يهزمني الحُب وانا جاهل بدرب المُحبين

البارت الستين

دخلوا للمجالس وكل العايلات يتحدثون ويسولفون ومحور حديثهم زواج لين الذيب فالليل ..
" فالعصر تجمعوا البنات في بيت ابو سلطان "
........................
*تعريف بسيط*
ابو سلطان
اخ عبدالله ويصير عم بنات وعيال ابو ضاري ويكون رجل اعمال وماسك منصبه فالمجتمع ويشتغل ع نفسه اخذ بنت قاضي لمياء واهتم فيها وعيشها في نعيم وم تركها لجور الايام وكان سند لها طول عمرها بس كان سيء فالتعامل مع سالم عكس سلطان وصالحة وجميلة وهو يرمي عليه كل الاخطاء والمشاكل اللي تصير يحط سالم السبة وم صدق سالم يتزوج ويروح من عنده
ام سلطان
لمياء احد بنات قاضي ومها واحد خوات ابو رعد وتكون عمة رعد الثالثة طيبة وحالها حال نفسها
سلطان ( البكر )
متوفي بحادث سيارة قبل ١٣ سنة
سالم
رجل عن الف رجل والكل يستند عليه وكان حبوب والكل يحبه ويعزه زوج العنود بنت عبدالله عمره " ٣٠ "
صالحة وجميلة تؤام واخر عنقود بيت ابو سلطان
كانوا العن حفيدات اهل قاضي ومحد سلم منهم ومع ذلك يدّعون اللطافة عمرهم " ٢٦ "
....................
صالحة بصوت عالي : بنات معنا ساعتين بس الكل يجهز الان !
هيام من وراها : شراااييكم
لفت صالحة والبنات كلهم معها وشافوا هيام بكامل كشختها وهي اول من بدأ يتجهز مع حنين ولين وكانت بفستان فوق الركبة وماسك ع جسمها ولونه احمر قرمزي وروجها اللي طابق لون فستانها ومكياجها اللي سمح لملامحها الهادية تحتّد وشعرها اللي خطف لون سواد الليل في ليلة قمرها معتم وانسدا ع ظهرها ولامس بطوله خصرها كانت تفتن بكل م تعنيه الكلمة من معنى !!
سلمى ركضت وحضنت هيام وقالت بصوت عالي : بسم الرحمن احصنتس من كل حاسد وعين وحاقد بسم الله عليتس يبنت الخالة بسم الله !!
بشرى ابتسمت وقالت : بسم الله عليها صدق
صالحة بتعجب : يويلليي يالهيام وشذا الزيييين !!!
جملية ضحكت وقالت : ماشاءالله ي صالحة ماشاءالله !
صالحة طالعت فيها وغمزت وقالت : ايه ايه ماشاءالله
حنين طلعت وهي لابسة فستانها الابيض كان قطيفة وماسك ع جسمها وكان فعلاً جميييل وبيدها ليما لابسة فستان ابيض منفوش وورد ع شعرها
صرخوا البنات بلطافة وكلهم فزوا لليما وتركوا حنين لفارسها
وعد بضحك : تجنن مقدر اتحمل !!
سلمى وهي شايلتها : ثووفتتيي العنن ثكللهاا !
ضحكت لين والميكب ارتست تزينها وقالت بصوتها الانثوي : اوبس اسفه
الارتست ابتسمت وقالت : لا عادي
كملت تجهز لين والبنات طايرين بليما وبلميس اللي كانوا لابسين فساتين تطابقت بحكم انهم من نفس المحل
بشرى ابتسمت وقالت : يحلو بنتي بس
لميس ابتسمت وقالت : ماما نونو
ضحكوا البنات وقالت هيام وهي تبوس خد لميس : اعنبوتس عساس انتي كبيرة !
بشرى ضحكت وقالت : تشوفيين ؟
شوق : شرايكم ؟
لفوا البنات لها وكانت لابسة فستان اسود وعادي جدًا برز شوي من ملامحها بس كان عادي
هيام ابتسمت وقالت : تهبلين
شوق توسعت عيونها وقالت : شوفوا من يمدحني !
ضحكت هيام وقالت : يهوه طيرتوني الحين بخاف اقابل رعد
لين ضحكت وقالت : الله يعين الرعد !
جميلة بحقد : اذا خلصتوا نطلع عشان سالم برا
العنود استغربت وقالت : بنروح معه ؟
جميلة : ايه
صالحة مشت وهي لابسة فستان اخضر وكان لونه فاقع ومو مريح للعين وجميلة اسوء منها وهي لابسة برتقالي وفاقع
ضحكت سلمى وهمست لأذن هيام وهي تقول : شعندهم عمال النظافة ؟
هيام ضربتها وهي تضحك وقالت : يحييووانه والله يوم م تسدين حلقتس !!
سلمى رفعت يدها مستسلمة وقالت : شدعوة بسكت اكيد ولا القم قبصة منتس تنهيني
هيام ضحكت ومشت ولبست عبايتها وطلعوا البنات كلهم لسالم وركبت صالحة بكل وقاحة قدام جنب سالم اللي قال بهدوء : وين عنودي ؟
صالحة ضحكت بإستهزاء وهي تقول : قصدك العقيم ؟
سالم انصدم وتوسعت عيونه وكان يناظرها بقوة وبحقد وقال بصراخ : احتررمميي نفستتس !! اخوتس الكبيير اعنبوتس استحي
صالحة ضحكت وقالت : وش يعني بتضربني عشانها ؟ بعلم ابوي وبيكرهك بحياتك !
سالم صفقها بكل قوته ع وجهها وقال : انززللي واقطععي المهزلة ذي !!
نزلت صالحة وهي تتحلف فيه وتتوعده بأبوه وشوي وجات العنود وركبت قدام ولفت لسالم اللي كانت عروقه بارزة وصدره يرتفع وينزل من العصبية
العنود برعب : يويلي سويلم وشفيك ؟؟
سالم ابتسم وقرب وباس يدها وقال : م فيني شيء نمشي ؟
كانت سلمى وعهود وشوق ووعد وبشرى وبيان وهيام مصدومين من وقاحة صالحة اللي م ركبت لا هي ولا جميلة مع اخوهم ودقوا ع ابوهم وهم يشكون له بكل قرف
سلمى ابتسمت وقالت بهدوء : ايه ي سالم امش
سالم بصوت فرحان وهو ماسك يد عنوده قدامهم كلهم وقال عكس الحزن والعصبية اللي داخله : مبروك عرس اخوكم يبنات عمي عبدالله
العنود ابتسمت وقالت : الله يبارك بعمرك يحبيبي
سلمى وبشرى وبيان بصوت واحد قالوا : الله يبارك فيك
سالم : ايوه من اللي معي اليوم ؟
العنود : والله خواتي وهيام ووعد وشوق بس
سالم ابتسم وباس يدها وقال : يحبي لتس صدق
سلمى فتحت جوالها وارسلت لعنود وهي تقول :
وش سالفة حملتس منجد انتي عقيم ووش طاعون صالحة الكلبة !
العنود سحبت يدها ولف سالم وقال : افا ؟
العنود ابتسمت وقالت : شوي حبيبي
فتحت جوالها ع رسالة سلمى وانصدمت من محتوى الرسالة وقالت :
وش عقيم ووش صار وش سوت صالحة ! لا م اني عقيم بس حملي م يثبت وعطوني مدة وحبوب وعلاجات وبرجع احاول !!
سلمى ابتسمت وقالت :
الزفت صالحة تطقطق عليتس قبل شوي بس من الصدمة محد قدر يرد بس عطاها سالم حقها وتستاهل م جاها
العنود قطبت وكتبت :
وش وش سوا عشان كذا كان معصب الله ياخذ نفسها الزفت م تدري ان فيه سكر !!
سلمى :
خلاص هديها وهونيها واسحبي عليها الله يستر عمي لا يسوي فيه شيء
العنود :
وربي لا ييلمسه اني لا انهي حياته الزفت ذاك ولا ناسية كيف عذب سالم وكرهه بحياته !!؟
سلمى :
لا م نسيت وقفلي الموضوع
سكروا جوالاتهم ورجعت العنود تحط يدها ع قير السيارة وابتسم سالم وشابك يده بيدها وقال : يالله انك تحيي عنودي واللي معها
هيام والبنات بصوت هادي قالوا : الله يبقيك
العنود شّدت ع يده وقالت : الله يبقيك يحبيب عنُودك
مشوا للقاعة وهم فرحانين عشان رجالهم م شافوهم ..
" الساعة ٨ الليل فالقاعات "
رعد بجدية وبحدة قال : محممد ولعنة ! وقف فالصف بسرعة الفرقة وصلت !
محمد كان مشغول بعيال ضاري اللي نشبوا فيه وقال بحدة : رعد عضّ لك ع شحمة !
نزل ولد ضاري مشاري الصغير ومشى وقف جنب كاسر وتمسك بذراعه وصفوا احفاد قاضي صف كامل ومتكامل ومُهيب
كاسر ارتفع صوته وهو يقول : اررححببوواا يرججاااالل
بدؤوا الرجال يقولون زامل ترحيب للرجال والضيوف اللي تعنوا من كل ديار لأجل ذيب وكانت الكلمات اللي تطلع من منطوق عيال واحفاد قاضي :
مرحباً عد ماذعذع نسيم الشمالي
يا رجالٍ لهم بالعرف باعٍ طويل
حن لكم بالمهمات الصعاب الجزالي
فزعةٍ في نهار الهوش حدٍ صقيل
سلامي على الي يكرم العاني
عد وبل نزل في الارض بنويه
والعواني علينا حقهم ثاني
يا نعى الي يقصر دون عانيه
.
وتقدموا الضيوف يردون عليهم الهدايا والمعونه تقدموا فيها لذيب واهل ضاري وذيب واقف بفخر في نص صف اهله وابوه ع يمينه وضاري اخوه الكبير ع يساره ومن بعدهم توزعوا وكانوا متلاحمين وكأنهم شخص واحد وكل واحد فيهم سند وذراع للثاني ..
خالد تقدم وقال بصوت عالي : سلااام عليكم يأهل قاضي
اهل قاضي ردوا السلام له بصوت واحد وعالي
خالد بفرحة : جيت من الشرقية وتعنيت لأجل خويي الذيب الله انه يستاهل والف مبروك يبو عبدالله وعسى زواجكم يتم ع خير
ذيب ابتسم وقال بصوت عالي : الله يبارك فيك يخالد وتستاهل الطيب والله
تقدم بلال وسلم مع خالد ع ذيب وعطوه معونته ورجعوا مع الضيوف
كاسر نزل بشته وسحب سيفه ودخل يلعب عرضة اهل نجد وكان كاسر له حضوره الفريد والمميز بكل مناسبة وم يستغني عن الرعد اللي يدخل معه وكانوا اثنينهم دقهم بالارض وتمايل سيوفهم لها هيبتها بكل مناسبة والحضور ينتظرون رقص عيال محمد
ابو رعد ابتسم وتقدم يراقص عياله واصوات التصفيق والصراخ والحماس كان اكثر شيء ماخذ الجو
رعد بصوت عالي : عااااش محممد بن قاضضي عاااش جعلني قبله
كاسر ابتسم وقال : وعااش الرعد بن محمد
رعد ابتسم وارتفع صوته وهو يقول : عشت لي محزم وعضيد يالكاسر بن محمد
ذيب دخل مع زايد وهم يتمايلون مع سيوفهم وضرب رجولهم بالأرض وقالوا بصوت عالي : عشتوا يأهل محمد دور اهل عبدالله
ضاري تقدم معهم وهو يراقصهم وقال : عاااشوا
كاسر لف بسيفه وضرب كتفه بكتف ذيب وهم يتمايلون وحط راحة كفه ع كتف ذيب وبدؤوا يمشون ويرقصون ورجع رعد ومد سيفه لمحمد وقال بهمس له : يالله ي عضيد الهيام وينك من الصفه والعرضة ؟
محمد ضحك وقال : ابشر بي يرعد الهيام
تقدم محمد وبدأ يراقص عيال عبدالله وابوهم وكاسر معهم والحضور اللي كانوا يعرفون عرضة اهل نجد تقدموا ودخلوا فالصفوف
رعد بهدوء : فارس فيك شيء ؟
فارس بتعب : لا لا بس مكتوم مره
رعد : اخذت علاجك ؟
فارس همس لرعد وقال : يالرعد معليك ايه اخذته
رعد كان يتأمل فارس وتأكد انه بخير ولف ورد ع اتصال امه
ام رعد بحدة : وللد وييينك من جوالك انت وكاسر !
رعد رفع اطراف ثوبه وبدأ يستعجل بخطواته وقال : شالعلم ؟
ام رعد بحدة : مدري عن عمتك عبير رافضة تنزف لين وذيبها وانا حالفة م يدخل عليها ويأخذها من غير م تنزف !
رعد ابتسم وقال : بس ؟
ام رعد صرخت وهي تقول : ررعععدد !!
رعد : ابشري خليها تطلع تكلمني
ام رعد ابتسمت وقالت : ابشر
سكر رعد ووقف شوي قدام الضو اللي كانوا الصغار يتدفون عندها وقالهم بهمس : بردانين ؟
صالح : ايه والله برد
تميم : ايه ايه بردانين
رعد ضحك وقال : الله يصلحكم درجة الحرارة ٣٤ وين البرد ؟
كايد : رعد انت تبكي ليه عيونك حمر ؟
رعد ابتسم وقال : عشاني رجال وحمر عين ومعرب الجد والخال
انصدموا الصغار وكانوا يناظرونه برعب
ضحك رعد بصوت عالي وقال : شفيكم عشان الجمر امزح معكم
فهد : لا انت صادق انت رجال وكبير
ضحك رعد وباس راسه ومشى لقسم الحريم
" عند الحريم "
هيام بفرحة : اخيييرًا بتجتمع لين بذيبها
سلمى ابتسمت وقالت : محد فرحان كثر ذيب يويلي شوي ويطير بسم الله عليهم
بشرى ضحكت وقالت : وقسسسم انتس صادقة
لين قطبت وتخصرت وقالت : خير وشقصدتتس انتي وياها يعني ماني فرحانه ؟
حنين ابتسمت وقالت : شوفوا الغبية كيف فهمتها
هيام ضحكت وقالت : الا صدق بتسوون زفة صح ؟
حنين : ايه اخواني وابوي اللي بيزفونها
هيام ووعد قالوا بصوت واحد : يالبييييه !!
سلمى احتد صوتها وهي تقول : وجعااااه
ضحكوا البنات وقطع ضحكاتهم شهقة لين وهي تبكي وتقول : اه يبنات الله يتمم والله قلبي ينغزني والله
حنين شهقت وقالت : خييير لين فال الله ولا فالتس !
سلمى قربت وقالت : تشكين بأحد ؟؟
لين برعب : ايه
فزوا البنات وسكروا الباب وقربوا كلهم وشكّلوا دائرة حول لين وقالت سلمى : مييين ؟؟
لين برعب وسط شهقاتها : مدري شفت واحد اليوم يسولف ويقول لازم نخرب عرسه ولا نطلع الا وهو مقتول
بشرى شهقت وقالت : ممييينن !!!!
بيان مسكت قلبها وطلعت تركض وحصلت ذياب وكان معطيها ظهره ويسولف مع وعد وامه اللي لفت ودخلت داخل وم بقو الا وعد جنبه وقالت بصوت عالي : ذييااااب
ذياب لف برعب وكانت بتصدم بيان فيه وهي تبكي ومصدومة وقال بصوته الرخّيم : بسم الله عليتس وراتس تبكييين !
وعد ضحكت وقالت : ععششننااا صد الله يقلعك !
ذياب ضحك وقال : اصبري انتي
بيان استوعبت وصفقت ذياب كف بكل قوتها وقالت : صدد جعلك م تشوف !!!
ذياب انصدم من الكف اللي الجمه وقال بحدة : خخيييررر ان شاءالله !!!!
بيان خافت وقالت بهمس : اسفه اسفه
ذياب لف وعطاها ظهره وقال : وعد ادخلي داخل
وعد انصدمت من المنظر اللي صار خصوصًا انها علاقتها بذياب رسمية واول مره تشوف احد يضربه وقالت : ليه ؟
ذياب : عشاني بطلع وبينفتح الباب ودخلي المهبولة ذي معتس
وعد ابتسمت وقالت : ابشر
لفت وعد ومسكت بيان وقالت بهمس : يغبية وش سويتي !
بيان بصوت عالي : ذياب فيه واحد مهدد ذيب يذبحه تكفى خل عينك عليه وعلم عيال خوالي والرعد اهم شيء
ذياب طلع وهو يعرف من اللي مهدد ذيب وكل العيال كان عندهم خبر وهم حاسين من قبل اصلاً ان خالد وراه بلاء بس م قالوا لذيب شيء احترام لمشاعره اللي بتنجرح من الخبر خصوصًا ان بينهم عشرة عمر ..
وعد برعب : وش قاعدة تقولييين وش صاييرر !!
بيان سحبت وعد مع يدها ودخلتها للقاعة وقالت : سوي كأنتس م سمعتي ولازم نمشي الزواج ولا نشكك احد !
وعد رفعت بعيونها وتلاقت بعين سلمى اللي تأشر لها تجي وتقدمت وعد لسلمى وقالت : بنت شسالفة !!
سلمى سحبت وعد للمنصة وصارت ترقص ووعد علطول دخلت معها وقالت سلمى : والله علمي علمتس لكن ان شاءالله م يصير شيء لأحد
وعد : ان شاءالله
كملوا يرقصون ودخلت هيام المنصة مع بشرى وهم متماسكين ويرقصون وزغرطوا الحريم لهيام ونسيبتها بشرى
هيام بفرحة وهي تزغرط : عاااااشت بيشو
بشرى ضحكت وهي تحاول تتعامل بالموضوع ولا كأنه صار هي وخوات ذيب كلهم وقالت بفرحة : عشتتتي يهيام الرعد
بدا الجو يشتعل والكل قاموا وهم بس مبتغاهم يرقصون مع هيام والكل يمدح فيها كانت ماخذه الانظار والجو كله بجمالها وفتنتها اللي بدورها كانت مهبلة بالعالم ..
" عند باب قسم الحريم "
رعد بصوت عالي : ي ام رععد !
ام رعد تقدمت هي وام ضاري وقالت : تعال يالرعد
رعد دخل وفك لطمته وقال : وش علمكم ؟
ام ضاري بحدة : يولدي م يحتاج زفة خلوهم يسرون وتنتهي الليلة ع خير لين بسم الله عليها ملكة جمال وخايفة عليها من العين
رعد بجدية : كلامتس صح بس لين مخططة معنا انا وابوي وكاسر ومعليه بتقرأ اذكارها وم بيصير الا اللي ربي كاتبه
ام ضاري : ابشر يالرعد وسووا اللي تبونه
ام رعد ضحكت وقالت : م يروضكم الا الرعد
رعد اشتط وشاش راسه وقال بحدة : يووييلل حااالي احتزمي ي ناديه قلبييي وشدي حزامتس واضربي الارض ولا تسمينن وانا ولدتس وورا ظهرتس !
ضحكت ام ضاري وام رعد وتقدم رعد وباس رؤوسهم وقال : متى الزفة ؟
ام رعد : بعد عشرين دقيقة زي م اتفقنا
رعد ابتسم وقال : ابشري
طلع وسكر الباب وراه وقال : كاسر بعد عشرين دقيقة باقي عشرين دقيقة يرجال خلوكم حول ذيب من النجس خالد
منصور : معليك ازهلنا يبو ايهم
كاسر : شد حزامك يالعضيد
مشوا كلهم وصفوا جنب ذيب اللي لاحظ ان العيال م فارقوه طول الليل وقال بشك لكاسر : يولد وش العلم
كاسر ابتسم وقال : وش العلم العلم سلامتك والزفة بعد شوي متجهز ؟
ذيب بحدة : كااسر انطق !
كاسر قطب ومثّل الغباء وقال : وشفييك وجع !
ذيب : م فيه شيء صح ؟
كاسر : زي ايش ؟
ذيب تراجع وهذا اللي يبيه كاسر وقال : لا لا ولا شيء
كاسر ابتسم ع جنب وقال : عادي علمني متحمس للين ؟
ذيب تناسى الشعور بعد اسمها وقال : ايييه والله
ضحك كاسر وخبط كتفه وقال : يالله انقضى الكثير وبقى القليل يحبييبي
ذيب ابتسم وقال : ع خييير ان شاءالله
رعد لف من ورا ذيب وغمز لكاسر ينفذ اول خططه وهو انه يستعجل الزفة ويروح هو وذيب ويشوفون الرجال الباقين تحركات خالد وفعلاً نفذ كاسر كلام رعد ومسك ذيب وقال : ياللع يعريس ؟
ذيب فز وقال : الحييين ؟
رعد فز علطول اول م شاف خالد ماسك سلاحه وفزوا حمد وسامي ووقفوا قدام ذيب وانصدم خالد وصد علطول ورجع سلاحه في حزامه وقال رعد بحدة : ذيييب اعججلل !
ذيب لف علطول ومشى مع كاسر وطلع من القاعة مع كاسر اللي كان ماسك سلاحه ويستعجل بخطواته
ذيب : وقسم بالله انه فيه شيء ووشش العللمم !
كاسر بحدة : بعلمك بس سد حلقك ولا تشغلني !
ذيب ارتعب من نبرة كاسر اللي شابه رعد فيها ومشى معه ووصلوا لقسم الحريم وفز كاسر وسحب ذيب وراه ورفع سلاحه
خالد ابتسم وقال : كيف عرفتوا الخطة ؟
كاسر بحدة : حرام بالله انك حرمة ولا تسوى اثر ذيب فالأرض اعنبوك بعد اللي سواه لك تجحده وتنوي تذبحه في ليلة عرسه !
ذيب انصعق من الكلام وكان واقف ورا كاسر بصدمة
خالد : عفوًا بس وش سوا لي ذيب غير انه اغواء اصيلة وحبته واول م جيت بأهلي وتقدمت لها قالت لي مقدر اتزوجك انا م ابي غير الذيب !
ذيب بحدة : انتت صااااحي !!!
خالد رفع سلاحه واطلق علطول وضربت الطلقة بكتف كاسر اللي طاح علطول واسوء شيء انها ضربت بكتف كاسر المصاب اثر اصابته في زواج زايد وفزوا الرجال كلهم وقال ذيب بصوت عالي : الله يبتر يدك يحيوان !!!
خالد رفع سلاحه بس قاطعه ضربة قوية ع يده وكانت من زايد وهو يقول : يعياالل كاااسسر
رعد وفارس ركضوا له وكان كاسر يتكلم وهو يقول : عيال الرصاصة ضربت بحديدة حزامي وم دخلت فيني معليكم انا طيب
رعد ابتسم وباس راسه وقال : خطاااااك الشر يبو محمد
كاسر قام بهدوء وقال وهو مثّقل صوته وشابه رعد بصوته وقال : خطاااااك اللااااش يبو ايهم
خالد انصدم اول م مسكوه علطول بتهمة الشروع فالقتل واعترف علطول وقال ان الغضب اعماه وخلاه يسوي الشيء اللي هو سواه ودخل في تحقيق طويل تحت صدمة ذيب اللي كان يقول : يرجال وش صار ؟
رعد ابتسم وقال : معليك خوف وحنا محازمك ووراك وع قولة الشاعر : 
حن سربتن حرابتن ذباحه
لما احتزم كل اصوك بسلاحه
على الدرك جبادة مياااحه
لمواجهة قومٍ يحاديهم حااادي
.
فزوا العيال وسحبوا اسلحتهم واطلقوا فالسماء وهم يقولون كلمات فخر واعتزاز بشعر رعد وكانت تختلف اقوالهم فيه اللي قال : حيي عيينك يالرعد
وفيه : ابششر والله بعزك ، عززز والله ، والله انك تبشر ...
رعد ضحك وقال : حيي نباااكم يربعيي
منصور بحدة : عيال خلاص الرمي ممنوع لحد يسمعنا شالونا
ام رعد فتحت الباب وقالت : ماشاءالله انتوا هنا ؟
رعد وكاسر لفوا وفزوا لأمهم وقالوا بصوت واحد : ادخلييي
دخلت ام رعد وهي تضحك وقالت : وين ابوكم ؟
رعد : هناك ليه !
ام رعد بحدة : يحمييير الزفة لنا عشر دقايق ننتظر !!
كاسر ضحك وقال : ابشري
ام رعد بجدية : وش صار فحزامك ؟
كاسر نزله وقال : حرام بالله م احتاجه والرعد حزامي
رعد شاش راسه وخبط كتفه وقال : احتتزززممم لعنبو غييرك
ضحكوا ع رد امهم اللي قالت : اذللفف ادع الشايب ذاك
رعد بضحكة : افا قد هو الشايب ووين راح الحب ؟
ام رعد نزلت تبي ترمي كعبها الصغير وقال رعد : ابشري والله خلاص
مشوا العيال ونادوا ابوهم ودخل ابو رعد وتعطر وتبخر ولبس بشته ولبس رعد بشته وكاسر بالمثل ودخلوا غرفة لين
لين ودموعها بعيونها ابتسمت وقالت : يهلا باللي لهم الخافق يهلي
ابو رعد ابتسم وقال : هلا فيتس يبنيتي ومبروك زواجتس وعساه زواج الدهر وابشري باللي يطيب خاطرتس
لين ابتسمت وباست راس ابوها وقالت : م تقصر يحبيبي يبوي
رعد ابتسم وقال : لا لا عنقودنا تزوجت ؟
لين ضحكت وتعبرت ونزلت دموعها لأنها م تتحمل رعد وكلامه ابدًا ضحك رعد عليها وقال : اافاااا لييييه
حنين ضربته وقالت : والله هيضها وبعده قول ليه ولا نسيت كيف بكيتني بزواجي
رعد وهو يغمز لحنين : ماش انتوا دلوعات
ولف للين وحضنها بكل حب وقال : مبروك يعيون اخوتس انتي ومنتس العيال ومن الذيب المال والله يوفقكم ويجمعكم ع البر والطاعة والمحبة والوفاء
لين حاوطته وهي تضحك وقالت : امييين يرعد الهيام اميين
تركها رعد وتقدم كاسر وقالت لين : كااااسري
كاسر ابتسم وقال : يعساني م اكسرتس ي ليييووننه
حضنها بكل قوته وقال بحب : الله يبارك لكم ويجمعكم ع خيير وان شاءالله ان ذيب رجال وقد الهقوة وم بيخيب الظن والله يطوول بعمره ويجعله ذخر وسند لتس
رعد بمزح : يرجال م يحتاج سندها وذخرها الكاسر والرعد مالها ومال الذيب ؟
ضحكت لين وقالت : اشهد بالله انكم محزمي وظهري لا ضاقت يخواني
كاسر ورعد فزوا وقالوا : تبششرييين ، احتززمميي بنااا
ابو رعد بعصبية : وجع انت وياه لحوج انتوا !! امشوا اخلصوا
رعد انفجر يضحك وقال : ابشر طال عمرك
كاسر وهو يرجف من الضحك كعادته قال : ابشر
طلعوا العيال وكانت لين متوسطتهم و ع يمينها ابوها وكاسر ويسارها الرعد لحاله ومشوا ودقت انغام الزفة وذيب عند الكوشة متوسط ابوه وامه وخواته دخلوا عيال محمد ومحمد وبنته لين ومشوا للكوشة ووصلوا ومد ذيب يده ولامست اناملها يده وشابكها علطول وفتح بشته وحضنها بكل حب قدام كل من فالقاعة وقدام ابوها واخوانها
ابو رعد صد وقال بمزح : وشفيه ذا فك الميانه علطول ؟
رعد بنفس المزح : تبيني الطمه لك ؟
ابو رعد : والله انت اللي يبي لك تلطيم
كاسر وهو يضحك ع رعد قال : ابللععع
رعد بحدة : انطم لا التفت لك واخلي الطلقة م تضيع مكانها
كاسر وهو يبي المحارشة تزيد : يبه يبه تسمع وشهو يقول
ابو رعد مد يده وقبص رعد وكاسر وفزوا وقفوا ولعاد تحركوا
ذيب ترك لين وقال : مبروك ي لييني مبرووك يعروس الدهر والسنة والايام ويعروس قلب ذيبتس مبروك والله يخليتس لي ولا يحرمني منتس
لين بخجل ابتسمت وقالت : الله يبارك فيك ي ذيبي والله يديمك لعُمري عُمر ودهر طويييل سند وذخر يحبيبي
ذيب ابتسم وجلس وقال بمزح : يخال خلاص تكفى شل عيالك واطلعوا
ابو رعد ضحك وقال : يزينك ساكت قبل التفت لك واعطيك نصيبك من القبص
ذيب ناظر في وجيه رعد وكاسر وضحك بكل قوته وقال : ابللعوواا
ابو رعد : تبي تجربها ؟
ذيب رفع يده بمعنى " استسلم " وقال : لا نفداك
ابو رعد لف وقال : يالله يعيال
طلع وطلعوا كاسر ورعد معه وذيب لحقهم علطول وشاف صف العيال حول سيارته ومشغلين المسجل ويرقصون بكل فرحة وصوت صراخهم والسيوف والرمي بالمسدسات
ذيب سحب بشته وصار يتمايل فيه ويضرب ويعرض قدام كاسر اللي م كان اقل من ذيب وكان حماسه اقوى والكل يصفقون وقال رعد : يالله يعريس م نبي نأخرك رح عسى البركة والسعادة م تضيع من دربك
الكل مع ذيب قالوا : امييييين
ركب ذيب وطلعت حنين وقالت : كاسر رعد !
كاسر ورعد لفوا ومسكوا لين بعبايتها البيضاء ومشوها ووصلوها لباب سيارة ذيب وركبت بهدوء ورفعوا اخوانها فستانها وسكروا الباب ودق رعد الشباك وفتحه ذيب وقال بمزح : ابلش وشتبي يخوي !
رعد ابتسم وقال بصوته الرخّيم : اسمعني وداعتك لين خلها بين عيونك ولا نوصي حريص يالذيب ؟
ذيب بكل صدق وحب قال : والله ان تبشر يالرعد ووالله انها بين رمشي وعيوني
لين ابتسمت وشابكت يدها بيد ذيب وقالت : واثقين فيك يالذيب
ذيب بحب صرخ وقال : يجعععلل الذييبب فدااا لييينه
رعد ابتسم وقال : ودعناكم الله يالعرسان
سكر ذيب الشباك ومشى وانتهت ليلة عيد واجمل زواج بعيون اهل قاضي لأنه جاء بعد حزن وفراق لجدهم اللي كانوا يتمنونه بين الصفوف يراقص ذيب ويفرح للين
" في قاعة الحريم "
هيام وهي ترقص وتضحك قالت : بنات سرينا ؟
سلمى ابتسمت وقالت : غصب عنتس يحلوه الرجال برا وانتهى زواجهم
بشرى جات تركض وقالت : هيام ايهم يبكي بيد خالتي رهف
هيام فزت ومشت لأمها وقالت بصوت طفولي : وش فييه قلب الرعد ونبض الهيام ؟
ايهم سكت اول م سمع صوت امه واخذته وهي تحضنه وتبوس فيه وقالت : هاه يماما وشفيك ؟
ايهم بصوت خفيف قال : ننه
هيام ضحكت وجلست ع احد الطاولات بعد م راحوا كل الحضور وم بقى الا اهل قاضي وطلعت صدرها وبدت ترضع ايهم وهي تسولف مع سلمى
سلمى ابتسمت وقالت : وش الام الحلوة ذي ! حتى وهي ترضع حلووووة !
هيام ضحكت وقالت : سلومتي والله لا امسكتس الا اسمعي كم قدتس بالشهر ؟
سلمى قطبت وهي تفكر وقالت : دخلت الثامن قبل يومين اظن
هيام ابتسمت وقالت : الله يتمم لتس وتصيرين احلى ام صدق
سلمى قامت وقالت : انتي مغطية علينا كلنا خلي عنتس اعنبو الرعد والله يحظه قايم !
هيام انفجرت تضحك وقامت ورا سلمى وغطت صدرها واخذت ايهم وصارت تطبطب ع ظهره وشوي ونام علطول وحطته بهندوله وقالت : عمة ناديه انتبهي له
ام رعد ابتسمت وقالت : تمام
مشت هيام للباب عشان تروح لغرفة لين وتاخذ عبايتها واغراضها واغراض ايهم وقالت لمشاري : ميشو في احد ؟
مشاري هز راسه بنفي وقال : لا
دخلت الغرفة وفز مشاري وسكر عليها الباب وهو يضحك وقالت : يويلي انهبل البزر
لفت وشافت رعد وراها وقال : هيامي !
كان رعد مصدوم من منظر هيام اللي يشلع القلب وفستانها المخصر ولونه الدامي ومكياجها الحاد كانت تفتنه بكل تفاصيلها
هيام برعب : رعد وش تسوي هنا !!
رعد تقدم وقال بصوته الثقييل : وشذا القمر لا اله الا الله !
هيام بعدت وصارت ترجع بخطواتها ورعد يجاريها ويمشي بخطواته حتى وصلت هيام لأخر خطوة وارتطمت بالطاولة وراها وقالت بحدة : وش فيييك !
رعد تقدم وحاصرها بيدينه وقال بتخدر : وش فيني مو حلالي اتأملتس وابوستس واحضنتس والمستس ؟
هيام بصدمة قالت : ايييه حلالك بس مو الحين العرب بيسرون والكل بيرج..
قاطعها مبسم رعد اللي باس مبسمها ولفت هيام بوجهها وانحسب روجها وارتسم خط احمر ع خدها وكانت الفرشاة المسؤولة عن الخط الاحمر مبسم الرعد اللي ضحك ع جنب وابتعد عنها وقال : وشفيتس لفيتي خليني اتهنى شوي !
هيام وهي صاده عنه : رعد م ابي افاتحك بذا الموضوع ابدًا راضية تحضني بس تبوسني وينن حنا فيه ببيتنا ؟ وكيف بتطلع الحين وروجي م يروح !
رعد ضحك ومسك فكها ولف وجهها له وقال : كم صار لي ابوس فيتس واطلع واتلطم ؟
هيام ضحكت برعب وقالت : خلاص اخذت اللي تبيه مشينا
رعد بحدة : وشفيتس تتهربين !!
هيام : شدخل !
رعد بعصبية : اندري عنتس وش علمتس خليني اتهنى واروق من اليوم وانا ع اعصابي !
هيام حضنت رعد وقالت : خلاص ابشر بس اول شيء نروح لبيتنا
رعد ابعدها منه وقال : خلاص طابت النفس
مشى رعد بكل كبرياء وعصبية وضرب الباب بكتفه وانكسر القفل وانفتح وطلع وهو يضرب برجوله فالأرض وكأنه يضرب بقلب هيام اللي انصدمت من رده وكانت تشوفه يبتعد وتلطم وعيونه حمراء وكان فستان هيام عاكس عدسات الرعد اللي مشى وطلع واختفى من انظار معشوقته وراه ومشت بهدوء وطلعت وراه وهي لابسة عبايتها ومعها الاغراض كلها وركبتها فالسيارة وقال رعد بصوت عالي : محمد اخذ هيام وايهم معك
محمد قطب وقال : ابشر بس عسى م شر ؟
رعد بعصبية وحدة : اخلص علي
محمد تقدم واخذ اغراض ايهم من هيام واخذ ايهم وركبها سيارته وايهم باقي بحضنه وقال : هيام يالله ؟
هيام كانت تتامل رعد اللي صاد عنها وهو مستوجع انه م قد تقدم يبي يعطيها حبه وتسمح له هيام وتجاريه وتبادله كانت دايم تختلق اعذار وتحاول تبعده عنها اخذ سيجارة من بوكيت دخانه وشغله وحطه بين شفايفه ومشى متجهة لسيارته وهيامه باقي واقفة بصدمة وقالت بهدوء : رعّودي فيك شيء ؟ ليه تبي تبعد ؟
رعد م رد وركب سيارته ومشى علطول بدون اي رد وسكتت هيام بحزن ومشت وركبت واخذت ايهم من محمد اللي كان مشابك يده بيد بشرى تحت نظرات هيام الحزيينة وهي عجزت تتعود ع رعد وكان دايم مرعب ومهيب اذا قرب منها ولا هي قادرة تتحمل بعده وفرقاه عنها ..
::::::::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( شراييييكم بالفجعة اللي محد توقعها ولعبت عليكم وقلت بكرا 😋🤣 ، استمتعوا يحباااني وعطوني رايكم بكل تفصيل اشوفكم ببارت جديد ؟ 💞 )
حساباتي بالتواصل الاجتماعي " تويتر ، تيك توك ، انستا " ( Jwuiri )
صلوا على النبي صلى الله عليه وسلم 🍂