يهزمني الحُب وانا جاهل بدرب المُحبين

البارت الخامس

طلع الجد قاضي مع فارس لبيتهم وطفت انوار البيوت معلنه نوم الكل الا رعد اللي طلع غرفته يبي ياخذ شور سريع بدا يشم ريحة عطر بشرى : لا عاد ذي لايكون دخلت غرفتي !! ( تجاهل وهو مصمم ع هيام اللي تلت قلبه من اول مره )
::::::::::::::::::::::::::::::::::
ظهر يوم الأربعاء الساعة ٢:٣٠
رعد اللي وقع وهو خلص ثلاث ايام وطلع من دوامه وراح للبيت : صبحهم بالخير
ابو رعد : الله يصبحك بالرضا والنعيم
ام رعد : يصباح الخيير ي رعد تعال يولدي تغد
رعد كان هلكان : تتغدى معكم العافية بنام انا وصحوني صلاة العصر عشان نروح نجهز ونخطب المغرب
ابو رعد ابتسم : ابشر
رعد ابتسم بتعب : تبشر بالجنة يوالدي
ام رعد فزت : اليوم بتخطبون هيام !
ابو رعد انفجع : ايه وشفيتس انتي
ام رعد : م تجهززتت
ابو رعد ضحك : معليه يمديتس
___________
رعد اللي دخل واخذ شور سريع ولبس بجامته ودخل بفراشه ودقها نومه للساعة ٧ الليل
ابو رعد اللي انهد حيله وهو يدق الباب : يويلي ذا مات ولا وش سالفته
حنين ضحكت : لا يبه هو نومه ثقيييل خصوصًا اذا كان تعبان
ابو رعد زل : والخطبة حسبي الله عليه !
حنين استغربت : ايش ؟؟ خطبة مين
رعد اللي كان محرص محد يتكلم الا اذا تمت الامور بس ابو رعد خربها وتكلم : خطبة رعد من هيام
حنين فززت بفرح : قل والله ؟!!!
لين اللي سمعت من باب غرفتها وجات تركض وضحكت : ررععدد هييام تنتتظظر
رعد اللي فز من نومه اول م سمع اسمها وفتح الباب : ايشش كم الساعة !!
ضربه ابو رعد ع صدره : اعقب م هقيتك خفيف
رعد ابتسم ووجهه مفقع : يبه ليه م صحيتوني !
ابو رعد عصب : يقليل الخاتمة من الساعة اربع وانا اصحي فيك
رعد لعب بشعره : اووه اجل راحت علي نومة يالله يالله دقايق وانا طالع
ابو رعد اللي كان متجهز من العصر : يالله بسرعة عججل
رعد دخل وسكر الباب وطالع فالمراية وضحك : يعني خلاص بتتزوج اشهد انها موتٍ حمر جابت راسي بصوتها وبدون اي مجهود اه يالهيام
دخل غرفة ملابسه وطلع ثوبه وشماغه وعقاله ولبس وتعطر بالعود وتبخر وسكر غرفته وطلع ع زغاريط امه وخواته ضحك : ماشاءالله من الحين تزغرطون ؟
ام رعد ببتسامة ودموع : اي والله وكيف م تبينا نفرح
رعد قرب وباس راسها : يعساني م انحرم منتس ولامنكم وضم خواته
حنين بدموع : اف خلاص ابعد م ابي ابكي
لين ضحكت : شدعوة تبكون !
رعد ابتسم للين : كفو هذي والله اختي
حنين ضربته وراحت
___________
ابو رعد اتصل ع ابو هيام يبلغه بأنهم جايين طامعين في نسبهم وان البنت لولد عمها
ابو هيام بعصبية مخفيها : ابشر الله يحيكم والبيت بيتكم
ابو رعد ابتسم : يالله ع البركة ان شاء الله
ابو هيام م صدق انه يسكر وانطلق لصالة : هييياام
هيام كانت فغرفتها وم سمعته
ابو هيام بعصبية وصوت عاالي : ياا هيياااام !
ام هيام : خيير شفيك تصارخ
ابو هيام تكتف : ابد والله عمانها جايين يخطبون فيها
ام هيام ابتسمت بفرح : ماشاءالله طيب ؟ فارس صح ( ام هيام اللي كانت تشوف فارس زوج مناسب واكثر من مناسب لهيام )
ابو هيام ضحك : لا يحبيبتي رعد جاي يخطب
ام هيام عصبت : نععممم ! وعساك ناوي توافق
ابو هيام : تستهبلين ولا طرا لي اصلاً !
ام هيام ابتسمت بخبث ونادت هيام : يهيييااام
هيام جات تركض : لبيه
ام هيام : اسمعي يبنتي احنا ادرى بمصلحتس صح !
هيام استغربت : ايوه؟
ام هيام : رعد جاي يخطبتس
( هيام دق قلبها وكانت م هي مصدقة خصوصًا بعد امس كانت تحسبه خلاص لبشرى كانت بتموت من الفرحة )
هيام ابتسمت بهدوء : ماشاءالله طيب ؟
ابو هيام انهبل بعد ابتسامتها : وعساتس بتوافقييين ؟
هيام خافت بس تكلمت : اكيد بوافق رعد رجال كفو وعنده وظيفته وم ينخاف علي معه ولد عمي واقرب لي
م استوعبت الا بكف قوي من ابوها : ومرررض يمرضتس م بتتزوجينه ووالله لو اشوفتس موافقة لا ادفنتس سااامعة !!
هيام بكت بفزع : يبه شفيييك تضربني !
ابو هيام بغضب : اقصري صوتتس واذلفي من وجهي
____________
هيام ركضت لغرفتها وهي منهارة ودقت على سلمى اللي كانت جايه فالطريق والكل مستعد للخطبة
سلمى : هلا هلا والله بعروستنا م علمتتس يغبية قلت لتس بيجيتس ع وجهه وهذا هو رعد بن محمد بن قاضي ال**** جاي يخطبتس من بد بنات عماته كلهم !
هيام انفجرت بكاء : اه ي سلمى من بيبرد جرحي ي سلمى !!
سلمى ارتعبت : هيياام بس الله عليتس وشفيتس !!
هيام فوسط انهيارها : ابوي ضربني ي سلمى وحلف بالله اني اذا وافقت ع رعد بيذبحني تكفييين ي سلمى صدري نااار
سلمى تنهدت : لا اله الا الله وشفيه ذا !! معليتس مستحيل يرد اخوه الكبير وابوه بيقتنع
هيام كانت فاقدة الامل : يااارب تكتبه من نصيبي اه ي سلمى والله اني اححببه حب م يعلم به الا ربه
سلمى تنكدت صدق : الله يجمع بينكم في خير يارب ويطمن قلبتس
سكرت هيام وكملت بكاء
___________
عند الرجال فالمجلس كان الكل موجود حرفيًا من عيال عمان وعمات وخوال وخالات كان يعج بالزحمة
ابو رعد : والله ياخوي ي سيف جايين نخطب هيام لولدنا رعد
ابو هيام ابتسم : هذي والله الساعة المباركة ابد انا موافق لكن رأي البنت اولى
( رعد استغرب موافقة عمه وسكت وهو يبي كل شيء يخلص وينتقم من عمه ومحمد بهيام لأنها البنت الوحيدة وياخذها زوجة له )
ابو رعد : والله خذ راحتك ونتتظرك
ابو هيام قام هو ومحمد ودخلوا المقلط كانت هيام بكامل زينتها بس وجهها كان حزيييين
محمد : يويلتس تقولين لأحد اننا منعناتس منه والله لا اموتتس !
ابو هيام ضحك بشّر : اصلاً كلها اسبوع وبيروح عند ساره يخطب بنتها بشرى منها
هيام تحطمت ونزلت راسها وقالت : بس يبه ذا نصيبي يبه لاتحرمني من النصيب الطيب انا ابيه وموافقه تكفى يبه !
ابو هيام باس راسها : معليه بيجيتس اللي احسن منه
هيام في نفسها ( م ابيي ابي رعد ليشش م يفهمون ابي اكلمه واقوله اني موافقه اه يالناار اللي احس فيها الحين )
دخلت ومسكت يد حنين : حنيني
حنين لفت : لبيه
هيام بضيق واضح : تعالي معي
راحوا برا فالحديقة وشافتهم سلمى وجات
سلمى : بنات شفيكم برا
هيام تكلمت ودموعها تنزل : حنين انا موافقه وابي رعد بس ابوي مجبرني ارفض
حنين انفجرت : ااييششش ؟؟؟ وشدخله عمي !!
هيام كانت منهارة : مدري مدري م يبيني اخذه تكفيين ي حنيني وصلي له اني ابيه وموافقه علييه تكفيين لا تخلينه ياخذ غيري
حنين توها تستوعب حب هيام لرعد : ابششري يعيوني بس اهدي انتي م يصير اللي تسوينه بعمرتس الان اكلمه
هيام هدت وتطمنت
____________
حنين كلمته يجي فبيتهم
رعد جاء معصب : هلا حنين وش رجعتس البيت؟
حنين ضاقت : جاك الرفض ؟
رعد كان يموت ويعرف ليه هيام رفضته : ايه
حنين تكلمت علطول : تراها موافقه
رعد استغرب : ايشش ؟
حنين : عمي ومحمد مهددينها اذا وافقت عليك يذبحونها
رعد انهببل : وش قاعدة تقولييين انتي !!
حنين مسكته : اسمعني زين هيام ناخيتك وتقول تكفى لا تتزوج احد غيرها الا اذا اجبروها وتزوجت واحد ثاني تقول وقتها شوف حياتك
رعد صد بضيق : معليش بس حياتي م توقف ع هيام بدور لي غيرها
حنين انفجرت عليه ودموعها تنزل : رععد م عندك قلب انت م تحبها ولا بس كنت تلعب ع البنت !! هيام هامت فييك يالرعد تكفى يخوي لاتكسرها !
رعد لف لها وانفجع من دموعها : طيب بسم الله عليتس شفيتس تبكين ؟
حنين بضيق وهي تمسح دموعها : اه ي رعد لو تشوف حالتها كيف ضربوها وهددوها كأنك عدو لهم ولا كأنك ولد اخوه وولد عم محمد
رعد ابتسم : جوي اجل السالفة عناد ؟
حنين ناظرته : وش بتسوي
رعد : بتشوفين
:::::::::::::::::::::::::::::::::
رجع رعد لبيت عمه وشاور ابوه
رعد : يبه البنت موافقه
ابو رعد لف بقوة : ايشش ؟
رعد : والله يبه بس عمي هو اللي مانعها تتزوجني
ابو رعد فز : سسييفف
ابو هيام : لبيه
ابو رعد بعصبية واضحة : ابي اكلم هيام !
ابو هيام انفجع ووضح عليه التوتر : ليه ؟
ابو رعد : مالك دخل بيني وبين بنت اخوي
ابو هيام سكت وقال : طيب
_______________
دخل ابو هيام المقلط
ابو هيام : بنت رهف !
ام هيام : سم
ابو هيام : نادي لي هيام
ام هيام : طيب
ماهي الا ثواني وجات هيام
ابو هيام : هيام عمتس محمد بيكلمتس وقولي له انتس م تبين رعد طيب ؟
هيام هزت راسها بنعم
دخل ابو رعد المقلط وشافهم متجمعين عليها محمد وابوها
ابو رعد عصب وهو كلمته تمشي غصب : اطلعوا بكلمها لحالنا
ابو هيام مسك محمد وطلع وهو يأشر لهيام ترفض طلعوا وتركوهم لحالهم
__
ابو رعد ابتسم : هيومه ي بنتي ليه رفضتي
هيام بكت : م ابيه ي عمي ولا ابيك تزعل مني بس م ابي رعد خير شر
ابو رعد كان ذكي وعارف انها مجبورة : في احد جابرك م توافقين ؟
هيام هزت راسها بنفي : لا
ابو رعد مسك كتفها وهمس لها : تبين رعد ولا لا ( وعطاها اذنه عشان تهمس وم يسمعونها ابوها ومحمد اللي كانوا لاصقين فالباب يسمعون كل شيء )
هيام بهمس : ايه موافقه
ابو رعد ابتسم وباس راسها : اجل ع البركة
طلع وتوقع انهم يتنصتون وفعلاً فز ابو هيام ومحمد
ابو رعد بغضب الارض صرخ في وجهه : سييفف م هقييتها منك !!
ابو هيام انصدم وهو كان يخاف من اخوه : وشفيك ي محمد
ابو رعد بصراخ : مالي كلام معك الحيين لكن هيين والبنت موافقه
ابو هيام طارت عيونه : نععمم ! لاتكون جبرتها توافق ع ولدك !
ابو رعد انفجر فيه : لاااا ترا طالت وشمخّت والله لو لا حشمتي في ابوي عرفت اتصرف معك وبعديين م هو انا اللي اجبر بنات اخواني وخواتي ع عيالي بالعكس اللي يبي قربنا اهلاً وسهلاً واللي م يبي الله يستر عليه !!
ابو هيام انتفض رعب : طيب
ابو رعد دخل المجلس مبتسم : ع البركة ي ولدي
رعد قام وهو يضحك وهمس : والله وسويتها يالقائد
ابو رعد حضنه : اكيد كل شيء عندي يهون الا الظليمه !
رعد فز اول م شاف فارس مقبل عليه وحضنه : اررححب والله يالفارس
فارس ضحك : ممكن تخف علي لأني مالي نفس انخنق في اهم يوم
رعد ابعده : عقبالك يارب
فارس : اميين والله يتمم لكم
جاء الشيخ ومد الكتاب لرعد اللي وقع
وعطوه محمد يروح لهيام توقع
_______________
عند البنات طلعت هيام مبتسمة ومستبشرة
سلمى فزت : طمنيني وش سوا عمتس محمد !
هيام : غسل شراع ابوي ومحمد وعطيته موافقتي
حنين حضنتها : ماشاءالله الله يتمم ع خييير وزغرطت هي وسلمى معلنين الموافقه
فزوا الحريم يزغرطون معهم
ام رعد نزلت دموع الفرح وقالت بصوت عالي :
الف مبروك ي هيام وعسى الله يجمع بينكم في خير
هيام ردت عليها بفرح : الله يبارك فيتس يخالتي
بدا الكل يبارك سواء عند الرجال ولا الحريم
________________
محمد دخل وهو ينادي هيام
هيام جات بعصبية : خير !
محمد التفت لها بنظرة مرعبة : عششنا توو بدري عليتس مسرع كبرتي راستتس !
هيام : اخلص شتبي
محمد مد الكتاب لها : وقعي بس
هيام ابتسمت ووقعت بحب واضح ع عيونها
محمد تنحنح وقال : هيام تحبينه صح ؟
هيام فزت : اكيد بحبه مو صار زوجي ؟
محمد ضحك : مستعجلة انتي باقي خطيبتس والله يتمم ع خير
حضنها محمد وبارك لها وهو مهمًا كان مستحيل يقسى عليها
محمد : اسمعي بيدخل رعد يشوفتس
هيام ارتعبت : طيب
طلع محمد ومسك رعد مع كتفه : يالطيب لاتمون معك دقيقتين
رعد ناظره  : كثر خيرك قصرت والله
محمد ضحك : تستهبل كم تبيها اجل ؟؟
رعد ابتسم : ودي ادخل ولعاد اطلع
محمد ضربه بخفه ع راسه : اذلف بسرعة دقيقتين هاه !
رعد تكلم قبل يسكر محمد الباب : خلاص يخوي اشغلتنا
______________
اول م طلع محمد ينادي رعد طلعت هيام ركض : بنات كيف شكلي ؟!
حنين : تاخذين العقل
هيام حضنتها بقوة : اف لو اسوي لتس كل شيء م بوفيتس حقتس
حنين ضحكت : شدعوة اصلاً خير شر ابيتس عندنا فالبيت
سلمى جات هي وبشرى
سلمى : واااي ماشاءالله تهبلييييين بس تعالي اعطرتس وابخرتس
هيام تقدمت لها وعطرتها سلمى وبخرتها
بشرى ناظرت بكرهه : مبروك هيام
هيام ناظرته بطرف عين وابتسمت تسليك : الله يبارك فيتس بس لو مخليه العرض اللي سويته امس مو بزين؟
( بشرى انفجرت داخليًا وتجاهلت هيام ودخلت وهي تتوعد تتزوج رعد وتكون الثانية ع راس هيام )
دخلت هيام المقلط ودخل رعد وهو معطيها ظهره كان عملاق وهيبة بشكل يشد كان يكلم محمد وم صدق يتسكر الباب ولف علطول
( لا اله الا الله هذي هيييااام !!!! بسم الله عليها يويل قلبي وحالي قسم بالله انه مو بس صوت ولا عيون تبارك الرحمن ) قرب منها وباس راسها : مبروك اول شيء
هيام كانت ترجف وقالت بصوت خفيف : الله يبارك فيك
رعد ابتسم : شفيتس غيرتي رايتس م كنتي رافضة ؟
هيام ناظرته بحدة وسكتت 
رعد ضحك بصوت شبه عالي : ايييه ابيتس كذا تاخذين حقتس بيدتس المهم سولفي لي كلها دقيقتين ويجيني محمد يتلني مع شعري
هيام نزلت راسها وتجاهلته وهي تتقطع من الاحراج كان وجهها احمررر 
( رعد اللي كان يناظرها بحب وكان ناوي يتأملها عشان م ينسى ملامحها وهو عارف ومتيقن انه مستحيييل ينساها )
رعد مسك يدها : هيياامي
هيام دق قلبها وهي اول مره تسمع احد يناديها كذا ولا شعوريًا نطقت : عيونها
رعد مسك قلبه : والله م ذبحني الا عيونتس المهم اسمعيني الملكة و الزواج بعد شهر يكفيتس ؟
هيام فزت : لا لا خلها شهرين او ثلاث
رعد احتدت ملامحه : ليه ان شاء الله ؟
هيام ناظرت بعيونه : رعد م يمديني اتجهز
رعد اللي ارتخى صدق وقال : وانا اموت شوق فالشهرين او الثلاثة انتي احمدي ربتس الحين اني خليته شهر ولا لو الود ودي بعد اسبوع
هيام انهبلت صدق : رعععدد بلا عباطة بعد شهرين اتفقنا ؟
رعد قرب منها وبعد شعرها وهمس في اذنها : قولي اسمي مره ثانية
( كان يشم ريحة عطرها وكان متخدر )
هيام بعدت وقالت : بعد شهرين تمام ؟
ودخل محمد : ماشاءالله انت وياها م شبعتوا !
رعد ناظره بحقد : بسم الله تراها دقيقتين يورع !
محمد انفجر ضحك : شفيك مشتط طيب !
( محمد طلع وسكر الباب معه )
هيام قامت وقبل تروح وقفت جنب رعد وهمست : يالرعد
رعد لف بكل حواسه : يعيونه
هيام ضحكت بخفه : رعد !
رعد انهبل وقال وهو هايم فيها : قلبه
هيام اللي استعجلت خطواتها وكانت ناويه تطلع بس  استوقفتها يد رعد اللي سحبتها قريب منه وقال : هيامي
هيام برعب ردت وصوتها يادوب ينسمع : نعم ؟
( رعد كان قريب منها بشكل مو طبيعي وكانت تشوف ملامحه بشكل واضح وقرييب )
رعد كان هايم فيها : شهر وكلامي اللي يمشي ؟
هيام خجلت من قربه ونزلت راسها : اجل شورك وهداية الله 
رعد ضحك بخفه : طيب احد قالتس اني همت فيتس ؟
هيام ابتسمت : لا والله محد قالي بس عيونك تقول
رعد ضحك بصوت عالي : ماشاءالله يعني مفضوح ؟
هيام ضحكت معه : مررره
تجرأ رعد وحضنها وقال : الله يجمعنا ع خيير انا مسافر عندي مهمة بكرة وبرجع بعد شهر انتبهي لتس
( اما هيام اللي ضاعت بين يدينه كانت صغيييره مقارنةً برعد اللي كان ضخم وفجأة ملئتها ريحة العود وتداخلت فيها كانت تسمع صوته قريب مرره ومالها الا توقف وتستمع له وهي م تجرأت تحاوطه بيدينها كانت واقفه بس )
هيام : الله يحفظك وانتبه لنفسك
رعد بعد وباس خدها وراسها : من عيوني ي هيامي
( هيام اللي كان وجهها حااار تحس خدها يحترق )
رعد ابتعد وراح عند الباب وقبل يطلع غمز لها وضحك اول م شافوه العيال وصرخوا بصوت واحد : يالخفيييفف
فارس : يعيني ع الغمزة
كاسر : اف اف هديها يبو الشباب
محمد انفجر ضحك : يولد محارمنا م تستحي ع وجهك
رعد ضحك : محارمك صاروا محارمي !
محمد تقدم وحضنه : ع البركة يارب والله يتمم لكم
رعد خبط كتفه : اللهم امين عقبالك يارب
فارس ضحك : يالله يعيال الفصلة بتبدأ
( طلعوا وشغلوا مسجل السيارة وبدوا يرقصون ويعرضون )
________________
هيام اللي كان ودها تلحقه وتضربه ع الغمزة ومع صراخ العيال استحت اكثر وجلست تهوي ع نفسها : اف حسبي الله كيف كذا جذاب بشكل مرعب يارب استودعتك قلبي اولاً ورعد ثانيًا يارب تحفظه لي وتسخره لي يارب
طلعت من المقلط وواجهت البنات اللي زغرطوا وسحبوها
سلمى بصراخ وحماس : الحييين تقصّين لنا كل شيء صار فالشوفه
حنين بحماس : ايه لازم تقولين لنا
هيام م كانت معهم كانت تحاول م تنسى شكل رعد وابتسمت : بنات امسكوني
مسكوها البنات ومثلت انها تدوخ
سلمى ضحكت : بسم الله عليتس
حنين ماتت ضحك : اف اف وش مسوي لتس رعد
هيام مسكت قلبها : وش مسوي ؟ الا وش م سوى
سلمى بحماس : وجع انطقي وش صااار
مسكتهم هيام وطلعوا لغرفتها
هيام : اول شيء دخل وهو معطيني ظهره غش حتى ظهره كان حلو ! ......... وبعدها طلع وانا ميته
صرخت سلمى : شفتتيي والله انكم لايقين لبعض بسم الله عليكم
حنين بصدمة وصرخت هي بعد : وربي م هقيت رعد رومانسي والله صدددمة يخي تهبلونن التناسق بينكم مو طبيعي !
سلمى وقفت واتجهت للشرفة وقالت : هيام تعالي شوفي خطيبتس
فزت هيام وهي اللي اشتاقت له علطول وقفت جنبها : يارب ثبتني
حنين ضربت كتفها بخفه : الله يعينتس ترا رعد من النوع اللي يشد الواحد له
هيام انصدمت : اايييه ادري م تشوفين شكلي كيف ينرحم
حنين ضحكت : قالتس انه بيسافر ؟
هيان ضاقت : ايه
حنين وسلمى فنفس الوقت : ععششششنا
حنين : وصار يقولتس اول وحده
هيام استغربت : كيف اول وحده وانتي تعرفين
حنين : توه ارسل رسالة فالقروب حقنا
هيام ضحكت : امانه يعني انا عرفت قبلكم
حنين : اكيييد انتي الحبيبة اللي استحلت القلب من اول لقاء
سلمى نادتهم : بنات العيال يرقصون
راحوا عند سلمى ركض
هيام في نفسها ( يا تبارك الرحمن يالله قد ايش يفتن ورقصه مرتب وشكله متناسق ! هذا بيصير لي بعد شهرين ! اف مو مصدقة رعد لي !! وجلست تتأمل )
حنين لاحظت ان هيام سرحانه : يالعروس وين وصلتي؟
هيام لفت لها : موجودة
حنين بأهتمام : متى حددتوا العرس ؟
هيام : بعد شهر
حنين ضحكت : غريب م قال رعد بعد اسبوع عاد اعرفه يحب يستعجل
هيام ضحكت : كأنتس حافظته قاله اصلاً بس رفضت
صرخت سلمى : لييييه يغبية !
هيام كانت جادة بكلامها : شوفي محد كثري يتمنى يكون مع رعد الحين بس لازم اتجهز واكون بكامل زينتي واغراضي تكون كاملة لازم م اخلي شيء ينقصني وبرضو باقي الملكة والزواج اللي بتكون بعد شهر اول م يرجع رعد يعني فيه اشياء كثيييير لازم اخلصها حتى شهر قلييييل
سلمى بإستهزاء : ماشاءالله عليها بنتنا عقلت
حنين ضحكت : تشوفين
هيام ناظرتهم بنظره كانت بتتكلم بس اسعفهم جوالها اللي دق
هيام رفعت الجوال وناظرت الرقم اللي مو مسجل عندها : مين ذا
ردت وتكهربت اول م وصلها صوت رعد
رعد : سلام عليكم
هيام رمت الجوال : بنااات اطلعوا بسرعة
حنين وسلمى طلعوا وهم يضحكون عليها
هيام راحت تسكر باب الغرفة وشغلت المكيف لأنها احترت من صوته
_______________
اما رعد اللي كان يتكلم : الو ؟ بنت هيام
طالع فالرقم ورجع يحط الجوال ع اذنه : اللووو
طفش وقفل
_
وهيام اللي جات ركض وحطت الجوال ع اذنها : الو
م وصلها صوت بعدت الجوال وضربت راسها بخفه : اكيد بيقفل رجعت دقت
رعد : الو
هيام : هلا
رعد ابتسم : يحي ذا الصوت
هيام قامت ووقفت عند الشرفة وهي تشوفه قاعد فسيارته : حي نباك ياكل رعودي
رعد ذاب : هيامي وبعدين؟  شرايتس توقفين عشان م اطلع لتس الغرفة وبعدين طفي النور وراتس
هيام انفجعت وطالعت فيه وشافته يناظرها : بسم الله والعين !
رعد ضحك : اذكري الله
هيام بخبث : ماشاءالله ع عين حبيبي الله يحفظه من كل حاسد
رعد ابتسم : ماشاءالله ع عين مين ؟
هيام : عينك انت
رعد عصب : لا لا وش قلتي
هيام : اصبر امي تناديني
رعد رد في نفس الثانية قبل تسكر : ورب الكعبة لو تسكرين لا اطلع لتس وتعرفيني اسويها
هيام : حبيبي
رعد ارتخى : لبيه يعيون وقلب وروح حبيبك !
هيام ارتعشت وابتسمت وسكرت
رعد ناظر بغضب لجواله وشافها سكرت رجع يناظر فالشرفة م شافها صد بعصبية ومشى مسافر للدمام
__________
هيام : يارب اني اسألك الثبااات
طلعت من غرفتها وباقي بس اهلها واهل رعد وخالتها وبناتها
سلمى : بنت وينتس غطستي فيه ؟
هيام بهمس : كنت اكلم رعد
سلمى ضحكت : اسمعي رعد ثقييييل بس معتس يكون خفيف شرايتس تلعبين دور الثقيييلة شوفي وش ممكن يسوي عشانتس
هيام اعجبتها الفكرة : تم ابشري بعزتس اتحول لأثقل وحده فالحياة
جلسوا يسولفون عن اجمل ليلة حضروها ويخططون للملكة
______________
عند رعد اللي فتح درج سيارته وطلع خاتمها اللي طاح منها في زواج سالم والعنود
( يزينها ويزين اصابعها الصغار كان يتأمل حجم الخاتم كيف صغير وكان يجهز لها خاتم الماس يحطه فالشبكة بعد شهر ) رجع الخاتم فالدرج وكمل سواقته
:::::::::::::::::::::::::::::::
الساعة ٣:١٣ الفجر
هيام دقت ع رعد تبي تتطمن
رعد : لبيه
هيام بأهتمام : بشرني وصلت ؟
رعد بغضب : اخاف اقولتس وتقاطعنا امتس تناديتس
هيام م فهمت : لا لا معليك امي نامت من اول الليل
رعد : المهم ابشرتس صرت اشوف انوار الدمام
هيام ارتاحت : تمام بس حبيت اتطمن
رعد ضاق : بس وبتسكرين ؟
هيام كانت تلعب دور الثقيلة : ايه بسكر تبي مني شيء
رعد عصب : مو من جدتس !
هيام م ردت وسكرت في وجهه
هيام : يويلي يارب م يعصب لفت وجهها ونامت
رعد اللي كان يفووورر : اناا تسسسكرر في وجههيي وللمره الثانييية هييين !!
مسك جواله ودق عليها وم ردت
رعد ضحك بعصبية: اهاااا تسوين فيها الثقيلة اصير العن منتس
___________
فالصباح الساعة ٨
ام هيام وابو هيام كانوا مجتمعين فالصالة
ام هيام بضيق : سيف ليه وافقت ي سيف ؟
ابو هيام عصب : مو انا اللي وافقت بنتتس هي اللي وافقت
ام هيام ابتسمت بأستسلام : الله يوفقهم يارب وان شاءالله ان رعد قدها
ابو هيام صد : ان شاءالله
دخل محمد : صباح الخييير
ام هيام وابو هيام بنفس الصوت : صباح النور
محمد : عروستنا م صحت للحين ؟
ام هيام : لا لا تصحيها الحين م نامت امس الا متأخر
محمد : طيب متى الفطور
ام هيام : الحين بسويه
محمد جلس يتقهوى جنب ابوه
محمد : يبه شفيك مالك حس
ابو هيام : وش تبيني اقول مثلاً
محمد ضحك : لايكون متضايق عشان رعد اخذ هيام ؟
ابو هيام صد بكرهه : اي متضايق هذا ماهو بكفو ياخذ بنتي الوحيدة هيااام
محمد تكلم بجدية : لا معليش يبه انا اشوف ان رعد ارجل احفاد جدي قاضي كلهم تبيه وظيفة ومنصب بتلقاه تبيه فزعة بتلقاه تبيه بمرجلة تلقاه تبيه بهيبة وقوة وشهامة بتلقاه قسم بالله انها دعوة والدين رعد لهيام
ابو هيام تكتف : ماشاءالله متى صرت بصفه انت ؟
محمد زفر : يبه انا طفشت من الموال ذا طفششت ابي ارجع زي قبل مع رعد اللي كان يعتبرني اخوه الكبير ابي نرجع ثلاثي انا ورعد وفارس الحين ببدأ اصحح اغلاطي
ابو هيام قام : بكيفك
محمد في نفسه ( انا عارف انه بكيفي طيب )
________••_______
عند هيام اللي صحت ومسكت جوالها تشوف الساعة وكانت ١٠ الصباح ولقت ثلاث مكالمات فائتة من رعد
فزت هيام وهي توها تتذكر وش سوت : يويلي انا غبية ولا فيه احد يسكر بوجهه شكلي اول وحدة تسويها وبيذبحني !
نزلت جوالها وقامت بهدوء واخذت شور وطلعت وتبخرت وتعطرت ومشطت شعرها الاسود متوسط الطول وطلعت
هيام : صباح الخير
محمد ابتسم : هلا والله بعروستنا صباح النور
هيام استغربت : وش طاح الحطب واقتنعتوا برعد ؟
محمد : انا من اول مقتنع بس كنت اساير ابوي
هيام ضحكت : اجل زين اني لحقت ع الفطور
ام هيام : صباح الخير هيومم
( هيام اللي كانت بس تتذكر نطق رعد في اسمها بـ" هيامي " وكانت تقول كييف حلو اسمي منه ! )
هيام : هلا يمه صباح النور
ام هيام نزلت الفطور واجتمعوا يفطرون
محمد : كثر الله خيرتس يأم محمد انا طالع عندي دوام
ام هيام ابتسمت : معسلامة يعيوني
طلع محمد ولفت ام هيام ع بنتها : هيام
هيام : لبيه
ام هيام : اسمعي وش صار امس فالشوفة نسيت اسألتس
هيام ابتسمت وهي تتذكر كل شي صار : وش تبين تسمعين قولي لي واحكي لتس
ام هيام بخوف : اهم شيء كيف كان معتس عاد اعرف رعد عصبي ويخوف وهمجي !
هيام ضحكت وهزت راسها بنفي : لا لا يمه بالعكس كان مرره لطيف وجدًا رومنسي امس انصدمت كنت اقول هذا رعد ؟ ( طبعًا هيام م كانت تدري بشخصية رعد وم كانت تدري انه كان خاق معها امس عشان كذا كان يمتع نفسه )
ام هيام بصدمة : صدق ؟؟
هيام بدون اي شك : اي اي
ام هيام : اجل الله يوفقكم يارب
هيام ابتسمت : امين يارب
___________
ام فارس كان عليها دور الغداء وكانت تجهز غداء كبير
مسكت جوالها وارسلت بقروب العايلة :
سلام عليكم انا عازمتكم اليوم ع غداء كبير وعشاء وسمرة بمناسبة خطبة هيام ورعد
الكل رد بموافقه
الا رعد اللي رد : الله يكثر خيرتس يخالتي ويغنيتس واعذريني والله م كنت متواجد والعشاء لي
ام فارس ردت : معذور يولدي وبنشتاق لك والله
________••________
وقت الغداء الكل كان موجود والبيت مزدحم
سلمى : حسافة رعد مو موجود
هيام لفت لها بضيق : اي والله
سلمى : الا اقول انتي باقي صاملة في لعب دور صعبة المنال صح ؟
هيام : ايه الله لا يوفق عدوتس وشكله بيذبحني
حنين ضحكت : ليييه وش سويتي
هيام : سكرت بوجهه مرتين
حنين فززت : ااييششش !!!
هيام ارتعبت من ردة فعلها : ييمه وشفيتس انتتيي
حنين عضت ع اصبعها : يويلتس ويلااه محد يسكر بوجه رعد كيف سكرتتيي والله لا يدفنتس
هيام برعب : يمه خلاص اسكتي انا خلقة خايفة
سلمى ضحكت : معليييتس منه كملي
هيام ضربتها : انا مضطره اكمل حسيبتس ربي
جات بشرى : سلام بنات
الكل رد السلام وهو كارهينها
بشرى : هيام قالتس رعد متى بيرجع ؟
هيام : ايه يحبيبتي وش تبين فيه
بشرى : لا بس اسألتس
هيام صدت : طيب
دق جوالها وكان رعد وكانت مسجلة اسمه "رعُود قلبي"
شافت الاسم بشرى ونطت وخذت جوالها وهربت فيه
هيام فزت : يبزر جيبي الجوال !!
سلمى وحنين كانوا ميتين ضحك
بشرى سكرت عليها فالحمام وردت : لبيه
رعد فز : بشرى ؟
بشرى انبسطت انه عرفها من صوتها : عيونها
رعد ابتسم وهو يتذكر شكلها : وش جاب الجوال معتس؟
بشرى : الحين الواحد يسأل ذا السؤال وبعدين وراك استعجلت وخطبت هيام ؟
رعد ضحك : وبتحاسبيني الحين ؟
بشرى بزعل : اييه بحاسبك نسيت اني لك وانت لي كيف طاوعك قلبك تنسى كلامك لأمي بسرعة ليش تركتني
رعد : خلاص الشرع حلل اربع تبين اخذتس عليها ؟
بشرى فزت بفرح : قل والله !!
رعد ابتسم : م بحلف بس ان شاء الله
هيام اللي كانت تدق الباب وسمعت كل شيء بفضل بشرى اللي كانت فاتحة السبيكر ( اييشش ؟! شقاعد يقول ذاا ! ) هيام بصراخ : بششرى الله ياخذتس افتحي ياللي م تستحينن
رعد سمع صوتها وقال : بشرى
بشرى بفرحة كبييرة : يعيونها وروحها
رعد : عطيها الجوال ( كان رعد يحب تعامل بشرى معه وكان يحب يسولف معها كانت تدلعه صدق )
فتحت بشرى وانصدمت بالكف اللي الجمها من هيام وصرخت في وجهها : وصلت فييتس الدناءة تكلمين واحد خااطب !!
وسحبت الجوال بقوة من يدها
بشرى كانت مصدومة وم قدرت ترد بس استجمعت نفسها وقالت : يحبيبتي اللي اكلمه بياخذني زوجته الثانية وعلى راستس سااامعه !
هيام كانت تفوور وتحترق غييرة رفعت الجوال لأذنها وطلعت لمجلس الحريم : خييير انت !!
رعد ابتسم : افا الوحدة تكلم زوجها كذا ؟
هيام بغضب : يششييخ طيير اي زوجة تتكلم وعن اي تعاامل تحسبني م سمعت كل شيء اجل انا هيام تاخذ بشرى طبينه ع راسي !!!
رعد ضحك : طيب ؟ ماهو الشرع محلل لي اربع ؟
هيام احترقت ودموعها نزلت وقالت بصوت يرجف : اخس عليك والله ي رعد توقعتها من كل الناس الا انت !
رعد ابتسم بضيقة : يبنت الحلال صلي ع النبي والله لو اني خطبتها ترا بس حكي وانتي لعاد تصدقين كل شيء ولو اني ابي بشرى كان اخذتها قبلتس خصوصًا اني شفتها قبل اخطبتس
هيام م زالت تبكي وهو يسمع شهقاتها
رعد فز : ي هياامي خلاص تكفيين لا تضيقيين علي ولا والله لا اجيتس طيران للرياض وارضيتس
هيام تكلمت بصوت مهزوز : م ابي منك شيء اخذت اللي كفاني وشكرًا ي الرعد رح لبشرى تسليك
رعد ضحك : يالبيييييييه ياللي يغار محلاه ومحلا غيرتته يناااس
هيام سكرت في وجهه للمرة الثالثة
رعد صد ووضحت عروق راسه وعيونه اللي احتدت وضرب يده فالدركسون بقووة : اااه يالهياام تبيني اوجعتس تبيني اوريتس شخصيتي اللي اخفيها عنتس لكن ابشري بها
::::::::::::::::::::::::::::::::::
انتهى البارت ادعموني بنجمة وكومنت عشان اتحفز واكمل لكم 🤍
( حلويني طولت البارتات واتوقع بعتمد اني اخليها طويلة استمتعوا لأن البارت الجاي بتزعلون 😭🤌🏻؟ )