Words Written in Water (Loser #3)

Chapter 3

Chapter 3

Hindi ko nahanap si Juancho ng sumunod na araw. I skipped lunch to try to find him, but I couldn't. Sa College of Law rin ako dumiretso pagkatapos ng klase pero wala talaga ang hinayupak.

May pakiramdam ako na nagtatago siya sa'kin. Pinuntahan ko ang room na naka-indicate sa schedule niya pero wala naman siya roon nang i-check ko! Bwisit talaga! Blocked na nga ako, mahihirapan pa akong i-track down ang damuho!

"Irespeto mo ang gusto niya, Mill," sabi ni Kat habang magka-video call kami. "How would you feel if you were forced to do an interview?"

Pinaglaruan ko ang doraemon keychain na nakasabit sa zipper ng wallet ko. It was the weekend, and Kat was scolding me first thing in the morning. Para siyang guidance counselor na nakikipag-usap sa nagrerebeldeng estudyante. Kung alam ko lang na hindi niya ako ichi-cheer, dapat ay hindi ko na lang sinabi sa kanya ang ginagawa ko nitong mga nagdaang araw.

"Sabi mo nga, hindi naman siya public figure. And even if he is, kapag sinabi niyang ayaw niya, hindi mo dapat pinipilit," pagpapatuloy niya.

"Ten minutes lang ang hinihingi ko, Kat."

"Kahit dalawang segundo pa 'yan. Kapag ayaw, ayaw. It's called respect."

Napabuga ako ng hangin. Minsan, ayoko na lang talaga siyang kausapin. Sinisira niya ang plano ko! Masyado siyang mabuting tao para sa'kin. Hindi ko nga alam kung paano kami naging magkaibigan. Eh, samantalang lagi ko siyang kinukurot no'ng mga bata kami kapag natutulog siya. Lagi kasing nakangiti sa akin si gaga. Feeling close.

"You know me, Kat. I'll do something if I have a good enough reason to." Sumandal ako sa upuan. "And so far, good enough ang pag-graduate. Hindi ikamamatay ni Juancho ang pagpayag sa interview. Hindi ko naman siya tatanungin ng mga masyadong personal na tanong. If he doesn't want to answer, I will not force it."

"But you're forcing an interview, Mill."

"Para maka-graduate, Kat."

"Wala siyang kinalaman d'yan."

"Meron na ngayon."

"Millicent!"

"Katana!" I exhaled. "I know I'm invading his privacy, but I'm a future journalist, Kat. One way or another, I'll be invading more people's privacy. Because that's how you get to the truth."

Pumikit siya, parang nawawalan ng pasensiya sa akin.

"Tingin mo ba, gustong magpa-interview ng mga politician? Ng celebrities? Ng mga public figure?" I asked her as I shook my head. "You have to force your way in, dig into their lives, and broadcast the anomalies."

"Juancho is not a public figure, Mill. Let's start with that." Nang magmulat siya ay dumiretso sa akin ang kulay abo niyang mga mata, naniniil. "You're forcing your way into a private person's life. Wala kang karapatang mag-dig o i-broadcast ang buhay ng isang tao without their permission. Libel ang babagsakan mo."

"Shut up, Kat... please." Ginulo ko ang buhok ko, napagtatantong may punto siya. "Bahala na. I'm still weighing the consequences."

"Hindi ka titigil?"

Ngumuso ako. "Not now."

Nagbuntong-hininga siya. "I warned you, Mill. You're old enough to know what's right."

Nakasimangot akong nag-umagahan. Mag-isa ulit ako sa apartment. Hindi ko alam kung nasaan sina Mari at Karsen pero nangako ako sa kanilang ako na ang bahalang mamili ng groceries namin. Mamaya pa naman kasi ang trabaho ko.

Matapos mag-jogging at workout ay naligo na ako. Hindi maalis sa isip ko ang mga salita ni Kat dahil alam kong tama siya. She had always been. Kaya lang, hindi niya ako mapipigilan ngayon. I knew Juancho would eventually let me do the interview. Kaunting pamimilit pa.