يهزمني الحُب وانا جاهل بدرب المُحبين

البارت الواحد والثلاثين

طلع منصور وكمل هيصة مع الشباب وليلى ساعدت سلمى وخلصت وطلعت مع منصور وانتهى عرسهم بدموع فرح وادعية من اعماق القلب لسلمى
...............
كاسر نزل بشته واخذ السيف وشغل الشيلات وكمل عرضته مع رعد وفارس
هيام طلعت وقالت : ماشاءالله عليكم باقي م تعبتوا
رعد لف لها وتقدم ومسك يدها ودخلها غرفة سلمى وقال : فسخي عبايتتس
هيام ضحكت : وليه ان شاءالله ؟
رعد بحماس : وش يعني ابي اشوف كشختتس
هيام : طيب لف بوجهك عشان تتحمس صدق
رعد لف وهو بيطير من الحماس ولفت له هيام اول م خلصت وضبطت شكلها وتعطرت وكانت لابسة فستان اخضر غامق وكان ماسك وبارز لنا تفاصيلها وخصرها المنحوت وقالت : تمام شوف
رعد لف لها وابتسم وقال : انتي م تحسيين بحالتي وكيف اهيييم فيتس في كل مرره اشوفتس فيها ارفقي يالهيام برعوّدك
هيام ضحكت وحطت يدينها ع وجهها وقالت : استحييييتت صدق
رعد ابتسم وفتح بشته وقال : تعالي اقربي مني تعالي وجددي حبتس بقلبي وهو نفسه ويزيد جددي روحي ي هياامي
هيام مشت بشموخ وقربت منه وقالت : يالرعد
رعد : لبيه يعيونه
هيام بأهتمام : حصنت نفسك اليوم ؟
رعد ابتسم : لا والله نسيت
هيام قربت وصارت تقرأ عليه وحضنته وقالت : احصنك بعينه التي لاتنام يارب استودعتك زوجي وحبيبي
رعد شّد عليها وقال : واحفظ لي حبيبتي وزوجتي وروحي هيامي
هيام اختلط عطرها بريحة عطر رعد اللي كان قووي وامتلت الغرفة منه وقالت بهدوء : حبيبي خلصت عطرك صح ؟
رعد ضحك : لا والله اني بخيت منه ثلاث بس
هيام بعدت وتوسعت عيونها : تستهبل ثلاث بخات بس !
رعد : ايه بس ذا عود ازرق م احطه الا فالأعراس لأنه قوي
هيام بحب : قسم بالله اني م احب العود بس عشقته يالرعد منك وصرت احب ريحته بكل وقت وبأي مكان
رعد باس راسها وقال : بعيييد عن كل شيء يحلوتس وانتي طويلة
هيام ضحكت ورفعت رجلها : يسلم الكعب اللي كسر رجلي
رعد ضحك : نزليه طيب
هيام : بتشيلني ؟
رعد فز : بعيوني قبل يديني
هيام ضحكت : وااااي امزح احبك
رعد حاوط خصرها : وانا اهيمتس واهيم خصرتس اللي لعب فيني لعب
هيام ابتسمت : خصري بيودع اذا كبر البطن
رعد ابتسم : جعله فدا والله
هيام بزعل : شفت من الحين سحبت علي
رعد شّد ع خصرها وقال : اعنبوتس يبنت سيف والله م اسحب والله اني جايتس ع وجهي ووالله اني م افكر بغيرتس احد خذيتي القللب والروح والعققل
هيام ابتسمت : يحبيبي يالرعد الله يخليك لي يارب
رعد باس راسها ولف لصوت كاسر اللي ارتفع وقال : والله معاد يوقف كاسر خليني اطلع له العن شكله
هيام ضحكت : يزييينه والله
رعد لف لها قبل يطلع : طيب يعني غلطين ؟ استعدي الليلة
هيام قطبت : وش غلطين ؟
رعد طلع بدون اي رد وقال بصوت عالي هز القاعة : يالكاسر خلاااااص ارحم نفسسسك
كاسر لف وهو يضحك وطربان وقال : اصبر اصبر شوي
رعد قطب وقال : وشو ؟
كاسر : اطلع يخوي برقص مع وعد
رعد ابتسم : اها اجل الله يهني سعيد بسعيدة
كاسر ضحك وكان ينتظر وهو شافها واقفه وقالت بصوت عالي : انتظرني والله لا ارقص معك
واعتلى صوت كاسر وهو يقول : تعااالي ي كُل اهلي وناسي
اما عند وعد راحت وفكت شعرها ونشرت فستانها الاحمر واللي م كانوا يعرفونها الا بهاللون وجددت روجها وعطرها وضبطت شكلها واخذت سيف ذيب وطلعت لكاسر اللي كان واقف فنص الحوش وسيارته جنبه والصوت عالي وكل البنات تجمعوا وبدأت الزغاريط اول م دقت وعد بكعبها وصارت تتمايل بالسيف قدام كاسر اللي انهبل من شكلها وكان واقف يتأملها وكانت ترقص بكل قوتها وهي اكثر بنت في عايلة قاضي تعرف للعرضة وصارت تتمايل ع صوت عرضة نجد :
نجد شامت لبو تركي وأخذها شيخنا
واخمرت عشاقها عقب لطم خشومها
لا بكت نجد العذية تهل دموعنا
بالهنادي قاصرين شوارب قومها
حنا هل العادات مخضبين سيفنا
والطيور الحامية جادعين لحومها
صعبة أفعالنا لابغاها غيرنا
وكلمة التوحيد حنا عمار رسومها
حنا هل العوجا نها الملاقى عيدنا
والجزيرة كلها مدبين قرومها
لابتي عوج المراكيض هذا سوقنا
بيعوا الارواح في الهوش باول رسومها
مرخصين ارقابنا لا زهمنا شيخنا
والقبايل كلها شيخنا قيدومها
في تواريخ العرب راسمين علومنا
وعادة الدنيا تزول وتدوم علومها
-
كاسر ابتسم وبدا بدق الارض برجله ورفع سيفه فالسماء وصار يمايله مع ميلان جسم وعد وهو يناظرها بقوة وم يبيها توقف وانهبل اول م لفت وعد وصارت جنبه وصارت تدق وتنزل ع العرضة ولف يده من وراها وشّد ع خصرها وبدأو يتلاحمون وشكلهم كان يجذب والكل يصفق ويزغرط ولف وعد اول م تعبت ولفت يدها ع رقبة كاسر ونزل وباست راسه وقالت : عساك ذخر وسند يارب عشت يالكاسر وعاشت ايامي حولك ومعك يارب
كاسر م ترك خصرها الا شّدها له وغطاها ببشته وباس مبسمها بقوة وقال :
ومن يقول يعيش و بالقلب مكانه
ومن نطق مبسمها الخدري وشدّ كاسرها 
يالوعد اوعدتس ان لتس بقلبي حصانه
انا ضعت فيتس من العيون الكحيلة ورموشها
ولا من الخد الندي اللي حلته الشّامه
ولا من خصرتس الجايع اللي صابني بمقتلها
ارفقي يالوعد كاسر اللي منتظر ياخذتس امانه
و قربي وخليتس دايم حول روحي وحوالينها
—
انصدمت وعد من كل شيء من شعر كاسر لها وكان الشعر اللي انكتب فجأة ومن مشاعر كاسر الملخبطة ولا من بوسته لها كانت هايمه فيه وقالت بهمس : صح لسانك ي شاعري
كاسر ابتسم بحب وقال : صح بدنتس يعيون شاعرتس
الكل صفق اول م خلصوا وقالت بشرى : ماشاءالله تبارك الرحمن بيان صورتي ؟
بيان ضحكت : ايييه معليتس ازهلي
صالحة اللي كانت تحترق قالت : عشت يالكاسر
كاسر لف لها وابتسم : عاشت ايامتس ي صالحة
صالحة ضحكت ولفت لجميلة اللي برضو كانت مبتسمة لها وهم ناويين يخربون بين وعد وكاسر
اما وعد همست لكاسر : خير ان شاءالله ؟
كاسر : لبيه ؟
وعد بحدة : م تكلم احد غيري فاهم ؟
كاسر ابتسم وقال : تبيني اسويها مره ثانية
وعد بنفس الحدة : م يهمني وصلك العلم صح ؟
كاسر لف بيطلع وسحب وعد معه وركبها سيارته وجلسها عند مكان السايق ونزل لها وقرب وقال : تعجبيني من الحين تمشيني ع كيفتس
وعد ابتسمت : طبعًا يحبيبي اذ...
قاطعها كاسر اللي باسها مره ثانية وبعد وقال : كملي ؟
وعد كانت مصدومة وقالت : احسن يحمار الروج حقي م يروح
قرب كاسر وكان ناويها للمره الثالثة بس بعدته وعد وقالت : كااااسسر حلا هو حلاا !
كاسر ابتسم ع جنب وقال : اييه حلا
وعد بعدته ومسكت شفايفه وصارت تحاول تمسح روجها وقالت : يويلي م يروح وش بتسوي ؟
كاسر حاوط خصرها : اخذتس معي لغرفتي واكمل عليتس لأنتس م تتفوتين الليلة
وعد بملل : اف فاضي ذا المهم تلطم طيب ؟
كاسر نزل بشته وعطاه وعد واخذ شماغه وتلطم وقال : يالله يروح كاسر بطلع انا للعيال
وعد بعدت وقالت : اترك بشتك معي طيب ؟
كاسر ابتسم : منعيوني يعيونيي
ركب كاسر وهو عيونه ع صالحة اللي كانت كاشفة ولابسة فستان ذهبي ع الباب وكانت تتمنى انه يلف لها وفعلاً لف لها كاسر من اول م اعطى وعد البشت وطلع وداخله تضارب افكار
اما وعد لبست البشت حق كاسر ولفت وشافت صالحة واقفة وشهقت في نفسها وقالت ( ياررب انه م شافها يااارب ) ورفعت صوتها : خيييير صالحة ادخلي لحد يشوفتس !
صالحة بغيض : محد شافني شفيتس
وعد علطول طلعت الدرج ركض واخذت شنطتها ودقت ع كاسر اللي رد علطول وقال : عيوني
وعد بخوف : كاسر تعال نسيت روجي بسيارتك
كاسر ابتسم : طيب بجيبه
كاسر لف اول م سكرت وعد وشافه ع المرتبة واخذه ودخل وهو يدعي انه م يشوف صالحة بس م حالفة الحظ وشافها هي وجميلة اللي كانت معطيته ظهرها وكان يناظر صالحة بحدة وقال : يولد طرييق
فزوا جميلة وصالحة ودخلوا علطول وطلعت وعد وهي خلاص تأكدت انهم مخططين عليه وقربت منه وقالت : ويين وصل الحلو ؟
كاسر كان يناظر وراها وقال : موجود يروحه
وعد باست خده قرييب من مبسمه بقوة وقالت : اه مقدر اوقف مسك مسسسك
كاسر شّدها مع خصرها وقال : ارحميني يالوعد
وعد كانت خطتها انها تنسيه وهو فعلاً نسى كل شيء بعد بوستها وقال : شفيتس ؟
وعد ضحكت وجددت روجها قدامه وقالت : ولا شيء يالله توكل
كاسر كان ميت عليها وقال : اعنبو الشهر ونص ذي متى بتمشي
وعد لفت وهي تضحك وقالت : لاتنسى تتلطم
كاسر ضحك وتلطم وطلع وقابل رعد قدامه
رعد : ورع وين رحت ؟
كاسر : وعد تبيني
رعد ابتسم : ماشاءالله الحين هي اللي تجيك ولا انت اللي تجيها ؟
كاسر ابتسم : سبحان الله م كان يركض رعد اذا سمع صوت هيام سبحاااان الله
رعد ضربه بخفه وقال : يخي ادري لاتصير خفيف نفسي
كاسر : اعنبو غييرك خلني والله اني راضي
رعد بحدة : اجل لحد يندم بعدين
كاسر بحذر : اسمع بس الحين انا يوم دخلت شفت صالحة والبنت بسم الله عليها يولد خاييف دخل قلبي شعور غريب !
رعد شهق : يووويييلللك تفكرر فييهااا
كاسر انصدم : شفييييك ليه ؟
رعد حكى له قصة صالحة وانها كانت تبي تفضح كاسر ايام خطوبة وعد من بدر وكان كاسر يفور وكرهها كره عظيييم وقال بحدة : وررااا تووك تقوول لي !
رعد : مو مهم اهم شيء خلك ع وعد وتكفى لاتلتفت لغيرها يزين الحب الحلال يخوي واذا جت ع وحدة لا تسوي غلطتي وتاخذ الثانية
كاسر ضحك : هد يالطيب م وصلت اصلاً ولا بوصل للمرحلة ذيك بس الشعور اللي حسيت فيه كذا مدري كيف
رعد ابتسم : انساااه وتذكر كل شيء سويته مع وعد من قبل تصير حلالك الى الحين
كاسر حضن رعد وقال : يالبيه يالرعد
رعد شّد عليه وقال : يعيون اخوك والله
بعد رعد وطلع لسيارته وبدأ كل شخص ياخذ اهله وطلعوا من القاعة وانتهت ليلة بمسمى سلمى و منصور
.............•••.............
فالفندق
منصور دخل اغراضها وقال : سلومتي سرييع سريع بدلي عشان العشاء
سلمى ردت بهدوء : ابشر
طلع منصور للصالة وتشمر وجهز نفسه بس وقف ينتظر سلمى ومسك جواله وبدأ يرد ع الكل
اما سلمى نزلت فستانها ولبست بجامتها بعد م مسحت مكياجها وحطت بلشر خفيف ومرطب ولبست اكسسوارات صنعت من الذهب وكانت نااااعمة ورقيقة وفكت شعرها ومشطته وكان الويفي واضح وشعرها الاسود يجذب تعطرت وحطت ع يدينها كريم وطلعت وشافت منصور ع جواله ويسجل فويس ومره يكلم ومره يرد رسالة وقالت : طف جوالك ماهو وقته
منصور ابتسم وطفى جواله وقال : انشهد بالله
سلمى بدت تأكل وهي م عندها اي مشاعر تجاه منصور اللي قال : سلومتي
سلمى ردت بهدوء : هلا
منصور تذكر كلام رعد وان سلمى م تعودت ع الحب ابدًا وقال : ابد سلامتتس
سلمى عطته نظرة مرعبة وقالت : يشيينك
منصور ضحك وقال : افا ليييه ؟
سلمى بملل : شرايك تاكل ؟
منصور : بسم الله
وبدأ ياكل وهو دقيقة عينه ع العشاء وعشر ع وجهه سلمى وقال : سبحان اللي سواتس
سلمى كانت ماسكة دموعها وقالت : خلاص منصور ابي اكل براحتي
منصور : م قلنا شيء يعيوني
سلمى استعجلت وخلصت وقالت : بغسل المواعين وبنام تبي شيء ناقصك شيء ؟
منصور ابتسم : ايه ناقصني حنانتس وحبتس متى بحصله ؟
سلمى توسعت عيونها وقالت : منصور عشان تكون بالصورة انا ماني يم الحب ابدًا ولا اعرف احب ولا ابي احب بس ربي كتبك من نصيبي وبضطر احبك بس يبي لي وقت طويييل عشان كذا لاتضغط علي
منصور فز وحضنها وقال : م بضغط عليتس بس لاتحرميني قربتس
شهقت سلمى ونزلت دموعها وقالت : تكفى ي منصور لاتضغط علي
منصور شّد عليها وقال : ليييه الدموع ي سلومتي ليييه
بدت سلمى تهدأ وحاوطته وقالت : مدري خايفة ومتوترة
منصور ابتسم وباس راسها وقال : معلييه تهون يعيوني
سلمى بعدت واخذت المواعين وغسلتها وخلصت ورجعت وشافت منصور منسدح شهقت وقالت بنفسها ( يويلي يبيني انام جنبه !! ) ودخلت الحمام وغسلت يدينها من جديد وتعطرت وحطت كريم من جديد وقالت بهمس : بتنام ؟
منصور مد يده وقال : تعالي بحضني
سلمى توسعت عيونها : منصصور !
منصور ابتسم : تعالي ي سلمى لازم تتعودين علي ولازم تشوفيني كزوج لك فهمتيني ؟
سلمى فكرت فيها وقالت : اي فهمتك
منصور بحدة : طيب تعالي شفيك وقفتي !
سلمى بزعل : ماش وين لهجتنا راحت كذا احسك غريب
منصور ابتسم : خلاص ابشري بتكلم بلهجتس بس تعالي تعبت وانا فاتح يدي لتس
سلمى قربت وانسدحت ع يده وحاوطها منصور وباس راسها وقال : تصبحين ع خيير
سلمى بهدوء : وانت من اهل الخيير
وناموا عرساننا وكانت الليلة حلوة بالنسبة لسلمى عكس منصور اللي كان ناويها من اول ليلة بس انصدم من سلمى وخوفها الواضح منه واضطر يجاريها حتى تتعود عليه ..
...........•••...........
في بيت ابو محمد
فارس : حنين بتنامين ؟
حنين كانت باقي بعبايتها وقالت : اي والله بس اصبر انزل كل شيء
فارس شهق وهو توه يستوعب انه م شافها وقال : وريينني كشختتس
حنين ضحكت : يوه اخاف شكلي انحاس
فارس تكتف : وريني مالي شغل
حنين نزلت عبايتها وكانت تجدد شكلها ولفت له وقالت : شرايييك
فارس ابتسم وقرب وباس راسها وقال : ملااااك قمررر تهبليييين
حنين ابتسمت وحاوطته وقالت : يالبييييه يالفارس
فارس بشك : احس شفت وحده نفس فستانتس
حنين شهقت وقالت : شففتتت لييين !!!
فارس فز : وجعع والصوتت العاااللي لا لا م شفتها كانت بعبايتهاا بس شفت اطرافه وهي تركب مع كاسر
حنين ضحكت وقالت : يويلي خفت والله المهم ايه انا وهي نفس الشكل تقريبًا وبعدين وش وجع !
فارس بحدة : عشان ثااني مره م ترفعين صوتتس !
حنين بحدة : استغفر الان !
فارس حضنها وقال : استغفر الله اسف
حنين ضحكت : غصب يحبيبي
فارس باس خدها وقال : وعاد لي حيلة بعد حبيبي ؟
حنين ابتسمت وقالت : يحلوها من منطوقك وبس
قرب فارس من حنين وحاطوها وضاعت حنين بين يدينه وو🌚....
.............••............
في بيت محمد
محمد بتعب : بشرى تكفين طمنيني وقولي انتس م رقصتي كثير ؟
بشرى ضحكت : والله رقصت بس م شديتها نفس اختك
ضحك محمد : والله وش نسوي عاد فيها
بشرى مسكت بطنها اللي بدأ يكبر وينتفخ وقالت : دخلت امس الشهر السادس
ابتسم محمد وقرب وباس راسها وقال : الله يتمم ع خيير ونشوفها بين يدينا وكانت بشرى حامل ببنت
بشرى بحب : امين يعيوني انت
محمد انسدح بتعب وانسدحت بشرى جنبه وناموا بهدوء وكل واحد فيهم يحلم ببنتهم وايش بيكون اسمها ومين بتأخذ من ملامحه ابوها ولا امها
.........••.........
في بيت رعد نزلوا هيام ورعد اللي كان حاط بشته ع كتفه وقال : اخييرًا انتهى اليوم
هيام سكتت وهي تدعي م يتذكر الغلطين اللي حتى هي م تدري وش هي بس قاطعها رعد وقال : ايه الغلطين عرفيتهم ولا وش ؟
فزت هيام ونزلت كعبها وشلته وحطته فالأدراج وسكرتها وركضت للغرفة وكانت بتسكر الباب بس قاطعتها رجل رعد وهو يقول بحدة : اففتححيي احسسن لتتس !
هيام انهبلت من انفصام رعد وقالت : طيب بفتح بس بنتفاهم بهدوء
رعد بعصبية : يالله طيب
هيام بعد من الباب وفتحه رعد بقوة وسكره وراه وقرب من هيام اللي لفت وتجاهلته ونزلت عبايتها وشنطتها وعلقتهم ورجعت تبي تروح للدولاب بس سحبها رعد وقال : وش الغلطين تكلمي !
هيام بملل : يالرعد والله مدري انت اذا تعرفها تكلم
رعد ابتسم بخبث : طيب اولاً الزغاريط حقتتس وعااش الرعد ومدري وشو قدام الرجال كلهم
هيام ضربت راسها بخفه وقالت : طيب م تحملت شكلك كان يفتن !
رعد قرب وجلست هيام ع السرير ونزل لها وقال : الغلط الثاني وش عندتس تمدحين اخوي قدامي ؟
هيام ضحكت : معليش رعد شفيك مكبر السالفة وانا من الليل اتحاسب مع نفسي واصفي حساباتي واتذكر وش سويت فالأخير ذي تكفى وش تبيني اسوي فيك !
رعد ابتسم وقال : عطيني حبتس كله غرقيني في بحورتس والله م استنجد بأحد وان اغرق واهيم فيتس
هيام انصدمت وقالت : الحين فهمتك يعني انت تعصب بس عشان تخوفني ولا انت مروق ماشاءالله !
رعد بحدة : لااا مانيي مروقق معصبب ودمي يفورر علييتس !
هيام شهقت وقالت : يمهه شفيييك تصااارخ !
رعد ضحك : شفتي الحين فهمتي ؟
هيام ناظرت فيه بطرف عين : يع م يضحك !
رعد ابتسم وباس راسها وقال : قومي بدلي وتعالي نامي
هيام قامت وهي تقول بنفسها ( يويلي يفتتنن حتى وهو معصب يالله يارب انك تثبت قلبي )
رعد نزل ثوبه ودخل اخذ شور سريع وطلع ولبس شورته وانسدح وكان يقاوم النوم عشان هيام اللي خلصت وجاته علطول وانسدحت جنبه وهمس لها وقال بصوته الثقيل : هيامي بطنتس للحين م انتفخ لايكون تمقلبيني
هيام زفرت بملل : تستهبل انت وبعدين فاضي تطالع بطني ؟
رعد ضحك وقال : كم شهرتس الحين ؟
هيام : الثاني
رعد حضنها وقال بحب : يووه يعرب امووت انا علييها وعلى اللي ببطنها امووت
هيام ضحكت وقالت : بسم الله علييك محد يموت قبل يومه ولعاد تقول كذا يالرعد
رعد باس راسها وحاوطها ونام ولحقته هيام بعد مدة قصيرة
.............•••............
الكل فالصباح كان مستنفر لغداء سلمى ومنصور وكانت من عوايد اهل قاضي والكل يركض رايح وجاي
كاسر ابتسم اول م شاف سيارة حمد تعلن وصول الوعد وقال بصوته الثقييل : ارحببووااا
حمد نزل : ابقه يالله
كاسر تقدم وسلم ع عمته وبعده حمد وسامي وقال : بنات شحالكم ؟
شوق ابتسمت : حمدلله بخير
وعد : طيبين نحمد الله
شوق همست لوعد وقالت : الواضح انه يبي يسألتس بس م قدر عشام امي واخواني
ضحكت وعد وقالت : طيب ادري
شوق : طيب يحيوانه روحي له حرام عليتس
وعد ابتسمت وتقدمت لكاسر وباست كتفه وقالت : شخبار الحلو ؟
كاسر ابتسم وحاوط خصرها وقال : تووه صار بخييير يعيونه
وعد كانت تطالع بعيونه وقالت : يالله انا بدخل
كاسر : ابي اشوفتس ابي اشوف كشختس
وعد : عادي ادخل بعدين وبوريك
كاسر هز راسه بنعم وفز اول م شاف سيارة رعد وقال : ارححبب يالرعد
الكل طلع من المجلس والكل رحب برعد اللي كان له مكانه خاااصة في قلب كل رجال
رعد نزل وهو مبتسم : الله يبقيهم يارب
وهمس لهيام : ادخلي بسرعة
هيام : طيب شفيك !
رعد مد ذراعه ومسكتها هيام ودخلها وقال : يالله يحلو انتبه لنفسك
هيام لفت وهي تضحك : وشذا الكلام الجديد والمعسول ؟
رعد ابتسم : احبتس يحيوانه
هيام : اكثر ولعاد تسب !
طلع رعد وتووه يبي يسلم ع جده وسمعوا اصوات بوري سيارة منصور والموكب اللي مسويه مع اهله وطلع رعد رشاشه هو وفارس وكاسر ومحمد ووقفوا جنب بعض واطلقوا واعتلت اصواتهم مع بعض وهو يقولون : ارححببوواا يرجاااالل
كان ابو محمد وعياله مفتخرييين بعيالهم وقال ابو محمد : ارحببوواا اي والله ارحبوا
نزل ابو منصور وقال : سلمهمم
ونزل منصور وهو ماسك سلمى بيدها ونزلها ووصلها للمدخل مع ليلى وثابت وامه وقال : يمه لا اوصيتس ع سلمى
ام منصور ضحكت : والله ياللهجة انها لاقت علييك
منصور ضحك ولف للرجال وسحب سلاحه ورمى فالسماء وقال : يالله انك تبقيي عيال قاضي
فزوا الرجال ع صوته وعلى عزوته فيهم وصرخوا بصوت واحد : احتتزززم
ضحك منصور واقبل ع ابو محمد وسلم عليه ومن بعدها عمان وخوال رعد وبعدها العيال وجلسوا وبدت السواليف والقهاوي تروح وتجي
كاسر فز اول م خلصت اول دلة واتجهة للمطبخ ودق باب البيت : يوولدد شوفوا لي طرييق
لين فتحت : ادخل بسرعة
كاسر ابتسم : وشذا الزييين ي ليين ؟
لين دفته : اخلص ابي اسكر الباب
دخل كاسر ركض ولفت لين تبي تسكر الباب بس انصدمت بذيب اللي كان واقف ورا كاسر وكان مصدوم ويحلف بالله ان معاد معه من العقل شيء بعد م شاف لين وعرف انها لين من كاسر وفزت وسكرت الباب بقوة وهي ترجف وتقول ( يويلي ويلااااه ذيب شافني ذيييب !! )
اما ذيب طلع يساعد كاسر بحكم انهم اصغر المجلس من الرجال غير سامي اللي كان وراهم بعد وقرب بيدخل بس شاف زول بنت وكانت لابسة ابيض وتجذب الواحد ولف براسه وشاف لين وضااااع فيها وكان يتأمل كل انش فيها من ساسها لراسها وقال بنفسه ( اعنبوتس انتي لييين ! حرام اني لها خلقت ! )
كاسر دخل للمطبخ وقال : القهوة يمه
ام رعد قامت وحنين وهيام معها وصبوا القهوة فالدلال وقال كاسر : بنات وين وعد ؟
هيام ابتسمت : وش تبي فيها ؟
كاسر : ابي اسلم عليها
حنين : داخل هي اتوقع مع لين
كاسر : طيب اذا جهزت الدلال نادوني
هزوا روؤسهم هيام وحنين وطلع كاسر وشاف لين وقال : لين
لين م ردت وللحين تتذكر نظرة ذيب فيها
كاسر : ليين
لين م ردت ابدًا وم هي معه اصلاً
كاسر بحدة : ليييين ووجع !!
لين لفت بقوة : لبييه يكاسر
كاسر : لبييتي حاجه وين وعد ؟
لين لفت ونادت وعد اللي جات تمشي بشموخ وكعبها يدوي بأذن كاسر وقالت : هلا ؟
لين : كاسر يبيتس
وعد لفت لكاسر وقالت : يعيوني
كاسر ابتسم وتكى ع الجدار وقال : اقربي انتي
وعد قربت منه وقالت : امرني
كاسر قرب واتجهة لمبسمها وفز ع صوت امه : يككاااسسرر رعدد يناديييك
كاسر مسح وجهه وشنبه وقال : رععد ؟؟
وفز ودخل المطبخ واخذ الدلال وطلع ركض وفتحت وعد له الباب وقالت : مسكين م امداك تنبسط واليوم اخر يوم تشوفني فيه 
كاسر ناظرها وقال بحدة : اوريتس انتظري بس
وعد سكرت الباب بعد وقالت : لين شفيتس ؟
لين ناظرتها بسرعة وقالت : ولا شيء
وعد شكت : تعالي بس
جلست مع لين وعلطول همست بحدة : ذييب شافننيي !
وعد شهقت : كذاااابة !!
لين كانت ترجف : والله والله !
وعد : طيب خلاااص لاتوضحين لبيان ولا لبشرى ولا لأحد من خواته !
لين : اكييييد
وعد قامت وقالت : يويلليي صدق
لين برعب : وشفييتس !
وعد : مدري يارب م يقول لكاسر
لين صرخت : تكفيييينن لااااا بيقول كاسر لرعد وبمووت
وعد : اص مستحيييل يقوله بس انتي بتفضحين نفستس !
لين سكتت ومسكت يد وعد ودخلوا للمجلس بهدوء
وكاسر طلع ركض وقال : لبيه يالرعد
رعد بحدة : وين غطست انت !
كاسر ابتسم : موجود والله بس هيام وحنين م جهزوها بسرعة
رعد ابتسم داخليًا من طاري هيامه بس قال : اخلص ساعدني بنصب
كاسر : احتزم
دخلوا الاثنين بدأ كاسر من اليمين ورعد كان بيبدأ من اليسار بس فز ذيب وحلف وقال بصوته الثقيل : اعقب وانا اخوي زايد والله م تصب يالرعد
رعد لف له بقوة وقال : لييه تحلف علي ؟؟
ذيب قابل رعد واخذ الدلة منه وجلس رعد وكمل ذيب بداله وتقابل مع كاسر وقال : تكفى يالكاسر الحقني
كاسر مر من جنبه وقال : احتزم
اتجهوا للطاولة ونزلوا الدلات وطلعوا مع بعض
كاسر : انطق !
ذيب : والله م كنت اقصد بس لحقت ابي اساعدك فالدلال وشفت لين يالكاسر
كاسر فز بقوة ومسك ياقته وقال بحدة : وعممى يططس عيونننكك !!!
ذيب ابتسم : اذا ذي ردة فعلك اجل خالي ولا رعد وش بيقولون
ضحك كاسر وقال : امزح معك يكلب وابد ان كان بتتقدم فـ والله ان تبشر بها
ذيب زفر براحة وقال : لا لا مو الحيين
كاسر ضحك : الله يلوم اللي يلومك اهلكنا اهلنا بالزواجات من زواج رعد ومحد قادر يوقف !
طاح ذيب من الضحك وقال : ورب المصحف انك صادق مرره داعسييين
كاسر ضحك بقوة : يوللدد والله يلوم اللي يلومنا !
ذيب : ايييييه
فارس طلع : خيير انت وياه !
كاسر وذيب لفوا بقوة وقال كاسر : بسم الله خرشتنا !
ذيب مسك قلبه : الله يخرشك احسبك رعد
رعد طلع من وراء فارس : طيب رعد موجود
فز ذيب وقال : اللي سمعته كله كذب
رعد ابتسم : وشو بالضبط ؟
كاسر دق ذيب وقال : م سمع يحيوان اصه
ذيب ابتسم بألم : شدعوة ولا شيء
رعد مسك ذراع فارس وطلع معه واتجهوا للسيارات وقال لفارس : فارس
فارس : لبيه
رعد ابتسم : لبيت حاج اسمعني معي رشاش جديد وابي اهديه لمنصور بس كيف اخاف يردني وانا تعبت وانا ارمي شماغي يعني تحس شوي كرامة
ضحك فارس وقال : احلف عليهم وحتى انا معي بشت له وعود ازرق
رعد : يالله امش
اخذوا هداياهم واستوقفهم صوت ضاري : عيااال اصبروت حتى انا جبت له سيف
رعد : يالله عجل
طار ضاري لسيارته واخذ السيف ودخلوا الثلاث مع بعض ومحمد وراهم بهديته وكانت اطياب وعود وبخور وقال رعد : هذي هدايا مني ومن عيال عمي ووالله م ترجع لنا وانت تستاهل ي منصور
فزوا اخوان ابو منصور وابوه ومنصور وقالوا : م تقصروون
قدموا الهدايا وجلسوا بعد م حلفوا ع منصور م ترجع لهم وابتسم وقال : م تقصرون والله ونرجعها لكم فالأفراح
...........••..........
عند الثلاثي
سلمى بضيق : وربي يجنن مقدر اسحب عليه ولا اقدر احبه
هيام بعصبية : وخير ان شاءالله ؟
حنين : صدق وشفيتس انتي ؟
سلمى بحدة : بنات انا من اول م عرفت نفسي وانا م احب ولا اعرف احب عشان كذا يبي لي وقت
هيام : معلينا اهم شيء لا تمنعنيه
حنين شهقت : سلمى شووففيي من يتكلممم تتكلم وهي منعت رعد ٦ شهوور !!!
سلمى بعصبية : صدقق لتس وجهه تنصحين !!
هيام : خيييرر قلبتوا علي خلاص بكيفتس اسفه والله
وقامت هيام وفزوا حنين وسلمى
حنين : والله م تروحين تعالللي
هيام ضحكت : م زعلت يبقرة بروح الحمام
سلمى : اوووححح
حنين ضربت راس هيام بقوة وقالت : احترمي السنين اللي بيننا ع الاقل
سلمى : منجد احترمي يالبزر
هيام لفت لهم وتخصرت : خفي علينا يالعجوز انتي وياها ترا كلها سنة والثانية سنتين وبعدين البزر ذي بتصير ام قبلكم !
حنين ضحكت : الله يتمم م قلنا شيء ياهيام الرعد
سلمى انفجرت ضحك : شفيتس شديتها هاه يهيام الرعد
هيام ابتسمت : يالبى الرعد يعرب
طلعت للحمام ودخلوا البنات المجلس وبدت التباريك والفلوس والهدايا تتطيح ع سلمى اللي ترد ع ذي وتحلف ع ذيك م تاخذ منها ريال
ام منصور بفرح : ماشاءالله واضح اننا اخذنا عروسة البيت
ام ضاري ضحكت : اي والله ي منى انكم خذيتوا نور بيتي الله يخليها لي ولكم يارب
ام منصور ابتسمت بحب : امييين بسم الله عليها ماشاءالله
سلمى ابتسمت وقامت مع حنين وهيام
هيام : اخس والله وتمدحتس امه
سلمى : غصب عنها يحبيبي
حنين كتمتها وقالت : حنا بنعرف انتس تمزحين بس غيرنا !
سلمى ضحكت : صادقة والله
هيام : اعقلي صدق
قاطع سوالفهم صوت رعد اللي دوى بأرجاء البيت : يوولددد طررييقق
هيام فزت وقالت : اخ اشتقت له
حنين : روحي روحي تكفين ارحمينا منه
هيام تقدمت وراحت له وقالت : لبيه يالرعد
رعد ابتسم : ارحبي ياهيامه
هيام ابتسمت : سلمه يالله
رعد : ابد جيت اشوفتس
هيام توسعت عيونها : منجد ؟
رعد ناظرها وقال : ااوووووه اي والله منجد
هيام : والصباح طيب شفتني ؟
رعد : ايه بس كنت مشغول تعالي هاتي بوسة
قربت هيام وسلمت عليه خدادي وباست كتفه وقالت : عيوني بغيت شيء ثاني ؟
رعد لف بيطلع : سلامة روحتس
طلعت رعد وسكرت هيام الباب ورجعت للمجلس وشافت البنات يرقصون وقالت : وععد قومي معي
وعد فزت ع دخولية هيام اللي الكل لف لها وهي تتمايل ورجعوا لفوا لوعد اللي كان رقصها يميزه دقة رجلها بالارض وصوت خلخالها وبدأو يصفقون كلهم يزغرطون وارتفع الصوت اول م دخلت ليلى مع سلمى وبدأو يرقصون مع بعض ووعد وهيام جلسوا وقالت وعد : يزينهم صدق
هيام ابتسمت : اي والله وبعدين يزيننا انت وانتي بعد خذينا اخوان ونرقص مع بعض اففف جووي الاكشن
وعد ضحكت ومسكت يد هيام وقالت : اجل خلينا نكمل سلمى وليلى جلسوا
قامت هيام مع وعد ومدت يدها وقامت لين وحنين ولحقتهم شوق اللي صارت ترقص بالنص والبنات يدورون حولها وقالت وعد : عااااشت شوقتي
شوق ضحكت ورجعت فالصف ودخلت لين وبدأت ترقص بالنص والكل يصفق وقالوا وعد وهيام : عااااشت اخت رعد وكاسر
لين ابتسمت : عشتوا لهم
ضحكت وعد ودخلت فالنص وكانت تجذب صدق وصارت تلعب بيدينها وهي ترقص ودخلت هيام معها وغطت عليها وكانت هيام تهبل والكل صاروا يزغرطون ويناظرون فيها وزاد الصوت اول م قامت بشرى وسلمى والعنود وبيان يرقصون البنات تلقائيًا صفوا وقابلوهم وصاروا يصفقون والاخوات اخذوا الجو والكل يناظرهم وبعد ساعة الكل جلس والكل كانوا يتكلمون عند هيام وكيف شكلها وفعلاً مهما حاول احد يجذب الناس كانت هيام محتواهم ومستحيل م يسولفون عنها اما هيام خلصت وجلست بصدر المجلس جنب ام رعد وام محمد وكانت تشّد الواحد لها والكل يناظرها بأعجاب والبعض بحسد
:::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( وعد الكاسر اخذوا عقلي صدق 🫣🔥 ، شرايكم بالبارت عطوني رايكم ع كل تفصيله ولا بقطع يومين ثانية 🫡🤣 )