يهزمني الحُب وانا جاهل بدرب المُحبين

البارت السابع والعشرين

قام كاسر وتلطم وراح بدون م يسمع صوت وعد اما وعد انهبلت بعد قصيدته وقالت : اه يالكاسر والله انك كسرتني صدق
ودخلت وهي دموعها بيعيونها وصوته للحين يتردد بداخلها ونامت وسط صوته وتتمنى لو انها حوله .
—
اما رعد كان عاجز ينام وسعيد صاحي وقام لسيارته وفتح الدرج حقها بالمفتاح واخذ جهاز تعقب وهو حالف م يصير شيء لهيام وراح لأمه وناداها
رعد : يمه
ام رعد فزت : لبييه يالرعد
رعد ابتسم : لبيتي في منى يعيون رعد
وباس راسها وقال : صحيتتس ؟
ام رعد ابتسمت : لا والله باقي م نمت
رعد بجدية : شوفي لي طريق بنام مع هيام
ضربته امه ع صدره : اعنبوك م تستحي م فيه مكان وهيام عند البنات !
رعد ابتسم وقال : ناديها لي طيب
ام رعد لفت ونادت هيام وطلعت ركض وهي م شافت رعد وقالت : عيوني يعمة
ام رعد : تسلم عيونتس رعد برا يبيتس
هيام استغربت وقالت : اوه طيب
طلعت هيام ودفها رعد داخل وقال بحدة : انثبري دااخل
هيام شهقت وطاحت ع الارض بعد م تعثرت بدرج صغير ودخل رعد علطول ومسكها وقال : فيتس شيء ؟؟
هيام دفته : ابعد مني !
رعد ابتسم وباس خدها وهمس لها : تجين تنامين معي ؟
هيام توسعت عيونها : وييين ؟
رعد : فالونيت حق جدي
هيام ضحكت : والله ؟
رعد هز راسه بنعم وقالت هيام : قدااام بجيب بطانيتي واجيك
رعد ابتسم : يالله انتظرتس
هيام راحت ولفت له قبل تدخل وقالت : معك بطانية ولا اجيب لك ؟
رعد رفع صوته بمعنى انه يحرجها وقال : حضنتس يكفيني
صرخوا البناات بحماااس من رومانسية رعد
هيام حمرر وجهها ودخلت الغرفة وقالت : اصه انتي وياهاا وجع
سلمى صفقت وهي تضحك : جوووي حضنتس يكفيني
هيام استحقرت سلمى وقالت : هييين يملعونه انتي تزوجي ووالله لا امسك عليتس اشيااااء واجد
سلمى : روحي روحي لزوجتس دفييه بحضنتس
هيام : اكيد بروح وانتي خليتس مع مخدتتس
سلمى حضنت مخدتها وقالت : ومن اللي كذب عليتس وقال اني ابي منصور ؟
هيام ضحكت : بنششووف وش بيسوي فيتس منصور بعد شهر
وطلعت وسلمى احتر وجهها وصدت ونامت
هيام بقرف : وانت م تعرف تقصر صوتك !
رعد لفها فالفروة حقته وقال : لا م اعرف علميني كيف
هيام تجاهلته وقالت تبي تغير الموضوع : وش طرا عليك ؟
رعد ابتسم : مدري والله بس كذا
سابقته هيام بخطواتها وسحب رعد الحلق حقها من اذنها بخفه وحط فيه جهاز تعقب بحكم انه ماهو مرتاح للمزرعة والمزرعة كبييييرة ومهجورة وكان يخاف ع هيام واخذت تفكييره ويقلق عليها بشكل مو طبيعي وقال : هيامي حلقتس
هيام لفت له : هاه كيف طاح ؟
رعد ابتسم وقرب وباس اذنها وهمس وقال : يحظ كل اسواره وحلق وسلسال تلبسينها يحظها بقربتس
هيام ابتسمت : عادي حبيبي انت اقرب لي منها كلها
رعد لبسها الحلق وقال : يجنن عليتس لاتنزلينه
هيام فرحت : والله ؟
رعد حضنها وقال : وقسم بالله انه يهبببلل هذي من هدايا الشبكة اللي جبتها صح ؟
هيام بحب : ايه يعيوني
رعد : والله انه لاق عليتس
هيام مسكت يده ومشوا للونيت اللي كان بين النخل ونط رعد ع الصندوق حقه ودعس كاسر اللي كان نايم فيه وفز كاسر برعب وحط الخنجر برقبة رعد وقال : ممننن انتتت !
رعد بعد انخرش وقلب الوضعية ومسك الخنجر وحطها برقبة كاسر وقال : الله يقطع شكلك يالكاسر
كاسر استوعب وبعد الخنجر وقال وهو يتنفس بقوة : وش جااابك انت هناا ؟!
رعد كان يضحك بقوة وقال : جيت مع هيام ودي انام هنا وطلعت بوجهي
كاسر ابتسم بضيق : ناس تتمنى وناس تتهنى الله يهينك يخوي بس تخسى اقوم
رعد ابتسم : جووي العناد !
كاسر ابتسم ولف ورجع ينام
هيام : بسم الله كاسر هنا
كاسر : ايه انتي لابسة ؟
هيام : لا بس علي فروة رعد
كاسر ابتسم : خلاص م بناظر معليتس
رعد : كاسر وجع قم !
كاسر : تخخخسسسى رحح بسس
رعد قرب وكان بيشيل كاسر بس م قدر بحكم ان كاسر ثقييل وثّقل نفسه بزيادة وقال : ارفعع يالرعد وشفييك !
رعد تنرفز ورفعه بقوة وطيحه من الونيت وقال : اذذلفف
كاسر قام ورجع يطلع ع الصندوق وقال : يبوي خلصت الاماكن ؟ هيام كلميه تكفين فكيني منه
هيام ضحكت : رعد خلاص تعال
رعد كان رافع ثوبه ومتشمر وقال : الليلة ي انا ي انت !
كاسر رفع ثوبه وقال : جاهز ؟
رعد ابتسم : اسمع اللي يطرح الثاني بينام فالونيت سامع !
كاسر هز راسه بنعم وقال : تم
انطلقوا الاثنين يحاولون يشيلون بعض عشان واحد منهم يبطح الثاني ع الارض وكان رعد مصدوم من قوة كاسر اللي م كان يتوقعها بحكم انه اعرض بكثيير من كاسر اللي كان جسمه معتدل لا هو نحييف ولا عريض حط كاسر رجله عند رجل رعد وتعثر رعد وبطحه كاسر وحط ركبته ع صدره وهو يلهث من التعب وقال : يلااااا اذذللفف انت
رعد ضحك وقال : على ذا الخشم
كاسر مد يده ومسكه رعد وقام وقال : اعنبو غيرك وش القوة ذي
كاسر ضحك : قل ماشاءالله بس
رعد : ماشاءالله ياخو الرعد
كاسر : ابشر بي ياخو الكاسر
هيام ضحكت : كفو يالكاسر والله
كاسر لف لها بس استوعب ورجع يصد وقال : كفوتس الطيب ياهيام الرعد
رعد ابتسم بعد الاسم وقال : هيام ارجعي للحريم بنام مع كاسر
هيام تخصرت : خييير اخذك مني علطول !
كاسر انفجر يضحك : لا يحلوه لاتحطينها فيني
رعد لف له بقوة : حلوه ؟؟؟
كاسر ابتسم : وش اقول كلبة ! م امون ترا
رعد : لاتقول شيء يخي
كاسر : يحلوووه اللي يغااار
رعد ابتسم وقال : اوصلتس ؟
هيام صدت وقالت : علتبن انت واخوك
فز كاسر وقال : تعالي اذا انتي قد كلمتس
هيام لفت وقالت : هات شماغك يالرعد
رعد ضحك ورماه لها واخذته وتلطمت فيه ورجعت وقالت : جيتك وانا اخت محمد
رعد وكاسر : ونععمم
هيام ضحكت : معليكم زود
كاسر ابتسم : هيام وين وعد ؟
هيام : وشدراني عنها
كاسر شهق اول م تذكر كلامها مع بدر وقال : ررععدد
رعد لف له بهدوء وهو حاط عود بين اسنانه وهمهم له : همممم
كاسر : بدر م بيطلق من اول يوم ترا
رعد قطب ووخر العود وقال : وش تقول انت ؟
كاسر شرح لهم وش سمع ووش شاف وقال : احرق كبدي الله يحرق كبده يوم مسك خصرها
رعد بعصبية : ماهو على كيفه بيطلق غصصب
هيام شهقت : فههممتتت
لفوا لها كاسر ورعد وانخرشت كانوا الاثنين يتشابهون وقالوا بنفس الوقت : انطقيي
هيام صفقت : ماشاءالله حتى مصطلحات رعد عندك ؟
كاسر ابتسم : اخوي يالطيبة
هيام : المهم اسمعوني
مدت يدها ورفعها رعد وجلست معهم فالصندوق وقالت : بدر يبي يلمس وعد
كاسر فااار دمه وقال : وشدرااتتسس ؟؟
هيام بذكاء : يذكي واضحه ترا ولا ليه م فسخ الخطوبة علطول مثله مثل سعيد بس هو كان اذكى منكم وسبقكم بخطوة وكلم ابوه لأنه عارف ان رعد م بيسكت على اللي صاير وهو اخو كاسر وقال يبه اذا جاوو قلهم بتزوجها بأسبوع وبطلقها من اول يوم فهمتوا الحين اللعبة ؟
رعد وكاسر توسعت عيونهم وتوهم يستوعبون لعبة بدر عليهم وكيف قدر يخدعهم الاثنين مع بعض وقال رعد وهو يفورر : العن والديييه لعبها عليي وعلييك
كاسر بعصبية ابتسم وقال : ايييه الله ياخذ نفسه !
هيام : اسمعوني
لفوا لها من جديد وانخرشت من جديد وقالت : وجع كيف تتشابهون انتوا
رعد : بس من الاحلى ؟
كاسر اشر لهيام تختاره وابتسمت وقالت : كاسر
رعد لف لكاسر بسرعة وشافه يأشر ع نفسه ومسك يده ولفها ورا ظهره وقال : لا يحبيبي م تقلب مرتي علي !
هيام ضحكت : خلاص يخوي وانت تعصب علطول هو كلكم ماشاءالله حلوين بس انت بقلبي محد مثلك
رعد فك كاسر وخنقه كاسر وقال : وم تقلب عليي عشان مرتك !
رعد ابتسم : ابشر ابشر خلاص
كاسر تركه وقال : اسلمي يالهيام
هيام : الله يسلمك الحين وعد م تدري عن شيء وتراها خايفة وم تبي بدر ولا تبي كاسر بس تشوف من نظرها ان بدر اهون من كاسر لأسباب انا اجهلها والله واللي عليكم تشددون ع بدر يطلقها علطول من الحين قبل الزواج واذا م طلقها ترا بيضيعها ويطلقها وبتجي كاسر حامل بولد من بدر !
كاسر احترق وقال : يخسسى يلمسهاا !
رعد : والشايب وش بنسوي به ؟
كاسر : معليك عندي بس انت هدد بدر
رعد ضرب صدره وقال : ازهله
هيام : وترا سعيد مع بدر وهو اللي يلعب براسه
رعد شك : انتي كيف تعرفين ؟؟
هيام ضحكت : الشرهة ع اختكم لين اللي م تخلي شيء الا وتعرفه
ضحكوا كاسر ورعد وقال كاسر : تم خلاص انتي ارجعي نامي وانا ورعد بنخطط عليهم
هيام قامت وقالت : طيب رعد بأخذ شماغك
رعد ابتسم : ودتس تاخذيني مع الشماغ ؟
هيام نزلت وقالت : اللي م يبيني م ابيييه
كاسر ضحك وقال : عششتووا صدق
رعد ابتسم : اجي معتس ؟
هيام مشت وشافت الباب قريب وقالت : لا م يحتاج
رعد صد وكمل سواليف وخطط مع كاسر
اما هيام مشت متجهة للباب ووقفها سعيد اللي وقف قدامها وقال : هيام اسمعيني
هيام خافت ورجعت خطوتين ورا وقالت : وش ؟
سعيد شاف شماغ رعد وفروته عليها وكأنه يقول انها من املاكي وحلالي الخاص اللي محد يستجري يقرب منه وقال بحرقة : من وين انتي جايه ؟
هيام قطبت : وشدخلك ؟؟
سعيد : تستهبلين ! بنت خالتي اكيد بسألتس !
هيام : ياللييل صدق سعيد شفيك !
سعيد كان يتمنى يسمع اسمه منها دايم وقال : م فيني شيء اسألتس بس
هيام بملل : كنت مع رعد خلاص ؟
سعيد كان يحترق وقال : م اقول الا الله يهني ذا الرعد فيتس
هيام توسعت عيونها وقالت : تذلف ولا انادي الرعد عليك ؟
سعيد ضحك : ناديه طيب
هيام بدون م تلف عشان م يغدر فيها سعيد وكانت ذكييية بخطوتها وقالت : رعععدد
رعد وكاسر فزوا وشافوا سعيد عندها طار رعد ووراه كاسر ووقفوا وراها وقال رعد : لبيه ؟
هيام ابتسمت ولفت له وشافت كاسر معه وقالت : لا بس سعيد يقول نادي رعد
رعد بحدة : خير ؟
سعيد بحدة : انت اللي خير مرسل بنت خالتي فالظلام والمكان مليان عمال يشتغلون فالليل !
رعد كان م يدري عن العمال وقرب قدامه ودفه وقال : ومن انت تحاسبني ع زوجتي ؟؟
سعيد كان طويل ويوصل راسه لراسه رعد بس وعد اطول واعرض وقال : تستهبل انت !! اذا م تقدر امانة خالتي انا اقدرها اقلها عطنا خبر !
رعد فار دمه وقال بصوت عالي : اقصصصر الشرر زوجتتي وانا ادرى فييهاا !
كاسر تقدم وقال : اتوقع خلاص وضحت زوجها وولد عمها ورا ظهرها وتشد حزامها فينا !
رعد لف لكاسر وشّد ع ذراعه وكانت هيام وراهم وانهبلت من منظرهم وكانوا عيال محمد من اقووى الرجال ومحد يقدر عليهم وقالت : كفو عليكم هذا العشم يعيال عمي
رعد وكاسر لفوا بقوة وقالوا : احتززميي بس
هيام ضحكت ومشت من وراهم وقالت : وان شاءالله انك قد الهقوة يولد الخالة
سعيد ابتسم : ابشريبي
دخلت هيام ورعد يحترق بعد م كلمت سعيد بس حاول يتجاهل وقال : خلاص ؟
سعيد ابتسم وقال : وش م قلنا شيء
كاسر : توكل ع الله
وعد جات وقالت : عيال شفتوا جوالي ؟
لف كاسر بكل حواسه وقال : ادخخلليي دااخخل !
وعد خافت وهي م شافته بس شافت رعد وسعيد وقالت : بسم الله وشفيك انت !
كاسر دخل وسحب الباب وسكره في وجهها وقال : سعيد م ودك تتوكل ؟
سعيد بحدة : تستههببلل ! من انت عشان تسكر بوجهه وعد !
كاسر بحدة : ولد خالتها مثلك م انت قبل شوي خايف ع هيام ؟ الحين انا م ابيها تطلع قدامك
سعيد : صحصح ع نفسك انا اخو زوجها
كاسر احتدت نظرته وقال : م بعد صار زوجها خطيبها !
رعد همس لكاسر وقال : لاتوضح له انك تبيها
كاسر بعد رعد وقال : الا بوضح انا ابييها واعشقها واهيمها وم كسرني الا خطبتها من بدر لكن والله الذي نفسي بيده انها م تكمل وان اخربها ولا تروح وعد من يديني !
رعد مسك فكه بقوة وقال : كااااسسر اعققللل !
كاسر كان يفور وقال : سععييد اذللف لا اكففرر فيييك !
سعيد صد وراح بعد م عصبوا الاثنين وهو عارف لو يقول كلمة وحدة انقضوا عليه وذبحوه ودفنوه
رعد بحدة : كااااسسر
كاسر لف له : خييير يالرعد !
رعد : اععققلل
كاسر بضيق : تكفى يالرعد مقدر والله اني مقدر كسروني وانا الكاسر !
رعد شّد عليه وقال : شد حزامك يخوك والله م تروح من يدينك
كاسر ابتسم بضيق : يالله يارب
رعد مشى متجهة للونيت وقال : تعال
كاسر اشر له يروح وبيلحقه راح رعد وفتح كاسر الباب بسرعة وصقع براسه وعد اللي كانت تتسمع ومنهبلة ع كاسر وشوي وتطلع له وتقول له ( اعنبوك انا لك ومعاد ابي بدر وابي يطلقني ) بس كان جزء كبيير منها للحين يشوف كاسر اسوء من بدر وصرخت بألم : ااااه رااسسي
فز كاسر ومسك راسها وقال : وشفيتتس واقفه ورا الباب !
وعد بألم وماهي مستوعبة القرب بينهم وقالت : تستهبل انت اللي ليه فتحت الباب بقوة ؟!
كاسر ابتسم : جعله بضلوعي عنتس يكل وعودي
وعد شهقت وقالت : وخرر شفيكك قررييب كذاا
كاسر ضحك وانفتنت وعد بضحكته وقال : خليني قريب منتس خليني حولتس ع الاقل اذا م قدرت احضنتس اقدر اشم ريحة عطرتس واقدر اشوف عيونتس تطالعني خليني قريب يالوعد
وعد بهدوء وبخجل : كاسر ابعد يكاسر لا تكسرني اكثر انا م احل لك انا خطيبة ب...
قاطعتها يد كاسر اللي كتمت منطوقها وقال : ماله داعي تجلسين تعيدين علي نفس الاسطوانه وتحسبيني جاهل م اعرف انتس ملك واحد والله يبطي م وصل مواصيلي خذيتي لتس واحد ماهو بكفو ولا هو رجال عشان تقارنين بيني وبينه وهو والله العظيم موطى رجلي م وصله !
وعد ارتعدت بعد كلام كاسر وهي عارفه انه صادق وقالت : م قارنت انت تشوفها مقارنة ولا هي حقيقة اني خطيبته !
كاسر بحدة : انا م اشوفتس خطيبته انا اشوفتس وعد الكاسر اللي ينتظره يتحقق !
وعد شهقت بعد كلامه وكان كل كلمة يقولها توجع قلبها وقالت : يالكاسر انتبه تكسر الوعد قبل تصير لك كل وعودك !
كاسر بحب : والله انتس في وجهي وشنبي والله م يمستس شر وانتي معي احتزمي بالكاسر واضربي الارض ولاتسمين !
وعد بعدت وقالت : طيب شفت جوالي
ضحك كاسر وقال : لا والله بس هاتي رقمتس ادق عليه
وعد من غير م تحس ع نفسها عطته رقمها ووقفت عن اخر رقمين وشهقت وقالت : يويييللليي !!
كاسر ابتسم بخبث وقرب ومسك فكها وقال : اننطققيي وش اخر رقميين ؟
وعد برعب : كاااسسر وخر منيي
كاسر شّد عليها وقالت : اربعه صفر !!
كاسر م ترك فكها وكان قريييب منها وحفظ الرقمين وقال : اييه شاطره
وعد بألم رفعت يدينها ومسك يد كاسر وكانت اول مره تلمس وعد كاسر فيها وقالت : وخرر يددك
كاسر ارتعد بعد لمستها وقلب يده وشّد على يديها وشّدها لمنطوقه وباسها بقوة وقال : ارحمي كاسرتس يالوعد
وعد فزت بعد حركته وسحبت يدها وعطت كاسر كف بقوة وقالت : يحقييير م احل لك م اححللل لك لاتخليني انادي بدر واخواني عليييك !
كاسر انفجر عليها وقال : لا تتعزووييين ببدر عليي !!
وعد ركضت وخلته وراها وهي ترجف برعب وقلبها تعلق بكاسر بس عقلها كان ينكر كل شيء ويقول انه يلعب عليتس ويتسلى وماهو ناوي الزواج ابدًا ولو كان ناوي كان اخذتس قبل بدر ..
اما كاسر كتب اخر رقمين ودق عليها وسمعت جوالها وكان تحت السجادة واخذته وشافت رقم غريب وهي من الرعب نست انها اعطت كاسر جوالها وردت وقالت : مين؟
كاسر ابتسم : يساتر امداتتس تنسين ؟
وعد ابتسمت لا شعورياً وقالت : اوه كاسر والله مدري كيف نسيت
كاسر : يالوعد
وعد هامت في اسمها وقالت : هلا
كاسر : قوليلي عيوني مثل امس فالمطبخ
وعد شهقت : انا قلت لك يعيوني ؟؟؟
كاسر ضحك : ايه
وعد مسك راسها وقالت : يراسي صدق متى تكفى م اتذكر !
كاسر : يوم سألتيني عن بدر
وعد ضحكت بصوت عالي وقالت : الله يفشلني اسألك عن خطيبي واقولك يعيوني
كاسر ضحك وقال : حّييي ضحكتتس
وعد بخجل : حي نباك المهم خلاص حصلت جوالي شكرًا
كاسر بحدة : العفو بس يويلتس تبلكين رقمي !
وعد : ببلكك طبعًا تبي تدق علي قدام البنات وتفضحني
كاسر : والله لو اني مشفوح عليتس اقدر اجيتس بدون اتصال
وعد : طيب طيب
سكرت وعد وزفر كاسر بعصبية : وتسكر بوجهي بعد !
مشى وركب الصندوق وكان رعد نايم وانسدح جنبه وقال : رعد صاحي ؟
رعد فتح نص عينه : وش تبي ؟
كاسر ابتسم : حضنك
ضحك رعد ومد يده لكاسر ونام كاسر عليها اما وعد م قدرت تنام وهي ودها تسجل صوته وتنام عليه وقالت : وش سويت فيني يالكاسر حيرتني حيرة عجزت احلها
نامت بعد تفكيييير طوييل بكاسر وبحياتها مع بدر
——
فالنمسا تحديدًا العاصمة فيينا 🇦🇹
فارس صحى ع نور الشمس اللي دخل مع الشباك الكبيير وكله بسبب حنين اللي فتحته وهي تقول : ماودك تصحى انت !
فارس صد وقال بحدة : سكريها قبل اقوم عليتس !
حنين تخصرت : احلف بس الساعة ١١ قوومم !!
فارس لف لها بقوة وقال بصراخ : حنننييينن !
حنين ارتعبت وقالت بحدة : وجعع خييير تصااررخ !
فارس فز ووقف قدامها وشّد ع فكها وقال : وقسم بالله ي حنين اذا م عقلتي اني لا اسوي شيء م يرضيتس !
حنين م تعودت ع فارس كذا وقالت : تخسى تسوي لي شيء ووراي اخواني !
فارس سحبها وسدحها ع السرير واعتلاها وقال : اخوانتس هنا ؟
حنين بضيق : فااارس قمم كتمتنيي !
فارس بحدة : اعقلليي
حنين كانت عيونها غرقانه بالدموع وقالت بحدة : الله ينكد عليك نكدت علي وغيرت مودي الواحد يصحى من النوم يبوس زوجته ويحضنها وانت تصارخ قمم من عليي !
قام فارس واستوعب ع نفسه وقال : انتي اللي حديتيني
لف وسكر الستارة ورجع ينسدح بهدوء وهو يرجف من العصبية وقال بنفسه ( لا يالفارس ذي حنين اللي تحبها ليه تصارخ عليها ) اما حنين رجعت تفتح الستارة وقالت : والله م تنام قووم والله ان تعوضني وتطلعني فارس قم
فارس بهمس : حنين خلاص يحنين بنام ساعة بس
حنين هزت راسها بنفي : لا الناس والمحلات يسكرون بدري ولا ناسي انك مو فالسعودية !
فارس لف لها : جهزي ملابسي طيب
حنين فزت له وحطت راسها ع صدره العاري وقالت بحماس : جهززت كل شيء بس قم
فارس شّد عليها وباس راسها بقوة وقال : خلاص طيب بقوم لعاد تلحيين فوق راسي
حنين : يالله تعال حتى الفطور جهزته تعااالل
مسكت يده ورفعته وجلس فارس وقال : احبتس يالحنين
حنين بزعل : لو تحبني م زعلتني قبل شوي
فارس بضيق : الله ياخذ زعلتس ويحطه فيني وجعلني دايم شايل همومتس بس لاتزعلين ولا تضيقين ي حنين فارستس
حنين شهقت وحضنته : بسم الله علييك من الزعل امزح والله امزح خلاص حصل خييير تعال افطر معي وبرضى
فارس شّد عليها وقال : اسف
حنين : خلااص يالفارس والله اني م شليت ع خاطري
فارس بضيق : والله انها حزت بخاطرتس من بعد دعوتس علي بالنكد
حنين دمعت : فارس والله اسفه جعله فيني بس لاتحز بخاطرك انت
فارس بحب : بسم الله عليتس منها خليها لي وانا بتحملها وبحبها دامها منتس
حنين قامت وقام معها فارس ودخل يتروش ورجعت تسخن الفطور له وطلع ومنشفته محاوطه خصره وقال : حنين وين ملابسي
لف حنين وجلست ع الطاولة وحطت شعرها ورا اذنها وقالت : الله يقوي قلبي بس
فارس ابتسم وقرب لها وباس خشمها وقال : انا والله اللي الله يقوي قلبي اللي معاد قدر بتحمل جمالتس
حنين : المهم يعيوني ملابسك فالغرفة الصغيرة
دخل فارس ولبس وتجهز وافطروا واتجهوا لسالزبورغ
وهي مدينة تجمع بين الموسيقى والثقافة ولحظات السكينة في الطبيعة .
———
فالمزرعة صحى كاسر من الشمس الحارة وقال : العن ابو الحر يشيخ رعد قم
رعد تحرك وقال : انشوينا هنا
ضحك كاسر وقام ونزل وركض للبركة ونط فيها وهو م شاف وعد وهيام وسلمى ونطش الماء عليهم وصرخوا بعد م ركض رعد ولحق كاسر وفزوا البنات ركض من المويه اللي نطشت بقوة وقالت سلمى : وجعع وراهم ذوولا ومن ويين طلعوا !
هيام ضحكت : جايين من الونيت
وعد مسكت راسها : يراسي كيف جلسوا هناك حرر
هيام : عشان كذا ركضوا للبركة
سلمى ضحكت : والله خرشوني
هيام: كلناا انخرشنا
وعد بهدوء : المهم بنات تعالوا خلونا نشوفهم والله قعدتنا كانت حلوه
سلمى ابتسمت : يحلوتس يالوعد قولي انتس تبين تشوفين كاسر وهو مليااان مويه
هيام ضحكت : منجد انا بروح اروق ع منظر رعد
وعد بخجل : بناات ماله دخل بس اقصد الجلسة حقتنا وبعدين انا مخطوبة استوعبوا !
سلمى : تلعبين ع مين ؟
وعد زفرت بملل وراحت للبركة وسحبت هيام معها ولحقتهم سلمى وجلسوا
كاسر طلع من الماء ونزل ثوبه وفنيلته ولعب بشعره وقال : رعد رح لهيام وجيب لي ملابس معك
رعد طلع ونزل ثوبه : ياليل مالي خلق اروح هناك
كاسر ابتسم : ليه ؟
رعد : يبوي تستهبل ! والله لا اشوفها اني معاد اطلع من عندها وانشب لها المسيكينه
سلمى : تراها وراك
لفوا كاسر ورعد بسرعة وشهق كاسر اول م شاف وعد وغطى نفسه بشماغه وقال : وججع وش تسوون هناا !!
وعد ضحكت اول م ابتلش كاسر وهو يحسب انها اول مره تشوفه وقالت : انتوا اللي جيتوا وخربتوا علينا
رعد : احلفوا يعني الصراخ اللي قبل شوي منكم
وعد ضحكت : بالضبط
هيام كانت ساكته وتشرب شاهي وقالت : رعد افطرت ؟
رعد ابتسم : لا والله يعيوني وحي ذا الصباح اللي يبدأ بصوتتس
هيام ابتسمت بحب وقالت : حي نباك يالرعد
رعد : وعد
وعد انخرشت وقالت : هلا
رعد بهدوء : وش صار عليتس انتي وبدر ؟
وعد : كيف يعني ؟
رعد : بيطلقتس من اول يوم ؟
وعد شابكت يدينها ببعض وقالت : والله مدري ي رعد بس هو قال لي لا
رعد جلس وبينهم البركة كاملة وقال : انتي تبينه ؟
وعد كانت تناظر كاسر اللي يناظرها بحدة وقالت : عادي م عندي مشكلة معه
رعد بجدية : انا اسألتس تبينه ايه ولا لا ؟
وعد م تدري شلون تكلمت وقالت : ايه
رعد ناظر بكاسر وقال : خلاص يبو محمد استسلم
كاسر لف له : لا حرام م تروح من يديني
ورجع كاسر يناظرها وقال بحدة : وعد تبين بدر !
وعد ارتعبت بعد صوت كاسر وكان ضخم بحكم انه صاحي من النوم وقالت : قلت لكم م عندي مشكلة معه وانا امشي ع شور خوالي ومحد قال شيء مو كويس عن بدر
كاسر بعصبية : انا اقولتس تبينه وتقولين شور خوالي وشدراهم ابوي وعماني ببدر اسألينا يالعيال وشوفي !
وعد بجدية : طيب يالكاسر وش شفت في بدر
رعد تكلم بحدة : م شفنا شيء بس انه ناويتس اول يوم زواج وبعدها بيطلقتس وكاسر والله ان يحرم عليتس اذا رجعتي لبيت اهلتس حامل !
سلمى شهقت : كيف عرفتوواا !
كاسر ابتسم : واضحة ولا ليه يقولها م بطلقتس من اول يوم
وعد خافت وقالت : م بخليه اصلاً !
كاسر : بتقدرين عليه ؟
وعد بقوة : ايه !
كاسر ضحك : انتي م قدرتي على الباب يوم تسكر عليتس بتقدرين ع بدر ؟
وعد صدت بأحراج وقالت : طيب يمكن م يسوي شيء
كاسر بثقة : انتهى بنخليه يفسخ الخطوبة اصلاً
وعد : شللونن ؟؟
رعد : يابنت الحلال وشفيتس انتي تبينه ولا لا ؟
وعد سكتت وتكلمت هيام : يعني جهزتوا خطة ؟
كاسر ورعد ناظروا ببعض وقالوا : ايه
سلمى : يمه يتشابهون
هيام ضحكت برعب : مررره
وعد : لا م احس فيه فرق كبييير بينهم
هيام : اشرحي الفرق طيب ؟
وعد عدلت جلستها وقالت : طيب رعد اطول بشوي من كاسر واعرض بعد منه وشعره ماهو ناعم كذا تحسون مايل ع الكيرلي اما كاسر شعره ناعم ورعد عنده دقن وعوارض وشنب اما كاسر بس شنب فهمتوا ؟
سلمى صفقت : اشهد بالله انها حافظه عيال خالها من قلب
هيام : مررره وبعدين خير تناظرين ف زوجي
وعد ضربتها بخفه : من زينتس انتي وزوجتس عشان اجلس اناظر فيه
هيام فزت : عن الغلللط
ضحكوا البنات عليها وضحكت هيام معهم
اما رعد راح ونادا لين وطلعت لهم هو وكاسر وانصدمت : خيير شفيكم متفسخين ؟
رعد ضربها بخفه : اعقبي صدق !
كاسر ضحك : جيبي لي ملابس
لين بملل : وين هيام ؟
رعد توسعت عيونه : بننتت !
لين بحدة : اقصد تجيب لك انت تحسبني بخدمك
رعد شلها بين يدينه وقال : غصبن عليتس يحلوه
ضحكت لين وحضنته وقالت : واو اخواني مفتولي العضلات !
كاسر ابتسم : خلصينا
رعد نزلها وقال : يالله طيران تكفين انشوينا هنا
لين ضحكت ودخلت تجيب لهم ملابس وطلعت بالثياب وكان ثوب كاسر كحلي ورعد ثوب اسود دخلوا وتروشوا فالحمام وطلعوا ولبسوا وتعطروا وجابت لين البخور لهم
لين : عيال عوده ؟
رعد ابتسم : ايه بالله م نتبخر الا بالعود
كاسر : هاتيه العود في سيارة رعد وانتي ادخلي وترا البنات عند البركة اذا تبينهم يعني
لين : امانه هم هناك ؟
رعد : ايه هيامي وسلمى ووعد الكاسر
كاسر لف له بقوة وقال : اااااه يالرعد
رعد ضحك ومشى لسيارته ولحقه كاسر بالمبخر
ولين راحت للبنات
منصور : صباح الخير
كاسر ابتسم : هلا والله صباح الظهر والشمس اللي احرقتنا
منصور اشر بأصبعه ع فمه بمقصد انه يسكت كاسر وجاء من وراء رعد ورفع رعد فالسماء وطيحه بقوة ع الارض وقال : وسويت التحدي
اما رعد كان مشغول يدور العود وم حس بنفسه الا وهو طاير فالسماء وصرخ : اللععنن والدييييكك
وطاح بقوة ع الارض وانكتم بسبب الحجر الكبير اللي ضرب بقفى صدره وشاف كاسر وكان مصدوم وفز لرعد وقال : مننصوور وش سويييت
منصور ابتسم : تحدي بيني وبينه
رعد وجه صار اسود وصاح كاسر : يبببههه
ابو رعد فز وفزوا الرجال والحريم ع صوت كاسر وطلعوا كلهم وفز منصور وقال بخوف : وشففييهه !!
كاسر طالع فيه وعيونه تطلع منها شرار وقال : منصصوور وخررر مننييي لا اكففرر فييك
ابو رعد بعصبية : وجع وجع ضيفنا ذا يالحيوان
وقرب وشاف رعد اللي كان يتصرع عشان ياخذ نفس وفجأة شهقق بقوة واخذ نفسه وصاح وقال : عطونني مويييه
حمد راح يركض ودخل المطبخ وشاف شوق وقال : هاااتي مويييه
شوق فزت وجابت ثلاث علب واخذها حمد وطار راجع ورفع راس رعد ع فخذه وقال : سم بالله يالرعد
رعد ابتسم اول م شاف حمد فازع له وقال : بسم الله وشرب المويه بهدوء وخلص وقال : منصور الله يهديك قلنا انك قوي بس م تذبحني
منصور تفشل من اهل رعد وحضنه وقال : والله اني اسف يعيون اخوك
رعد ابتسم : وشدعوة
ولف رعد لكاسر واشر له بيعيونه وقال كاسر : منصور اسف والله اخطيت بحقك بس خفت ع رعد
منصور ضحك : شدعوة تمون ع رقبتي يالكاسر
ابو رعد بحدة : ادخلوا يالحريم عندنا ضيف !
دخلوا كلهم وقالت ام محمد : وشفيه الضيف صار ولدنا وزوج بنتنا
سلمى فزت وقال : لا يجده تكفين
ضحك منصور وقرب وباس راس ام محمد وقال : الله يخليك لي يخالة
ام محمد شهقت : يويلي وشفيك تحكي كذا
ضحك منصور وقال : تبيني احاكيتس كذا ؟
ام محمد : ايه تعودنا عليها يولدي
منصور ابتسم : من عيوني
ورفع عينه وشاف سلمى واشرت له بيدها ودخل وباس خشمها وقال : ارحبي يادهر قلبي ورجعانه
سلمى بخجل : الله يبقي من يرحب
منصور : وش اخبار اللي قاطع ولا شفته وانا من امس هنا
سلمى شّدت على يده وقالت : مفروض انت اللي تجيني
منصور نزل وباس خدها وقال : من عيوني
سلمى انفجر وجهها وصدت وقالت : خلاص م يحتاج تجي اذا بتجلس تحرجني كذا
ضحك منصور وقال : تعودي عاد وانتبهي لتس
طلع وراح للرجال وجلسوا كلهم حول الضو وقال كاسر : تكفون ابي اللي شب الضو بكلمة راس
انفجروا الرجال ضحك وقال محمد : حمد مسوي رجال وشبها وشب كبودنا مع ذا الحر
حمد فز : اعقب والله اني رجال طرق ع خشمك وبعدين الشيبان قالوه وشبيتها ولا انا حران اصلاً
رعد بصوت مبحوح : معليك منهم يحمد
كاسر ابتسم : ماشاءالله طاح الحطب بينك وبين حمد
حمد بحدة : يبشر بي رعد
رعد : تحززمم اعنبو غييرك
وفز رعد ووقف وقال : اخر واحد يوصل للبركة بنغطسه فيها
وركض والكل ركض وراه من كاسر ومحمد وسعيد وبدر وحاتم وحمد وسامي
كاسر بصراخ : رعد وقف لأخوك
رعد ابتسم وكمل ركض ووصلوا كلهم ووقفهم صوت وعد : خييييرر وقفوا البنات هنا
حمد بحدة : اقصري حستس !
بدر بعصبية واستفزاز لكاسر : وهو صادق م تستحين !
كاسر ناظر فيه بحدة واستحقره
وعد : احلفوا !
رعد : اقول لاتسوون تغيرون الموضوع من اخر واحد ؟
الكل اشر ع بدر وفز رعد ومحمد وشالوه وجاء منصور يضحك : اصبروا جواله
اخذ جواله وطيروه تحت مقاومته للبركة
وعد انصدمت وقالت : وشسالفة ؟
حمد : تحدي اخر واحد برعاية رعد
وعد م فهمت وضحكوا البنات وقالت هيام : ورعد م يخلي حركاته
لف لها رعد وهو يحترق غيره ويتمنى محد يسمع صوتها غيره بس م ركز ع سعيد اللي كان ضاايع في هيام ويتمنى م تسكت ابد
رعد بحدة : اجلسي بس
هيام ضحكت ودوت ضحكتها في مسامع سعيد ومن هنا اصر انه ينهي خطته
بدر طلع من الماء وكرشته سابقته وكان منظره مقرف وقال حمد بضحك : اسللمم يالكرشة
الكل ضحك الا وعد اللي انصدمت من منظره وتذكرت شكل كاسر فالصباح وكيف كانت عضلاته مستحله مكانها في بطنه وصدره وقالت بهمس سمعها كاسر فيه : الله يقرففك
كاسر لف لها وضحك وقال بهمس : شدعوة ذا رجلتس اللي تقارنيني فيه
وعد احتد صوتها وقالت : اص م قارنتك !
ضحك كاسر وصد وقال : عيال
الكل لف عليه وكمل : امشوا نحاول نشغل الونيت ونفحط فيه
رعد ابتسم : جوووي
الكل اتجهه للونيت القديم وحاولوا يشغلونه بس مرره رافض وطفشوا ورجعوا لبيت الشعر عند الرجال
مرت الساعات وكسى لون الليل الاسود سماء المزرعة وقالت هيام : بنات م بتعشى نعسانه
لين : امانه اكلي لو لقمة وحدة
هيام بتعب : عافية عليكم
سلمى بشك : هيامي تعبانه ؟
هيام لفت لها : لا والله بس النوم لعب فيني
الكل فهموا وراحت هيام للخيمة حقتهم بحكم انها م تبي تنام داخل بيت الطين اللي كان يكتمها دخلت الخيمة وفتحت الباب اللي ورا وكان يطل ع الاشجار والنخل وانسدحت عند الباب وغمضت عيونها وثواني وتفتحها وكانت بين النوم والصحوة وفتحت عينها اول م شافت واحد واقف ع راسها ومتلطم وقال بصوت مرعب : لاتصارخييين !
هيام فتحت عيونها بقوة اول م استوعبت انه حقيقي وكانت بتصرخ بأسم رعد وبس كتمها بمخدر وقال : حيوانه اقولها لاتصارخ وكانت بتفضحني
شلها سعيد ع ظهره وركض فيها للبوابة الغربية وركبها سيارة فان سوداء مع اخوياه وطلع فيها من حدود المزرعة ومتجهة لمخزان مهجورة ..
.............
فالنمسا
حنين : اسمع متى بنرجع ؟
فارس : والله اللي ودتس انا قلت اسبوعين
حنين بضيق : والله وحشتني الرياض ووحشوني اهلي
فارس ضحك : كلنا والله بس عطيني مدة وابشري
حنين : اسبوع احسن
فارس ابتسم : ع خشمي
حنين ضحكت ومسكت يده وكملوا طريقهم ووقف فارس عن ايسكريم وقال : تبين ؟
حنين بحماس : اييه ابي فانيلا
فارس بقرف : امانه تحبينه ؟
حنين شهقت : لايكوون تحب الشكولاتة
فارس ضحك : ايه
حنين : سبحان اللي خلاك انت وهيام عيال خالة
فارس ابتسم : انه منها اصلاً كنا ناكل فيه بالهبل انا وياها ومحمد
حنين بقرف وكانت تقلده : امانه تحبه ؟
ضحك فارس وحضنها واعطى العامل الطلب واخذوه وقال : حنيني جربيه طيب
حنين : وخررره مني
فارس انفجر يضحك وقال : الا انتي سبحان اللي خلاتس اخت رعد
حنين : م ابيه شكرًا
ضحك فارس عليها وكملوا ياكلون وكانوا مستمتعين مع بعض وكان فارس يحمد ربه ع كل ثانية يقضيها جنب حنين .
_________••_________
فالمزرعة
قام رعد وقال : كثر خيركم
وراح يغسل يدينه وقام بدر يغسل وسأله رعد : بدر بتطلق من اول يوم صح ؟
خاف بدر وقال : اكيد
رعد مسك رقبته وقال : لا تحسبني م سمعتك امس انت ووعد والله اذا م فسخت الخطوبة بكرا اني لا اذبحك ساااامع !
بدر كان يرجف وقال : ابششر الان افسخها
رعد ابتسم ع جنب : عججلل وبعدين وين اخوك الردي سعيد
بدر : مدري والله
دق قلب رعد بقوة وراح ركض وقال : لييين
سلمى فزت : بسم الله شفيه ذا
ركضت لين : لبيه ؟
رعد ابتسم : لبيتي في منى وين هيام ؟
لين : نامت
رعد تأكد ليه الخوف ذا جاه وليه سعيد قام علطول وقال : خلاص روحي تعشي
لين هزت راسها بنعم وراحت
وركض رعد وهو ماسك قلبه اللي كان يدق بقوة واخذ جواله وفتحه وفتح ع موقع هيام من طريق جهاز التعقب اللي في حلقها وشافها تبعد عن المزرعة ٢٠ كيلو ارتعد رعد وقال ( حسبي الله عليييه خذاااها ) طار وركب سيارته وشغلها وطلع علطول وقال لمنصور : منصور اتجه للقسم الان !!
منصور فز وركض له وقال : بجي معك م معي سيارة
ركبوا كلهم وراحوا متجهين لموقع هيام وكانت كل خلية في رعد ترجف وتدعي م يصير لهيامه شيء وهو منكسسسرر ويدعي وعيونه حاضنه دموعها عشان م تنزل ويعلن انهياره .
:::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( شرايكم فالبارت ؟ يقهر صح اسفه لكم بس فيه اشياء حلوه احبكم انتظروا الجاي وحفزوني بكومنتاتكم 😭 )