يهزمني الحُب وانا جاهل بدرب المُحبين

البارت السادس والثلاثين

طلعوا من الحمامات واتجهوا للقاعة وجلسوا ينتظرون سلمى اللي كانت ع انها المتوسطة بين هيام وحنين الا انها القائدة وم يسوون شيء بدونها
..........••..........
في بيت ابو منصور
وصلوا اخوان سلمى ومحمد ونزلوا من السيارة بسرعة وشافوها واقفة ع الباب وركضت وحضنها ذيب وهو يرجف من العصبية وقال : وووش فيتتتس انطقييي
سلمى بحدة : م فيني شيء بس م برجع للبيت ذا لو تموتوني
ذيب بحدة : اعنبوتس والله م ترجعيين امشي
ضاري بعصبية : منصصوورر
منصور طلع وهو يتبخر وقال : سم
محمد بحدة : نعطيك بنتنا امانه واخرتها تضربها
ذيب فز : ضررببهااا ؟؟!!
وكان ذيب اكثر اخو لسلمى دمه حامي ويعصب اذا احد غلط ع اهله وقال : فكوونيي عليييهه
ضاري : تكلمم ي منصور بنسمع تبريرك
منصور كان هادي وقال : ضربت امي
اخوانها ومحمد لفوا لها بقوة وقالت : تععقبب والله م مدييت يدي علييها وارجع للكاميرات اللي حاطينها بقصركم ع الفاضي
منصور ابتسم وهو كان عاشق ومجنون بسلمى وقال : من عيوني عيال اقلطوا والعنوا الشيطان اللي راكبكم
قلطوا العيال واتجهة منصور للكاميرات وشاف كل شيء وتأكد ان سلمى م مدت يدها حتى وقال بنفسه وهو يحترق ( لييه يمه لييه تبين تخربين بيتي وتبعديني عن بنت صرت اشوفها كل شيء بحياتي لييه حركات الصغار ذي !! ) وطلع وهو يتراعد من العصبية وقامت سلمى وقالت : هااه يروح امك حصلت شيء ؟
منصور : لا والله يروحي م حصلت شيء وامي غلطانة بحقتس ووالله اني اسف وامسحيها بوجهي
ذيب فز : اي مسح وجهه انا اللي بمسح وجهك فالبلاط تمد يدك علييها وهي م غلطت !
منصور بحدة : اولاً تخسى وتعقب تمسح بوجهي ثانيًا امك تجيك وهي تبكي من بتصدق !!
ضاري قام وهو كان العاقل بحكم انه البكر وقال : خلاص حصل خير بس الامر بيدين سلمى والله
سلمى : م بررججع طبعًا
منصور كان شّاد ع يدينه ويحلف ان عروقه شوي وتتفجر وقال : عيال ولا تهونوون عادي اكلمها ؟
الكل طلعوا وذيب يقاوم تحت سحب ضاري له
ضاري بحدة : ذيب اهجد لاتخرب بيت اختك !
ذيب هجد وقال : طيب
محمد ضحك : والله وطلعت فزعة يالذيب
ذيب ناظره بسخرية : وش قصدك ؟
ضحكوا العيال عليه وسكتت ذيب وكانوا ينتظرون سلمى
منصور قرب وقال : تخليني ي سلمى ببداية مشوارنا ؟
سلمى تخصرت : احلف ؟ وضربتك لي وين اصرفها
منصور باس راسها وخدها وقال : جعلني الكسر وبعدين م قصرتي انتي بعد وعطيتيني كف وانا لي ٢٦ سنة م انضربت
سلمى كانت عيونها حادة وتجذب وقالت : وشدخلني بكم سنة ومدري وش تخربط وايه ترا والله م اسكت لك وان اضربك في كل مره تفكر تضربني ماني قصيرة يد
منصور ابتسم : محد قصير يد بس اقصري الشر
سلمى : طيب خلاص بس م بنام فالبيت ذا والليلة يجيني بيتي
منصور اشر ع خشمه وقال : ابشري به
سلمى رفعت رجولها وباست خشم منصور احترام له وقالت : تبشر بالجنة ي منصور
منصور ارتخى وقال : يحبي لتس والله اني احبتس وانتس خذييتيني ي سلمى ومعاد ابي احد حولي غيرتس صرت اشوفتس نفسي واهلي وكل ناسي
سلمى ابتسمت وقالت : م تقصر وجعلني م اخلى منك
منصور حاوطها وقال : طاح الحطب
سلمى : جعله يطيح ع يدك عشان معاد ترفعها علي بس ايه طاح
انفجر منصور ضحك وحضنها وقال : اححبببتتس
سلمى بحب حاوطته : اكثرر واحب لهجتنا من مبسمك
منصور : شرايتس بس
سلمى : تهببل
بعد منصور وقال : مشينا ؟
سلمى شابكت يده وقالت : توكلنا ع الله
طلع منصور وقال : ياهل البيت يالله
طلعوا ثابت وليلى مع بعض وقالت ليلى : واااه يحلوكم
سلمى : يزينتس ليتتس تدرين وش اللي صار
ضحكت منصور وقال بهمس : اص لاتفضحينا
ثابت : منصور ابي البقالة
منصور : بنروح لحفلة شرايك ؟
ثابت بفرح : وسلومتك بتجي معنا ؟
سلمى تخصرت وهي تضحك وقالت : ماشاءالله صرت سلومته
منصور لف يده ورا خصرها وسحبها له وقال : ايه سلومتي في خاطرتس شيء ولا ماهو عاجبتس ؟
سلمى : ابد والله موافقين اكون سلومتك
منصور حط خشمه ع خشمها وقال : سلومتي ؟
سلمى بتخدر : يحبيبها
منصور : ابي مبسمتس الان
سلمى بعدت وقالت : خطأ فيه اطفال هنا
منصور ضحك ومسك يد ثابت وكان كأنه ولده وقالت ليلى : منصور امي م بتجي ترا
منصور لف لها : افا ليه ؟
ليلى : مدري والله
سلمى بنفسها ( حمدلله فكككه )
منصور : يالله خير ان شاءالله امشي
ليلى مسكت يد سلمى وقالت بهمس : انتي اكثر وحدة مستانسة ان امي م بتجي
سلمى : كيف قريتي افكاري ؟
ليلى ضربتها بخفه : سلمى يحيوانه
ضحكوا الثنتين وطلعوا
................••..............
فالأستراحة طلع كاسر ودخل المجلس وم شاف احد فيه وراح لزايد
كاسر : ولد وين العيال ؟
زايد : راحوا يجيبون سلمى
كاسر احتدت نظرته : سلامات عسى م شر ؟
زايد ابتسم : لا لا وبعدين وشفيك متلطم ولا شكلك لحقت رعد ذاك اليوم
انفجر كاسر يضحك وقال : م تدري يمكن
وطلع ركض اول م سمع صوت رعد
كاسر ابتسم : رعد جيتوا
رعد وفارس لفوا وقال رعد : ابشرك
كاسر مشى متجهة لهم واستوقفته صوت طلق النار اللي عند الحريم وعلطول استنفروا الرجال لقسم الحريم
" قسم الحريم "
حنين : وعد وين رحتي قبل شوي ؟
وعد ابتسمت : عند اخوتس
حنين ضحكت : يحلوكم صدق الله يتمم يارب
وعد بحب : اميين
هيام : والله يتمم لحلوتنا بشرى ونشوف اميرتنا بين يدينا
بشرى لفت وهي مبتسمه : بعدهم كلهم والله ي هيام ووياتس يعيوني
ماهي الا ثواني ودخلوا شخصين كاسيهم اللون الاسود وطلعوا اسلحتهم وتوجهت ع وعد وهيام وقال بصوت هز القاعة : اممششييي برررااا
وعد كانت مصدومة ووقفت بهدوء وطلعت معهم تحت صرخات ام شوق وام هيام وطلعت هيام مع وعد
الخاطف : اجلسسي انتي وياها
جلست وعد وبعدها هيام ووجه الاسلحة ع رؤوسهم وقال : من زوجة رعد ؟
وعد لفت بعيونها لهيام وقالت هيام بكل قوة : انا
الخاطف : الحين ؟
الخاطف٢ : لا اصبر
الخاطف : تستهبل انت وش اللي اصبر
الخاطف٢ بكل برود رفع سلاحه واطلق ع خويه وقال بحدة : ناس تافهة
صرخوا وعد وهيام بعد الطلقة وقال بصراخ : انططممووا
رعد جاء وضرب الباب برجله ودخل اول م انفتح وراح يركض والتفت الخاطف ورفع سلاحه واول م ضغطت ع الزناد نطت هيام ودفته وطاح وتشوش مسار الطلقة تحت صراخ الحريم ووعد
هيام فزت ركض لرعد اللي فتح يدينه لها وحضنته وقالت : انت بخييير ؟
رعد ابتسم وهو يفور عصبية وقال : ايه
وبعدها قال : كااااسسر تعااال غط وعد
كاسر دخل يركض وشافه الخاطف يركض ورفع سلاحه واطلق وطار كاسر مرمي ع الارض ومليااان دم وصرخت وعد بقوة وقالت : كااااااسسسسررر
رعد لف بقوة له وطلع سلاحه ورماه ورمى خويه وفز ركض لكاسر اللي ونزل شماغه ولف وعد فيه وقال : ي وعد الكاسر وخري خليني اشوف اخوي
وعد كانت تبكي بحرقة وقالت : تكفى يالرعد خلني عنده تكفى
هيام فزت وهي ترجف برعب وشلت وعد والكل تجمع وصرخ رعد : خللوونني معه ابععددوواا !!
كاسر بألم وصوت متقطع : رعد تكفى طمن وعد اني بخير تكفى لا تبكي وعد علي
رعد وقف وسحب كاسر اللي انصاب بكتفه الايمن وقال : تبشر بالجنة يالكاسر بس تقدر تمشي ؟
كاسر هز راسه بنعم وقال : بروح لوعد انتظرني
رعد ترك كاسر اللي كان يمشي بهدوء وقال : يالوعد
وعد سمعته وطلعت ركض واستوقفها صوته وهو يقول : وقفي لاتطلعيين ع الرجال بجيتس انا
وقفت وعد وهي منهارة ع الباب ووصل قدامها كاسر وحضنها بيده اليسار وقال : ليييه يوعد الدموع لييه تكسريني بصوتتس الباكي
وعد دخلت يدينها ورا ظهره وشّدت عليه وقالت : تكفى يالكاسر شكلك قدامي كسرني وانت مليان دم وللحين شكلك كاسرني اااه يالكاسر كنت بخسسررك لو صوب قلبك ااااه يالكاسر تكفى لاتخليننيي
كاسر ابتسم بألم : اعنبوتس والله م اخليتس خليني اطلع الحين اكيد الشرطة وصلت وشوي واجيتس
وعد وخرت وغطت راسه وراسها بشماغ رعد وباست مبسمه وقالت بتخدر : لاتبطي ع وعدك يالكاسر
كاسر ابتسم بحب وقال : ابشري والله
بعدت عنه وطلع كاسر لرعد اللي كان ينتظره ومسكه ووصله للأسعاف وعلطول نقلوه للمستشفى وانتهت ليلة جيهان وزايد ومشوا للفندق بدون اي احتفال ولا كأنه زواج ابدًا ..
..............••.............
في هيئة الضباط
دخل عادل مع كم شخص وصاروا يتظاهرون ع رعد وانه تستر ع قضية وسوالف كثييير
صالح رفع سلاحه عليهم وقال : بسس خلاااص انت وياااه اطلعوا بررا
عادل بحدة : والله م نطلع الا اذا طلعتوا رعد لنا !
صالح : رعد ماهو موجود اصلاً
عادل : اجل مكتبه موجود طلعوا قضية سعيد بن ظافر ال ******
صالح بحدة نادى الحراس وطلعوهم وقال : وش مسوي العميد رعد الله يستر بس
ودخل قسم مكتب رعد وكان مكتبه مسكر وسأل سكرتيرته : معس مفتاح ؟
غدي : لا والله
صالح هز راسه بنعم وطلع ودق ع رعد
رعد بتوتر : اخلص ي صالح وشعندك ؟
صالح : اف اف شكلك صدق مسوي مصيبة
رعد قطب : انططق وشفييك
صالح : مدري فيه ناس كثير برا مسويين مظاهرة وانك متستر ع قضية سعيد بن ظافر ال ********
ارتعد رعد وتذكر قضية هيامه وقال : هاه ؟ دقايق وانا عندك
صالح تفهم وسكر رعد وانطلق لمنصور وقال : تكفى يبو عبدالرحمن
فز منصور وقال بحدة : احتزززمم
رعد بحدة : انااا فيي وجههكك
منصور بعصبية وهو شاش راسه بعد عزوة رعد فيه وقال : وقسسم بالله انك في وجهي وشنبي
رعد : اشهد بالله انك رجال
منصور : تكلم وشفييك ؟
رعد مسك يده وطلعه برا وقال : امش بنروح للعمل
منصور قطب : ايش ؟
رعد مشى قدامه وقال : بفهمك
ركبوا في سيارة رعد وانطلقوا وفي الطريق قال رعد كل شيء لمنصور تحت صدمته وقال : الله يهديك يالرعد حتى لو انه غلطان سعيد ذا مفروض م تسترت ع القضية الحين وش يفكك منهم
رعد ابتسم : انت اللي بتفكني م تقول اني في وجهك
منصور : الا والله اني وراك اضرب الارض ولا تسمي يالرعد والله م يقربون لك
رعد شّد ع ذراع منصور وقال : م تقصر يبو عبدالرحمن
مشوا ووصلوا لمكان عملهم ونزل رعد وطلع سلاحه من حزامه هو ومنصور ومشوا بهيبة للبوابة وقال رعد : وييين اللي يتظاهرون ؟
لف عادل وهو مبتسم وقال : وشرفت يالرعد
رعد توسعت عيونه وقال : عااادل !
عادل : لبيه
رعد كان مصدوم وقال : وش عندك !
عادل : طلع قضية سعيد الان
رعد دخل المبنى وعادل وراه وشاف كل شخص اعلى منه رتبة واقفين ع بابه وكاسرينه وقال بحدة : عسى م شر !!
لف له هادي وقال : اسستععدد
رعد م دق له تحية وقال بحدة : ماهو وقت عملي عشان ادق لك تحية انا في وقا ادق وجهك فييه !
هادي كان عارف ان الحق مع رعد وقال : طيب يالرعد
رعد دخل مكتبه وحصل عسكرين يفتشون وقال بصوت هز المبنى : بررااا انتت ويياااه
طلعوا العساكر وصفوا ودخل وفتح الدرج وشاف القضية اللي حطها قبل فترة وقال : يارب اني استودعتك هيامي
ورفع الملف وقال بحدة وبوجه جدي : من اللي حطها هنا وش العاب البزران ذي !!
هادي : يعني ماهو انت ؟
رعد بحدة : لا طبعًا ارجع للكاميرات لو تبي !
هادي ارسل عسكري يشوف الكاميرات واخذ عشر دقايق ورجع يركض وقال : لا حضرة اللواء هادي م فيه شيء
هادي لف لرعد وقال : خلاص يالرعد تقدر تغادر وبنشوف القضية
رعد مد الملف ويحس انه مد لهم روحه وقال : طيب
وطلع علطول من منصور وقال : رعد متأكد انك تبي فزعتي ؟
رعد ابتسم : ايه مو الحين بعدين
منصور : طيب ترا هادي حاقد عليك عشان كذا انتبه منه
رعد : حيل الله اقوى انا من اول م سلمت له القضية وانا عارف اني بشوف هيامي في غرفة ويستجوبونها
منصور : بعيييد الشر
طلعوا للأستراحة عشان ياخذون اهلهم
..........••.........
فالمستشفى شاف احد العساكر كاسر وفز له وقال : كااسر محمد ؟؟
كاسر لف له : ايه نعم
العسكري : اول شيء خارج من الشر ثاني شيء اطلع بسرعة تراك مطلوب
كاسر احتدت نظرته : ايش ؟؟
العسكري : والله العظيم فيه سجين اسمه سعيد دخل المستشفى امس من ضرباتك له
كاسر ضحك : يستهبل ذا ضربته قبل شهرين مدري ثلاث
العسكري ابتسم : انت اخو العميد رعد صح ؟
كاسر هز راسه بنعم
العسكري : ماشاءالله تتشابهون حتى نفس البرود لو انا مكانك بدفن نفسي
كاسر ابتسم : اسللم صدق
قاطعهم عسكري جاي ركض وقال : انت كاسر !
كاسر احتد صوته : يهووه شسالفة !
العسكري ٢ : لازم ترافقني لتوقيف
كاسر : طيب اخلص واجيك
العسكري : اسف ي كاسر وان شاءالله م يصير لك شيء
كاسر خبط كتفه : معليه معليه
وسكت كاسر شوي وشاف فارس جاي وقال : هاه كيفك الحين ؟
كاسر : احسن والله
فارس : وش صار شفت حولك عساكر
كاسر ابتسم بسخرية : ابن الكلب سعيد رافع علي قضية لأني ضربته
فارس شهق : تستهبل !!
كاسر م زال مبتسم : ليت والله بس اتمنى ادخل السجن واقابله عشان اكسر وجهه واعلمه الضرب صدق
فارس رفع جواله ودق ع رعد وقاله كل السالفة
رعد بحدة : سلاااامات وشذا طاحت علينا المصايب !
فارس : الله يستر يارب
رعد : امين ساعة وانا عندك
فارس : تمام
سكر رعد ورجع فارس لكاسر اللي نام بعد العلاج اللي اعطاه فارس
............•••...........
في هيئة الضباط
هادي : الان ابي ١٠ وحدات تتجهة لبيت العميد رعد بن محمد وتجيبون لي مرته هيام بنت سيف بنت قاضي
احد العسكرين : بنت عمه هي صح ؟
هادي : ايه يالله انطلقوا
طلعوا وكانوا ١٠ وحدات فعلاً وكلهم اتجهوا لبيت رعد
.........
فالأستراحة
فزت هيام لسيارة رعد ونزل منصور منها وراح لسلمى وليلى وثابت
هيام ركبت : حبيبي شسالفة وش صار لكاسر ؟
رعد مشى طيران لبيتهم وقال السالفة كاملة لهيام
هيام برعب : الله يستر صدق حسبي الله ع من كان السبب
رعد : امييين
وصلوا لبيتهم ودخلوا وسكر الابواب بأحكام وقال : هيامي احضنيني يهيامي
هيام لفت له وهي نزلت عبايتها وعقلتها وجات له وحضنته بقوة وقالت : لبيه يعيون هيامك وش في خاطرك
رعد رفعها من الارض واتجهوا لغرفتهم وجلس ع السرير وهيام للحين حاضنته وقالت : عشان كاسر ؟
رعد بضيق : عشان كاسر وعشانتس وعشاني وعشان اهلي تعبت والله من كل شيء تعبت
هيام شّدت عليه وقالت : عشاني ؟ ليه
قاطعهم صوت الباب وقال رعد : عشان اللي بيصير بعد شوي وعشان ذراعي اللي بتنكسر فيتس
هيام خافت وقالت : يالرعد وشفييك !
رعد قام ورفعها بيدينه وقال : استودعتس الله يالهيام
هيام انتظرت واول م نزلها وطلع ركضت وراه وسكر الباب عليها وقالت بصوت عالي : يالررععدد ويينن بتروووح
رعد م رد وطلع للباب وفتحه وشاف ١٠ وحدات واقفة عن باب بيتهم وقال بصوت عالي : اسستعععدد انتت ويااه
الكل بدون استثناء دقوا التحية للعميد رعد وكانوا يناظرونه بهدوء عكس نظرته لهم اللي كانت حادة ومليانه هيبة وقال : استررح
الكل استرح وقال واحد من العساكر : يالعميد رعد نعتذر منك اولاً ع المجيء بوقت متأخر وبعد نهاية دوامك لكن وجهنا اللواء هادي لك
رعد : وش السبب ؟
العسكري : زوجتك هي..
قاطعه صوت رعد الحاد : لاتنططق اسمهاا ع لسساانك
العسكري بهدوء : سم طال عمرك حضرة العميد
رعد : الحين بتأخذونها ؟
هز العسكري راسه بنعم
رعد : خلاص امر مني تتوجهون للمركز وانا بجيبها
الكل ركبوا واتجهوا للمركز ودخل رعد البيت وفتح ع هيام وطاح بطوله وهو يبكي تحت صدمتها وانلهت دموعها وقالت : كاااسسسرر ماااات !!!
رعد وسط انهياره : ااااه ياهيامي انا اللي مت ماهو كاسر
فزت هيام وحضنته وبكت معه وقال : يعيون هيامك لييه كذا وش صار
رعد حاوطها وقال : انتي مطلوبة بقضية وتزوير وكلها كذب لكن لازم يحققون معتس بس انا خوفي ياخذونتس مني
هيام شهقت وقالت : قضضية !! من ميين سعيد صح ؟
رعد هز راسه بنعم وقالت : عوافي معي ادلة تكفي
رعد بعدها وقال : اي ادلة !
هيام ابتسمت وباس لحيته وقالت : يعيوني تذكر الحلق اللي عطيتيني ياه ؟ ترا كان يسجل كل شيء صار لي يعني هو تعقب وتنصت بس شكلك م كنت تدري
قام رعد ووقف بطوله وهيام بين يدينه وقال : الله لايحرمني منتس يالله يارب لك الحمد
حضنته هيام وقالت : حبيبي لعاد اشوف دموعك
رعد علطول لف لها وقال : اي دموع ؟
وكان وجهه طبيعي ولا كأنه بكى وقالت وهي تضحك : بسم الله علييك صدق
رعد نزلها وقال : جاهزة نحرق سعيد ونزيد حكمه ؟
هيام : جاهزة وانا اخت محمد
رعد بزعل : والرعد ؟
هيام ضحكت : جاااهزة وانا هيام الرعد
رعد حضنها وقال : يالبى اللي تتعزوى فيني وانا اضيييع فيها
هيام ابتسمت وطلعوا مع بعض للمركز ووصلوا وحصلوا كاسر طالع بعد م استجوبوه وانحكم عليه بشهرين سجن للضرب المبرح وقال لرعد كل شيء
رعد بحدة : والله م تدخله والله !
كاسر ابتسم : يخوي حيل الله اقوى خلاص شهرين واطلع
رعد : وزواجك !!
كاسر بضيق : لاتجدد جروحي تكفى يالرعد
رعد دخل بكل قوته وقال : ملف قضية كاسر ابي اشوفه وابي اشوف ضربات سعيد الان
الكل فزوا وعطوه كل شيء وصار يقرأ كل شيء وقال : سعيد ضارب نفسه
الياس : متأكد حضرة العميد رعد
رعد ناظره ببطاقة اسمه وقال بحدة : ايه يالملازم الياس
الياس : تمام عندك دليل ؟
رعد مد له ملف الكشف الشرعي قبل شهرين لجسم سعيد وم كان فيه الا شعره طفيفة في خشمه وهذا كان اكثر شيء مبالغ بس الحين فيه كسر بيده وضربه براسه وقال الياس علطول : الااان بيتغير الحكم الان
رعد : اخلص
طلع بعد م دق التحية لرعد وجلسوا نص ساعة وطلع الياس وقال : حكم عليه اسبوعين
رعد مسح وجهه وقال : والعيد ؟
الياس ابتسم : حيل الله اقوى بيطلع رابعة العيد
رعد : اي والله حيل الله اقوى
الياس : انسه هيام يالله ؟
قامت هيام ودخلت معه وصار يستجوبها وكانت ماسكه الدموع وقالت : معي اخر دليل
الياس : عطيني
عطته هيام الحلق وشاف جهاز التعقب وفكه من الحلق بحذر وسمع كل شيء ورجع لها وقال : خلاص انتهى تقدرين تطلعين
هيام ابتسمت وطلعت لرعد اللي كان ينتظرها ع احر من الجمر وفز وحضنها وقال : وش صار
هيام : م صار الا اللي يسر خاطرك
رعد باس راسها وقال : حمدلله يارب
الياس : حضرة العميد ابيك توقع زيادة سنة ع السجين سعيد عشان تزوير قضية واتهام وترويع الناس
رعد تقدم ووقع بكل قوته ودخل يودع كاسر وقال : معلييه يبو محمد كلها اسبوعين اعتبر انك مسافر
كاسر ضحك : ابشر والله بسعدك
رعد بحدة : يويلك تقرب من سعيد يويلك !
كاسر : ابشر والله م اجيه
رعد ضحك : زييين بتطلع قبل عرسك بيوم
كاسر انفجر يضحك وقال : ااااه امحق حياة صدق
رعد حضنه وقال : استودعتك الله
كاسر : الله يحفظكم وهيام
هيام : سم
كاسر : احضني وعد لي وبوسيها
هيام ضحكت : ابشر
كاسر : تبشريين بالجنة ي هيام الرعد
رعد : خلاص يبو لاتمون نغار ترا
كاسر ضحك : يششييينك
طلعوا رعد وهيام ودخلوا كاسر زنزانة في المخفر نفسه وم نقلوه للسجن بأوامر من رعد
:::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( لاتنسون تعطوني رايكم بكل نقطة ، الان اختفاء يومين اشوفكم بعدين 🫶🏻 )