يهزمني الحُب وانا جاهل بدرب المُحبين

البارت الرابع والعشرين

طلعوا من الفندق متجهين لبيت الجد قاضي .
..........
عند ابطالنا فالمالديف
صحى رعد وم شاف هيام موجودة وطلع يمشي بثبات وكان هيييبة ويلعب بشعره وشافها فالشرفة وكانت بالروب وقال بثّقل بحكم انه توه صاحي : صباح الخير وينتس ومن متى طلعتي ؟
هيام لفت له وقالت : هلا رعّودي صحت دنيااي والله صار لي ساعتين صاحية
رعد : ليه م صحيتيني اصلي ؟
هيام شهقت : يويلي صحيت وصليت وشفيك ؟
رعد ابتسم وهو للحين مسكر عين وفاتح عين وقال : ايش ايش صحت دنياتس ؟
هيام ضحكت : توك تستوعب ؟
رعد بتعب : لا بس فيني نوم
هيام بزعل واضح : رعد خلاص انسى اللي صار امس تكفى والله اسفه بس م كنت اعرف كيف اتصرف من الحمل وكنت خايفة وقريت قصص لحريم ماتوا وقت الولادة اسفه يالرعد
رعد ضحك وكان صوته ضخم ويخوف وقرب وباس خدها وقال : عوافي يعيون رعد ولعاد تشوفين ذي الاشياء مفروض تؤمنين بربتس انه بيرزقتس ويخفف عليتس
هيام : طيب ابشر والله خلاص بحمل ونبعد عن كلام الناس ونفرح ابوك وامك بأول حفيد لهم
رعد ابتسم : الله يستر لا تسبقتس حنين
هيام شهقت : تتوقع !!!
رعد جلس وقال : حنين تحب فارس وفارس يحبها وتزوجوا عن حب انا خذيتتس حب من طرف واحد
هيام صرخت : لا حرام بالله اني كنت احبك !! ولا شلون غيرت رأيي فالخطوبة !!
رعد ضحك وقال : ادري ابي ارفع ضغطتس احبتس اذا عصبتي
هيام قالت بحماس : طيب خلنا نسولف عن بدايتنا انت متى دق قلبك لي ؟
رعد سكت يفكر وقال : اول م ركبتي معي
هيام شهقت : امااااانننه
رعد ابتسم : ايه ليه ؟
هيام ضحكت : الله يعني انت حبيتني قبل احبك
رعد : صدق ؟ طيب قلت لتس قبل شوي
هيام : انا حبيتك اول م طلعت ذاك اليوم ببدلتك تسلم ع فارس
رعد م تذكر وكان يحسبها تقصد منزمان لأنه دايم اذا طلع لدوامه يسلم ع فارس وتكلم بصوت عالي : منزماااان ! يعني قبلي !
هيام هزت راسها بنفي : لا لا توو قبل ٧ اشهر يمكن
رعد رفع كتوفه بمعنى مدري وقال : والله مدري يهيام
هيام بزعل : طيب اصبر بذكرك
رعد نزل بلوزته ونزل فالمسبح وقال : تعالي طيب معي
هيام كانت تحاول تشرح له وطاحت تضحك
رعد طلع من الماء ورجع شعره وراء وابتسم بقوة اول م شافها تضحك وقال : جعلها دووم وشفيتس ؟
هيام بضحك : تذكرت اول م حبيتك كنت اراقبك انت وفارس وانت لفيت عليه وحسبتك شفتني وركضت وصقع راسي ااااه جعله يسقى يالرعد ايام بدايتنا تجنن وشوفني بعدها بشهر انخطبت فيك يالله صدق وش كثر الحب
رعد شهق وقال : تتذذذكككرررتتت !!!
هيام : والله ؟
رعد : ايه وقلت وشفيك يرعد الحين شغالتهم وانتوا م عندكم شغالة
انفجرت هيام ضحك ورعد معها وقال : تعالي طيب
هيام كانت تمسح دموعها وقالت : مابي والله
رعد احتدت نظرته : تعالي قلت
هيام كانت لابسه فستان قصيير للفخذ تحت الروب وكانت تعاند رعد لأنها مستحية تنزل الروب وقالت : رعد بعدين تكفى مالي خلق انت اسبح وخلني اسولف عليك
رعد طلع من الماء وقال : م بتجين يعني لازم اجيتس ؟
هيام ركضت داخل وقالت : رععدد لاااا وخرر
رعد ضحك : وشفييتس !
هيام بمزح عشان يروح قالت : ماني لابسه تحت الروب شيء
رعد قرب وسحبه من كتفها وشاف الفستان الأحمر ونزل الروب كامل وكان يطالع فيها بصدمه وهو يحلف ان معاد معه عقل بعد منظرها
هيام خافت انه يعصب وقالت : رعد شفيك ؟
رعد كان يناظر رجولها وساكت وهذا الشيء اقلق هيام اللي قالت : رععدد تكلمم !
رعد رفع عينه لعينها وقال : لبيه يعيون الرعد
هيام : شفييك تنااظرني كذا انا قلت لك لاتسحبه بس انت تعاند
رعد ابتسم : حمدلله اني عاندتتس
وقرب وحضنها وقال : هيامي وقسم بالله كذا كثيييير على قلبي
هيام بخجل : يروح هيامك
رعد بعد وهو يضحك وقال : جاهزة ارميتس فالمسبح ؟
هيام كانت بتركض بس شلها رعد وركض للمويه ورمى هيام فيها وكان المسبح اعمق منها بكثيييير وهو رماها فالعميق
هيام صرخت اول م رفعها من الارض : رعععدد ارمني فالصغييير يالرعد معررفف اسببحح
هيام م حست بنفسها الا وهي وسط المويه وتصارخ تبي تطلع وكان رعد يراقبها بحذر بس برضو يبيها تتعلم كيف تسبح
هيام بصوت مبحوح : ررعععدد...مقد..مقدددر..اسبحح
رعد نزل بهدوء للماء وشافته هيام وفزت عليه ومسكها بقوة وقال : معي معي خلاص تنفسي
هيام م ركزت انها قطعت صدر رعد بأظافيرها وكان ينزف وقالت بصراخ : اااااه صددرري يرععدد مقددرر اتنففسس
وكانت تكح ويطلع منها مويه طلعها رعد وكان هادي وم انفعل عشان م تخاف وسدحها وضغط ع صدرها وكحت وصارت تتنفس احسن وقال بخبث : تبين تنفس اصطناعي
ضربته هيام بقوة ع صدره وطاح فالمسبح وقالت بصوت عالي : يححييووااان كنتت بتموتتننيي
رعد انفجر ضحك وسحبها وصرخت وشدّ عليها وقال : خيير يماما عاجبتس صراختس !
هيام برعب : م فييه احد هد ع نفسك شوي وتموت من الغييرة
رعد ابتسم وقرب من وجهها وقال وهو حالف يحرجها في كل مره تعانده : حلو الفستان اذا صار مليان مويه اشوف كل شيء بوضوح !
شهقت هيام وحطت يدينها ع صدرها وقالت : صدد يوسسخ
رعد لف يده وراه خصرها وشّدها عليه وقال : نسيتي اني زوجتس للمره المليون ؟
هيام شدّت شعرها ورجعته ورا وكانت تفتن وقالت بأبتسامه ساحرة : لاتخليني اصير اجرئ منك وربي مو من صالحك !
رعد ابتسم ع جنب : صيري محد منعتس يالله وريني جرائتتس ولا بس كلام ؟
هيام حاوطت رقبته وقالت : لا يعيوني انا انفذ
رعد كان مستسلم لها وقال : بس ؟
هيام قربت من اذنه وهمست بصوتها اللي يعذب سامعه وقالت : ترا احس برجفتك
رعد فعلاً كان يرجف من شكلها كانت تعوور العيين وتتعب القلب وتجنن بالعقل وقال : تلوميني ؟
هيام ضحكت وقالت : عشان كذا م انصحك ابدًا
رعد رفع هيام من رقبتها وطلعها من المسبح وطلع واعتلاها وقال بصوت هز روحها : طبيعي م بتقدرين تتجرأين علي ولا نسيتي اني رعد ؟
هيام كانت تتنفس بصعوبة وقالت : اعنبوك تراك تفتن م تخوف
رعد ضحك وقام منها ودخل الحمام يتروش اما هيام كانت ترجف رعب بس كانت تبي توضح له انها م تخاف منه
__________
فالعاصمة
ابو محمد ارتفع صوته : اررححببووواا
الكل فز لفارس اللي دخل وهو يقول : الله يبقييييكم
سلم فارس ع الكل ويرد عليهم وجلس جنب محمد وقال : وشفيك مالك حس
محمد ابتسم : ابد والله وش ودك نقول
قاطعهم سعيد : فارس وشحالك ؟
فارس لف له : الله يجمل حالك ي سعيد
سعيد ابتسم ومر من قدامه وهمس : هاجد عشان رعد ماهو موجود
فارس ابتسم وهمس له بقوة وبحدة : انا رعد ورعد انا
سعيد يحلف انه انفجع من الكلمة اللي كانت قوييية وكافية انها تسكته وراح وجلس جنب بدر اللي قام وقال : ياجد قاضي
ابو محمد : نعم ي بدر
بدر : تعرف ابو شوق ماهو موجود ودي نخطب وعد بنته لي
فز كاسر وهو كان مشغول بجواله وثّقل صوته وشابه رعد فيه وقال : قهوة يرجال !
الكل لف عليه وقال محمد : الله يخررششك احسبك رعد !
فارس شهق : ورب الكعبة !!
كاسر ابتسم انه اخذ الانظار وصب قهوة لجدانه وابوه وعمانه وجلس وقال : انا اخوه متوقع م اشبه ؟
ابو ضاري : بسم الله عليكم والله انكم نسخة من بعض
كاسر : مالك لواء ياعم انا اشبه رعد ولا رعد ماله شبيه
الكل فز من طاري رعد اللي كان كأنه موجود بينهم وقالوا مع بعض : عزززز والله
كاسر ابتسم وسكت ورجع ع جواله
ابو محمد : كمل ي بدر
بدر ابتسم : زي م قلت لكم ابي وعد
كاسر احتدت نظرته في بدر وكأنه يناظر في روحه وقال بصوت شبه مسموع : حرام حرم الدم م تأخذها
ذيب كح بقوة عشان يغطي صوت كاسر
ابو رعد لف بقوة : صحة يالذيب وشفيك ؟
ذيب بربكة : ههههههه لا ولا شيء بس شرقت
كاسر ضحك بخفه وقال : يحبني لك
ذيب ضربه وقال : اصه بغيت تفضح نفسك
ابو محمد : والله انها الساعة المباركة ابد بنكلم بنتنا عبير وبنشوف
بدر : الله يتمم
الكل : اميين
ذيب : اعنبوه صامل ! مره سعيد نشب لرعد والحين اخوه !
كاسر كان يفور وقام بحدة وقال : انا استأذن
طلع ومحد سأله لأنهم يعرفون حالات عيال محمد اذا عصبوا وتلطموا
.......
عند حنين دخلت والكل يزغرط وركضت لين لها وحضنتها حنين بحب وقالت : وحشتتس صح ؟
لين بدموع : ولتس وجه تسألييين اييههه 
حنين باست خذها وقالت : الله لايحرمني يعرب
سلمى جات : هلا هلا بحنيني
حنين صرخت : سلوومتتتيي
سلمى ضحكت وحضنتها وقالت : يعيوونها
حنين ابتسمت : جعلها تسلم يارب الحين انا وانتي هيام سحبت علينا
سلمى بعصبية : الصراحه كلكم سحبتوا علي يوسخات !
حنين ضحكت وسلمت ع ام فارس اللي تزغرط بفرح هي وام رعد وباست راس جدتها وجلست تسولف مع البنات
وعد بحماس : كيييفف !
حنين بخجل : يجنن يبنات
الكل بحماس صرخوا : اووووههه
حنين ضحكت بقوة وقالت : خييير اص اصص
سلمى بضحك : وش صار بينكم ؟
حنين : ولا شيء والله بس نمنا مع بعض وصحيت وشفته بمنشفته ويوييلليي يبنااات
لين شهقت : عيب عيب م تغارين ع رجلتس انتي !
حنين سكرت فمها بيدها وقالت : اوه صح
الكل انفجر يضحك بعد ردة فعلها
وقطع ضحكهم دخول كاسر اللي كان يفوور وضرب الباب بيده بقوة وقال : ياااا ام رععد
ام رعد فزت : لبيه ي رعد...كاااسر ؟؟
كاسر كانت عيونه تحترق وقال : طرييق بدخل
ام رعد : اصبر يولدي لين سكري الباب
لين بخوف : وربي حسبته رعد !!!
الكل : اييييه
قامت لين وطلعت وقالت : كاسر شفييك ؟
كاسر دخل وانصدموا البنات بس م كان يناظر وطلع لغرفته وسكر الباب بقوة
قامت حنين وقالت : انا بروح له
طلعت حنين ودقت الباب ودخلت وكان كاسر يناظر فالباب بحدة وعلطول ارتخى وقال : ارحبيي يالحنين
حنين ابتسمت وحضنته وقالت : الله يبقيك يخوي وبعدين من مزعل الشيخ !
كاسر ابتسم : لا والله ماني زعلان
حنين صغرت عيونها وقالت : انطق !
كاسر ضحك : لا يشيخة !
دخلت لين وقالت : كااسسر بدر تقدم...
حنين لفت لها : شفيتس سكتي ؟
كاسر بعصبية : ادري يالين ادري الله ينتق عمره
حنين تنرفزت : يهوووه وش السالفة !!
كاسر : اجلسي طيب
جلست حنين وقالوا لها السالفة وقالت بحكم انها كبيرة وواعية : حتى لو انت مالك حق تحرمها من نصيبها !
كاسر عصب : اننااا نصيييبهاا !!
حنين احتد صوتها وقالت : كاااسسرر بس اقصر الشر لاتجبر البنت علييك وانا اعرفها وعد م تحبك !
كاسر ضحك بقوة وبشكل مرعب وقال : قلت للين وبقولتس الحين انا م باخذ رايها انا باخذها هي بكبرها !
حنين : لا تحاول واطلع منها قبل تتعب نفسك
كاسر فز : وانا اخو الرعد !
فزوا لين وحنين وقالوا : واللنععمم
كاسر : حلفت وحرمت حرم الدم ان م خذيتها م ياخذها لا بدر ولا مليون كلب مثله !!
وعد كانت تسمع وقالت ( فرصصتتي بوافق ع بدر وافتك من كاسر ) ونزلت ركض وكانت تنتظر امها ع احر من الجمر تفتحها فالموضوع
________••_______
فالمجلس حق الرجال
فارس : يولد كاسر بيسوي
محمد برعب : الله يستر
فارس بحقد : بعدين حنا يالله افتكينا من سعيد طلع لنا بدر !!
محمد بعصبية : تششووففف
فارس استغفر وقال بدق ع رعد قام فارس ودق عليه وطلع برا المجلس وماهي الا ثواني ورد
فارس : ارحب يالرعد
هيام ضخمت صوتها وهي كاتمه الضحكة : البقى يالفارس
فارس : احلفي ؟
انفجرت هيام تضحك وقالت : طيب وانا ليه م ترحب فيني !
فارس ابتسم : ارحبيي يا هياام الرعد
هيام ابتسمت : الله يبقيك يافارس الحنين
فارس : يالبييييه يالاسم
هيام : شخبارك وشخبار حنيني ؟
فارس احتد صوته : معليش حنيني انا انتي شتبين ؟
رعد م كان يدري بالميانه بين فارس وهيام وانهم من وهم صغار كانوا يطلعون ع بعض للمتوسط وبعدها تغطت هيام ودخل وسمع كل شيء وهو حتى لو ان ثقته بفارس كبيرة تبقى غيرته ع هيام اكبر دخل الغرفة وهو يفور وقال : هييياااام خييييرر !!
هيام لفت برعب وكتمت الصوت علطول وقالت : وشففيييكك !
رعد قرب ومسك رقبتها بيده وشّد عليها وقال : دااقه سالفة مع فارس خييير ؟!
هيام كانت ميته رعب وقالت : رععد طييب وش !!
فارس سمع صوته رعد وقال : رعد وقسم بالله لا تعورها ان م يحصل لك طيب وبعدين بنت خالتي وبنت عمي وعشت معها من وهي بزر تتوقع م امون عليها !
رعد : ببعععدد !!!
اخذ جواله بعصبية وقال : خييير يالفارس وشذا !!!
فارس بحدة : اسمعني زيين م سويت شيء ولاتجلس تشك فيني سلمت عليها بحكم انها اقرب لي منك !
رعد كان عارف ان هيام تقرب لفارس اكثر من رعد لفارس وقال : وقسم بالله لا تنعاد
فارس بعصبية : يشيخ طيير !
رعد : وش تبي ؟
فارس : ايه صح نسيت تخييل
رعد : وش ؟
فارس زعل : يبو تحمس شفيك ميت !
رعد مّثل الحماس وقال : ووووشش !!!
فارس ضحك وقال : لبى عينك يالرعد
رعد ابتسم : يالبيه يالفارس اخلص
فارس : بدر تقدم لوعد
رعد م كان مستوعب : طيب ؟
فارس انصدم وسكت وشوي وصل له صوت رعد بعصبية : وككااااسسسرر !!!!
فارس ابتسم : اخييرًا استوعبت كنت بلعنك !
رعد كان يفور وقال : اخخلصص وش صاارر !!
فارس عصب : بققووللك اصببرر
هيام كانت مصدومة وقالت : وعد وكاسر !!!!
رعد لف لها ومسح بيده ع لحيته بمعنى " هييين "
هيام فزت وباست لحيته وقالت : انفداك يالرعد لاتشيل بخاطرك علي
رعد حضنها بيد وبقوة وقال وهو يكلم فارس : طيب ؟
فارس : بس والله لازم نتدخل بدر ناويها والبنت م تحب كاسر وبتوافق !
رعد انفجر عصبية وقال : وللعنتهااا عسااه م خذااها وش م تحببه وهو للحين متأمل فييها !!
فارس : حرام عليك يالرعد انت خذيت هيام غصب عن ابوها واخوها ولا م تتذكر !
رعد : ايه بس انا هيام كانت تبيني
فارس : طيب بس فيه طرف م يبيك والحين كاسر نفس حالتك
رعد مسح وجهه وقال : خلاص برجع بعد اسبوع واضبط الامور
فارس : لا يالرعد وش اسبوع اخاف يتممون !!
رعد : لا معليك
فارس : احتزم فيك انا وكاسر يعني ؟
رعد شاش راسه وقال : اعنبو غيركم انتوا في شنبي اضربوا الارض ولاتسمون !
فارس رمى شماغه ع الارض وقال : عززز يولد العم
الكل فز يشيلون شماغ فارس من الارض وضحك وقال : معليش يعيال شاش راسي الله يقلع رعد
زايد ضحك : يالللييل صدق حتى لو شاش راسك لاترمي جاهك !
فارس : سم طال عمرك
زايد مسك كتفه ودخل مع فارس للمقلط عشان العيال فيه وتجمعوا وماهي الا دقايق ودخل كاسر وجلس
بدر متقصد يستفزه : كاسر كلمت اللي داخل عشان !
كاسر كان ينتظره يتكلم عشان يقوم ويسكر وجهه وقال : من توصي يملعون الجدان اصغرر عييااالك !
قام فارس ومحمد ومسكوا كاسر وقال بدر : كلنا عارفيين وش حارقك غير تخسي تاخذها
كاسر انفلت من فارس ومحمد بحكم انه اقوى واطول منهم وطار لرقبته وخنقه وقال : عليي الطلااق م تاخذذهااا !!
بدر انفجر يضحك وقال : من تطلق هاه ؟ ولانسيت انها لي
كاسر بعصبية : محزمي وسلاحيي وتخسي تاخذها !!
بدر بأستفزاز : انا اقول لا تستعجل وخلنا ننتظر رد وعد
كاسر : لااتققوول اسمهاا يحيوواانن !!
بدر دف كاسر وقال : اههججدد ياكااسر وبقولها وبكيفي حرمتي مالك دخلل
فارس ابتسم : حتى انت لاتستعجل
بدر : م استعجلت بس ضامن
—
عند الحريم
ام شوق : يبنتي ي وعد جاك خطاب
وعد ابتسمت : ماشاءالله مين ؟
ام شوق ابتسمت لبنتها وقالت : بدر
الكل فز : ماشاءالله تبارك الله ، واللي تقول : عقبال شوق
شوق ابتسمت وقالت : مبروك مقدمًا يوعد
وعد : ابد يمه انا موافقة وشورتس وشور خوالي وهداية الله
حنين صدت بضيق هي ولين وسلمى اللي قالوا لها السالفة
لين : وعد تعالي
وعد قامت مع لين وقالت : لبيه يالين ؟
لين بضيق : تكفين انا طالبتتس لاتكسرين الكاسر !
وعد احتدت نظرتها : انا م عطيته كلمتي عشان اكسره انا م ابييه والكل يدري اني م اطيقه
لين : حرام عليتس اللي تسوينه فييه
وعد م اهتمت وهي كانت ودها تهرب منه وقالت : هذا نصيبي وجاء ولو كاسر يبيني كان تقدم لي مو بس كلام ذا النسونجي
لين ارتفع صوتها وقالت : ووععد خيييرر !!
وعد صدت وقالت : ولا شيء
راحت ام شوق وقالت لأبو رعد وقال : ماشاءالله اجل الله يتمم
ودخل المجلس وقال : ابشرك ي بدر البنت موافقة
ابو سعيد فز : ماشاءالله تبارك الله الله يتمم ع خيير يولدي
بدر بأبتسامه مستفزة وكانت عيونه ع كاسر اللي انهد حيله بعد كلمة ابوه وقال بدر : اللهم اميين والله يتمم
جلس بدر وقام كاسر وراح ركض للحوش الخلفي ونادا ثريا " بنت ضاري الصغيرة "
ثريا : هلا ياخال "تسميه بالأحترام"
كاسر ابتسم : هاتس حلاو ونادي لي وعد
ثريا اخذتها وهي مبتسمة وراحت عن وعد
وعد : لبيه يعيوني ؟
ثريا بهمس : خالو كاسر يبيتس فالحوش
سكتتها وعد وفزت ونزلت نقابها وطلعت ركض للحوش
وعد سكرت الباب وراها وسحبها كاسر وحطها قدامه وقال بعصبية وضيق : وافقتي !!
وعد بعدت يده وهمست : امشش ورا لاتفضحنا
مسك يدها كاسر وسحبها ورا الحوش وقال : وععد خييير توافقيين !
وعد شهقت : ومن انت عشان تمنعني !!
كاسر صرخ : بسس خلاااص كافي الدللعع اناا م نبهتتس انتس لي !!
وعد صرخت : خيييرر يحلوو شايفني شيء ملك لك !!
كاسر قرب وحاوطها بيدينه اللي ثبتها ع الجدار عشان م تروح وقال : حتى لو وافقتي تحسبيني بنسحب !
وعد ابتسمت : غصبن علييك
كاسر ابتسم ع جنب وقال بخبث : والله لو يوصل انتي المستتس وبعدها اتزوجتس واستر عليتس !
وعد شهقت وصفقته كف وقالت : يمرريض ابعد منيي !
كاسر مسك يدها وقال : اعنبوتتس انااا هويتتس تحسبيني بستسلم وبطلع من المعركة ذي خسران انتي م بعد عرفي الكاسر اخو الرعد !
وعد اقشعر جسمها من الاسم وقالت : خلصت !
كاسر : ايه
وعد بأستفزاز : وراي كتب كتاب وشوفة شرعية
كاسر : يالوعد
وعد لفت له : خيير ؟
كاسر بتحدي : هذا وجهي اذا خذيتي بدر
لف كاسر وراح ووعد كانت ترجف برعب وتقول في نفسها ( الله يسامحني كيف بخلييك وراي وانت بذا الزييين كله )
ودخلت وهي تبعد الافكار من راسها ولا حست لا هي ولا كاسر في صالحة اللي كانت تراقبهم وتصورهم ..
...........................
عند ابطالنا
هيام بخوف : خيير شسالفة ! ليه بنرجع
رعد بعصبية : تخييللي
جلس هيام ع فخذه وقالها السالفة من طقطق للسلام عليكم
شهقت هيام : قسسم بالله اني قد دريييت
رعد : اي حلول ؟
هيام بضيق : بس انا اعرف وعد م تحب كاسر
رعد عصب : اعنبوها تحمد ربها !!
هيام مسكت وجهه وثبتته قريب من وجهها وقالت : بس يالرعد الحب ماهو غصب والقلب عيّا يتقبل كاسر حرام تجبرونها
رعد باس شامّتها وقال : ادري والله بس هي م بتاخذ غير كاسر وانتهى الكلام
هيام بتعب : اف بكيفكم مدري من اكلم ان كلمت كاسر فهو يحبها وبيرفض وبيعاند وان كلمتك وقفت مع اخوك وعاندت
ضحك رعد وقال : اجهزي بنطلع ع الشاطي نروق
هيام : يالله بس يرحم امك ارحمني من مقالبك
رعد ابتسم : ع حسب يحلوه
هيام تأففت وطلعت للغرفة تلبس ملابس مريحة
رعد بصوت عالي : هيام ترا م فيه احد خليني استمتع بجسمتس شوي
هيام تفاجأت : والله ؟
رعد : اييه نعمم
هيام : تمام
لبست شورت وبلوزة بيضاء وعليها جاكيت طويييل سماوي لونه ومفتوح من قدام ولبست قبع مصنوع من قشّ وطلعت : شرايك ؟
رعد ابتسم وشالها وقال : تهبليييين وتفتنيين وبعديين لا تقوليين لي ليييه تحرجني دايم
بعدها سكت شوي ونزلها وقال : يوييللل حاااالي يالخصصرر
هيام ابتسمت بخجل : اشغلك خصري ؟
رعد نزل وباس بطنها وقال : انشهد بالله انه لعب فيني
هيام ارتعش جسمها كله وقالت : رععدد
رعد ضحك ومسك يدها وطلعوا للسيارة ونزلوا للشاطي وكان المكان نعييييم وهادئ ويشرح الصدر
رعد نزل وفرش فرشة صغيرة وركضت هيام كأنها طفلة تجمع الاصداف وقال رعد بصوت عالي : الحين انا ابيتس تجيبين لي عيال وانتي كأنتس بنتي
هيام لفت لها بحب وقالت : خلاص شرايك اجلس بنتك للأبد خوفي تأخذ عقلك بنتنا وتحبها اكثر مني
رعد جلس وقال : والله محد يسبق غلاتس عندي وانتي عارفة
هيام كملت تجمع الاصداف وتعبت وحطت الجكيت ع الارض وكملت وكانت ع صغر حجمها بالنسبة لرعد الا انها تملك جسم فاتن كأنثى والكل يشهد عليها
رعد كان يتأملها وقال : هيامي
هيام من بعييد : لبيييه يعيون هيامك
رعد : تعالي سولفي معي
هيام جات تركض وهي تتنفس بسرعة وقالت وهي مندهشة : ووااه شووف كثييييرة والوانها حلوة ومختلفة !
رعد فز بسرعة وباس مبسمها بقوة وطاحت هيام مصدومة ودفته تطلب النفس وقالت : رعد..خيي..خيير
رعد كان مبتسم بشكل يفتن وقال : لبيه يعيون رعّودك
هيام تذكرت اول بوسة وقت المخيم وكانت ذي مشابهة لها وقالت : وجهي احمر ؟
رعد هز راسه بنعم وهو يضحك بخفه
هيام سحبت اذنه وقالت : تأدب يالمشاكس !
رعد حاوطها من خصرها وقال : وقسم بالله مقدر
هيام ضحكت وحضنته وقالت : رعد والله لا اسلمك نفسي الليلة اذا مسكتني وراحت تركض بسرعة
ورعد م استوعب وبعدها فز وقال : حتى لو م امسكتس انتي لي ومسلمه نفستس لي
هيام كانت تركض بسرعة ورعد م تعب نفسه كلها كم خطوة ومسك هيام وقال بخبث : جاهزة
هيام كانت تضحك وقالت : اقدر اغير الحكم ؟
رعد : عيوني لتس
هيام ابتسمت وقالت : تشيلني ع ظهرك وتنزل البحر بس م تروح بعيد
رعد عطاها ظهره وقفزت هيام وهي تضحك وركض فيها رعد وهو يحلف انها اسعد ايام حياته ودخل البحر وصرخت هيام وقالت : رعد اسمعني لاتروح بعيييد
رعد م كان ناوي يخرب الجو وقال : منعيوني انتي في وجهي وشنبي ابششري
هيام ابتسمت وباست راسه وكانت متمسكة فيه بقوة وشوي وشهقت وقالت : رععدد ميين ماشخك في صدرك
رعد ابتسم : انتي
هيام شهقت : اماااانه متى !!
رعد : اليوم فالمسبح
هيام قالت : اقلبني
رعد لف جسمها وحطها قدامه وقال : لبيه
هيام باست جرحه وقالت : اسفه والله
رعد ضحك : جعلني فداتس يعيوني ليييه الاسف م صار الا كل طيب وبعدين انتي تزوجتي واحد الرصاص م اثر فيه تبين جرح ظفرك يأثر ؟
حضنته هيام وقالت : الله يخليك لي عمر وسند وذخر وحزام اشد ظهري فيه لا ضافت دنياي
رعد شّد عليها وقال : برضيتس لو رضاتس ع اهلي كلهم وانسيتس الزعل وجور الايام لين ترضين يا هيام الرعد انتي في وجهي مثل ديني وشنبي !
هيام ابتسمت بحب وهي عارفة انها خذت رجال يسوى قبايل .
::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( البارت ييججننن وسبب خوف هيام من الحمل وعرفناه وبرضو في سبب اللي هو عرفناه قبل انها كانت تجهل مستقبلها مع رعد 🥺 ، كاسر كسر خاطري صدق 💔 )