يهزمني الحُب وانا جاهل بدرب المُحبين

البارت التاسع والاربعين

مشى متجهة لبيته وباقي شكل لين وانحناءات جسمها في عقله وانهلك ذيب ليلتها ونام بتعب وهو يحلم ب لين الذيب ...
" عند لين "
جلست بصعوبة ع سريرها وهي ترجف وتتنفس بصعوبة وقالت بهمس : يممه ييوييل حااالي صدق والطول والعرض والجسم وقسم بالله لو لا خوفي من ربي وانه م يحل لي كان حضنته قلبي يدق بقوة كييف دخل ووصل للجناح حقي انا شفت ذيب توو ولا حلم !!
كانت لين مفجوعة صدق من شكل ذيب اللي شلع قلبها وتله من اقصاه وهو م هو شيء جديد ع ذيب اللي كان مستحل كل شيء عند لين وصرخت بفشلة وقالت : ياااارب م راح لمكتبي وصارت تركض له وشافت كل شيء بمكانه وكانت لين رسامة بس محد يعرف هالموهبة ابدًا الا رعد اللي طاح عليها مره وهي ترسم وخوفها كان انها راسمة ذيب ببدلة العسكرية اللي م عمرها شافت ذيب فيها واول م سنحت لها الفرصة كانت اقوى فرصة وفرصة مستحيل لين تنساها كان ذيب لابس بدلته بغرفتها !
لين ابتسمت وهي تلامس الرسمة بأطراف اصابعها وقالت بحب ووله : يالله قد ايش كان عريض واكبر مني بمراحل وقسم بالله انه رجال وحرام في وحده غيري اف يارب اشتقت له من الحين م اصدق كيف الحياة قاسية م اصدق اني طردت الشخص اللي م ابيه يختفي من قدامي ابدًا !
لفت وهي خلاص اذا تعبت من واقعها تحب احلامها ومشت ودعست طرف شيء وصرخت بفجعة وناظرت وكانت احدى شارات بدلة ذيب وبوكيت دخانه ع الارض نزلت لين واخذتها ووقفت وحطتها ع السرير وقالت بحب : حتى اغراضه طاحت منه واستقرت بغرفتي اااه ي ذيب ليّنك متى تتشابك يدي بيدك
فتحت دولابها وحطت اغراضه فيها ورجعت ولفت ونامت وهي تحلم بحبيب قلبها اللي اتعب كل شيء فيها ..
....................
في بيت رعد
دخل رعد البيت وهو مكسور من كل ناحية كان فعلاً محطم ومد يده لجواله واخذه ودق ع رقم " هّيام الرعَد " ووصله ردها بعد ثواني
هيام بنعاس : رعد ؟
رعد ابتسم بحب وقال : عييون الرعد وروحه
هيام قامت من سريرها واتجهت للشرفة وفتحتها وكانت مطلة ع البحر والجو لطيف وقالت بهدوء : رعد تسمعني ؟
رعد قطب : ايه اسمعتس انتي تسمعيني ؟
هيام جلست ع كرسي صغير وقالت : ايه يروحي اسمعك
رعد بعتب واضح : مدام اني روحتس وراتس خليتيني ورحتي ؟
هيام ضحكت وقالت : يخي وش اسوي مقدر اثني كلمة ابوي
رعد : هيام اذا بدينا بالطريق ذا ترا نهايتها طلاق !
هيام : شقصدك بالطريق ؟
رعد بحدة : انتي ع ذمتي ولا ذمة ابوتس ؟
هيام : ع ذمتك انت
رعد : طيب خلاص الرأي يكون لي ولا لأبوتس ؟
هيام كانت تجاوب بعقلانية وقالت : انت برضو
رعد : ومن له الأحقية فيتس انا ولا هو ؟
هيام : والله انت بس م فهمت وش الاسئلة المبهمة ذي ؟؟
رعد : انتي وين ؟
هيام بتوتر : مقدر اقولك
رعد توسعت عيونه وقال : تستهبلين صح ؟
هيام : لا والله مقدر اقولك ابوي يقول لا تعلمون احد
رعد بحدة : هيام اغراضتس ليه اخذتيها كلها وشو له والله لو انتس بتسافرين قرن م احتجتي لأغراضتس ذي كلها
هيام : هذا الشيء اللي صدمني اصلاً ابوي قاله وسويته بدون م يعلمني ليه
رعد انفجر عصبية وقال : لأنتس دبششة واضح انه يبي ياخذتس بعييد مني وتولدين وبعدها يخليتس تخلعييني !
هيام انصدمت وقالت : لا يممه مستحييل ابوي يسويها !!
رعد بنفس النبرة : هيامي استوعبي ع نفستس من اللي خلاني اطلقتس وكنتي شوي وتتزوجين سعيد ميين ؟
هيام برعب : ابوي
رعد : اييوه هذا اللي ابيتس توصلينه الحين وقتها انا قدرت العب ع عمي وطلقتس طلقة وحدة انتي وش بتسوين وانتي انثى وممكن وقتها تكونين والد ونفسيتس تعبانة
هيام استوعبت كل شيء في وقت متأخر جدًا وقالت بهدوء : وش اسوي طيب
رعد : وينتس فيه ؟
هيام كانت خايفة رعد يجي ويشوفها ابوها ويعرف انها خذلته وكسرت كلمته وبنفس الوقت خايفة من ابوها وانه فعلاً ممكن يسوي الكلام اللي رعد قاله وقاطع تفكيرها رعد وهو يقول : هيامي لتس معي سنة وزيادة وللحين م وثقتي فيني ؟
هيام بصدمة : لا لا لا والله م اقصد اني م اثق فيك
رعد : تكلمي طيب تراتس زوجتي يعني وتراتس حامل بولدي !
هيام : رعد ابوي قالنا بنجلس شهر ونص هنا
رعد توسعت عيونه وقال : ششهرييين !!!
هيام بهمس : ايه فيه صوت دقيقة بس
رعد : تعاالي رجلتس انا وش تخافيين له !
هيام بدون سابق انذار سكرت المكالمة بوجه رعد اللي انصب عليه زي الحمم كان يغلي ويفور عصبية ورمى جواله بكل قوته الارض وطاح متكسر وصرخ بأعلى صوته وهو حس ان روح رعد القديمة رجعت تستحوذ عليه وهو يقول : اننتتيي تبيينهاا منن الله وانتتي اشتتقتتي لرععد القددييم لككنن ابششرري ببه !!!
انتهى من كلامه ورجع جمود رعد وبروده وعصبيته واطباعه القديمة رجع رعد القديم بعد تعب سنة ع نفسه يكون لطيف وحبيب لهيامه !!
.......................
فالصباح في بيت ابو ضاري
ضاري دخل البيت ومعه فطور : ياهل البيت الفطورر
بشرى دخلت ومعها لميس : لمسيو قولي صباح الخير لخالو ضاري
ضاري ابتسم : هاتيها افديها
شالها ضاري وجلسوا ع السفرة وقال : غريبة انتس هنا ؟
بشرى : مدري يخوي محمد نزلني امس وقفل جواله ومدري وينه
ضاري ابتسم : شكل خالي سيف نواهم كلهم حتى بنته خذاها من عند رعد
بشرى بصدمة توسعت عيونها وقالت : اسألك بالله !
ضاري : ورب العزة المهم وين امي وابوي ؟
بشرى : صحيت الصبح وشفتهم طالعين للجمعية
ضاري هز راسه وقال : ومن فالبيت غيرتس ؟
بشرى : خولة زوجتك وعيالك وانا وبيان وذيب
ضاري بصدمة : ذيب موجود !!
بشرى : ايه بغرفته اتوقع يعني
ضاري ابتسم وقال : خووولة الفطوور
نزلت خولة ومعها بناتها وولدها وقالت : جينا جينا
ضاري : يالله حييهم
جلسوا حول السفرة وصرخ ضاري بأعلى صوته : ذيييببب
ذيب تحرك بهدوء وقال بصوت ناعس : همممم
ضاري بحدة وازعاج وقلق : يااللذيييبب
ذيب بقرف : هاااه
ضاري تظاهر انه م يسمع وصرخ من جديد : ذيييبب ووجع !
ذيب فز وقال : ولععننهه ي ضااارري شتتبيي يخووي !
ضاري ابتسم وقال : استغفر ربك احد يبدأ صباحه بلعن !
ذيب : اييه الله يلعنك ويلعن اللي يصبح ع صوتك يشيخ اااه انا ويني ووين ليني بس
رجع ذيب يحط راسه ع المخدة بعد م حظى بأجمل حلم كان يتمنى م يصحى منه وخصوصًا ع صراخ ضاري
مشى ضاري وطلع الدرج تحت ضحك البنات واستوقفته بيان وهي تقول : يالله صباح خير لاتروح له وترش عليه موية ترا الموت اهون عند ذيب من الحركة ذي وبعدين ناسي ان ذيب اطول واعرض منك يدق وجهك للمعلومية
ضاري ابتسم : خلصتي ؟
بيان ضحكت : بككييففك اللهم بلغت اللهم فأشهد
نزلت بيان للبنات وقالت : الله ام لميسس عندننا
بشرى ابتسمت وقالت : يعييونها
جلست بيان واخذت لميس بحضنها والكل كان ينتظر لحظة صراخ ذيب
دخل ضاري الغرفة وصفق الباب بالجدار وسمع صوت ذيب وهو يقول : وجع وكسسر
كان فاتح الباب بكل قوته وشغل كل لمبة حصل الزر حقها وطفى المكيف ومشى للشباك وفتحه وبعد الستاير ودخل للحمام واخذ بيده موية وطلع لذيب وانصعق ذيب اول م حس بالموية ع وجهه وداخل اذنه وقام وجنون الارض متجمعين فوق راسه وقال بصراخ : خخيييرر يببووي جاااي تمااارس دوور الاب عليي !!!
ضاري كان يضحك بأستفزاز ويكمل يرش عليه وهو يقول : قم والعن الشيطان اللي راكبك
ذيب مسح وجهه وقال : ضاري اذا م تبي السلامة رش علي مره ثانية
ضاري كان يحسب ان ذيب م بيقدر عليه ورش موية بكل برود وهو يضحك ضحكته المستفزة وم حس الا بذيب اللي مشى له وضربه ع جنبه وطاح ضاري بطوله ع الارض وقال : اااااه ييككلبب
فزوا البنات كلهم ع صرخة ضاري ونست خولة انها تتغطى من ذيب ودخلوا كلهم وصرخ ذيب وهو يقول : يووولددد
خولة فزت ورا بشرى اللي طاحت تضحك ع اشكالهم
بشرى وسط دموعها : اغبياء انتوا ؟
ذيب بحسرة : انكتمي لا اكمل عليتس !
بشرى : اف اف وش عنده ذيب ؟
ضاري وقف وضرب ذيب ع ظهره بكل قوته وصرخ ذيب وهو يقول : يحييووااننن
ضاري : احسن تستاهل هذا جزاتي اصحيك للفطور
بيان طلعت خولة ورجعت لهم وهي تقول بضحك : ذيب لين تحت ترا وهي اللي جابت الفطور
ذيب توسعت عيونه وقال : لييننيي ؟؟؟
ضاري ضحك وكمل مع بيان وضاري م يكذب اصلاً بس اضطر عشان ينتقم من ذيب وقال : ايه لينك
ذيب كان واقف وقلبه يدق بقوة وقال : هي تحت ؟؟
بشرى ابتسمت وقالت : ايه امش فضحتنا بتكنسلك البنت
الكل م كان حاسب حساب لذيب ولتفكيره اللي راح لفخوذ لين وخصرها وجسمها امس وكان يتعرق ومصدوم وقال بحدة : انزل ؟
بشرى شكت فيه وقالت : ترا يكذبون عليك مستحيل تجي غبي انت وبعدين شفيك اختبصت !
ذيب غطى وجهه وقال بحدة : اطلعي برا
طلعت بشرى وهي مصدومة من تقلب ذيب وقالت بنفسها ( معقولة كل ذا حب للين ! )
اما ذيب شاف الساعة وكانت ١١ الظهر وباقي ع الصلاة وقت قصير وقال : يالله يارب اني طالبك انك تقرب مني بنت عشقتها ولعبت ببموازيني يالله لاتحرمني منها قال كلامه وطار للحمام يتوضى وصلى الظهر ع وقته ورجع ينام بهدوء
...................
في بيت رعد
صحى رعد بكل جمود وبكل حدة واتجهة للحمام واخذ شور سريع وطلع عدة الحلاقة حقته بحكم ان رعد يعرف يحلق نفسه وتقدم للمراية وحط الرغوة ع وجهه وحلق لحيته ورجع رعد بالشنب مثل عوايده سابقًا قبل تدخل هيامه حياته وغسل وجهه وحط كريم بعد الحلاقة وطلع للغرفة وطلع بدلته ولبسها واتجهة للتسريحة اللي كانت خالية من اي شيء يخص هيام وهذا اللي زاد عصبية وجمود رعد اللي تعطر وفتح الدرج وطلع الشارات ولبسها وحدة ورا الثانية ولبس البريهيه العسكرية ع راسه واللي برزت الشارة وطلع سلاحه ولبسه وطلع رعد من بيته بكل ثبوت وهيبة ورفع جواله وشاف اتصالات هيام فيه وقرب الجوال لأذنه اول م دق عليها ووصله صوتها وهي تقول : اخخيييرًا !
رعد : نعم ؟
هيام انصدمت وقالت : رعد الناس تسلم وتصبح بالخير وانت تقول نعم ؟!
رعد بصوته الرخّيم قال : عندي اجتماع مقدر اتكلم
هيام : طيب اسمعني بقولك شيء
رعد ثبت جواله ع اذنه وبين كتفه وفتح سيارته وركبها وشغلها وقال : تكلمي اسمعتس
هيام شكت بصمت رعد وقالت : زعلان ؟
رعد ضحك وقال : مين انا ؟
هيام : ايه انت وشفيك تضحك !
رعد : هذا موضوعتس ؟
هيام بحدة : ررععدد
رعد انفجر عصبية وقال : خييير ترفعييين صوتتس !!
هيام فكرت تجيب راسه وقالت بصوتها الانثوي اللي كان مليان غنج ودلع : احبك ي رعد هيامك وحشتني مره
رعد م ينكر انه تحرك داخله شيء بس كانت شخصية رعد القديمة ماكله اغلب تفكيره وقال بهدوء : تسلمين والله يخليتس لأهلتس معسلامة
قال كلامه وسكر بدون اي رد ثاني تحت صدمة هيام اللي مسكت قلبها وقالت : يمه ليه احس اني رجعت لنقطة البداية !!
وكان احساس هيام بمحله رجع رعد القديم اللي الكل يهابه واللي الكل مستحيل يمزحون معه ..
.....................
في بيت ابو محمد
ابو محمد وهو يكلم ولده : اليوم ؟
ابو رعد : ايه يبه اليوم
ابو محمد : حسافة ان سيف ماهو معنا
ابو رعد ابتسم : يالله خيرها بغيرها تبي نأجلها ؟
ابو محمد : قد قلت لأحد غيري عن المخيم ؟
ابو رعد : لا انت اول واحد
ابو محمد ابتسم : خلاص اجله بعدين اذا رجع سيف
ابو رعد : ابشر
سكر ابو محمد واتجهة للصالة وشاف حنين جالسة بهدوء وقال : حنونه
حنين فزت وابتسمت لجدها وقامت وباست راسه وقالت : عيونها
ابو محمد : متى بتطلعين انتي والفارس لبيتكم ؟
حنين بمزح : افا يجد طردة ؟
ابو محمد : شكلتس مشتهية تنضربين مع ذا الصبح !
حنين ضحكت وباست ركبته وقالت : امزح معك مدري والله متى م جهز طلعنا
ابو محمد همس لها : فارس ناقصه شيء ؟
حنين هزت راسها بنفي وقالت : لا لا سلاامتك والله
ابو محمد : ايه ازين
حنين : اجل انا استأذن
طلعت حنين وانسدح الجد قاضي ع الكنب وشوي ونام
....................
في بيت منصور
صحت سلمى من النوم وشهقت وقالت : ييووييلليي سوييينااهاا !!
ولفت يمين ويسار وم كان لمنصور اثر واتجهت للحمام طيران واخذت دش يجدد طاقتها وطلعت ولبست وتعطرت وصلت وخلصت ونزلت للدور الاول اللي كان فاضي واتجهت للمطبخ وطبخت لها فطورها وجلست ع الكنب وشغلت التلفزيون وقالت : معقولة داوم ؟
ورفعت عيونها للساعة اللي ع الجدار وكانت ١٢ ونص وقالت وهي تضحك : اووه وشوي ويرجع
افطرت سلمى واخذت جوالها وانفجعت من اتصالات هيام لها ودقت عليها علطول ووصلها صوت هيام وهي تقول : سللمى وججعع م بغغييتتي !!
سلمى ضحكت : تكفيين سويناها اكيد بينهد حيلي
هيام مسكت وجهها وصرخت : اممماانننه !
سلمى بخجل : وربي وبعدين وش الاتصالات ذي ولدتي ولا وش ؟
هيام ضحكت : لا لا بس عندي موضوع يخوف ومهم
سلمى بجدية : اسمعتس يهيام الرعد
هيام مسكت قلبها بعد الاسم وقالت : اااه يالرعد مدري شفيه حسيت اني رجعت للبداية يختي
سلمى : م فهمت !
هيام : رجع رعد القديم احس يخي اسلوبه مو مطمني ابدًا
سلمى : وانتي وينتس اجلسي معه وشوفي وش فيه !
هيام : انا في جزر فرسان مع اهلي بس
سلمى توسعت عيونها وقالت : تستهبليييين !
هيام : للأسف لا منجد والله
سلمى : يويييللي وبشرى وينها !
هيام استغربت وقالت : ببيت اهلتس وين يعني
سلمى بأستحقار : يع يشينكم مسوين العايلة ومدري وش تكفون تقلعوا محد ناقصكم
هيام ضحكت : وشفيييتس شدييتييها طيييب
سلمى : المهم وش صار عشان رعد ينقلب
هيام هلت المسبحة عند صديقة روحها وبنت خالتها سلمى وابتسمت وقالت : بس هذا اللي صار
سلمى بفجعة : بسس وش بسس الله لا يوفقتتسس انتي م تخافيين ربتس يعني مد يده لتس ورا م طعتيه ورحتي له !
هيام : الحين داقه عليتس عشان تعطيني حلول ولا تندميني اكثر واكثر !!!
سلمى : لا حبيبي بندمتس تستهبلين صدق !
هيام بزعل : والله كسر خاطري ابي احضنه يختي
سلمى : اسمعيني بتطولون ؟
هيام ضحكت : شهر ونص
سلمى صرخت : اااييشش ويين خاللتي عطيينيي اكلمها !!
هيام : يمه تعالي
ام هيام تقدمت وقالت : هلا والله بسلومتنا
سلمى : خالة مو وققتتس وش شهر ونص !!
ام هيام ضحكت : وشو خلونا ننبسط
سلمى بجدية : يخالة لو انتس انتي وخالي مع بعض محد بيقولكم شيء بس محمد عنده اهل وهيام عندها زوج !
" ام ضاري تكون اخت ام هيام من الرضاعة وتكون اخت ابو هيام بالنسل والدم "
ام هيام : وش اسوي يبنتي اتوقع انه بس كلام يعني م احس ان سيف بيقدر ع فراق اهله وبيرجع بدري
سلمى كانت ناوية تحرق هيام وقالت : هيااام القمي بنطلع مخيم قريب وبشوف رعّودتس بالفروة القمميي
هيام بحسرة : سسسلمىى يمههه تكفييين ابي ارجع الرياض !!
ام هيام ضربت هيام بخفه وقالت : اثقلي وشفيتس !
هيام : م ابي ابي رعد يمه
ام هيام طلعت وهي تقول : الله يخلف علي بس
سكرت سلمى بوجه هيام تحت صدمة هيام وهي كاتمة دموعها واخذت جوالها ودقت ع رعد ووصلها صوته الثقييل وهو يقول : عيوني
هيام فز قلبها لكلمته وقالت : يرووحي يالرعد ابوس عيونك انا
رعد ابتسم وقال : امريني
هيام : احنا بجزر فرسان اذا تبي تجي تأخذني يعني
رعد : م بجي مستحيل اقطع هالمسافة كلها عشان اخذتس
هيام بزعل : يخي م قلت تعال قلت اذا بتجي
رعد : طيب شيء ثاني ؟
هيام : وش تسوي سولف لي اشتقت لصوتك
رعد كان متعمد يخلي هيام تغار وقال : فيّ عساتس ع القوة يحلوه ارسلي المعاملات ذي لمكتب هادي
فيّ بغنج : ابشر من عيوني حضرة العميد رعد
رعد ابتسم بقرف وقال : تسلم عيونتس
طلعت فيّ بالمعاملات وخلفت وراها حرايق داخل هيام اللي قالت وصوتها يقطع : ننن...نععم..مي..ميين فيّ !!!
رعد ابتسم : ايوه وش كنتي بتقولين ؟
هيام بحدة : ررععد !!!
رعد بحدة : وبعددييين ورفعة الصصوت !
هيام مقلبت رعد علطول لأنها عرفت خطته وقالت : لااا رععدد موويتتيي نززللتت !!!
رعد فز وضربت ركبته بالمكتب وقال : ااايششش ولااادة !!!
هيام كانت كاتمة ضحكتها وهي تتصنع الصراخ والالم بحكم ان البيت فاضي وقالت : اااااهه ررععدد ببموووتتت اللممم ولاادتي مببكررة بموووتت بمووتت !!!!
رعد كل شعرة بجسمه وقفت وقال : هييااامميي تكفيييين لااا
هيام ضحكت : القم يحيوان اجل تبيني اغار دز اردها لك اضعاف !
رعد طاح بطوله ع الكرسي حقه وقال بصوت ناشف ومهزوز : هيام هييام لييه كذا !!
هيام : اييه اعققلل اناا اعرف اروضك !
رعد توسعت عيونه وقال : ايش ايشش تروضيني ؟
هيام : ايييه نعم
رعد بخبث : تعالي تحتي طيب وشوفي تقدرين ولا لا
هيام توسعت عيونها وقالت : رععد بسكر
رعد سكر قبل تسكر هيام ويعصب ومسك راسه وقال بنفسه ( وش اللي صار ذا بسم الله الله لا يقوله وعساها تولد عندي يارب ) قال كلامه وطلع من مكتبه وحصل فيّ جالسة ع مكتبها وقالت بحب : حضرة العميد محتاج اسوي لك شيء ثاني عيوني لك ترا
رعد بحدة : خخيييرر ان شاءالله !!!
ارتعبت فيّ وسكتت علطول وطلع رعد بعد م طلع روحها من صرخته وقال : منصور انا طالع طيب ؟
منصور من مكتبه قال : اصبر بنمر ع هادي انا وانت
رعد قطب : ليه ؟
منصور : تعال شوي معي لك حاجة بتسعدك
رعد مشى مع منصور ودخلوا مع باب المسرح اللي موجود للمؤتمرات والصحافة اذا كان فيه لقاء بالمباني
رعد : وش بنسوي هنا ؟
منصور سحب رعد واول م دخلوا اعتلى التصفيق بحرارة لرعد وقال هادي بصوته الحاد : العميد رعد بن محمد بن قاضي ال ***** يترقى اليوم من رتبة العميد لرتبة اللواء
كان رعد واقف بصدمة بس هيبته كانت موجودة ومشى بثقل ورزانه للمسرح وسلم ع هادي بكرهه وهم اشد الاعداء ودق التحية للكل واخذ الشارة ولبسوه قدام الكاميرات والتصوير والتصفيق لرعد اللي همس لهادي وهو يلبسه وقال : الحين تخسي ادق لك التحية
هادي شّد ع كتف رعد وقال : صحيح اخسي لكن برضو تخسي توصل لرتبة الفريق قبلي !
رعد بنظرته الحادة قال : متأكد تتحداني وانا في اقل من سنة جبت رتبتك !!
هادي ابتسم بتحدي لرعد وغمز له وقال : بنشوف يولد قاضي
رعد : ابشر بعزك يولد فايز
هادي ابتسم ودق التحية لرعد اللي دق له التحية كتحدي لا اكثر ولا اقل
منصور صفق بكل قوته وقال : فخررر يالنسيب فخرر
ضحك رعد واتجهة لمنصور اللي حضنه قدام الكل ووقفوا وسلموا ع خشوم بعض " سلام الرجال " ودقوا التحية لبعضهم وقال منصور : يالله وربي ان غداك علي
رعد : ابشر والله بعزك
ضحكوا اثنينهم وطلعوا بعد م استلم رعد شهادته
....................
في بيت كاسر
وعد صحت وخلصت كل شيء من صلاة وشور سريع واتجهت لجناح لين ودقت الباب وفزت لين وغطت رسماتها لذيب تحت سريرها وقالت بربكة : ادخل
دخلت وعد وقالت : مساء الخير ي احلى لين
لين ابتسمت وفتحت يدينها لوعد اللي طارت لحضن لين ومسحت ع شعرها وقالت : مساااء النور يالخيير كله عيوني وش اساعدتس فيه ؟
وعد : بسألتس سؤال
لين توترت وخافت تكون وعد شافت ذيب امس وقالت : اسألي
وعد : تعرفين تخصصي ؟
لين : اافف كملتتي جاامعة !!
وعد ضحكت : ايه سلامات من وانا ١٨ سنة وخلصت ٤ سنوات بكالوريوس طيران جوي
لين شهقت : كذاااابه زيي كااااسسر !!
وعد : بالضبط كنت غيرانه من كاسر وكنت اكرهه وقلت بتحداه وانا بنت وبكسر خشمه
لين : ككفوو وربي يبنت هادي !!
وعد بحدة : ابعدي اسمه من جنب اسمي !
لين سكتت وهي تعرف وش سبب ابو وعد لها من صدمة وقالت : اجلل كففوو يبنت قااضي !
وعد ابتسمت وقالت : اسمعيني كاسر معه ماجستير صح ؟
لين : يب معه ماجستير بس طيران مو ادارة انتي ايش ؟
وعد : ييبب حسييت انا بكالوريوس ادارة
لين صرخت : اسألتسس بالله يعني تقدرييين تصيرين مديرة ع راس كاسر الله والفففخررر !!!
وعد ضحكت : قدمت ع وظيفة بس لا تقولين له
لين : ابشششريبي
وعد : اف يارب يقبلوني
لين : انا بعد توسط لي فارس جعله يسلم للمستشفى حقه
وعد ابتسمت : يااارب ننقبل انا ولين يارب
لين رفعت يدينها وقالت : امييين والله يزوجني ذيب
ضحكت وعد وقالت : يحظ ذيب فيتس والله
لين حضنت وعد لها وقالت : ويحظي انا وكاسر فيتس
طلعوا للصالة يتغدون بحكم ان كاسر م بيجي الا اخر الليل
..................
في بيت ابو ضاري
صحى ذيب وصلى العصر وطلع ببدلته وقال : توصون شيء ؟
ضاري ضحك : لا سلامتك
ذيب : لعاد تضحك طيب !
طلع ذيب وهو متنرفز بس كل م يتذكر لينه ينهار ويطيح ركب سيارته واتجهة لدوامه علطول وكان ذيب في نفس مكان شغل رعد بس في مبنى غير
نزل ودق تحية للقليل والكثير منهم دق له التحية وكانت رتبته رائد
عسكري تقدم ودق له تحية وقال ذيب : استرح
العسكري : انت الرائد ذيب بن عبدالله ؟
ذيب تشمر وقال : وصلت خير
العسكري : ماشاءالله ترا سمعت اسمك اليوم مع اللي ترقوا وصرت مقدم الله يبارك لك حضرة المقدم ذيب
ذيب تلاشت الابتسامة من وجهه وقال علطول : ورعد !!
العسكري انصدم وقال : تعرفه ؟؟
ذيب : ولد خالتي
انصعق العسكري ودق له تحية من هيبة رعد وقال : صار لواء
ذيب بفرحة عظيمة : اسألك بالله !!
العسكري ابتسم : ايه نعم
ذيب طار يركض لمبنى رعد ولحق عليه قبل يطلع مع منصور
ذيب بحدة : اللواء رعد بن محمد بن قاضي
رعد لف بقوته وقال : ارححب ي حضرة المقدم ذيب بن عبدالله ارحب والله يولد العمة
ذيب تقدم وحضن رعد وباسوا خشوم بعض " سلام الرجال " وقال : عساك ع القوة يالرعد ومن منصب لمنصب ان شاءالله
منصور بهمس وهو شاف هادي ومع كم عسكري : ذيييب دق تحية لنا بسرعة !
ذيب وقف بهيبة وضرب برجلة الارض ويده ع لفة البريهيه حقته وقالوا بصوت واحد : اسستررح
استراح ذيب وقال بهمس : اشووا وربي نسيت
رعد : معليك والله م يلمسونك
ذيب ابتسم : م تقصر والله وشهادتي فيك مجروحة يالرعد الا تعال بكلمك
رعد تقدم معه وقال : امرني
ذيب : ودي نسوي عشاء بمناسبة الترقية
رعد : قدام والله بس وين ؟
ذيب : ببيت اهلي
رعد استحى وقال : لا لا تكفى
ذيب : مالك دخل يخوي وبعدين عادي اجي اخطب لين ؟
رعد ضحك : اني والله قد عرفت ان وراك شيء
ذيب بهمس : يخوي اصدمني يمدي ولا م يمدي راضي ترا
رعد : افا عليك البيت بيت اهلك تعال متى م حسيت انك جاهز واخطب
ذيب ضحك وقال : استخرت واحس اني جاهز الليلة
رعد ضرب ظهره بخفه وطاح ع كتف ذيب يضحك وقال : وقسم بالله م انت بصاحي
ذيب ابتسم وقال : جد والله بجيكم بكرا ترا علم خالي
رعد اشر ع خشمه وقال : على ذا الخشم يالذييب
ذيب فز وباس خشم رعد وقال : م تقصر والله
مشى رعد راجع لمنصور واتجهة ذيب لمكتبه الجديد اللي كان بنفس مبنى رعد
::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( هاااااي فجعااات بأوقات متأخرة 😋 ، البارت قصير يقهر ويفشل لكن م فضيت اليوم وم قويت اخليكم بدون بارت موعدنا بكرا ببارت طوييل ؟ 🫦 )