يهزمني الحُب وانا جاهل بدرب المُحبين

البارت الثاني والستين

محمد بحدة : وش ذا كله طيب الحب امر قهري وانت تدري وترا م سووا شيء حرام هدها يبراعم التقوى !
كاسر طرطش بالقهوة ع العيال وهو يضحك وقال : حبيييييتت براعم التقوى
رعد وهو يمسح يده من القهوة ضرب رقبة كاسر بخفه وقال : الله يمغصك وبعدين ضاري يويلك ذياب لا يصير له شيء
حمد دخل متأخر وشهق وقال : وووش السسساالفة !!
رعد حكى له اللي صار وشالوا ذياب للمجلس وضاري طلع لبيته علطول بدون م ينتظر ذياب يصحى حتى ..
" في سيارة ضاري "
ضاري ركب وهو معصب وقال بحدة : اصلاً لييه م رحتي مع اهلي
بيان برعب : ضاري ابوي قال تاخذني معك وشدخلي انا
ضاري علطول لف لها وضربها ع كتفها بقوة وتألمت بيان وقالت بصوت باكي : طييب تراا م كننت ادرري ان سامي فالمجلس وذياب جاء وانا طالعة اسمعني وخلني ابرر لك
ضاري بعصبية قال : العلم وجاتس بتتزوجين سامي وبيستر عليتس !
بيان شهقت وانصدمت ووقفت دموعها وقالت : ااايششش !!!!
ضاري وقف عند بيتهم وقال : انزلي بسرعة !
بيان بحدة : ساممي اصغغرر مني وبعديين اناا باقيي صغيييرة يوييلك تدخل الموضوع براس ابوي !!
ضاري ضحك بأستحقار وقال : بشرى عليها بنت وهي ٢١ وشوي وبتدخل ٢٢ سدي حلقتس وكلامي اللي يمشي
بيان كانت مصدومة من ضاري وقالت بترجي : تككفى يخوي لا تكلمم ابووي اعرفه بيزوجني علطوول تكفى ي ضارري تكفى يبو مشاري تكفى
ضاري تقدم ونزل معها وانفجعت بيان ولحقته وقالت : ضاااري بلا حقااررة مالك دخلل بحياااتي !!
ضاري مسك فكها بقوة وقال : انا عارف انتس تبين ذياب لكن والله م يكتب لتس سامعة !
بيان صارت ترجف برعب وقالت بنفسها ( الله ياخذ نفسك ي سامي حطيت ذياب براس ضاري وانا اللي باكلها اااه يارب ابعدني منهم كلهم يااارب فكني منهم ! )
ضاري طق باب بيت ابوه وفتح ابو ضاري وقال : اخيرًا شرفتوا !
ضاري تقدم وباس راس ابوه وقال : يبه ادخل ابيك بكلام
بيان بهمس وهي تصر ع اسنانها : ضااااررريي !!!
ابو ضاري دخل وقال : اسلم ي ضاري
ضاري بجدية تكلم ودعس ع مشاعر اخته الصغيرة واخر عنقود بيتهم وم كانت بيان تستحق هالفعل ابدًا : يبه انا اشوف اننا نزوج بيان وقريب بسامي
ابو ضاري ابتسم وقال : والله الساعة المباركة ي ضاري وابشر يولدي نروح نشوف خالتك ام شوق ونكلمها بكرا
وتقدم ابو ضاري ومسك كتف بيان اللي كانت دموعها تنزل وملامحها جامدة وقال : وبنتي م بترفض ولد خالتها وشورها من شور ابوها صح ولا لا يبيونه ؟
بيان صدت وركضت لغرفتها وكانت لحالها ببيت امها وابوها بحكم ان اخوانها وخواتها تزوجوا كلهم وم كان فيه احد تشكي له تعودت ع وجود العنود واول م راحت علطول اتجهت لبشرى واول م راحت بشرى كانت تركض لحضن سلمى اللي كانت تحتويها وتفرغ طاقتها السلبية بحضنها واول م تزوجت سلمى جلست بيان تروح لذيب وتفضفض له وكان يسمعها ويطلعها ويغير جوها والان م معها ولا احد كانت تتمنى ان احد منهم موجود بس للأسف م كان قدامها الا وسادتها وسريرها وطاحت بيان تبكي وتتحسب ع ضاري اللي بيظلمها مع سامي وبيظلم سامي معها بحكم انها مستحيل تحبه ..
...................................
في بيت ابو محمد
فالمجلس والعيال كلهم فوق راس ذياب اللي فتح عيونه بهدوء وقال : اح يخشمي
رعد فز وقال : ذياب صحيييت ؟
ذياب رفع نفسه وجلس وقال وهو مبتسم : هلا هلا ايه ابشرك وش السالفة يعيال ؟
فارس تقدم وضغط ع خشم ذياب وصرخ بألم وقال : حمدلله مو مكسور
ذياب بألم وعيونه تدمع : اتوقع انه انكسر بعد ضغطتك !
فارس ابتسم وقال : سلامتك يحبيبي
كاسر دخل بالشاهي وقال : هلا هلا ذياب خطاااك الشر يعيون اخوك
ذياب انصدم من لطافة تعامل عيال خواله وتمنى انه م اذاهم ابدًا واولهم رعد اللي كان يتأمل ذياب ويسأله بأستمرار ويقول : ذياب يوجعك شيء ؟
ذياب بلطف ابتسم ومسك يد رعد وقال : خطاكم اللاش ولا يالرعد م يوجعني شيء وانتوا وراي
رعد ابتسم وقال : تحززم فيينا وابششر
حمد : ذياب شرايك تجي معنا لبيتنا وتخلي امي تهتم فيك
ذياب ناظر بسامي اللي كان صاد عنه وقال : بجي بس بشرط
حمد والعيال قطبوا ولفوا له وكمل وهو يقول : تجون معي بكرا ونخطب بيان من خالتي سارة
سالم كح علطول وقال : تبي بيانن !!
رعد : وهو صادق تبيها ؟
كاسر ابتسم وهو يعرف بحب ذياب لبيان وقال : الله يتمم وانا والله معه
رعد ناظر بكاسر واشر له بمعنى " مالك شغل " وقال بهدوء : ذياب كلامنا مع عمي عبدالله بنشوف وش قوله
" عبدالله ماهو عم اهل قاضي لكن يسمونه كذا بالاحترام "
ذياب : ان شاءالله خير
سامي م قدر يكبت مشاعره وهو يشوف بيان تضيع من يده وم كان عارف ابدًا ان ابو ضاري وضاري واقفين بصفه قال بحدة : شلوون تتقدم لها وانا احبها والكل يدري بحبي لبيان واني انتظر اتوظف عشان اخطبها !
حمد مسك يد سامي وهمس له وقال : ساااامي بسس !
سامي ترك يد حمد وقال بعصبية وعيونه تدمع : عيياال تكفون لاتكسروني ببيان تكفوون وقفوا معي عند باب عمي عبدالله تكفون انا اقرب لها من ذياب
محمد بجدية : يحبيبي اسمعني الحين كلكم نفس القرابة وتصيرون لها عيال خالتها وهذا ماهو موضوعنا والبنت م بتقدر تحدد بحكم اننا عارفين طبايع عمي عبدالله وبيوافق ع واحد منكم عشان كذا بنخلي ذيب يتصرف بحكم انه اقرب واحد لبيان وبيعلمنا بشعورها صدق ومن تبي هي
رعد قام ومسك كتف محمد وقال : وحمود صادق الان كل واحد ع بيته الوقت تأخر
مشوا العيال بعد كلمة رعد وطفت لمبات المجالس وتسكر الباب بعد كاسر والكل اتجهة لبيته مع اهله وارتفع صوت كاسر وهو يقول : رععد
رعد مشى لباب البيت وقال لحنين قبل تطلع لفارس : حنيني جيبي لي ايهم
حنين ابتسمت وقالت : ابشر
تقدمت حنين داخل واخذته وم كانت هيام تدري وطلعت فيه لأبوه واخذه رعد من يدينها وباسه بكل قوته وحضنه وقال : واااه شببل ابووه
فاحت ريحة العود بهندول وملابس ايهم واختلطت بريحته الطفولية ورجعه لحنين وقال : تمسوا ع خير
مشى رعد لسيارته بدون م ياخذ هيام ولا ولده معه ودز علطول لبيته ولف محمد لكاسر وقال : هذا راح ونسى هيام دقق علييه بسرعة !!
كاسر سحب جواله ودق ع رعد ووصله صوته وهو يقول : هلا كاسر ؟
كاسر بجدية : تستهبل هيام وايهم م اخذتهم !
رعد ابتسم بضيق وقال : ادري طيب
كاسر : اح فيك شيء ؟ شايل عليها وتبي تخليها عند اهلها ؟
رعد : حمود عندك ؟
كاسر اشر لمحمد وجاء وقال : وش العلم ؟
كاسر مد الجوال وقال : خذ يبي يكلمك
محمد حط الجوال ع اذنه وقال : هلا رعد ؟
رعد : محمد قول لهيام اني م بجي اخذها وخلها تروح لبيت عمي سيف وصل ؟
محمد بدون م يجادل وهو م حب يتدخل بينهم للمرة المليون وتعب من التدخل قال : ابشر معسلامة
رعد سكر بدون اي رد وقال كاسر : وش ؟
محمد : ولا شيء بس يبيها تنام عند اهلي وشكل بينهم شيء ويحلونه بينهم والله
كاسر ابتسم وقال : صادق والله اجل تمس ع خيير يحمودي
محمد ابتسم وقال : تلاقي الخير يكسوري
ضحك كاسر وقال من بعيد وهو متجهة لوعد : يزييينك يحمود
وصل عند باب سيارته وقال : ابطيت عليتس ؟
وعد كانت ع جوالها وقالت : يخوي ايه افتح الباب
فتح كاسر سيارته وركبت وعد ومسك يدها وباسها بقوة وقال : ااااه وحشتتتييننيي يلعنن الحممل وطارريييه
وعد توسعت عيونها وقالت : اشفييه ؟؟ تلعن ولدك !
وزلت وعد وفصحت بجنس المولود ولف لها كاسر بقوة وقال : ولدي ؟؟
وعد سحبت يدها وضربت راسها بخفه وقالت : افف اكررهك !!
كاسر ضحك وقال : يويلي بيجيني ولد منتس ! يكبر الحب والله
وعد تخصرت وقالت : نعم حبيبي واذا كانت بنت م بتحبها ؟
كاسر ابتسم وشابك يده بيدها وقال : طبعًا بحبها بس تعرفين كيف ولادة الذكر مهمة وانه يكون سند لأهله وكذا
وعد ابتسمت وقالت : كلهم فيهم الخير ولا تنسى ان البنت اذا تربت تربية صالحة كانت سبب في دخولك للجنة
كاسر ابتسم ع جنب وقال : هذا مهم والاهم انها منتس وتشابه وعّودي
وعد ضحكت وقالت : يويلك تحبها اكثر مني
ضحكوا ووصلوا لبيتهم ونزلوا علطول ودخلوا داخل وقال كاسر : وعد ببدأ دوام الاسبوع الجاي انتي متى ؟
وعد ابتسمت بقرف وقالت : اخ انا بكرا عشاني من الادارة
كاسر انفجر يضحك وقال : ابللععييي
وعد سحبت شنطتها ورمتها ع كاسر وقالت : كلها شهرين واخذ اجازة انت اللي ابللعع
ضحك كاسر ولف لها وشالها بين يدينه وقال بصوته الرخّيم : ننام يالدنيا ؟
وعد حطت خشمها ع خشمه وقالت : يالله يعيونها
كاسر ابتسم ورفع راسه وباس خشمها واتجهة للغرفة ونزل وعد وانسدح جنبها وناموا بهدوء ..
" عند محمد "
محمد : يبشرى دنيتي
بشرى لفت بهدوء وقالت بهمس : يعيونها تعال اخذ لميس
تقدم محمد وشال لميس من بشرى وقال : نادي هيام
بشرى استغربت وقالت : لحظة وين سيارة رعد ؟
محمد نزل لميس فالسيارة وهي نايمة وقال : خلصيني ناديها
لفت بشرى ودخلت وقالت : هييااام
هيام طلعت ركض وقالت : ووويي وش العللم !!
بشرى ضحكت وقالت : تعالي حمودي يبيتس
طلعت هيام وم كان فيه احد غيره وقالت : لبيه يحمود
محمد لف وقال : لبيتي في منى تعالي
هيام قربت وقالت : عيوني
محمد : تراتس بتنامين في بيت اهلي
لفت هيام علطول لجهة المواقف وم كانت فيه غير سيارة ابوها وعمها محمد وسيارة محمد الي كان واقف عندها وقالت بصوت مهزوز : وين الرعد ؟
محمد مسك كتوفها وقال : حبيبي رعد اللي قاله وشكل بينكم كهرباء وم يبي يحزنتس وفضل انه يبتعد شوي وممكن انه احسن لتس بعد وانا والله وصلت لتس وبروح بيتي الحين
هيام كانت دموعها متحجرة بعيونها وقالت : خلاص تمام
ومسحت خشمها اللي حمر ولفت وقالت : تمسوا ع خير بيشو وحمود وبوسوا لي لميسوو
بشرى مسحت ع ظهرها وقالت : يوصل يهيام الرعد
هيام قالت بنفسها ( اه يارب م يدري الرعد انه سبب العلة ودواها وم يدري انه الجرح وطبه ! ) دخلت لبيت جدها وقالت : جدة اذا م يضايقتس بنام معتس انا وهيمي
ام محمد لفت بهدوء وقالت : ادخلي يهيام ادخلي
دخلت هيام وسكرت الباب وراها واتجهت لغرفة حنين وفارس سابقًا وانسدحت وانتثر شعرها ع المفرش الابيض وكان ايهم نايم جنبها قربت منه وكانت ريحة العود تفوح من ايهم واستغربت هيام وقالت : معقوولة !
تقدمت لأيهم وفتحت هندوله ( سريره اللي يكون البيبي فيه دايم ) وانتشرت ريحة الرعد علطول ابتسمت بضيق وقالت : حضنت هيمي وتركت هيامك ؟
حطت راسها قريب من ايهم وغمضت عيونها ومن ريحة العود كانت تحس بالرعد حولها ..
............................................
يوم السبت الصباح الساعة ٩
الكل كان مستنفر في بيت ابو محمد
ام محمد : حنين يبنتي شوفي هيام م صحت فصحيها
حنين وهي تنزل الاغراض استغربت وقالت : ابشري يجدة بس وش تسوي هيام هنا ؟
ام محمد وهي مشغولة : يحنين مدري روحي وصحيها
مشت حنين مع الدرج وطالعت فالبيت وكان الكل يشتغل لغداء لين الذيب ابتسمت وقالت بنفسها ( اشتقت للأجواء ذي ) تقدمت لغرفتها القديمة وفتحت الباب وشافت ايهم فاتح عيونه ويتحرك ويسولف بهدوء وبصوته الطفولي ابتسمت بحب وقالت : حبييب عمته اللي صاحي وامه ساحبة عليه ونايمة
تقدمت حنين وسحبت ايهم وفزت هيام برعب وقالت حنين : بسسم الله عليتتس !
هيام غطت وجهها بيدينها وقالت : هلا حنين
حنين وايهم بحضنها ابتسمت وقالت : الغداء بعد شوي وبعدين وراتس نايمة هنا وم انتي في بيتتس ؟
هيام رجعت شعرها ع ورا وقالت : البركة في اخوتس الزعل ذبحه ولعاد يبي شوفي
حنين قطبت وجلست وقالت : بنت وش صاايير بينكم ؟
هيام قامت وهي تفرك وجهها وقالت : مو مهم تمسكين هيمي شوي عشان اتجهز ؟
حنين هزت راسها بنعم ودخلت هيام الحمام وطلعت حنين تستعجل خطواتها وقالت : سلوووم
سلمى توها وصلت وكانت تنزل عبايتها وقالت : ارحبي
حنين تقدمت وقالت : البقى بعديين نسلم روحي لبيت عمي سيف وادخلي غرفة هيام وجيبي لها ملابس كشخة تمام ؟
سلمى تشمرت وقالت : بسس ؟ ازههليي
حنين وهي تطبطب ع ظهر ايهم ابتسمت وقالت : لبى والله عينتس
ركضت سلمى مع الحوش ودخلت مع باب بيت خالها الخلفي وطلعت طيران لغرفة هيام وطلعت من دولابها فستان اسود مخملي ويفتن ابتسمت وقالت : الحيين الاكسسوارات
تقدمت للتسريحة وحصلت اكسسوارات هيام سابقًا وقالت : يحلوها هيومه تخلي كل شيء مكانه كويس ان الخدامات ينظفون الغرف
اخذت لها سلسال ذهبي يطابق اطراف الفستان واخذت لها كعب احمر وحلقان حمراء وخواتم ورجعت ركض لبيت جدها ودخلت وحصلت حنين فالصالة وقالت : ويينها ؟
حنين : بغرفتي فوق
فهمت سلمى وطلعت علطول لهيام ودقت الباب وقالت : هيام ادخل ؟
هيام استغربت وتفشلت ان معندها لبس وقالت : هلا سلومتي ادخلي
دخلت سلمى وقالت : احتزمي ووراتس سلمى وحنين
هيام ارتاحت وقالت : اافف احبببكمم تعاللي ابوستس
تقدمت سلمى وباستها هيام وقالت : وهذي بوستين لتس ولحنيني
سلمى نزلت اغراضها وقالت : يالله تجهزي
طلعت سلمى ولبست هيام وجهزت نفسها وخلصت وتعطرت بعطورات حصلتها ع التسريحة وجففت شعرها وكان طبيعته ناعم وتركته منسدل ع طول ظهرها ونزلت علطول اول م خلصت
بشرى : هيام اهلاً
هيام ابتسمت وقالت : اهليين لين جات ؟
العنود : لا باقي م دقت جدتي ع ذيب اتوقع عشان الذبايح والعيال باقي م جاوو
هيام فهمت وجلست تاكل اي شيء عشان م تدوخ وحصلت تمر وحلا وقهوة واكلت وجلسوا البنات يسولفون وينتظرون لين الذيب ...
................................
فالفندق عند عرساننا
ذيب فتح نص عينه وشاف لين نايمة جنبه وشعرها ع وجهه وكان شعرها الاسود الطويل منتثر ع المخدة ابتسم واستنشق ريحته وقال بصوته الثقييل : ذا صباح الخييير ولا بلاش ؟
لين تحركت وصدت عنه ورجعت تنام لف ذيب للجهة المعاكسة وسحب جواله وكانت الساعة ١٠ الصباح قام ودخل الحمام واخذ دش سريع وطلع ولبس ثوبه وصلى الفجر وسلم وخلص وقال بصوت شبه عالي : لييننيي م ودتس تقومين ؟
لين رفعت راسها وكانت ضايعة فالفراش الكبير ابتسم ذيب وقال : انا كيف بروح للغداء الحين ؟
لين ضحكت وقالت : كم الساعة ؟
ذيب : شيء وتصير ١١
لين بخمول وتعب : مقدر اقوم والسبب انت
ذيب ابتسم وقال بخبث : اجيتس عشان تعرفين تقومين
فزت لين وقالت بألم وتعب : اكرهك
مشت للحمام وقام ذيب ورفع السجادة وجلس ع السرير ينتظر لين تطلع وفعلاً م اخذت لين وقت طويل وطلعت وهي متنشطة بعد الشور وطلت براسها وقالت : ممكن تطلع برا ابي البس
ذيب رفع عينه لها وقال : يحلوتس شفتتس امس وللحين شكلتس براسي يعني افضل لتس تطلعين وتوقفين خجل مني تراني زوجتس وحلالي اشوفتس
لين غطت وجهها بيدينها وقالت : اااف ذييب لييشش تكببرر المواضيييع اطلع وبس !
ذيب احتدت نظرته وقال : وبعدييين ؟
لين وقفت وقالت بنفسها ( طلعت بشرى صادقة اللهم اجرني في مصيبتي ) دخلت وهي متفرقة من ذيب وم كانت ابدًا تتوقع انها ممكن يجيها ذا الشعور فالبدايات !
تقدمت لشنطتها وطلعت لها فستان ثاني يوم وكانت حنين مجهزة معها طلعت كل اغراضها اللي بتحتاجها وطلعت من الغرفة تحت انظار ذيبها اللي قال : ليني وين ؟
مشت لين ودخلت غرفة ثانية وسكرت عليها وكانت فيها تسريحة وسريرين ابتسمت وقالت : يضحك يحسب م بقدر البس بمكان ثاني !؟
لبست وخلصت وتعطرت وتمكيجت ولبست اكسسوارات ذهب تدل انها عروس ومشت وطلعت للحمام وم شافت ذيب فالغرفة ولا فالشقة كاملة ابتسمت بنصر واخذت الاستشوار وصارت تجفف شعرها وانتهت وضبطته وطلعت بعبايتها ونزلت اغراضها فالصالة ومشت وحطت جمر كانت جايبته فعزبة صغيرة ع الفرن وشغلت عليه وشوي وحطته بالمبخرة وحطت بخور وعود وتبخرت ودقت ع ذيب وم رد استغربت وقالت : معقولة زعل ؟
تجاهلت ورفعت جوالها ودقت ع حنين ووصلها صوتها وهي تقول : ارحبي يعروسة الدهر
لين ضحكت وقالت : الله يبقيتس
حنين استغربت اتصالها وقالت : حبيبي متى بتجون ؟
لين : مدري بس بعد شوي
حنين : اوه باقي م جيتوا ؟
لين : لا لا باقي
حنين ابتسمت وقالت : اسمعي قاعدة ارضع ليما شوي وادق
لين ضحكت وقالت : يووننه يحلوتس انتي وليموو
سكرت حنين ونزلت لين جوالها وصارت تتأمل الشقة وفجأة فزت ع صوت انذار وكانت لين تعرفه زييين كان انذار حريق شهقت وقالت : يوييلليي وييين ذيييب !!
صارت تركض بالغرفة ولبست عبايتها وفتحت الباب بس م كان ينفتح انفجعت وقالت : ييمهه شفيييه م يفتح !!
فتحت شنطتها وطلعت جوالها بسرعة عشان تتصل بذيب ودقت عليه وكالعادة م وصلها رد وانفجعت زيادة ودقت ع رعد وعلطول رفع رعد جواله ورد وقال : هلا بصغيرتنا هلا بعروستنا يهل..
قاطعته لين وهي تتنفس بصعوبة اثر الدخان وقالت برعب وهي تصارخ : ياللررععدد تككفففى الحقننييي
رعد فز علطول وقال : ووشش العللممم !!!!!
لين وهي تحاول م تبكي عشان كشختها قالت : ذيب طلع ومدري وين راح واحترق الدور اتوقع مدري مدري جاء انذار وادق عليه وم يرد
رعد رفع ثوبه وطلع يركض ولحقه كاسر وهو يسأل ويقول : وش السالفة يالرعد ؟؟
رعد ركب سيارته وركب كاسر معه وقال : انططقق
رعد بحدة : ليين ليين احترق عندها الفندق وحضرة الشيخ ماهو موجود لكن طبه عندي والله م اخليه !
كاسر انفجع وقال : رعد وشدخل ذيب ابي افهم يمكن الرجال عنده شغلة ؟
رعد صرخ بوجه كاسر وقال : لاتبرر له يوييلك !!
كاسر انصدم وقال : هد انت طيب ان شاءالله انها بخير
وصلوا علطول للفندق وركضوا اثنينهم لأختهم وكان ذيب توه طالع للمصعد بعد م راح للمغسلة يجيب شماغه وانفجع اول ن شاف الناس تركض وتصارخ ذيب ركض للريسبشن وقال : وش فييه ؟
موظف الاستقبال : فيه حريق بالدور ٣٤
توسعت عيونه وقال : اايششش !!!
موظف الاستقبال ترك ذيب وصار يوجه الناس للمخرج وطلع ذيب ركض وهو لا ارض تشيله ولا سماء كان جسد بلا روح وانفجع اول م شاف كاسر ورعد وركض قبلهم ووصل للدور مع السلالم بحكم ان المصاعد تتسكر وقت الحريق ركض وشاف نص الغرف تحترق انفجع وركض وصرخ بأعلى صوته وهو يقول : ليييننيي
لين م كانت تسمع وكانت حابسة نفسها فالحمام وجالسة عند مكان الشور ومسكرة القزاز عليها ومشغلة الموية ومبعدة منه انهار ذيب وهو م غرق عقله الا فكرة فقدانها فز للباب وكسرة وهو كان اضعف بعد النيران دخل ركض وصرخ بأسمها مره ثانية وقال : لييننييي تكفييييين ردددي
ليت سمعته وقالت : ذيييبب
ذيب انهار وركض للينه ودخل وفتح باب الحمام وحضنها بكل قوته وقال : حبيببيي معي معي خلاص
لين برعب كانت شّاده ع ذيبها وقالت برعب : ذييب وييينك رحت !
ذيب لفها بحضنه وطلع فيها ونزل من السلالم وكان يتفحص يدينها وقال : انتي بخيير ؟
لين هزت راسها بنعم وقالت : ايه بخير معليك
قاطع حديثهم رعد وكاسر اللي يركضون وقفوا وقالوا بصوت واحد : لييين ؟!
لين ابتسمت وقالت : هلا بحزامي وسندي
ابتسموا وتقدموا وحضنوها مع بعض وقال ذيب وهو يتراعد : خير وخروا منها
رعد ابعدها وقال بحدة : وين غطست فيه داقه علي البنت مفجوعة وانت مدري وين ديارك !
لين بهدوء قالت : رعد كان..
قاطعها صوته وهو يقول : نقااش رياجيل مالتس فيه دخل !
وانت انطقق
كاسر حضن لين وهمس لها وقال : اسكتي معليتس م بيسوي له شيء
لين حاوطته وقالت : تمام
ذيب قدر خوف رعد وقال : كنت فالمغسلة اغسل شماغي واكويه ولا دريت وجوالي طافي
كاسر تكلم يبي يخفي التوتر : خلاص يرجال الغداء لا نخلي الاهل ينتظرون
رعد : يالذيب لا تنعاد
ذيب ابتسم وقال : ان شاءالله م تنعاد والله انها فالحفظ والصون
تقدم ذيب ومسك يد لين ونزلوا كلهم متجهين لبيوت اهل قاضي ..
" في بيوت اهل قاضي "
محمد برعب : ذياب العيال وين راحوا ؟
ذياب : مدري مدري
محمد : ان شاءالله خييير
دخلوا للمجلس وقابلوا ابو هيام
ابو هيام بحدة : محمد وين رعد ؟ وليش هيام نامت عند امي ؟!
محمد مسح شنبه وقال بنفسه ( والله البلشة صدق ! ) ورد علطول وقال : مدري عن شيء اذا جاك اسأله
ابو هيام دخل وهو يفور وينتظر الرعد يشرف
حمد وسامي دخلوا وقالوا : سلام يرجال
محمد وذياب لفوا وقالوا : عليكم السلام
وشوي ودخلوا ضاري وزايد وابو ضاري وسلموا وقعدوا وكانت عين ضاري وابوه عبدالله ع سامي كل م قام وكل م قعد تحت صدمة ذياب وهو يقول بنفسه ( يالله يارب ان بياني من نصيبي يالله لاتبعدها من عيني وقلبي اللي عشقها وشافها كل اهله )
" كان ذياب فاقد حنان انه بحكم انه كبر في يد ابوه اللي م كان ابدًا يهتم فيه وكانت زوجة ابوه اسوء واخس من ابوه واول م شاف بيان وهو يبيها له وتعوضه كل شيء فقده في حياته كان متوجع لأنه اول مره يجرب شعور الحب كان يتمناها اكثر من اي شيء بدنيته "
وكانوا الرجال كلهم فالمجلس وجلسوا ينتظرون ذيب ولين يجون ..
" عند الحريم "
حنين : هيام افطرتي ؟
هيام ابتسمت وقالت : ايه هو م يسمى فطور لكن اكلت
حنين جلست وشوي ودخلت لين وقالت : هاااااي وحشتكم صح ؟
البنات والامهات والحريم كلهم قاموا وبدؤا يسلمون وبدت الهدايا والمعونات تمتد للين اللي قدرت ترد البعض وتقولهم : والله م اخذها وم قصرتوا والله
والبعض اخذتها غصب عنها وهي تشكرهم انتهت وجلست وقالت : وعد وحشتيني
وعد ابتسمت وقالت : اف اكثر يروحي
هيام : واحنا ان شاءالله مالنا رب ؟
ضحكت لين وقالت : انتي بالذات اشتتتققتت لتس
ابتسمت هيام وبدؤا يسولفون ويضحكون والقهوة رايحة جاية
سلمى بتمعن : لين وشفيتس ترجفين ؟
لين عدلت جلستها وقالت : اووه بقولكم وش صار اخ يبنات رعب
حكت لهم لين كل شيء وكل اللي صار لها فالفندق وفزت حنين وحضنتها بقوة وقالت : يمه حمدلله اخواني جاو عندتس اف يمه صدق والحمدلله ع سلامتتس يعيون اختتس
لين حاوطتها وقالت : الله يسلمتس
هيام بهدوء قالت : الحمدلله ع سلامتتس لين بس بسألتس رعد وينه ؟
لين ابتسمت وقالت : الله يسلمتس برا والله
هيام قامت وهي ناويته وخلاص يا يتعدل ولا بتنسحب..
" عند الرجال "
دخلوا ذيب ورعد وكاسر وقالوا بصوت واحد : سلام عليكم
فارس فز وقال : ارحبوا يرجال
رعد ابتسم وقال : الله يبقيييك يالشييييخ
تقدموا وسلموا وخلصوا وجلسوا
ابو هيام قام بعصبية وقال : يالرعد
رعد لف له وهو ينزل جواله ومسبحته ع الطاولة اللي قدامه : لبيه يعم ؟
ابو هيام اشر له يطلع معه واخذ رعد فنجاله عشان م يبرد وقام لعمه تحت انظار الرجال كلهم
رعد شرب من فنجاله وقال : هلا امرني ؟
ابو هيام بحدة : هيام ليه نامت في بيت جدتها ؟
رعد كان متوقع اصلاً ان ذا السبب اللي خلا عمه يناديه وقال بجدية : بيني وبينها انتهى
مشى رعد وفز ع صوتها وهي تقول : يالرعد
رعد لف لها وقال : هلا ؟
هيام كانت فاتحة نص الباب واشرت له وقال : تعال
تقدم رعد ودخل المقلط وسكر الباب وراه وقال : خير ؟
هيام رجعت شعرها ورا كتوفها وقالت : خير ؟
رعد كان يتأمل لبسها الاسود واللي احتضن جسمها بكل جراءة قدام الرعد وقال بحدة : م يستحي ع وجهه !
هيام قطبت وقالت : ايش ؟
رعد تقدم وحاوط خصرها وشّدها عليه وقال بهمس تخدرت مسامع هيامه فيه : فستانتس ليه يشّد عليتس كذا قدامي ؟ باقي م عرف اني احترق غيرة !
هيام كانت ترجف من جمال لمسات رعد لها وقالت بصوتها الانثوي الطاغي : وانت يالرعد قويت تتركني وتروح تنام بعيد عني
رعد ابتسم وتركها وقال : وللحين م رضيت ترا
هيام زفرت بملل وقالت : الى متى ؟
رعد تكتف وقال : الى متى ايش ؟
هيام تخصرت تقلده وقالت : الى متى الزعل !
رعد تقدم يبي يشوف هل هيام بترجع زي عادتها بس كانت هيام واقفة ومتخصرة قدامه ابتسم وقال : الى متى حتى اشوفتس م تخافين مني وترجعين بخطواتتس ورا
هيام : وانا رجعت الحين ؟
رعد : لا بس بترجعين
هيام استغربت وقالت : اسمع انا مليت ي نتصالح ي كل واحد يروح بطريق وانا برجع لأهلي
رعد تقدم وقطع المسافة بينهم ورجعت هيام ورا وقال : اوهو اظن اننا مطولين ؟
هيام : رجعت عشاني اتكلم بجدية وم ابيك تشوش تفكيري فيك !
رعد تقدم قاطع المسافة بينهم وحاوطت هيام رقبته ورفعت نفسها وكان الكعب يساعدها وحطت خشمها ع خشمه وقالت : احبك
رعد حاوط خصرها وشّدها عليه وقال بصوته الثقييل : ادري
هيام لفت بوجهها وباست طرف شنبه وقالت : الثقة اللي بمحلها
رعد تركها وقال : علم فيني روجتس ؟
هيام ابتسمت وقالت : لا ليه تبيه يعلم
رعد ابتسم ع جنب وانهبلت هيام فيه لف وطلع وقال : ادخلي داخل يمره
هيام : مستخسر تقول اسمي ؟
سكر رعد الباب ودخل وجلس محله وكانت نظرات عمه سيف م تطمن ابدًا بس تجاهله رعد وهو يبي يعلم هيام م تخاف منه وبدت فعلاً تحبه وتتجرأ عليه وتجاريه وهو مبسوط بس م يبي يوضح لها ابد
" بعد ساعة "
زايد وضاري دخلوا للحريم وهم يقولون : يوولدد طريييق
سلمى وبشرى والعنود وبيان وقفوا ودخلوا اخوانهم
جيهان همست : زايد
زايد لف لها بهدوء وقال : نعم ؟
جيهان : متى بنروح الشرقية ؟
زايد قرب وقال : خلاص بعدين بكلمتس واقولتس
جيهان زفرت بملل وقالت : طيب
وجيهان كملت سنة مع زايد ولا هو راضي يعطيها حبه ع انها حامل بولده ووصلت للشهر التاسع لكن م كان من زايد اي اندفاع او حب ابدًا ..
ضاري : بيان
بيان تجاهلته وقالت : بنات ذيب جاء
فزوا خوات ذيب له وبدت الاحضان والسلام والبوسات تجي
لين من بعيد وهي متقصده تقلده : وخروا منه
ابتسم ذيب وقال : جعلني قبلها يعرب
سلمى ضربت كتفه بخفه وقالت : يخفيييفف !
ضحكوا البنات وقالت العنود : خطاكم الشر يالذيب
ذيب توقع ان لين مستحيل تسكت وبتقولهم اللي صار وقال : خطاتس اللاش يروحه
سلمى وبيان وبشرى بصوت واحد قالوا : خطاكم الشر
ذيب ابتسم وقالت : خطاااااكم اللااش نفداكم
زايد وهو شايل الصحن : بنات ابعدوا !
رجعوا البنات وطلع زايد بالصحن وقالت سلمى بصوت هامس : اخوي اللي مدري وش وراه ومدري ليه منغلق ولا ندري عنه شيء واحد بس !
ذيب ابتسم وقال : هو كذا معكم يالجنس اللطيف ولا تراه ملعون صلايب
ضاري بحدة : من صلايبك يالكلب ؟
ضحكوا البنات وقال ذيب وهو يحك راسه : يووه استغفرالله
طلع ذيب مع ضاري ووزعوا الغداء ودخلوا الرجال والحريم ع صحونهم وكل الطرفين بغرف مختلفة
" وراء حوش ابو محمد "
بيان وثريا تسحبها وتقول : عمو يبيتس عمو
بيان قطبت وقالت : من عمو ؟
ثريا اشرت بيدها ورفعت بيان عيونها لذياب اللي كان تاكي ومعطيها ظهره وقال بصوته الرخّيم : بياني ؟
بيان برعب : وش تبي ! وبعدين وش ياء الملكية ذي !
ذياب ابتسم وقال : من حقي والله واللي يشوفتس يقدر يخليتس لغيره ؟
بيان بجدية : ذياب اسمع العلم انا م ابي اخوك الرخمة ذاك تعبتوني !
ذياب : افا افا من مزعل الحلوة ؟
بيان بدون م تحس ع نفسها حكت لذياب كل شيء وانهت كلامها وهي تقول : وضاري يبي يزوجني سامي وانا م ابيه بيجبرنيي علييه مستوعب !
ذياب كان وده يناظر فيها ويحضنها ويطمنها ويقول لها انها له وهو اللي بياخذها بس كان بنفس الوقت عارف ان بيان مصدومة ومرعوبة ولا تبي احد منهم تفهم وقال : وانتي بتوافقين ؟
بيان بحدة : ذياااب غصصب عني !!
ذياب بحدة : اعنبوتس لا توافقين وتاخذين بزر حتى وظيفة وبيت م عنده وتضيعين معه ! انا ابيتس وشاريتس والله م ياخذتس غيري
بيان برعب قالت : انت تحبني ؟ يعني سامي كان صادق !!
ذياب بحب قال : ايه احبتس واشوفتس اهلي وطوايفي واشوفتس امي واختي وحبيبتي وصديقتي واشوفتس دنيتي كلها
بيان تكلمت بعقلانية وقالت : اجل تقدم قبل سامي وورني الحب ذا !
" طلعت وهي ترجف وجزء منها نادم وجزء يقول انها خلاص خربانة اقلها تخرب مع واحد عارف فالحياة ومتمرس وعنده بيت وسيارة ووظيفة شايلته احسن من واحد اصغر منها بأشهر ولا يدري عن الحياة وبس حب مراهقة لا اقل ولا اكثر "
ذياب اتجهة للمجلس وقال بصوت عالي : دامكم كلكم متجمعين انا اتقدم لأخر عنقود بيت عمي عبدالله وابي بنتك بيان ع سنة الله ورسوله
سامي فز برعب وفزوا العيال معه بفخر وقالوا : وانت رجال وتستاهل ، تستاهل ، ابشر بعزك ، وجاتك بيان
ابو ضاري انفجع وقال : والله انها الساعة المباركة ولكن بيان لولد خالتها
ذياب شّد ع سبحته وقال : وانا مني ؟
ضاري بحدة : نقصد سامي
سامي انفجع وقلبه بدأ يدق وقال : انا ؟
ابو ضاري ابتسم وقال : اييه ولكن اذا تتنازل
رعد بحدة : وش يتنازل يعم ! سامي مع احترامي له باقي صغييير ولا عنده شيء يقومه ويساعده حتى جامعة تووه بدأها !
ابو رعد بحدة : والرعد صادق
ابو ضاري بعصبية قال : انا اعرف لبنتي اكثر منكم وبيملك ويكمل دراسته ويرجع بعد سنوات ويتزوجها !
كاسر : يعمي وذياب م ينقصه شيء ولا يهون علينا سامي ليه ترده كذا ؟
ضاري : خلاص عاد البنت لسامي انتهى نقاشنا
جلس رعد واشر للعيال يجلسون وقال ذياب بصوت مهزوز يعمس وقفته وثباته : اخر كلامك يعمي معاد لي من اهلي الا انتوا ولا قد طلبتكم شيء وعايش ع راتبي اللي اخذته بعد شق الانفس وكملت طريقي وسندت نفسي ع نفسي ولا جيت وشكيت من تربية ابوي اللي رماني وانا صغير وامي تزوجت غير ابوي وتركتني لحالي و ع تربية زوجة ابوي وكلام واجد بالخاطر لكني سكت وجيتك وانا شفت في بيان الحب والاحترام والعشرة وحسيت انها الانثى اللي بتكمل الجزء اللي كان ولا زال ناقص بحياتي !
ابو ضاري اهتز من كلامه وقال : والله يولدي مدري وش اقولك لكن هالمرة برجع لرأي البنت وبشوف وش تشوفك
ذياب ابتسم وقال : انتظرك وعساك م تلوي ذراعي فيها
جلس ذياب جنب كاسر وذيب اللي شّدوا عليه وقال ذيب : الله يتمم ع خيير وليتك يولد خالتي اول م شّدت الدنيا عليك لفيت وجيت عندنا والله م نقصر معك
كاسر بجدية : وذيب صادق يولد العمة !
ذياب ابتسم وقال : م تقصرون نفداكم
سكتوا وقام سامي وطلع وقام حمد يبي يلحقه بس وقفه رعد وقال : خله شوي وبيرجع وبعدين انت تعال تحسب م قالي فارس انك بتاخذ اخت هادي
حمد ابتسم وقال : اييه الليلة بملك واتزوجها واخذها وترا قلنا انها حفلة وعشاء بسيط واتفقنا
ابو رعد ابتسم وقال : الله يتمم وابشر بنجي معك يولدنا
ابو هيام : تستاهل كل خيير يولدي
حمد ابتسم وجلس وقال : تستاهلون الطيب ي اهلي
" عند الحريم "
بعد الغداء اغلب الحضور راحوا وم بقى الا اهل قاضي وخالات رعد
شوق ابتسمت وقالت : زواجي بعد اسبوعين من الان
هيام توسعت عيونها وقالت : مسرع !
ضحكت شوق وقالت : هييااام
بشرى ضحكت وقالت : وهي صادقة توو خلصنا حوسة لين وذيبها
لين فزت وقالت : كنت بلعن شكلتس لكن بعد ذيبها ضعت
البنات ضحكوا ع رد لين وقالت وعد : وازيدكم من الشعر بيت حمد بيعرس الليلة
هيام بحدة : ااايششش !!!!
وعد بفرحة له : والله بياخذ غدي اخت هادي
حنين ابتسمت وقالت : ماشاءالله والله وغدي تستاهل
سلمى : واو صدق شلون بيعرس ؟
شوق : عشانه بيملك وياخذها بدون زواج يعني حفلة وعشاء الليلة بس
العنود : الله يتمم اجل
صالحة وجميلة بنفس الوقت قالوا : يحظها
طالعوا ببعض وقالت صالحة : جمييلة خيير !
جميلة بحدة : انتي اللي خييير كنت احب حمد
هيام ناظرتهم وقالت : وانتوا متى بتفارقوننا ؟
جميلة : اييش يعيون امتس ؟
صالحة بحدة : وشدخلتس ؟
هيام ضحكت وقالت : لا بس عنستوا
سلمى : اسكتي تكفين الحديث معهم ذنب ع الفاضي
هيام : صادقة
صالحة وجميلة قاموا وراحوا لأمهم وقامت ام سلطان وقالت : هيام خيير وش الكلام ذا لبنات عمتتس ؟
هيام ابتسمت وقالت لسلمى بهمس : يويلي باقي يشكون لها !
سلمى بحدة : تستاهلين كان سكتي !
هيام بوجه بريء قالت : م فيه شيء ولا قلت لهم شيء ؟
ام رعد : لمياء اجلسي واتركي البنات منتس
جلست ام سلطان ورجعوا صالحة وجميلة وقالت هيام تبي تغيظهم : للحين تشتكين لأمتس انتي وياها بزران ؟
صالحة وجميلة كانوا يناظرونها بقهر وصدوا عنها
العنود بفرحة : اوكي شوفوا كنت انتظر يثبت بس مقدر انا حامل
سلمى فزت وصرخت بفرحة وقالت : ووااااااه الحمدلله يااااربي
فزوا البنات معهم وحضنوها وصاروا يباركون لها وقالت : بس اسكتوا انا بقوق لسالم بعدين
بشرى ابتسمت وقالت وعيونها تدمع : اخ يالفرررحة الحمدلله ابشري ابشري
صالحة دقت ع سالم قدامهم وقالت : العقيمة طلعت حامل ؟ اوه شكلك م تدري
سالم قطب وقال : وش تقولين انتي ؟
العنود تلاشت فرحتها وهي تسمع صوت سالم ونظرة صالحة المستفزة لها
صالحة ضحكت بتصنع وقالت : العنود العقيم حامل يعني بتصير اب يحمار
سالم فز وقال : صالحة من جدتس !!!
صالحة سكرت في وجهه وقالت : يع صدق
جلست وقالت جميلة بأستحقار : حرام عليتس حرمتيها المفاجاة !
ضحكت صالحة وانفجرت جميلة معها وكانوا يناظرون العنود اللي قالت بنفسها ( يارب ثبت حملي وبشرني بطفلي ورد كيد صالحة وجميلة في نحورهم يارب )
سلمى بحدة : يبجييييحة م يضحك يمريضة !!!
هيام بقرف : وع صدق همجيياااات رجعيياات متخلفاات !
لين كانت حاضنه العنود وقالت : الله ياخذكم !
العنود فزت ع صوت سالم وركضت له وعلطول حضنها بكل قوته وقال : روح سالم بتجيب له روح ؟
العنود ابتسمت ونزلت دموعها بحرقة وقالت : كنت بقولك وافاجئك بس خربت علي ص..
قاطعها مبسم سالم اللي باسها بكل حب وقال : عنوودي مو مهم اسحبي انت الاهم واللي ببطنتس يعساه يتم ع خير واشوفه يروح سالم
ضحكت العنود وقالت : يعساني م انحرم منك
سالم ابتسم وقال : ولا منتس يالدنياا
دخلت العنود وطلع سالم لمجلس الرجال وبشرهم والكل صاروا يباركون ويدعون لهم بفرحة عظيمة عكس نظرات ابوه المخيبة للأمال بس فرحة اهله نسته كل شيء...
::::::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( البارت اغلبكم قرأها لكن انحذف ورجعته استمتعوا 😢 )