يهزمني الحُب وانا جاهل بدرب المُحبين

البارت السابع

سكرت حنين وهيام ماهي قادرة تشيل نفسها كانت طايحة ورفعت نفسها بصعوبة وغيرت ملابسها وطفت الانوار ودخلت فالفراش وغطت نفسها وبكت وهي تحاول تكتم نفسها
______••______
رجع رعد بالعشاء وشاف النور طافي ناداها : هيام !
( هيام اوجعها قلبها كيف قدر يسوي فيها كذا ! خصوصًا انها كانت اجممل بكثييير من بشرى وم فيه مقارنة اصلاً )
دخل الغرفة وشافها مغطيه نفسها قرب منها وهمس : هياامي نمتي ؟
هيام م ردت
رعد رفع الفراش من وجهها وشافها تشهق بصمت وعيونها غرقانه فزز برعب : هيياام شفيتس !
هيام بعدته منها وصرخت : شفيني !! اه ي رعد م امداني اجلس معك ساعة ويوصلني خبر يكسرني
رعد خاف : وشفيتس تكلمي
هيام : اجل سويتها وخذيت بشرى !!
رعد استغرب وصد : لا اله الا الله كل الدموع ذي عشان بشرى ؟ حسبت احد مات الله يخرش ابليس
هيام بنظرة استحقار : اوه اصلاً ليش استغرب وانت راضي من اول بالرخص
رعد لف لها بقوة وصرخ : ووشش قلتتيي ؟
هيام ناظرته بقرف : ابععدد مني !
رعد مسكها من خصرها بقوة : هيييااام اعقلي !
هيام كانت تقاوم وصرخت : اببععد منيي يالرخييص رحت وخطبت وحده تعرض نفسها وجسمها عليكك !
رعد كان دمه يفوورر ومسك هيام برقبتها وكان خانقها بيدينه وصرخ بوجهها : انا رخخييص !!!
هيام ماتت رعب من شكله كان كبييير وثقييل كان كاتمها وصرخت وهي تحاول تفلت منه : رعععدد بتموتني ي رعد !
رعد حقيقي كان وحش كان مرععبب عروق يدينه بارزة وعيونه حادة وحمراء وم كان يسمع ولا يشوف قدامه وكانت هيام تصارع تبيه يوخر عنها كانت تشوف الموت بعيونها وقدرت عليه شوي ومسكت وجهه وقالت بصوت يرجف وحزيين  : رععد تكفى لا تذبح هيامك تكفى يالرعد !
رعد استوعب اول م سمع اسمها ودفها وطاحت ع السرير
شهقت هياام تبي تتنفس وصرخت : م اقدر اتتنفسس
رعد رجع لها ومسك فكها وتكلم بعصبية : هيام لييه ي هيام لييه تبيني اسوي فيتس كذا !
هيام اخذت نفس كبييير وطاحت بطولها عند رجوله
رعد رجع يرفعها من الارض وهو حاطها بين يدينه وهمس لها : هيامي اسف والله اني اسف
هيام بصوت مبحوح وخايف : رعد وخر مني م ابيك توجعني اكثر وخرر
رعد نزلها ع الفراش وطلع من الغرفة وهو يرجف من العصبية وتذكر انها ممكن تدق ع محمد رجع ركض للغرفة وفعلاً شاف هيام ترجف وماسكه جوالها ركض لها بسرعة وسحب الجوال من يدها : وش تسووين ؟
هيام بعصبية : تحسب م وراي احد تحسب م وراي سند ؟ عطني جوالي والله لا اقولهم كل شيء !!
رعد تقدم لها وقرب من وجهها وتكلم بجدية : بس خلاااص انتي اللي بديتي العني الشيطان وسكري الموضوع
هيام بكت : تكفى يالرعد افسخ خطوبتك ببشرى تكفى لاتحرق قلبي مقدر انا اشوفك مع احد غيري تكفى
رعد باس راسها وابتعد : خلاص قلت سكري ع الموضوع
هيام بدت تهدأ وقالت في نفسها ( انا ليه احرق نفسي ؟ والله لا احرق بشرى ودموعي ذي لا اطلعها من ظهرها )
نادته قبل يطلع : رعد
رعد لف : عيونه
هيام كانت ترجف بس صوتها كان ثابت : ليش مديت يدك علي ؟ هذا وانا م صار لي ساعتين زوجتك
رعد ضاق : انتي اللي عاندتي وسميتيني رخيص !
هيام زفرت بضيق : لا والله ؟ مو علي ترا ضربتني عشان  بشرى صح !
رعد ابتسم : لا والله انه مو عشانها اصلاً مدري وش قلتي عنها
هيام : يعني ؟ بتجلس ع كل غلط تضرب !
رعد : لا تعاندين ولا تغلطين علي ومستحيل اني امد يدي عليتس
هيام بضييق واضح : اخر كلام ؟
رعد : بس وقفي عناد وشوفي وش كيف بصير معتس
هيام راحت واخذت مخدة وبطانية مجهزتها وطلعت للصالة وفرشتها وهي حالفة م تخليه يلمسها بعد اللي صار
لحقها رعد وبنظرة حادة قال : نععم يحلوه ؟
هيام صدت وعطته ظهرها ونامت
ابتسم رعد ع جنب وقرب منها : ناسية اني زوجتس ؟
هيام فزت من قربه وقالت بكل قوة : وناسي انك مديت يدك علي ؟ ( وجلست توريه رقبتها كيف علمت فيها اصابعه )
رعد بصوت عصبي : خلاص عاد اقصري الشر وامشي نامي معي
هيام دفته بكل قوتها وصدت عنه ونامت
( كان رعد سرحان فيها عشان كذا قدرت عليه ولا هو محد يقدر عليه وطاح من دفتها له ع الارض )
انصدم رعد ورجع يهمس في أذنها وهو يضحك : معليه هي ايام وبيصير اللي ببالي وبتنامين عندي وبين احضاني
هيام غطت نفسها بالبطانية
ضحك رعد بصوت مسموع ودخل الغرفة وتوضى وصلى له ركعتين ونام
_______••______
بعيييد بغرفة سلمى وبشرى
سلمى بعصبية : الله ياخذتس يكلبة والله لا تخربين بيت هيام ان اذبحتس تسسمععييين !
بشرى ضحكت : هدي الشرع حلل اربع واذا تبي هيام الطلاق احسن فكه اصير لرعد لحالي
سلمى انهبلت : انتي صغيييرة شلون تقبليين برعد !!
بشرى زفرت بعصبية : اف سلمى خلاص اسكتي وبعدين وش صغيرة عمري ٢١ !
سلمى ضحكت : يعني بينك وبينه ٧ سنوات يماما
بشرى صرخت بصوت عالي : طططيببب ؟ الحب م يعرف عمر
سلمى انفجرت ضحك : يعيوني ي بشرى تحسبينه يحبتس ؟
بشرى ابتسمت : لو م يحبني م اخذني ع راس هيام
سلمى : لا يقلبي خليني اشرح لتس لو يحبتس اخذتس اول م شافتس مو من اليوم اللي بعده فز لبيت عمي سيف واخذ هيام عشان كذا ابي منتس توقفين تلعبين ع نفستس
بشرى احتدت نظراته : سلووم قولي انتس بتحترقين غيرة اني اعرست وانتي باقي عانس
سلمى ضحكت : يويلي ذي وش اسوي فيها اشرح من هنا وترد من هنا يقلبي انا باقي صغيرة عمري ٢٥ والنصيب جاي ان شاء الله اهم شيء م اتلزق بواحد متززووج
بشرى ضحكت بعد : طيب خلصتي ؟
سلمى طلعت وهي تتحسب ع اختها
بشرى م صدقت تطلع سلمى واخذت جوالها ودقت ع رعد
رعد صحى من النوم ومسك جواله بدون م يشوف مين المتصل ورد بصوته النايم الثقيييل : الو
بشرى فزت بحب : رعد
ابتسم رعد : عيونه
بشرى : نايم ؟ عساني م ازعجتك
رعد : لا لا بغيتي شيء
بشرى : ايه الصراحة
رعد بعين مفتوحة والثانية مسكرة : قولي اسمعتس
بشرى ابتلشت وهي م كان عندها شيء : اممم مدري اخاف م تقدر تسويه عشانك توك صاحي
رعد م كان معها ورجع يغفو والسماعة مفتوحة
بشرى كانت تنتظر رده : رعد
دخلت هيام الغرفة وهي م نامت اصلاً وكانت تبي تأخذ منشفتها وسمعت صوت
هيام شهقت ( لايكون جاااب بشرى !!! ) تجرأت ودخلت وهي حاطه يدينها ع عيونها وفاتحه فتحه بسيطة زفرت براحة اول م شافت رعد نايم لحاله
هيام قربت من الصوت وشافت جواله اخذته وقرت اسم بشرى اللي كانت تنادي رعد
هيام ابتسمت اول م جاتها فكرة خبييثة وقالت : رعد
رعد ابتسم وهو نايم وهمهم لها : هممم
هيام قربت من وجهه : حبيبي
فتح رعد عيونه بقوة : يعيون حبيبتس
هيام ابتسمت بنصر وهي تدري ان بشرى تموت ( وفعلاً كانت بشرى مصدومة وتموت غيرة وتفكر وش يسوون وكيف قربهم من بعض كانت هذي الافكار كافية انا تنهي بشرى )
رعد حضن هيام : عيوني لبيه تبيني اجيب لتس شيء
هيام : لا لا بس كنت بشوف انت نمت ولا لا لأني سمعت صوت
رعد تذكر بشرى وقام وطلع من الغرفة : بشرى
بشرى كانت تبكي : نعم
رعد ضحك : افا وشفيه صوتتس
بشرى تنحنحت : م فيني شيء
رعد : هاه يعيوني وش بغيتي نمت انا والله ونسيتتس
بشرى : ابي تسوي لي زواج نفس زواجك بهيام
رعد عصب : بشرى خلاص قلنا حفلة صغيرة !
بشرى بكت : لا والله ؟ وش اللي يفرق بيني وبين هيام
رعد ضاق من بكيتها : خلاص بكرا اجيكم ونخطط
بشرى ابتسمت : الله يخليك لي
رعد ذاب فيها وبصوتها : ويخليتس لي يعيوني ويحبيبتي الصغيرة
بشرى وقعت فيه اكثر واكثر وسكر رعد ورجع الغرفة وشاف هيام ع جوالها
رعد : وش تسوين ؟
هيام م ردت وهي تضحك
رعد ذاب من ضحكتها : يالبيه يالضحكة اللي اشتقت لها
قرب منها وقفلت هيام جوالها بسرعة ومثّلت الخوف : يمه متى جيت انت !!
رعد شك علطوول وهذا اللي كانت هيام تبيه : هيام وش كنتي تسوين ومين كنتي تراسلين !
هيام ضحكت في نفسها وهي كل خططها تنجح وردت بتردد : هاه..لا لا م كنت اسوي شيء
رعد قرب منها ومسك وجهها وشده قريب لوجهه : تكلمي بسرعة مين كنتي تراسلين !
هيام زفرت بعصبية وفتحت جوالها وشاف صورة بنت صغيرة
هيام : كنت اشوف صوري وانا صغيرة وتذكرت اشياء وجلست اضحك
رعد م بعد منها بالعكس قرب اكثر وطاحت هيام ع الفراش وكان رعد محاصرها بيدينه وقال : انا ادري انتس واضحة وم تسوين شيء بس لاتلومين قلبي اللي يغار عليتس من زولتس فالمراية
هيام انتظرته اول م سرح فيها رجعت تبعده بقوة وركضت برا الغرفة وقالت : اجل ورا م تترك الغيرة ودور الزوج المُحب لزوجته وتروح لبشرى اللي تركت حضني عشانها
طلع رعد وراها وانفجعت اول م طلع قدام وجهها وسحبها له : وبعديين م ودتتس تغيرين سيرة بشرى انتي اللي معي الحين صح ولا لا
هيام كانت تقاوم تبيه يبعد : بس خلاص ابعد مني مستحيل ارضى واخضع لك بسرعة
رعد ضحك : ايوه ايوه كملي
وباس خدها وابتسم : هاه خضعتي ؟
هيام مدت يدها ومسحت بوسته من خدها : لا وتخسي ترا زعلي مو بهين
تركها رعد وابتسم : اجل اسمعي بنام وانتي نامي بكرا بنروح امي مسوية غداء كبير
هيام م ردت
رعد بدا يعصب : مين اكلم انا
هيام لفت له : يووه خلاص سمعتك
رعد عصب : هياااام اعقليي !
هيام : لا والله وش سويت ؟
رعد : يعني بتعاندين
هيام طنشت ودخلت بطانيتها ونامت صدق
رعد : يارب الهمني الصبر هييامي قوممي
هيام م ردت كانت نايمه
رعد قرب منها وبعدها شوي وانسدح جنبها وهمس : اذا م تبيني اجيتس انا
حضنها عشان يتأكد انها م بتصحى وتهرب منه
_____••_____
فالصباح الكل كان مستنفر في بيت الجد قاضي
ابو رعد : يا فارس
فارس : لبيه
ابو رعد : لبيت حاج جهزتوا القهاوي والشاهي فالمجلس ؟
فارس : ايه ايه وطلع يركض يجيب الذبايح
ابو رعد حك راسه : ياربي احس اني ناسي شيء
ابو محمد : محمد
ابو رعد لف : لبيه يبه
ابو محمد : جبت سيارة رعد الجديدة ؟
ابو رعد ابتسم : الله يذكرك بالشهادة يبه وركض برا يجيبها
ابو محمد : سيف
ابو هيام كان مستنفر معهم ويركض من المجالس ويطلع ويدخل : لبييه يبه
ام محمد جات : خلصتوا يعيالي اكلم رعد ؟
ابو محمد : سيف اطلع مع اخوانك برا جيبوا الفواكة وباقي الضيافة
طلع ابو هيام مع الكل برا
ابو محمد : مها
ام محمد : نعم
ابو محمد : دقي ع رعد خلصنا
ام محمد بأبتسامة : يالله يالله
اخذت جوالها الكشاف ولبست نظارتها وجلست تدور رقمه وحصلته ودقت
رعد كان نايم وهيام بأحضانه وجواله فالغرفة داخل
صحت هيام ع صوت الجوال ولقت خشمها يلامس خشم رعد فززت وطاح رعد ع الارض وقام منفجع
رعد : بسم الله شففييتتس انتي
هيام كانت بتموت من الاحراج : كنت قرييب من وجههي
ضحك رعد بتألم : يالليييل صدق المهم صباح الخير
هيام : صباح النور ي رعُودي كلها 
رعد قام بيدخل الغرفة عشان يرد ع الاتصال وناظرها قبل يدخل : اصبري اجيتس اعلمتس رعُودتس وش يسوي
هيام رمته بالمخدة : رح رد بسرعة
دخل رعد وشاف المتصل جدته : هلا هلا باللي لها الخافق يهلي هلا بدنيتي
ام محمد : وجعع ان شاءالله م تسمع جوالك !
ضحك رعد وطلع فالشرفة : والله كنت نايم يجده
ام محمد : ايييه انه م خلاك تيس م تدري وين ربي حاطك الا ذا النوم
رعد ضحك : يبعدي يأم محمد علميني وش تبين
ام محمد : اخلص الغداء !
رعد تذكر وفز وشاف الساعة بجواله كانت ١١:٥٠ : يوووه يالله يالله جاييين
ام محمد : اخخلص !
سكرت في وجهه وضحك : تمونين يجده
:::::::::::::::::::::::::::::::
عند هيام كانت تتسمع من الباب وشهقت اول م سمعت رعد يقول ( هلا هلا باللي لها الخافق يهلي هلا بدنيتي ) وقالت في نفسها (حسبي الله عليتس ي بشرى حتى الصباح مقدر اصبح معه بدونتس اخ الله يطمن قلبي ويبرد خاطري فيتس وكملت تسمع بس دخل رعد الشرفة ومعاد سمعت شيء ) هيام : بالطقاق بدخل اخذ شور والبس قبل يجيني ذا الجني
رعد دخل الغرفة مستعجل شاف هيام تأخذ منشفتها م كلمها ودخل الحمام لحقته هيام بسرعة : ررععدد
رعد فتح الباب : نعم ؟
هيام : خيير انا حجزت الحمام قبلك !
رعد بأبتسامه خبيثة : ادخلي طيب
هيام انقلب وجهها احممرر : هاه !
رعد سحبها وهمس بأذنها : نسيتي اننا متزوجين ؟ واتوقع فهمتي وش مقصدي
هيام دفته : يويلي ويلاه اعنبوك انت م تستحي !!
ضحك رعد بصوت عالي : وشفيتس م قلنا شيء
هيام طلعت وهي مصدومة من جرأته : وانا غبيية رايحة الحقه للحمام !
طلعت هيام للحمام الثاني وخلصت بسرعة ولبست قبل يطلع رعد وجلست قدام التسريحة تجفف شعرها وحطت مكياج مناسب يوضح انها عروس ولبست فستان متوسط الطول ضيق من فوق ومنفوش من تحت وكان لونه احمر غامق وحطت اخر لمساتها روج احمر يتوافق مع لون الفستان كان سلاح كافي بأنه يقتل رعد اخذت المسك ومررته ع عنقها وعند اماكن النبض بيديها واخذت العطر وتعطرت وتبخرت رتبت شعرها وجلست فالصالة تنتظر رعد وعبايتها جنبها
طلع رعد وشم ريحة عطرها منتشرة بكل زاوية بالغرفة لف للسرير م كانت موجودة استغرب وطلع وهو لاف المنشفة ع خصره دخل الصالة وشاف اجمل شيء فحياته كانت هيام جميييلة بشكل يخوف كانت كل تفاصيلها تجذب بداية من عيونها والشامّة اللي توسطت خدها وغمازاتها وابتسامتها وعنقها اللي التف عليه سلسال ذهب ناعم وجسمها اللي غطى ملامحه فستانها الأحمر كان رعد هايم فييها وصحى ع صوتها : رععدد خير شفييك م تسمع !
رعد ابتسم وتقدم لها : ومع الزيييين ذا كله عاد ورا رعد عقل وسمع ؟
هيام تأففت : مو وقته الساعة ١٢:٤٠ !
رعد م اهتم وباس شامتها وتكلم وهو متخدر : ودي اتأخر دايم اذا بشوفتس كذا
هيام استحت وقامت وكانت رافعه راسها عشان تشوف وجه رعد "فارق الطول بينهم كان راس هيام يوصل لصدر رعد "
هيام : امش امش البس
رعد ضحك وراح يلبس وشوي وناداها
هيام دخلت وهي مغطيه عيونها وتمشي ببطيء : افتح ؟
رعد كتم ضحكته وقرب منها وبعد يدينها : افتحي ولعاد تسألين زوجتس ترا !
هيام طنشت : تعال ابخرك
رعد لبس شماغه وساعته والكبك حقه وقرب وغطاها بالشماغ معه : خلينا نتبخر مع بعض
هيام خلاص ماتت من الاحراج وبعدت : اف انكتمت ووجهي حمرر
رعد ضحك : البسي عبايتتس يالله
هيام لبست واخذت شنطتها
قبل يطلع رعد تذكر الخاتم الذهب حقها اللي اخذه من الارض في زواج سالم رجع ياخذه وناداها
هيام لفت : عيوني
رعد ركع ومد لها الخاتم : تتزوجيني ؟
هيام انصدمت : ولد انت انهبلت وشفييك تأخرنا وبعدين وشذا الخاتم احس اني اعرفه
قربت وشهقت : خخااااتمميي !
ضحك رعد وارتفع وبان فرق الطول مره ثانية ولبسها الخاتم : يالله طلعنا
هيام وهي تساير خطواته : كيف حصلته ؟
رعد : انا اللي اخذته اصلاً
هيام : واو صدق !
رعد قطب : شفيتس ؟
هيام هزت راسها بسرعة : لا لا م اقصد شيء بس مصدومة لأني ضيعته يوم زواج العنود
رعد : ايه ومن قبل الزواج وانا هاايم فيتس وم صدقت اخذ شيء لتس
هيام استحت : اف رعد خلاص
رعد ضحك وشغل السيارة واتجهوا لبيت ابو محمد
______••______
في بيت ابو ضاري
*تعريف بسييط*
ابو ضاري عنده ثلاث عيال واربع بنات كان شديد جدًا وكان من عايلة ثانية وم تقرب لعايلة ابو محمد بس اخذ بنتهم سارة عمره ٥٦
سارة احدى بنات ام محمد وابو محمد
كانت حقييرة ومحد يحبها وكانت من العمات الحيّات منجد عمرها ٤٠
عياله :
ضاري الكبير متزوج وعنده ثلاث عيال ملتزم شوي وعمره ٣٣
زايد عمره ٣٠ جدي جدًا وم عنده مزح بخييل جدًا ومحد يحبه
العنود كانت عسل والكل يحبها والدليل كان الحضور فزواجها من سالم ولد خالتها عمرها ٢٨
سلمى " حبيبتنا كلنا " سلمى كانت فلاوية جدًا وم يهمها احد كان الكل يحبها بس كانت تهتم باللي تحبهم وم ترضى زعلهم ابدًا عمرها ٢٥
ذيب كان اقرب شخص لكاسر وولد عمته عمره ٢٢
بشرى " زوجة رعد الثانية " بشرى كانت انانية بشكل وكانت تحب نفسها ورعد بس عمرها ٢١
بيان اخر العنقود وفعلاً كانت سكر معقود كانت تساعد الكل وخفييفة الروح عمرها ١٨
_______
نرجع لبيت ابو ضاري
ابو ضاري : يالله يولد امشوا
سلمى بملل : اف اخلصصصوا ابي اوصل قبل توصل هيام
بشرى نزلت وكانت بكامل كشختها وكانت جميييلة جدًا
سلمى همست في اذنها : سلامات وشذا كله وش خليتي للعروس ؟
بشرى : انا برضو اعتبر عروس ولا يبه ؟
ابو ضاري : ايه يبنتي واجمل عروس بعد
سلمى في نفسها ( استغفر الله انا مدري اشوفها من بشرى ولا من ابوي )
طلعوا بعد م نزلوا الكل
بيان بحماس : اف اشتقت لهيام
سلمى ضحكت : اذا انتي اشتقتي انا وش تقولين عني
بشرى : انتبهوا بس ع انفسكم
سلمى همست : انتي انطمي محد كلمتس
بيان : بشرى
بشرى : يعيوني
بيان : تسلميين بتشوفين رعد ؟
بشرى وبيان كانت علاقتهم حلوووه مع بعض
بشرى : اكيييد
بيان : ونااااسة ناديني بصوركم
سلمى عصبت : خييير انتي وياها !!
( سلمى بعد م تزوجت العنود كانت اكبر بنت فالبيت وكان كلامها يمشي ع الكل )
بيان خافت : وش فيتس !
بشرى خافت بعد : يمه سلمى خير تصارخين تراه خطيبي !
سلمى تكتفت : والله لا اشوفتس انتي وهي فازعين له اذا تبي بشرى بكيفها بس بيياان !
بيان هزت راسها بنعم : تبشرينن خلاص
سلمى صدت بضيق
وصلوا وكانوا اخر المعازيم وكان بيت ابو محمد يعج بالحضور والكل جاي بدون استثناء من خوات ابو رعد واخوانه وخوات ام رعد واخوانها وقرايبهم
طلعوا الرجال ع رمي الرشاش حق فارس وهو يقول : اااررحبببووااا
رعد فتح شباك سيارته وقال بصوت عالي : مننن يرححبب يببقى
هيام كانت تحب علاقتهم ببعض وتتأملهم
رعد كان مبتسم ويسوق بيد واليد الثانية شابكها بيد هيام
نزلوا وقال بصوته الرخيم : يولد وخروا محارمنا
جاء محمد يضحك ومسك يد هيام ودخلها وسلم عليها
ورجع لرعد
ابو رعد تكلم بصوت عالي : ارحب ارحب يالرعد ارحب يتاج راس ابوك
رعد ابتسم : ابقه يالله وقرب وباس راس ابوه وابتدأ يسلم ع جده وعمانه وخواله والمعازيم الباقيين
لف رعد ع صوت محمد : خير يالنسيب م تسلم علي
ضحك رعد : اررحب ي محمد ارحب
محمد ابتسم : يالله حيي ذا الشوف
رعد تكلم وهو حاضنه : حيي نباك
جلسوا والكل يضحك ومستانسين
_______••_______
عند هيام اللي كانت متوترة من طلق النار واصوات الرجال العالييية دخلت المقلط ولقت حنين فيه
حنين ببأبتسامة زغررططت بصوت عالي وسمعوها الحريم وراحوا يزغرطون كلهم معها
حنين : ارحبي يالهيام
هيام ضحكت ضحكتها العذبه : يعيوني الله يبقيتس
ام هيام : هيييومه ارحبي يعيون امتس
هيام تقدمت تبوس راسها وسلمت ع راس ام رعد وراس جدته وبعدها سلام خدادي للباقين
وصلت هيام لعمة رعد ساره وخزتها وسلمت بدون نفس وراحت تجلس
سلمى بضحكه : وحشتتييننا يوسخه
هيام : حشى توو رحت من عندكم امس
سلمى بنظرة : علتبن الشرهه مو عليتس علي انا
هيام نطت وضمتها : والله اني امزح يروحي م يوحشك غالليي
سلمى ضحكت وبعدت هيام
حنين بضيق بان ع ملامحها : هيام تعالي معي اخذ عبايتتس واغراضتس
هيام : اي والله جايتتس
قاموا الثنتين ولحقتهم سلمى
حنين اخذت اغراض هيام وعلقتها وقالت : اييه وش صار امس كلمتيه عن خطبته من بشرى
هيام ضحكت : اكيد يحبيبتي بس لقمت والله
سلمى شهقت : ضربتتس !!!
هيام فزت وغطت فمها : اااصص فضحتينا !!
سلمى : اوه اسفه اييه وش سووا !
حنين : تكلمي ضربتس !
هيام مسكت رقبتها وتكلمت بهمس : ايه خنقني بس لايطلع الكلامم !
حنين ضربتها : عييب عليتس احنا نطلع كلام
سلمى : وحنين صادقة استحي ع وجهتس
هيام ابتسمت : ايه كفو بناتي
سلمى همست : نمتي معه؟
هيام انصفق وجهها بصدمة وانحراج : سلمى !!!
سلمى ضحكت : اص لاتسويين مستحية وتكلمي
حنين تحمست : ايه ايه قولي
هيام حاوطت بطنها بيدينها وكانت بتتكلم بس قاطعتها
شهقت سلمى : ححاااممملل !!!!
سمعوها كل الحريم وطلعت ام رعد لهم : ميينن هيام !!!
هيام قبصت سلمى بقوة : ههههه لا لا يخالة الله ياخذ سلمى يارب
الحريم بدوا يتهامسون اللي تقول ( حشى مسرع ! ) واللي تقول ( اف ماشاءالله ع رعد م انتظر علطول من اول ليله ) واللي تقول ( ماشاءالله الله يبارك لهم )
سمعتهم هيام وطلعت ركض : لا لا يالحبايب ماني بحامل حشى توو اعرست امس !
ضحكوا الحريم وتكلمت ام ابتسام : والله انخرشنا من سلمى
سلمى طلعت وهي تتألم من قبصة هيام : هههههه الله يقلع ابليس شفتها مسكت بطنها وانخرشت
الحريم انفجروا ضحك من سلمى
ورجعت حنين تهمس : م نمتي معه صح ؟
هيام هزت راسها بنفي
سلمى : ايه احسن خليه يتششفق عليتس
هيام : بس صحيت ولقيت خشمي ع خشمه
سلمى ذابت من الوصف : امااااانه
هيام تذكرت واستحت : اي والله
كانوا واقفين فالسيب وفزوا ع صوت رعد : يووللدد
ركضت سلمى ولحقتها هيام بس وقفتها حنين : خير يالطيبة زوجتس ترا
هيام : ادري م ابيه يشوفني
حنين ضحكت وشافت رعد اللي دخل وشافها : فات الاوان
هيام ضربتها بخفه : كله منتس يبقرة !
لفت هيام تناظر في رعد اللي كان يسولف مع لين وامه
ناظرها وسط سواليفه وابتسم ( هذي وش طلعها قدامي يويل حالي صدق )
رعد سكت وقال : هيامي
ام رعد استحت وراحت
لين صرخت : عععشششناا هيامك ؟
رعد مسك لين مع راسها وحضنه : اييه هياميي
هيام كانت واقفه ونادتها عهود *بنت خالة هيام*
هيام لفت لعهود : هلا
عهود : تعالليي
عهود مسكت يد هيام واخذتها قدام عيون رعد
رعد بصوت عالي : ياهيااام
بشرى سمعت صوته ونطت وراحت له
رعد ابتسم : هلا هلا ببشرى
بشرى ضحكت وتقدمت له تسلم عليه
رعد حضنها وباس خدها : شخبارتس ؟
بشرى بضحكه سحرت رعد : توو صرت بخير
رعد ابتسم : لاا كذا كثييير ع قلبي
هيام ابعدت يد عهود وقالت : شوي زوجي يناديني
هيام رجعت وشافت كل شيء قدام عيونها وتقدمت بصوت ثابت عكس اللي يصير داخلها : هلا رعد
رعد ناظرها بطرف عين : خلاص
هيام تكتفت : تستهبل ؟
رعد احتدت نظرته : خليتس شوي بكلمتس
رجع يناظر ببشرى : يالله يحلوه ادخلي
بشرى همست بأذنه : وزواجنا
رعد ابتسم : م بيصير الا اللي يطيب خاطرتس
بشرى باسته في خده وراحت
رعد كان غرقان فيها وصحى على منظر هيام اللي كان يذبح صدق
رعد تكلم بصوت زعول : خير تروحين وانا اكلمتس
هيام : وش بغيت طيب ؟
رعد : تعالي عندي
هيام كانت تحترق : شكل م عندك سالفة وانا وراي معازيم وبساعد خالتي ناديه وامي
رعد : تعااللي عندي طيب
هيام تأفتت وقربت منه : هلا
رعد حضنها : وش النظرات اللي قبل شوي غرتي ؟
هيام ضحكت : ايشش اغار ومن ميين يحظي ؟
رعد ضحك : اعترفي اصلاً خدتس صار حااار
هيام : لا يعيوني خدي عشانك حاضني واستحيت وبس والله
رعد : خلاص ابشري وبعدين م ابيتس تغارين من بشرى انتي الاوله بقلبي والاوله بكل شيء
هيام : اه يحسرتي بس
ضحك رعد وباس راسها بقوة : الله لايخليني منتس
هيام ضاقت : خلاص اتركني انكتمت
رعد : افا تبيني ابعد عنتس
هيام : ايه
تركها واول م تركه صدت ودخلت عصب رعد من اسلوبها بس نسى اول م تذكر بوسة بشرى
رعد : اف ي بشرى
:::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( اف شوي وانهار من بشرى بس عاجبتني شخصيتها وبخليها تقهرنا كلنا عشان يصير اكشن فالرواية 😭)