Contract with the Young Master ( CVS #1 ) Completed ✓

CHAPTER 4

CHAPTER 4

NANG MALAMAN ko na sila ang mga Cordova-iyong apelyedo ng pinag-aapply-an ko ng trabaho, parang gusto kong magpalamon ng buhay sa lupa.

Paano kung hindi nila ako tanggapin, di ba?

Knowing na kung anu-anong pinagsasagot ko kanina nang tanungin ako ng lalaking nag-ngangalang Sage Trevour. Iyong lalaking walang emosyon at parang laging galit sa mundo. Sabi nga ni Tyron Ryven, allergic daw ito sa babae.

Meron bang gano'n?

Pero hindi ko na dapat isipin iyon, ang dapat kung intindihin ay ang pag-aapply ko. Sayang ang malaking sahod kung hindi ako makakapasa. Malaking tulong iyon sa aming magkakapatid.

"Ah, actually..." napapakamot ito sa ulo. "Wala pa iyong taong pagtatrabahuhan mo, mismo. Malaki ang galit niyon sa mundo kaya chill and relax ka lang muna, dear. We're just here to interview you and talk about the contract."

"And speaking of the contract-pwede ba tapusin na natin ang usapang ito? May pasok pa ako." Iyamot na wika ni Mr. Sage saka muling naupo, but this time ay sa pang-isahang sofa na. Tapos ay may kung anong papel itong kinuha sa drawer.

May pasok pa ito? Sa work o school?

Gusto ko sanang itanong kung may eskwelahan pang nagsasagawa ng night classes ngayon, pero baka masinghalan na naman ako. Nakakatakot kaya itong mainis, parang mangangain ng buhay.

Sumunod naman ako sa kanila at naupo rin sa upuang paharap sa dalawa. Naka-upo na ulit si Mr. Tyron sa kaninang kinauupuan nito, ni hindi ko manlang namalayan.

Bakit parang ang bilis nilang kumilos?

"So, as Tyron said a while ago, we're here to talk about the contract for the Young Master Travis Zaden Cordova's secretary. Kung makikita mo, may dalawang kontrata dito."

Nilapag ni Mr. Sage ang sinasabi nitong papel sa center table at nilapit sa harapan ko.

"This one is for the corporate secretary position." Tinuro nito ang papel na nasa kanan ko. "Two hundred dollars for a month with health and insurance benefits. Five days in a week ka lang papasok dito sa Azula HR, may sarili kang office and 12-hours ang duty mo. Ikaw ang gagawa lahat ng naiwang trabaho ng dating secretary dito. Six-month contract lang ito and after six months ang Young Master ang magdidisesyon kung kukunin ka n'yang regular employee." Pagkatapos ay itinuro naman nito ang papel na nasa kaliwang bahagi. "This other contract is for personal secretary position. One hundred dollars per day with health and insurance benefits, groceries and one sack of rice for your family every week, with car incentives, meal incentives, and daily allowance. Bibigyan din ng libreng room accommodation and services ang pamilya mo dito sa Azula HR. Magiging personal secretary ka ng Young Master for a year-if makakatagal ka. This is for four-year contract. Kapag natagalan mo ang Young Master he'll decide if he will extend your contract. May mga araw na hindi pumupunta dito ang Young Master at may mga araw na naririto s'ya. So, if you gonna choose to be his personal secretary, hindi mo na kailangan pumasok pa araw-araw, pero may sahod ka."

Napaawang ang bibig ko.

Wow! As in wow!

Ang laki ng pagkakaiba ng dalawang kontrata. Anong pipiliin ko? Kung corporate secretary, five days akong papasok ng 12-hours and if personal secretary naman, work from home ako.

"So...." Itinukod ni Mr. Sage ang dalawang braso sa mesa at dumukwang palapit sa akin. "What will you choose, then?"

I gulp.

Hindi dahil kinakabahan ako sa kung anong pipiliin ko, kundi dahil sa napaka-intense na titig ng lalaking nasa harapan ko.

Geezzz...