يهزمني الحُب وانا جاهل بدرب المُحبين

البارت الثلاثين

لبست هيام ملابس المستشفى وتلطمت بشماغ رعد بحكم ان ما معها عباية وطلع رعد ووقع واخذ علاجاتها وطلع ركض لها واخذها من الغرفة وطلع وحصل منصور تارك له سيارته عن الباب ومفتاحها مع الامن اللي سلم رعد المفتاح وركب هيام وركب هو جنبها واتجهوا للرياض لبيتهم وهو يبي يرتاح معها يوم قبل يرجعون اهل المزرعة
هيام : بنروح المزرعة ؟
رعد ناظرها وضحك بقوة
هيام استغربت : خيير رعد !
رعد سكت نفسه وابتسم وقال : ابد ولا شيء
هيام بحدة : انططقق
رعد لف لها بقوة وقال بحدة : عششنناا صددق
هيام برعب ضربت يده بخفه : وجع خرشتني !!
( هيام منجد انخرشت لأنها اول مره تشوف انفصام رعد واللي كان مررععب يعني يضحك وبعدها يعصب )
رعد كان وجهه جامد وعيونه متوسعة ويناظر هيام وكأنه يناظر روحها وقال : شفيتس ؟
هيام تجاهلت شعور الرعب اللي داخلها وقالت : ولا شيء
رعد صد عنها وكمل سواقته والتفتت هيام له بهدوء كان يسوق بسرعة وشّاد ع الدركسون وعروق يدينه بارزة صدت وقالت بنفسها ( يمهه شفييه ذا انقلب يالله ماني ناقصصه والله ) قاطع تفكيرها رعد وهو يقول : م معتس عباية في سيارتي ؟
هيام تووها استوعبت ليه رعد كذا وكان السبب غيرته عليها وقالت بهدوء : لا والله يحبيبي
رعد ابتسم ع جنب وقال : معي بدلتي العسكرية تلبسينها !
هيام توسعت عيونها وقالت : منجدك ؟
رعد : ايه منجدي اجل استهبل ؟
هيام لفت له بكل جسمها وقالت : اذا تغار ترا م فيه شيء طالع مني بس شعري وعلطول بنزل بسرعة
رعد : وين تنزلين ؟
هيام شهقت : صح م جااوبت ع سؤالي !
رعد كان راكد بشكل مشكوك فيه وقال : اي سؤال ؟
هيام : وين بنروح للمزرعة ؟
رعد : لا بنروح لبيتنا
هيام ابتسمت : خلاص دخل سيارتك داخل الحوش وخلصنا
رعد : تبين بيتنا ؟
هيام استغربت : ايه عادي يعني ليه فخاطرك مكان ثاني ؟
كان ذا اخر سؤال سأله رعد وبعدها عم الصمت المكان وبعد ربع ساعة تكلمت هيام بهدوء وقالت : رعد
رعد همهم لها : همممم
هيام : فيك شيء تعبان حاجة ؟
رعد لف بعيونه بس لها وقال : ليه احد قالتس شيء ؟
هيام بشك : رعد فيك شيء ؟؟
رعد هز راسه بنفي وقال : ابد
هيام : وربي مو طبيعي تكلمم والله فيييك شيء
رعد لف لها بحدة وقال : هياام خلااص لا تغثينيي
هيام بشك : وين جوالك ؟؟؟
رعد توسعت عيونه وقال : خيييرر ؟
هيام بحدة : رعد هات جوالك الااان !
رعد مد يده بسرعة وسحب شماغه من عليها ومسك فكها بقوة وقال : نعمم يماما بتحاسبيني ع جوالي ؟
هيام بعد ردة فعله تأكدت انه مسوي شيء ومسكت فكه وقربته لمبسمها وباسته بقوة وقالت : شدعوة ابيه عشان اقول لحنين تجهز ملابسي واغراضي وجوالي
رعد ارتخى بعد حركاتها وقدرت تلعب براسه ووقف سيارته ع جنب الطريق ولف لها بقوة وقال : هيااام تبيني اذبحتس ؟
هيام ضحكت برعب : هااااه ؟
رعد ابتسم : قولي لي تبيني اذبحتس ؟
هيام تخصرت وقالت : بكيفك والله اذبحني انا وولدك
رعد قرب من وجهها وخلاها ترجع بوجهها علطول وقال : خير تتهربين مني ؟
هيام كانت ترجف برعب وقالت : مدري احسك مو طبيعي وش صار لك ؟
رعد رجع لمكانه وقال : وش فيني تكلمي انتي
هيام نطت ولفت وجه رعد وشافت السماعة في اذنه وصرخت : تككللممم احد !!!
رعد ابتسم ع جنب وقال : ايه
هيام كانت ترجف من العصبية والخوف ومدت يدها تبي تأخذ السماعة منه بس مسك رعد يدها ومد يده الثانية لخصرها وشّدها عليه وقال : تتوقعين لو نبدأ بالهواش انك بتفوزين ؟
هيام كانت قريييبة وانعدمت المسافة بينها وبين رعد وقالت بقوة عكس الرعب اللي داخلها : ايه بفوز !
رعد شّدها اكثر وقال : متاكدة ؟
هيام قررت تجاريه وقربت اكثر ولامس خشمها خشمه وارتخى رعد وترك يدينه من عليها وفزت واخذت السماعة وفتحت الباب ونزلت ودموعها بعيونها ولبست السماعة ووصلها صوت تعرفه زيين وكان ثقييل ويشّد الواحد يسمعه وقالت ودموعها اخذت مجاريها : مين انتي ؟؟
كاسر عصب : خيرر وش انتي ؟؟ كاسر انا
هيام كانت ترجف من البرد وقالت : هاه ؟
كاسر ضحك : هيام شفيتس ؟
هيام ابتسمت : اوه كاسر لا لا ولاشيء
كاسر : وين رعد ؟
ولفت وقالت : بسم الله رعد وينه ؟
كاسر استغرب : ايش ؟
هيام : ولا شيء بسكر انا م ابي رعد ينشغل بالجوال وهو يسوق
كاسر تفهم وقال : تمام
سكرت وركبت السيارة وجلست عشر دقايق ورعد ماله حس ودب الرعب بقلبها وقالت : انزل اشوف وينه ؟
كانت الساعة ١١ الليل وتقفل جوال رعد وهي م تعرف رمزه وكان البر مرعب وظلام وبعدها قالت : لا والله م انزل
مر الوقت ومرت الثواني والدقايق وكمل رعد ساعة وهو مختفي فزت هيام وكانت تبكي بخوف وتقول : ياربي وينه
رعد فز من وراها وهو كان منسدح وحاط شماغه عليه وم شافته هيام وقال : شفييتس تبكين ؟
هيام لفت له بقوة وضربته ع وجهه بقوة وهي تصارخ : ييميمممههههه !!
رعد مسك خشمه بقوة وقال : اااااااه خششممميي
هيام شهقت ومسكت يدينه وقالت : ورني بششوف ورني
رعد بعد يدينه وكان خشمه ينزف وشهقت هيام وبدت تبكي قرب رعد وحضنها وهو يضحك وحاط شماغه ع خشمه وقال : جعله فداتس خلااص
هيام حاوطته وقالت : اسفه يالرعد والله م شفتك وكنت خايفه واسأل وينك من ليل
ضحك رعد : لفي وراتس وبتشوفيني
هيام : مدري والله م شكييت انك وراي
رعد اخذ علبة مويه ونزل وتشمر وقال : هيامي تعالي صبي المويه عليه بس شوي شوي
هيام ركبت في محل السواق واخذ العلبة منه وبدت تصب بشويش ورعد يغسل الدم ويغسل شنبه ولحيته وقالت هيام : الله يجعله بضلوعي عنك يالرعد
رعد ناظرها وهو جالس : بسم الله عليتس شدعوة !
هيام نزلت العلبة ونزلت وجلست مقابله رعد ومسكت وجهه بيدينها وقالت : قلبي يحرقني اول م شفت الدم منك
رعد مسك يدينها وباسهم وقال : قلت لتس جعلني فداتس
هيام ابتسمت : نمشي ؟
رعد ضحك : والله كان ودي انام ولكن بعد الضربة وييين النوم وانا ويني ؟
هيام عبست بوجهها وقالت : رععدد
رعد ابتسم وقال : يعيونه
هيام : التأنيب ضرب الحين
رعد ضحك : لا لا جعلني فداتس امزح
ركبت هيام وركب رعد وكملوا طريقهم للرياض
................•••................
الساعة ١ الليل فالمزرعة
وعد قالت بنفسها ( لازم اقرأها للحين كبدي تحرقني ابي اشوف وش كاتب عشاني )
مشت متجهة للونيت اللي كان بنص المزرعة وبين النخل ونور القمراء بارزة لونه الاحمر وقربت وناظرت وكان جوال كاسر ومفتاح سيارته وبوكيت الدخان وولاعته موجودة بس هو م كان موجود ابتسمت وعد بنصر وقالت : حمدلله مو موجودد
اخذت جواله وركضت فيه داخل وبعدها شهقت وضربت راسها وقالت : يحماااره كييف بتفتحيينه
مشت وراحت للين وقالت : لين تعرفين رمز جوال كاسر ؟
لين لفت لها : خيرر وشتبين بجواله ؟
وعد بملل : خلصيني تعرفين ولا لا
لين ضحكت وقالت : لا والله ي وعد الكاسر
وعد ابتسمت ومشت وطلعت راسها مع الباب وشافت كاسر متشمر ورافع ثوبه والدخان بفمه ويمشي وهو يترنح ومتجهة للونيت كان شكله كافي انه ينهي وعد ويجيب راسها وسمعت يقول : اععقبب ويين جوالي ؟؟
محمد ابتسم وهو متجهة له : اندري عنك !
كاسر لف له : انا خليته فالخيمة ؟
محمد رفع كتوفه بمعنى " مدري " وقال : معك ولاعة ؟
كاسر اشر بيده للونيت واتجهة للخيمة وراح محمد وشغل سيجارته وجلس ع الونيت وكان كاسر ماشي ومر من قدام وعد اللي همست وقالت : كاسر
كاسر لف لها بقوة وقال : لبييه
وعد ابتسمت وكان شكله يجذب وقالت : وشذا الزيين
كاسر ارتخى وقال : تكلميني ؟؟
وعد : وفيه غيرك ماخذ عقل وعد ؟
كاسر قرب وقال : وععد !
وعد حاوطته وقالت : يروحها
ارتعد كاسر وهو م يدري ان وعد كذا اذا حبت من قلبها وقال : وعد ارفقي بي تكفيين
وعد ابتسمت وحضنته وكانت ريحته عود ودخان وقالت : لبيه والله يالكاسر ولبيه يالحضن اللي يخليني اشم ريحتك واخالطها بعطري يالبيه صدق
كاسر حاوط خصرها وشّدها عليه وقال : وعد م انصحتس تتحركين ولا تروحين خليتس كذا شوي بس
وعد سمعت صوت جدتها ونطت بس شّدها كاسر وقال بحدة : وش قلت !
وعد همست له : جدتتتي جااات مو وقتتك
كاسر ابتسم وفتح باب الغرفة اللي جنبه ودخل بوعد فيها وسكر الباب بالمفتاح وشاف جواله بيدها وقال : جوااالي ؟
وعد خافت ومدته له وقالت : ايه اخذته عشان ابي ادق ع جوالي ضيعته
كاسر بدا يقرب وقال : والبنات مزهريات ؟
وعد كانت ترجع مع كل خطوة يخطيها كاسر وقالت : كاسر اطلع يكاسر لحد يجينا ويشوفنا
كاسر ابتسم بخبث وقال : وانا زوجتس ع الفاضي ؟
وعد طار عقلها وطار تفكيرها بعييد وقالت : وشش بتسسوي !
كاسر : وش مابسوي انا الحين
وعد ضربت بالجدار واعلن وصولها للنهاية وقرب كاسر وحاوطها بيدينه وقال : لاتتحركين ولا تعاندين عشان م اشّد عليتس
وعد شهقت وقالت : كاااسسر وشش بتسويي !
كاسر نزل وتساوى وجهه مع وجهه وعد وكان قريييب وقال : ابي اذوق الخمر الحلال تسمحين ؟
وعد نزلت بسرعة وطلعت من جنبه وركضت وفتحت الباب وطلعت وهي تقول : بددررريي علييييك
كاسر لف للباب واحترق صدق وقال بنفسه ( وانت ورا تسألها كان سويتها ومحد بيقول شيء ! )
واخذ جواله وطلع متجهة للونيت وهو يتحلف في وعد ويحلف ان يسويها اليوم قبل بكرا
...........••...........
فارس طلع من الخيمة بحكم انه مستحيل يروح لمحمد وكاسر اللي كانوا يدخنون وممكن ينكتم وتذكر انه م كلم حنين من اول م وصلوا وكل حوارتهم كانت هواش وباردة جدًا ابتسم واتجهة للباب وقال بصوته الرخّيم : يالحنيين
حنين فزت وقالت : خير ؟
فارس عرف انها زعلانة وقال : خيير ؟ وش خيير ؟
حنين طلعت وقالت : خير م تبي الخير انت ؟
فارس : عزتي لي وين لبيه وعيوني ؟
حنين تخصرت : احلف ؟
فارس : والله
حنين : عمومًا وش بغيت ؟
فارس ابتسم : زعلانة ؟
حنين : لا
فارس : حنيني اعرفتس ترا
حنين بحدة : اها يعني تعرفني ومن اليوم زعلانة وتوك جيت اخر الليل !
فارس بحدة : طيب صوتتس لايرتفع عشان م يطول زعلتس واركدي !
حنين : فارس بغيت شيء ؟
فارس : ايه ابغيتس انتي
حنين فتحت يدينها له وقالت : تعال طيب
فارس قرب يبي حضنها بس صدمته اول م سكرت الباب بوجهه وقالت من وراه : ماشاءالله والله جيت علطول
فارس عصب وفتح الباب وسحبها لحضنه وقال وهو يصر ع اسنانه : قلتت لتسس لاتعلقيينيي فيتسس وبعدهاا تسويين فييني كذاا ماهوو انا اللي استااهلل
حنين حاوطته وقالت : ماتستاهل ولا انا استاهل
فارس : اييه اقصري الشر
حنين ضحكت : انت بعد اقصره
فارس بحدة : حنييين !
حنين ضحكت بقوة وشّدت عليه وقالت : اسفه خلاص
فارس قرب وباس راسها وقال : اييه ذي حنيني اللي اعرفها
حنين ابتسمت وقالت : متى بنمشي للرياض ؟
فارس : بكرا نامي زين عشان تخاويني بكرا
حنين : ابشر وانت بعد نام عشان تمسك خط معي بكرا
فارس : معليتس بنام انا
حنين استغربت : وين العيال ؟
فارس حط يده ع صدره : يدخنون كتموني
حنين فزت : احللفف فيييك شيء ؟!
فارس ضحك : لا بالله بس ارفقي بي خوفي انكتم منتس انتي
حنين ضربته بخفه : فااارس م يضضحك
فارس دخلها وقال : نامي نامي
دخلت حنين وقالت : احبك
فارس لف لها قبل يروح : اهيمتس
طلع للخيام وشاف الرجال موجودين وقال : متى بنمشي ؟
ابو رعد : والله قررنا نخليه بعد شوي وقلنا للحريم يجهزون
شهق فارس : منججددكمم !!
الكل فزوا : وشفييك ؟
فارس : لا يخي نبي ننام ونريح وبكرا نمشي
ابو رعد : مافيه وقت يالفارس لازم نلحق ع زواج بنتنا سلمى
ابو هيام : والله ومحمد صادق
فارس بقلة حيلة : الليلة الليلة
الكل فز للسيارات وقاموا يجهزون ويركبون الاغراض فيها وطلعت حنين وهي تضحك وقالت : اجل بننام ؟
فارس ابتسم : تكفين اسكتي
حنين ركبت سيارة فارس وركب الاغراض وركب جنبها وقال : توكلنا ع الله ؟
حنين : بسم الله مشينا
مشوا وكانت اول سيارة تطلع من المزرعة وبعدها جمس الجد قاضي مع العيال الصغار وام محمد والباقيين
كاسر : من يخاويني ؟
وعد لف له وكان يناظر فيها واشرت له بمعنى " لا "
كاسر اشر لها " تعالي "
مشت وعد وقربت وقالت : هلا ؟
كاسر بحدة : اركبي
وعد : هاااه !
كاسر ابتسم بخبث : ماشاءالله اشوف النية عندتس معطلة ؟
وعد شهقت : لا لا اقصد هاه م ابي اركب معك
كاسر : اركبي وخلصيني
كان كلام كاسر يثير الشكوك ويطير النية صدق واستغفرت وعد وركبت السيارة وهي تقول بنفسها ( يويلي والله نيتي صافية بس الزفت كاسر حيواان يجيب مصطلحات تخلي الواحد يطير )
ركب كاسر وقال : اغراضتس وين ؟
وعد : يحبيبي ترا م تزوجنا باقي عقد يعني وش تبي بأغراضي ؟
كاسر ابتسم : عيديها تكفين
وعد استغربت : وشهي ؟
كاسر : حبيبي
وعد ضحكت : حبيبببيي
كاسر قرب وقال : عيون حبيبتس
وعد : ابعد بس لاتفضحنا
كاسر ضحك : افضحتس عند من الجن والعفاريت ؟
لفت وعد والكل مشوا وم بقى الا هي وكاسر وقالت : اها شكلنا بناكل تبن الليلة
كاسر ابتسم : احد قالتس تبعدين قبل شوي ؟
وعد : عادي انزل ؟
كاسر : ومن تجلسين معه ؟
وعد : مع الجن والعفاريت
كاسر انفجر يضحك وقال : انا الجنون والعفاريت والله
وعد بخقة همست وسمعها كاسر : العن ابوه محلا ضحكته
كاسر لف لها بهدوء وقال : ضحكتي حلوة ؟
وعد شهقت وقالت : ايش من اللي يقوله ؟
كاسر ابتسم : وعد احبتس يالوعد اعشقتس واهميتس والله انتس اكسجيني والله اني بدونتس اضييع ارحميني يالوعد ولاتكسريني وانا الكاسر
وعد ابتسمت بحب وقالت : اعنبوك والله م اكسرك واني معك واني احبك اضعاف حبك لي وقسم بالله انك نعمة علي وحمدلله اني وافقت وحمدلله انك م تخليت عني وتركتني واخذت غيري
كاسر مد يده وشابكها بيدها وحركوا من المزرعة وسكر ابواب المزرعة معلن نهاية احداثها معه
...........•••..........
فالرياض
وصلوا رعد وهيام البيت ونزلوا ودخلوا وقال رعد : خلاص التعب مليييون بتنامين ؟
هيام : ايه والله بنام
رعد : خلصتي الشنط ؟
هيام قطبت : اي شنط ؟
رعد : يوووه نسيت ان اغراضنا فالمزرعة
هيام ضحكت وانسدحت واخذت علاجاتها وعلطول نامت وهي تعبانة
اما رعد اللي قال : انا وش ينومني الحين وانا نايم يوم كامل !
وانسدح وهو يفكر وفز وراح يدق ع فارس اللي وصله صوته : ارحب
رعد ابتسم : سللمه
فارس : لبيه يالرعد امرني ؟
رعد : م يأمر عليك عدو وينك ؟
فارس : والله متجهين للرياض
رعد ابتسم : ماشاءالله احلف ؟
فارس : اي والله جدي وعمي محمد نشبوا وقالوا الليلة نمشي عشان زواج سلمى
رعد قطب : كم باقي عليه ؟
فارس : شيء وعشرين يوم
رعد : طيب بدررري
فارس ضحك : ان ذا اللي جلطني
رعد ابتسم : معليه طمني عليكم اهم شيء ويالله لا اطول عليك
فارس : ابشر معسلامة يروح اخوك
سكر رعد وراح يدور شيء ياكله وفتح الثلاجة وحصل لبن وشاف تاريخ انتهائه وقال : كوييس بشربه عشان انام
واخذت وصب نص فالكاسه وشربها وجلس دقايق وقال بملل : خيير وشفيه معاد صار ينفع ولا عشان كبرنا والشنب خط وجيهنا !
طلع للغرفة وشاف هيام بسابع نومه وراح اخذ علاجاتها وصار يقرأ فيها وصور العلاج اللي خذته وارسله لفارس وقال : عادي اكله ؟
فارس رد بعد كم دقيقة وقال : وش عندك ؟
رعد : ابي انااام
فارس : ايه تقدر تأكله بس لازم كورس يعني لازم تكمله كامل هههههههههههههههههه
رعد عصب : م يضحك تعرف علاج ينوم ؟
فارس : ايه
رعد : وشو ؟
فارس بخبث : حضن زوجتك
رعد ابتسم وقال : والله لا تسأل من الكلمة ذي يحيوان
فارس :هههههههههههههههههههههههههههههههههههههههههههههههههههههههههههههه
رعد فكر وقال : مالها الا هيامي
وقرب ولف هيام له وفتحت عينها وقالت : هممم وشفييك ؟
رعد دخل يده تحت راسها وقال : احضنيني
هيام ابتسمت وحاوطت راسه وقالت : م فيك نوم ؟
رعد نزل وجهه وشّده لنحرها وقال بصوته الثقيل : الحين غيبوبة مو نوم
هيام ضحكت وشّدت ع راسه ونام رعد علطول وهو بين يدين هيام اللي نامت بحنية وهي تحسه اذا جاها كذا كأنه طفل ويحتاج حنان وناموا ابطالنا
...............•••..............
مرت الايام وبعد عشرين يوم تحديدًا يوم الزواج
كان الكل مستنفر خصوصًا ان الكل اتفق ع حب سلمى والكل يركض عشان ليلة عمرها
فارس : خلصصتوا ؟
العيال : ايييه
فارس : يالله الحلاق
رعد فز وقال : انا بسوق
كاسر : وانا اللي بمسك الطاره
فارس : الله لايشغلنا الا بطاعته
الكل ضحك وركبوا لكزس رعد وقال : نمّر العريس ؟
كاسر : ايه بالله خلونا ناخذه معنا
محمد : والله م نرفض
ذيب بصوت عالي : يالكاسر
كاسر لف له : ياعيوونه
ذيب : شغل شيلات تطربنا تكفى
كاسر : ابششرر بي
شبك كاسر جواله وشغل وبدا الكل يترقص ويغني بفرح ووقفوا عند باب بيت ابو منصور اللي كان واقف مع منصور وهم لابسين بشوتهم وقال ابو منصور : ارحبوا
رعد نزل وسلم ع ابو منصور وقال : يالله انك تسلمه
الكل نزلوا وسلموا عليه وركض كاسر وطول ع صوت الشيلة والكل صفوا وصفقوا وصاروا يعرضون عرضة نجد قدام ابو منصور اللي دخل معهم بفرحة والكل فرحان ويرقصون ووقفهم منصور : يعيااال خلااص خلونا نخزن طاقة لليل
الكل ضحكوا وركبوا السيارة وقال رعد : اسمح لنا ياعمي عبدالرحمن بس بنخطف العريس
ابو منصور : والله اني انا وولدي فداك يالرعد
رعد فز : مجاااار لبى عينك
منصور ضربه بخفه : تستاهل كان انطميت
رعد لف له : اصه لا ادعس وجهك ترا الحب ذا كله عشان ابوك م ينزل علي ويدعسني
كاسر بحدة : يعقبون كلهم محد يقدر عليك يالرعد وانا اخوك
رعد لف له بقوة وقال : اني والله عارف انك وراي وسندي
فارس : عززززز
ذيب ضحك : يويليي والعنصرية عشانهم اخوان
زايد : عادي يالله نتعزوى ببعض يالذيب
ذيب : احتززمم
كاسر ابتسم : ماش مافيه مقارنة بينكم وبيني انا والرعد
رعد ابتسم : شفت ماش ماش م يصلح
ضحكوا العيال واتجهوا للمشغل والكل كان طربان ويعاملون منصور كأنه ولدهم والكل فرحان له
رعد : خلصتوا
كاسر ابتسم : اف اف وشذا الزيييين ؟
رعد مسك فكه وصار يلف يمين يسار وقال : كيييفف بس
كاسر همس : الله يعييين هيامك
رعد ابتسم بحب وقال : متأكد م ودك تقول الله يعينك ع هيامك ؟
كاسر ضحك : اجل اللي ودك
فارس : خلصت انا يالله ؟
رعد : اف اف صدق وشذااا الزييين
ضحك فارس : ودي اقلدك بس خلاص م يمدي مشينا
رعد ابتسم : يالله
طلعوا متجهين للأستراحة ونزلوا واخذوا سيارة كاسر وكاسر ركب اللكزس وراح للصالون ياخذ الحريم
وصل كاسر للصالون ودق ع امه
ام رعد : يالله جايين
كاسر ابتسم وسكر
ام رعد بصوت عالي : بناااات كاسر برا امشووا
هيام : يوووه كيف بتكفين سيارته ؟
ام رعد شهقت : صادققه
دقت ع كاسر ووصلها صوته : لبيه يمه
ام رعد : يولدي كيف بتكفي سيارتك ؟
كاسر ضحك : سيارة رعد اللي معي اطلعوا م ابي اتأخر والعرس بدري
ام رعد : ابشر
سكر كاسر وجلس ينتظرهم يطلعون
ام رعد : هيام يالله ادعي البنات معتس وامشوا
هيام : والسيارة ؟
ام رعد : سيارة رعد اللي معه
هيام ابتسمت : الصغيرة ولا الجيب ؟
ام رعد : اكيد الجيب الصغيرة م عمري شفته يسوقها
هيام ضحكت : الا يروح فيها الدوام
ام رعد ضحكت : ييوووه يالهيام خلصينا
هيام اتجهت للبنات وقالت : حنين لين بشرى وعد شوق جميلة صالحة العنود بيان عهود.... امشوا يالله
كانوا ١٦ بنت مع ام هيام وام رعد وقالت ام هيام : خيير وشذا م بتكفي السيارة
هيام : الله اكبر يمه نتحاشر والقاعة ماهي بعيدة
ام هيام : بكفيكم
ركبت ام رعد جنب كاسر ولين بينهم وركبوا الباقيين ورا من بنات عم وعمات كاسر وبنات خالاته وخيلانه
كاسر ابتسم : يساتر والعدد ومع انكم كثييير وواجد بس القمر واضح وم يغيب من قلب معشوقه
وعد حمّر وجهها والبنات كلهم صرخوا ولفت عليهم ام هيام بحدة : وججعع انتيي وياااهاا
كاسر ضحك وعدل مراية سيارته وشاف وعد وكانت وراه ومد يده لها من ورا المرتبة وشافت وعد يده ومسكتها وشّد كاسر ع يدها وسحبها وباسها بقوة وقال : اووه روققت خلاص
البنات كانوا مستغربين كاسر والكل كانوا طايحين لهم هو ووعد ويشوفون انهم افضضل اثنين بعد رعد وهيامه
ووصلوا للقاعة وكانت سلمى باقي فالصالون
هيام : احس اننا وقحات عشان رحنا وخليناها
حنين ضحكت : وش نسوي م فيه سيارة وهي شوي وتجي
هيام كانت عيونها مليانه دموع وقالت : يروحي سلومتي الله يوفقها يارب
حنين فزت وحضنت هيام وقالت : يهيام الرعد يويلتس تبكين !
هيام ضحكت : لا م ببكي بس بحاول
حنين ضحكت معها ومسكت يدها ودخلوا القاعة وبدوا يوصلون المعازيم والكل يرحب فيهم ع صوت ام ضاري وهي تقول : ارحبوا جميعًا ع زواج اميرتي سلمى من اميرها منصور
والكل يزغرط وفرحانيين لها والكل كان يحب سلمى ويتمنى لها الخير
وصلت سلمى وهي ترجف برعب وقالت بحدة : حنييين وين هيام ؟
هيام دخلت : لبيه لبيه جيتتس
سلمى جلست بتعب : بنات عطوني تمر ولا اي شيء حالي
حنين شهقت : تدوخين ؟
سلمى : ايه بسرعة
ركضت حنين للقاعة وجابت تمر وحلا ورجعت ركض وساعدوها تاكل ومسحت هيام روجها وجددته وقالت : جاهزة ؟
سلمى بخوف : يخي عاداتهم تقهر وش العرس يخلص الساعة ٩
هيام ضحكت : وش نسوي عاد
حنين ضحكت معها وقالت : الرجال مستعجل
سلمى رمت الصحن ع حنين وقالت : مررره ماهو وقتتس
حنين انفجرت تضحك وقالت : بروح قبل تجي الطقاقة ودي اتنكس
هيام : معتس معتس
طلعوا وسلمى تتحلف فيهم وكانت دفشة حتى بيوم زواجها
..............••.............
زواج الرجال
ابو ضاري بصوت عالي : الله يحييكم والله ان حضوركم م يزيدني الا شرف وفخر فيكم جميع والله يحييكم ع زواج بنتي سلمى من اللواء منصور عبدالرحمن ال ******
ابو منصور اعتلى صوته : الله يبقيكم يا اهل قاضي والله اننا نتشرف فيكم حسب ونسب من شايبكم لين صغيركم
كاسر : اعنبو غيره والصوت اشهد انه فريق
ذيب ضحك وقال : تششوووف رعب احسه بيقول استعد
كاسر طاح يضحك وقال : لاا لاا يالذيب مو كذااا
ذيب ابتسم : اص لاتفشلنا
رعد ابتسم وقال : اشهد بالله انها ليلة كأنها من ليالي العيد واننا من اسعد الناس دام نسبنا بيجتمع مع نسبكم ياعم
ابو منصور : اما انت يالرعد ف والله اني اسكت وينتهي الكلام عندك ولا فيه ولا حرف يقدر يصفك رجال وطيب راس ومعرب الجد والخال
رعد فز ورمى شماغه عند رجول ابو منصور وقال بصوته الرجولي : ابشششر بعزززك يابو منصورر
الكل فزوا ركض لشماغ رعد وم كان ابو منصور اقل منهم وفز وشاله ع كتفه وقال : تبشر بالجنة
ابتدأ عرسهم والكل قاموا يرقصون عرضة اهل نجد والكل يصفر ويرقص ويصارخ بأعلى صوته
منصور بتعب : اف يعيال خلاااص انهلكت
رعد بتعب : صادق والله
جلسوا منصور ورعد وشوي وجلس فارس واخذ جهازه الربو وتنفس وقال : العن ابو الكتمة يشييخ
رعد بفخر : الكل بيجلس الا الكاسر
فارس : ماشاءالله علييه
وفعلاً الكل جلس الا الكاسر اللي كان يعرض بكل قوته ويشّد الانتباه له غصب وقال سامي : خلني ارسله لوعد
حمد ضحك : ايه تكفى
ارسله سامي لوعد اللي كانت ترقص مع البنات والكل فرحان وقفت وشافت المقطع وكانت تنهار داخليًا كان شكله مثالي جدًا وقالت بنفسها بحكم انها تعرف تعرض : والله لا ارقص معك والبس بشتك الليلة
اما كاسر جلسوه العيال بصعوبة وقال رعد : خل رقص شوي لعرسك م بقى عليه الا شهر ونص
كاسر ضحك : اييييييه عرسي ؟
رعد ابتسم : والله وتزوجت يالكاسر الله يتمم لك ع خير يعيون اخوك
كاسر ابتسم وقام وباس خشم اخوه الكبير : اللهم امييين ويسهل ع هيامك وتشيل ولدك ولا بنتك بين يديك
الكل : امييييين
.............••.............
عند البنات
هيام : تبخرتي ؟
سلمى هزت راسها بنعم : ايه
حنين قربت وعطرتها وضبطت شعرها وقالت : وااااي قمر قمر
سلمى انفجرت بكاء وفزوا حنين وهيام لها
هيام برعب : سلمى شفييتتس !
حنين ابتسمت بحزن : واه يسلومتي خلاص يعيوني لاتخربين شكلتس
سلمى وسط دموعها : بنات م ابي م اعرف اهله ولا احد
قاطعتهم دخول ليلى اخت منصور وقالت : وي شفيها عروستنا
هيام ضحكت : التوتر لعب بأعصابها شويتين
ليلى ضحكت معها وقربت وحضنت سلمى وقالت : يعيوني ي سلمى والله لا احطك بعيوني لاتتوترين وتعرفين منصور والله انه طيب ويحبك من كل قلبه ومستحيل تزعلين عندنا
سلمى تطمنت وحاوطتها وقالت : يعيوني ي ليلى م يحتاج شهادتي فيكم مجروحة والله يخليتس يعيوني
ليلى فزت : الله لهجتكم تجنن انا بجلس اسمع اللهجة ذي طول حياتي يحظي صدق
حنين ضحكت : انتوا والله اللي لهجتكم حلوة ولا وش تبين بالحتسي حقنا
هيام وسلمى : هيييهه عن الغللطط
ضحكت ليلى بقوة وقالت : ايييه اضحكي واستانسي م ابي اخوي يشوفك وانتي تبكين
هدت سلمى كثييير وتغير مودها وحمدت ربها ان منصور عنده اخت ع قد عمرها وقالت : يعيوني والله ي ليلى
قاطعهم صوت ضاري : يوولدد
فزوا ليلى وحنين وهيام وطلعوا ركض
وقالت سلمى بهدوء : ادخل ي ضاري ادخل يخوي
ضاري دخل بحب : يالبييه ي سلمى اشهد اني بفقد حستس فالبيت
دخل زايد وذيب مع بعض
ذيب صفق : ماشاءالله تبارك الله
زايد قرب وباس راسها وقال : الله يتمم ع خيير
سلمى كانت ماسكه دموعها : تكفون خلاص ببكي وانا توو سكتوني
ضاري ضحك : ليييه الدموع اليوم فرحتتس
ذيب : شف ذا مسوي فاهم البنت متوترة اكيد بتبكي
سلمى ضحكت : ذيييب !!
ذيب ابتسم : لبيه ي سلومتي
زايد ضحك : الله يقلعك ي ذيب امش امش اطلع معي كاسر يناديك
ذيب فز وقال بصوت عالي : يالبيييييه يالكاسر
كاسر ضحك : لبيت في منى اطلع اطلع
ذيب طلع لكاسر : وش بغيت يعيوني
كاسر : المعرس يبي يدخل
ضاري طلع ولف لسلمى : جاهزة ؟
سلمى م كانت جاهزة ابدًا بس قالت : ايه
طلع ضاري وقال : تفضل يعريس
منصور ابتسم : بسم الله توكلنا ع الله
رعد وفارس دخلوا الحوش بسيارة منصور الجديدة والكل فرحان ويرقص وكان رعد طالع مع الشباك حق السيارة ويترقص
والبنات كانوا يناظرون كل شيء وزغرطت هيام اول م شافت رعد يرقص وكأنه عرسه وقالت : عاااااش الرعد
رعد لف بكل حواسه لصوتها صح انه احترق غيرة وحلف يخاصمها بس قال عشانها : عششتتيي ياهيام الرعد
الكل زغرطوا بعد دخوليتهم وكانت الليلة من اجمل الليالي
منصور دخل وهو يضحك ع رعد وفارس وقال : سلام عليكم ي الزييين كله
سلمى وقفت وقالت بقوة تعكس الرجفة اللي داخلها : عليكم السلام يالله انك تحيييه
منصور حضنها وحاوطها ببشته واختلطت عطوراتهم وريحة منصور الرجولية وهمس بأذنها : تووه نور عالمي وتووها تزين دنيتي بدخولتس لها ي سلمى
سلمى حاوطته وهي غصب تمون عليه وقالت : دنياي م نورت الا بقدومك يالمنصور
منصور ضحك وشّد عليها وقال : نطلع ؟
سلمى هزت راسها ودخلت ليلى وقالت : وااااه اصبروا اصوركم
منصور ضحك : ليلى ماهو وقتتس
ليلى شهقت : اللهجة اخخسس ولعبت بأعداداتك من اول ثواني
سلمى ردت بخجل : شكلتس م تدرين انه مسكها من اول م عرفني
منصور ضحك بقوة : الله يلوم اللي يلومني
ليلى : اي والله صادق المهم يالله قربوا من بعض
سلمى قطبت : تستهبلين صح ؟ شوي وادخل فيه وانتي تقولين قربي في راستتس شيء ؟
ليلى انفجرت ضحك وقالت : طيب ابتسموا
ابتسموا منصور وسلمى وصورتهم ليلى كم صورة وكم وضعية منصور كان مستانس عكس سلمى اللي وجهها كان احممرر وقالت : امانه ليلى خلاص ؟
ليلى ابتسمت : خلاص يعيوني تعالي اساعدك
طلع منصور وكمل هيصة مع الشباب وليلى ساعدت سلمى وخلصت وطلعت مع منصور وانتهى عرسهم بدموع فرح وادعية من اعماق القلب لسلمى
:::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( سلااام يحلوينيي قطعت يومين اسفه صدق م عندي اي عذر اقدر اقدمه بس عندي مفاجأة خلوكم موجودين ع الساعة ١٢ بارت ٣١ بينزل 😢 )