يهزمني الحُب وانا جاهل بدرب المُحبين

البارت التاسع والستين

بيان ابتسمت وقالت : اجل كدينا خير
طاحوا البنات يضحكون عليها وكملوا ليلتهم وذياب م طلب يشوف بيان بحكم انه انجز الجزء الكثير وبقى القليل وانتهت الليلة الجميلة وكانت من اجمل ايام اهل قاضي على كل فرد منهم ...
" فالمجلس الرجالي "
رعد تثاوب وذا دليل كبير انه نعس ورعد من النوع اللي اذا نعس معاد يقدر يسيطر ع اي شيء ..
فارس ابتسم : رعد اسري يالله عشان تنام
رعد لف لفارس وقال : ايش ؟
فارس بصوت عالي : كااسر اصبر لا تطلع
كاسر لف من عند الباب وقال : لبيه امرني ؟
فارس فز وركض حتى وصل لكاسر ومسك ذراعه وقال كاسر بحدة : اعنبو غييرك وشفييك ؟
فارس وهو يتنفس بهدوء : لا لا م فيني شيء...بس..رعد نعس ومستحيل...اخلييه..يس..يسوق
كاسر سحب فارس وقعده وعطاه مويه من الطاولة اللي بزاوية المجلس وقال : خلاص عندي الموضوع ارتاح انت
فارس ابتسم لكاسر اللي اتجهة لأخوه ووقف قدامه وقال : رعد
رعد بحدة : سد حلقك صوتك مررتفع وانا مصددع
كاسر انتفض وهو م توقع رعد يصارخ فجأة وقال : رعد اسمعني
جلس كاسر بين طرف الكنب الصغير وبين رعد المنسدح ومد رعد يده ورا فخذ كاسر عشان م يطيح
كاسر ابتسم وقال : بتمسي هنا ؟
رعد هز راسه بنفي
كاسر : طيب بيت ابوي موجود رح وارتاح عند امي وهيام اذا م تبيها تقعد معك عندهم بيت عمي سيف فالجهة الثانية
رعد فتح عين وحدة وقال : كاسر قلت لك لا صح ؟ وش اللي منت قاعد تفهمه من لا
كاسر بحدة وهو يتعصّب بشماغه : يحبيبي افهمني انت اذا نعست الكل يعرف وش يصير لك ولا نسيت الحادث اللي صار لك قبل اربع سنوات ؟
رعد مسح وجهه وشنبه وقام وسحب كاسر معه وقال : هذاك رعد قبل والحين رعد اللي واقف قدامك ازهله يبو الرعد
كاسر ابتسم وقال : اجل مالك فالطويلة يالعضيد انا انسحب انتبه لنفسك ولأهلك
مشى كاسر وارتفع صوته وهو يقول : تمسوا ع خيير يالربع
الكل ردوا بصوت واحد قالوا : مسرى الخيير
رعد مشى وراه وشماغه ع كتفه وطاقيته وعقاله ع راسه وقال وهو يتنحنح : كثر الله خييركم يأهلي ودعناكم الله
الكل قاموا بعد رعد وقالوا بصوت واحد : الله يحفظك يالرعد ، بالعافية يبو ايهم ..
وفضى المجلس بعد رعد وطفت انواره معلنين رحيل كل من فالمجلس لبيوتهم ..
" في سيارة كاسر "
ركبت وعد ورعد بحضنها وقالت : حبيبي تأخرت عليك !
كاسر لف لها وقال : لبيه ؟
وعد ابتسمت وقالت : سلامتك
كاسر : الله يسلمتس بس وش قلتي ؟
وعد : حسبتني تأخرت عليك
كاسر ابتسم وقال : لا معليتس تهوون
وعد توسعت عيونها وقالت : يعني تأخرت ؟
كاسر لف لها بقوة وقال : وععد اقصرري حستس اذا سمحتي يعني ! وبعدين الحين معتس ولدنا اكيد بتتأخرين وانا م شكييت
وعد ضحكت بسخرية وقالت : انا اقصر حسي وانت ترفع صوتك ؟ عجيييب امرك
كاسر توسعت عيونه بصدمة وقال وهو يصر ع اسنانه : وعد ويمين بالله اني لا ازعلتس واوجعتس ! تراتس تلعبين بأعصابي
وعد صدت منه ومشى كاسر لبيته وهو يستغفر وصاد منها برضو...
" في سيارة رعد "
مشى رعد طالع لسيارته ووقف عند الباب وصار يتثاوب ويمسح راسه وسحب الطاقية والعقال من ع راسه وصار يلعب بشعره وهالشيء رعد يعشقه وينام علطول اذا سوواها احد له او هو سوواها لنفسه
هيام تقدمت للباب الخلفي وم قدرت تفتحه وقالت بصوت عالي وهي م شافت رعد : حمووود تعال افتح لي الباااب
محمد ابتسم من بعيد وقال بصوت عالي : ابشرري يدنيتي
رعد انفتحت عيونه واذانيه بشكل مرعب وقال بنفسه ( هذي هيامي ولا بشرى !! ) مشى بهدوء للجهة الثانية وحصل هيام قدامه ومعطيته ظهرها تقدم لها واشر من بعيد لمحمد اللي يركب بنته وخلص بمعنى " خلاص لا تجي "
ابتسم محمد وقال : تمسوا ع خيير يهيام الرعد
ركب سيارته محمد ومشى فيها لبيته مع بنته وبشرى ..
" عند هيام "
اما عند هيام فشهقت وقالت : شفف الوسخ !!
رعد بصوته الثقييل قال : منهو ؟
هيام صرخت ولفت عليه بقوة وانفجع رعد وطار النوم منه وقال وعيونه شوي وتطلع من مكانها : ووش علممتسس ؟!
هيام برعب : منن ويينن طلعتت انتت !!!
رعد ابتسم وتكى ع سيارته وقال : اها اثاريني مطييرن عقلتس وانتي م قصرتي
هيام بتعب وهي ترفع ايهم النايم قالت : طيب امسك ولدك
ورمت ايهم ع رعّودها اللي انصدم ومسكه وفتحت هيام الباب وركبت وسكرت
رعد : ماشاءالله ع عدم الثقة ساعديني اقلها يعني !
هيام ابتسمت وقالت : انت الرعد ولا نسيييت ؟
رعد فتح الباب بيد والثانية ماسكة ايهم وركبه وربط حزامه وسكر الباب بقفل الاطفال ومشى لمكانه وفتح الباب وركب سيارته وقال : انا رعد الهيام انتي اللي لا تنسيييين
هيام : اوه جوووي معليك اجلس مستحيل انسى
رعد : ايه لاحظت شيء
هيام استغربت وقالت : وش ؟
رعد : تغيرين الموضوع دايم لكن نرجع بيتنا واحاسبتس ع الصيحة اللي قبل شوي اللي سمعوها عيالي عماتي وفارس
هيام بصدمة : اسألك بالله كان فييه احد !!؟
رعد بحدة : ايييه فييه احد !
هيام غطت وجهها بيدينها وقالت : يع يع يع يااارب م سمعووني
رعد ابتسم وصد منها عشان م تشوفه يبتسم وهو معصب
هيام لفت له وقالت : رعد وقف عند البقالة
رعد مسك بريك بشكل مفجع ولف ع اليمين وسد اذنه اثر صرخة هيام المرعوبة
هيام بكل قوتها لفت لرعد وضربت ذراعه وطاحت يده وضربت بالقير ولف لها رعد بنظرة قاتلة وقال بحدة : خيييرر كسسر ان شاءالله !!
هيام بحدة : وش المسكة ذيي !! ولا تحسبك لحالك وم معك احد !؟ كويس هيمي رابط حزامه بس انا ؟؟
رعد دقق بوجهها كانت تبكي انصدم ورفع نقابها وصدت هيام عنه وقالت : وخرر مني
رعد ابتسم بضيق وقال : عيوني وريني وشفيتس انا م مسكت بريك الا اول م قلتي البقالة وم كنت ابيها تفوتني وهي اخر بقالة ع طريق بيتنا
هيام : خلاص عطني منديل
رعد بجدية : هيامي فيتس دم ؟
هيام ابتسمت وقالت : اطلب منديل ليش ان شاءالله ؟
رعد فز ورفع نقابها وشاف خشمها ينزف غمض بحسرة وقال : الله يجعله بضلوعك يالرعد الله يجعله كسر فيني !
هيام نزلت راسها ولفت عنه وقالت : استغفر ربك م فيني حيل اجادلك
رعد : طيب اسمعيني بروح اجيب اغراضتس وبعدها بنروح المستشفى
هيام بحدة : ايشش ؟ مستشفى لا واللي يرحم والديك م فيني شيء اذا رجعنا البيت عادي اخذ الاسعافات وضمد جرحي
رعد ابتسم وباس راسها بقوة وقال : ابشري واسف والله
هيام : عادي م صار الا كل خير
ايهم من ورا : مامي ننه
هيام لفت له وقالت : حبيبي نوصل البيت واعطيك ننه
رعد بخبث : ننه من صدرتس ؟ ولا رضاعة ؟
هيام توسعت عيونها وقالت : يروحي يالرعد حلالاه من صفقك !
رعد انفجر يضحك وقال : سمي طال عمرتس
هيام : اييه ادب !
رعد نزل للبقالة وارسلت له هيام الاغراض اللي تبيها وكانت تبي الصيدلية ومن حسن حظها كانت الصيدلية جنب البقالة وطلع رعد من البقالة واتجهة للصيدلية وخلص وركب سيارته ومشى فيها لبيتهم ...
" في بيت فارس "
حنين طلعت من المطبخ بعد م غسلت ترامس القهوة حقتها وصواني الحلى اللي اخذتهم معها وشافت ليما منسدحة ع صدر فارس وتصارخ وتحرك رجولها
فارس بحب : لييمووتيي عييونن ابووتس انتيي
رفعها وصار يحركها يمين يسار واستفرغت ليما عليه وصرخ فارس وقال : لااااااا
طاحت حنين ع الكنب تضحك وقالت : احسن احد قالك رجيت بطن بنتي
فارس قام ونزلها ع الكنب وقال : المصيبة ليتني لابس تيشيرت ولا ثوب مو مفسخ وتستفرع ليمو ع صدري !!
سكت شوي ولف بقوة ع حنين وكمل وهو يقول : وبعدين م كأنتس ضحكتي علي ؟!!
حنين ضحكت من جديد وقالت : مقدرر بططننيي
فارس كان هايم بضحكة حنين ابتسم ومشى فوق لغرفتهم وقال بصوت عالي قبل يدخل الحمام : هييين يحنيني هيين
حنين قامت بسرعة لبنتها عشانها تتحرك وكانت بتطيح ع البلاط شالتها بسرعة ومسحت ملابسها وطلعت فيها فوق ودخلت الغرفة ولفت وكان فارس راد الباب شوي استغفرت حنين وقالت : فارس صغير انت ؟ سكر الباب
فارس بخبث : تعالي معي طيب وسكريه وراتس
حنين : يشيينك
مشت ونزلت فستان ليما ومسحتها وغيرت ملابسها وعطتها رضاعتها ونامت علطول وشالتها ع السرير حقها وجلست ع السرير بعد م بدلت ومسكت جوالها تسولف مع البنات
" بقروب البنات "
سلمى : بنات صاحيين ؟
حنين : ايه امري
وعد : وشفيتس سلمى ؟
سلمى : م فيني شيء بس بعد بكرا تمايم ولدي وولدتس يحلوه
وعد : ايه ادري طيب ؟
سلمى : ودي نجهز
حنين : لا معليش مالتس دخل انتي ووعد خلوا كل شيء علينا !
سلمى : يحلوتس يحنيني تم اجل
لين : يلعن الازعاج انطموا !
حنين : لين خير ؟
لين : كيف اسوي ميوت ؟
وعد : ههههههههههههههههههههههههههههههههه
لين : وعد عضي لتس ع شحمه
وعد : خيير وش سوييتت
-
حنين بصوت عالي : فاررس
فارس من الحمام : يعيوون فارستس
حنين : عجل بنام ترا
فارس : قاعد احلق نامي انتي
حنين قامت وراحت وفتحت باب الحمام وشافت فارس في قمة تركيزه وقاعد يحلق لحيته وقالت : تحتاج مساعدة تراني حريييفة كنت احلق لرعد
فارس لف لها وقال : رععد ؟؟!
حنين : اييه رعد
فارس : اووه اجل تعالي اللي وثق فيهم الرعد اثق فيهم انا
حنين جلست وضربت راسه بخفه وقالت : يوسخ انا زوجتك مفروض تثق من اول !
فارس ابتسم ووسع بين رجوله وحط يدينه ورا خصرها وشّدها عليه وقال بصوته الرخّيم : اييه اثق بس امور الشنب واللحية كبيييرة
حنين توسعت عيونها من قرب فارس وريحته القويية اللي تدل ع نظافته ووجهه وتفاصيله كانت متعبة لقلبها
فارس ابتسم ع جنب وقال : وراتس ؟
حنين رفعت دقنه بسرعة واخذت الشفرة وصارت تحلقه
فارس : ابي ابوستس وقفي
حنين ضحكت وحطت الشفرة ع عرق الموت وقالت : اذا تحركت بنحرك !
فارس لف يدها وحطها وراها وانصدمت حنين من سرعة فارس واللي حط شفايفه قريييب من مبسمها وباسها بقوة وقال : يالله عشان م اخليتس تدوخين وتخلصيني بوستتس هنا
حنين كان قلبها يدق بقوة وقالت : كتمة الحمام احتريييت
فارس ابتسم وقال : اييه مني احتريتي مو من الحمام خلصي اسرع
حنين قربت وصارت تحلق الباقي ونزلت وجهه وقربت وقالت : الشنب اخطر منطقة ووقف ولا تتحرك
فارس دق تحية لحنين وقال : ابشري يحنين الفارس
حنين ابتسمت وصارت تحد شنبه له وتضبط شكله وترتبه خلصت وقربت اكثر وكانت حركاتها تربك فارسها وكان قلبه يدق وكانت تشوف يدينه ترجف بهدوء ضحكت حنين وصارت تمسح الشعرات الصغار اللي طاحت ع شفايفه بأصابعها وبنعومة خلصت وقربت وهنا قطعت حنين المسافة بينهم وباست مبسم فارس بكل حب وقالت اول م بعدت : خلاص يحبيبي قم شوف شكلك
فارس بتخدر : م ودي اقوم ويصير شيء م يعجبتس
نطت حنين وطلعت ركض من الحمام وقام فارس وهو يضحك ووقف قدام المراية وكان وجهه مثااالي وحلاقة حنين تجنن !
فارس طلع بعد م غسل وجهه وشنبه وحط كريم بعد الحلاقة وقال : يجعل يدينتس م تمس النار
حنين وهي منسدحة ع بطنها قالت : وياك حبيبي
فارس دخل غرفة الملابس ولبس سروال اسود قطني وتيشيرت كحلي وخلص وتعطر ومشى وانسدح وقال : حنيني اذا م نمتي قربي
حنين م كان منها اي ردة فعل وعرف فارس انها نامت وقام وقرب منها وانسدح قريب منها وحاوط خصرها بيده وانسدحوا جنب بعض بشكل اكثر من لطيف وناموا اثنينهم ...
" في بيت ذيب "
لين بعصبية سكرت جوالها وقالت : ذيب كيف اسوي ميوت لقروب
ذيب كان عند الشرفة وفاتحها ويدخن لف لها وقال : تعالي طيب
لين جات وجلست جنبه وقالت : هاك امسك
ذيب نزل سيجارته ومسك جوال لين وقال : اي واحد ؟
لين : حفيدات قاضي فديتهم
ذيب ابتسم وسحبه وسووا ميوت لهم وقال : فديتتس انتي لحالتس
لين عدلت جلستها وقالت : ذيبي
ذيب بحب : يروحه
لين : صدق لو م سوت شوق شيء كنت بتتزوجها ؟
ذيب : ايه اكيد البنت بسم الله عليها وتقرب لي فهمتي
لين عبست بوجهها وقالت : وانا ؟
ذيب فز ومسك خصر لين وسحبها وجلسها بحضنه وقال : وانتي ؟
لين حاوطته وحطت راسها ع صدره وقالت : ذيب الله لا يحرمني منك يحبيبييي انت
ذيب ابتسم وقال : جاوبيني بالأول وانتي ؟
لين رفعت عينها وتلاقت بعيون ذيب وقالت : السؤال لك وانا ؟
ذيب :
انتي اللّين والجمال الطاغي والمشاعر الحيام
‏وانتي والله ولو تجرحيني قلت جرحتس قدا
‏باخذ من عيونتس الثنتين الحب والغرام
‏الذيب لتس وخذي من عيوني الا اخذي عيوني فدا
-
لين ضحكت وقربت وباست خده ولف ذيب وحاوط خصرها وشّدها عليه وباس مبسمها ورفعها معه ونزلها ع السرير وقرب ووقفته لين وهي تقول : ذيب لا
ذيب قطب وقال : وش اللي لا !
لين مسكت وجهه وحطت خشمها ع خشمه وقالت بحب : بتصير اب ي ذيبي م يحتاج ذا كله
ذيب كان مسكر عيونه واول م سمع كلامها فتح عيونه بصدمة وقال : لييني انتي حامل ؟!
لين ضحكت وقالت : ايه واسبوعين بعد
ذيب : من اول ليلة ؟
لين ضربت ظهره بخفه وقالت : ايه يوسخ وانت تقولي م بتحملين
ذيب فز ورفعها معه وقال : يالله لك الحمد ياااارب
حضنها بكل حب وحاوطت لين سيقانها ع خصر ذيبها وحاوطت رقبته بيدينها وبكت وذيب دموعها اخذت مجراها وقالت : يحبيبي وربي اجمل اب الله يتمم لنا يارب
ذيب ابتسم وقال : امييين يدنييته وروحه وكل عمره !
انسدح ذيب ولين تضحك معه وناموا اثنينهم وهم ناويين يقولون لأهلهم بكرا في غداء شوق وهادي ...
" عند عرساننا تحديدًا الشرقية "
دخل هادي الفندق بتعب وقال : يالله يعروسة العام والسنين
دخلت شوق بهدوء وقالت : عيوني انت
سكر الباب وقال : تتعشين ؟
شوق كانت توو اكلت فالطيارة وقالت : لا بس اذا تبي بكيفك
هادي : اسمعيني زين اول شيء اجلسي
دخلت شوق وجلست وقالت : ايوه ؟
هادي : بكون من البداية واضح معس انا م كنت احبس وقتها ولكن عشان م تطلع امورنا اللي قبل وانفضح عند اهلي قررت اتزوجس واستر عليس
شوق رفعت حاجبها وقالت : ايوه ؟
هادي بدأ يرتعب من نظرات شوق له وقال : وش اللي ايوه ؟ يعني اذا جيت ومعي بنت مو تروحين تتشكين عند اخوانس واهلس واهلي فاهمة ؟
شوق ابتسمت وقامت وصفقت هادي كف بكل قوتها وقالت : اذا انت ولد عارف بن صالح دخل معك بنت وتشوف وش بسوي فيك انا ! ماني ضعيفة ولا قصيرة يد اقدر اربيك بدون اهلي ساااامع !
هادي كان يتراعد من قوتها وقال : سامع
شوق : خلنا حلويين من البداية !
هادي : طيب انهي الموضوع
شوق ضحكت بسخرية وقالت : انت اللي فتحتها يروح امك
مشت ونزلت فستانها تحت انظار هادي لها ولفت واخذت بجامتها ولبستها وبرضو كل شيء كان قدامه ومشت وقربت منه وحاوطت رقبته وقالت بغنج : ننام ونلعن الشيطان ؟
هادي ابتسم ودفها ع السرير وقال : مستحييل وتحلمين بعد
شوق ابتسمت وقالت : بكيفك
جلست ع نفس السدحة وشعرها متناثر بشكل جميييل وكانت اطرافه الذهبية ووجهها الفاتن وحواجبها المرسومة وشفايفها القاتلة صدت وتلحفت وغمضت عيونها بقهر وقالت بحسرة وبنفسها ( كنت حاااسة اصلاً ليش طولت م تزوجت وكان يختفي اكيد كان مع العاهرات اللي ينامون منه !! واكييد ان هذا كله ابتلاء للي كنت اسويه معه ! يااارب سامحني ياارب انا م خليته يحضني الا مره وحدة ! وكنت خايفة يارب سامحني وسخر لي هادي واهديه يارب لنفسه ! ) نامت عيون شوق بحزن ودموعها اخذت مجراها اما عند هادي كان قاعد ع الكنب ويراسل احد البنات ويقولها انه وصل للشرقية ومن ذا الكلام بس فجأة تذكر كف شوق ونظرات حمد اللي انرسمت ع وجهها وسكر جواله علطول وقام وقرب من شوق وشاف عيونها تدمع ابتسم وقال : ايه اجل هياط واخرتها تبكي !
انسدح فالجهة الثانية وكل واحد فيهم صاد عن الثاني وكان بينام بس دق جواله وسحبه علطول وكان حمد وقال بنفسه ( لا يكوون الكلبة اشتكت صدق !! يالييللل الحيين بيسوي شيء في غدو !! ) رد علطول وطلع فالصالة وقال : ارحب
حمد : هلا هلا شخباركم ؟
هادي : بخيير وانتوا ؟
حمد : ع م يسسسرك اسمعني مدري اذا تدري عن العادات والتقاليد ببيت جدي لكن اي عرسان لازم لهم غداء في ثاني يوم عشان كذا لا تخالفنا
هادي بصدمة : اييشش ؟!
حمد بحدة : علااامك ؟
هادي : حميد تستهبل انا فالشرقية !!
حمد ابتسم وقال : الله يعينك ترجع
هادي : مو منجدك عاد !
حمد : اسمع علمن ياصلك ويتعداك وكلامك معي انا ورعد اذا جاء بكرا الساعة ١٢ وانت منت فالمجلس !
هادي تذكر زيين مشاكله مع رعد قبل وكيف انه م قدر يحط راسه براس رعد وقال : الله يهديكم !
حمد : معسلامة
سكر حمد ولف هادي وقال بصوت عالي : ششووق !
شوق لفت له بهدوء وقالت : خير ؟
هادي : كنتي تدرين صح ! بالغداء اللي يصير بعد كل زواج عندكم
شوق ضحكت وقالت : ايه ادري تراني بنتهم يالتيس !
هادي قام واعتلاها وقال : من التيس ؟
شوق ابتسمت وقالت : انت !
هادي ضحك وقال : طيب اسمعي وش السواة الحين ؟ اخوس مهددني بالرعد
شوق شهقت وقالت : اوووه رعد وحمد ؟ يويييلك
هادي : هه مرره تساعديني ترا شكرًا لس
شوق : المهم قم من علي كتمتني
هادي ابتسم وقال : لا خليني عاجبني الوضع والله
شوق صارت تحاول تدف هادي من عليها وقالت : اااه هااادي قم وجع !! توو قبل شوي تقولي تحلميين !
هادي : يختي خلاص م بقوم طيب ؟
شوق : اف يااارب الهمني الصبر
هادي دف نفسه بيده وانسدح جنبها وقامت شوق وقالت : اخييرًا !
هادي : طيب وش بنسوي ؟
شوق : م انت لواء ؟ احجز تذاكر طيران او قطار بفلوسك اللي م تخلص
هادي مسح وجهه وشنبه وقال : تمام بنروح قطار لأنه متوافرة التذاكر فيه ورخيص
شوق ابتسمت وقالت بهمس : مثلك يالرخيص
هادي لف لها بقوة وقال : هاااه ؟
شوق انسدحت وقالت : من قال هاه سمع يحلو واذا حجزت صحني
نامت شوق وهادي وراها يتراعد عصبية وقال بحدة : اوريتس !
شوق لفت له وقالت : يحلوو لهجتنا من مبسمك يالرخيص الحلو
هادي بحدة : شوووقق لا تخلييننيي اوجععس !!
شوق : اوهوو خلاص عاد يعني بالله تروح مع بنات وتراسل وتكلم وانت متزوج وتنتظرني م اقولك رخيص ؟
هادي مسك فكها بقوة وقال : ويمين بالله !!
شوق : ادري انه ابتلاء فيك وادري انه عقاب ربي لي عشاني سويت كذا معك
هادي ارتخى وقال : طيب بدال الكلام ذا ادعي لي !
شوق ابتسمت بضيق وقالت : احلف ؟ ادعي لك وانت م تسوي الاسباب !! صل الوتر وصدقني بتقويك ولا تهمل ربك !
هادي بهدوء : هذا جوالي سووي فيه اللي تبينه وانا بقوم اصلي واتسنن واذا خلصتي احجزي التذاكر
صد وقام ودخل الحمام وتوضئ وطلع وفرش السجادة وصلى الوتر قدام شوق اللي دخلت الواتس وبلكت كل الارقام بدون م تدخل ع المحادثات وحذفت وفرمتت الجوال ورجع جديد بس فيه ارقام الشغل واهله واهلها ورقمها ابتسمت براحة وقالت بنفسها ( اه حمدلله يارب اكيد انه ناوي يصحح اغلاطه حمدلله الله يثبتته يارب ) سلم هادي وقام وقال : خلصتي ؟
شوق : ايه
هادي : والتذاكر
شوق : الصدق معرف خليته لك
هادي سحب جواله من الفراش وحجز وخلص وقال : يالله القطار بيمشي بعد ساعة
شوق قامت بتعب ولبست عبايتها وخلصت وطلعت وهي بعييدة كل البعد من هادي اللي حطوا اثنينهم بينهم مسااافة دهر كامل وعدم ثقتهم كانت احد الاسباب ..
" في بيت رعد "
رعد شاف الساعة بيده وقال : اوووه تأخر الوقت تعالي بسرعة
هيام جلست وشالت المنديل من خشمها وقالت : بشويش طيب
م كملت كلمتها الا ورعد ضاغط ع خشمها وضربته هيام كف وقالت : قللتتت بششووييشش !!
رعد لف وجهه راجع لها بقوة وقال : وش سويتي ؟
هيام تووها تستوعب وشهقت وقالت : انا صفقتك ؟
رعد : ايه !
هيام طاحت تضحك ع الكنب وقالت : الله شعووور النصر حللوو
رعد ابتسم وقرب منها ومسك خصرها بيده وشّدها عليه وكان فوقها وقال : كنت انتظر اعتذار
هيام ضحكت وقالت : يحلو كم كف اكلته منك ؟
رعد قام وعدل جلسته وقامت هيام وجلست وسحب شاش من الاسعافات وصار يضمدها وقال : طيب وانا م كنت اعتذر صح ؟
هيام : شدعوة الا تعتذر خلاص اسفه
رعد ابتسم وباس خشمها وقال : فداتس الرعد يقلبه انتي
هيام ابتسمت وقالت : يحلووك يالرعد مدري شلون يخافون منك
رعد احتدت نظرته وقرب بسرعة منها وقالت : ييمهه !!
رعد انفجر يضحك وقال : يخافون نفستس الحين
هيام : اانننن يشييينك
رعد ابتسم وقال : حبيبتي حددي يحلوي ولا يشيني
هيام : كلها والله
رعد ناظرها بحب وقال : خلصت واسف اسفف يروح رعّودتس
هيام باست لحيته وقالت : شدعوة يعيون هيامك
رعد شالها بين يدينه ومشى فيها وهو يقول : يجعل الرعد فدى للهيام يجععله فداها
هيام حطت راسها ع كتفه وقالت : مجار يروحي
دخلوا الغرفة وكان ايهم بسريره نايم وفتح رعد الشرفة وقال : اسمعي شكلها سهرة تطيرين تسوين براد شاهي ؟
هيام نزلت وقالت : طيب حبق ولا نعناع ؟
رعد : حبق ومرامية اذا فيه
هيام اشرت بأصبعها ع خشمها وقالت : ع ذا الخشم
رعد باس خشمها وقال : فداااه انا ذا الخشم
هيام نزلت للدور الاول وضبط رعد لهم جلسة تجنن وحط المنقل الصغير وشب نار صغيرة ع الهبوب الباردة اللي تجي للرياض بأخر الليل وشوي وجات هيام ونزلت الصينية وفيها البراد وبيالتين وحب دوار الشمس
رعد ابتسم وقال : يعساها م تمس النار يارب
هيام رفعت يدينها وقالت : امييين يارب وياك
رعد : اييه عطيني علومتس
هيام قطبت وقالت : مثل ؟
رعد ابتسم وقرب ومسك فكها وهمس بأذنها وقال : حملتي ؟
هيام توسعت عيونها وقالت : يوووه نسييت تصدق لكن مدري م احس
رعد ابتسم وتكى ع الباب وقال : طيب نسأل بعض ؟
هيام ابتسمت وقالت : مو من صالحك
رعد عدل جلسته وقال وهو يضحك ونور القمر عاكس ع ضحكته : اف اف شوفوا هيام الرعد كيف تهايط ولييه ان شاءالله مو من صالحي ؟
هيام ابتسمت وقالت : يحلو ضحكتك يعساني ابطي م فقدتها
رعد مد يده وشابك يدها وقال : وانا وش اقول عند ضحكتتس ؟
هيام بحب : وش تقول ؟
رعد بكل حب شّد ع يدها وقال :
لا تضيّق خاطرك جعل العرب يفدونك
‏ضحكتتس لو ماني برسام والله لارسمها
و يالهيام ضحكتتس جابت من الأيام ثاري
‏ووعسى سنين الرعد المقبلة وجهك ضمنها
-
هيام بحب سحبت يدها منه وصفقت وقالت : اخ صح لسااانك يشاااعري
رعد : جعلني فداتس والله
هيام : رعد انت م كنت كذا صح ؟
رعد ابتسم وقال : كيف يعني ؟
هيام : اقصد اول لقاء معي يوم المول واول م انقذتني من العمال تذكر صح ؟
رعد هز راسه بنعم وكملت هيام وهي تقول : طيب كنت عصبي وتنرفز صدق والحين لا
رعد : لأني حبيت ولأني جيتتس ع وجهي وانا مدري وش الحب وكنت مستنكرة جدا لكن ع م يبدو لي يهيام الرعد اني طحت لعيونتس وثغرتس وخصرتس وضحكاتتس وغمازاتتس وشامتتس وشعرتس وطولتس وحبتس واختصارها اقوله بكل حب الحب هزمني وانا جاهل بدرب المحبين !
هيام : يعني انت تقول يالرعد بلسانك انه هزمك الحب وانت جاهل بدرب المحبين ؟
رعد ابتسم بكل حب وفاء : يهزمني الحُب وانا جاهل بدرب المُحبين يالهيام وانا راضي بهزيمته وطحت لسيفتس اللي انطعنت به وانا جاهل منه ووالله لو يرجع بي الزمن لا اطيح له !
هيام ابتسمت بكل حب وحضنت رعد وحاوط خصرها وشّدها عليه وقال بصوته الثقييل : احبتس
هيام ابتسمت وقالت : اهيييم بك ولك انت لحالك
رعد حط راسها ع صدره وصار يلعب بشعرها ومرت السوالف الحلوة بينهم وانتهى الشاهي وقاموا وسكر الباب بهدوء ودخل مع هيام وبين احضان هيام وناموا اثنينهم علطول ..
" في بيت كاسر "
صحى كاسر ع الساعة ٥ وكانت وعد تغيير لرعد وقالت : صحييت ؟ ترا اذن صل قبل ترجع تنام
كاسر ابتسم وقال : وراي دوام اصلاً بوقع وبرجع عشان عندي رحلة طيران وبتجين معي
وعد ابتسمت وقالت : ماشاءالله ورعد ؟
كاسر : صد رد ترا ورعد خليه عند لين ولا امي ولا عمتي عبير
وعد : تمام عيوني لك
كاسر ابتسم وقال : ابوسهم
مشى ودخل الحمام وتوضئ وطلع وصلى وخلص وقال : تسوين لي فطور ؟
وعد : ايه بس ارضع رعد واجيك
كاسر قرب وباس راسها ونزل وباس راس ولده وقال : افدييكم والله بعمري كله
وعد بحب : م تقصر يحبيبي
كاسر : انتظرتس تحت تمام ؟
وعد : ابشر
نزل كاسر وشوي ولحقته وعد وسوت فطور لهم وجلسوا وافطروا وقالت : الحين ليش اجي وانا في اجازة ؟
كاسر : لأنهم طلبوا مرافقة لي وعطوني الضوء الاخضر اختار ولو م تجين بيحطون ي ريم ولا سعيدة
وعد ابتسمت وقالت : ييوووه يقدمي صدق ويكرهي للطاري خلاص بجي
كاسر ابتسم وقال : تعجبني اللي تغار ع رجلها تعجبني !
وعد : منجدك وكيف م اغار ع كاسر الوعد
كاسر : يعساني م اكسرها يالله
وعد ابتسمت وقالت : اميين يارب
كاسر : طيب اسمعي اليوم بعد الغداء تكونين جاهزة تمام ؟
وعد : ابشر
كاسر اخذ اخر لقمة وقام وباس راسها وقال : وداعتتس الرعد ونفستس
وعد : الله يحفظك
طلع كاسر وسكر الباب وراه بالمفتاح ودخلت وعد لولدها اللي كان نايم بهدوء وكان ماخذ شوي من ملامح عمه الرعد وشوي من ملامح ابوه والكثير من ملامحها ابتسمت وانسدحت جنبه ورجعت وعد تنام ...
" الساعة ١٠ في بيوت اهل قاضي "
الكل كانوا موجودين والكل مستنفر للعزيمة والكل طالع وراجع ورايح وجايب وشغلات كثيير قاعدة تصير لكن كلهم كانوا يجرون ع قدم وساق
ام محمد بجدية وهي صارت عمود البيت بعد وفاة زوجها وابو البيت كله قاضي قالت : لا اشوف شيء ناقص نبي كل شيء ع اتم وجه لأن اللي بيجون اهل صالح كلهم
ابو رعد : ابشري يجنتي يالله يعيال يالله
فزوا العيال والكل صاروا يشتغلون ويجهزون
لين بصوت عالي : فييه احد ؟
رعد تقدم وقال : هلا ليونه ؟
لين مدت القهاوي له واخذها رعد وطلع فيها للمجلس ورتبها وشوي وجاء سامي من وراه بالبراريد ونزلها والقدوع وكل شيء كان ع اتم وجه فعلاً
رعد : فااارس
فارس دخل وقال : يقلب الفارس
رعد ابتسم وقال : اسمعني تروح لحنين وتعطيك العودة حقتي عشان نبخر المجلس بها
فارس : ع خشمي
رعد : يالله تكفى
مشى فارس يركض وصدم بمحمد اللي داخل وقال : معلييش حمود
محمد : شدعوة م بيننا
دخل محمد وقال : وين حمد يعيال ؟
ذياب : برا عند سيارته
محمد : طيب وش قال هادي بيجي ؟
رعد قطب وهو يضبط شماغه وقال : غصب عنه بيجي !
محمد : يخي احس م يدري عن شيء وخوفي انه سافر ولا شيء لأنه م جاء للعشاء امس
رعد : لا عادي اصلاً محد جاء الا اهل سعود
محمد حك لحيته وقال : تهقاها كذا ؟
رعد : ان شاءالله عاد م نتجحفل عشان م يصير دق وجيهه
محمد ابتسم وقال : وش بتضربه ؟
رعد ضحك بسخرية وقال : بذبحه تستهبل انت !
محمد : حييي عييينك !!
كاسر دخل من وراهم وقال : اي والله ينووم عيني يالرعد
رعد : عياااال يقطع شكلكم ماني ناقص اشووش مع ذا الصباح !
كاسر : شخباركم ؟
الكل : بخييير
فارس قاطعهم وهو داخل ويقول : رعد ذا ؟
رعد : ايه ايه هاته ينووم عيني يالفارس
محمد توسعت عيونه وقال : ماشاءالله ع قلة الادب !
رعد تقدم وباس راس محمد وقال : انت فوووقهم كلهم يعضيد الهيام
محمد ابتسم وباسوا خشوم بعض " سلام الرجال " وقال : تبشر الهيام بعضيدها ويبشر رعد الهيام بولد عمه
رعد : يعسااااني م انحرم منكم جمييع
الكل : اميييين
ذياب : عيال وين التمر ؟
رعد : داخل اكيد تروح تجيبه ؟
ذياب ابتسم وقال : الان
طلع ذياب لقسم الحريم يجيب التمر من عندهم ...
" عند الحريم "
هيام بتعب : اف اخيييرًا خلصنا !!
حنين : اي والله تعبت
سلمى حاوطتهم وقالت : يحبيبي انتي وهي يثلاثي قلبي والله
هيام حاوطتهم وقالت : يضحك يصغري بينكم
حنين : اييه تهبلييييين يهيام الرعد
سلمى ابتسمت وقالت : يالله يالله خلونا نخلص الباقي
هيام زفرت بتعب وقالت : يراسي وش باقي ؟
سلمى : مدري نشييك يعني
حنين ابتسمت وقالت : يالله اجل
توزعوا في ارجاء البيت يجهزون ويشيكون عليه وكان بيت الجد قاضي في اتم الاستعداد لمواجهة اهل صالح بمنظر يليق في عايلة قاضي كاملة ...
" فالدور الثاني "
وعد : لييين امشي وشيلي الكرتون معي
العنود زفرت بملل وقالت : اف تعالي اساعدتس انا لين م منها فايدة !
لين ضحكت وقالت : خيير ؟ اشتغل انا وبيان انقلعوا
بيان : ولين الذيب صادقة !
العنود : تعالي يالوعد تعالي
شالوا العنود ووعد الكرتون وقالت وعد بحذر : عنودي انتبهي لخطواتتس ع الدرج عاد انتي حامل وليتتس م جيتي
العنود ابتسمت وقالت : لا معليتس اجل اخليتس وانتي نفاس ؟
مشوا ووصلوا نص الدرج وجات جميلة تركض وضربت في العنود وطاحت ع الدرج وسقطت درجة درجة حتى وصلت للأرض وصرخت بأعلى صوتها ووعد شهقت اول م شافتها واول م طاح الكرتون ع رجولها وطاحت وعد عند جميلة اللي مثّلت دور المسكينة وطلعت دموع التماسيح وقالت : وعد وعد اسفه وربي م شفتكمم
وعد كانت مصدومة ودموعها اخذت مجراها وم كانت قادرة تنطق بكلمة وحدة
العنود بصراخ اول م شافت الدم طلع منها قالت : سلللمىىى تكفييييينن يسلللوومتتي !!
سلمى جات تركض وقالت : عنوودي وشفيتتس !!!
العنود ببكى : جميلة طيحتني وشكلي سقطت شكل ولدي راح اه يسلمى اااه
سلمى انصعقت من اسم جميلة ولفت بعينها لجميلة وقالت بصراخ : يببننت الككلبب وشش سوييتتيي فييهاا ليييه تسووييين كذذااا بزوجة اخووتس !! ليييه شووفيي وربيي اللي خلقننيي انه لا يصير شيء بولد العنود وسالم ان محد يفكتس منيي
حنين كانت مفجوعة وماسكه سلمى بصعوبة وقالت : خلاص يسلمى ان شاءالله بسيطة
سلمى فكت يدها وطارت لجميلة ناويتها ضرب لكن استوقفتها يد هيام من وراها وقالت بصراخ : خلااااص يسلومتي خلااص !
جميلة بصراخ وبكى : والله م كنت متعمدة
صالحة جات من وراها وحضنتها وقالت : خلاص حصل خير
سلمى بحدة : ايييشش حصل خييير وربيي لا اوريييكم نجوم اللييلل بالظهر وربي لا اسرررف فيييكمم !!!!
صالحة بحدة : نعم انتي ؟ نعمم تستهبلين صح البنت م سوتها عامدة
سلمى : لا انا عارفتكم لكن هييينن
نزلت سلمى لأختها ولحنين والبنات والامهات اللي تجمعوا ع العنود وابتسمت جميلة من ورا سلمى لكن من سوء حظها ان هيام شافتها وقربت بكل قوتها وصفقت وجهه جميلة وقالت : يحقيييرررة شلووون فكرتتي كذااا شللووون تحرميين ام من ولدها وشلوون تذبحييين جنييينن شللوونن كييف وصلت فيتس الدناءة تسوويين كذا وتضحكييينن بكل قررف !!!!
ام سلطان بحدة : يجعلها كسر يتلى كسر يالحقيرة !!!
هيام لفت لعمتها وقالت : انتي صاحيية ؟
ام سلطان : اكلتوا بناتي بقشورهم !!!
هيام : سلمى اعطيتس الضوء الاخضر شفت القبيحة تبتسم اول م صديتي منها
لين انفجرت تضحك وقالت : حبييييتت القبييحة وربي تحسب لتس
سلمى مشت علطول راجعة لجميلة بس وقفتها خالتها وهي تقول : تخسييين تلمسينها !
سلمى بصراخ : انتتيي ووش قاااعدة تقولييين تبييين اضربتتس بداللها !!
ام ضاري بحدة : سلمى وجعااه خالتتس يوسخة !
سلمى : يميمتي اتمنى تركزين شوي وتشوفين بنتتس !
لين نزلت وقالت : العنود م سقطت لا تخافون
سلمى لفت لها وقالت : وانتي وشلووون حكمتتي اهه يبناتتت فكووني عليييهاا تضضصضحكك !!!
جميلة ضحكت وقالت بكل وقاحة : قهرر حسافة دموعي اخرتها م سقطت !
سلمى صارت تصارخ وصوتها راح والكل كانوا يحاولون يوقفونها لكن م قدروا !
منصور دخل بسرعة وشافها بينهم وقال بصوته الرجولي : يووولدد وخررووا منها
الكل بعدوا ودخلوا داخل وطلعوا جميلة ووعد وصالحة للدور الثاني وتقدم منصور ومسك سلمى وقال : سلومتي علامتس !
سلمى بكت علطول وقالت : اااه حرقوا دمي ع اختي طيحوها وهي حامل اااه
منصور حضنها وقال : بسم الله عليتس الرحمن الرحيم معلييه ان شاءالله انها بخييير
سلمى : مقدرر وربي مقدر ويين سالم ؟
منصور قطب وقال : نعم ؟ وشتبين بالرجال !
سلمى : ادعيه لزوجته !
منصور : ادخلي بناديه انا
سلمى : اعجل طيب
منصور باس راسها وقال : ادخلي وارتاحي
سلمى : طيب يالله تكفى
طلع منصور ودخلت سلمى عند العنود اللي كانت تبكي ومنهارة ولين مروقة وتغني وتقول : هييلا ي رمااانه هيلا ي رماانه عنودتنا زعلااانه
العنود ضحكت وقالت : كيف عرفتي اني م سقطت والدم ؟
لين تحولت ملامحها لجدية وقالت : لو سقطتي كان متي الم وشوفيتس م تتألمين والدم من رجلتس لأنتس طحتي ع اخر درج وكانت بشرى كاسرة بيالة هناك
بشرى شهقت وقالت : وربي نسيييتت منها !!
العنود غطت وجهها بيدينها وقالت : ياااارب لك الحمد
لين : بس مع ذلك روحي اكشفي
سلمى : ايه سالم برا
قامت العنود وخواتها حولها وساعدوها تطلع له وطلعت وسكروا الباب وراهم
سالم برعب حاوطها بيدينه وقال : علامتس يالروح ؟
العنود ابتسمت وقالت : طحت و..
قاطعها سالم وهو يقول بحدة : من اللي طيحتس !!
العنود بخوف : جميلة
وخرها سالم ودخل بكل عصبية وقال بصوته الرجولي : جمميييلللة !!
جميلة كانت تخاف من سالم عكس صالحة ارتعدت اول م سمعته وطلعت علطول وقالت : هلا ؟
انصدمت من الكف اللي جاها من سالم ولف اصابعه حول رقبتها وشّد عليها وقال : وربي اللي رفع سبع ونزل سبع اذا عاد قربتي من العنود اني لا اذبحتس سامعة !!؟
جميلة برعب : طييب ابششرر
تركها سالم وصد بس استوقفه صوت صالحة من وراه وهي تقول : زي م ذبحت سلطان اخونا ؟
ام محمد بحدة : ومررض يمرضتس ياللي م تستحين سالم نجى من الموت اثر الحادث اللي صار له هو سلطان لا يكوون للحين يتهمونك يولدي ؟
سالم مسح شنبه وقال بصوت مهزوز : ابشرتس انهم للحين يتهموني عشاني اللي كنت اسوق حتى امي تتهمني وابوي م يناظر بوجهي حتى
ام محمد توسعت عيونها وتقدمت ومسكت كتف بنتها لمياء وقالت : انتتي م تحمدييين ربتس وتقوليين حمدلله انه رجع لي ولدي من الموت وراح واحد ورحمة الله عليه لكن لا قمتي تتهمين الضعيف !! انتي وش انتي عملينني !
ام سلطان بكت وقالت : مدري يمه مدري وش فيني لكن م قدرت اتحمل وفاة سلطان
ام محمد بحدة : وتتهمييين سالم !!
ام سلطان لفت لولدها وتقدمت وكانت بتحضن سالم لكن استوقفتها يده وقال : تأخرتي وجدًا يمه
ام سلطان بكت علطول وطاحت لكن مسكها سالم ووقفها من جديد وقال : انتبهيي تكفيين !
ام سلطان فزت وحضنته بكل حب لأول مره بعد وفاة سلطان بأربع عشر عام !
سالم كان وجهه جامد وخالي من الملامح ونزلت دموعه بحرقة ع عمره اللي ضاع ومحد يهتم فيه وتوو دخلت عنوده لحياته وعوضته كل شيء
ام سلطان : اسفه ع كل شيء يولدي واسفه وادري ان اسفي م بيعوضك العشر سنوات اللي راحت اسفه والله لكن انا الحزن وخواتك اثروا علي نفسيًا وصرت الومك ومدري وشلون بطالع بوجهك الحيين
سالم ابتسم بكلافة ودقنه يرجف من الدموع وقال : تمونين ع رقبتي يمه والله يسامحكم ويعوضني خير
مشى وتركها وراه وطلع مع العنود للمستشفى
وعد كانت بتسكر الباب وراهم وقالت : جااااوو !!
كل بنات وحفيدات قاضي مع جدتهم وقفوا جنب بعض ودخلوا اهل صالح واعتلت التراحيب والسلام والسؤال عن الحال
ام عارف : وشحالس يأم محمد
ام محمد : والله بخيير وانتي وش وقعتس ؟ طيبه
ام عارف : والله كلى معي الدهر وشرب لكن حمدلله
ام هادي : شخباركم يبنات ووين عرساننا ؟
ام رعد ابتسمت وقالت : بخييير جعلتس بخيير وعرساننا للحين ننتظرهم والله
ام هادي : ع خيير ان شاءالله وين غدي ؟
غدي قامت لأمها وقالت : لبيه يمه ؟
ام هادي : وشفيهم احسهم متوترين ؟ صاير شيء ؟
غدي تذكرت اللي صار كله وقالت : لا ليه ؟
ام هادي : خلاص اجل اهم شيء م فيه حاجة صايرة
غدي رجعت جنب هيام وقالت : امي سألت
هيام مسحت وجهها وقالت : اف يارب حسيت انه واضح علينا طيب وش قلتي لها ؟
غدي : انكرت طبعًا
هيام مسحت ع ظهرها وقالت : اف احبتس !
غدي ضحكت وقالت : اكثر والله يهيام الرعد
وعلى طاري الرعد رعد صوته في ارجاء بيت جده وهو يقول : يووولدد طرييييق يأم الررعد يهييام الررعد تعالوا
ام رعد قامت بسرعة وهي تبتسم للحريم ومسكت يد هيام وقالت : اخ من رعد
هيام ضحكت وقالت : للحين م تعودتي ؟
ام رعد : يحلوتس يهيام الا والله تعودت ونص بعد حتى قبل ياخذتس كان كذا لازم يخرشنا
وقفوا قدامه ودخل رعد وسكر الباب وراه وقالت ام رعد : عسى خير يالرعد وش عندك ؟
رعد كان متشمر وقال : ابد والله جات الطليان وابي السكاكين عشان انحرها
ام رعد : كم طلي ؟ [ الطلي هو الخروف او التيس 👍🏻 ]
رعد : ثلاث طليان وناقه
ام رعد : ماشاءالله عساكم ع القوة يولدي
رعد باس راسها وقال : يقويتس يأم الرعد
مشت ام رعد وقالت : هيام ساعدي زوجتس بروح ادخل
هيام هزت راسها بمعنى " فهمت " وقالت : تعال معي
رعد ابتسم وسحبها وقال : وشذا الزييين ؟
هيام ابتسمت وقالت : الزييين والله انت
رعد : وبعد تمدح ! تبين تذبحيني انتي
هيام : امش بس
رعد ضحك ومشى وراها ودخل وعطته هيام العدة كاملة حقت السكاكين وقالت : يالله يحبيبي عساك ع القوة
رعد مسكها منها وقال : يسلمتس ويخليتس ربي يهيام الرعد
نزل لها وباس خدها وطلع وهيام تناظر بظهره وهي تحب شكل رعّودها من ورا ابتسمت وقالت : بسم الله عليه الله يحفظه من عين الحسود
طلع رعد وكان بيصدم بشوق لكن وقف علطول وقال : هلا ببنتنا ومبروك الزواج منتس العيال ومنه المال
شوق انخرشت وقالت : رعد خرشتني الله يصلحك !!
رعد ابتسم وقال : العذر والسموحة
شوق : الله يبارك فيييك يالرعد ومعليه معذور م صار شيء
وخرت شوق وطلع رعد ودخلت وعلطول زغرطت هيام وقاموا الحريم يزغرطون ويباركون ويسلمون ويهدون شوق وهي ترد عليهم بأبتسامة وخلصوا وجلسوا كلهم
عهود : كييييف ؟
شوق بحزن : لا تسأليييين يعهود
عهود : شلون يعني اختتس انا !
وعد قربت وقالت : انطقي !
شوق : مستحيل الحين بعدين اقولكم !!
عهود ضحكت وقالت : تخيلي انخطبت
شوق : اييششش !!
وعد : وبيان بعد
شوق بصدمة واضحة ع ملامحها  : لااا عااااد
وعد ضحكت وقالت : وربي
شوق عدلت جلستها وقالت : مين بمين بسرعة
عهود : انا بولد عم زوجتس سعود
شوق فزت وقالت بصوت عالي : يييسسسس لايييقييين الف !!
الكل لفوا لها وقالت سلمى بهدوء : تجلسسين ولا كييف فشلتينا !
شوق ابتسمت بفشلة وجلست وقالت بهمس : ايييه وبيااان ؟ يااارب سااامي
وعد وعهود بوقت واحد قالوا : ذياااب
شوق ضربت الكنب جنبها وقالت : يقهري ع ساميي !
وعد : معليش صح اننا خواته لكن هي وذياب التناسق ملييييون
عهود حطت يدها ورا راس شوق و ع كتف وعد بالجهة الثانية وقالت : ووعد صادقة !
شوق : اجل ع البركة يراسي وشذا اللي صار
وعد : شاشوا عيالنا بعد الزواج حقتس
شوق : منجد !
لين قامت وقالت بأبتسامة عذبة : عايلتي الحلوة والكبيرة جدًا جبت لكم خبر جميييل جدًا بنتكم الجميلة جدًا لين وولدكم الاخاذ ذيب بيجيهم مولود حلو بعد ٨ اشهر !
الكل فزوا بصدمة وصاروا يباركون بكل فرحة
ام رعد وام ضاري حضنوا بعضهم وقالوا بصوت واحد : الحمدلله يارب
هيام حضنت لين وقالت : من متى ياوسخة ! قلتي ٨ اشهر يعني كملتي شهر
لين ضحكت وقالت : ايه
سلمى : شف الملعونه !
لين : استغفري !!
سلمى استغفرت وجات حنين من وراها وحضنت لين بكل قوتها وقالت : بنتي بتجيب مولود !!
لين حاوطت اختها وقالت : والله وكبرنا يحنيني وبتتحقق العابنا واحنا صغار
حنين ضحكت وقالت : ايييه
هيام : ماشاءالله كلنا فالهوا سوا اجل يلين
حنين ولين لفوا لهيام وقالوا : كيف يعني ؟
هيام : اظن والله اعلم اني حامل
حنين توسعت عيونها وقالت : حششى وش عنده رعد ؟!!
لين بصدمة : اسألتس بالله !!!
هيام بهمس : اص انتي وياها مدري !
سلمى بحب : يعني بيصير عن ايهم اخ او اخت الله يهياام الرعد اجمملل عاييلة
لين بحب : مررره
هيام : الله يجيب الخييير عاد بخاطري بنوته
سلمى : لين معتس جهاز تحليل ؟
لين : مدري اظن
هيام : تم اجل نحلل
لين مسكت يد هيام وطلعوا للدور الثاني وحللت هيام وجلست تنتظر وتنتظر وشهقت ونزلت دموعها اول م شافت خطين لكن الثاني خفيف ومعنى الخطين " حامل " طلعت وقالت : لييني شوفيي
لين سحبته وقالت بحب : حمدلله حااامل لكن مببكرر مرره عشان كذا الخط الثاني مو واضح ويحتاج تروحين مع رعد للمستشفى
هيام ابتسمت وهي فكرت بردة فعل رعد وقالت : ان شاءالله
نزلوا وقعدوا مع الحريم ...
" عند الرجال "
الكل وقف لهادي وسلموا عليه وباركوا له وكان يرد عليهم بكلافة وخلص وجلس بهدوء وقال : وشحالكم جميع ؟
الكل : بخيير ، طيبين ، نحمد الله ..
رعد : انت وشحالك واضح التعب عليك
هادي ابتسم وقال : والله يالرعد مشيت امس الظهر للبيت واخذت اغراضي ونزلنا في مطعم الساعة ٦ المغرب وطلبت اكل واكلنا وطلعنا للطيارة وعلطول سييدة للشرقية واول م وصلت جلست ساعتين ونص ادور الفندق واول م حصلناه ودخلنا دق علي حمد وقالي انه يتوجب علي احضر وانتوا والله غاليين علي عشان كذا رجعت وهذا سبب في تعبي
رعد ابتسم وقال : مالك لزوم فالعجلة كان ارتحت فالرياض وبعدها قررتوا معلينا مبروك والله والحمدلله ع سلامتكم
هادي وهو يترشف من قهوته قال : الله يسلمك يالرعد
طارق : هادي امش شوي
قام هادي وطلع مع طارق وقال : هلا ؟
طارق لف يمين يسار وم شاف احد وقال بحدة وهو يهمس : تركت طباعك ؟
هادي ابتسم وقال : حمدلله بدييينا
طارق : ويمين بالله لا تطيح بين يدين ذاك اخوها حمد مدري شو اسمه لا يشووه وجهك !
ذياب من وراهم : وليه وش سووا ؟
طارق لف وانصعق اول م شاف ذياب وقال : ذيااااب !!
ذياب ابتسم وقال : طويييرق
طارق ابتسم وقال : يجعلهاا ترحبب ملاييينن
ذياب تقدم وسلموا ع بعض وصاروا يسألون ع احوال بعض
طارق : والله شوف احس بعد فعلتنا بهيام م كنت اتوقع ابدًا اني اشوفك
ذياب جلس بتعب وقال : لا تذكرني
طارق : لكن الواضح ان هيام غيرت من شخصية رعد
ذياب توسعت عيونه وقال : وش غيرتها نسينا رعد القديم ولا مستحييييل يسامحنا وانا عارف انها باقي بخاطره لكن م نقدر نقوله شيء
طارق : اظن انه م يدري عنك انت
ذياب : اتمنى
طارق : ندخل ؟
ذياب ابتسم ومسك يد طارق ودخلوا كلهم ولف ذياب ع صوت بيان وهي تقول : ولد ذيااب
ذياب كح عشان طارق م يسمع صوتها وقال : ادخل وجاييك
طارق دخل علطول ومشى ذياب ودخل وسكرت بيان الباب وراه وقالت : ذياب تكفى
ذياب ابتسم وقرب وباس راسها بقوة وحضنها وقال : يالبييييه انت كييف نسيت انتس حلاللي ؟
بيان ضحكت برعب وعجزت تحاوطه وقالت : يمه طلعت عريض وطويل
ذياب بعد منها وقال : رجااال حفيد رجااال
بيان : ونععمم والله لكن بشوف رجولتك اذا حققت اللي ابيه
ذياب : تم واعتبريه عندتس
بيان : نسوي زواج
ذياب ابتسم وقال : كيف ؟ ومتى
بيان : عادي يمدي نخلص في اربع ايام
ذياب : تم والله انه تم
بيان ضحكت وقالت : فخرري وربي
ذياب ابتسم وقال : شيء ثاني
بيان : سلامتك
ذياب : الله يسلمتس يالله بطلع اقولهم
بيان بحماس : يالله
طلع ذياب وسكرت بيان الباب وراه ودخلت وقالت : بناااات زواجي بعد اربع اياااام
هيام شرقت وسلمى شهقت وصار تضرب ظهرها وقالت : صحة صحة بتذبحيينا انتي وش اربع ايام !!
بيان : وش خير البر عاجلة
بشرى تكت ع وعد وقالت بخبث : خوفي انتس مستعجلة عشان البر الزييين
طاحوا البنات يضحكون عليها وم صابهم بالمقتل الا رد بيان وهي تقول : واااضح من مستعججل اللي حملت بعد زواجها علطول
بشرى توسعت عيونها وقالت : اقلها جبت لكم اجمل لميس بالعالم !
عهود ولميس بحضنها قالت : وهي صادقة تحسب لها والله
بشرى : جوووي عهود
بيان : المهم تجهزوا نبي نسوي اكبر وافخم واخر زواج
عهود : شرايتس اسوي عرسي معتس ؟
بيان بفرحة : تتتتممم يبنتت الخااالة
عهود بربكة : بس لازم اكلم سعود لأني بروح معه اليوم
وعد عدلت جلستها وبعدت بشرى من عليها وقالت : والله عهود بتروحين اليوم ؟
عهود : للأسف بروح معهم اصلاً وانا معرف حتى خواته الله ياخذني وقعت بدون م احسب مليون حساااب !
هيام : معلييه خيير ان شاءالله كلنا بدينا بداية زفت وشوفي وين وصلنا ؟
حنين بحب : والله وهيامنا صادقة
هيام بحدة : لحظة حبيبي هيام الرعد لحاله وش ابي فيكم ؟
سلمى مدت يدها وقبصت هيام وقالت : ايييه يحقييرة م تجحدييينا !
هيام بألم : ااااه فكوووني علييييها !!!!
ام سعود قاطعت حديث البنات وقالت : وين عهود
عهود قامت وقالت : انا عهود من انتي ؟
غدي ضربت راسها بخفه وقالت : خالتي فوز هذي ام سعود يعهود
عهود انصعقت وقالت بفشلة : ههه يهلا والله يخالة
ام سعود ابتسمت وقالت : هلا فيس يأمي وبسم الله عليس وعليكم كلكم فيكم من الزييين اللي يعور القلب
الكل : معليييتس زود ، م تقصرييين ، م فييكم قصورر
عهود : امريني يخالتي ؟
ام سعود : والله جيت اتعرف عليس زييين
وسحبت من وراها ٨ بنات وقالت بضحكة : هذول خوات سعود
البنات وقفوا بصدمة وقالوا : ماشاءالله !!!!
*تعريف بسيط*
ابو سعود ( همام )
رجل ماسك بيته وبناته وم ملك من الدنيا كلها الا ولد واحد بين ثمان بنات لكن كلهم كانوا بعيونه ويحبهم حب جمًا
ام سعود ( فوز )
كانت تحب سعود بد بناتها كلهم وتغلييه جدًا وتمنت يجي اليوم اللي يتزوج فيه سعود وفعلاً جاء هاليوم وكانت اسعد ايام حياتها وبالجهة الثانية م كانت مقصصرة مع بناتها بالعكس تحبهم جدًا
سعود ( البكر )
اول عيال ام سعود وابو سعود سعود كان عقيد طيار فالطيران العسكري ويحب اهله وخواته ولا يرضى عليهم عمره " ٢٨ "
خواته الثمانية :
سديم " ٢٦ "
تسنيم " ٢٣ "
ياسمين " ٢٢ "
سمر وقمر " ٢٠ "
مادلين " ١٨ "
قمراء " ١٦ "
ثمراء " ١٥ "
-
عرفتهم ام سعود ع عهود اللي ضحكت وهي تتعرف عليهم وقالت : والله يخالة الله يعظم اجري بضيع بينهم
ام سعود ضحكت وقالت : والله وانتي الصادقة يبنتي لكن قدس التاسعة فيهم
قالتها ام سعود بمعنى ان عهود احد بناتها وارتاحت عهود وبقوة لها وقربت وحضنتها وقالت : عساني عند الهقوة يخالتي فوز
ام سعود : وعسى ولدي عند الهقوة وعسانا عند حسن ظنتس
عهود : حاشا وكلا عند الظن وزود ان شاءالله
جلست عهود وجلسوا خوات سعود جنبها وابتسمت وقالت : خلاص بكنسلكم ذول بناتي
سديم ابتسمت وقالت : الظاهر انس بنتي انتي
عهود : ليه كم عمرتس
سديم ابتسمت وقالت : شوي واخلص ستة وعشرين
عهود : ماشاءالله انا اربعة وعشرين
تسنيم ابتسمت : اكبر مني بسنة
عهود : يووونسس وربي
ضحكوا كلهم وبدت السوالف والقهوة تدور عليهم..
" عند الرجال "
رعد قام وطلع بعد م سلم ع الكل واشر لفارس ومحمد وضاري يلحقونه وقاموا كلهم وطلعوا فالحوش
رعد بجدية : اسمعوا ثلاث طليان علينا انا ومحمد وضاري وفارس ناد كاسر وذيب يشيلون الصحون معك
فارس : ابشر بعزك يالرعد
ابو رعد من وراهم قال : فارس تعال معي
فارس فز لعمه وقال : لبيه امرني يعمي
ابو رعد ابتسم بضيق وباس راس فارس اللي فز وباس راس عمه وقال : يعمي لاتخوفني فيك شيء ؟
ابو رعد سحب فارس معه ودخلوا المقلط وسكر الباب وراه وقال بحزن : فروس وصلت ٣٠ ؟
فارس ضحك وقال : لا يعمي باقي باقي
ابو رعد : بعلمك بشيء بس لا تبدأ تلوم نفسك
فارس : ابشر
ابو رعد مسك كتوف فارس وقال : ابوك الله يرحمه توفى..
فارس : حادث ؟ ادري طيب
ابو رعد : حادث غرق يفارس وهو ينقذك
فارس انصعق وقال : هاه ؟
ابو رعد ابتسم بضيق وباس راس فارس وحضنه له وقال : تكفى يالفارس سامحنا م علمناك عشان خطر صحتك والربو م جاك الا بعد الغرق
فارس : ابوي..ابويي !! مات بسببي
ابو رعد بحدة : لا يالفااارس لا !
فارس صار يتنفس بصعوبة ويشاهق ودموعه تطيح بسرعة ويحس بحرقة بقلبه صار يشاهق ويبكي وابو رعد يبكي معه ويحضنه وقال : فروسي خلاص يروح عمك
فارس بصراخ ضرب صدره وقال : اااااه يعمي اااه صدررري يحرقنننيي ابوووي ابوووي انا مااات بسببي ليييه ليييه
ابو رعد بضيقة : لا يولدي حتى لو م صار وربي كاتب بيموت لا تحط هالشيء ع عاتقك !
فارس ارتخى بين يدين عمه مغشي عليه
ابو رعد بحدة وبصوت عالي : ياللررععد
رعد كان يحد سكينه وتركها وفز لأبوه يركض ودخل المقلط وقال : لبييه .. وش العللمم !!
ابو رعد : جب علاجه بسسسرعة
رعد فز داخل البيت وقال : حنيييينن !
حنين ركضت بعلاج فارس وهي حست ان فيه شيء وقالت : لبييه ؟
رعد : هااتي علاج فارس
مدت يدها وقالت : بجي بجي
رعد سحبها معه ودخلت وشافت ابوها مع فارس وعلطول ركضت له وحطت علاجه بين شفايفه وضغطت وتنفس فارس وكح بكل قوته وحضنته حنين وهي تقول : بسم الله علييك يحبيبي بسم الله علييك
ابو رعد قام وقال : فارس يولدي حرام اللي تسويه بنفسك !
فارس استوعب اللي صار وقال : لا اله الا الله !!
رعد بحدة : وش العلم يبه !
ابو رعد : بيعلمك فارس
طلع ابو رعد وحاوط فارس حنين وقال : ااه يحنيني
حنين ابتسمت بحزن وقالت : بسم الله علييك من الاه يحبيب حنين
كانت ذي ثاني مره لرعد يشوف فيها حنية حنين ع فارسها ابتسم وقال : خيير ان شاءالله خيير
فارس : رعد ابوي مات وهو ينقذني !
حنين توسعت عيونها وقالت : ايشش ؟؟
رعد : هاااه ؟
فارس مسح خشمه ودموعه وقال : الربو اللي فيني سببه غرقت وابوي اسعفني وانقذني وغرق هو ومات
حنين شّدت ع فارسها وقالت : مو بسببك كل والد بيسوي كذا وليما بعيد الشر عنها يصير فيها كذا بترمي روحك لها خلاص يحبيبي
فارس حس ان حنين فعلاً تساعده ابتسم وقال : وانتي لو احطتس ع الجرح اشهد انه يبرى !
رعد ابتسم وقال : عاد ذي الحنين ! واشهد لك فيها
قام فارس ودخل الحمامات حقت الرجال ودخلت حنين بعد م استأمنت فارسها عند اخوها الرعد وعطاها الوعد ومشى رعد للمجلس بعد م خلصوا وماهي الا ساعة ونص وتجمعوا كلهم ع صحن واحد من صحن للرجال وصحن للعيال وصحن للحريم وصحن للبنات تغدوا وخلص الغداء
سعود : يالله نستأذن وبنأخذ بنتكم معنا
حمد ابتسم وقال : اجل لا نوصيكم ع عهودنا
سعود اشر بأصبعه ع خشمه وقال : ع ذا الخشم يحميد
رعد ابتسم وقال : اجل انسحب انا وراي دوام
منصور : والله وانا
طلعوا كلهم وطلعت عهود مع خوات وام سعود وابتسم سعود وهو ميزها بينهم وتقدم ومسك يدها وباسها بكل حب تحب صدمة عهود اللي ابتسمت بخجل وقالت : الله يسلمك يسعود
سعود ابتسم وقال : يزيييين اسمي يمه منها
ام سعود ضحكت وقالت : الله يخليها لك بنت حلال والله
عهود : م عليتس زود يخالتي
سعود ضاع فاللهجة وقال : اااخ اللهجة ارفقي بي يعهودي
عهود ضحكت بفشلة وقالت : يمه مدري وش ارد عليك
سعود : تعالي نروح بيتنا وبعدها اتعرف عليس شخصيًا
عهود : تمام
مشى سعود فيها وركبوا وراحوا كل الضيوف من بيوت اهل قاضي وم بقى الا بنات قاضي وحفيداته واحفاده ...
::::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( ارحبوا يحباااااني رجعنا ببارت جديد ويكون البارت قبل الاخير 😔😔 ، البارت طويييييل جدًا وملييياان احداث حلوووه وحزيينه من ناحية فارسنا 😢 ، استمتعوا فيه وعطوني رايكم بكل شيء بحكم انه اخر بارت فيه احداث كثير اشوفكم ع خير ببارتنا السبعين والاخير 🤍🤍 ! )