ရွှမ်ထျန်းမင်၏ မေးခွန်းကြောင့် ဖုန်းယွိဟန်မှာ တောင့်တောင့်ကြီးဖြစ်သွားတော့သည်။
ဘယ်သူ့ဆီကနေ သူမ သင်ယူခဲ့တာလဲ။ ၂၁ရာစုက ရေတပ်ထဲက အရာရှိကြီးတစ်ယောက်ဆီကနေ သင်ခဲ့တာပေါ့။
သို့ပေမယ့် သူမ ထိုကဲ့သို့ ပြန်ဖြေလို့ရပါ့မလား။
သေချာပေါက် မရဘူးပေါ့။
" အဲ့ဒါက .... " ဖုန်းယွိဟန်သည် ထိုင်လျက်သားဖြင့်ပင် သစ်ကိုင်းခြောက်လေးတစ်ခုအား ကောက်လိုက်ကာ စက်၀ိုင်းလေးများ ဆွဲနေလိုက်သည်။ " ကိုယ့်ဘာသာ သင်ထားတာလေ ။ "
" ဖုန်းယွိဟန် ၊ မင်းကတော့ တကယ်ပဲနော် ။ အရည်အချင်းလေးလည်းရှိနေတော့ လိမ်ဖို့လည်း ရဲနေတယ်ပေါ့လေ ၊ ဟမ် ? "
" .... တောင်ပေါ်မှာ သီးသန့်နေတဲ့ ဆရာကြီးတစ်ယောက်ဆီကနေ သင်ခဲ့တာ ။ အာ... အဲ့ဆရာကြီးက ကျွန်မကို ထူးဆန်းတဲ့ ဆေးတွေနဲ့ ပစ္စည်းကိရိယာတွေပေးခဲ့တယ်ဆိုတဲ့ ပါရှန်းဆရာကြီးပဲလေ။ " ဖုန်းယွိဟန်၌ အကြောင်းပြချက်သည် ထိုတစ်ခုသာရှိလေသည်။ " ရှင်လည်း သိတာပဲလေ ။ အဲ့ဒိီဆရာကြီးရဲ့ ပစ္စည်းတွေ အကုန်လုံးက အထူးအဆန်းတွေချည်းပဲလေ။ "
ရွှမ်ထျန်းမင်သည်လည်း ထိုသည်ကိုတော့ လက်ခံသည်။ သည့်အပြင် သူ ငြင်းချင်လျှင်တောင် ငြင်းစရာ အကြောင်းအရင်းမရှိပေ။
မြို့တော်သို့ ပြန်ရောက်သည့်နေ့က ပိုင်ဇျယ်အား သည်ကောင်မလေး၏ အကြောင်းများအား စုံစမ်းခိုင်းခဲ့စဥ်က သ်ိခဲ့ရသည်များသည် သူမ မွေးဖွားချိန်မှစကာ အသက်ကိုးနှစ်အရွယ်အထိသာဖြစ်ပြီး လွန်ခဲ့သည့် သုံးနှစ်ကာလအထိကိုသာ သိခဲ့ရတာဖြစ်လေသည်။ ထိုနောက်ပိုင်းကာလအတွက်တော့ ဘာတစ်ခုက်ိုမှ မသိခဲ့ရ ။
သူမသည် အနောက်မြောက်အရပ်ရှိ တောင်ပေါ်ရွာလေးတွင်နေကာ နေ့စဥ် ဆေးပင်ရှာထွက်တက်ပြီး ဘယ်လိုလူမျိုးများနှင့်တွေ့ကာ ဘာတွေကို ကြုံတွေ့ခဲ့ရသည်ဟူသည်ကိုတော့ သိသောသူတစ်ယောက်မှမရှိပေ ။
ရွှမ်ထျန်းမင်သည် နောင်တရသလိုလို နှမြောမိသလိုလို ဖြစ်လာလေသည်။ " တကယ်တော့ မင်း အနောက်မြောက်မှာ ရှိနေတုန်းက ကိုယ်လည်း စစ်ပွဲကြောင့် အနောက်မြောက်အရပ်မှာပဲ ရှ်ိနေခဲ့တာ။ အဲ့တုန်းကတည်းက တောင်ပေါ်ကိုသာ စောစောလာခဲ့မိမယ်ဆိုရင် မင်းကို တစ်ရက်ပဲဖြစ်ဖြစ် ပိုစောပြီးတွေ့ခဲ့ရမလား မသိဘူး။ "
![](https://img.wattpad.com/cover/310293788-288-k960260.jpg)
ŞİMDİ OKUDUĞUN
ပဏာမ ဇနီးသည်ဖွား သမီးပျို
Tarihi KurguDivine doctor : Daughter of the first wife [ မြန်မာ ဘာသာပြန် ] Author : 杨十六 (Yang Shi Liu) English Translator : Spring Rain Translations Group Disclaimer : I do not own any part of this story. All credits go to original author and English Translator.