوهم نبي نرتاح وعيالنا الواحد منهم اطول مني ومعليهم خوف ان شاءالله
ام هيام وام رعد بوقت واحد قالوا : ان شاءالله
ابو هيام : شرايكم نروح عند عبدالله اليوم ؟
ابو رعد : خلاص كلمه ونشوف
ابو هيام سحب جواله ولبس نظارته وصار يدور حتى وصل لرقم ابو ضاري ودق عليه ورد واتفقوا ع عشاء خفيف وطلعة فالثمامة ..
" فالفندق بأبها تحديدًا الساعة ٧ الليل "
[ عند هيام الرعد ]
هيام بملل : رعد م ودك تصحى يعني ؟
رعد وهو حاط المخدة ع راسه زفر بعصبية وقال بحدة : ويمين بالله اذا م سديتي حلقتس م يحصلتس طيييب !
هيام توسعت عيونها وقالت : طيب انت قلت صحيني !
رعد انفجر عصبية وقال بصوت هز روحها : اننططمممييي
سكتت هيام وقربت من رعد اللي كان قاعد ع السرير وعيونه حمراء وعروقه بارزة وكان اقل م يقال عن رعد فحالته ذي وحش !
هيام مسكت وجهه وقالت بهدوء : رعّودي وشفييك ؟
رعد بعد يدينها بقوة ومسح وجهه وشنبه وقال وهو يصر ع اسنانه : ابعدي مني تكفين مابي اوجعتس تكفين ابعدي
هيام بعدت بحزن وصدت وقالت بنفسها بألم وهي ماسكه قلبها ( يارب م يكون اللي فيه مرض يارب م يكون يتوجع من داخله ولا هو قادر يفصح عن اللي فيه يارب احفظ رعّودي من كل شر )
مشت واخذت ايهم وطلعت بعبايتها للباقين اللي تجمعوا تحت
[ عند لين الذيب ]
لين خلصت ولفت لذيبها وقالت : صحيت ؟
ذيب سلم بعد صلاة العشاء وقال : ايه يالله مشينا يليني
لين ابتسمت وقالت : يالله
مشوا وطلعوا للعيال والبنات اللي كانوا فالاستقبال تحت
فارس لف وقال : هاه شرف الشيخ ذيب
ذيب ابتسم وقال : سلام عليكم
الكل ردوا السلام وقال كاسر : رعد صحى يهيام ؟
هيام بهدوء قالت : ايه شوي ويجي
محمد : وقسم بالله الولد ماهو عاجبني لايكون فيه شيء !
كاسر ابتسم وقال : وش بيكون فيه يعني ؟
فارس : لا خير ان شاءالله م فيه الا العافية
جلسوا العيال ينتظرون رعد ينزل ويتوجهون للأسطبل اللي كان قدام الفندق بالضبط ويتبع لنظام الفندق ..
" عند البنات "
سلمى : هيام شفيتس ؟
هيام لفت وكان الحزن طاغي ع ملامح عيونها من ورا النقاب وقالت : م فيني شيء
سلمى وحنين بوقت واحد قالوا : علينا ؟
هيام قربت منهم وقالت بصوت مهزوز : رعد اللي فيه مو مكابر ولا صد اللي فيه مرض وانا قاعدة اتجاهل عشان م اوسوس !
حنين شهقت وقفلت فمها بيدينها وقالت : لا يارب
سلمى احتدت نظراتها وقالت : وش اللي تغير فيه ؟
هيام : كل شيء ماهو رعد القديم ابدًا حتى رعد اول م تزوجته م كان كذا !
صالحة من وراهم ضحكت وقالت : يمكن حسدوتس عليه واللي فيه عين او حسد
العنود بهمس للبنات : صح اني م احب صالحة لكن ممكن انها صادقة
حنين : يمه بنات لا ان شاءالله
لين جلست وقالت : وش العلم ؟
هيام : ولا شيء
لين ابتسمت ولفت لوعد وصاروا يتكلمون عن الخيول وعن حماسهم لها
حنين همست بأذن هيام وقالت : انتبهي له وكل شيء تشوفينه فيه من تصرف قولي لفارس او لين لأنهم دكاتره
سلمى : يالله يبنات رعد نزل
قاموا الكل من عيال وبنات اول م شافوا رعد نازل بثوبه الاسود وشماغه الابيض ومزين اطرافه اللون الازرق ابتسم بكلافة وقال : سلااام يرجال طولت عليكم شيء ؟
فارس ابتسم وعلطول بدل ملامحه لجدية وقال : تستهبل !! ايه طوللت
رعد صد من ارتفاع صوت فارس عليه وقال بحدة : طيب ! سد حلقك ولا ترفع صوتك علي !!
ذيب ابتسم بتوتر وقال : خلاص يرجال مشينا
تقدم فارس ومسك ذراع رعد وقال : يالرعد فيك شيء ؟
رعد بعد يد فارس وقال : تكفى تعب السفر بس مدري احصلها منك ولا من هيام خلاص لعاد تسألون !
فارس : بكيفك
استعجل فارس خطواته وترك رعد وراه وتقدم لمحمد وقال : انتبه لرعد
محمد انفجع وقال : خرششتتني !!
فارس ابتسم لمحمد وابتعد عنه ومشى وصار قدامهم كلهم وقال : اسمعوني سألت عنه والبنات لهم قسمهم يعني م بنكون ندري عنكم وسلامتكم مسؤوليتكم تمام ؟
البنات بحماس لأنهم بيشيلون عباياتهم قالوا : ايييه
رعد احتد صوته وقال : عسى م هنا خلاف !! فالشارع ترا اقصروا حسكم عساه م يطلع !!
محمد : رعد روقنا م فيه احد !
رعد مسح شنبه وقال : محد مدلعهم كثركم
هيام قررت تتدخل وقالت : شدخل دلع ؟
لف رعد لصوتها علطول وتقدم بسرعة ومسك رسغها بقوة وشّدها عليه وحط يده الثانية ورا خصرها وقال وهو يهمس بحدة فأذنها : يعني لمتى ؟
هيام كانت تستنشق ريحة العود وتحس بحضن رعد الدافي اللي لطالما اشتاقت له ابتسمت بحب وبضيق وقالت : احبك يالرعد
رعد ارتعد بعد كلمتها اللي جات بوقت م كان رعد مستعد يسمعها وابتعد علطول وصد منها وقال : انتبهي لنفستس ولأيهم
هيام ابتسمت وقالت : ابشر
مشى رعد والعيال وراه ودخلوا البنات قسم الحريم
الموظفة بأبتسامة : يهلا والله مرحبلي مليييون
سلمى ابتسمت وقالت : الله يبقيتس
الموظفة استغربت اللهجة وقالت : مانتو من اهل الديرة ؟
لين ضحكت وقالت : يحللوو لهجتكم لا يروحي كلنا من الرياض
الموظفة ابتسمت وقالت : هلا هلا نورتونا معكم هدى
حنين صافحتها وقالت : تشرفنا
هدى : الشرف لي عيوني وابد اي شيء تبونه ابشروا به واستمتعوا معنا
دخلوا البنات كلهم بغرفة صغيرة وكانت وحدة فيها تقولهم القواعد والملابس اللي المفروض يلبسونها وكل البنات انصاغوا للقواعد وبدؤا يلبسون ويخلصون وتجمعوا وكانوا كلهم نفس اللبس الا سلمى ووعد اللي جلسوا في بيت الشعر يراقبون الصغار من بنات وولد ضاري وختامًا بليما بحكم انهم حوامل وممنوع يركبون الخيول
هيام وهي تتنفس بصعوبة قالت : حنيني بتركبين ؟
حنين بحماس : طبعًا !!
هيام برعب وبان ع ملامحها : اييه ع خير ان شاءالله
حنين قطبت وكانت كاتمة الضحكة وقالت : هيام الرعد خايفة ؟
هيام بكل قوة تعكس الفوبيا اللي فيها من الخيول : شدددعووووه عيييب علييتس
حنين ضربت ظهرها بخفه وقالت : كفووو علييها بنتتيي !
هيام ابتسمت بكلافة ودخلت للميدان مع البنات الباقيين من بيان للعنود ...
" عند العيال "
دخلوا وانطلقوا كلهم للخيول بحكم انهم خيالين ويعرفون للخيل الا رعد وفارس اللي جلسوا يشربون شاهي اول شيء
كاسر طلع وهو راكب فرس ابيض وصار يراقصه ع ارض الميدان وشوي وبدأ يركض فيه ودخل ذيب معه وهو يقول بصوته الثقييل : حااااااايي
وكان الخيل الاسود ينافس الفرس الابيض وكانوا كاسر وذيب يتلاحمون فالميدان واصوات ضحكاتهم متعالية بالاجواء
رعد بهدوء : فارس وراك م تركب خيل ؟
فارس : م بروح ولا بستمتع الا اذا علمتني وشفيك
رعد ابتسم وقال : ابد نفسيتي بخشمي واحس اني تعباااان
فارس قطب وقال : وش اعراضك ؟
رعد : مدري ارهااااق وعطش زايد والجوع الزايد
فارس شهق وقال : السكررري !!!!
رعد فز وقال : اذكر الله يالفااااارس !
فارس : هذي اعراضه لكن مدري ان شاءالله لا
رعد عشان ينسي نفسه قال : امش امش نركب ونحصل من الله خير
فارس خبط كتفه وقال : مشينا ومعليك ان شاءالله م فيك شيء
قاموا فارس ورعد داخل الاسطبل وكل واحد فيهم يدور له ع خيل ...
" عند البنات "
قمراء بصوت عالي صرخت وقالت : يالله يبناااات يالله
لين بحماس كانت تمشي بهدوء بخيلها وقالت : يييجننن !
شطفتها بيان وهي تركض وفاتحة يدينها فالهواء وقالت : عاااااش
لين بصدمة : الكلبة شلون تعرف !
بشرى من جنبها : ايه بيان تحب الخيل اصلاً اكيد عندها خبرة
عهود برعب : بنات يجنن بس يخوف
قمراء ضربت خيل لين وطار فيها وصرخت لين بأعلى صوتها وهي تقول : يييييممممههه !!!
قمراء بحدة : يالله يالله
ضربت خيول بشرى وعهود وركضت فيهم وتمسكوا البنات وصارت الخيول تلاحق بعض بتناغم والبنات يضحكون كلهم
هيام برعب وهي ترجف وتحاول تركب الخيل وكان اسود وكبير ومن اكبر الخيول اللي عندهم
رزان : خايفة ؟
هيام ابتسمت برعب وقالت : شوي بس
رزان ابتسمت وساعدت هيام وركبتها وقالت : خلاص بسحبه للميدان وبعدها تصرفي معه
هيام مقدرت تقول شيء وهزت راسها بنعم ومشت رزان وهي م ركزت ان الخيل هااايج واول م وصلت للميدان كان هاجد وبس ينتظر الاشارة
رزان : يالله امشي فيه
هيام صارت تضرب برجولها بخفه وقالت رزان بصوت عالي بعد م ضربت خلف الخيل : يللللاااا يالبططططلل
وقف البطل ع رجوله الخلفية وصهل بأعلى صوته وركض بهيام اللي كانت مفجوعة ومتمسكة فيه بقوة وتصارخ برعب
قمراء ركضت وهي تقول بصوت عالي : البطل هاااايج يرزاااان !!!
رزان شهقت وركضت وراهم بس محد ينافس سرعة البطل اللي كان من اسرع الخيول فالمضمار كله ...
" في قسم الرجال "
نادر قطب وقال : وش ذا م كأنه صوت البطل ؟
حميد : اظن انه هو
نادر كان من اشجع الفرسان واكثرهم خبرة وكان متوسط الاسطبل بالفرس حقته ابتسم وقال : يالله يرجال كملوا
وماهي الا ثواني وضرب البطل بالسياج وكسره بكل قوته وركض طالع بهيام ع ظهره لقسم الرجال وم كان فيه شيء يسترها كانت لابسه توب ابيض يكشف لنا خصرها وظهرها وجينز اسود وجزمة الخيول السوداء وشعرها الطويل اللي يلامس خصرها المنحوت كانت اخاذه
لفوا الرجال كلهم وكانت ماهي قادرة كانت تبكي وتصارخ وترجف ولاهي قادرة تترك الخيل خوفًا من انها تنصاب وتطيح طيحة قوية واكتفت هيام انها تسكر عيونها وتحاول تسحب اللجام لكن البطل م كان يستجيب ابدًا ..
نادر بصراخ : ااننيي والله قدد درريييت !!
ركض بالفرس حقه وكانت تنافس البطل بسرعتها ووصل لهيام وقال : اسمععييي انتيي قدها امسكي يدي امسكيها
هيام لفت برعب ومسكت يد نادر علطول وسحبها وارتفعت هيام من البطل ومسك بيده الثانية خصرها وشّدها عليه وقال بصوته الرخّيم : انتي بخيير ؟ خلاص معي معي انا
هيام حاوطته وهي تبكي ومرعوبة وتشاهق ابتسم نادر وكانت احد يدينه ع خصر هيام والثانية تطبطب ع ظهرها بخفه
ارتفع صوته وهو يقول : حااااااي يالشقرررااء
لفت الفرس حقته وصارت تتراقص وتمشي ببطىء وهي متجهة للأسطبل
" عند رعد "
لف علطول واول م لمح خصرها وملامحها عرف انها هيامه وكان مصدوم ويناظر وتوسعت عيونه اول م شاف نادر بالفرس حقته يلاحقها كان واقف ويرجف من العصبية وكل خلية فيه تحترق وتنشوي ع هيامه وم زاد الطين بله الا لمسة نادر لخصر هيام اللي تعتبر هالمنطقة محرمة لغير الرعد !
رعد وعروقه بارزة وعيونه حمراء قال بحدة : الله يلعن والدييينه !
محمد فز علطول وهو يبي يلحق ع اخته ويسترها وم كان رعد اقل منه كان يركض وهو رافع ثوبه
نادر نزل من الشقراء ومسك هيام مع خصرها ونزلها وكان قريب منها وقال : انتي بخير صح ؟
هيام بهدوء وهي تشاهق : ايه بخير
نادر مد يده وكان بيمسح خدها بس الجمته لكمة محمد له وهو يقول : اعننبوووك م تستتححيي !!!!
فز محمد لهيام وغطاها بشماغه وحضنها بكل قوته وقال : انتي بخييير ؟
هيام حاوطته وهي تبكي وقالت : حمو..حموود الخي..الخييل يحمود
محمد ابتسم وهو يرجف من العصبية بس م كان يبي يزيدها ع هيام وقال : حصل خير يعيوني امشي معي ادخلتس قبل يجي الرعد
رعد من وراه صرخ بأعلى صوته وهو يقول : وويينن اببنن الككلبب ويييينههه !!!
محمد لف وقال : كااااسر ذييييب
وصلوا كاسر وذيب ومسكوا رعد اللي كان يقاوم ويصارخ ويقول : ففككننيي يالحقييير انت وييااااه وخررووا مننيي !!!
كاسر بحزن ع حالة اخوه : خلاص يالرعد خلاص
تقدم حميد وسدد لكمة لمحمد وقال بحدة : وككسسرر يكسرك تضررب النادر !!
كاسر ترك رعد وفز وقال : يحييووااان م تضضررببه !!
طاح كاسر ضرب في حميد وتجمعوا الرجال عليهم تحت صدمة هيام اللي رجعت بخطواتها وكانت بينهم كلهم تشوف رعد يناظرها وهو واقف ونظرته حادة وحست فيها انه يناظر بروحها خافت وصدت وركضت وارتطمت بنادر اللي مسك يدها وقال : تعرفيينهم ؟؟
هيام كانت بتتكلم بس انصدمت اول م تلقى نادر كف من يد لين الي صرخت فيه وهي تقول : يحثاااالة كييف تلمسسها !
تقدمت وسحبت هيام ودخلتها علطول وقالت بشرى : بيااان العيال يتهاوشون صح !!
بيان ناظرت براسها وشافت ٧ ع ذياب شهقت وقالت : يارب انه بخير
انصدمت اول م شافت ذياب يركض لجهتها ومسك يدها وقال : ارركضيي يبنت عبدالله !!
ذياب كانت شفته السفلية تنزف ووجه مورم ونزلت بيان عيونه ليده اللي كان لاف ع يده وقال : شفيتس عشانتس م تحلين لي
بيان ضحكت وانطلقوا وقفوا بعيد عند المدخل حق الرجال وقالت : ذياب دق ع الشرطة الان
ذياب طلع جواله وهو يلامس بيده الجرح اللي بشفايفه ومشت بيان للفندق بعد م شافت البنات وضاري وحمد معهم وقالت بنفسها ( يجعله بضلوعي عنك يذياب ! )
اما عند لين وهيام استوقفتهم يد رعد اللي مسكت ذراع هيام وسحبها له علطول وارتطمت هيام بصدر الرعد اللي كان يرتفع وينزل من العصبية وقالت بهمس ودموعها اخذت مجراها : رعد دقيقة اشرح..
قاطعها صوته الحاد وهو يقول : سددديي حلققتتسس !
رفعها رعد من الارض وهي بين يدينه ومشى فيها من ورا المكان كله ودخل من باب الفندق الخلفي وقالت هيام برعب : رعد رععد وش بتسسووي نزللنيي !
رعد بحدة وهو يصارخ : اننططمممييي !!!!
ودخلها الغرفة وسكر الباب وراه وقال بصوت عالي : دقاااايق واجيتتس !
طلع وسكر الباب بالبطاقة عشان م يسمح لهيام تطلع من وراه وراح ركض علطول واول م طلع سحب يده ورجعها وراه ودفعها بكل قوته وارتطمت بوجه نادر وقال بصراخ : ممنن اننتت عشاااان تلممسس املاااك الرعد !!!
نادر بألم قال : وخرر مننيي !!
رعد صرخ بكل قوته والكل عرف ان البنت اللي طلعت حلاله وملكه والكل اجزم انه بعد الصرخة ذي معاد مع الرعد صوت كان رعد يقول : شللوونن تجرأت اصصلاً !! ولمسسستها !
فارس ركض ومسك رعد من كتوفه وقال : خلاص يالرعد العن الشيطاان خلاااص
كان رعد يتنفس بصعوبة وصوته صار مبحوح من الصراخ وقام بالغصب والقوة بعد م سحبوه فارس ومحمد وضاري مع بعض
ضاري : رععد استههد بالله !!
محمد : يرجال امسكوه
رعد قام ووقف ع رجوله ودفعهم بكل قوته وركض وضرب نادر ع بطنه ومشى وهو يترنح ويرجف من الغضب اللي اجتاحه مشى وطلع مع المصعد ووصل للدور المطلوب وطلع ومشى لباب الغرفة وفتحها بالبطاقة ودخل بسرعة وبكل قوته وفزت هيام وقالت بخوف من شكله : رعد تكفى لا تسوي لي شيء
رعد تقدم ومسك فكها بكل قوته وقال بحدة : ليييهه م بععدتييه مننتس ليييه سمححتتي له يلمستتس ليييه !! ليييه م قاومتتيي مثثلل م تسوويين معيي ليييه تحاوطييينهه وتقربييينه لصدرتتس لييه م رجعتيي بخطوااتتس مثلل م تسوويين ليي ليييه يهيااامي ليييه تحبييين تحرقيين دممي ليييه سمحتتيي لغييرري يلامس خصصررتس لييييه !!!!
هيام انفجرت تبكي اول م سمعت اسمها اخييرًا من منطوق رعّودها وقالت بصوت متقطع وباكي : كنتت خاايفة يالرععد كنت ابيي الخييل يوقف وم حسييت بنفسي والله م كنت اقصد ابد والله اسسسفه يرعّوودي
رعد دفعها وطاحت هيام ع السرير واعتلاها وسدد لكمة بكل قوته ع الفراش جنب راس هيام وقال : اااااه يالهيييام منن بيطففيي النييراان اللي داخليي منن !!
هيام كانت مرعوبة من شكل رعد كانت ترجف ومصدومة منه وقالت بهدوء : اسفه اسسفه والله اسسففههه
رعد ابتسم بحزن وقال : تصدقين كنت ابي اذبحتس واذبحه اول م شفتكم كنت اتمنى اني اموت ولا اشوفتس كذا
هيام بكت وقالت : تكفى يالرعد والله م اقصد وانت تدري !
رعد قرب ولامس خشمه بخشمها وقال : تكفين يالهيام معاد صرت ادري بشيء ابد طيب ؟ معاد ادري عن شيء وودي اني مت ولا شفتتس مع الحقيير ذاك !
هيام كان صدرها يرتفع وينزل من قرب رعد والرعب اللي بقلبها من عروقه وصوته المبحوح وعيونه اللي تطلع شرار منها وجمعت نفسها بصعوبة وقالت : م كانت نيتي كذا كيف اشرح لك كيف افهمك اني م كنت...
قاطعها مبسم رعد اللي انحط ع مبسمها توسعت عيون هيام وهي تشوف دموع رعد نازله من عيونه وحست بحرارة بكل جسمها اول م دخلت يد رعد من ورا خصرها ورفعها له ترك رعد مبسمها وقرر ينزل لنحرها تحت صدمة هيام وقالت بنفسها ( قلبيي ليييه يددق كذاا !! ورععد وش قاااعد يسووي ؟؟ لاززم اترككه واسسمح له لازم م اخلي اللي صار يزيد الثغرة بيننا ! ) بعد كلام هيام مسكت رقبة رعد ورفعت وجهه لها وقالت بتخدر : رعد
رعد باس خدها بقوة وقال وهو يرجف : م ابي اسمع كلمة منتس
هيام انفجرت تبكي وقالت بحرقة : يالرعد انا لك بس اخاف يكون بس تخفيف عصبيتك وبعدها ترجع تزعل وتكابر وتبعدني منك
رعد ابتسم وبعد شعرها ورا اذنها وقرب ولامس اذنها بشفايفه وهو يقول :
ابي قلبتس يبادلني غرامن يذهل العشااااق
‏وحبن تموت اجيالن ما توصل مواصييييله
‏واعطيتس قلبن تفداتس نبضاته بالاشواااق
‏واعطيتس غرامن تعجز البشر عن تفاصيييله
يهيامي جيتتس كلي وقلب رعّودتس مشتااااق
بادليني وانهي العتب وافهمتس قلبي ومراسيييله
-
انهى رعد قصيدته وباس عنقها وقال بصوته الرخّيم : وش قولتس يبنت سيف ؟
هيام ابتسمت بحب وبرضى وحضنته بكل حب وقالت : والله اني لك وصح لسانك يشاعري
رعد ابتسم وباس خشمها وقال : صح بدنتس
ارتفع رعد وكان يبي ينزل ثوبه بس طاح بطوله مغمى عليه وركضت هيام وشهقت بكل قوتها وحست ان روحها طلعت وقالت : ررررعععددد !!!
رعد م رد وكان مغشي عليه اثر العصبية وارتفاع الضغط عنده انفجعت هيام وصارت تبكي بشكل مرعب وهي تشوفه طايح والسبب الاول والاخير هي كانت هيام ماسكة راسها وتشاهق وتقول بصوت شبه مسموع : انا السبب انا سبب كل شيء سيء صار لرعد لو انه م تزوجني م وصل للحالة ذي انا السبب !!
طاحت بطولها وكانت ترجف ومسحت دموعها بعنف وركضت واخذت جوال رعد من جيبه وكان عليه رمز بكت هيام وقالت : كييف اكللممهمم !!
ركضت للتلفون اللي كان جنب السرير ودقت ع الاستقبال
موظف الاستقبال : ايوه ؟
هيام برعب : اطللبووا الاسسعاف الااان زووجي طاح وانا بغرفة ٥٤٦ ولا اقدرر افتح الباب بدون البطاقة
موظف الاستقبال برعب : الاااان !
ركض واتصل ع الاسعاف واخذ بطاقة بيضاء وركض علطول والعمال والموظفين معه ووقف وقال بصوت عالي : احد يعرف رعد بن محمد ؟
ضاري وفارس كانوا داخلين بعد م طلبوا عشاء للباقين وفزوا للموظف وقال فارس بحدة : ايييه وشش !!
موظف الاستقبال : طلبنا الاسعاف له..
قاطع كلامه ركض ضاري وفارس للمصعد وركبوا قبل الكل وطلعوا للغرفة وهم يدقون ع الباقين ويعلمونهم وفز كاسر اول م عرف ونزل مع السلالم وهو يحلف ان معاد معه روح ..
" عند هيام الرعد "
هيام كانت حاطه راسه ع فخوذها وتبكي بحرقة وطاحت دمعتها ع وجه رعد وتحرك بهدوء وفزت هيام وقالت : ررعّووديي !
رعد فتح عين وحدة وقال بصوت مبحوح ومتقطع : وش صار ؟
هيام زاد بكائها وحضنته بكل قوتها وقالت بحرقة : انت بخيير صح تكفى طمني انك بخيييير
رعد ابتسم ورفع يده بصعوبة وحاوطها وقال : انا بخير بس ابي موية
هيام فزت علطول ع فتحة الباب ودخل كاسر وهو يرجف من الرعب وصدت هيام وقالت : كاااسر انتظر !!
رعد بحدة وهو م يبي يعصب من جديد قال : صدد ووجع !
كاسر ابتسم وصد وقال : لا بخير اجل دامك للحين تغار
هيام دخلت بالدولاب وقالت : تعال
دخل كاسر ومد يده لرعد اللي مسكها وقام بصعوبة وعلطول حس بدوخة وجلسه كاسر ع السرير وهو يقول : اهدا اهدا !
رعد جلس وقال بألم : بخير معليك بخير
فارس وضاري دخلوا علطول ركض وقال فارس : وييين رععد !
رعد ابتسم وقال : البلشة الكل درا ؟
كاسر : فارس اللي علمني اصلاً
ضاري : والاسعاف تحت هذي ضريبة انك متزوج خوافة
رعد وكاسر بالوقت نفسه قالوا : اسعاااف !!
هيام من داخل الدولاب قالت : ضاري خير ؟ تحرضه علي ولا وش
ضاري فز وقال : بسم الله وييينها ذي
رعد ضحك وقال : م يحتاج يعيال
فارس بجدية : الا يحتاج سد حلقك !
كاسر حط يده ع فمه وقال : اوووح
رعد : فارس وده ينجلد وكاسر مثله
ضاري : اسمعوا نكنسل الاسعاف ؟
رعد : الان تكفى
فارس بحدة : ضااااري !! انكتم وخلني اشوف شغلي !
رعد بجدية : اسمعني يالفارس انت دكتور م يحتاج ذا كله
فارس ضحك بسخرية وقال : احلف ؟ ومن وين لي اغراض ؟ اسعفك بيديني
رعد حك راسه وهو يضحك وقال : صح بس انا م فيني شيء بس عشان العصبية
كاسر : والله م الومك اول مره اشوفك كذا !
رعد مسح وجهه وشنبه وقال : البركة بالغيرة يخوي
كاسر خبط كتفه وقال : اييه يالرعد قلنا نغار بس مو كذا تكفى
فارس : الا وهو صادق اصلاً حتى محمد اسوء منه
رعد لف لفارس وقال : افا وشفيه حمود
فارس : مدري طاح علينا تحت ضرب بنادر ونقلوه للمستشفى وجات الشرطة بس حليناها وحطينا عليه قضية تحرش
رعد ابتسم وقال : يالبييييه يعيال عمي ودرع جنبي !
فارس دق تحية لرعد وقال : ابشششر بعززك
رعد : وحمود وينه ؟
ضاري : خذوه يستجوبونه وتوه يرجع وراح مع بشرى
رعد تفهم وقال : طيب وانتوا من وين جايين وش الاكياس ذي
فارس رفع الاكياس وقال : عشاء تعالوا وممكن تفيدك الشوربة اللي معه
هيام بتعب : رعد اطلعوا خلاص !
رعد قام وضحك وقال : خلاص سمعتوها صح ؟ بجيكم بعد شوي
ضاري ضحك وقال : لاتطولون
رعد هز راسه بنعم وطلعوا العيال وسكر الباب ولف وانصدم بهيام اللي حضنته بكل حب وقالت : يارب لك الحمد والشكر يارب الحمدلله ع رعد والحمدلله ع سلامته
رعد ابتسم وباس راسها بقوة وحاوط بيده خصرها وقال : يحبيب الرعد انتي انتبهي البرد يدخلتس وبدلي وتعالي عشان نطلع مع بعض
هيام ابتسمت واخذت شهيق وزفرته بكل قوتها وقالت : وااااه وربي توووبة اركب خيل توووبة !
رعد ابتسم وقال : عوافي يالدنيا م صار الا كل خير
هيام دخلت ونزلت التوب قدام انظار الرعد اللي ابتسم وهو يشوفها صارت تجاريه ضحك وتكى ع الجدار وقال : اشوف بعض الناس صاروا يجارون ؟
هيام ابتسمت بس م ردت ولبست بلوفر ابيض وتركت الجينز عليها وفسخت الجزمة واخذت شوز ثاني وانصدمت اول م قال رعد : والجينز بتخلينه مالي حق بفخوذتس انا ؟
هيام لفت له وهي تضحك وقالت : رعد خير ؟
رعد ابتسم ولف للمراية وضبط شماغه ومد يده لهيام ومسكتها ورفعتها لها وباستها وقالت : يعساني م انحرم منك
رعد لف لها وهو موسع عيونه وقال : هيامي وربي م يصير لتس طييب تسمعين
هيام ارتعبت وقالت : يويلي ويلاه وش سويت
رعد ابتسم وقال : تجيبين راسي !
هيام : سم خلاص
رعد : ايه شاطرة بنتي
مشى وهيام تهاوشه وتقول : خير وش بنتك !
رعد ضحك وقال : ايييه بنتي !
هيام تركت يده ولبست عبايتها الثانية بحكم ان عبايتها اللي عليها تركتها فالاسطبل بعد اللي صار وخذوها البنات معهم وخلصت وطلعت ورا رعد اللي باس راسها وقال : يحلو الهيام ويصغرها
هيام عطت رعد نظرة وضحك وقال : وش اسوي نقطططة مقدر
هيام ابتسمت وطلعوا للمصعد متجهين لسويت منصور اللي كان من اكبر الغرف بحكم انه عنده فلوس ومعروف فالمكان ..
" بعد العشاء عند البنات "
سلمى غمزت لحنين وقالت : وش عند الهيام ؟
هيام لفت لهم وابتسمت وقالت : وش ؟
حنين : طاح الحطب بينتس انتي والرعد ؟
هيام بفرحة وضحت ع ملامحها : اييه ابششركم
حنين وسلمى فزوا لها وقالوا بصوت واحد : اخيييييرًا !
هيام ابتسمت وحضنتهم وقالت : اي والله اخيرًا
قاطع حديثهم صوت كاسر وهو يقول : يبنات امشوا بنطلع البحر
بشرى شافت الساعة وكانت [ ٩ ] الليل وقامت وقالت : كأنه الوقت متأخر ؟
بيان براحة وهي تشوف ان البحر امن اكثر من المدينة وقالت : امشوا يالله
طلعوا البنات كلهم وعيالهم معهم ولمحت هيام رعد واقف مع منصور ومتشمر ويدينه وسخة اثر العشاء ابتسمت وقالت بنفسها ( اه واليدين والعروق والطول والهيبة كل مره اطيح فيه اكثر من المره اللي قبلها ! ) مشت وقالت بهمس : رعد خذ ايهم
رعد لف وقال : شوي يهيامي بدخل اغسل واجيتس
منصور مشى وقال : رعد استعجل وسكر الباب وراك
رعد : تم تم
طلعوا كلهم وبقى رعد وهيامه وايهم ابتسمت اول م شافته طالع وهو ينشف يده وقال : هاتيه يحبيبي
هيام رفعت ايهم واخذه رعد وكان نايم ابتسم وقال : برزت ملامحه والله ي انه يشبهني
هيام ضحكت وقالت : الشفايف تخسي والغمازات !
رعد ابتسم وقال : ايه اخسي ويخسي هو م وصل ملامحتس وجمالتس وكمالتس والكمال لله ! يسبحان من سواتس
هيام توسعت عيونها وحمرت خدودها ورفعت نقابها وهي تهف بيدينها وقالت : رعد !
رعد ابتسم وقال : يالله مشينا ؟
هيام مشت معه وطلعوا للسيارات رعد ضحك وقال : اوهوو رجعنا ع طير يلي !
كاسر ابتسم وقال : والله هذا الوضع
رعد : اخلصوا تقسموا
تقسموا كلهم وركب رعد هيامه وحط ايهم بحضنها وقال : انا بسوق بجمس جدي طيب ؟
هيام هزت راسها بنعم ومشى رعد بعد م سكرت بابها وركب الجمس ومشوا للعقبة ونزلوا للبحر ووصلوا بعد ساعتين ونص تحديدًا < سعيدة الصوالحة >
محمد نزل وتمطع وقال : يالبييييه يالجو !!
كاسر : يهببل صدق يالله نزلنا ونزلوا الفرشات وترا بننام هنا
ذيب وذياب تقدموا وفرشوا الفرشات وجهزوا قعدة وحدة بينهم وبين البنات وشب سامي النار وتجمعوا حولها كلهم بعد م نزلوا عيالهم فالسيارات بحكم انهم نايمين وكل واحد فيهم كان جنب حرمته وبدأت السوالف والضحك
ذيب بحماس : اسمعوا خلونا نرجع نلعب صراحة جراءة المره اللي راحت خربت علينا هيام وان شاءالله م تبعص سلمى بعد
سلمى ابتسمت وقالت : لا معليك
رعد : يالله بدينا من يلف العلبة ؟
بيان بحماس : انا انا
العيال لفوا لها كلهم وشهقت وقالت : يييمهه شفييكم !
ضحكوا البنات والعيال وقال ذياب : يالله لفيها
بيان صدت وقلبها بدأ يدق لصوت ذياب ابتسمت ولفت العلبة وقفت على " ضاري وحمد " بيان بحماس : ضاارري وحمييد
حمد ابتسم بهدوء وناظر بغدي اللي كانت مبتسمة وشابكه يدها بيده وقال : حميد يبيونه ؟
ذيب وزايد وضاري بصوت واحد قالوا : اععققبب !
ضحك حمد وقال : انا اللي اسأل يالله يضاري صراحة ولا جراءة ؟
ضاري ابتسم وقال : صراحة
حمد : لو الامر بيدك من بتزوج بيان ؟
ضاري : طبعًا سامي
حمد بجدية : وليه ؟ هم اثنينهم اخواني بس ابي اعرف ليه
ضاري كان بيتكلم بس قاطعته بيان لأنها م حبت انه يكمل يجرح بذياب وقالت : قلنا سؤال وبعدين ابوي وافق ع ذياب وهذا الاهم
ذياب ناظر بعيون بيان وابتسم بحب وقال بهمس : يجعل ذياب فدوة لتس
كملت بيان تلف وشهقت بحماس وقالت : اووه افخم اثننيين الرعد والفارس !
رعد ابتسم وعدل جلسته وشّد ع خصر هيامه اكثر واكثر وقال بصوته الرخّيم : من اللي يسأل ؟
بيان : فارس
فارس ابتسم وقال : جاهز يالرعد ؟
رعد : اعنبو غييرك ايه جااهز
فارس بحماس : عيااال عطوني سؤال يحششره
كاسر وذيب فزوا لفارس ولحقهم ذياب وجلسوا يتشاورون وضحكهم ونقاشهم طالع
هيام ابتسمت وقالت : شكلهم ناويينك
رعد لف عليها وكان يتأملها وهو ساكت وقالت بعد مدة : رعد فيني شيء ؟
رعد ابتسم وقال : فيتس الزييييين كله
هيام ابتسمت وحطت يدها ع فخذه وابتسم رعد وقال : خليتس كذا
هيام قطبت وقالت : كيف يعني ؟
فارس جاء وقال : يالله يالرعد ؟
رعد صد من هيامه وقال : سم بالله
فارس : بسم الله الان صراحة ولا جراءة ؟
رعد ابتسم ع جنب وقال : صراحة
فارس ضحك وقال : طيب ي ابو ايهم شيء صار لك وانت م توقعت ابدًا انه يصير لك
رعد ابتسم وقال : هيامي
فارس : وشفيها ؟
رعد بحب وعيونه بعيون هيامه قال : اني ممكن اقع لها واحب واعشق واهيم وانه ممكن يهزمني الحب وانا جاهل بدرب المحبين !
فارس ابتسم وقال : الله يدييمكم يارب ويديمنا لبعضنا يالرعد
رعد : امييين يالفارس ويديم شملنا وقعدتنا الحلوة ذي
كملوا اسألتهم وضحكهم للساعة ٤ الفجر
"عند وعد الكاسر "
كانوا يمشون ع الشاطي وهم مشابكين ايديهم كاسر بحب : بسمي ولدي رعد
وعد فزت وقالت : بسم الله !
كاسر ابتسم وقال : وشرايتس ؟
وعد : والله مقدر ارفض حتى الرعد رجال وعن مليون رجال مثلك وشرواك يعيون وّعودك
كاسر باس يدها وقال : يحبيبي يالوعد ويروح كاسرتس انتي ويعساني م اكسرتس يالدنيا كلها بعيوني !
وعد ابتسمت وكملوا يمشون وفزوا ع صراخ سلمى
" عند الباقين والخيام حقتهم "
سلمى فزت من الم ببطنها وقالت بهمس وهي تستنشق الهواء وتزفر برعب : يارب لا يااارب لا
وفجأة نزلت المويات وصرخت سلمى بفجعة وقاموا البنات كلهم معها وقالت هيام برعب : سلمى بتولدييين !!!!!
سلمى وهي تبكي : ايييه ايييه
منصور شهق وقال : يوولدد
هيام برعب : بنات وخروا بسسسرعة
رعد سد اذنيه وقال : عيال امشوا عشان صوتها
مشوا كلهم الا اخوانها اللي فزوا ركض مع منصور وقال ذيب : سلومتتي خلااص يعييوني
سلمى بصراخ : منصصووورررر
منصور شّد ع يدها وقال : معك معك يروحي
سلمى ركبت السيارة وهي تصارخ وقالت : يوييلليي ويلااااه المووتت يمنصصوور مقددرر بموووتت
منصور مسك قلبه بألم من كلامها وحس انه يتعذب وهو يسمع صراخها وصراعها للألم وقال : ذييب تكفى بسسرعة
ذيب فتح الخريطة وقال : ٨ دقااايق اصببريي
سلمى فقدت كل شيء فاللحظة ذيك واستسلمت للألم وطاحت بين يدين منصور اللي انفجع وقال ودموعه بعيونه : ضاااري وش اسووي !
ضاري بهدوء : اقرأ عليها اقرأ
بدأ منصور يقرأ ويمسح ع راسها بهدوء وكان مفجوع ووجهه شاااحب وانصدموا اول م صرخت سلمى وسمعوا صراخ بيبي وقال منصور : ولددتت الله يللعنكم !!!
ضاري بصدمة : وصللنااا خلاااص
فز منصور وجاب الطاقم الطبي وركضوا لسلمى وعلطول صرخ الدكتور فيهم وهو يقول : ولااااادة الااااااااان
ركضوا فيها وهي تصارخ بشكل مرعب ودخلوا غرفة العمليات ومنصور يرجف برعب وجلس ونزلت دموعه بحرقة وقال برجفة : ذيب اهملتها وولدت فالسيارة يالذيب !!!
ذيب مسك كتفه وقال : سويت اللي عليك يالشيخ هونها وتهون
ضاري ابتسم بحزن ع حال منصور وقال : وذيب صادق خلاص
منصور غطى وجهه بيدينه وغمض عيونه اللي كانت تحرقه وجلس بهدوء ينتظر خبر يرد روحه اللي طلعت مع صراخ سلمى ..
" عند المخيم ع الشاطي "
رعد : هيامي
هيام طلعت بهدوء وقالت : عيوني ؟
رعد : ناموا عشان الظهر بنرجع لأبها ونقضي يوم وبعدها للرياض
هيام تفهمت انه عشان سلمى بتحتاج امها وقالت : ابشر
ودخلت علطول وقالت : بنااات يالله ناموا
بشرى برعب وهي تبكي : كييف انام وسلمى م جانا منها خبر ؟
هيام حضنت بشرى وقالت : يروحي معليه اكيد انها بخير
لين فزت وقالت : ذيييب يتصصل
البنات لفوا كلهم وردت وفتحت السبيكر وقالت : طمننا !
ذيب قطب وقال : اطمنكم ؟
لين : ايه انا فاتحة سبيكر
ذيب ابتسم وقال بخبث : اشوا كنت بجيب العيد زيين علمتيني
لين ضحكت بسخرية وقالت : اخلص ماهو وقتك
ذيب ابتسم وقال : ابشركم انها جابت ولد
فزوا البنات بفرحة عظييييمة لسلمى اللي لطالما كانت لهم ام واخت وبنت وصديقة والكل بدؤا يباركون ويزغرطون
زايد من برا : بشروونا ؟
بشرى فتحت وحضنت اخوها وقالت : زااايد صرت خال ابشرك
زايد ابتسم وقال : اللهم لك الحمد حتى ترضى ولك الحمد اذا رضيت ولك الحمد بعد الرضى يالله صدق سلومتنا صارت ام
كاسر : حمدلله يارب
محمد بهدوء : بشرى ادخلي
بشرى ابتسمت ودخلت والكل يباركون وينزلون حالات وستوريات ويدقون ع الناس ويقولون لهم
" فالمستشفى "
الدكتور طلع وقال : وين منصور ؟
منصور وقف وهو شاحب وخايف وقال برعب : انا بشرني تكفى
الدكتور ضحك وقال : ابشرك انك صرت ابو لولد زي الصقر بسم الله عليه
منصور حضن الدكتور بفرحة وقال : يااااارب لك الحمد يالله ! الله يبشرك بالجنة
الدكتور خبط ظهره وقال : وياااك يارب ومبروك م جاك لكن المدام سلمى حالتها صعبة شوي وتعباااانة حييل لكن شيء طبيعي ونقلناها للقسم وتقدرون تشوفونها
منصور بحزن : ولادتها طبيعي ؟
الدكتور : ايه
منصور : خلاص يعطيك العافية يدكتور
مشى وهو يركض ودخل القسم ودخل غرفتها وكانت سلمى عليها اجهزة وطايحة بتعب وولدهم جنبها ابتسم ونزلت دموعه وهو من هاللحظة حلف انه يكون الاب والزوج والاخ والابن والعايلة لسلمى قرب وباس راسها بقوة وقال : حمدلله ع سلامتس يروح منصورتس والحمدلله ع التمام ومبروك م جانا وعساه يتربى بعزنا وجعله من مواليد السعادة
سلمى فتحت عيونها بهدوء وقالت : الله يبارك فيك يمنصوري
منصور فز وقال : اررحبي يدهر قلبيي ورجعااانه يالله حيي صوتتس
سلمى ابتسمت وقالت : حي نباك يالمنصور
منصور بجدية وهو ماسك يدها قال : ان شاءالله خفايف وترجعين سلمى الملسونة م تعودت عليتس كذا ضعيفة احس اني ضعفت وانهلكت واكتشفت انتس مصدر قوتي
سلمى : ان شاءالله واعلمك كيف تتكلم فيني قدامي يالوسخ !
ضحك منصور وقال : ايييه ايييه كأنه بدا يرجع ؟
سلمى تركت يده وقالت : انقلع
منصور مشى لولده وقال : يهلا بالذييب
رفعه وباس راسه وقال : يحللوه يسلومتي صغيييرر
سلمى قطبت وقالت : وين صغيير تكفى بغى يموتني
منصور بمزح : ايييه رجال ولد ابوه
سلمى مسكت علبة ماء ورمتها ع رجول منصور وقالت : اطلللع
منصور ضحك بكل قوته ومسك ولده وقربه منه واذن في اذنه وكان هالمنظر كافي انه ينسي سلمى الالم ابتسمت بحب وقالت بنفسها ( يالله يارب مثل م رزقتني بولدي يارب لاتفرقنا ولا تجعل يصيبنا مكروه يارب استودعتك منصوري وذيبي من كل شر )
ضاري دق الباب ودخل هو وذيب وقالوا : حمدلله ع السلامة
سلمى بهدوء : الله يسلمكم
ضاري مسكه وقال : بسم الله عليييه رجااال
ذيب قرب وقال : يويلليي صدق ماشاءالله كبييير !
منصور ضحك وقال : اييه رجال وذيب مثل خاله !
ذيب ابتسم وقال : معلييك زووود يبو عبدالرحمن بس شمعنى انا ؟
منصور : افضل انك تقول ابو ذيب
ذيب توسعت عيونه وقال : اسألك بالله !!
سلمى : اييه وانت تستاهل يالذيب
ذيب : ابششروا والله بالسمااااوة لبى والله قلبتس يسلومتي
قرب وباس راس اخته وضحكت وحاوطته وقالت : اذا جابت لين بنت تعرف شغلك
ذيب همس وقال : بدررررري وبعدينن الامر بيدها انا م جبرتتس تسمين بي
سلمى ضربته وقالت : تقلع بس كنسل !
ضحكوا كلهم وقال ضاري : الله الله ببنتنا بنرجع انا وذيب نرقد ونجيكم ع العصر ان شاءالله
منصور : ودعناكم الله
طلع ذيب وضاري ومشوا للسيارة وركبوا واتجهوا للشاطي اما بالنسبة لمنصور جلس جنب سلمى اللي نامت بعد المنوم اللي حطته النيرس لها ..
:::::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( ارحبوا يحباااااني وحشتتتووووني مررره 🥺 ، رجعنا ببارت حماااااس ويججنن صدق 😭😭😭! ، رعد الهيام تصالحوا اخيرًا ! ، عطوني رايكم بكل تفصيييل اشوفكم ع خييير قريييب 🤎🤎 )