يهزمني الحُب وانا جاهل بدرب المُحبين

البارت الثاني عشر

وانتهت اخر ليلة فالمخيم بسلام واقل المتاعب
دخلوا كلهم ونام الكل بدون استثناء
فالصباح كانوا العيال طربانين بما انه اخر يوم وجوهم غييير كانوا مشغلين شيلات ويغنون معها رغم النشاز مكملين وارتفع صوت رعد عند جزء من الشيلة كان يمثل حالته :
عين المها ورمشها كن رميها فيني
ترمي الحنايا ومن نظره تداويها

والخشم سيف الهلالي للمعاديني
لا سل شهرات حدبا من يباريها

والخد بستان جوري مع رياحيني
والشّامة اللي على خدوده تحليها

له بسمتن لبتسمها تضحك سنيني
ياكن ماشفت في سنيني بلاويها
_______••_______
البنات كانوا يراقبونهم من بعيد ويصفقون معهم ويغنون واول م سمعت هيام صوت رعد ابتسمت وهي مستحيه لأنه كان يوصفها حرفيًا بس بطريقة غير مباشرة
دخلت ام محمد وصرخت ع البنات : خخييير انتي ويااهاا
فزوا البنات برعب
ام محمد : قومي قامت قيامتتس انتي وياها روحوا شلوا الاغراض وركبوها فالسيارات
حنين بضيق : والله ودي نجلس بعد كم يوم مرره م ابي ارجع للرياض
ام محمد : ماشاءالله ورعد ودوامه وفارس ودوامه ومحمد ودوامه والباقيين ودوامهم ؟
حنين : ادري يجده بس م ابي ارجع
هيام قامت : ماش حنين م فيه امل
وقرب هيام من حنين وقالت : يغبية قومي خلصي خلي فارس يشوفتس وانتي سنعه يمكن يجي يخطبتس اول م نرجع
فزت حنين وركضت تشل الاغراض
انفجرت هيام ضحك عليها وسلمى جات عند هيام بعد م حلفت عليها حنين م تشيل شيء
سلمى : يويلي ويلاه البنت انهبلت وبعدين لعنه وراتس تضحكين
هيام كانت تمسح دموعها : حنيني يخخيي
وقالت لسلمى اللي صار وضحكت سلمى بهدوء وقامت
طلعوا البنات وركبوا السيارات ورجع فارس يشيك ع المخيم ولقى سلسال عند المغاسل اخذه وكان عليه اسم قرب وقرأه وكان اسم "حنين"
ابتسم بقوة ورضى واخذه في جيبه وهو يشوف انها فرصة يكلم حنين فيها
طلع بعد م خلص وتأكد وراح لسيارة رعد كانت حنين فيها
فارس : رعد نزل الدريشة اللي ورا
رعد استغرب : ليه ؟
فارس ابتسم : بسرعة
رعد نزلها وقال : هاه وش عندك
كانت حنين تطالعه بقوة وهي تقول في نفسها ( يارب م يجيني يارب )
فارس قرب من شباك حنين ومد يده وقال : حنين هاتس نسيتي سلسالتس
حنين فزت واخذته وقالت : مشكور
فارس لف لشباك رعد وقال : م سوينا شيء
رعد ضرب راسه وهمس : خير مو يعني اني عطيتك حنين تأخذ راحتك باقي بدري مستعجل انت
فارس همس له : مقدر اتحمل مشكلتي اني رهيف
رعد ابتسم وقال : والله ماني اقل منك المهم رح عند محمد واضربه تكفى
فارس ضحك : ابشر بس ليه وش مسوي لك
رعد : خذا هيام معه عشان م معي مكان لها م يدري انه اذا م اوسع المكان توسعها العيون
فارس رفع كتفه بمعنى " مالي دخل اجل "
رعد توسعت عيونه : والله انك م تأخذ حنين اذا م ضربته تكفى يالفارس
فارس عض ع طرف ثوبه وراح يركض وضرب راس محمد بقوة
محمد صرخ بألم : ولعنه انت وياه
رعد كان ميت ضحك وفارس مثله
محمد : شوي شوي ع نفسك لا تموت خذ علاجك
فارس في نص ضحكه خذا علاجه وسكت
محمد : ايوا وش السالفة ؟
فارس ابتسم : ابد رعد يتحلف فيك عشانك خذيت مرته معك
هيام ابتسمت وقالت : شفت ي محمد قلت لك خلني اروح
محمد : اسكتي خليتس ثقيلة
هيام : ماله دخل يغبي
محمد : ايه ايه خلاص
فارس : يولد خلها تروح مع رجّلها وش عندك انت
محمد ابتسم : يحمار رعد لو يبيها معه كان جلس للحين م راح
وقف فارس وشاف رعد مو موجود وقال : اجل الله يهنيكم بمشي انا
محمد : يالله نتقابل فالرياض
فارس اشر له بيده بدون م يلتفت
هيام زعلت مرره بعد كلمة محمد ودخلت الواتس وارسلت لرعد
هيام : مالك داعي تروح وانت مرسل فارس يناديني لو شفت فزتي وكيف نزلت واتجهت لسيارتك بس شفتك بعيد وقد مشيت !
رعد وصلته الرسالة بس كان مشغول مع السواقة وفتحها بالغلط وبدون م يشوف ورجع يسكر جواله
هيام عصبت ( لااا وبعد يقرأ وم يشوف !! ) حذفت الرسالة وهي تتحلف م تروح له وقالت لأمها : يمه يحبيبتي
ام هيام : يروح امتس يهيام
هيام : بسمر عندكم الليلة م ابي ارجع مع رعد علطول
ام هيام شكت : لييييه ؟
هيام : لا يمه م فيه شيء بس خليني اعاقبه
محمد : عششننا والله
هيام ضحكت : الا صدق محمد ليه م خذيت سلمى بدال بشرى ؟
محمد ابتسم بعد م سمع اسم بشرى : م ابي الا بشرى من قبل رعد يخطبها وانا ودي بها
هيام : اممااانننه !
محمد ابتسم : اي والله
( وفعلاً كان محمد يكُن مشاعر خفيفة لبشرى بس نسى بعد خطبتها برعد )
هيام : بس بينك وبينها ٨ سنوات مدري ٩
محمد : الله واكبر ورعد ؟ كان اكبر منها بثمان سنين
هيام : عمومًا الله يوفقك يخوي ويسهل دربك
محمد : وياتس ياهيام الرعد
ام هيام ضحكت : والله عاجبني الاسم احسهم مرتبطين لبعض صدق
هيام اشتاقت له علطول وقالت : اعنبو غيره ذا الرعد مدري وش سووا فيني !
ام هيام : الله يخليه لتس ذخر وسند ويطول بعمره والله م كنت ناوية اوافق عليه بس حمدلله
محمد : الله يسمع منتس يمه انشهد انه رجال
هيام ابتسمت وانسدحت بحكم انها لحالها ورا ونامت
______••______
اما عند رعد ناموا الكل فالسيارة وباقي ع الرياض ١٤٠ كيلو
اخذ جواله وفتحه وكان ع محادثة مع هيام وهي حاذفة رسالة رعد في نفسه ( اوله متى ارسلت ذي وحذفت ! )
سجل لها فويس يقول فيه : هيامي ترا كنت اسوق وش كتبتي ؟
ورجع يسكر جواله
شوي ووصله صوت جواله يعلن مكالمة وصلته
رفع الجوال وشاف محمد
رعد : ارحب يبو سيف
محمد : من يرحب يبقى اسمع رعد
رعد : لبيه ؟
محمد : لبيت حاج ترا هيام بتسمر عندنا وبجيبها لك فالليل او بكرا الصباح عاد برد لك خبر
رعد ضاق وهو كان يبيها تجي معه عشان يجهزون شناطهم لشهر العسل حقهم بحكم ان لهم اسبوعين متزوجين وقال : ابد اللي ودها
محمد : اجل الله يحفظك
سكر رعد وهو كالعادة معصب وحبه لهيام كان عمييق وكان يشوفها ملكه في كل شيء كان يبيها عنده وحوله وحوالينه دايم
وصلوا الرياض بسلامة
رعد فتح الشنطة وهو معصب واذا عصب معاد يخلي شيء وبيشل الاغراض
رعد شال كل شيء في يدينه وقال لكاسر : شف الدافور نزله لا تنساه
كاسر بأستهزاء : شرايك تشله معاد خليتي لي شيء !
رعد ضحك بعصبية : ها ها ها تنكت انت ووجهك !
كاسر مسك وجهه : وشفيه وجهي والله اني حلو
رعد صرخ : كااااسر !
كاسر فز : سم طال عمرك
دخل رعد وهو يفوورر وقال : يمه انا ماشي لبيتي تحتاجين شيء ؟
ام رعد : لا سلامتك يولدي بس بتأخذ هيام ؟
رعد بعصبية واضحة : الله يسلمتس ولا م بأخذها
ام رعد : يويلي لييه ؟
رعد طلع وم رد ع امه وشاف سيارة محمد تعلن وصول هيام للرياض
محمد بصوت مرتفع عشان يسمعه رعد : حمدلله ع سلامة الاسفار
رعد اشر له بيده : الله يسلمك
هيام لفت علطول لصوته اللي يشّدها
اما رعد علطول ركب السيارة ومشى رايح لبيته
هيام استغربت : هذا شفيه مستعجل
محمد تكتف : لا والله وشدخلتس مو قبل شوي تقولين بتعاقبينه ؟
هيام : يمه شوفي محمد !
ام هيام : ادخلوا بس فضحتونا
محمد دخل وهو يشيل الاغراض معه وقال : هيام ترا اكذب م برجعتس لبيتتس اذا تبين ترجعين دقي ع الاستاذ رعد يجي ياخذتس
هيام كانت مو حاسه الا متاكدة ان رعد معصب وخافت وقالت : لا محمد م تنكبني يخي !!
محمد طنش ودخل غرفته ينام بحكم انهم فالليل بيروحون يخطبون له بشرى
هيام ضربت راسها : اف وانا غبية كان ناديته قبل شوي ورحت معه
فتحت جوالها وشافته مرسل فويس فزت وارتعبت وقالت : يمه وش يبي ذا
سمعت الفويس وارسلت
هيام : لا سلامتك م يحتاج تعرف لو يهمك كان قريتها اول م فتحتها
وقفلت جوالها وهي تقول : يويلي والله ماني بصاحية بيجي الحين ويدعسني صدق
اما عند رعد دخل يأخذ دش وكان يفورر صدق وقال : هذي شرهت اللي يبي يسفرها معه !
طلع وجفف شعره ولبس بدلته بحكم انه يداوم فالليل يعني م بيحضر عقد قران بشرى ومحمد
فتح جواله يبي يرسل لمحمد اعتذاره وتمنياته له بالتوفيق وشاف رسالة هيام احترق من جديد وكتب لها
رعد بعصبية : هيام انطقي وش كنتي تبين قبل اجيتس واعلمتس ان شغل التغّلي ذا مو عندي !
وطلع وارسل لمحمد : اعتذر يعريس م بقدر احضر خطوبتك والله يتمم ويوفقكم يارب
اخذ حزامه وسلاحه وطلع من البيت
عند هيام اللي كانت منسدحه وتنتظر رد رعد فزت اول م سمعت صوت الرسايل فتحت جوالها وقرأت الرسالة بتمعن وارسلت له
هيام : حبيبي ماله دخل تغّلي كثر م انه اهتمام ولو انها بشرى كان فزيت ورحت لها ركض
طبعًا ارتكبت غلط كبييير هيام بأنها قالت بشرى وعلطول رجعت فتحت الجوال تبي تحذفها بس فات الاوان وشافها رعد بس م اهتمت حذفتها علططول ورجعت قفلت جوالها وهي ترجف وقالت : يويلي ويلاه شفييننيي انا احد يجيب طاري طليقة زوجها عند زوجها اف اف يمه قلبي يدقق يارب م يرد يارب
كان رعد عند باب مكتبة وفتحه ووصلته الرسالة وعلطول انفتح الجوال عالواتس وقرأها وشافها اول م حذفتها بعد كان يرجف من العصبية وهو كل يوم يذكرون بشرى فيه يتذكر خيانتها له وهو فعلاً كان يحبها سكر باب المكتب وطلع ماشي لبيت ابو هيام
وقفه رجال م يعرفه ودق له التحية وقال : العقيد رعد
رعد كان ناوي يقتلها خلاص وقال بصوت قوي : استررح
طارق : عندي موضوع ابي اكلمك فيه وربي ناوي اني اقابلك قبل تطلع
رعد ابتسم وقال : والله اني مستعجل لكن حط ملفك وبجيك بعد ساعة ونتفاهم
طارق ابتسم وقال : لا لا مو موضوع ملف وشغل
رعد قطب : وش طيب ؟
طارق : ان شاءالله انك توافق ولكن انا طامع في نسبك وابي ازوجك اختي
رعد تكهرب من اللي سمعه وقال : والله يشرفني واكيد انك رجال وتستاهل كل علمنٍ طيب ولكن يحبيبي
قاطعه طارق : شرواك الطيب ي رعد بس م ابي اسمع لكن والله اني متعني لك من القصيم عشان اشوفك واكلمك
رعد : يحبيبي متزوج انا
طارق انصدم : ايش ؟؟ متى !
رعد ابتسم : قبل اسبوعين
طارق ضاق : الله يوفقكم يارب والله اني اسف يعلم الله اني م كنت ادري ولكن الشرع حللك اربع ي رعد
رعد خبط كتفه : الله يسمع منك وادري والله لكن مرره مالي نية اتزوج الثانية ولكن ان كان نويت فأبشر برد لك خبر
طلع رعد وطارق يضحك وهو مخطط مع ذياب يخربون زواجه بهيام
______••______
عند فارس جمع شتات نفسه وتكلم : يأبو محمد
ابو محمد : هلا
فارس : اسمع انتوا قاطعتوني يوم قمت اخطب
ابو محمد : هاه ؟
فارس : اسمعني يجد انا م ابي عهود
ابو محمد فز : معصيي الا بتأخذ عهود ولا لك غيرها
فارس ضاق : يجد الله يجزاك خير اسمعني انا ابي حنين
ابو محمد عصب : نععممم !! حنين بنت محمد !
فارس : ايه
ابو محمد : معصي حنين باقي صغيرة !
ابو محمد كان م يفرق بين لين وحنين عشان كذا يحسبها لين
فارس فز : نعمم ! وش صغيرة اصغر مني بسنتين !
ابو محمد : معصي واذا بتكسر كلمتي والله ان اغضب عليك ولعاد اكلمك اخذ عهود احسن لك
فارس ضاق : يجد تكفى والله ابي حنين وحنين عمرها ٢٦ ماهي صغيرة ! اما عهود اصغر منها
ابو محمد قام وقال : كلامي وقلته !
فارس ابتسم بضيق وقال : اللي تبيه يأبو محمد اللي تبيه
ابو محمد ابتسم وطلع
فارس دخل بضييق لأمه وقال : يمه يلا جهزي عمرتس نروح نخطب عهود
ام فارس بعصبية : ننععمم ؟ تستهبل صح !
فارس استغرب : لا ليه ؟
ام فارس انفجرت : وعساك ناوي تأخذها اللي م تستحي
فارس : اف م تستحي ليه وش مسوية ؟
ام فارس : وقحة معي وتعاملها وسخ وانت تبي تجيبها زوجة لك بعد ذي السنين تكفى يفارس لاتخرب فرحتي فيك وتأخذها
فارس : من تبين طيب ؟
ام فارس : حنين من يعني
فارس ابتسم : تم بس كلمي جدي
ام فارس : معليك بكلمه
فارس تطمن شوي ان امه واقفه في صفة
اما عند هيام كنت في بيت ابو رعد تسولف مع حنين
دخل ابو محمد : يبنات تجهزوا
حنين وهيام استغربوا : ليه ؟
ابو محمد : بنروح نخطب لفارس
حنين : عند مين ؟؟؟
ابو محمد : ابو شوق بنأخذ عهود
حنين ضاقت وهمست : لا يجد تكفى الا انت لاتوقف ضدنا
ابو محمد : ايشش؟
هيام ابتسمت : لا لا ولاشيء
ابو رعد نزل : يبه شسالفة
ابو محمد : جهز نفسك بنروح نخطب لفارس
ابو رعد : ماشاءالله يالله
ابو محمد طلع وطلع وراه ابو رعد
اما حنين فما كان عندها الا انها تبكي بحرقة
هيام ضاقت : خلاص يحنيني خلاص خييرة لو كان خير لبقى
حنين وسط انهيارها : فارس ومابي غيير فارس لو اكون الثانية !
هيام عصبت : نعمم يحبيبتي !! لا ولا والف لا !
حنين : اسكتي يهيام اسكتتي
دخل رعد بيتهم بقوة وهو عارف ان هيام فيه
هيام : يمه ذا صوت رعد صح ؟
حنين فزت م تبيه يشوفها وهي تبكي ودخلت غرفتها وهيام معها
رعد بعصبية : ياهييااام
هيام تذكرت رسالتها : يويلي ويلاه تكفييين يحنين لا يجي غرفتتس
حنين مسحت دموعها وقالت : ليه وش مسوية انتي ؟
هيام : سالفة طويلة
قطعهم دخول رعد غرفة حنين هيام وحنين فزوا برعب كان شكله مرعب بالبدلة ويجذب فالوقت نفسه
حنين : خيير رعد دق الباب
رعد بعصبية : اص بس علمي نفستس ولا نسيتي !
حنين بعصبية : خخييير تصارخ اطللع براا !
رعد انفجر عليها : ابعديي من وجهي هيااام تعالي !
حنين كانت تدري انه معصب من سبب بس تدري بعد انه بيضرب هيام وقفت في وجهه وخلت هيام وراها وصرخت في وجهه : نععمم انت نعمم مرريضض ؟ اطللع لا ادعي ابويي علييك
رعد ابتسم وقرب منها وصرخ في وجهها : حنننييين ابععدي !
حنين مسكت هيام وقالت : والله م تأخذها اططلعع حسبي الله علييك خوفت البنتت ! زوجتك ترا زوججتك
رعد مسك حنين بقوة ورماها ع السرير وسحب هيام من فكها وقربها منه وقال بصوت عالي : وانتيي ؟ مستانسه ان اصواتنا ارتفعت
هيام كانت ترجف اول مره تشوفه بذي العصبية وقالت : رعد ابعد مني اوجعتني ي رعد
رعد : جععلله وجع ورا وجعع !
هيام بكت : رععدد ابععدد
فزت حنين ودفته بكل قوتها وقالت : يببه يكاااسسرر تعالووااا
رعد طاح وطاحت حنين فوقه وشلها وثبتها ع الفراش وهو كاتمها بيده وقال : انتتيي انهبللتتيي ! وشفييتس هااه
ماهي ثواني الا وكاسر داخل بحكم ان ابو رعد مو موجود وصرخ ع رعد : رععدد وش تسوويي اترك حنين !!
رعد قام وقال وهو يفوور : صد بنظظرك زوجتي هنااا
كاسر صد علطول وهو م شافها: اطلع برا يرعد اطلع
رعد ابتسم وقال : ماشاءالله وانت تطردني ؟ من متى
كاسر مد يده من ورا الباب ومسكه من كتفه وطلعه من الغرفة وسكر الباب وراه
رعد بعصبية : شفتها ؟
كاسر عصب : لا يخي لاا م درييت حتى انها داخل
رعد : وش تبي طيب ؟
كاسر : انزل نبي نلحق ع خطوبة فارس
رعد ارتعد : اايششش ؟؟؟
كاسر انصدم : شفيييك
رعد طلع يركض وهو يحلف م يأخذ فارس عهود
كاسر كان منلخم من ردة فعله بس ركض وراه وركبوا السيارة وطلعوا للبيت ابو شوق
حنين كانت تناظر من الشباك وقالت : يارب شكل رعد في صفي ولا ليه انفعل
هيام كانت تسوي مساج لفكها وقالت : حمدلله انه راح
حنين جلست : ايه وش سويتي عشان تعصبين بأخوي ؟
هيام قالت لها السالفة وقامت حنين تشد شعر هيام بخفه : مررييضة انتتيي ؟
هيام ضحكت : وش اسوي
حنين : بععدد ؟ طيب خليني اشرح لتس اخوي صار مجنون فيتس وصار يشوفتس كل شيء حرفيًا كل شيء حتى م يبيتس تبعدين عنه ثواني وانتي تذكرينه ببشرى !
هيام : يخي والله يخوتس ذا محد يفهم له مره معصب ومره يمووتتس فيه وتتأملينه بحب ومره زعلان ومره ثقييل يخي عجززتت افهمه
حنين : اسمعي انا عندي الحل نروح لبيتكم وتتكشخين وترتبين البيت وتبخرينه وبساعدتس انا واروح واذا جاء يشوفتس كذا والله ان يضيع
هيام بخجل : طيب يالله امشي
طلعوا متجهين لبيت هيام ورعد مع محمد اللي كان موجود في بيتهم وصلهم ورجع يتجهز مع ابوه
هيام دخلت البيت ونظفته وخلصت بمساعدة حنين وبخرته ودخلت اخذت شور سريع وطلعت وجهزت لها حنين بجامة حرير لونها بنفسجي فاتح وبدت تجفف شعرها وتستشوره لها واخر شيء عطرته وعطرتها ولبستها اكسسوارات ناعمة مع خاتم زواجها اللي يحلي يدها
حنين صفقت : واوو يهيام الله يعين اخوي صدق والله يقوي قليبه الرهيف
هيام بصدمة : يويلي حنين كيف بترجعين البييت !!
حنين انفجرت ضحك من غبائهم : يويلي والله اننا تيوس
هيام ضحكت : اصبري عندي حل بدق ع فارس واذا كان يحبتس بيجي وبيخلي الخطوبة
( طبعًا فارس ولد خالة هيام وولد عمها يعني قريب منها ويمونون ع بعض )
حنين ضاقت وقالت : اللي ودتس مع اني م اظن
هيام ابتسمت ودقت عليه
فارس فتح السبيكر وكان يشخص شماغه : هلا هيام
هيام بصوتها العذب : فارس فاضي ؟
فارس بضيق : لا والله بدخل اخطب وحدة م ابيها
هيام شهقت : يويلي حتى انت م تبييهاا !
فارس ابتسم : اي والله م ابيها ودي بحنيني بس وين حنين وانا ويني
حنين كانت تسمعه بحكم ان هيام فاتحه السبيكر بعد
حنين قالت : هيام من تكلمين ؟
فارس ابتسم : يالبيه يالصوت ويالبى راعييه
هيام ابتسمت وقالت : اسمع حنين عندي وم عندها احد يوديها تجي تأخذها
فارس تلطم وقال : اعتبري اني تحت عند بابتس
هيام وحنين ضحكوا بحب وهم يشوفونه لطيييف وتعامله يجنن كان عكس رعد اللي يرعد فالمكان صدق
رعد كان واقف عن باب المجلس ويحلف ع جده
ابو محمد بعصبية : رععد وخر لاتفضحنا
رعد ارتفع صوته وقال بجدية : علي الطلاق بالثلاث انه م ياخذ الا حننييين
فزوا الرجال كلهم وقالوا : جااته حنين
ابو محمد ناظرهم وهم خلاص كنسلوا كل شيء عشان خاطر طلاق رعد
ابو محمد : العذر والسموحة ياسعد * ابو شوق *
ابو شوق قام وباس راسه : لا والله معذور وبنت عمه اقرب له
ابو محمد طلع وهو يجلد رعد بعقاله
رعد : اف اشوا خفت اطلق هيام عشان سواد عيون فارس
ابو رعد وابو هيام انفجروا ضحك
ابو رعد : والله محد قالك !
رعد ابتسم : يالله انا استأذن بروح بيتي كاسر رح مع ابوي
كاسر وافق وطلع مع عمانه وجده
فارس وصل لبيت هيام ورعد وطرق بوري عشان تطلع حنين
حنين حلفت ع هيام تجي معها وترجع علطول
ركبوا الثنتين وسلموا
فارس : عليكم السلام يهلا والله
هيام ضحكت : فارس م دريت
فارس حرك من عند البيت وقال : لا والله وش
هيام : امي كلمتني رعد فركش الخطوبة وطارت عهود
فارس لف لها بقوة : اسألتس بالله !!!
هيام : والله العظيم عشان كذا خلص امورك وتععال بكرا واخطب حنين
حنين ضربتها بخفه وقالت : بنت استحي ع وجهتس
فارس اشر بأصبعه ع خشمه : تبشر والله بكل علمٍ طيب حنين
حنين فزت وقالت : شرواك الطييب
ضحك فارس وذاب في صوتها نزلوها ورجعوا
فارس شهق : يويلي سيارة رعد !
شهقت هيام : كذذاااابب
فارس ضحك : اي والله شوفيه فيها بعد
هيام : لا لا رح لا توقف
فارس مات ضحك : وشفيتس انتيي مهددتس !
هيام هزت راسها بنفي
فارس وقف وقال : ارحب والله يالرعد الله يبيض وجهك يولد العم جمايلك واجد والله العظيم
رعد سمعه بحكم انه فاتح شباك سيارته وفز ونزل : البقى والله يالفارس وم بيننا جمايل بس انا عطيتك كلمة وعطيتك حنين وماهو انا اللي تنكسر كلمتي
حضنه فارس وقال : يولد كيف اقنعت جدي !
رعد ضحك وقال : طلقت هيام
فارس فهمه وضحك
فزت هيام ونزلت من السيارة وقالت : نعممم !
لف رعد بسرعة وقال : اقصصرري صوتتس وبعدين من وين جايهه !
فارس : معي معي وصلتها من بيت اهلنا
رعد تكتف : ماشاءالله ورا م دقيتي علي
هيام : خير تكلمني وكأنك م سويت شيء !
رعد قرب منها وبعدت منه وقالت : هيه ماني احل لك !
رعد ارتعب وقال : هااه وش تقولين انتي ؟؟
هيام صدت وقالت وعيونها مليانه دموع : قبل شوي تقول طلقت هيام !
ضحك رعد وقرب منها ودخلها داخل البيت تحت مقاومتها وسكر الباب وطلع يودع فارس
فارس ضحك : لايكون الدبشة ذي فهمت انه طلاق ؟
رعد انفجر ضحك وقعد ع الدرج : ايييه
فارس ابتسم : الله يجعله دوم ضحكتك والله يبيض وجهك ويجعلني عند حسن ظنك يخوي
رعد سكت ومسح وجهه : عند حسن ظني وزيادة يولد العم
راح فارس ورجع رعد وهو يضحك داخل
كانت هيام منهارة تبكي بحرقة
دخل رعد يركض اول م سمع صوتها الباكي وحضنها
رعد : ليييه ي هيامي لييه تبكييين
هيام كانت خايفة منه وهي تحسب انه مو حلالها وتحاول تبعده وتقول : م تخاف ربك ابععدد مني م احلل لك !!
رعد ضحك : يغبية يعني قلت علي الطلاق انه م ياخذ الا حنين مو يعني اني طلقتتس فهمتي !
هيام علطول حاوطته من رقبته وهي تبكي وتضحك وقالت : يحمار خفت اني خسرتك عشان فارس
رعد شد عليها : الله ياخذ اللي يتركتس عشان فارس ولا غيره
هيام وقفت وقالت : وخر بنزل عبايتي
رعد بعد وضحك : للحين تحسب انها م تحل لي ولابسه العباية عاد تصدقين لو اني طلقتتس وشفتتس بالعباية بنزلها منتس
هيام كانت تقلده وهي داخله الغرفة وقالت : والله ان تبطي عظم
رعد ارتخى ع الكنب وهو يحس بالحياة في كل مره يشوف هيام او يسمع صوتها
ناظرت المراية وضبطت شعرها وتعطرت وطلعت
رعد كان نايم فالصالة وم حس فيها
هيام شهقت : والله م تنام قم قم
رعد فتح نص عينه وشافها جايه تركض وسكر عينه علطول
قربت هيام من وجهه وكانت تتأمله فجأة فتح رعد عيونه بقوة ومسكها خصرها وسحبها له وقال : لا لا وشذا الزيين تبين تذبحيني انتي ؟
اما هيام شهقت وقالت : يمهه خرشتتننيي
ضحك رعد وهو نعسااان وباس راسها وقال : تسمحين لي انام ؟
هيام قالت : ودوامك ؟
رعد فز : ييووه صدق يالله انتبهي ع نفستس ولا تفتحين لحد غيري كلها ٦ ساعات وانا جاي
هيام ميلت فمها بزعل : والله رعد بتروح ؟
رعد كان يحط سلاحه بمكانه وقال : لا يرحم اهلتس لاتخليني احلف م اروح
هيام ركضت له واستقبلها بيدينه وحضنته وقالت : لا رح عادي بس م كنت ابيك تروح والله
رعد ابتسم وقال : معليه اخر دوام اليوم بأخذ اجازة عشان شهر العسل
هيام بعدت وحطت خشمها قريب من خشمه وقالت : اماااانه !
رعد قرب لها وقال : والله جهزي اغراضتس واغراضي
هيام بعدته ونطت ع الكنب بفرحة عظييمة : واااه يكثر الحب يالرعد
رعد لبس القبع حقته ع راسه وابتسم لها ولف بيطلع
هيام : رعععدد
لف لها بقوة : وشفييتس تصارخيين
هيام نزلت من الكنب ودقت له تحية وكانت صغييرة بقربه
رعد ضحك وقالي : استريحيي
هيام ضحكت وقالت : ماش بتضيع ع عمرك كشختي ولعبت بشعرها وراحت
طلع رعد وهو يتذكر كل تفصيل فيها
::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( اتوقع بنزل بارت ثاني وبيكون حماسي وبتبدأ القصة الحقيقة لروايتي من البارت ١٣ وممكن تزعلون واجد علي بس لازم اكشن  احبكم استمتعوا بالبارت 🫶🏻 )