يهزمني الحُب وانا جاهل بدرب المُحبين

البارت الثاني والاربعين

جلسوا البنات وهم مستغربين تأخير وعد وكاسر والكل كان ينتظرهم ع احر من الجمر
...........
فالفندق
دخل كاسر وجذبه ريحة عطر وعد وبخورها وفتح الباب وشاف وعد لابسة جينز اسود وتوب احمر وماسك ع جسمها وخصرها وكانت متزينة باكسسواراتها ومكياجها وروجها اللي يشّد الواحد يناظرها
كاسر بكل حب لها قال : ياقبلة الله ع كل مزيييون ياقبلة الله عليتس يالوعد
وعد لفت له ومدت المبخرة له وقالت : تعال تبخر يعيون الوعد
كاسر تقدم وفتح شماغه ودخل وعد معه وباس خشمها وقال : ارفقي بي
وعد ابتسمت بخجل وقالت : م ابي طيب
ضحك كاسر وقال : وش تبين طيب ؟ عيوني ؟ قلبي ؟ روحي ؟ والله اني لتس
وعد باست راسه وشهقت وقالت : اووه اسفه روجي طبع ع جبهتك
كاسر ابتسم وقال : حلالتس الكاسر من ساسه لراسه
وعد حضنته علطول وقالت : اف يالكاسر لاتعبني معك ولاتعلقني فيك كثير
كاسر احتد صوته وقال : وخير ان شاءالله م اخليتس تتعلقين فيني زوجتس ترا
وعد ضحكت وقالت : ادري بس بصير معك بكل ثانية حتى بلاحقك فالمجالس
كاسر بعدها وهو ماسك خصرها وقال : والله اني لا امسكتس !
وعد تقدمت وباست مبسم كاسر وقالت : يالله مسسسك والله مسسك
كاسر توسعت عيونه وقال : عيديها طيب
وعد : عشان اموت ؟
كاسر : ايييه كويس انتس عارفه
وعد ضحكت وتطلعت تلبس عبايتها وقالت : يالله ؟
كاسر : توكلنا ع الله
طلعوا لبيت الجد قاضي وهم مستعجلين بحكم انهم تأخروا
..........
فالمجلس
رعد كان ماسك جواله يكلم كاسر وقال بحدة : خييير وينك فيه ؟؟
كاسر ابتسم : جاي والله جاي
رعد : اخلص علينا فشلتنا !!
كاسر : ابشر طال عمرك
سكر رعد وناظر في فارس اللي سأله : وينه ؟
رعد : يقول جاي
فارس ضحك : ماش طلع كاسر خفيف
رعد احتد صوته وقال : وش منتظر منه له اربع اشهر ينتظرها ذي الوعد
فارس : عاد كيف شكلها هي ؟
وقام اول م طار عليه عقال رعد بحكم ان حنين اخته وضحك فارس وهو يقول : امزززح الله يقللعك
طلع فارس من المجلس واتجهة للمدخل وشاف امه تناديه
فارس : عيوني
ام فارس : ماشاءالله يولدي حنين حامل
فارس طاح فنجاله من يده وشهق وقال : ننععمم !!!
ضحكت ام فارس وقالت : بسم الله علييك شفييك ؟
فارس كان مصدوم وقال : وين حنين ويينها ؟
ام فارس نادت حنين وجات تركض وقالت من ورا الباب : فارس جاء ؟
فارس سمعها وقال : ايه يعيونه ادخل ؟
ام فارس : ايه تعال
دخل فارس وطلعت ام فارس للصالة عشان تعطيهم خصوصيتهم
فارس فز وحضن حنين بكل قوته وقال : اسألتس بالله حامل ؟
حنين حاوطته وقالت : ايه والله
فارس باس راسها وقال : الله يتمم لنا يعيوني والله انه كبر حظي يومتس شليتي عيالي والله انه حرام على غيرتس
حنين ضحكت بحب وقالت : الله يعني بتصير اب يالفارس والله انك احن اب بعالمنا كله
فارس ابتسم لها وعيونه غرقانه بس عجزت تنزل دموعه وقال : والله محد يستاهل اسم الام الا انتي فعلاً كنتي امي وحبيبتي واختي وزوجتي وصديقتي وعيوني وروحي وكل شيء بدنيتي ي حنين فارستس
حنين عبست وحضنته وقالت : اوووه يالفارس يعيون حنينك والله
منصور وقف قدام الباب وقال : فارس خل الحريم ينادون سلمى لي
فارس لف وقال لحنين تدخل تناديها وطلع لمنصور وقال : عسى م شر ؟
منصور : لا بس بروح لأمي من زمان م شفتها
فارس كان يقدر الام بشكل كبير وقال : طيب تغد معنا بعدها روح
منصور : كثر خيركم
فارس ابتسم وقال : تعال معي للمجلس عندي خبر لكم
منصور قطب وقال : عساه خير ؟
فارس ضحك : خير خير
دخلوا للمجلس وقال فارس بصوت عالي : ابشركم بيجيني ولد ولا بنت بأذن الله
الكل فزوا لفارس يباركون له وهو يرد عليهم واستوقفه حضن رعد له وقال : ماشاءالله يالفارس والله انك تستاهل كل خير وحمدلله ان واحد مثلك اخذ حنين اشهد انك رجال ونعم الرجال !
فارس ابتسم وقال : ابشر والله بعزك والله اني تحت امرك يالرعد
رعد : تبشر بالجنة
استوقفهم صوت كاسر وهو يقول : ماشاءالله تبارك الله اشوف فارس بيصير اب وانا اخر من يدري المهم سلام عليكم ومبروك ي فارس قلبي والله انك تستاهل كل خير
الكل ردوا السلام وجلسوا وفارس رد لكاسر وهو يقول : الله يبارك فيك وعقبالك يالكاسر
كاسر ضحك وقال : شكله قريب
رعد توسعت عيونه وقال : ووولدد !
كاسر ضحك وجلس جنب رعد وقال : وش ماهي حلالي ؟
رعد : درينا بس مو كذا الله يصلحك !
كاسر : اللي هو عاد تصدق ليتكم اجلتوا العزيم..
رعد فز ومسك فك كاسر بقوة وقال : قلنا زوجوه ويعقل وراك انهبلت انتت !
كاسر طاح بحضن رعد يضحك وقال : امزح معك يخوي
رعد : لعاد تمزح تكفى
محمد جاء وقال : رعد هيام تبيك
رعد ناظر فيه وقال : وشتبي ؟
محمد قطب : وش عرفني رح لها
قام رعد وضبط حزامه وسلاحه وطلع لهيام
هيام : منجدتس بتروحين ؟
سلمى بحدة : لا والله معاد ادخل ع امه !
هيام : اييه كفو وضحي له انتس م ترتاحين عندها
سلمى : وضحنا بس دبشة م يفهم
هيام ضحكت وقالت : الله يقويتس عاد
رعد تقدم للباب وقال : هيام ؟
سلمى نزلت نقابها وقالت هيام : تعال
دخل رعد وطالع بسلمى وقال : خير عسى م شر وين رايحة ؟
سلمى توسعت عيونها وقالت : كلم منصور بدال م تكلمني
رعد احتد صوته وقال : عساه ناوي يروح قبل الغداء
سلمى : مع الاسف تكفى يالرعد كلمه
رعد اشر بيده ع خشمه وتقدم لهيام وقال : امريني
هيام : وش امريني انت اللي جاي
رعد توسعت عيونه وقال : خير انتي قايلة لمحمد يناديني
هيام ابتسمت وقالت : اوووه الله يرحمني قد نسيت وش كنت ابي عاد قايلت له يناديك من ساعة يحلو
رعد : احلفي ؟ وليه م دقيتي علي
هيام : كنت ابيك توديني لبيتنا عشان اجيب من الشوكولاتة اللي عندنا بس خلاص طلبت لين من موقع ووصلها يروحي
رعد بحدة : طيب يصير خير
سلمى : وي شفيه ذا !
رعد لف لها وقال : تطلبون من مواقع ورجالكم موجودين !
هيام : تكفى لاتبدأ خلاص طلبنا
رعد طلع وهو كان ناوي يسوي شيء لهيام بس م قدر عشان سلمى وقابل منصور عند الباب
رعد : خير يالطيب !
منصور ضحك : يخوي وشفيكم بروح امي عازمتني ع قهوة وبروح لها
رعد : امك مدري وش مسوين لها نعزمها ولعاد تجي ولاتجيب اهلك معها خير فيه شيء ؟
منصور توتر وقال : لا لا م فيه شيء
رعد : منصور انطق !
منصور : مدري والله بس معليك م فيه شيء
كاسر قاطع حديثهم وهو يقول : رعد لين وشفيها ؟؟
رعد لف له بقوة وقال : وشفيها ؟
كاسر رفع ثوبه وركض للحريم وفز رعد وراه ودخلوا ع صراخ الحريم رعد بحدة : ووش العللمم !!
هيام برعب : غصتت غصصت
كاسر : العن ابوكم ومخلينها !
رعد ركض لها ورفعها وكانت لين سوداء وترجف وصار يضغط ع المنطقة اللي تحت صدرها وم نفع وقال : كااااسر تعااال
كاسر ركض وسحبها من رعد وضغط بكل قوته وطارت اللقمة من فمها وشهقت بكل قوتها وطاحت بين يدين اخوانها
كاسر كان يرجف ويتلعثم وقال : بسسم الله عليتس
رعد اخذ مويه وعطاها وهي ترجف وتناظرهم وقال : ليونه اشربي
لين شربت من يدين رعد والكل شهد ع حنية عيال محمد ع خواتهم وكيف يوقفون معهم في الصغيرة والكبيرة
حنين مسكت كتف رعد وقالت : رعّودي خلاص ارتاح
ارتخى رعد عليها وحضنته حنين وقال : يويلي اشهد بالله انها نشفت دمي لو تذبحوني الحين م طلع مني دم
لين بصوتها المبحوح قالت : تكفى يالرعد بغيت اموت
رعد فز ومسك خدودها بيدينه وباس راسها وقال : والله م اخليتس تموتين قبل يومتس وقبل قدر ربي
كاسر : وقفي دراما تكفين وبعدين وعد وينها !
وعد ضحكت وقالت : لبيه
كاسر بحدة : الله يصلحتس وش نقل الاخبار المخيسة ذي تخيل وش قالت لي
رعد ابتسم وقال : وش ؟
كاسر : ليين مااتت الحقوها
رعد ضرب راسه وقال : الله يخلف عليك يخوي
كاسر : امين امين
وعد ضحكت وقالت : يخي وش اسوي والله حسبتها ماتت
لين بحدة : كأنه ودتس !
رعد : شكلها والله
هيام ضحكت وقالت : رعد مالك دخل بين الحريم
رعد قام وعدل ثوبه وحزامه وقال : تعالي معي انتي
هيام مدت يدها لرعد ومسكها وطلع لغرفة الحريم وقالت : لبيه ؟
رعد ابتسم وباس خدها وقال : لبيتي في منى يعيوني اسمعي بطلع العصر لبيتنا بتجين معي صح ؟
هيام قطبت : اكيد بجي معك
رعد : خلاص تجهزي
ام هيام دخلت وقالت : رعد
رعد رفع راسه لها وقال : ارحبي
ام هيام : انتبه لهيام تراها دخلت الاشهر الصعبة وابيك معها بكل ثانية
رعد اشر بيده ع خشمه وقال : ع خشمي لاتوصين حريص تكفين يعمة
ام هيام : م نوصي والله نبي نأكد وان شفتها تشتكي اخذتها عندي
رعد احتد صوته وقال : م بسمح لتس اصلاً
هيام ضربت يده وقالت : خير انا م بنتظر تسمح اصلاً
رعد لف لها بنظرة مرعبة وقال بهمس : سدي حلقتس !!
ام هيام : جاك العلم
طلعت وقالت هيام : خيير والله لو م تهتم فيني ان ارجع لبيت اهلي وعند امي
رعد بحدة : اف خلاص عاد لاتغثيني وخليتس جاهزة
هيام بقرف : خلاص الله يقرفك
طلعت وهي نفسية الحمل بدت تأثر عليها تحت صدمة رعد وراها وقال : هيااام ارجعي !!
هيام سحبت عليه ودخلت داخل وطلع رعد وهو يفور وشاف منصور في سيارته وراح له وسحبه منها وقال : طلاااق بالثلاث م تروح سااممع ؟
منصور طفى السيارة ونزل وقال : تم والله م اروح
رعد سحبه ودخله للمجلس وجلس وهو يحترق وقال : فارس اجلس اللي اصغر منك يقومون يصبون !
فارس نزل الدلة وجلس وصرخ رعد : سااامي !
سامي قام واتجهة للدلال ومسكها وبدأ يصب لهم وهو مرعوب من رعد وعصبيته
محمد : عسى م شر وشفيك مشتط ؟
رعد : اذا تبي السلامة انكتم
محمد ابتسم : سم
فارس بحدة : طيب شرايك تحترم ان محمد اكبر منك
رعد احتدت نظرته وقال : من حطك محامي الحين ؟
فارس : رععد !
رعد صد عنهم وقال : صب
تقدم سامي وصب له وقال : سم
رعد رد بدون نفس : اسلم
فارس : يعني م بتتكلم ؟
رعد بحدة : افف خلااص لاتغثننيي م فيني شيء
فارس : ايه واضح
صد فارس وعطى رعد ظهره وصار يسولف على محمد ومنصور تحت غضب رعد اللي م يحب هالحركة من فارس
كاسر : ذيب تعال ساعدني
ذيب قام وقال : في ايش
كاسر : تعال يخوي
طلعوا واتجهوا لقسم الحريم ودخل كاسر داخل يجيب الدلال والبراريد ووقف ذيب عند الباب وطلعت شوق قدامه وهي معطيته ظهرها وكانت تفتن بشكل كبير وقال بنفسه ( يوييلل حالي ذي منن !! ) استوعب من صوت لين وهي تقول : شوقق ادخلي زيين الصحن بيطيح وكله منتس !
ذيب بصدمة : شوووق !
شوق ضحكت : طيب احاول ترا
لين : اف اخلصي علي
تقدمت شوق وطلعت لين من ورا الباب وطاحت عيونها ع ذيب وصنمت مكانها وكان ذيب يتأملها ونزلت الصحن بسرعة تحت صدمة شوق وسحبت شوق ودخلتها داخل وقالت : وعمى يطس عيونك م كفتك وحدة !!
ذيب ضحك وقال بمزح يبي يجرب شعور غيرة لين قال : اعنبوها اشهد انها شق !
لين بحدة : ذييب خييير ان شاءالله طلعت مثلهم !
ذيب : يعيونه انتي طلعت زي من ؟
لين : من الحين احلم تأخذني
طلعت لين وم سمعت تبرير ذيب اللي طاح يضحك وقال : وقسم بالله انها تخسى عندتس لكن الله كريم
طلع كاسر يركض ومسك ذيب معه الصينية وقال كاسر : وشفيك ؟
ذيب : شفت شوق
كاسر : اخخص لايكون سحبت على ليننا منها ؟
ذيب بهمس : وشفت لين معها
كاسر ضحك وقال : اععقب صدق !
ذيب ضحك وقال : العن امها يشيخ
كاسر بحدة : ذيييب
ذيب تذكر نطق لين في اسمه وقال : لاتفتح مواجعي يالكاسر
كاسر : امش لا ازيدها مو بس افتحها
دخلوا للمجلس ورتبوا كل شيء وجلسو ينتظرون الغداء
....
فالمطبخ
ام محمد : خلاص هذا اخر صحن
لين كانت ماسكة دموعها بحرقة ع ذيبها وقالت بصوت مهزوز : طيب
ام رعد : ليوني وشفيتس ؟
لين : م فيني شيء بس حلقي يعورني من الغصة
ام رعد : بسم الله عليتس خلاص اتركيه شوق ووعد بيشيلونها
وعد : ايه استريحي
طلعت لين للحوش وانهارت تبكي وهي م تدري ليه غارت من شوق وتمنت انها تموت ولا يشوفها ذيب
طلعت وعد وشوق ونزلوا الصحون عند الباب ودخلت شوق وكانت وعد بتدخل بس استوقفها صوت كاسر
وعد لفت له : عيونها
كاسر ابتسم : ابوسهم انا
وعد : تعال طيب
كاسر تقدم وباس عيونها وقال : اسمعي ترا العزيمة بتخلص اذا راح رعد ف شرايتس نطلع انا وانتي مكان
وعد : ماشاءالله يالرعد اللي حاسبين حسابه بكل شيء المهم بكيفك والله
كاسر ضحك وقال : عاد كل شيء الا العضيد
وعد قطبت : الله يخليه لك م قلنا شيء
كاسر : ادخلي واذا قررت بقولتس
شل كاسر الصحون ودخلت وعد وجاء رعد يساعده والعيال كلهم وتغدوا وخلصوا وطلع منصور يكلم سلمى
سلمى بتأفف : يخي م ابي م ابييي
منصور بحدة : سلمى خلااص عاد اقطعي الشر !
سلمى : الشر فيها مو فيني !
منصور مسك فكها بقوة وقال : وبععدييين !!!
سلمى بألم : وخخرر مننيي قببل انادي اخواني علييك
منصور : ايه هذا اللي انتي فالحة فيه بس تتعزوين فيهم علي ولا كأني زوجك !
سلمى كانت تستنكر اللهجة كثير وقالت : يشيينكم ويشين الكاف حقتكم !
منصور ابتسم : وشدخلك فالكاف حقتنا
سلمى فكت يده بقوة وقالت بقرف : وانت الصادق وشدخلني لكن دورني وشوف بتحصلني ولا لا
ودخلت وطلع منصور وهو تعب من موضوعها هي وامه واتجهة لبيت اهله وترك سلمى عند اهلها
...........
عند البنات
انسدحت هيام في حضن وعد وقالت : سلمى غريبة رجعتي ؟
سلمى بعصبية : خليه يخيس مع امه ذا اللحجي
ضحكوا البنات عليها وقالت حنين : افا ليه ؟
سلمى : انبطت كبددي منهه ومن لهجته المخيسة !
حنين : اف اف رجع للكاف ؟
سلمى صغرت عيونها وقالت : ومتى تركها ؟
هيام : يالله احسها حلوة وشفيتس عليه انتي
سلمى : الله يقرفتس شرايتس نتبادل وتاخذينه وانا اخذ رعد
هيام فزت وقالت : تعقبييين
انهارت سلمى تضحك في حضن حنين وحنين ميته معها وقالت سلمى : بسم الله م قلنا شيء
هيام استحقرتها ورجعت تنسدح وقالت : وسسسخة
وعد : هيام ترا رعد ينادي
هيام بكسل : ايه ادري م فيني حيل اقوم له
شوق بتأفف : يختي قومي ازعجنا
هيام بحدة : وشدخلتس الله اكبر صدق !
قامت هيام وهي متقرفة من شوق وطلعت لرعد اللي كان يفور صدق وقالت بقوة : خييير
رعد انهبل وقال : نععم ي هااانم وش ذا الاسلووب !!
هيام بحدة : تستهبل صح ؟
رعد سحبها له وقال : انا م قلت لتس خليتس جاهزة !
هيام : هونت م بجي معك
رعد بحدة : هيياااام انههبلتتيي انتيي ؟؟
هيام فكت يده وقالت : لاتررفع صوووتك عليي
رعد نزل لها وتساوى طوله معها وقال وهو يصر ع اسنانه : هييام من اناا ؟
هيام بدون اي تردد قالت : حبيبي
رعد ارتخى وقال : انا ميين ؟
هيام : وشو !
رعد : انطقي
هيام : رعد
رعد بحدة : ايه رعد وتعرفين من كلمته تمشي دايم وم يحتاج اجلس اعيد عليتس الكلام
هيام : م ابي اجي طيب انت بتطلع لدوامك وبجلس لحالي كأني جنية
رعد : انا طالبتس تجين ابي ارجع واشوفتس قدامي طابخة لي اكل واكل وانام بحضنتس تكفين لاتخلينها بخاطري
هيام بزعل مسكت وجهه ولصقت خشمها بخشمه وقالت : وكيف تبيني ارفض لك طلب
رعد باس مبسمها وقال : عيوني الثنتين انتي
هيام : دقايق واجيك
رعد : تمام بجيب السيارة واجي
بعد رعد منها وقلبه يتراقص من الحب ونفس الحالة عند هيام اللي دخلت ولبست عبايتها وودعت البنات
سلمى : عمى يوم جلست تروحين !؟
هيام ضحكت : مقدرت ارده والله
حنين : روحي م عليتس منها
سلمى ضربت حنين وقالت : وينه رعد بكلمه انا
لين بحدة : هيام روحي له
طلعت هيام وهي تضحك ع صراخ سلمى وطلعت وركبت مع رعد وقالت : رعد
رعد لف لها : عيونه
هيام : بتطول فالدوام ؟
رعد مشى من البيت وقال : يعني تقريبًا
هيام : كم ساعة ؟
رعد : ٦ ولا ٧ للحين م حفظتي
هيام بملل : افف بتطوول مرره
رعد ابتسم : شسوي يروحه
هيام : ولا شيء خلاص وش نفسك فيه تتعشى ؟
رعد : اي شيء من يدينتس اهيمه
هيام ضحكت وشبكت يدها بيده وسحب يدها لمبسمه وكلموا طريقهم لبيتهم
........
فالمجلس
تقدم ذيب لأبو رعد وجلس جنبه وقال : ي خال
ابو رعد ابتسم : سم يالذيب
ذيب : ودي ي خال اقرب منك وطامعٍ في نسبك
كانت كلمته صدمة ع المجلس كله بس الكل فنفس الوقت كانوا عارفين ان ذيب من الرجال اللي شايلين انفسهم ووظيفتهم معهم وقال ابو رعد : اشهد بالله انها الساعة المباركة يالذيب وانا موافق ولكن الشور شور لين
ارتعد ذيب بعد اسمها وقال : ماني مستعجل كلموها وشوفوا
كاسر بحب : ابشر يالذيب وان شاءالله م يصير الا اللي يطيب خاطرك انت رجال كفو وتستاهل كل خير
فارس : اي والله ان شهادتنا فيك مجروحة
ذيب بفخر واعتزاز ابتسم وقال : م عليكم زود يرجال
طلع كاسر علطول ودخل البيت وقال : يوولدد
ام رعد : تعال م فيه الا عماتك
دخل كاسر وقال : ابشرتس يأم رعد جاء لين خطاب
فزت ام رعد وقالت : ماشاءالله مين ؟
كاسر : ذيب ولد عبدالله
ام ضاري قامت وقالت : ماشاءالله خطب بدون م ندري
ضحك كاسر وقال : رجال الشنب خط وجهه اكيد بيخطب وابوه معه فالمجلس
ام رعد : ماشاءالله الساعة المباركة وش قال ابوك
كاسر : ابوي موافق بس الرأي رأي لين
ام رعد : ي لييين
طلعت لين وقالت : لبيه
ام رعد : جاتس خطاب
لين توسعت عيونها وقالت : ايشش منن !
كاسر انخطف لونه بعد ردة فعلها وقال : ذيب ولد عمتتس
لين ارتعد قلبها بعد كلمة كاسر وقالت : لا م بوافق
ام ضاري بحدة : هاااه ؟ ووش ناقص ولدي
كاسر بعصبية : تستهبلين صح ؟؟
ام رعد : لين خير وش السبب اللي يخليتس ترفضينه ؟
لين بهدوء : شفيكم اشتطيتوا تراها انا اللي بتزوج وبعدين اذا مره يبيني ينتظر سنتين اخلص دراستي واكبر شوي وبوافق وقتها
كاسر : تزوجيه وكملي م بيرفض ذيب ترا
لين : حتى ولو م ابي اتزوج الحين
كاسر بحدة : م عندتس عذر اعقلي ووافقي
لين بحدة : خلاااص يخي وين رعد ابي اكلمه !
كاسر بعصبية : انا رعد ورعد انا انطقيي
لين : انا موافقة بس ابيه بعد سنتين
كاسر : لييينن خلاااص بلا دللع
حنين طلعت وقالت : خير كاسر الحياة حياتها شفيك !
كاسر مسك راسه وقال : حنين اطلعي منها
حنين بحدة : تستهبل انت وش اللي اطلع منها البنت صغيرة وم تبي تتزوج الحين انا بنفسي تزوجت وانا عمري ٢٦
كاسر : وانا تزوجت وانا توو دخلت ٢٤
لين : طييب كبير انا توو دخلت ٢١ مستوعب انت ولا وش !
كاسر : طييب ذييب اكبر منتس بثلاث سنين بس !
لين ضربت راسها وقالت : وش قلت انا طيب رفضي مو عشان فارق العمر عشان عمري انا صغير
كاسر : طيب وعد عمرها ٢١ نفستس وتزوجت
لين : لأنها تزوجت واحد مثلك
ام ضاري : لين خير وش فيه ولدي ؟
لين بملل : ي عمتي والله م اقصد شيء وقلت لتس اني موافقة بس مو الحين افهموني
كاسر طلع وشاف ذيب برا وقال : بشرني
كاسر : موافقة بس م تبي تتزوج الحين
ذيب قطب : نعم ؟ ومتى ان شاءالله
كاسر : اذا خلصت الجامعة
ذيب : متى طيب ؟
كاسر : بعد سنتين
ذيب توسعت عيونه وقال : تستهبل صح ؟
كاسر : ليت والله
ذيب بزعل : افا وشفيها ذي خربت علي كل شيء توقعت ابوك يرفض وهي توافق
كاسر ابتسم : مدري بس الله يقويك
مشى كاسر من جنبه وتذكر ذيب كلام لين وضحك وقال بنفسه ( والله وسويتيها وتبين تبعدين مني لكن والله محد ياخذتس غيري )
طلع للمجلس وسمع كلام خاله له وهو يقول : خلاص يالذيب شرايك تملك وتسوي زواجك بعد سنتين
ذيب : ي خالي الوقت ماهو بهين مستحيل انتظر سنتين
ابو رعد : وش نسوي هذا الحل الوحيد ولا تعال بعد سنتين وابشر بكل علمن طيب
ابو محمد : دلع بنات هذي وعد تزوجت وهي بنفس عمر لين وبشرى قبلهم وهي نفس عمرهم
محمد ابتسم : خلاص لاتضغطون ع البنت هي بكيفها تبيه ولا م تبيه المهم انا استأذن عندي دوام
فارس قام : كلنا والله
طلعوا الرجال من المجلس وانتهت عزيمة وعد كاسر والكل اخذ اهله وفضى بيت الجد قاضي من الناس
.....
في سيارة كاسر
وعد : كاسر لا تضغط ع لين انا احس احسن لها م تتزوج الحين
كاسر بحدة : لييه ان شاءالله لا يكون مو عاجبتس الزواج فالسن ذا وانتي زوجتي ؟؟
وعد بملل : يووه شوفوا كيف فهمها يخي اقصد هي م تبي وكذا
طلع كاسر البوكيت وحط سيجارته بين شفايفه وشغلها وزفر بهدوء وقال : م احس انه عذر مقنع وصدقيني رعد م بيسكت وبيغصبها توافق
وعد : لاتقولون له طيب
كاسر ابتسم ع جنب وقال : اعنبو غيرتس ذا الرعد والله لا يعرف من تحت الارض
وعد بخوف : اجل حيل الله اقوى
كاسر اتجهة مع طريق استنكرته وعد وكمل يمشي فيه حوالي النص ساعة ووقف داخل بيت وقال : انزلي
وعد شافت بيت كبير ويجنن بكل تفاصيله وقالت : الله يجنن وشذا المكان
كاسر طفى سيارته ونزل وقال : بيتتس يالوعد عسى حستس م يختفي فيه
وعد ناظرت في بقوة وقالت : سألتك بالله !
كاسر مد ذراعه لها وقال : والله تعالي معي
طارت وعد لحضنه واحتواها كاسر وقال : لبى عيونتس يالوعد
وعد بحب : الله لايحرمني يعرب
دخلوا البيت وكان كبيير وفخم لأبعد درجة وقال : بطلع انام تجين ؟
وعد : بدري الساعة ٩
كاسر بتعب : والله اني دايخ تعالي معي وبعدين لاحقة ع البيت
وعد : تمام
طلعوا وعلطول غير كاسر ملابسه ونام وشوي ولحقته وعد وعم الهدوء في ارجاء بيتهم
............
في بيت رعد
هيام بملل : اف وش اسوي !
وقفت قدام المراية وشهقت : يممه خصرريي تكفى لا تختففي
كانت تلامس بطنها اللي بدأ يبرز بشكل ملحوظ وصار يخفي خصرها المنحوت تدريجيًا وقالت بزعل : اف كيف بجيب راس رعد الحين !
ضحكت وانسدحت وصارت تفكر في طبخة تسويها لرعد اذا جاء
....
في بيت ابو منصور
منصور بهدوء : خلاص ي يمه خلاص سلمى تعبانة وم قدرت تجي
ام منصور بحدة : صااارت تمششي كلاامها عليييك اععقب صدقق م هقييتك كذا
منصور بحدة : يمهه عند الغللطط م جابتها امها اللي تمشي كلامها علي
ام منصور : طييب وينها الحيين !
منصور : ولعنتها عند اهلها
ام منصور بخبث : طلقها وارتاح وبنات الحلال واجد يولدي
منصور بعصبية : مستحييييل اتخلى عن سلمى يمه انا صرت اشوفها كل شيء بحياتي وم ابي اسوي اي تفصيل بسيط وهي م تشاركني فيه يمه انا اشوفها ام عيالي واشوفها حبيبتي لاتحرميني منها ولا تلوين ذراعي فيها
ام منصور بحدة : ياااربي انكك ترد لهه ععقلله يولدي انت انهبلت وش تبيي فيهاا !
ليلى دخلت وقالت : يمه خلاص م مليتي من تكرار الموضوع وقفي تخربين بيت ولدك بيدك
ام منصور رمت المنديل عليها وقالت : وانتي وشدخلك الحين !
منصور : كثر خيرتس يوالدتي برجع والله لبيتي
ام منصور بحدة : واللهجة ماشاءالله اشوفها استحلت تفكيررك !!
منصور ابتسم بهدوء وطلع من البيت وهو يتمنى يصالح سلمى وامه بأي طريقة ويشوف سلمى بريئة وامه حاقدة عليها بدون سبب
..........
في بيت ابو ضاري
ذيب : سلمى حاولي تكلمينها
سلمى : من عيوني خلاص لا تشيل هم
ذيب : والله اني شايله وانه كاسر ظهري رفضها
سلمى ابتسمت : هي م رفضت هي اخرت الزواج
ذيب : اييه لييه
قاطعهم دق الجرس وقام ذيب يفتح
منصور : هلا بالذيب
ذيب ابتسم : ارحب منصور اقلط
منصور : اكرم والله ابي سلمى
ذيب : ابشر
منصور : تبشر بالجنة
دخل ذيب وقال لسلمى ولبست وطلعت لمنصور وقالت : حسبت بتنساني
منصور ابتسم وباس راسها بقوة وقال : نساتس موتتس م نسيتتس
سلمى مسكت ذراعه ومشت معه للسيارة وركبوا وطلعوا لبيتهم ووصلوا بعد فترة ودخلوا واستوقف سلمى صوت منصور وهو يقول : سلمى تغاضي عن حركات امي تكفين طمنيني وارجعي معي لهم معاد ابي اروح لبيتهم بدونتس
سلمى بحب : دامه بيطمن قلبك فأنا مسامحتها والله وبجي معك متى م بغيت
منصور تقدم وباس مبسمها علطول وهو اشتاق لسلمى واشتاق لحنييتها وحبها له وو🌚...
............••............
في بيت رعد
غفت هيام واخذها النوم بعيييد ونست تطبخ وكانت نايمة بكل لطافة دخل رعد البيت وكان هدوء وقال : هياامي
م كان يسمع رد ودق الرعب بقلبه وطار للغرفة وهو يحسبها طاحت واغمى عليها ولا شيء وشافها نايمة بكل هدوء ونزل لها وباس خشمها وقال : يعيوني النايمين
هيام فتحت نص عين ولفت وقالت : جيت ؟
رعد : ايه وجوعان بالحيل
هيام فزت وقالت : ااسسففه نسييييت
رعد حضنها وقال : عييوونيي لييه تعتذرييين جعلني فدااتس
هيام حاوطته وقالت وصوتها ثقيل من النوم : احبببك يالرعد اموتفييك
رعد ابتسم : اهواتس واهيمتس واعشقتس يالهيياام
هيام : دقايق والمكرونة جاهزة
طلعت هيام ودخل رعد يتروش ونزلت ركض وسوت له مكرونة فوتشيني وكانت الريحة تشهي مع كرات لحم وعصير كان اكثر من كذا دلع م فيه
نزل رعد بعد فترة وشم الريح وقال : يهوووه والريحة الله يجعلني قبلها يعرب
هيام : مجار يعيوني تعال سم بالله وبالعافية
رعد جلس وباس يدينها وقال : بسم الله وكثر خيرتس مقدمًا
اكلوا الاثنين وصار رعد يحكي لها تفاصيل يومه تحت مسامع هيام اللي تتمنى م يسكت رعد ابدًا
:::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( البارت طويل نوعًا ما ويجنن مليان احداث حلوة صدق ، الحين ذيب ولين مصيرهم مجهول لاتزعلون من اشياء بتصير بعدين كملوا معي للنهاية وبتعجبكم نهايتهم صدقوني احبكم اشوفكم بكرا ؟ ❤️‍🔥❤️‍🔥 )