Contract with the Young Master ( CVS #1 ) Completed ✓

CHAPTER 13

CHAPTER 13

HINDI MAN LANG nagulat ang magaling kong boss sa sinabi ko. Bagkus ay mapang-asar na ngumisi pa ito sa akin na tila ba natutuwa pa.

"Why Ms. Montecarlos, naaakit ka ba?"

Agad akong tumanggi.

"H-Hoy, Mr. Travis Cordova hindi ako naaakit sa'yo 'no?! Huh! Bakit? Ikaw ba si Lee Jong Suk o si Song Joong Ki? Si Lee Minho ka ba para maakit ako hah? Wala ka nga yatang abs kahit dalawa eh," singhal ko pa.

Tinatago ang pagka-apekto ko sa kanya. As if naman aaminin ko 'no, baka mas lalo lamang s'yang mang-asar. Saka may naakit na bang umamin na naaakit s'ya sa umaakit sa kanya? 'No daw?

Pero teka nga!

"So, inaakit mo nga ako Sir Boss? Naku, naku hah! Hindi mo ako madadala sa mga paganyan-ganyan mo."

"Really? Are you sure?"

"A-Ano?"

"Na wala akong abs?"

Dinuro-duro ko s'ya. Pero nanginig ang aking braso kaya hinawakan ko iyon gamit ang kabila akong kamay habang tinuturo ko pa rin s'ya.

"A-Ang yabang mo ah."

Mas nagulat pa ako nang tumayo ito at hinawakan ng dalawang kamay ang laylayan ng suot na t-shirt.

"H-HOOYYYYY!!! HOY TRAVIS! Huwag mong yurakan ang pagkatao ko. Virgin pa ang mga mata ko, h'wag mong dumihan!"

Nawala ang ngisi nito at napalitan iyon ng straight line.

M-May nasabi ba akong masama?

"Come again? What did you call me?"

"W-What? A-Anong tinawag ko sa'yo?"

Ano nga ulit tinawag ko sa kanya? T-Travis? WAAHH! TRAVIS NGA!

Hala! Patay na! Masisisante na ba ako?

"You called me Travis? Just... TRAVIS? You know that—"

"OPO! Opo, alam ko Sir Boss! Alam ko na bawal kang tawagin sa pangalan lang dahil boss kita at secretary mo lang ako. Ikaw naman kasi eh! Virgin pa itong mata ko pero dudungisan mo na agad. Saka I'm not ready for that.... that... that live show. You know? Kaya... Sorry na po Sir Boss! Sorry na po, hindi na mauulit. Huwag n'yo lang akong sisantehin, pleaasssseeee!"

Nagmamakaawang aniya ko. May pa luha effect pa ako n'yan.

"Tsk! Tapos na akong kumain. Pagkatapos mo dito sa kusina, umakyat ka na sa kwarto po. Maaga ka pang gigising bukas para magluto ng breakfast ko."

Namulsang tumalikod ito sa akin at naglakad paalis. Walang ibang sinabi tungkol sa pagtawag ko sa kanya by his first name only.

Eh?

Anyare?

Hindi ba n'ya ako pagagalitan? Or tatanggalin sa trabaho ko dahil doon?

Ngunit bago pa s'ya makalabas ng kusina, tumigil ito at nagsalita. "Ah! As what I'm saying earlier before you interupted me..."

Napapikit ako. Nakakahiya naman sa 'interupted me' n'ya.

Eto na... Eto na... Pagagalitan na yata ako—

"Mas maganda siguro kung pangalan ko na lang ang itawag mo sa'kin off-work at kapag tayo lang dalawa. What do you think, Arissa? Hhmm?"

Napamulagat ako at umawang ang bibig sa narinig.

Hindi ako nakasagot. Hindi na rin naman n'ya hinintay ang sasabihin ko dahil tuluyan na s'yang umalis at umakyat sa itaas.

Naiwan akong tulala. I blink many times. Hindi makapaniwala sa nangyari.