يهزمني الحُب وانا جاهل بدرب المُحبين

البارت الاربعين

ورجعت سلمى تكمل العيد ع اصوات وايقاعات الاغاني ورقص البنات واستحلال هيام عقول الحريم في تمايلها ورقصها
سلمى بحب : واااه عاششت هيامنا
لين بهمس : هيام الرعد لحاله عاد يويلتس يسمعتس
هيام ضحكت وكملت تتمايل وترقص
ام هيام بمزح : هيام خلاص البيبي بينرج راسه
الكل ضحكوا على كلامها الا هيام اللي عبست وقالت : يمه توني فالثالث شفيتس علي
حنين حضنت ام هيام وقالت : تمزح معتس
ام هيام حاوطت حنين وقالت : ايه والله امزح
هيام ضحكت وكملت ترقص وماهي الا ثواني وقامت وعد تتمايل وترقص وخطفت قلوب الحريم
ام فارس زغرطت : عاااشت عروستنا
الكل زغرط والكل كان فرحان بشوفتها قدامهم بخير
وعد بحب : تعيش ايامتس وايامكم جميع
هيام مسكت يدها وصارت تراقصها وقالت : مو احنا بناخذ اخوان خلينا نرقص مع بعض ونقهر بعض الناس
وعد ضحكت وقالت : يالله م نقولتس لا
هيام زغرطت وقالت بصوت مرتفع : عاااششت زوجة الكاسر
وناظرت بصالحة بأستفزاز وحضنت وعد اللي كانت تضحك وخلاص صالحة انتهت من الغيرة وصدت عنهم
وعد : تعبتي ؟
هيام بتعب : ايه بجلس بس عادي كملي انتي
وعد : ايه برقص مع لين
لين ضحكت وقالت : ماشاءالله وانا البديل يعني ؟
هيام راحت وهي تضحك وقالت وعد : شدعوة تعالي بس
كملوا البنات رقصهم ومرات تدخل ام محمد ويفزون لها كلهم وانتهت فقرة الرقص اول م فصلت العنود السلك بالغلط
الامهات بوقت واحد قالوا : الله يجزاتس خيير ، كفوو ، من اللي فصلته احب راسها
اما جهة البنات كان التذمر مرتفع من ( خييير ، كسر يارب ، باقي م انبسطنا )
العنود بضحك : اسفه بالغلط
الكل ضحكوا وطلعوا البنات بالسماعة برا وجلسوا حول الطاولة
سلمى بصوت عالي : شغلواا خلونا نردح
منصور بصوت اعلى : باقي م تعبتي ؟
البنات صرخوا بصوت واحد وعالي مما ادى لغيرة اخوانهم وعيال عمهم
كاسر بحدة : ولعنننه يحييوانه انتي وياااها !
رعد ارتفع صوته وهو مشتط وقال : وقسم بالله م اعدييها لتس انتي وهي !!!
فارس بحدة : ولمهاا صدق !
محمد كان معصب وقال : وربي لا ادخل !
حنين ضحكت وقالت : خرشتونا طيب
رعد بحدة : بنتت اقصصري حستس
فارس قرب من الطرف وقال : حننيين ووجع !
هيام تكلمت وليتها م تكلمت وقالت بصوت مرتفع : الله اكبر محد قالكم تجون عند قسمننا يلللااا بسس
رعد كان متجهة للمجلس بس استوقفه صوتها اللي دوى بأذنه ولف لها بقوة ودخل من الحوش الخلفي وكانت هيام عند الباب وحنين وراها وفزوا اول م شافوا ظل رعد
رعد مد يده وسحب هيام ومسك فكها بقوة وقال : وصصمخ ان شاءالله م تسسمعيين نقوللتس صوتتس لايطللع !
هيام همست وقالت : قرب اكثر اذا م تبي السلامة
رعد ابتسم ع جنب وقرب منها وقال بحدة : هاه قربت وش بتسوين ؟
هيام ضحكت وقالت : ماش باقي بعييييد
كان رعد قريييب منها بشكل كبير وانصدم وقال : وين تبين اوصل ؟
هيام : قرب وبس
رعد تحرك شووي ولصق خشمه بخشمها وقال : هاه ؟
هيام همست : باقي بعيد
رعد فز لمبسمها وانصدمت هيام وهي م كانت تتوقعه يسويها وتركها بعد مدة وقال بخبث : اكمل عاجبتس ؟
هيام بخجل وهي وجهها احمرر : اقول ابعد بس
رعد قرب اكثر وقال : لااا شدعوة اتذكر وحدة قبل ثواني تقولي قرب وش صار !
هيام همست له : تلطم يحمار وتشوف الباب م يحتاج
رعد ضحك وتلطم وطلع وقال بحدة وصوته الرجولي ارتفع : لعاااد اسمع صوتت
وعد بصوت مسموع : هياااام الحقيي
كاسر ابتسم وطلع مع رعد وهو يحمد ربه انه يسمع صوتها بينهم
هيام ركضت وقالت : ايششش
وعد ضحكت : شوكولاتة يعيوني
هيام تذكرت اول م نطقت شوكولاتة قدام رعد واول م طقطق ع نطقها وكيف كانوا وكيف صاروا ضحكت وقربت واخذت قطعة واكلتها وقالت والعبرة خانقتها : ااااه يوعد فتحتي المواجع
الكل فزوا لهيام اللي نزلت دموعها بهدوء ع خدها
لين برعب : يمهه هياام شفييتس
هيام ابتسمت تتحدى دموعها وقالت : للاا تخاافوون بس تذكرت بدايتي مع رعد
الكل ضحكوا وتأثروا صدق
بشرى : ايه عروستنا خلصتي تجهيزات ؟
سلمى لفت بقوة وقالت : خلي التجهيزات ع خير وش صار معتس يوعد
وعد بضيق بدت تقص عليهم اللي صار لها بالتفصيل الممل واستوقفتها لين عند فترة الاتصالات اللي كانت تجي كاسر
لين بحدة : تستهبلييين !
وعد استغربت : يمه وش ؟
لين : انتي اللي تتصلين ع كاسر !!
وعد ضحكت بضيق : ايه انا
لين فزت ركض وسمعت صوت كاسر قريب من الباب وناظرت وشافته هو وذيب جالسين وقفت لين تتأمل ذيب تتأمل حركاته وضحكته اللي كانت تفتن ولا نظراته لكاسر اللي لوهلة تمنتها لين لها هي وبس
لين استوعبت ع نفسها وقالت بصوت مسموع : كااسر
كاسر وذيب لفوا لها وقال كاسر : هلا لين ؟
لين : تعال
قام كاسر واستوقفته يد ذيب وهو يقول : عادي اجي معك ؟
ضحك كاسر وسحب عليه ومشى للين وقال : امري
لين بصدمة : تخيييل وش !
كاسر انشّد لها وقال : وشش !!
لين : الاتصالات من الرقم الثابت ذاك كانت وعد !
كاسر حس انه انصفق على وجهه بقووة من الصدمة وقال : ايششش !
لين ضحكت : والله المسكينة تدق عليك تبيك تساعدها وانت لاهي وتسكر في وجهها يعني لو انك رديت كأن وعد فالبيت من اسبوعين
كاسر ابتسم بألم وقال : قلتيها لو اني ادري معلينا المهم هي وينها خليها تجيني
لين تقدمت لوعد ونادتها تروح لكاسر
وعد : الحين ؟
لين بأستهزاء : لا بكرا اييه الحين
قامت وعد وهي تضحك واتجهت لكاسر ووصلت له وقالت : عندك احد ولا اطلع ؟
كاسر ابتسم : انتي اللي عندتس احد ولا ادخل ؟
وعد ناظرت وراها وقالت : لا تعال
دخل كاسر وحضنها علطول من دون اي مقدمات مما ادى لصدمة وعد وقالت بدون م تحاوطه : كاسر فيك شيء ؟
كاسر قطب وبعدها منه وقال : احضنتس وشذا السؤال
وعد ابتسمت وكان مبسمها يرجف وفز كاسر لها وحضنها من جديد وانهارت وعد بين يدين كاسر كانت تبكي بحرقة وكأن في داخلها عتاب كبير عليه وقالت بصوت مهزوز : يعني اتصالاتي كانت توصلك !
كاسر ابتسم بضيق وقال : ايه بس م كنت ادري انه انتي
وعد : لييه م رديت طيب لو تعرف بس واحد من المليار اللي انا عشته في الشهر اللي راح واخرتها امس عرفت ان الله حق !
كاسر بعد وقال : وعد ليه تعاتبيني وكأنتس تحسبيني م ابيتس ؟
وعد بضيق وسط دموعها قالت : طيب هذا اللي صار فعلاً كنت تنام ع السرير وتحت المكيف وعندك بطانيتك وتاكل وتشرب وبصحة وعافية ولا انا انا ي كاسر م كان فيه سرير عندي ولا كان عندي اكل يغنيني ولا كان عندي شرب يقويني كنت لحالي انهار واصحى واقول لاا لا تستسلمين ي وعد وارجع انهار وارجع اقوي نفسي م كنت موجود تحتويني كانت اخر اسبوعين هي العذاب الصدق يعني لو رديت علي وفكيتني منها مو احسن ؟
كاسر كان يناظر فيها بنظرة قاتلة وكان ميت حسرة ليه هي قاعدة تفكر كذا صح انه غلطان بس ليه العتب ذا كله وقال بحدة : خلصتي ؟ بردتي خاطرتس فيني ؟
وعد توسعت عيونها وقالت : كااسسر
كاسر لف يده ورا خصرها وشّدها عليه وقال : روح ودنيته كاسرتس ذا لبيه
وعد كانت رافعة راسها تناظر فيه بحكم فرق الطول بينهم وقالت بصوت شبه مسموع : احبك
كاسر ابتسم وباس خشمها وقال : اهيمتس
وعد بضيق : انا عارفة انك مالك ذنب بس تحملني بعاتبك واذا نسيت جروحي بنسى العتاب ذا
كاسر بحب : اعنبوتس انا كلي لتس سوي فيني اللي تبين
وعد حضنت كاسر لها وابتسم وقال : قربيني اكثر احتويني وعوضيني عن اللي فات كله
وعد ابتسمت بحب وقالت : هذا يحبيبها اخر حضن من غير شر
كاسر رفع عيونه لها وهو كان حاط راسه ع كتفها وقال : نعم ؟
وعد ضحكت : ابي اتجهز يعني كلها اربع ايام وانا معك
كاسر بحدة : اسمعيني عاد نظام الاختفاء م ابييه ولا اشوفتس تسوينه اعنبوتس ارفقي بي انا يالله حصلتتس ترجعين تختفين !
وعد ضحكت بحب وقالت : بسحب عليييك
كاسر طلع وهو يضحك ويتحلف فيها اما وعد رجعت للبنات وصاروا يسولفون استعداداتهم لزواجها
............••...........
اليوم المنتظر يوم زواج كاسر و وعد
الكل كان مستنفر في بيت الجد قاضي
ام محمد : اسمعوني ترا الرجال فالقاعة من الحين يعني كلها ساعتين ونلحقهم
هيام شهقت : معليييش يجدة انتوا اذا بتروحون روحوا احنا ورانا تجهيزات والعروس خلوها معنا
ام محمد بحدة : اف خلاص بكيفكم
طلعوا الحريم بأغراضهم وتجهزوا وخلصوا وطلعوا بعد ساعة مع سامي للقاعة
حنين بصوت عالي : بناااات وييين المناككيير الحمراء !
لين : عند بشرى
انطلقت حنين وحست انها بتستفرغ وكملت للحمام وفعلاً استفرغت وكان في شعور غريب ببطنها وشهقت وقالت : يارب اني حامل يااارب
غسلت وطلعت وهي مصفرة وجاتها بشرى ومسكت يدها وقالت : حنين وشفييتس !
حنين ابتسمت وقالت : مدري والله ابي اكل
جلستها بشرى جنبها واعطتها حلى وحست إنها استرجعت قوتها وكملت كشختها
بعد ثلاث ساعات اغلب البنات كانوا خالصين
طلعت وعد لغرفة كاسر تتجهز فيها بحكم انها الغرفة الوحيدة المفتوحة في بيت ابو رعد والباقين تحت
.....
فالحوش قبل تدخل وعد غرفة كاسر دخل كاسر يبي يتروش بعد الحلاقة ويلبس ويطلع ودخل من الحوش الخلفي وطلع للدرج علطول ودخل غرفته وكانت فاضية زفر براحة ودخل اخذ دش سريييع ووقف ساعة يتأمل وجهه فالمراية
" عند البنات "
سلمى : حنين يالله !
حنين حطت عطرها وكان اخر لمساتها وقالت : يالله مشينا
طلعوا لفارس ومنصور اللي جاوهم بسيارة وحدة واخذوا معهم سلمى وحنين وبشرى ولين وشوق والعنود
وبقت هيام مع وعد تتجهز
وعد قامت من ع سريره بعد م خلصت كل شيء وسكرت الباب ووقفت عند المراية حقته وصارت تتأمل شكلها وماهي الا ثواني وانفتح باب الحمام وطلع كاسر منه ومنشفته ع خصره ووقف مصدوم من شكلها كانت لابسة بجامة حرير حمراء وشعرها منسدل ع ظهرها ومكياجها وشكل وجهها واكسسواراتها كانت تفتن
شهقت وعد وكانت بتصرخ بس كتمها كاسر بيده وقال : يييوييلل حااااليي
وعد كانت ترجف برعب كان قرييب منها وم كانت مستعدة تشوفه ابدًا وقالت برعب : كاااسر وش تسوي !
كاسر ابتسم وقال : انتي اللي وش تسوين بغرفتي ؟
وعد استوعبت وقالت بفشلة : هاه طيب انت ليه جيت البيت
كاسر بحب ضحك وقال : اف خلاص خليني اتأملتس
وعد برعب : مو وقتك هيام بتجي بأي لحظة !!
كاسر سحبها مع خصرها وشّدها له وقال : وش علي بهيام الحين ؟
وعد كان قلبها يدق بقوة وقالت : كاسر ارحمني تكفى
كاسر بخبث : ارحمتس من ايش ؟
وعد توسعت عيونها وقالت : هيااام جات
وفعلاً طلع صوت هيام وهي تقول : وعد الكاسر خلصت ؟
كاسر اخذ اغراضه وقال : لفي ولا لاتلفين بكيفتس
ومسك منشفته وشهقت وعد وقالت بصوت عالي : هيياام لاتدخلييين
هيام كانت بتدخل بس انصدمت من صوت وعد وصوت رعد اللي كان تحت ويقول : ياهل البييت ؟
هيام فزت وقالت : رعد جيت ؟
رعد ابتسم : ايه خلصتي ؟
هيام م كانت تبيه يشوفها وكانت متوزيه ورا الجدار وقالت : وعد عندي لاتجي
رعد : م بجي اصلاً جيت اخد العريس
هيام شهقت وقالت : العرريسسس !!
رعد احتد صوته وقال : اييييه العريس
هيام انفجرت ضحك وهي توها تستوعب وقالت : العريس مع العروس فوق
رعد دخل وقال : احللفيي ! وانتي وينتس ؟
هيام كانت تحاول م تدمع وطلعت لرعد وشافها واستوجع من جمالها وكانت تسحر حتى ببطنها اللي انتفخ وكان اكبر دليل ان هيام حامل وقال بصوته الرخّيم : لااااااع وشذذاا الزيييين كللله ناووييه تغطيين ع العروس ؟
هيام ضحكت وتقدمت له وقالت : المهم العرسان خوفي يسوونها ويكنسلون الزواج ويهربون
رعد ضحك وقال بصوته الرجولي : يالكااااسسسر
طلع كاسر علطول ونزل وشهقت هيام ودخلت بحضن رعد اللي ابتسم وباس خدها وقال : كاسر اطلع من ورا وشوي واجيك
وفعلاً طلع كاسر وفزت هيام تركض لوعد وطلع رعد وهو يحلف م يخلي هيام واتجهوا هو وكاسر للقاعة
اما هيام دخلت لوعد وقالت : كيييف بالله ؟
هيام ابتسمت لها : تهبليييين بسم الله علييتس
وعد انهارت من مدح هيام وقالت : معاد الا انا وانتي صح ؟
هيام : ايه ليه وشفيتس ؟
وعد : لا م فيني شيء بس مدري من بيجي ياخذنا
هيام : مدري اتوقع محمد اخوي
وعد : اف يالله الفستان ؟
هيام ضحكت : لا يعيوني فالقاعة بتلبسينه امشي يالله
طلعوا وفعلاً كان محمد وحمد ينتظرونهم وركبوا واتجهوا للقاعة وبكذا اكتمل الحضور
وبدا زواجهم ع الساعة ٨ الليل بصوت الطقاقة وهي تقول :
باركوا باركوا لعروستنا .. باركوا باركوا وصفقوا لها
وعد اليوم ليلة فرحها ... باركوا باركوا وزغرطوا لها
..
الكل فزوا وباركوا لأم شوق وزغرطوا لوعد اللي كانت تسمع كل شيء من غرفتها وماسكتها هيام من الرجفة
هيام بحدة : وعد خيير شفيتس !
وعد بتوتر : وشش متووتررة
هيام بهمس : احلفي م كأنه قبل شوي معتس بغرفته
وعد توسعت عيونها وقالت : كيف عرفتي !
هيام : الله يسلم رعد اخلصي كوني طبيعية قبل يجي
وعد بدأت تهدأ وهي ماهي مستوعبة انه بعد ساعتين بتكون مع كاسر اللي لطالما كانت تتمنى م تطلع من غرفته
......
عند الرجال
رعد بحدة : ذييب وين الفناجيلل !
ذيب فز وقال : الااان
انطلق ذيب للمطبخ في قسم الحريم وقال : يوولدد
محد رد عليه واصوات الاغاني كانت ماخذه كل شيء ودخل بهدوء وهو للحين م لف وكان لابس البشت ونزله من عليه وحطه على ذراعه وانصعق من ضربة ع ظهره وتكهرب قلبه بعد م سمع صوت لين
لين بضحك وهي تحسب ان ذيب هو كاسر لأنهم كانوا نفس الاشكال من ورا وقالت : بدرري ي عريس داخل قبل الزفة
ذيب برعب : لييين !
لين فزت من صوته وصرخت : ذيييب !!
ذيب لف لها بقوة وكتمها بيده وقال : ااصص لاتفضحييينا
لين كانت مرعوبة من قرب ذيب لها وقالت : صدد لا تنااظر
كانت امنية ذيب انه يصد بس رفض قلبه يصد عن لين وكان يتأمل كل شيء فيها بداية من شعرها الاسود وملامح كاسر اللي اجتاحت وجهها ولا من مكياجها ولا من فستانها الكحلي ولا من كعبها واكسسواراتها واكثر شيء صابه فالمقتل كان مبسم لين اللي تزين باللون الاحمر الدامي
ذيب تكلم بتخدر وقال : ياقبلة الله ع كل مزييون اشهد بالله انتس موتٍ حمر !!
كانت لين واقفة وم قدرت تتحرك واللي سوته كان اكثر شيء ذاب الذيب فيه وهو انها تقدمت اكثر واخذت شماغه ولفتها ع وجهها وتلطمت فيه وقالت : اذا م انت كفو تغطيني انا اقدر اغطي نفسي
ولفت بتطلع واستوقفتها يد ذيب اللي مسكها وسحبها له وهو كان يتراعد من جمال لين وقال بحدة : انا رجال وكفو واسوا قبيلة بس اعنبوتس اللي يشوفتس عاد معه من العقل شيء ؟
لين ابتسمت بس م وضحت وقالت : ذيب
ذيب بتخدر قرب اكثر وقال : عيون الذيب وليّنه
لين ارتعدت بعد كلمته وعرفت ان ذيب من ارجل الرجال بس معها يلين وينسى نفسه وقالت : استر م واجهت
وطلعت لين تركض وصوت كعبها كان يدق بقلب ذيب دقة ورا الثانية وقال بنفسه ( وش استر انا تمنيت ان ذا اللقاء م انتهى اصلاً )
اخذ الفناجيل وطلع لرعد اللي كان مشتط وهو يدري لو دخل عليهم رعد ممكن يدفنهم الاثنين مع بعض
رعد بهمس وهو يصر ع اسنانه : وييين غططسست !
ذيب ابتسم : موجود يبو محمد
اخذ الفناجيل وسلمها للقهوجيين وماهي الا ثواني ودخلوا الفرقة واعتلى صوتهم يباركون لأهل قاضي في اكبر زواج حضروه العرب كلهم
رعد تقدم واخذ السيف حقه وصار يعرض قدامهم ع انغام العرضة النجدية واعتلى الصوت والتصفير بعد م دخل كاسر يعرض مع رعد وكان رقصهم قمة فالتناسق كانوا كالمرايا كل منهم يعكس الثاني
انتهى رقصهم ودخلوا الشيبان والاباء وغيرهم من الحضور
رعد بتعب : عشت يعريس قلبي وعساها سنينك فرح وعساك في وعُودك تتهنى
كاسر ابتسم وتقدم وباس راس رعد وقال : تعيش ايامي ع حسك يالعضيد
ماهي الا دقايق وتقدم ذيب يراقص كاسر اللي م تحمل وقام يعرض معه وقال بهمس : وشفيك طاير ؟
ذيب ابتسم : عشانك والله
تقدموا وباسوا خشوم بعض " سلام الرجال "
وجلس كاسر ينتظر اللحظة اللي كان يبيها تصير بفارغ الصبر
رعد قام واتجهة لقسم الحريم ودخل مع المدخل وشاف هيام ترقص وكانت واضحة من بين البنات كلهم م اخذ عقله الا هي وكانت ثاني مره يشوف فيها رعد هيامه تتمايل وترقص وكانت تفتن بشكل مرعب وم صحى الا ع صوت امه : رعععد ويين اخووك !
رعد فز وقال بحدة : يمه لعاد تصارخيين علي !
ام رعد بحدة : اخلص وين اخوك
رعد كان يتراعد من الداخل ولا هو قادر يتزن بعد منظر هيام وقال : الحين ادخله ؟
ام رعد : ايه ايه الحين اجل متى !
طلع رعد وهو يحلف ان روحه وراه تتأمل هيامه وقال بصوت عالي : يالله يعريس
قاموا العيال يصفقون ويصفرون لكاسر اللي قام واتجهة للغرفة حقت وعد وماهي الا دقايق وسمح له حمد يدخل
دخل كاسر ولف وقلبه انفجر من منظر وعد اللي كان ساااااحر كان الابيض عاادي بس حضورها فيه كان مو طبيعي ابدًا وقال بحدة : لا اله الا الله سبحان اللي سواتس
وعد ابتسمت بخجل وهي ترجف من الرعب والتوتر وتقدم كاسر وباس راسها وقال : مبروك يالوعد اللي كاسره كان ينتظره مبروك عساني م انحرم منتس ولا ثانية من حياتي مبروك ياللي انتظرتها ٣ اشهر وبنتظرها عشرة سنين م بمل ولا بكل مبروك ينظر عيني
وعد شابكت يدها بيده وقالت بصوتها الانثوي : الله يبارك فيك وعساك لي سند وذخر يالكاسر
كاسر م كان قادر يستحمل اكثر وقال : مشينا ؟
وعد : اللي تبيه
طلع كاسر يجيب السيارة ووعد دخلوا البنات يجهزونها
لين بحب : مبروك يعيوني الله يتمم ع خيير
وعد : الله يبارك فيتس ي لين وعقبالتس باللي تبينه
تذكرت لين موقفها مع ذيب وكيف كان ذيب يفتن وقالت بهمس : امييين
باركوا لها البنات وساعدوها وقالت سلمى : اتوقع خلصنا ؟
حنين بعجلة : ايه خلاص
هيام مسكت يدها وقالت بهمس : رعد
رعد لف بقوة وقال : يعيونه يالهيام
هيام ابتسمت وقالت : خلصت وعد ناد اخوانها
رعد لف وقال : حمد يالله ؟
حمد وسامي تقدموا وطلعوا وعد لسيارة كاسر وطلعوا العرسان معلنين نهاية ليلة مستحيل احد ينساها
رعد رجع للباب وقال : هيام اطلعي يالله
هيام استغربت وقالت : بدري ؟
رعد : وش عادتتس تنتظرين ؟
هيام : سمرتنا ببيت جدي
فارس جاء وقال : ايه يرجال كلنا بنجتمع
رعد : طيب اطلعي بوديتس انا
طلعت هيام وهي جاهزة بأغراضها وطلعت مع رعد اللي اول م ركبت السيارة فز وقرب منها بالحيل مما ادى الى رعب هيام وقالت : ييمهه شفيييييك !
رعد بتخدر : ابيتس ترقصين لي
هيام فزت من كلمته وقالت : نععم !!
رعد : وشو م قلت شيء غلط
هيام ضحكت بأستهزاء : تخسى يبوي وش شايفني انا
رعد بحدة : وش فرق عني وعن الحريم ؟
هيام : بترقص لي انت ؟
رعد ابتسم : ايه بعرض لتس عمرتس شفتيني وانا اعرض ؟
هيام : ايه بس مو من قريب
رعد : تم والله م اخليها بخاطرتس
هيام ضحكت وقالت : ايه بس انا انسى وبعدين وش جاب الطاري
رجع رعد لمكانه وحركوا لبيت الجد قاضي وقال : شفتتس ترقصين اليوم وخذيتي عقلي وتليتي قلبي من اقصاه
هيام استغربت وقالت : انا كنت مع البنات اكيد شفت غيري
رعد : حرام اني م شفت ولا وحدة وكأن العالم وقف وانا اناظرتس من بعيد وتمنيت اني اقرب منتس لو شوي
هيام استحت ولفت بوجهها واتجهوا لبيت الجد قاضي يكملون السمرة بحكم ان الوقت باقي بدري
:::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( اعذروني بقطع يومين عندي ميد ليوم الخميس وبرجع لكم ان شاءالله دعواتكم 😢 )