ටේහ්‍යුන්ග් සයිඩ් බෑග් එකත් පැත්තකට කරල අල්ල ගෙන ගේ ඇතුලට ආවේ බිම බලාගෙන.
🦄 අනේ මගේ බෑණා පොඩ්ඩ ඇවිල්ලා.. කොහෙද මෙච්චර වෙලා රවුම් ගැහුවෙ කොල්ලො..? අපේ එකා මේ ඔයාව හොයන්න කියලා ගියා විතරයි. ඉන්නකො මම කෝල් එකක් දාන්න එයාට.
ටේහ්‍යුන්ග් ගෙට ගොඩ වෙද්දි ම යුන්ජි ෆෝන් එක අතට අරගෙන නම්බර් එකක් ඩයල් කරන ගමන් ටේහ්‍යුන්ග් ගාවට ඇවිදගෙන ගියා.
🐼 ටේහ්‍යුන්ග්... මම කලින් ම කිව්වා නේද අර හිඟන කොල්ලා එක්ක තියෙන ගනුදෙනු ඔක්කොම නවත්තන්න කියලා.
ජින් කෑ ගැහුවේ ටේහ්‍යුන්ග් මේ ගෙට ගොඩ වුණා විතරයි නේද කියලා වත් ගානක් නැතිව.
ටේහ්‍යුන්ග් කඳුළු පුරවගෙන ඇස් බෝල කරන ගමන් ජින් දිහා බැලුවේ දැන් නම් තවත් මොකවත් කියන්න එපා කියන්න වගේ...
🦄 ජිනී ඔප්පා... දරුවට ඔහොම කෑ ගහන්න එපා අනේ. බලන්න දරුවා බය ත් වෙලා.
යාලුවෙක්ගෙ ගෙදර යන්න ඇත්තේ. මොනවා වුණත් ටේ පුතා දන්නවා නේ එයාගෙ මැරේජ් එක ෆික්ස් වෙලා ඉවරයි කියලා.
දරුවා වරදක් කරන්නේ නෑ කියලා මම දන්නවා.
යුන්ජි ඒ වෙලාවේ කිව්ව වචන වලට මලානික හිනාවකින් උත්තර දුන්න ටේහ්‍යුන්ග් කෙලින්ම උඩ තට්ටුවට යන්න පිටත් වුණා.
ඒත් වචනයක්වත් නොකියා උඩ තට්ටුවට යන්න පිටත් වුණ ටේහ්‍යුන්ග් දිහා බලපු නම්ජුන් ටේහ්‍යුන්ග් ට කතා කළේ, ටේහ්‍යුන්ග් ට නම්ජුන් කතා කරයි කියලා ජින් වත් නොහිතුව වෙලාවක.
🐨 ඔහොම ඉන්න ටේහ්‍යුන්ග්..
ටේහ්‍යුන්ග් තියපු අඩිය එහෙමම තියලා හැරුණේ නම්ජුන් ගේ දිහාවට.
🐨 මෙහාට එන්න
ටේහ්‍යුන්ග් නම්ජුන් ගාවට ඇවිදගෙන ගියේ නිකම් එයාලා කියන ඕන දෙයක් කරයි වගේ ටේහ්‍යුන්ග් ව පෙනෙද්දි. ටේහ්‍යුන්ග් කවදාවත් මේ විදිහට එක පාරින් ම කියන දේ අහන කෙනෙක් වුණේ නැහැ.
🐨 ගෙදරට මනුස්සයෙක් ආවහම, එතන ගෙදර මිනිස්සු ඉන්න ඕන. විශේෂයෙන් ම තමන්ව බලන්න ආව මනමාලයා එන දවසට ගෙදර ඉන්න ඕන...
ඒ මොක නැතත් අඩුම ගෙදරට ආව මිනිස්සුන්ට සුබ සැන්දෑවක් කියලා වත් කියන්න ඕන...
