يهزمني الحُب وانا جاهل بدرب المُحبين

البارت السابع والخمسين

وصاروا صاحبات وجلسوا كلهم بمكتب وعد وتغدوا مع بعض واخذتهم السوالف ....
..........................
في الجنوب
ذيب بصدمة : يولد ذا يبينا ننزل للميدان علطول ونحرس الحدود !
خالد : وليه جينا هنا اصلاً ؟
بلال بنفس نبرة صدمة ذيب قال : والذيب صادق بنواجه العدو علطول !!
خالد ابتسم وقال : خايفين ؟
ذيب بحدة : اعنبوك ايه بخاف اموت وتنهار وحدة ع ذمتي !!
بلال خبط كتفه وقال : ذيب اذكر الله وادع لعمرك م بيصير الا كل طيب
العقيد احمد : خلصتوا ؟ ع الميدان !
ذيب استحقره ولبس دروعه وسلاحه ووقف واستودع ربه لينّه ونفسه بعدها ونزل للميدان وبدأو حراسة
" فالليل "
بلال : ذيب فيه حركة هناك صح ؟
ذيب نزل خوذته ورفعها وطارت بطلقة نارية من يدينه متكسرة وشهق بلال وكتمه خالد وقال ذيب بحدة : سد حلقك شوي !
بدأت تقترب الخطوات منهم وفز ذيب واطلق واصابت العدو بقلبه علطول وطاح طريح ميت
ذيب : امشوا نشيله
شالوه وسلموه للقاعدة العسكرية
احمد : انت المقدم ذيب ؟
ذيب لف له وهو يمسح وجهه من الدم وقال : ايه نعم وصلت خير
احمد بحقد : انت بتكمل مناوبة لمدة ستة ايام واخوياك اللي معك يسلمون اسمائهم ويرجعون لعمارات السكن
ذيب دق تحية وقال بحدة وقهر : ابشر
احمد : استرح
مشى ذيب وقال بنفسه ( الله ياخذ نفسك يمتخلف ! ) وصل لخالد وبلال وقالوا بنفس الوقت : ذيب
ذيب : اص خلاص ارجعوا وبكمل انا
خالد بحدة : لييه م رفضت !!
بلال : وربي واضح انه حاقد علييك !
ذيب نزل راسه وقال : معليه سهالات ان شاءالله
بلال فز ورفع راس ذيب وقال : راسك يولد قايد دايم مرفوع !
خالد : وهو صادق
ذيب ابتسم ودقوا تحية بحكم انهم اثنينهم رتبتهم " رائد " وقال ذيب بصوته الثقييل : استررييحوا
ضحكوا العيال ودعوا له بالسلامة والتيسير ومشوا مع السيارات لعمارات السكن ورجع ذيب لموقعه فالميدان و ع الحدود
......................
في بيوت اهل قاضي فالمغرب
دخل رعد بسيارته وشاف كاسر وفارس عند باب بيت ابو محمد
رعد : سلام عيال جهزتوا المجالس ؟
فارس : ارحب ايه معليك
كاسر : ارحب
رعد ابتسم : الله يبقيهم
نزل من سيارته وقال : وين عمي عبدالله ؟
كاسر : والله للحين م ردوا وذيب الزفت لي يومين ادق عليه م يرد
رعد : ذيب فالجنوب ع الحد الجنوبي الله يستر عليه ويرجع سالم ان شاءالله
كاسر بحدة : شف الحييوواان ولا قالي !!!
فارس قطب : متى راح ومتى بيرجع ؟
رعد حك لحيته وقال : شفت ملفاتهم اليوم والسجلات واخر توقيع كان قبل ثلاث ايام يعني استلم فالجنوب من يومين اظن وبيرجع بعد سنة ونص
كاسر وفارس بصوت واحد : سسسننةة !!!!!
محمد جاء وقال : ييمه وش سنة !!
رعد بحدة : سلامات انت وياه ؟؟
كاسر : وزواجه اللي بعد اربع شهور ؟؟
فارس : وش سلامات انت بعد !!
رعد : انا استلمت مهمة قبل ثلاث سنوات وجلست فيها سنة كاملة ولا م تذكرون ؟
محمد : يهووه ممكن احد يشرح
كاسر مسك محمد وشرح له وفارس كمل وهو يقول : ايه نذكر بس م كان عندك شيء مهم ولا هو جده متوفي حتى قبره باقي م نشف وزواجه بعد اربع شهور !
محمد : وفارس صادق والله
رعد : ابي اشوف لين عندها خبر
كاسر : اكيد عندها خبر ولا بتشوفها بتحرق الارض فاليومين ذي
رعد ابتسم : اجل ع خير الضيوف جاو
لفوا العيال كلهم ع دخولية اهل هادي كلهم والشيخ معهم
حمد بصوت عالي : اررححببووااا
ابو هادي ابتسم : الله يبقيييكم
نزلوا وطلعوا ابو هيام وابو رعد من المجلس ودخل ابو ضاري ونزل ركض مع ضاري وزايد اللي جاي وراهم مع جيهان
ابو رعد : ارحبوا
ابو هادي تقدم وسلموا ع بعض وقلطوا الرجال فالمجلس وبدأت السوالف عن الحال والقهوة اللي صارت تلف والفناجيل معهم
كاسر ابتسم : من معي ؟
محسن ابتسم : محسن
كاسر : ماشاءالله وش تقرب لهادي ؟
محسن : اخوه الصغير
كاسر : قهوة ؟
محسن : م نقول لا والله
كاسر صب لمحسن قهوة ومدها له وقال : سم
محسن فز واخذ الفنجال وقال : اسللم
كاسر انتهى وجلس جنب رعد وقال : ابو ايهم
رعد نزل فنجاله ولف له بهدوء وقال : ارحب
كاسر : تخيل من مديرتي الجديدة
رعد قرب اكثر بحيث انه يسمع اخوه زين وقال : اسلم من ؟
كاسر ضحك وقال : وعد
رعد م فهم وقال : وعد مين نعرفها من قبل ؟
كاسر انفجر يضحك وقال بصوت هامس : يحمار وعد الكاسر
رعد قطب وقال : وش وعد الكاسر
كاسر : يويلليي مانت بصاحي ! وعد زوجتي
رعد شهق وقال : اسألك بالله !!!
كاسر صد وقال : صح النوم بعصت السالفة
رعد : شللوونن !!
كاسر : مدري والله
رعد ضحك وقال : اخخسس طلعت ماهي بهينة !!
كاسر ابتسم وقال : وولدد
رعد ابتسم وقال : ثواني يرجال عن اذنكم
قام رعد وطلع للحريم
" عند الحريم "
هيام : حنين شسالفة من ذولا ؟
حنين : هادي نسيتيه جاي يتقدم لشوق
هيام ضحكت : اوووه قولي والله
حنين ابتسمت : والله
هيام قالت لوعد اللي مرت من قدامهم : وعد وعد تعالي
وعد لفت لها وقالت : لبيه يهيام الرعد
هيام : شوق وينها ؟
وعد : والله مدري شوفيها فالصالة عند جدتي
هيام مشت مع حنين ووصلوا للصالة وقالت : مبروك يعروستنا
شوق لفت لهم وابتسمت وقالت : الله يبارك فيتس يهيام الرعد
حنين همست وقالت : اهم شيء هيام الرعد
هيام ابتسمت وقالت : احلى شيء
حنين : مبروك شوق الله يتمم لكم ع خير
شوق : امين يارب
سلمى دخلت مع بشرى وبيان والعنود وامهم وقالت بصوت عالي : ياهل المحل ؟
لين قامت وقالت : سلومه هنا امشوا
سلمى دخلت مع اهلها ومعهم الحلى والقهاوي وبدأت ترجع البهجة والسرور لبيت اهل قاضي والكل كان محتاج عزيمة سلموا الحريم وجلسوا حول ام محمد وهي مبتسمة وتضحك وتسولف وبدأت تتحسن
ام رعد : هيام ايهم وينه ؟
هيام : لبيه يعمة نايم ليه ؟
ام رعد ابتسمت : اسألتس بس
هيام هزت راسها بمعنى " فهمت " وكملت تسمع سواليف البنات وردود الحريم عليهم
وعد بهدوء : يعيالتي الجميلة ممكن تسمعوني شوي
الكل لفوا لها وقالت شوق : امرينا ؟
وعد ضحكت وقالت : انا حامل
شهقوا البنات وقالت لين : حييوواانه انا معتس فالبييت واخر من يدري  !!!
سلمى ضحكت وقالت : ماشاءالله عايلتنا الله يعينهم السنة الجاية الكل حوامل
لين : مقرفين انتوا انا بجلس خمس سنوات مع ذيب وب..
بشرى قاطعتها وقالت بصوت عالي وهي تضحك : تراتس ماخذه ذيب يعني م يحتاج اتكلم
ام محمد تكلمت بحكم ان ام هادي واخته موجودين : بس يبنات الرزق والبنين زيين احمدوا الله
الكل سكتوا وهمست لين لبشرى وقالت : بيشو والله فيتس
بشرى ضحكت وقالت : اسفه بس صدق
بدأت حنين تسولف مع اهل هادي وكانوا عائلته هادين ومحترمين
..............................
*تعريف بسيط*
ابو هادي ( عارف )
رجل محترم وحاله حال نفسه واهم شيء اهله عنده
ام هادي ( هنادي )
كانت هنادي تهتم لأهلها بشكل مفرط وهي احد الاسباب اللي اقنعت ابو هادي بشوق وانه يزوجها ولدها
هادي ( البكر )
شخص يحب يتحدى وشخصيته صارمة بس يلين علطول ويحب من قلبه ويكره اي شخص يأذيه او يأذي احد يحبه عمره " ٣٠ "
غدي
اخت هادي ومحسن الوحيدة كانت هادية وتجنن ومحترمة وسنعة وتساعد علطول وتحب تسولف كثير ومرحة عمرها " ٢٦ "
محسن
اخر العنقود في بيت ابو هادي وكان حاله حال نفسه واخذ من صفات ابوه الكثير ودرس فالعسكرية بحكم ان اخوه لواء ولازم يوصل مثله وكانت رتبته " مقدم " عمره " ٢٤ "
....................
هيام ابتسمت وقالت : غدي ارتاحي انتي الضيفة
غدي ضحكت : تكفين هيام يحلوك والله عادي عندي اشتغل
ام هادي ابتسمت وقالت : معليه البيت بيتها وصرنا اهل وناس
قاطع سوالفهم صوت رعد وهو يقول : يوولدد طريييقق
سلمى : والله م يتغير رعد
هيام ضحكت ومشت وقالت : معك احد ؟
رعد دخل وقال : هلااا بالزييين هلااا
هيام ابتسمت وحضنته وقالت : هلا فيك يالرعد
رعد : عمتي عبير وينها ؟
هيام : عمة عبيير تعالي رعد يبيتس
ام شوق قامت وقالت : ارحب يولدي
رعد تقدم وباس راسها وقال : شخبارتس يعمة عساتس طيبة وجيت اسألتس موافقين صح ؟
ام شوق ابتسمت وقالت : حمدلله بخير جعلك بخير يالرعد وايه موافقين
رعد : اجل ع خير ان شاءالله
هيام همست : ليه سألت وانت عارف وش بين هادي وشوق ؟
رعد : الحيطة والحذر زينه واسأل خوفي يكون حمد جابر اخته
هيام توسعت عيونها وقالت : احلف وين اللي يقول انا ماني عاطفي ومدري وشو ؟
رعد ابتسم وباس خدها وقال : ادخلي بس
مسحت هيام بوسته قدام عيونه ولفت وسحبها من خصرها وشّدها عليه وقال بصوته الرخّيم : خير ان شاءالله ؟
هيام : وش ؟
رعد ابتسم : وش ؟
هيام ابتسمت وقالت : وشو يخي م سويت شيء !
رعد : بوستي وين راحت ؟
هيام : مدري
رعد تقدم وباس خدها قريب من مبسمها وقال : اعقللي يهيامي اعقلي
هيام مدت يدها تبي تمسحها وفز رعد ومسك يدها وقال : وربي لا اسويها !
هيام ضحكت وقالت : خلاص ابشر
رعد : اييه اددب
هيام : انقلع بس
رعد لف وهو يشخص شماغه وكانت هيام وراه وتشوف طوله وكشخته كان رعد اخاذ ويفتن بكل شيء فيه وبجميع تفاصيله
هيام بحب : استودعتك ربي
دخلت للحريم وشوي وقف حمد ودخل المقلط وانصدم اول م شاف وعد وعهود خواته وغدي كانت معهم
وعد : حمممد شوووي
حمد صد علطول وقال وقلبه يدق : خلي شوق تجي توقع طيب !
غدي ابتسمت بصدمة وقالت : شفيك عليه م شافني اتوقع ؟
عهود برعب : حتى ولو مفروض يدق الباب
وعد : ي شوووقق امشي
شوق دخلت وقالت : وش عندكم يالسرابيت هنا ؟
غدي ضحكت وقالت : يشينتس ع قولتكم
وعد وعهود وشوق بصوت واحد قالوا : عششششنااا
غدي مسكت راسها وقالت : يمه علاامكم !
وعد : امشي بس
دخلت غدي مع وعد وتقدمت شوق وعهود للباب ودخل حمد وقال : موافقة ؟
شوق : ايه
حمد باس راسها وقال : اجل ع البركة يحلوتنا والله يستر عليتس
شوق ابتسمت ووقعت وقالت : عقبالك
حمد تذكر علطول شكل غدي اللي يوجع القلب وقال بنفسه ( يارب انها وحدة طيبة وتقدر تعوضني عمري اللي راح وان شاءالله انها البنت اللي ادور عليها ) وقال : امين بس من اللي كانت معكم يعهود ؟
عهود ضحكت وقالت : والله اني حسيييت شفتها ؟
حمد : ايه لمحتها بس
عهود تحمست وقالت : اخت هادي اسمها غدي وعمرها..
شوق ضربت رأسها بخفه وقالت : يالطيييبة سلااامات !!
عهود ضحكت وقالت : يراااسي صدق
حمد ضحك وصد وهو يقول بنفسه ( غدي ؟ اااه ليتني سمعت كم عمرها ولا ودي افاتح هادي بالموضوع اخاف يرفض ! )
هادي : حمد ترا م عندنا شوفة شرعية
حمد ابتسم وقال : م تحتاجه ان شاءالله
هادي ضحك بفشلة وقال : والله اني اسف وادري الاسف م بيسوي شيء بس انا اخطيت وجيتكم اصلح خطأي وخذيتها ع سنة الله ورسوله وامرني لو تطلبني عيوني عطيتك ياها
حمد انتهز الفرصة وقال : والله خاطري بشيء
هادي فز وقال : امرني بس
حمد : اطلع شوي وبجيك
هادي طلع ودخل حمد بالكتاب وقال : حمدلله ع التمام والملكة والزواج برأي العروس واخوانها بعد ٥ اشهر
ابو هادي : اللي تبونه يأهل قاضي جعله فالجنة
الكل بصوت واحد : امييين
طلع الشيخ وحمد معه وودعه وتقدم لهادي
هادي : اسمعك
حمد بجدية : شف والله اني مستحي منك ولا ادري كيف افاتحك بالموضوع اصلاً لكن اللي سمعته ان عندك اخت وانا يهادي راح عمري م اعرست وودي ببنت الحلال وعجزت احصل احد
هادي ابتسم وقال : شفتها صح ؟
حمد : والله م اني عامد لكن ابي شوق توقع وحصلتها مع خواتي وصديت علطول
هادي : بحاول اكلم ابوي وان شاءالله يوافق
حمد قطب وقال : ليه عسى م شر ؟
هادي : غدي لولد عمي طارق
حمد : اها تقوله صادق اجل انسحب
هادي ضرب راس حمد بخفه وقال : يالدبشة احد قالك تنسحب اصلاً طارق داشر وابوي اكيد شاله من راسه
حمد : منهو طارق ذا ؟
هادي : طارق يحبيبي هو اللي صاوب رعد
حمد فز وقال : اععقبب يالعللم الشييين
رعد وفارس طلعوا ركض من صوت حمد وقالوا : ووش العللم !
حمد : طارق ولد عم هادي !!
رعد ضحك وقال : طيب
فارس بصدمة : ااايششش !!!
منصور طلع وقال : يرجال شعلمكم برا ؟
هادي ضحك وقال : اللي بين رعد وطارق انتهى ترا
رعد : ايه انتهى وفارس يدري
فارس بحدة : بس م علمتني عن قربه من هادي !
رعد : يخوي نسيت
منصور ابتسم وقال : خلاص طيب الحين وش العلم ؟
هادي غمز لحمد وقال : ابد بيني وبين حمد
حمد : وهو صادق امشوا
دخلوا للمجلس وقال رعد : حمددوه والله ان تعلمنا
فارس : اييه معليك منه بيعلمنا غصب
هادي ابتسم وقال : لا حول ولا قوة الا بالله !!
رعد : سد حلقك انت
محمد : عيال امشوا نودع الضيوف
رعد لف لكاسر اللي كان هاجد بعد اختفاء ذيب وقال : يالكاااسر
كاسر فز وقال : يالبييييه يالرععدد
رعد حاوط يده ع كتف كاسر وقال : وش عند العضيد هاجد ؟
كاسر ابتسم بضيق وقال : ولا شيء
رعد ابتسم وقال : والله انك ضاييييق وعشان ذيب بعد
كاسر : طيب يوم انك تعرف ليه تفتح المواجع ؟
رعد : يرجال هونها وتهون فيه قرارين ي ان ذيب يتصاوب ويرجع علطول ولا انه يخلص ويبذل قصارى جهده ويشوفون انه اكثر واحد يتعب ويرجعونه بنص مدته
كاسر : وش فال الشر ذا ان شاءالله يعطونه نص مدته ويرجع سالم غانم لنا ولأختنا لين
رعد قال بضيق : ان م لوى ذراعي الا انه زوج لين
كاسر : معليه ان شاءالله يرجع قريب
فارس : يعيال محمد امشوا
طلعوا رعد وكاسر مع فارس وسلموا ع اهل هادي ومشوا معهم للبوابات وطلعوا وانتهت الخطوبة ودخلوا فالحوش بعد م فرشوا الخدم الفرشات وشبوا النار العيال وجلسوا مع جدتهم برا وعيالها واحفادها حولها
" عند البنات "
حنين : كالعادة احسد العيال ليه جالسين برا واحنا حابسيننا داخل
لين ضحكت وقالت : ايه م قلت لكم
البنات لفوا لها وقالوا : وش
لين : ذيب فالحد الجنوبي دعواتكم له
فزوا خوات ذيب علطول وقالت سلمى : هاااه ؟
بشرى بصدمة : تستهبلييين صح !!
بيان برعب : وش ذا يعني يحاارب !
العنود : لا اله الا الله وش ذا ومتى صار !!
هيام بحدة : خيير بنات استودعوه ربي وخلصنا !
حنين : وهيام صادقة
وعد : منجد والله الله يحفظه
لين برعب : بنات وجع خوفتونييي !
سلمى فزت وحضنت لين وقالت : يروحي م نقصد بس انصدمنا عشانه م قال لأحد
لين ابتسمت وقالت : ايه ممنوع احد يعرف بس ودعني وقال بعد اسبوع قولي لهم بس م قدرت وقلت لكم
ام ضاري دخلت بسرعة وقالت : عررففتواا وين ذيب ؟؟
سلمى ضحكت وقالت : ايه وانتي ؟
ام ضاري : اييه جعله العافية م علمني الوسخ ولين عرفت ؟
بيان : وابشرتس ودعها وطلع من عندها للجنوب علطول
ام ضاري ابتسمت وقالت : حمدلله انه م نساها
لين : نساه موته يعمة م نساني
ام ضاري طلعت تكمل قعدتها مع اخوانها وزوجها وامها وعيال اخوانها واخواتها
...............................
بعد اربع شهور بدون اي حدث مهم في نهاية شهر رمضان
وعد بدأ يبرز بطنها وقالت : كاسر ويمين بالله اذا م جبت بطيخ اليوم اني لا اتهاوش معك وحاام ترا متى بتستوعب !
كاسر ابتسم وقال : طيب خلاص ابشري
وعد ابتسمت : كفو حبيبي
كاسر : كفوتس الطيب اسمعي اليوم جدتي تخلص حدادها صح ؟
وعد : ايه حمدلله
لين دخلت عليهم وقالت : يالحبيبّة اذا خلصتوا امشوا بنطلع الفطور ببيت جدي وعشان جدتي انهت حدادها بتقولنا وصية جدي اليوم
كاسر : يووه صادقة يالله مشينا
لبسوا وتكشخوا وطلعوا كلهم لبيوت اهل قاضي
...........................
في بيت رعد
دخل ببدلته وهو راجع من اخر يوم دوام في رمضان وهو يسمع صوت ايهم وهيامه
رعد دخل ووقف عند الباب وقال : سلام
هيام لفت له وقالت : اهلييين بااببا جااء
شالت هيام ايهم بين يدينها وهي تطيره بالجو ونزل رعد سلاحه وقال : ووززييينه ولددد اببووهه
شال ايهم بين يدينه وسلم ع هيامه خدادي وقالت : عليكم السلام كيفك ؟
رعد وهو يلاعب ايهم ويطيره : بخير وانتي ؟
هيام : حمدلله والله ارسلوا لكم شيء بالقروب ؟
رعد : ايه بنروح لجدتي اليوم
هيام : ايه كويس يالله انا جاهزة وايهم جاهز تأخذ دش وتطلع ؟
رعد مد ايهم لها واخذته هيام وقال : ثواني واطلع
هيام وهي ماسكه يد ايهم وتحركها مع كلامها وهي تقول : ماش بابا م لاحظ ملابسنا
رعد لف وقال : لبيه وش ؟
هيام : م لاحظت شيء ؟
رعد ابتسم وقال : مطقممييينن ؟
هيام ضحكت وقالت : ايييه بددرري
رعد شال هيام بين يدينه وقال : يحلو الهيياام ويحلوو اييهم يعرب
هيام برعب : م كأننا ثقيلين عليك ؟
رعد ضحك وقال : يزينتس بس
نزلها وباس مبسمها وقال : مسك مسسك
هيام بصدمة : ررععد استح ع وجهك ولدك بين يديني
رعد ابتسم بخبث وشال ايهم من يدينها ونزله بسريره وفز لهيام وشالها للسرير واعتلاها وقال بحب : وحششتتييننيي
هيام ضحكت وقالت : رعد الساعة ٥ بنتأخر
رعد باس نحرها وهو يتنفس عطرها وقال : ااااه اللهم اني صايم
ضحك وضحكت هيام وهي تقول : احبببك
رعد لف من عند باب الحمام وقال : اهييمم اناا فييتس
دخل رعد وتقدمت هيام تضبط جلابيتها واخذت ايهم معها ونزلت للصالة بعبايتها واغراضها تنتظر رعد ينزل وفعلاً م طول رعد ونزل وهو بثوبه الكحلي وشماغه الابيض والكبك وريحة العود اللي انتشرت بالبيت وقال : مشينا ؟
هيام بهمس : ااصصص نام ايهم
ضحك رعد وتقدم وشال اغراض ايهم وشنطته وشاله بين يدينه وطلعت هيام وراه وهي تتأمل زوجها وولدها بحب وركبوا سيارة رعد ومشوا متجهين لبيت ابو محمد
....................
في بيت ابو محمد
الكل كان مستنفر بحكم انه باقي ع العيد خمس ايام وباقي ساعات وتقول ام محمد وصية قاضي
ام محمد : خلصنا صح ؟
ام رعد : ايه يعمة
ام فارس : طيب نجلس تعبت والله
جلسوا حول السفرة ينتظرون الاذان وشوي ودخلت سيارات عيالهم
كاسر : سلام عليكم
الكل : عليكم السلام
كاسر ابتسم وقال : الحين كلنا بسفرة وحدة ؟
ام محمد : لا البنات داخل
لين : وش جديد يعني
ابو رعد بحدة : لين !
لين : سم
دخلت لين ووعد داخل البيت وحصلوا اهل ضاري موجودين
لين : سلمى م جات ؟
بيان : لا والله حتى العنود
لين : اف يارب يجون عاد
وعد : باقي شهر ع زواجتس صح ؟
شوق ابتسمت : ايه
لين : يحمس اخيرًا بنطلع من النكد منزمان م تكشخت
سلمى من وراهم : خييير مخلينا داخل !
ضحكوا البنات وقالت لين : حيل الله ثم جدتي اقوى
سلمى ابتسمت : سلام عليكم اولاً خرشتكم
البنات ردوا السلام وجلسوا مع بعض حول السفرة
سلمى : لين شفيتس يخي احستس متضايقة ؟
لين : وحشني اخوتس
بيان صرخت وهي كاتمة وجهها في حضن وعد وقالت : وش الرومانسييية ذي !!
لين ضحكت وقالت : ويوم العيد استفتاح بيت فارس وحنينه يوننس صدق فيه فعاليات قادمة
بشرى بفرحة : اي وربي كنا محتاجييين هالشيء وهالفعاليات كلها
هيام دخلت مع ايهم وقالت : اقلع ابو الحالة
طاحوا البنات يضحكون وقالوا : نفس سلمى
هيام قطبت وقالت : ايش ؟
سلمى وهي تضحك قالت : انا اول م دخلت قلت نفستس
هيام ابتسمت وقالت : لين خذي ايهم وديه داخل
لين : واااه حبييبب عمته هو
شالته لين من هيام وباست راسه وقالت بهمس : بنات يويل حالي مطقم مع هيام
بشرى بلطافه مفرطة : اعنبووو غيييره ذا السععييلل
سلمى : هيام تعالي اجلسي
جلست هيام وقالت : حنين وينها ؟
عهود : مدري والله بس بتجي
صالحة وجميلة دخلوا : سلام بنات
البنات ردوا السلام وجلسوا حول السفرة وشوي وانضمت لهم لين بعد م رتبت مكان ايهم
......................
في بيت فارس
فارس دخل مستعجل من دوامه وقال : وين حنين فارسها ؟
حنين ضحكت : فالمطبخ تعال ساعدني بالأغراض
فارس دخل وشم ريحة اكلها وقال : ااااه يحللووهااا
حنين حضنته وسلمت عليه وقالت : جوعان ؟
فارس وهو محاوطها قال : امس كنت عطشان اكثر من اني جوعان واليوم العكس مدري شسالفة
حنين ضحكت وبعدت من فارس وقالت : يالله عجل عشان م نتأخر
فارس طلع لغرفتهم واخذ دش سريع ولبس ونزل وقال : حنيني يالله ؟
حنين : توكلنا ع الله
طلع فارس وسكر الباب وراه وقال : حنين انتبهي من الدرج
نزلت حنين من الدرج بهدوء وهي في شهرها السابع ومسكت يد فارس وطلعوا لسيارتهم وهم متجهين لبيت ابو محمد
.....................
في بيوت اهل قاضي
دخلت سيارة فارس وسالم معلنة وصول اخر فردين بالعايلة
نزلوا حنين والعنود مع بعض وسلموا ودخلوا وسلموا وراهم فارس وسالم وجلسوا ع السفرة واذن المغرب علطول
ابو رعد : سموا بالله يالرعد اخلص
الكل مدوا يدينهم وبدؤا وشوي وطلع رعد وهو للحين م سلم وقال : افطروا بسلم بعدين
تقدم وجلس بين سالم وفارس وقال بهمس : ذهب الظما وابتلت العروق وثبت الآجر ان شاءالله
بدؤا ياكلون والسوالف تروح وتجي والضحكات ماخذه الجو عند الرجال والحريم
" عند البنات "
سلمى : عنود حنين عجلوا اذن ترا
حنين علقت عبايتها واتجهت للسفرة وجلست جنب هيام وسلمى وقالت : شخباركم عسولاتي ؟
هيام : بخيير والله وانتي ؟
سلمى : يروحي طيبين انتي ؟
حنين : بخير بس البيت الجديد اهلكني مع حملي
سلمى بحدة وهي تاكل : ماشاءالله وين فارس جعله العود المسنود !
طاحوا البنات يضحكون وقالت حنين : سسللمى يخييي
هيام وهي تضحك : وش الدعوة ذي من وين جبتيها ؟
سلمى ضحكت وقالت : مدري كلمت ذيب امس وقالها لواحد عنده واعجبتني شكلها من دعاوي اهل الجنوب
لين كانت تناظر بسلمى بصدمة ووقفت اكل وقالت بصوت مهزوز : سمعتي صوت ذيب ؟
سلمى لفت بهدوء وقالت : ايش ؟
لين بكت وقالت : شخباره وكييف وضعه تكفيين طمنيننيي
سلمى ارتعبت وقالت : وش السالفة بسم الله عليتس ؟؟
هيام مسكت يد سلمى وقالت : هي تسألتس كيف حال ذيب
سلمى ابتسمت وقالت : يروووحي بخييير ويسلم عليتس بس كلمناه من جوال امي انا وخواتي وتمنى انتس معنا عشان يسمع صوتتس ويوصيتس ع نفستس
لين كانت تسمح دموعها وهي الشوق اوجعها فالخمس اشهر الماضية من يوم راح ذيب وهي تحسب ووصلت للشهر الخامس بدونه وقالت بصوتها الباكي : الله يجعلني قبله يعرب
بيان وهي تبكي معها : اف خلاص ي ليين الذييب
لين ابتسمت وحضنت بيان وضحكوا البنات وقالت وعد : ذياب جاء صح ؟
شوق : مدري اسمع صوته برا
عهود وقفت وطلت براسها وقالت : ايه جاء
بيان دق قلبها وقالت بنفسها ( وين اختفى اصلاً وليه جاء الحين بس شفته بعزاء جدي وبعدها اختفى الله اعلم وش وراه ! )
كملوا البنات سواليفهم وضحكاتهم ارتفعت ..
" عند الرجال "
ذياب دخل وقال : ياهل البيت
كاسر فز وقال : اقلط
تقدم ذياب وسلم ع خواله وخالاته وجلس وقال : شحالكم ؟
رعد ابتسم ع جنب وقال : وش اشتقت تنضرب ؟
فارس مسك ذراع رعد وقال بحدة وهو يهمس : مثل م مشيتها لطارق تمشيها لذياب لأنه اهون من مصيبة طارق سااامع ؟
رعد ترك يد فارس وقال : طيب يخوي نمزح
ابو رعد : افطرت يذياب ؟
ذياب هز راسه بنعم وقال : بالعافية عليكم بس جيت اسلم
ابو هيام : وانت وين اختفيت
ذياب : كنت فالحد الجنوبي
رعد قطب وقال : وش عندك ؟
ذياب : انا رائد ترا وارسلوني بمهمة هناك
كاسر بفرحة : شفت ذيب ؟؟
ذياب : ايه ويسلم عليكم
ام ضاري بفرحة : الله يسلمه من النار وش وقعه ومتى بيرجع
ذياب بجدية : انا كملت ٧ اشهر والله هناك وذيب امس يقولي انه كمل ٥ اشهر وللحين م قالوا له شيء لكن ان شاءالله قريب
ابو رعد : الله يسدد رميهم ويردهم سالمين يارب
الكل : اميين
ام محمد : يالله ؟
ابو رعد : دقيقة كاسر رح ناد البنات من حقهم يسمعون
كاسر قام وقال : ابشر
مشى ودخل قسم الحريم وقال بصوته الرخّيم : يالوعد
وعد : هلا ؟
كاسر : امشوا برا جدتي بتقول الوصية
طلعت وعد والبنات كلهم ومشوا وجلسوا وكل وحدة جلست جنب الثانية ع طرف الفرشة
بيان وهي واقفة لفت بعينها وطاحت ع عين ذياب اللي كان يتأملها وهو ميزها من بينهم وابتسم وغمز لها وصد علطول وانصدمت بيان وجلست علطول وهي متوترة وحابسة انفاسها وقالت بنفسها ( يوييللل قلبي والوجه السمح ياقبلة الله ع كل مزييونن ! )
ام محمد بجدية : وصية قاضي كانت اننا نجتمع وم نفترق ولا تنتهي جمعاتنا ونكون نفس م كنا ايام حياته جعله بالجنة
الكل وافقوا وردودهم كانت ايجابية وتكلم رعد وهو اهم واحد ورأيه الكل ينتظره وقال : حمدلله للحين شملنا ملتم ولا تركنا بعضنا والله يديمنا ع ذا الحال واحسن ان شاءالله
ابو رعد : حمدلله اي والله صادق
ابو هيام : هيام ايهم يبكي
فزت هيام وقالت : لا ؟
رعد رفع يده بمعنى " هدوء " وسكتوا الكل وقال : م فيه صوت
هيام : جهازه معي اصلاً م بكى اسمعه انا
شوي واعتلت صرخات ايهم الباكية في ارجاء البيت وقال ابو هيام : شفتي
ضحكت هيام ومشت ورعد يناظرها واتجهت للبيت وشوي وطلعت بأيهم وحطته بحضن ابوها وقالت : شوف جدوو
ابو هيام باس راسها ومسك ايهم وفزت هيام وباست راسه وقالت : جعلني م انحرم
ابو رعد : وجدو الثاني ماله رب ؟
ضحكوا الكل وقال رعد : افاا الان يجيك
هيام بمزح : مالي دخل اذا تبيه خل ولدك يجيبه لك
ضحك ابو رعد وقال : م ابيه خلاص زعلت منتس
هيام تقدمت وحضنت عمها وباست راسه وقالت : تمزح معك بنت اخوك يعمي
ابو رعد حاوطها وقال : جعلني م ابكيتس يهيام الرعد
ذياب بهمس : جوكم يجنن
كاسر : فاتك كل عمرك والله
ذياب ضحك وقال : شدعوة تراني عايش معكم من وانت بزر يحلو
كاسر : كم عمرك ؟
ذياب : ٢٤
كاسر : قهر اي شهر ؟
ذياب ضحك وقال : تدور الزلة انا اكبر معليك
كاسر ابتسم : اعجل
ذياب : ٣
كاسر انفجر يضحك وقال : انا واحد الققممم
ذياب ضحك وقال : ماشاءالله ومتزوج وانا باقي
كاسر : ايه والله متزوج وبصير اب بعد
ذياب شهق وقال : يوولدد وش عندك انت ورعد معليه رعد كبير انت مستعجل !
كاسر : عطايا ربي والله نردها ؟
ذياب : الله يتمم لك ع خير
كاسر : الا م قلت لي من اللي ببالك ؟
ذياب : انا وسامي بنتذابح عليها
كاسر قطب وجلس ثواني وشهق وقال بهمس : بياااان !!
ذياب ابتسم وقال : عليييك نور
كاسر : يخي سامي حمار البنت اكبر منه وللحين يفكر فيها !
ذياب : اسألك بالله هي اكبر !
كاسر : ايه بالله وصغيرة عليك انت
ذياب : كيف يعني
كاسر : ذياب البنت عمرها ٢٠ مدام سامي عمره ١٩ م ينفع لها وانت اكبر منها بأربع سنوات
ذياب ضربه بخفه وقال : تكفى علتبن
كاسر ضحك وقال : استوعبت انا بعد انك قريب منها
ذياب طالع ببيان اللي تناظره وقال : يالبيه يالعيون السود
كاسر لف بعينه لوعد وقال : يالبييييه يالوعد
ذياب كمل ياكل حلاه ويشرب قهوته وقام وقال : اكرمكم الله
ابو رعد : لو تعشى معنا ي ذياب ؟
ذياب : بروح لأبوي والله اطمنه
ابو رعد : طيب يجي ويجون اخوانك
ذياب : يخال تعرف طبايعه وتعرف كيف اسلوبه ولا والله انه ودي
ابو هيام : وانت صادق اجل انتبه لعمرك
ذياب : سلمونا عليكم
لف ذياب وناظر ببيان اللي تتأمله بحزن وهي تبي تعرف وش سالفته ومن وين طلع وكيف صارت تحب وجوده ابتسم وقال بنفسه ( وشفيها ضاقت الحلوه ؟ ) مشى وركب سيارته وطلع من بيوت اهل قاضي
رعد : يالله يبنات داخل
سلمى : وشدخلك ؟
منصور ضحك وقال : اححهه عطططتتك وحدهه حيي عيننهاا
سلمى ابتسمت وقالت : خلاص نمزح
قامت بهدوء ورعد يناظر فيها وقالت : رعد خلاص
رعد فز من مكانه يركض ورا سلمى اللي ضحكت وتذكرت كيف كانت تناشب رعد وهم صغار ويلاحقها ويتضاربون
سلمى بتعب : الله يقلعك حامل وقف معادني مثل اول
رعد وقف وقال : استسلمي
سلمى بصوت عالي : تكفى ي ضاري
ضاري بتعب : تعبت وانا افزع لتس
رعد ضحك وقرب وقال : تعالي تكفين من اول وانا بخاطري اطقتس
سلمى : تبطي عظظم ووراي منصور
منصور وقف ورا رعد ودقه بخفه ولف رعد وقال : ماشاءالله اجل انسحب
منصور : احسن لك والله
سلمى ضحكت وحضنت منصور ورجع رعد وشاف هيام تسولف مع حنين تقدم وحضنهم مع بعض
حنين : يحبيبي يالرعد
رعد باس راسها بقوة وقال : وحشتتييننيي
هيام بعدت ومشت ودخلت داخل
رعد لف لها وقال : افا زعلت ؟
حنين ضحكت وقالت : شكلها والله
رعد : معليه اعرف اراضيها
حنين : الله يقويك
رعد : وياتس
دخلت حنين ورجع رعد للفرشة مع الرجال بعد م دخلوا الحريم كلهم وام محمد جلست مع عيالها برا وصاروا يخططون لسفريات عشان يتغير مود ام محمد
....................
في الجنوب
ذيب بتعب : عيال فيه واحد مات تخيلوا
بلال : من العدو ؟
ذيب : ايه
بلال بخوف : الله يستر والله الخطر بدأ يزداد وانت تصاوبت قبل اسبوع بكتفك
ذيب ابتسم وقال : معليه انا شطفتني بس يعني جرح م دخلت فيني الرصاصة
خالد وهو يجفف شعره : حتى ولو تستهبل طحت علينا ثلاث ايام علمت اهلك ؟
ذيب : لا
بلال : ماشاءالله عليك
قاطع حديثهم دق الباب
خالد وهو يضبط شكله قال : شكلها البنت ذيك
بلال : اهجد بفتح انا
تقدم بلال وذيب يضحك ع خالد وفتح الباب وشاف اصيلة معها شوربة واكل مثل العادة وهي تقطع اسبوعين وترجع بأكل
بلال : يعطيك العافية م تقصرين
اصيلة بحدة : قل الكلام ذا لجدتي
بلال ابتسم واخذ الصحون وطلع خالد وقال : وش اسمك ؟
اصيلة توسعت عيونها وقالت : ملا العمى اللي يطس عيونك وش تطالع وتسأل لعنبوك م تستحي !!
ذيب طلع وهو يضحك وقال : القم
اصيلة ناظرت بذيب وقالت : الحمدلله ع سلامتك
ذيب انلخم وقال : انا ؟
اصيلة : الله يشفيك صدق
مشت وقال ذيب : الله يسلمتس
لف اصيلة للهجة وقالت : تتكلم كذا ؟
ذيب : شلون ؟
خالد عبس وقال : وانا ترا انطعنت شوفي
لف اصيلة لخالد اللي رفع تيشيرته وكانت عليه شاش وفيها شوي دم ومرهم صدت اصيلة منحرجة وقالت : سلامتكم والله يسدد رميكم
بلال ضرب راس خالد وقال : الله يفشلك
الكل : امين
اصيلة : ادخلوا البرد لا ياكلكم م انتوا متعودين عليه
ذيب : وين جدتتس نبي نشكرها
اصيلة : تحت بالبيت الابيض بأخر الشارع
خالد : عيال امشوا نوصلها
مشوا الثلاث مع خالد ورا اصيلة
لفت لهم برعب وقالت : وش تسوون ؟
ذيب : الطريق فالليل م ندري وش معه
اصيلة : المهم اسمي اصيلة
خالد ابتسم وقال : عاشت الاسامي
اصيلة : عاشت ايامك
مشوا ووصلت اصيلة وشافوا جدتها وتقدموا كلهم وسلموا عليها وقالت بهدوء : الله يخليكم يعيالي والله من يوم شفتكم وانا مرتاحة لكم وم ارسل اكلي وبنتي الا لكم
ذيب : الله يكثر خيرتس وعسانا عند حسن ظنتس يخالة
كانت اصيلة وجدتها مصدومين من اللهجة ومستنكرينها بس كانت الابتسامة مغطية الصدمة وبنص حديثهم طاحت لثمة اصيلة وطالعت بخالد اللي كان يتأملها بحب وتوسعت عيونه اول م شاف ملامح وجهها وكانت جميييلة بشكل كبير ابتسم وقال : بنسري قبل يصير شيء كبير
جدتها : ويشنهو يولدي ؟
خالد : سلامتك
ام حاتم : مسرى العافية
ذيب : توصين شيء نفداتس ؟
ام حاتم : لا والله سلامتكم
مشوا العيال وتقدم خالد ومد ورقة وسحبتها اصيلة قبل تشوفها جدتها وهي كانت تقاوم حب خالد لها فالخمس شهور الماضية بس بعد الورقة حست انها استسلمت له علطول ودخلت مع جدتها ومشى خالد مع العيال
ذيب : وشفيك وش اللي بيصير ؟
خالد : شفت وجهها وضيعت نفسي وتخربطت موازيني
بلال : ياليييلل ذا الخفيف
مشوا وذيب وبلال يطقطقون ع خالد تحت هواشه لهم
::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( سلام شخباركم رجعت ببارت لذييييذ وخفيف اشوفكم ع خير يحباااني ❤️‍🩹 )