يهزمني الحُب وانا جاهل بدرب المُحبين

البارت الخامس والثلاثين

طلع رعد لمكتبه وهيامه معه وكانت معجبة بكل شيء شافته وكيف كان زوجها فخم وهيبة
دخلوا المكتب حق رعد
رعد : هيام اجلسي هنا ولا تتحركين
هيام استغربت : ليه وين بتروح ؟
رعد : شوي واجيتس
هيام هزت راسها بموافقة وطلع رعد يجيب له كم شغلة ويرجع
............••...........
فالمستشفى
فارس ابتسم : لا والله م كنت ادري انك مداوم
ثامر ضحك : بس والله لك فقدة
فارس : اكثر والله
وسلموا ع بعض وكان ثامر صديق مقرب لفارس
ثامر : اجل والله ان قهوتك علي
فارس : لييه تحلف
ثامر ابتسم : يرجال امش واضح انك م انت ع بعضك
فارس مسك راسه وهو كان عنده صداع خفيف وقال : تم اجل وابشر بالعوض
ثامر : العوض راسك
اتجهوا لمقهى صغير جنب المستشفى وجلسوا فيه
ثامر بشك : فارس انت الايام ذي مانت ع بعضك فيك شيء ؟
فارس بتعب : مدري والله صاير عصبي واتنرفز بسرعة والصداع م يفكني
ثامر شك : كيف يعني من ايش بالضبط ؟ ومن متى بدت معك
فارس كانت عيونه حادة وقال : وش عندك الموضوع تحقيق ؟
ثامر مسك ذراع فارس وقال : ايه تحقيق وضعك مو طبيعي
فارس عصب وقال : بتسكت وتشرب قهوتك ولا اقوم ؟
ثامر بقلة حيلة : بكيفك يالفارس
سكتوا وشرب فارس قهوته وقام علطول وطلع من المستشفى وهو ناوي حنين اذا م سمعت له
..............•••.............
في بيت الجد قاضي
حنين : بالعافية والله
ابو محمد : يعافيتس يبنتي يحنين
حنين شالت اغراض الغداء وخلصت وقالت : عمتي
ام فارس بحب : لبيه يحنين الفارس
حنين اوجعها قلبها وقالت : لا ولا شيء
ام فارس م شكت وراحت علطول هي وام محمد للسوق مع ابو محمد ولا هي دقايق الا وانفتح الباب بقوة ودخل فارس وهو يفور عصبية
حنين فزت من السرير : ييمه وشذا !!
فارس بصوت عالي هز البيت : حننننييييننن
حنين ركضت وسكرت باب الغرفة وم كان فيها مفتاح وكان سابقها فارس بخطوة واخذ المفتاح معه وقالت : يوييلليي ويلاااه
فارس جاء وفتح الباب بقوته وشاف حنين كيف كانت ضعيفه وصغيرة قدامه وقالت وعيونها تهل دموعها : فاارس تكفى لا تضربني تكفى يالفارس
فارس ركض لها ومسك شعرها وقربها منه وقال بحدة : اججلل اخضععي ليي
حنين طارت عيونها وقالت : لاااا يالفااارس لااا مو الحيين اذا طلعنا بييتنا لحالناا
فارس صرخ فيها : م فيييه احدد فالبيييت خلينني اخذ راحتي معتتسس
حنين كانت تهز راسها بسرعة وقالت : لا لا لا وخرر واترك شعرري وخرر
فارس شّد عليها وبعدها وصفقها كف دوى صوته في ارجاء الغرفة وقال بحدة : يببننت الكلبب كلاامي اللي يمششي يحييووااانه
حنين انهارت صدق واخذت التحفة اللي ع الدرج الصغير وقالت بقوة تعكس الدموع وصوتها المهزوز : فااارس والله لا تقرب مني اني لا اضربك
فارس نط عليها وتأخرت حنين واعتلاها وهو يصارخ : بععدد تبييين تضربيننيي
حنين بقلة حيلة مسكت وجهه وباست مبسمه بقوة وارتخى فارس علطول وبعدت وقالت بصوت يرجف وعيونها اللي تغرقت دموع : تكفى يالفارس لاتوجعني وتوجع حنينك تكفى لاتكون السبب في بعدي منك
فارس نزل لها وباسها بقوة وكمل تحت دموع حنين وو🌚...
..........•••.........
في بيت ابو رعد
كاسر : لين شرايتس نطلع ؟
لين استغربت : وين ؟
كاسر : بطلع مع ذيب للملكة امي وابوي راحوا وتعالي معي
لين شهقت وهي تذكرت كل شيء وقالت : هاااه لا لا
كاسر خاف تكون لين م تبيه وقال : شفييتس ؟
لين : بس انت وهو ليه اجي انا
كاسر ضحك : بنروح للأستراحة يحلوه وهو في دوامه
لين : خلاص طيب متى ؟
كاسر : بعد شوي
لين ضحكت : يالله خلني اتجهز
طلعت لين وهي اصلاً كشخة واكثر البنات كششخة وكانت تفتن اذا تزينك وخلصت وحطت شوي رشات من عطرها ولبست عبايتها والكعب الاحمر حقتها وشنطتها واكسسوارات يدينها وخواتمها اللي كانت تشّد وطلعت : يالله ؟
كاسر ناظرها وقال : اه يالين شفت الاحمر وتذكرت وعد
لين ركضت وحضنته وقالت : يحلووه اللي يعرف لون زوجته المفضل
كاسر : والله لاتلوميني كل مره اشوفها لابسة احمر
لين : ايه بس مو كل مره
كاسر ابتسم : يالله ؟
لين مسكت ذراعه وطلعت واستوقفت كاسر عند المراية الكبيرة اللي عند باب الرجال وقالت : حط وجهك عند كتفي
كاسر : نسيتي اني طويل ؟
لين ضحكت : خلصني ولا لف بوجهك وناظرني
كاسر انصاغ لكلمتها وصورت صورتين جنبه وارسلتها لوعد وقالت : طالعة مع زوجك مووتتي
كاسر بحدة : ييحيييواانننهه
لين انفجرت ضحك وقالت : امش يالله
طلعوا وركبوا سيارة كاسر ومسكت لين يده وصورت وهو ماهو معها وقال : يويلتس ي لين ترسلينها
لين ارسلتها وقالت : اوبس ارسلتها
كاسر كان بيتكلم بس قاطعه مكالمة وعد له وانفجروا يضحكون وقالت لين : شعندها المرأة الشرقية الغيورة
كاسر ابتسم ورد : لبيه
وعد بحدة : عاجبتك الصور ؟؟
كاسر حط الجوال عند اذنه اليسار عشان م تسمع لين وقال : شكلتس نسيتي كيف خليتيني اليوم ؟
وعد شهقت : طييب انت اللي طارت نيتك انا شدخلني
كاسر وقف ونزل من سيارته وقال بحدة : تقولييين لي ابيييك شللون تبيننيي
وعد بحدة : ابييك بالنية حقتك اللي فكرت فيها اليوم خلاص !
كاسر ضرب بيده الجدار وقال : ووععد !!
وعد : هااه
كاسر بحدة وبخبث : وقسم بالله م اخليتس وانا م اكون ولد محمد بن قاضي اذا م خليتتس تندمين ع كملتتس وبتشوفين وش بسوي من اول ليلة !
وعد : وش بتسوي هاه وش بتسوي
كاسر همس : اللي تعرفينه زيييين
وسكر كاسر وطلع وركب سيارته وقال : لين يويلتس تتكلمين
لين استغربت : ايش ؟
طلع كاسر بوكيت دخانه وشغله بولاعته وصرخت لين : تتدددخخنننن !!!
كاسر لف لها بحدة وقال : اننطمميي
لين كانت مصدومة وقالت : وانا اقول ليه اشم ريحة دخان في بيتنا بس تصدق شكلك يجذب يكلب
كاسر ابتسم ع جنب والدخان بين شفايفه وصورته لين وصرخت وقالت : يويلليي يالصوورة
كاسر ضحك ومشوا متجهين لبيت ابو ضاري
...........••..........
فالشرقية
وعد بخوف : يويلي ويلاه صدق احسني زودتها
وماهي الا ثواني ووصلتها رسالة من لين وقالت : ياليييلل لين
وفتحت وكانت صورته وهو يدخن ومكتوب تحتها : خير وش سويتي فيه
كانت وعد تتأمل كيف ساعته محاوطه يده اللي كانت مليانه عروق ولا من ثوبه الاسود وشماغه الابيض ولا من ابتسامته اللي لعبت في موازين وعد وعلطول طلعت ركض وقالت : يمهه خلصنا صح مضاقي الزواج ؟
ام شوق : ايه ليه
وعد : نبي نرجع الرياض
ام شوق شكت : تستهبلين وبعدين وشو صاير شيء
وعد بحدة : يمه تكفييين ابي الحق ع كعب في الرياض
ام شوق : طيب معك كعب غيره وبعدين كيف نسافر !
وعد بجدية : حجزت والطيارة بعد نص ساعة
شهقت ام شوق وطلعت ركض لشوق وقالت : بسسسرعة تجهزززي
فزت شوق وفهمت ان وعد جابت فيهم العيد وجهزوا علطول وانتهوا من كل شيء في اقل من ١٠ دقايق
وعد ضحكت : يالله يالله نادوا سامي
سامي كان تحت فالسيارة وركب كل الاغراض ونزلوا له وطار للمطار ولحقوا ع اخر دقيقة وركبت وعد الطيارة وقالت في نفسها ( والله م يفوتني شكلك والله ان افتنك بشكلي )
..............•••.............
الساعة ٦ المغرب في هيئة الضباط
رعد بتعب : هيامي
هيام كانت تتابع مسلسل وتبكي متأثرة وتاكل شوكلاتة
رعد فز وركض لها وحضنها وقال : شفييتس ؟
هيام ضحكت وقالت : تأثرت من الحلقة
رعد ناظرها وكان وجهه مليااان حب وقال : وه بعد عمري اللي يتأثرون جعلني والله فدوتهم
حضنته هيام وقالت : حبيبي تعباااان وواضح عليه
رعد حاوطها : انشهد
هيام : خلصت ؟
رعد : ايه يالله البسي وبنطلع لملكة وزواج زايد وجيهان
هيام شهقت : ييووووه نسيييتها
رعد ضحك وقال : والليلة لازم انام في حضنتس
هيام : اعنبوك انا لك معليك والله لا اطفشك من حضني
رعد باس خدها وقال : يالله لاتفتحين الباب بروح لمنصور اوقع واقوله يجي معنا للملكة هو وسلمى واجيتس
هيام صفقت وكانت مثل للأطفال وقالت بحماس : ونااااسة اشتقت لسلمى
رعد ابتسم : يحظها فيتس
وطلع وهيام ترسل بوسات فالهواء وخذا رعد وحده وحطها ع مبسمه وابتسم وطلع
هيام لبست بسرعة عبايتها بحكم انها كانت منفردة في مكتب رعد اللي محد يدخله وخلصت وجلست تنتظره
رعد دخل مكتب منصور ودق تحية
منصور : استرح يالرعد
رعد : مشينا ؟
منصور فز : اي والله لا نتأخر ع الرجال
رعد وقع وطلع مع منصور واخذ هيام واتجهوا لبيتهم عشان يتجهزون ويخلصون ويطلعون
دخلوا البيت وكانت هيام بتركض بس فجعها رعد اول م شالها بين يدينه وقال : والله م تركضين وتتعبين نفستس وانا جنبتس ياهيام الرعد
هيام ضحكت وحاوطته وقالت : انتبه تطيحني
رعد احتد صوته : افاااا عليييتس اطيحتس بحبي ولا اطيحتس من بين يديني
هيام باس خده وقالت : احبك
رعد دخلها الغرفة وقال : اهييييمتس بس مستعجل والله ودايخ والله يستر
ضحكت هيام بقوة ودخل رعد ياخذ شور لجسمه بس وطلع طيران ولبس ثوبه الكحلي ولبسه وتعطر وتبخر ودخل الغرفة وكانت هيام تجاهد عشان تسكر فستانها الكحلي وقال : ماشاءالله مطقمة معي !
لفت هيام بسرعة وقالت : يممههه
ضحك رعد وتقدم لها وقال : اتركيه انا اسكره
هيام بعدت يدينها وقالت : تفك ازمه والله
رعد سكره ومرر يده ع ظهرها وارتعش جسمها وقالت : ررععد
رعد رفع شعرها وسكره كويس وباس رقبتها من ورا وقال : مشينا يعيون الرعد وهيامه
هيام اخذت عبايتها وقالت : توكلنا ع الله
طلعوا من البيت وريحة العود مع الياسمين كانت ملياااانه في بيتهم وتدل انه هيام الرعد طالعين بكشختهم
............••...........
في الاستراحة
ضاري : زايد وين ذيب ؟
زايد : بيجي مع كاسر
ضاري هز راسه ودخل داخل وقال : خلاص جهزنا
ابو محمد : لا م جهزنا رعد باقي م جاء !
ضاري ابتسم : انشهد اننا بدونه ولا شيء
ابو رعد ابتسم : الله يخليه لي ولكم يارب ولأهله
الكل ابتسموا وقالوا : اميين
...........•••............
في سيارة كاسر
كاسر دق ع ذيب : اطلع يالسبك انا برا
ذيب ابتسم : جاايييك
كاسر لف للين : ارجعي ورا
لين تخصرت : ننعمم !
كاسر بحدة : بنت ذيب بيجي
لين ضحكت بأستفزاز : وش اسوي له !
كاسر نزل وقال : بطلب قهوة وبجيتس وابيتس ورا سامعة
لين : دز امها
كاسر نزل وماهي الا دقيقتين وجاء ذيب وهو ع جواله وفتح باب الراكب اللي لين جالسه فيه وفزت وقالت : هييه لاتدعسني
ذيب طار جواله وطاح وقال : ييممههه الله يخررشتتسس
لين توسعت عيونها : الله يخررشك انت !
ذيب فز ودق قلبه وقال : لين !!
لين : ايه لين من كنت تنتظر يعني ؟
ذيب ابتسم : لبى والله روحتس
لين فزت : هااه
نزل ذيب واخذ جواله وقال : يالله تفضلي بلا مطرود
وكان ذيب ماسك الباب بيده وم كان فيه مسافة للين عشان تطلع وقالت بملل : اف طيب ابعد
ذيب بحدة : انزلي بس
وقفت لين وانعدمت المسافة بينهم وقال ذيب : اعنبوتس والله م تروحين من ايدي
لين توسعت عيونها وقالت : وش تقول انت !
ذيب قرب اكثر وقال : احبتس ي اللي سببتي ليين بقلب الذيب
لين كان قلبها بدق وقالت : ذيب وخر ابي اركب ورا
ذيب : عيون الذيب وروحه
لين بعدت يده وارتعد من مسكتها ليده وقالت : بس خلاص اعقل !
وركبت ورا وقال : ياويييل حالك يالذيب
وركب وشويتين ورجع كاسر ومعه قهوة وقال : تحبون القهوة السوداء صح ؟
ذيب ابتسم : ايه بالله
واخذ كوبه وقالت لين : احبها بس تسبب لي خفقان
كاسر : اجل اتركيها
لين : بس رشفة عطني
كاسر مد لها الكوب ورشفت منه ورجعه كاسر قدام ومشوا للأستراحة عشان زواج زايد وجيهان اللي كان مستعجل وبس بين العايلة بدون حضور قوي
وصلوا كاسر وذيب للأستراحة ونزل كاسر ونزلت لين وانتبهت ان كوبها في يد ذيب وكان روجها ع شفايفه وقالت بهمس : ذيييب
ذيب فز ولف لها بقوة : عيييوننه
لين بخوف : شفايفك !
ذيب بخبث : تبينها ؟
لين شهقت وقالت بخجل : خييير لا روجي طبع عليها !
ذيب ابتسم : ادري طيب
ولف وتلطم وطلع مع كاسر للرجال تحت صدمة لين اللي توها تدري ان ذيب جايها ع وجهه بعد م شافها وركضت لقسم الحريم .
.............••............
في بيت ابو محمد
حنين قامت بتعب وقالت : فارس
فارس كان غاط في نومه وهمهم لها : هممممم
حنين ارتاحت اول م عرفت انه م سووا لها شيء و كانت احضان وبس وقالت : فارس الملكة والزواج
فارس : اي ملكة وزواج ؟
حنين بملل : اف شفيك نسيت حقت جيهان وزايد
فز فارس وقال : الااااان تجهززييين
حنين استحقرته وراحت وهي تقول : الله ياخذك وياخذ قلبي اللي مو راضي يقسى عليك
اما فارس دخل ياخذ دش عشان يصحصح وطلع ولبس ثوبه وطلع ركض لحنين اللي كانت ملاك جالس فالصالة كانت تفتن بكل معنى للكلمة وقالت : هاه يالله ؟
فارس ابتسم : يحلوها حنيني يحلووهاا
حنين قامت وقالت : مشينا بس
فارس احتد صوته وقال : تعالي طيب
حنين لفت له ومشت وحاوطته وقالت : عيوني
فارس ارتخى وقال : وشذا الزيييين ؟
حنين ضحكت : هذا وانا اخترت انعم شيء عندي
فارس حاوط خصرها وقال : احبتس طيب
حنين حطت خشمها ع خشمه وقالت : تهيييمك حنينك
فارس نزل وسرق مبسمها له وقال بتخدر : وفارسها يعشقها
نزلت حنين راسها بخجل ومشت وهي شابكه يدينها بيدينه وطلعوا للأستراحة
.............••............
في المطار وصلوا اهل ام شوق
ام شوق : عاد دامنا وصلنا بدري خلونا نحضر الملكة
وعد انشقت ابتسامتها لأنه اخيرًا فهموا خطتها وقالت : يالله
طلعوا لبيتهم وتكشخوا شوق وحنين وطلعوا علطول للأستراحة ووعد ناوية كاسر نية
......
فالأستراحة نزل رعد وقال : هيامي ذاك باب الحريم ادخلي معه
هيام اخذت شنطتها وقالت : تعالي احصنك يحبيبي
رعد ابتسم وجاها وجلس ع ركبته وهي جالسة في المرتبة حقت سيارته وحصنته وقالت : ااااه يحلو الرعد
رعد قام وقال : وااااااه يحلو هيام الرعد
ابتسمت هيام ونزلت وراحت للحريم واتجهة رعد للرجال وقال بصوته الرجالي تحت مسامع هيام : سلااام علييكم
الكل فزوا له وقالوا : اررحححببب ، علييكم السلاام
هيام مسكت قلبها وقالت : بسم الله عليك الرحمن الرحيم الله يديمك لي ويحفظك من كل حاسد وحاقد
ودخلت للحريم اللي فزوا لها وسلمت عليهم وجلست جنب بشرى
بشرى : سلمى بتجي ؟
هيام ضحكت : اختتس ترا
بشرى ضحكت : ادري بس م ردت
هيام : بصفقها اذا م جات
بشرى : كفو وانا معتس
لين جات ركض وقالت : هيام جيتي مع رعد ؟
هيام لفت لها : لبيه ايه ليه ؟
لين بهدوء : كويس احسبه م جاء
هيام ابتسمت وقالت : لا معليتس بس جد تبين منه شيء ؟
لين : لا خلاص بكلمه بعدين
هيام احترمت انهم اخوان وقالت : تمام يحياتي
فالمجلس
رعد جلس بهيبته وقال : حميد
محمد لف له : لبيه
رعد : لبيت حاج فارس بيجي ؟
محمد : والله مدري
رعد استغرب وقال : غريب انه للحين م جاء
محمد : اصلاً له فترة ماهو عاجبني
رعد احتد صوته : وشفييه ؟
محمد حكى لرعد عصبية فارس بدون سبب وكيف تغير وقال رعد : بس ؟ طيب يمكن من شغله
محمد : والله مدري
كاسر جاء يركض : يالرعد
رعد وقف علطول : لبيه
كاسر مسك ذراع رعد وقربه منه وهمس له : عادل موجود !
رعد طارت عيونه وطاحت في عيون عادل وقال : يلعن ابوه وجهه طوييييلل
كاسر شّد اكثر ع رعد وقال : يويلك تقرب منه اتركه جاي عشان اخته وبيروح
رعد مسح وجهه وقال : طيب يصير خير
كاسر راح وجلس رعد وماهي الا دقايق ودخل فارس : سلام عليكم يعرب
الكل قاموا وسلموا ع فارس ووصل لرعد وقال : يهلا برعد قلبي
رعد ابتسم : هلا بفارس قلبي
حضنوا بعض وباسوا خشوم بعض وقال فارس : غريب جاي بدري
رعد ضحك : الا انت اللي غريب جاي متأخر
فارس بحدة : مشها عاد لاتدقر ع كل شيء اسويه
رعد لاحظ كيف قلب فارس بس تجاهل وقال بحدة : لاتنافخ طيب !
فارس صد واتجهة لمحمد وسلم عليه وكانوا اخر الناس ورجع يجلس جنبهم وتقدم عادل وحط سحر في قهوة فارس وعطاه واخذها فارس ونزلها ع الطاولة وصب لمحمد واخذها وتقدم لرعد وصب له قهوة وقال : سم
رعد بحدة : اسلم
اخذها رعد ونزلها ع الطاولة ومشى عادل من عندهم بسرعة وهو م يبي يتورط فيهم
فارس : عيال منجد بيتزوج ؟
محمد : ايه مستعجل تووه خطب قبل يومين
فارس : غريب والله بس الله يوفقهم يارب
رعد ومحمد : امين
فارس : يالرعد شفيك ساكت
رعد م رد وشرب قهوته وعصب فارس وصد وشرب قهوته وشهق اول م حس بصدااااع داهمه وفزوا محمد ورعد له
رعد بحدة : فااارس شفييييك
فارس كان ماسك راسه بقوة وقال : طلعنيي برااا
محمد : بسم الله عليك قم قم
مسكوه من يدينه وطلعوه برا تحت انظار الرجال وجلس برا وقال : ابي حنين
رعد احتد صوته : وش تبي فيها ؟
فارس بعصبية : مااالك دخلل زوجتتتي يخيي وش تبي
رعد انهبل وصاح فيه : فااارررس لا تختببرر صبررري !
فارس مسك راسه وقال : يالله انك تاخذه يارب
محمد فز ومسك رعد وقال : ررععد اركد
رعد م كان يشوف شيء وقال : حميييد وخررر
محمد بصوت عالي قال : يالكاسسرر يالذيييب
فزوا كاسر وذيب وطلعوا برا وطار كاسر ومسك رعد وسحبه وقال : شساااللفة !
رعد طالع بعيون كاسر وقال بحدة : اذا انت ع ابوي امسكني !
ودف كاسر ومشى متجه لفارس بس قاطعها مسكت كاسر له وقال : اعقبب اي ولد ابوي واخوك يالرعد !
رعد لف له بقوة : كااااسسسرر وخررر
فارس صاح فجأة وطاح ع الارض مغمى عليه وفزوا له كلهم وقال محمد : وقسم بالله الرجال فيه بلاء
رعد بحدة : نزلووه خلوه يتنفس ويين علاجه !
كاسر بخوف : اكيد في جيبه
دخل رعد يده بجيب فارس وم حصله وطار للمجلس للجد قاضي
رعد بتوتر : جدي معك علاج فارس
ابو محمد دخل يده بجيبه وطلعه وقال بحدة : وشفيكم شليتوه
رعد : مافيه شيء بس انكتم
خذا رعد العلاج ورجع علطول وعطاه فارس لكن م كان اللي في فارس كتمة بس صداع من السحر اللي شربه وطلع لهم ضاري مستعجل وقال : بسم الله علييييه
رعد بخوف وعيونه كانت توضح خوفه وقال : تكفى ي ضاري الولد فيه شيء م ندري وشهو
ضاري جلس وبحكم انه مطوع قال : عطيتوه علاجه ؟
كاسر : ايه
ذيب : بس شكله م كان مكتوم بس طاح علينا
محمد برعب : وش السواة طيييب ؟
رعد بحدة : حموود لاتوترننيي
محمد : ابشر ابشر
ضاري رفع راس فارس وهو بديهيًا قرأ عليه ونط فارس علطول وعرف ضاري انه مسحور وقال : امسسكووه
رعد شله وطار فيه لغرفة الحارس وطلعوا الحارس ودخلوا عليه وعلى دخولهم دخلت سيارة سامي وحمد وقال حمد : اعقبب ي سامي اممش
سامي فز وطاروا لهم وقال حمد : عييياااللل وش العللمم
رعد لف له : مدررري مدرري
كاسر قطب : ساامي ؟؟
سامي ابتسم : هلا هلا
محمد : كيف جيت انت
رعد صرخ بصوت هز المكان : ماااهووو وقتتكمم انت وييااه امسكوووا فااررسس !
العيال فزوا وانصاغوا لكلمته ومسكوه بقوة وجلس ضاري ع راسه وكمل يقرأ تحت صراع فارس اللي كان السحر فيه جنية وتحاول تقاوم تحت قراءة ضاري
فارس طلع منه صوت ارتعدوا الشباب منه : خلااااص والله بطلعع خلااااص
ضاري بحدة : اطلللعععيي
ماهي الا ثواني وارتخى فارس قدامهم وطاح
ضاري : حمدلله
رعد كان ينتفض من العصبية وقال بحدة : عااادل !!!
الكل لفوا لرعد اللي طلع وسحب سلاحه من حزامه وقال ضاري : يوييلليي ويلاااه
محمد طار وراه ووقف قدامه وقال : ررععد استههد بالله
رعد بحدة : ووخرر مننني
محمد قرب منه وهمس له بحدة : لاتدخل نفسك السجن هيام وولدك ينتظرونك استهد بالله يالرعد
رعد دف محمد ورفع سلاحه ورمى فالجو وطلعوا الرجال علطول وقال بصوت هز ارواحهم : والله اللذي نفسييي بيدده اني لا اذببح عاادل اذا م طللع من قداااامي والله لا ارمي نفسسي بطرريق م ابييه طلعووه الحرمة طلعووه
ابو جيهان بحدة : رعد احتس وشفييك !
رعد بحدة : ولدك الكلب ساحر فارس وناويه نية شينة !!
استنفرت المجالس بما فيها بعد كلمة رعد وقال : طلعووه
كاسر مسك يد رعد وقال : يخوي فارس بخير خلاص هونها وتهون
رعد لف له : كاسر ابعد مني
كاسر بعد وراح لسامي وقال : سامي كيف جيت م كنت فالخبر ؟
سامي ضحك : الا والله بس وعد نكبتنا وجينا
كاسر احتدت نظرته وقال : ووععد !!
سامي تجاهل كاسر وطلع للرجال اللي كانوا يدورون عادل اللي اختفى من انظارهم علطول
كاسر مسك قلبه وقال : وعد كاسرها هنا وانا اخر من يدري يوييل قلبي ويلاه
رعد دخل سلاحه واتجهة للمجلس وقال : م فييكم رجال انتوا ويين ذلف ذا !!
ابو رعد بحدة : رععدد احتتررممم نفسسسك !!
رعد رد بصوته الرخّيم : محششوم يتاج راسي
ابو رعد : خلاص قفل ع الموضوع وبعدها افتحها مع الحكومة ولا نسيت وش انت ؟
رعد هز راسه بنعم وطلع لفارس اللي كان يرجف ويشربونه شاهي وقال : فارس كيفك ؟
فارس لف له وابتسم وقال : بخييير وش صار ؟
رعد بحذر : شيء الله يزيدك جهل فيه
فارس ارتخى وقال : والله احس اني احسسن بكثيير
ضاري سحب رعد برا وقاله : اسمعني اخذ فارس وطلعه لايحضر الزواج
رعد قطب : ليه ؟
ضاري : خايف عليه من عيال الحرام خوفي يسوون له شيء وينتهي امره
رعد احتد صوته : طيب
دخل رعد واخذ فارس وقال : اسمعني تخاويني ؟
فارس استغرب : وين ؟
رعد : نجيب العشاء
فارس ابتسم : تم والله انه تم
رعد ابتسم : تتم افراحك يالفارس
طلعوا فارس ورعد من الاستراحة وابعدوا منها جدًا
عند كاسر اخذ جواله ودق ع وعد ووصله صوتها
وعد : لبيه
كاسر بحدة : جيتي !!
وعد ضحكت : ابشرك
كاسر : اطلعي لي بسرعة
وعد : اركد حبيبي اركد
كاسر انفجر عليها : ووععد الششووق ذبحنني يوععد اطللعيي
وعد ابتسمت : خلاص وينك ؟
كاسر : بحوش الحريم خلصيني
وعد : تمام
سكر كاسر ووقف ينتظر الباب ينفتح ويشوف الوعد
..........••..........
في بيت ابو منصور
منصور دخل البيت وقال : سلام عليييكم
ام منصور وابو منصور : عليكم السلام
ابو منصور : يولدي بتحضر ملكة زايد ؟
منصور : اي بالله بحضرها
ابو منصور كان جاهز وقال : يالله مشينا
منصور قطب : الحين ؟
ام منصور بحدة : ايه الحين شفيك ؟
منصور ضحك : والله ؟ وتبوني اطلع بالبدلة ؟
ابو منصور : لا طبعًا بس اخلص يالله
منصور حط اصبعه ع خشمه وطلع ركض للدور الثاني ودخل القسم حقهم هو وسلمى وكان طافي واستغرب انه م سمعها تصارخ وتشتغل او تتزين دخل ودق الباب وقال : وين الحلو ؟
سلمى سلمت من صلاتها وقالت : اصلي والله
منصور شغل النور وشاف سلمى بكامل زينتها وقال : لا اله الا الله سبحان اللي سواتتس
سلمى سفطت الجلال وحطته بمكانه جنب السجادة وقالت : منصور تعال شوي بكلمك
منصور تقدم وسحبها مع خصرها وباسها بكل قوته تحت صدمة سلمى اللي م كانت متوقعة منه ذي الحركة منصور تركها ببطء وقال : حاوطيني بادليني شفيتس كذا
سلمى كانت عيونها شوي وتطلع من مكانها وكانت ساكته ولا قدرت حتى تقول حرف واحد
منصور ابتسم وشّدها اكثر : السكوت علامة الرضى ؟ اكمل
سلمى بهمس : طيب احترم اني كنت بقول شيء
ضحك منصور وحضنها وقال : يالله قد ايش انتي صغييرة
سلمى ضحكت : وليه ان شاءالله كم طولك ؟
منصور : ١٨٩ وانتي ؟
سلمى توسعت عيونها وقالت : ١٦٧
ضحك منصور بقوة وقال : احببببتس
سلمى م كانت محاوطته ولا حتى قدرت ترد واكتفت برد بارد جدًا : الله يحبك ي منصور
منصور سحبها للسرير واعتلاها وقال : قولي احبك
سلمى كانت تناظره وهي مصدومة وقالت : هاه ؟
منصور قرب اكثر وقال وهو يصر ع اسنانه : سلمى انا ماني غريب انا زوجتس حبيبتس ابيتس تحبيني وتحتويني مابي نجلس كذا خلاص عاد !
سلمى بهدوء يعكس الدموع اللي بعيونها والرجفة اللي داخلها قالت : احبك ي منصور والله اني احبك واهيمك واعشقك بس اني خايفة م نجلس مع بعض بسبب المشاكل اللي بيني وبين امك
فز منصور وسحبها لحضنه وقال : وش صارر ؟
سلمى حاوطته بمعنى انها تجرح يدينها من وراه من التوتر والحزن وعشان م تبكي كانت تجرح جلدها وقالت وهي تحاول م تبكي : مدري امك قلبت علي اول م تزوجنا وصارت تهاوش وتتضارب معي وانا ماني قصيرة يد ولا لسان وبقدر اخليها تتوب م تجي عندي بس احترامي لها هو اللي ماسكني وحبي لك هو اللي لاوي ذراعي
منصور شّد عليها وقال : خلاص يروحي بكلمها انا وانهي الموضوع معليتس والله م يصير الا اللي يطيب خاطرتس
سلمى بعدت ومسكت وجهه بيدينها وهي ترجف وقالت : م ابي ابي اطلع من بيتكم ابي نطلع مع بعض لبيت بعيد اسكن فيه معك ولحالنا تكفى ي منصور
منصور ابتسم وباس خدها وقال : والله ودي بس مقدر م ابي اطلع من البيت واخلي اهلي بدون ولي ولا والي
سلمى بزعل : منصصوور ابوك موجوود !
منصور : خلاص عاد عن الدلع
سلمى : انا اتدلع ؟؟
منصور حضنها وهو يضحك وقال : ابشري بدور بيت قريب منهم واشتريه
سلمى : والله م ودي انه قريب بس يالله اهم شيء اكون لحالي معك
منصور : يالله خليني اجهز واجيتس
قاطع احضانهم وسواليفهم وهدوءهم صقعت الباب من ام منصور وهي تقول بحدة : اعنبوك وش تسوي لي ساعة انا وابوك ننتظر وفالأخير تتحضن الكلبة ذي !!!
منصور فز وحط سلمى وراه وقال بحدة : يممهه عنن الغلللطط !!
ام منصور انفجرت عليه : اناااا اممكك ترفع صووتك عليي ياقلييلل الخاتمممة !!!
سلمى شّدت ع يده وقالت بهمس : وقسم بالله اني لا اغسل شراعها اذا م سكتت
منصور لف لسلمى بقوة وقال : خييير ان شاءالله امي ترا !
سلمى ناظرت فيه بسرعة وهي مصدومة كيف سمعها وقالت : هااه ؟
ام منصور بحدة : منصصصورر اطللع بسرعة
منصور بعد سلمى منه ودخل الحمام واخذ شور سريع وتقدمت ام منصور لسلمى ومسكتها مع رسغها بقوة وقالت : يببنتت الكلللببب ماهوو انتتي اللي تغيريين ولديي عليي !!
سلمى كانت مفجوعة وتدعي ع نفسها وتقول ( الله ياخذني انا وش جابني لهم !! ) وقالت : خلاص يخالة خلاااص عن الغلط والله لا اغسسلل شراعتس ماهو انا اللي تسبيني واجلس ساكته وترا مانيي قصييرة يد والله لا اكرهتس فيني سااامعة !!
ام منصور دب الرعب فيها وهي تعرف كيف سلمى قوية وقالت عكس ذا كله : اننطممييي يحييووانهه منصصورر تعاللل علمها التربيية اللي م تربت
طلع منصور وهو لاف المنشفة ع خصره وقال بحدة : وش قالت ؟
ام منصور لفت علطول بدموع تماسيح انهبلت سلمى منها وقالت بصوت باكي : سبتني وضربتني قليلة الادب
منصور اشتط وطار لسلمى وعطاها كف وقال بصوت دوى فالبيت كله : ممننن انتتتتيي عششااانن تمديييين يدتتسس ع اممييي !!!!
سلمى لفت له بهدوء ورجعت له الكف وكان اقوى وقالت : وممن انتتت عشااان تمدد يدك عليي يعلهاا الكسسرر !!
انصدم منصور من ردة فعل سلمى اللي م كانت تدل ع انها بنت تسكت ع اي ضربة وقال : انا تضربيني ؟
سلمى بحدة : قبل شوي تشّدني لك وتتحضني وتبوس فيني مريضض انت بس انا اعرف طبك والله فيك بأخواني وابوي عزوتي وتاج راسي والله م اسكت لك انت ولا امك
طلعت سلمى من الغرفة ولبست عبايتها ودقت ع ذيب
ذيب : عيوني
سلمى بحدة : تعالل افززعع لأختتك !!
ذيب فز من المجلس وقال : اعنبوتس احتزمميي
زايد فز هو وضاري وقالوا : سلمى ؟؟؟
ذيب بحدة : ايييه
فز محمد وقال : افااا وش سوا منصور !!
طاروا اخوانها ومسك محمد زايد وقال : لا يعريس اجلس انا بروح بدالك
زايد : الله يستر وشذي الليلة
ذيب طار وجاب سيارته وركب ضاري ومحمد معهم ودزوا لبيت ابو منصور
...............•••..............
عن كاسر ووعد
طلعت وعد وعطرها سابقها وصوت خلخالها وكعبها اللي دقت بقلب كاسر اول م شافها وفستانها الاحمر اللي يدل انها وعد وقال : وعد لا يوعد
وعد بعد شعرها عن كتوفها وتقدمت وقالت : كاسر
كاسر ركض علطول وحضنها بقوته تحت ضحكاتها وشّدت عليه وقالت : لبيه يعيوني لبيييه
كاسر كان حاضنها وكأنها اخر مره يشوفها فيها وقالت بصوت مشتاق : وحشتننيي يالوعد وحشتينيي
وعد حاوطته : وه يعمري م يوحشك غالي يعيوونهاا
كاسر بعدها وقال : وشذاا الزييييين كله
وعد بدون اي مقدمات فزت لمبسم كاسر وسرقت بوسة شوق منه وقالت : الزييين والله عيونك
كاسر كان متخدر فيها وقال : العن ابوه زواج تعالي معي لغرفتي الليلة انتي حلالي خلاص يوعد معاد اقدر
ضحكت وعد وقالت : لا يحبيبي م يصير باقي م تجهزت
كاسر حط يده ورا خصرها وقال : تسمحين لي اقول ابيات ؟
وعد حطت يدينها ع صدره وقالت : اسلم
كاسر كان يتأملها بحب وقال :
يالوعد عيونتس ناعسة ورموشتس ظليلة
ولتس خدٍ ندي ولتس مبسمٍ خدري
وكل م شفتتس قلت ويل قلب ويله
والله م ذبحني الا خصرتتس المدوي
ووالله لو مبسمتس سمّي اني لا ابوسه
واقربتس لي واحضنتس يكل اهلي
.
فزت وعد وباست مبسمه مره ثانية بس كانت غلطة منها وقدر كاسر يثبتها وكمل عليها تحت ضرباتها تطلبه النفس وم كان كاسر نفس اي شخص ثاني كان حالف م يتكرها وكملت وعد دقيقة وهي تحاول فيه وتركها كاسر وهو يلهث وقال : ااااه يوعد
وعد كانت مصدومة وقالت : اولاً صح لسانك ثانيًا كاسر اركد وامسك نفسك شفيك ؟
كاسر كان ناوي وعد نية وقال بحدة : ابيييتس يالوعد ابيتس تخلصيني من الشعور اللي احس فيه
وعد ابتعدت وقالت : بروح شوي واجيك
كاسر كان واقف ووجهه مليان روج وعد الاحمر ولف وطلع وقال : اعققل يالكاااسر
تلطم وهو يتراعد من وعد وتمنى انه م شافها وتمنى انه معها بغرفة لوحدهم
..............••............
اما وعد دخلت ركض وهي حاطه يدها ع فمها وطلعت مزيل المكياج ومسحت روجها وعدلته بسرعة وتعطرت من ريحة كاسر وخلصت وطلعت وجلست ع الطاولة
هيام بشك : حنيني شفيتس ؟
حنين : وش فيني ؟
هيام قامت وسحبت حنين وطلعوا للحمامات : تكلمي
حنين اخذت نفس عميييق ومسكت يدين هيام حكت لها كل اللي صاير بهمس وقالت اخر شيء : وبس والله عجزت افهم له وعجزت اهديه بس اني احبببه واعشقه مقدر ابعد عنه
هيام بحزن : خلاص يعيوني تحملي والله انا كان رعد كذا بس تحسن وصار يجنن
حنين بحب لفارسها : اذا ع فارس والله اني راضية ووالله اني بتحمل عشرين سنة
هيام ابتسمت : ويين سلمى يخي
حنين : الله يستر والله اني م ارتحت لأم منصور
هيام شهقت : لااااا تكفيييين
حنين ضحكت : احساس بس ان شاءالله انها كويسة وبعدين نسيتي اننا نتكلم عن سلمى ؟
هيام ابتسمت : ايه تطمنت والله
طلعوا من الحمامات واتجهوا للقاعة وجلسوا ينتظرون سلمى اللي كانت ع انها المتوسطة بين هيام وحنين الا انها القائدة وم يسوون شيء بدونها
::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( البارت تقريبًا طويل بس مو نفس اللي كنت ابيه بس انتوا م تخلوني اكتب واطول عشان كذا بهون فكرة البارتات الطويلة وخلوكم ع القصيرة احسن 🤌🏻 ، استمتعوا وعطوني رايكم ع كل شيء احبكم 🫶🏻 )